السلام عليكم من كنـدا - 2 - نتعاون لنفهم الدنيا أكثر .. و أكثر

[Hamidoo]

ياريت ياجماعة لوحد عنده معلومات عن قانون الهجرة الجديد يقول لنا وماهى اهم التعديلات

وشكرا مقدما

:th:  :th:  :th:

[Khiber]

ياريت ياجماعة لوحد عنده معلومات عن قانون الهجرة الجديد يقول لنا وماهى اهم التعديلات

وشكرا مقدما

:th:  :th:  :th:

http://www.ahram.org.eg/arab/ahram/2002/10...0/28/FRON18.HTM

ياريت ياجماعه حد يدلنا على الموضع الهجره إلى كندا ماهى الشروط وكيف ومتى نبدأ

[ashraf1000]

على فكره واحد عايش ف كلجارى كندا بىدور على شغل لو حد يقدر يساعده

[freefreer]

السبت الماضى .. 16 نوفمبر .. من الصباح الباكر بدأت علامات هبوط الثلج .. عبارة عن ندى مجمد .. و بعد الظهر و قرب المغرب .. بدأ الهطول الفعلى للثلج .. و أستمر طول الليل للصباح الباكر .. و تكونت طبقة جليدية بسمك حوالى 10 سم .. و قلنا اااااه .. بدأ الثلج .. و خشينا من انتقام الثلج حيث ان السنة الماضية لم يهطل الثلج تقريبا ..

المهم ربنا ستر .. و كانت الأيام التالية .. اخف وطأة بل أن ما سقط من ثلج قد ذاب فى غالبيته العظمى ..

و يلاحظ .. ن البرد يشتد بقوة قبل سقوط الثلج حتى يصل الى ذروته بالسقوط الفعلى للثلج .. الغريب جدا .. أنه ما أن يبدأ الثلج فى السقوط .. الا و يبدأ الجو فى الدفئ ..

انتهى ..

[Elham]

يا جماعه اللى عاوز معلومات عن الهجره لكندا اللنك دى فيها كل المعلومات:

http://www.cic.gc.ca/english/index.html

[Horus]

السلام عليكم و رحمه الله

الاخوه الاعزاء.. الاخ العزيز فرى

رمضان كريم و كل عام و انتم بخير

عاوز اشكركم جميعا على كم المشاركات الهامه و الممتعه ايضا

انا متابع المناقشات فى الموقع هنا بصفه شبه يوميه و ان كنت لا اشارك الا نادرا و ده عشان مشكله العربى و الكى بورد لكن الحمد لله اتحلت خلاص

و من هنا و رايح معاكم على طول انشاء الله

ليه ماحدش بيرد على الاستفسارات عن موضوع الهجره و القوانين الجديده.. يا ترى ايه المانع؟؟

و السلام عليكم

[Elham]

ما انا رديت اهو يا اخ حورس و جبت اللنك اللى توصل للصفحه الرسميه للحكومه الكنديه.

[وسام]

النهاردة استلمت الكارت الجديد للمقمين الدائمين بصراحة مسخرة

كارت اخر فخامة صورتى مطبوعة ب3 طرق و كل البيانات موجودة على وش و ظهر الكارت و نظام حماية من التزوير غير عادى

عمار يا كندا :D

[freefreer]

عزيزى حورس .. كل سنة و معاليكم بالف خير و عافية .. الحقيقة ان احنا بمجرد وصولنا لكندا .. بدأ اهتمامنا بقوانين الهجرة يقل :) و لما العذر فى ذلك .. رجاء ملاحظة ان كل شيئ ستجدة على النت و فى الوصلة المقدمة من الأخت الفاضلة الهام ..

بقى أن أقول أن الثلج الذى كان قد هبط .. قد ذاب .. :) :inlove:

و مبروك للأخ وسام على الكارت الجديد .. انت مقيم فين و بتعمل ايه ؟

و هذا السؤال موجه لكل من يشارك هنا و مقيم بكندا .. ابه رأيكم نعمل موضوع تعارف خاص بنا نحن معشر الكنديين الأحرار ..

[Spider]

و مبروك للأخ وسام على الكارت الجديد .. انت مقيم فين و بتعمل ايه ؟

و هذا السؤال موجه لكل من يشارك هنا و مقيم بكندا .. ابه رأيكم نعمل موضوع تعارف خاص بنا نحن معشر الكنديين الأحرار ..

هذه تفرقة عنصرية

:)

[Horus]

السلام عليكم

الاخ العزيز فرى

يا جماعه انا قصدت حد يرد علينا بكلمتين يعنى المفيد .. ماهو الموقع ده انا شفته زمان بس الحقيقه توهت و مش عارف ايه الكلام الجديد من القديم

فيعنى لو حد من الناس اللى دارسين الحكايه يقولنا التعديلات الجديده و ازاى هتاثر علينا احنا الناس اللى على وشك نسافر على الوطن الجديد كندا.

كمان انا عندى سؤال خاص .. انا متردد انزل على تورونتو و لا اروح بلد بيقولوا عليها هاديه و جميله . اسمها وينيبيج.

