السلام عليكم من كنـدا - 2 - نتعاون لنفهم الدنيا أكثر .. و أكثر

[Red Horse]

اخى حورس

مبروك انظمامك الى اسرة الفراعنة الكنادوة!!

بخصوص تساؤلاتك اعتقد انك محتاج حد من الأخوة اللى اخدوا الفيزا من مصر

هما اللى يقدروا يفيدوك اكثر ...لأنى شايف ان الاجراءات من مصر مختلفة كثير

عنها بره مصر ...بالنسبة لينا ماحتاجناش اننا نحول فلوس لكن طلبوا مننا اثبات

اننا معانا مبلغ 20000$ كندى وجبنالهم جواب من البنك  يقول ان رصيدنا بالبنك

فيه نفس المبلغ وبعتناه عن طريق البريد مع الرسوم وبعتوا لينا الفيزا بالفيديكس

بس زى ماقلتلك وضعنا مختلف عنك شوية احنا عايشين بره مصر وبالتحديد فى الرياض وقدمنا

عن طريق مكتب فى مونتريال اخد منا 1495 $  نصهم قبل والنص التانى بعد وصول التأشيرة

والحقيقة ماحسناش باى معاناة من اللى الأخوة بيحكوا عنها ..بالعكس كانت فى غاية السهولة

ماحتجناش نروح السفارة غير مرة واحدة بس علشان الانترفيو اللى كان متحدد قبليها بشهرين باليوم والساعة

وهناك لقينا واحد محترم وغاية فى الادب جاى من لندن علشانا حالتنا بس ..فضل يدردش معانا حوالى تلت ساعة وبعد ماخلص

قام معانا يوصلنا لحد الباب

وطبعا علشان انا مقدم على وظيفة فى مجال الكمبيوتر كان فيه اسئلة تحريرى عن البرمجة وتحليل النظم

رغيت كتير من غير ماافيدك بحاجة لكن الخلاصة فى راى انك ممكن تدخل لكندا من اى مكان بس يكون معاك الأوراق

ياترى هيرضوا يعطوا الأوراق لزوجتك بعد ماتعطيهم الرسوم دى لازم تسألهم هما نفسهم فيها.اذا ماحدش من الأخوةاعطاك جواب شافى

.لأنك انت الطالب الرئيسى وهما المرافقين وانت عارف مصر بقه وعبد الروتين اللى معشش هناك  

...حاجة اخيرة سيبك من حكاية كندا وامريكا زيت ودقيق !! سعادتك مهاجر لكندا ؟ حول فلوسك

على كندا ..الا اذا كان عندك خطط تانية.. ده رأى والله اعلم

[freefreer]

بسم الله ا لرحمن الرحيم..

اخوانى و حبايبي و حته من قلبي.. السلام عليكم و رحمة الله  و بركاته..

الأخ العزيز حورس .. شكرا جزيلا لكم على المشاعر الطيبة .. وربنا يديم المحبة .. يا رب ..

كويس جدا انك بتدرس ماستر فى الهندسة المدنية فى أمريكا .. لأن الأخوة حاملى الهندسة المدنية من مصر .. بيواجهوا عقبات فى يجاد عمل .. نظرا لأختلاف الطرز المعمارية .. و عدم خبرتهم فى الطرز الكندية .. و بيكون مطلوب منهم الدراسة و كدة .. فاظن انك كدة قصرت الطريق .. طريق العثور على عمل كمهندس معمارى فى كندا ..

عزيزى .. رسوم اللاندنج المفروض انها مدفوعة من الأول ! .. و هناك الكشف الطبى الذى يجب ان تؤدية انت و الأسرة .. بعدة مباشرة الفيزا ..

عموما .. ممكن المدام تؤدى هذه الخطوات طبعا .. و ممكن انت تقوم بالتحويل مباشرة .. كل الحلول مقبولة ..

