السلام عليكم من كنـدا - 2 - نتعاون لنفهم الدنيا أكثر .. و أكثر

[rano]

بسم الله الرحمن الرحيم.

الأخوه الأعزاء ولاد بلدى الجدعان:

أشكر لكم مجهوداتكم جميعا ( نفر نفر ) :D  فى هذا السايت المفيد جدا فعلا, احنا اسرة مصرية صغيره على وشك الهجره لكندا ( خلاص فى انتظار الفيزا هذه الأيام) زوجى انشاء الله سيسافر خلال الشهر القادم و احنا حنحصله بعد 3-4 شهور بإذن الله انا و بناتى الأثنين  ;) ( بنات زى القمر .. عايزين زيتنا يكون فى دقيقنا بقى  ;) ..... بهزر بس والله دول لسه اطفال 5 سنين و سنتين ) المهم انا إستفدت جدا من كلامكم و خبراتكم اللى طمنت قلبى شويه طبعا الهجره قرار مصيرى و يخوف شويه ..... و سؤالى لكم هو كيف سيكون فى إمكانى مساعدة زوجى خلال الفتره الأولى الصعبه ؟ ما هى الفرص المتاحه لى فى العمل؟ أنا معى بكالوريس خدمه إجتماعيه + ديبلومه ترجمه فوريه من الجامعه الأمريكيه عملت فتره كمدرسه كيندر كارتن و كمترجمه أيضا .... أنا عارفه إن كل هذا ليس له قيمه هناك ..... فما هى الوظيفه التى يمكن أن أجدها مثلا از بارت تايمر علشان أنا عندى زى ما قلت فى الأول طفله صغيرة ؟ و ما هى الأعمال اللى ممكن أجدها و تكون بنتى الصغيره معى ( طبعا مش حخابيها تحت المكتب زى ما بيعملوا الموظفات المصريات هنا  :) ..... أقصد مكان به( داى كير سنتر).... ولا كده أنا باحلم ؟؟؟

و شكرا جزيلا  مره اخرى على مساعداتكم القيمه جدا.

[Mike]

مبروك رجوعك بالعربى ياعم دريم كده نعرف نتفاهم معاك على بلاطة و هيه دى القومية ... ;)     مش عايز ابقى فضولى بقه واسألك على الامتحانات ..قول انتى احسن بتاع ايه دى!!!  :xmas:

ما تتعبش نفسك ياخويا يا ريد .... مش ح يقولك اي حاجه غير لما تحضر معاه هو وفري حفلة راس سنة 2003!!!!!!

[freefreer]

حلوة يا مايك  ..  :inlove:

الأخت العزيزة .. رانو

مرحبا بك و بزوجك .. و ببنانيتك الغاليات .. العرسان موجودين .. فاطمئنى بالا ..  :colgate:

أظن ان اسهل عمل فى حالتك .. هو استضافة اطفال اخرين الى جوار طفلاتك .. بالنسبة للزوجات العاملات .. ازاى .. بتعلقى اعلانات على محطات الأتوبيس فى المنطقة

الطفل بكام .. مش متأكد .. بس أظن 200 - 400 فى الشهر

سوف اعطيك رقما اكثر  دقة فيما بعد

[skamel]

dear Rano : where did u decide to settle in canada ?

do u speak french ?

does your husband speakes french ? what is his education?

I think you could easily find a job with your degree, you could also work on getting an equivalency to your degree while u are working at home as a baby sitter for example.

if u need more information dont hesitate to ask

[Masrawy Abroad]

الأخت العزيزة رانو

مرحبا بكي في المنتدى

أنا أيضأ مترجم  و7 سنين خبرة في تعريب برامج الكمبيوتر ومواقع الإنترنت وخلافه

أنا بإذن الله لم أسافر لكندا للاستقرار بعد ولكن ذلك ممكن يكون في مايو. أنا عرفت أنك مترجمة وربنا يسهل أنا بستكشف الموضوع وببلور فكرة عمل الترجمة الحرة حتى لو مع شركات خارج كندا!!