لو حد عنده فكره عن البلد دى و فرص العمل فيها و كده..

ملحوظه انا مهندس مدنى و حاليا على وشك انهى ماستر فى ال هندسه و اداره الانشاءات من جامعه نورث داكوتا.

و جزاكم الله خير .

[freefreer]

بايت فى وينبج .. و أظن أنه ممكن يفيدك .. ممكن ترسل له ايميل لأنى نادرا ما اراه فى هذا المنتدى (غضبان) ..

و أين التفرقة العنصرية يا عزيزى سبايدر .. هو انا اقدر ؟؟ عموما و للأحتياط مبروك عليك الكارت .. هاهاهاهاها :D

[freefreer]

مدرسة الأولاد ..

http://schools.tdsb.on.ca/emeryci/

[سوداني]

السلام عليكم

اولا احب ان اشكر الاخ فري فري علي فتح هذا الموضوع الذي استمتعت به غاية الاستمتاع واشكر كل الاخوة الذين شاركوا في المناقشة و اعطاء المعلومات المفيدة و القيمة , حقيقة شعرت بانني اعرف كل الاعضاء المشاركين و احوالهم وظروفهم وكان الصدق في الروايات و ابداء الرائ و النصحية مما اعطي الموضوع بعدا حقيقيا , رغم ان الموضوع لا يمسني في شئ بحيث انني مغترب لاكثر من 14 سنة في احدي الدول الاسكندنافية و احمل الجنسية منذ فترة طويلة الا ان هذه الرويات ذكرتني بتلك الفترة التي نجمع فيها المعلومات و النصائح رغم شحها و تضاربها لعدم اذهار الانترنت و سهولة المعلومة .... اخيرا اجدد الشكر لكم جميعا و اتمني لكم التوفيق في كل ما تختارونه وسوف اتابع قصص الاخوة و الاسر الذين في طريقهم الي كندا فلا يبخلوا علينا بالانطباعات الاولية و الظروف و الملابسات

تحياتي

[Nice guy]

اصدقائى وأعزائى الغاليين

وحشتونى جدا جدا يا غاليين ، انا عارف ان فى كتير زعلان منى وقد يكون فاكرنى مبسألش لكن هناك كثير من المتغيرات التى تحدث لى ولا تمكننى من التفرغ حتى لملاقاة اصدقائى بهذا المنتدى . أرجو ان تقبلوا اعتذراتى :wink:

كل سنة وانتو بخير وسعادة وعيد فطر سعيد عليكوا يا رب ومتسوش تحكولنا عت العيد فى كندا عامل ايه وياكوا وازاى بتحتفلوا بيه

بالنسبة للهجرة الى البلد التى جعلتونى مشتاق للعيش بها لملاقاة المصريين الكنديين هماك ومعرفة كيفية المعيشة هناك إلا انى أرى شيئ غريب فى كلامكم يختلف تماما عما عهده من معاشرة المصريين لبعض بالخارج وكم المشاكل التى يخلقونها لبعض بالدول العربية على عكس الدول الغربية . أعتقد أن هذا يرجع إلى الحكومات العربية وما تمارسه من إزلال لمن يعملون بدولهم . :mad: إلا انى سعيد جداً بما أراه هنا. :shock: اه نستونى

هناك ما يقلقنى بشأن بعض الإجراءات التى قمت بتنفيذها بمساعدة شركة مرموقة يعرفها صديقنا العزيز فرىفرير فلقد اعلمونى بوصول رقمى الفيدرالى وارسلوا لى الرقم بالبريد الإلكترونى لأنى قد سافرت وتركت بالبلد التى كنت أعيش بها عائدا إلى بلدى قبل ما أغرق فى تلك البلاد. ولم يرسلو البطاقة التى تحوى البيانات المتعلقة به، فهل يعلم احد كيف لى أن اتأكد من صحة الرقم ومتابعة باقى الإجراءات من بعيد للتأكد من صحة ما يقولون لى ، ما إذا كنت أرغب فى تغيير بعض المعلومات بملفى والتى قد تفيد ؟

قد يقول بعضكم ولما لا تتابع الشركة ، لقد ارسلت لهم مرارا ولم اتلق رد الى الآن لا أعلم لما وما يحدث واخشى ان يكون حدث شيئ ولا ادرى لما لم يرسلوا بالرد على تسالاتى ولا حتى بالبطاقة التى تحتوى على الرقم الفيدرالى .

هل لى أن اتابع الإجراءات بنفسى؟ :?

كيف حال الجميع ؟ كيف حال من بكندا وايه اخر اخبارهم

[freefreer]

السلام عليكم .. شكرا لأخى سودانى .. و أخى نايس جاى .. و احنا لم ننساك أبدا .. و ربنا يكون فى عون الجميع ..

بالنسبة للشركة .. اذا كنت دفعت الفلوس كاملة .. فعليهم استكمال الأجراءات .. و يمكن لك مخاطبته تليفونيا .. و اذا لاحظت اهمال ممكن تشتكيهم .. لا يوجد شيئ اخر فى يدك تجاههم ..