الكشف الطبى .. المفروض كل العائلة تؤدية امام نفس الطبيب .. لكن حيث انك موجود فى امريكا .. فممكن انت تئدية فى امريكا و العئلة تؤديى فى مصر .. و لو اردت ان تؤدوة جميعل فى امريكا ممكن .. او جميعا فى مصر .. ممكن ايضا .. المقصود .. ان فية مرونة لديهم و تفهم لأوضاع الناس و ظروفهم ..

و كل اللى بتقولة صحيح و قابل للتنفيذ ..

المبلغ المطلوب تحويلة مقدما .. لم يطلب منى ذلك .. و سمعت عن بعض الحالات التى يطلب فيها ذلك .. عموما .. لازم حد يفتح لك حساب فى اى بنك كندى و تقوم بتحويل النقود ..  

فى موضوع الوصلات الكندية ستجد عناويين بعض البنوك .. فهناك سكوتشيا .. و سى اى بى سى .. و رويال بانك .. و كندا ترست .. كثييير ..

اسأل عن بنوك كندية لها فرع فى المكان الذى تقيم فية فى امريكا .. و شوف امكانية عمل ذلك .. من امريكا ..

شكرا جزيلا على خطابك الجميل .. و يوصل اخى ماج بسلامة الله ان شاء الله .. و شكرا على حكاية .. تسجيل الغياب  دى فعلا كانت ناقصانا .. احترس يا ردهورس .. عندك يومين غياب .. ولسة ما وصلتش كندا .. امال لما توصل بقى حتعمل ايه ؟

و شكرا لأخى رد على خطابة .. و اريد ان ازيد .. ان النفروض الأنترفيو .. تحضرة الأسرة كلها .. و حياتك انا كنت فى الكويت .. و هم فى مصر .. و رحت الأنترفيو لوحدى .. و لما سألنى عنهم .. قلت لهم رجعوا ليقيموا فى مصر لغاية الهجرة .. فوافق الرجل و لم يعنرض .. و لم تجرى اسرتى الأنترفيو ..

و بالتوفيق للجميع ..

اخوانى و حبايبي و حته من قلبي.. السلام عليكم و رحمة الله  و بركاته

[Horus]

الأخوة الاعزاء اعضاء اسرة الفراعنة,

شكرا ليكم جميعا اهتمامكم و ردودكم الجميلة.

انا فعلا عملت الكشف الطبى فى مصر انا و العائلة و كلة تمام و الحمد لله

و اللى بيدفع ف الاول كان اسمة رسوم الإجراءات و لكن زىى ما قالت الاخت رانو قبل السفرلازم ندفع مبلغ اخر فى ما يسمى ب الاندنج فيى و كمان بيقوللك على بنك فى كندا بتحول علية مبلغ من الدولارات و تجييب ليهم الوصل بعد كدة هما يدووك اللاندنج فيزا.

طبعا واضح من كلامكم ان الإجرآت دى مختلفة عن اللى بيتعمل من دولة برة مصر... ماهو يا جماعه احنا عارفيين ان المصرى  دايما ليه معامله خاصة!!!.

 ربنا يتوب علينا و يرحمنا جميعا..

سلامى ليكم جميعا

اى حد يا اخواننا عندة سؤال عن امريكا مايتكسسفش.. اخوكم برضة موجود و انشاء للة

أأقدر أساعد باى معلومة.. انا تحت أمركم.

[Horus]

السلام عليكم اخوانى الاعزاء,

ايه الحكاية من حوالى اسبوع محدش بيتكلم مع حد ...

طبعا اخبار فلسطين و اللى بيحصل فيها أكيد سادد نفسنا كلنا عن الكلام ..

الله يخرب بيته شارون و اللى مقويه علينا كمان ..

..ياخذهم جميعا اخذ عزيز مقتدر.. ربنا قادر على كل شئ ..