عموما انشاء الله بستكشف الموضوع وأخد الصدمة الأولى وممكن أفيدك بأي شيء ممكن يظهر في الأفق يخص الترجمة

[freefreer]

وأخد الصدمة الأولى

يا رجل كن متفائلا .. ..  :)  :D  :P  :colgate:  :inlove:

[rano]

بسم الله الرحمن الرحيم:

الأخوه الأعزاء :) صباح الفل:

يسعدنى أن ابلغكم إن الحمد لله إستلمنا الفيز بتاعتنا إمبارح خلاص و كله تمام  :D

الأخ العزيز فرىفرير ألف شكر على إقتراحك و هو ممكن فى الفتره الأولى فعلا و أنا كنت كمان بفكر فى حاجات تانيه بس بعد فتره من إقامتى هناك حتى أكون تعرفت على البلد شويه أكتر, مثلا اتطوع فى المدرسه اللى بنتى حتدخلها و أكيد مدرسه حيكون فيها بيبى كلاس للأطفال و كده أكون بأعمل حاجه مفيده و فى نفس الوقت أولادى معى + أنى حأخذ الخبره الكنديه المطلوبه... أنا ممكن أعمل أى حاجه كمتطوعه ...... أصل أنا بصراحه كنت غاويه موضوع الكورسات ده فدرست فى الجامعه الأمريكيه عدة كورسات منها السكرتاريه,  أداره مكتب, حفظ ملفات, حجز تذاكر الطيران ده طبعا غير دبلومه الترجمه. يعنى ممكن أعمل أى حاجه انشاله حتى قرد... أو قرده بقى  :D

الأخ العزيز إس كامل ... ألف شكر على ردك انت كمان  :P  إحنا بإذن الله سنقيم فى تورونتو ريتشموند هيلز أو على الأقل زوجى(ماجد) عندما يصل, بعض أصدقاءنا من أيام المدرسه رتبوا لماجد مكان , أنا أعرف بعض الفرنسيه بس مش ممتازه فيه بس أنا حابتدى فيه كورسات بحيث أكون عرفت اللغة كويس الكام شهر اللى جيين دول قبل وصولى بإذن الله

زوجى و أنا نتكلم الأنجايزيه بطلاقه بس الفرنسيه مش أوى...... بنتى فى مدرسه فرنساوى لذلك  أنا أدرس اللغه الفرنسيه .....

ماجد مهندس مدنى و هو يعلم تماما انه لن يكون قادرا على العمل فى نفس مجاله كمهندس فى الفتره الأولى و هو ينوى أن يعمل فى مواقع حتى يتعرف على الهندسه المدنيه هناك حتى يكون لديه بعض الخبره عندما يعادل شهادته. طبعا ده ترتيبنا و لكن الله أعلم ماذا سيحدث عندما نصل ,الله المعين إن شاء الله.

الأخ العزيز مصراوى

:D  من قرائاتى السابقه عرفت إننا ولاد كار واحد :D  و ألف شكر على ردك على و ترحيبك  :)  بس إنشاء الله مفيش صدمه ولا حاجه ربنا معاك بإذن الله يوفقك ويوفقنا جميعا إنشاء الله بس هو الموضوع محتاج أكيد شويه تعب و كفاح فى الأول و لكن هذا ما كنا ننشده جميعا إن ربنا يوفقنا للعيش فى مكان نشعر فيه بأدميتنا و إحترامنا كبشر.

و أخيرا أنا طولت عليكم جميعا النهارده أسفه لهذا و لكن الكلام أخذنى و حبيت أرد و أشكر كل من كلف نفسه و رد على.أنا فعلا تشرفت بالتعرف بكم جميعا .

و سلامى لكم جميعا و لأسركم ختامى  :)  :)  :)

[freefreer]

ألف ألف ألف .. مبرووووك  :)  .. دى كندا حتزيد نور ..

كويس قوى ان لكم اصدقاء رتبوا موضوع السكن .. و كويس أساسا ان لكم اصدقاء .. دة كلة ممكن يفرق كثيييير قوى ..

كندا بلد الناس المتحركين و المتفتحين .. و أتوقع لكما مستقبل باهر ان شاء الله ..