اما اذا كان الأتفاق لحد الرقم القومى .. فهل أخطروك به .. اذا كان نعم .. فخلاص لا تجتاج الورقة فى شيئ ..

الموضوع هو كما يلى .. انت تقدمت لكندا للهجرة .. بوكالة هذه الشركة .. كل قيمة هذه الشركة انك أوكلتها .. فيما عدا هذا تستطيع الغائها فى ثانية .. برقم قومى .. بدون رقم قومى .. مش مهم ..

طيب ماذا تستطيع ان تفعل ؟

تتقدم لسفارة كندا .. أو تراسل الهجرة الكندية على العناويين التى معك .. و تخطرهم بأن الشركة اياها لم تعد تمثلك .. و انك ستتابع الأجراءات لوحدك .. او تتفق مع مكتب فى مصر .. و هو سيؤدى هذه المهمة ..

فرضنا انك قررت تكمل لوحدك .. خلاص .. تخطرهم انك لم تستلم الرقم القومى .. فيعيدون ارساله لك .. منتهى البساطة ..

و تستكمل اجراءاتك بنفسك .. الخلاصة .. الكنديين ماعندهمشى حكاية الروتين و الذى منه .. و تستطيع ان تتعامل معهم بالطريقة التى تريحك .. عمر ما حد حيقولك لأ ..

و أى اسئلة اخرى نحن تحت الأمر و بالتوفيق ان شاء الله و كل عم و انتم بخير جميعا ..

[Horus]

السلام عليكم و رحمه الله

الاخ العزيز free

بعد التحيه

كل سنه و انت بخير و رمضان كريم

الاخ العزيز بايت

انا زميل لك فى موقع المصريين المغتربين و اسمى حورس.

ده الاسم الحركى طبعا ) اسمى الحقيقى محمد و انا جنبك فى ولايه نورث داكوتا

باعمل) ماستر فى الهندسه المدنيه.

دفعت لسفاره كندا فى مصر رسوم الاندنج و المفروض يبعتوا الفيزات خلال ايام.

بافكر انى انزل على ويينيبيج و الاستاذ فرى عمده المصريين فى كندا نصحنى

استشييرك و اخد رايك فى الحكايه دى... بما انك من ساكنى منيتوبا.

هل يا ترى ممكن اخذ من وقتك

و اسالك بعض الاستفسارات عن ظروف البلد .

و لك جزيل الشكر

و السلام عليكم

ps. i tried the e-mail but it didn't work.

[freefreer]

يا عزيزى .. فرىفرير هو نفسه freefreer

:oops:

انا نصحتك تسأل بايت .. :oops:

[Horus]

يا استاذنا الكبير فرى فرير

و هل يخفى القمر :)

انا عارف طبعا ان فرى هو free

انا باعت الطلب ده للاستاذ خالد (بايت) فعلا زى ما نصحتنى سعادتك .. الرجاء ملاحظه السطر الثالث فى الرساله

لكن برضه من الواجب الواحد يمسى على عمده المصريين فى كندا من وقت للتانى...... حبا فيك والله ( مش نفاق سياسى مثلا و لا حاجه).

و كل رمضان و انتم بخير

[Horus]

السلام عليكم و رحمه الله

الزملاء و الاصدقاء الاعزاء... ازيكم جميعا .. يا ترى ايه اللى حايشكم عن "المصريين فى كندا 2" ..

أنا لسه مخلص امتحانات الترم امبارح.. ادعولى ..

عايز اقولكم على شويه مواقف مريت بيها و أنا بانهى الأجراءات عشان الاندنج .. يا ريت تنفع حد من اللى كان بيسأل عن مشاكل التعديلات الجديده.

1- تم الغاء و رفض اى طلب لتحويل الملف من بلد الى اخر .. يعنى اللى يبدا طلب الهجرة من بلد ما ... لازم يتم باقى إجراته من نفس البلد .. ما فيش تحويل .

2- عانيت الأمرين لمحاوله فتح حساب فى كندا من امريكا و تحويل المبلغ المطلوب ..؟؟؟؟!!!! .. الظاهر الناس هنا بقت اخر قلق مننا.. البركه فى سوسو باشا.

إتضح ان الموضوع اسهل بكتير من مصر من خلال بنك نوفا سكوتشيا.

3- موضوع البقاء بره كندا 6 شهور .. مش اكتر و إلا يلغوا التأشيره !! أنا سامع انهم زودوا المده بس مش متأكد قد ايه .. هاعرف قريب قوى و هاقولكم.

4- رفض تام من اى سفاره او قنصليه كنديه يردوا على اى استفسار على التليفون.. لازم حضرتك تبعت فاكس و بعدين هم يبقوا يردوا عليك.

و اخيرا عاوز اقول ان يا ريت الناس ترجع تتجمع على سيره الوطن الجديد " كندا " و ربنا يسهل و نسعد باخبار مصر و تحسن الاحوال فيها عن قريب انشاء الله.

و سلامى لكم جميعا