بس دة موش لازم يخللينا نقطع كلام مع بعضنا يا جماعه

احسن الواحد يجييله اكتئاب

مش ناقصة

اتمنى ان يكون الجميع بخير و نسمع منكم فى القريب انشاء الله,

و السلام عليكم

[freefreer]

صدقت اخى حورس .. نحن هنا بخير وسلام و لله الحمد .. و لكن الشكلة فى الأوضاع الفظيعة فى القدس المحتلة و ما حولها .. و الكلب اللى تعهد بالأنسحاب .. لسة بيبدأ فى غزة

بس دة طبعا لا يجب ان يمنعنا عن الكلام مع بعضنا البعض ..

:inlove:

[freefreer]

يا ترى أخى ماج .. بيحضر الشنط حاليا؟ :D  :D  :P

و الأخت رانو .. مطمئنة كدة .. و متوكلة على الله؟

:D

[skamel]

الاخوه جميعا , وحشتوني بس موضوع فلسطين سادد النفس عن اى حاجه تانيه .المهم احب افيد الاخ حورس عن بنكين موجودين في مصر و كندا و يمكن في امريكا كمان scotia bank the link is www.scotiabank.com and the phone no is 1800-267-1234 و ممكن تكلمهم علي النمره دى من امريكا و البنك الاخر هو hsbcو ده موجود حتى فى استراليا http://www.hsbc.ca/english

ارجو ان اكون سادت و لو قليلا.

[Horus]

ألأخ العزيز كامل, الأخوة الأعزاء,

أشكرك على المعلومة دى ... انا عندى حساب فى hsbc فعلا.. تمام.

يا اخواننا انتو فين حد يقول حاجة... !!!

اه سؤال تانى و الله..

واحد نصحنى انى ممكن اطلب تحويل الملف بتاعى من مصر للقنصلية الكندية هنا فى شيكاغو مثلا.. و اكمل الإجراءات الباقية من هنا!!

هل دة كلام سليم؟؟ هل ينفع اصلا و لا دة تخريف.. و اذا كان ينفع.. إزاى؟؟!!

و اكلم مين لما اكون عاوز اخاطب شعب كندا... فى شيكاغو؟؟

الاستاذ فرى و العائلة الفراعنة كلهم..

امانه عليكم بلاش الصمت ده .. كفاية على الواحد الإمتحانات.. خلونا نرجع نتكلم و نونس بعض زى زمان.

و السلام ختام.

[Mike]

بلاش الصمت ده .. كفاية على الواحد الإمتحانات

احنا قاصدين تهدئه اللعب في هذا الوقت بالذات علشان تتفرغ لمذاكرتك والامتحانات....

يالا  بطل لعب علي الانترنت وقوم اقرأ كلمتين ينفعوك في الامتحان!!!!

[freefreer]

هاهاهاها  يخرب عقلك يا مايك ..  :D

عزيزى حورس .. طبعا تستطيع ان تفعل بطلبك اى شيئ .. ممكن تحولة لأمريكا بالتأكيد

و حاضر نونس بعض .. انت بتمتحن .. .. يعنى قربت تخلص؟

[زرقاء اليمامة]

بسم الله الرحمن الرحيم

الأخوة الأعزاء ...انا عضو(ة) جديد فى منتداكم الرائع ..  رغم اننى قارئة ومتابعة لكل مافيه منذ فترة طويلة وخاصة فيما يتعلق بالهجرة الى كندا .. حيث اننا قريبا جدا سوف نلتحق بالأخوة هناك ..انا وزوجى علاء   الذى يشارك فهذا المنتدى تحت اسم red horse

اتمنى ان تسمحوا لى بالمشاركة  معكم وفقنا ووفقكم الله  جميعا

[Mike]

أهلاً يا يمامه في منتدانا العامر .....

وبالتوفيق ان شاءالله في كندا

[Mike]

زرقاء اليمامه   متجوزه   Red Horse !!!!!

اكيد العائله دي عندها حب شديد للحياه البريه الفطريه مع لمسه الوان فنيه.

  :D

[rano]

:D لأ يا أخ فريفريير أنا اللى محتاسه فى تحضير الشنط و ماج بس بيدينى التعليمات أحط أيه و أشيل أيه  :angry:  بس الحمد لله قلقانين طبعا شويه و لكن ثقتنا فى الله كبيره فالله لا يضيع أجر من أحسن عملا.

الأخ حورس ربنا معاك يا أخى شد حيلك على الآخر  :)

أهلا أهلا أهلا بالأخت زرقاء اليمامه أيوه كده أخيرا مشاركات من الجانب النسائى  :D  :D سلامى الى الأخ رد هورس و ربنا معاكم يا رب  :)

[Red Horse]

يامايك  ياخويا ... الموضوع  ملهوش دعوة باللمسات الفنية ..المشكلة ان احنا ساكنين جنب  جنينة الحيوانات ..فأكيد لازم نتأثر!! :th:

الأخت رانو شكرا لك ونتمنى جميعا ان يسافر ماج بالسلامة وتطمئنوا وتطمئنونا عليه حتى يجتمع شملكم معه

زرقاء اليمامة : اهلا بك فى هذا المنتدى ... :D  :angry: ماهو لازم الواحد يرحب برضه

بس من هنا ورايح لازم اخد بالى من كلامى  :) مش كده ياعم فرى  :baaa:

[Mike]

..المشكلة ان احنا ساكنين جنب  جنينة الحيوانات ..فأكيد لازم نتأثر!!

طيب اوعي الاسد يطلع يأكلكم!!!!

:D

[freefreer]

ههاهاهاهاههاهاها  :D  :colgate: ربنا يصبحكم بالف خير و عافية جميعا .. أضحكتمونى و قت أن عز الضحك ..  :angry:

أهلا بالأخت الفاضلة زرقاء اليمامة .. و هو اسم عربى أصيل .. زى بالظبط الحصان العربى الأصيل .. فالعائلة لها علاقة بالأصالة و العروبة .. أن شاء الله

أسم زرقاء اليمامة كان يطلق على سيدة عربية يقال انها كانت حادة البصر جدا .. و كانت ترى على مسافة مسيرة ثلاثة أيام .. يعنى ما يقطعة شخص فى ثلاثة ايام .. كانت تستطيع ان تراه .. و كانوا يستعينون بها فى استطلاع قدوم الأعداء

الأخت رانو .. بالتوفيق ان شاء الله .. فى انتظاركم .. تحياتى

[Horus]

الله الله ... لية اللون دة معانا يا عم مايك..

لا لا لا داحنا جدعان قوى.

[Horus]

ماشى .. تعرف انت بتفكرنى بحتة من فيلم الارض

...

" الراجل ابو سويلم دة موش هيجييبها البر ابدا.. بيحفر قبرة بإيدة... الأرض لو عطشانة..."

على فكرة يا ابو سويلم.. قصدى يا مايك.. انا عجوز على التعليم-عندى  حوالى 32 سنة-

بس حكاية الماستر دى طقت فى دماغى كدة على كبر .. قلت ياللا اديها..و ليه لا.

آه .. يعنى احسن تكون فاكرنى افندى.. و لا يمكن فاكرنى افندى..

انا باهزر معاك .. اوع تكون بتزعل؟!!

الأخ العزيز فرى.. انا فعلا عندى امتحانات بس دى للترم دة بس.. انا لسة قدامى حوالى 8 شهور كمان قبل ما أخلص الماستر بإذن الله.

و السلام ليكم جميعا.

:D  :cool:  :colgate:  :baaa:

[Byte]

علاء ، وساكن في الجيزة، عندك اقوال اخري نقولها للمخابرات؟

مرحبا آل علاء، وبالتوفيق انشاءالله