و اذا بدأتم ( تتداخلون ) .. فى المجتمع الكندى من اولها .. كما ألمس من رسالتك  .. فأن شاء الله الأمور ستكون يسيرة  .. و ياريت نقرأ مداخلات من أخونا ماجد كمان ( ولا حضرتك المتحدث الرسمى !  :colgate: )

بالتوفيق ان شاء الله

[Byte]

بالنسبة للمهندس المدني فالسوق مفتوح بالنسبة له اكثر بكتير جدا من المترجم، وكما قلت فانهم يبدأون بالعمل مع المقاولين حتي يعادلوا البكالوريوس ثم يعملون كمهندسين وبمرتبات مجزية، معادلة البكالوريوس بتاخد حوالي سنة والشغل مع المقاولين مرهق للغاية {لي صديق مهندس مدني كان بيقول انه لما بيرجع الساعة 7 يبقي اسمه راجع بدري} ، ولهذا اول سنة بتكون هلاك بالنسبة لهم، لكن معرفتهم انها فتره مؤقته تجعلهم يستحملون وثمرة نجاحهم بتنسيهم التعب. تمنياتي بالتوفيق

[skamel]

Mabrouk ya rano and Maged : Rano a pice of advice ,,CREDIT, CREDIT, CREDIT.

from day one try to build a good credit in Canada , people here , need credit cards and good credit to buy a house, rent a car, or even reserve a room in a hotel.

10000 mabrouk for the visa , and choosing Ontario is a good choice , i stayed in Quebec for many years , but i work in Ontario and i come back here sometimes during the week-end.

Yala keep on touch

[rano]

الله يبارك فيك يا استاذ فرى  , ربنا يخليك  :D و ربنا يا رب يسهل لنا و يوفقنا جميعا

على فكره.. ماجد هو الذى عثر على موقعكم المتميزهذا و عرفنى عليه حتى نعرف أكثر عن البلد قبل قدومنا و لكنه فعلا مطحون و مشغول جدا جدا هذه الأيام بإنهاء بعض الأعمال الذى كان قد بدئها حتى يكون مستعدا للسفر و لكنه متابع جيد لكل جديد هنا و سوف يشارك بإذن الله قريبا.

الأستاذ بايت ألف شكر ماعندكش فكره أد أيه كلامك ده طمنا أكثر  :) بالنسبه لماجد طبعا أما أنا فزى ما قلت معى عده كورسات فى مجالات كثيره أخرى ممكن تفيد أو حتى أدرس شىء اخر دى مش مشكله بالنسبه لى الأهم طبعا هو ماج (ده على فكره اسمه على السايت هنا)  :)

الأستاذ إس كامل شكرا جزيلا على النصيحه الغاليه التى سوف نعمل بها إنشاء الله و الله يبارك فيك  :)

شىء أخير أريد قوله ..... أجمل شىء لمسته فيكم إنكم كعائله واحده ..... و ده شىء جميل جدا ..... أكثر شىء يفتقده أى شخص فى الغربه هو الأسره أو العائله و الأصدقاء و لكنكم بطريقة ما لا تجعلون الآخرون يشعرون بهذة الغربه الفظيعه كأن الشخص له عائله ثانيه و إخوات و أصدقاء  :) .....و يا ريت فعلا فى يوم من الأيام نقدر ننشىء الفكره التى طرحت سابقا و هى جمعيه إستقبال و مساعده المصريين القادمين الجدد و إذا حصل إعتبرونى أولى المتطوعات فيها لأقدم كل ما فى وسعى للمساعده .... فكما يقول المثل الغريب أعمى و لو كان بصير.  :)

و بعدين يا جماعه أين زوجاتكم العزيزات عايزين نعمل ركن هنا للسيدات , إشى طبخه جديده, إشى مشروع أو أى تعاون بيننا و أهو كله سيعود بالنفع على الجميع.... ممكن نعمل وجبات منزليه إقتصاديه للعزاب ها ها ها أى حاجه إحنا الستات برضه دماغنا كبيره  :D

و أخيرا سلامى لكم جميعا نفر نفر  :)  :)  :)  :)

[freefreer]

الأخت الفاضلة رانو .. شكرا جزيلا و تحياتنا للأخ ماجد .. و كان الله فى العون ..

و الحمد لله ان فكرة الجمعية اخذة فى الأتساع و اكتساب الأنصار .. و ان شاء الله فى يوم سيصبح الحلم حقيقة

الزوجات .. كان الله فى عونهن .. مشغولات مع الأبناء الأعزاء .. لا اكثر .. و ان شاء الله جارى اقناعهن بالمشاركة

و تقبلوا تحياتى

[Red Horse]

شكرا للاخت رانو على فتحها كثير من الأسئلة  المؤكد انها تهم كل المهاجرين الجدد وشكرا للاخوة جميعا على هذا الكم من المعلومات ...بالنسبة لاستئيجار بيت كامل كما اقترح بايت من قبل ... لااعرف ربما تكون فكرة جيدة  خاصة انه يتوافر الان  ثلاث اسر سيسافروا نفس الوقت تقريبا  ماج ومصراوى  ونحن

كده هنحتاج بيت ياعم فرى فى وسط تورنتو يكون شرح وبرح وهواه بحرى شمالى  (جاى من بحر الشمال)  :cheesy: !!

وسعادتك بقه محتاج تفكر بجدية فى موضوع الجمعية الكندية لاستقبال المهاجرين المصريين الجدد ( الهدف -الهيكل التنظيمى -التمويل -اللائحة ..............الخ

[Masrawy Abroad]

عزيزي ريد هورس

أنا جاي لوحدي ومش معايا حد دلوقتي لحد ما الاوضاع تستقر خاصة وانني لا اعرف أحد. فكل ما أحتاجه غرفة فقط وسلك تلفون او اتصال انترنت

فلو اخدتم بيت شوفولي البدروم كده ينوبكم ثواب

[freefreer]

:angry: اخى ريدهورس .. اخونا ماجد .. رتب له اصدقائة سكن فعلا .. و هو للأسف فى مكان بعيد عن تورنتو ..  :angry:

الجمعية نفكر فيها سويا .. ان شاء الله .. انا اعرف بعض الأسر الموجودة هنا  و التى تتبنى نفس الفكرة .. ربنا يسهل

[Red Horse]

عزيزى مصراوى

يعنى ايه مش عارف حد هنا ... وكل الزملاء  اللى فى المنتدى يكونوا ايه ... مش هيساعدونا؟  ... ده احنا نرفع عليهم قضية  (رد عشم)..... خلينا نروح بس الأول وبعدين يحلها الف حلال ... لن نعبر جسرا  قبل ان نصل اليه

اخى فرى ...خلاص فركش حكاية البيت ....شكلى انا اللى متورط لوحدى !....الله يسامحك يازوجتى العزيزة!!! :notify:  ???

[skamel]

I want to add my voice ,,,if you decide to establish an Egyptian organization i will be a memeber and i will help as much as i can ,,,just do it ,,let us see what we need and do it.

[skamel]

Rano: u r welcome and when are u expected to be here insha Allah?

for any of the new comers to canada ,,here is my email

skamel@rocketmail.com

if you need to know any thing or need help with some information ask me and if i can i will do my best

[Horizon]

السلام عليكم جميعا  :angry2:

فى البداية مش عارف اقولكو انى فرحان جدا انى لقيتكم  الواحد يا اخى محتاج يعرف حاجات كتير فى اقصر وقت ممكن فى البلد دى   و الحمدلله  انا عرفت حاجات كتير كنت عايز اعرفها منكو  ...الف شكر  :D   انا وصلت اخيرا لكندا بعد مشوار طويل من البهدلة مع السفارة الكندية فى مصر ....حقيقى الموظفات اللى هناك اخر قلة زوق و جليطة مش عارف ليه ... بس تستاهل التعب    

انا الان فى مونتريال و ليسا بقول يا هادى ماليش شهرين  حقيقة البلد حلوة و الناس الصفة المشتركة بينهم الادب   بس الحياة مش وردية ابدا     اول مشكلة  لقيتها فى وشى اللغة ... انا اعرف فرنساوى طشاش بس حتى دهه مش نافع لان اللهجة اللى بايتكلمو بيها هنا غير الفرنساوى اللى اخدناه فى المدارس  ...ادينى بتعلم لغة دلوقتى و بلف على الكليات عشان اعادل بكارليوس الهندسة اللى معايا   و بدور على شغل part time فى نفس الوقت  ربنا يستر و خلاص

البلد جميلة فعلا والناس بتحب تساعد      بس الجنة من غير ناس  ما تنداس زى ما بيقولو  اتمنى اننى ماكنش طولت عليكو

يوميات مهاجر جديد

[Horizon]

اههه نسيت اسآل لو فى لوبى مصريين معايا هنا فى مونتريال  موجودين هنا فى النتدى ولا انا اول واحد

انا لاحظت ان كل الاخوة الموجودين هنا بيتكلموا عن تورنتو :baaa: