عمل الزوجة التي على كفالة الزوج

[نرمين عبد العزيز]

السلام عليكم ولرحمة اللة وبركاتة

انا حضرت السعودية هنا على كفالة زوجى وفى البسبو ر بتاعى تاشيرة مرافق للزوج ولا يصلح لة العمل وانا اريد ان اتقدم للحصول على ترخيص الهيئة حيث انى طبيبة اسنان ولا ادرى ما المطلوب بالظبط تبعا لحالتى ارجو منكم الاجابة بسرررررررررررررررررررررررعة اوى ارجوكم لا تتجاهلو سؤالى وشكرا مع العلم انى فى البسبور مسجلة طالبة وهل يلزم عند التقديم هنا للهيئة ان يكون معى كفيل سعودى او خطاب

[Amr Radwan]

اختي الكريمة .. ثقي ان لا احد يتجاهل طلب اي احد .. و لكن ممكن يكون ما عندوش معلومة ..

و اتمنالك ان تحصلي علي المعلومات اللي انتي عاوزها .. و ربنا يوفقك .. بس اتوقع لازم تغيري جواز السفر الي حاصلة علي .. من خلال السفارة .. بالاضافة الي توثيق الشهادات العلمية من السفارة المصرية

هذا و الله اعلم

[MZohairy]

السلام عليكم ولرحمة اللة وبركاتة

انا حضرت السعودية هنا على كفالة زوجى وفى البسبو ر بتاعى تاشيرة مرافق للزوج ولا يصلح لة العمل وانا اريد ان اتقدم للحصول على ترخيص الهيئة حيث انى طبيبة اسنان ولا ادرى ما المطلوب بالظبط تبعا لحالتى ارجو منكم الاجابة بسرررررررررررررررررررررررعة اوى ارجوكم لا تتجاهلو سؤالى وشكرا مع العلم انى فى البسبور مسجلة طالبة وهل يلزم عند التقديم هنا للهيئة ان يكون معى كفيل سعودى او خطاب

اعتقد يا سيدتي ان اقصر طريق هو سؤال الهيئه نفسها و شرح الوضع لها حتى يعطونك الاجابه السليمه

عموما في السعوديه معظم الستات بتشتغل من غير نقل كفالتها من زوجها الى عملها و هذا بخصوص المدرسات و العاملات في المجال الصحي و المستشفيات بشكل عام

غير ذلك الله اعلم

بالتوفيق ان شاء الله

[نرمين عبد العزيز]

طب ممكن حد يدلنى اية اغلمطلوب لتغيير المهنة فى الباسبور من السفارة

[se_ Elsyed]

لا أعتقد إن في مشكلة ... وومكن تنقلي كفالة من على زوجك لأي مستشفى ... وتغيير المهنة في جواز السفر بالسفارة من اسهل ما يُمكن .. بناء على شهاداتك العملية الموثقة ..

[ترنيم]

والله مش عارفة امكانية تغيير المهنة فى الباسبور أعتقد أنها ليست بالسهولة دى لأن أنا شخصيا حاولت تغيير المهنة فى الباسبور فى مصر ولكن لا يتم تغييرها إلا بعد تغيير المهنة فى بطاقة الرقم القومى واتعطلت حتى أغيرها فى الرقم القومى على الرغم من أن كان معايا الشهادات الموثقة

لو المهنة عندك فى رقمك القومى طبيبة أوكى بيتهيألى مش هيكون هناك أى مشكلة

طبعا الرد التمام تجبيه من السفارة وهيئة التخصصات ولو لهم تليفون حاولى تتصلى الأول

ربنا يوفقك وييسرك لك الخير أينما كان

[نرمين عبد العزيز]

طب يا جماعة من اللى عندهم خبرة ماحدش يدلنى عن مكان فى جدة ممكن اجيب منة عقد عمل ولو صورى بس علشان الترخيص حتى لو بفلوس ارجوكم وهو لازم يكون معايا عقد عمل طبيب وانا بقدم فى التراخيص حتى لو خاتمة الورق واية الفرق بين الترخيص مزاولة المهنة والتصنيف المهنى

[أسد]

شوفي ياستي ..

أول خطوة .. تقدمي أوراقك على الهيئة السعودية للتخصصات الصحية .. لطلب عمل امتحان التقييم ..

حيطلبوا منك شهاداتك الدراسية .. وشهادات الخبرة من يوم تخرجك بما فيها الامتياز

وتعبي النماذج المطلوبة .. وتسددي الرسوم .. ويحددوا لك موعد للاختبار

ثاني خطوة .. تعملي الإختبار .. وتنجحي بإذن الله

ثالث خطوة .. تقدمي على وظيفة .. حتلاقي ان شاء الله بسرعة .. يوجد طلب على طبيبات الأسنان بشكل مستمر ..

رابع خطوة .. حتاخدي خطاب من المكان الذي قد قبلت فيه أوراقك للعمل موجه للسفارة المصرية لتعديل المهنة بجواز السفر إلى طبيبة أسنان وهذا الخطاب يصدق من الغرفة التجارية .. تاخدي الأوراق وجواز السفر وشهادة المؤهل الدراسي . وتخلصي الموضوع ده في السفارة بمنتهى السهولة

خامس خطوة .. المستوصف أو المستشفى الذي قد قبلتي فيه سيتقدم بطلب إلى الشئون الصحية للموافقة على نقل كفالتك .. حيقدموا كل الأوراق الدراسية والخبرة وجواز السفر وإقامتك أو إقامة زوجك وشهادة المعادلة من الهيئة السعودية للتخصصات الصحية بالإضافة للكارنيه .. ويحصلوا على موافقة على نقل كفالتك وخطاب للجوازات لعمل اللازم ونقل كفالتك

سادس خطوة .. المستوصف أو المستشفى حياخد أوراقك ويقدمها للجوازات ومكتب العمل ويتم نقل كفالتك من على زوجك إلى مكان العمل الجديد ..

سابع خطوة .. بعد نقل كفالتك إلى المستوصف أو المستشفى .. سيقوم المستوصف باستصدار ترخيص مزاولة المهنة من الشئون الصحية ..

الإجراءات روتينية .. بتاخد وقت فقط .. لكن لا توجد معوقات ..

المطلوب لطبيبة الأسنان إذا كانت ستعمل في مستوصف هو 5 سنوات خبرة بعد التخرج .. وإذا كانت ستعمل في مركز أسنان أو مستشفى به أخصائي أسنان أو استشاري .. يمكن أقل من ذلك ..

هذه هي الإجراءات والخطوات بالتفصيل .. وغذا كان لديك استفسار إضافي ممكن إن شاء الله أساعدك

بالتوفيق

[نرمين عبد العزيز]

جزاك اللة خير ولكن معلش عايزة اعرف يعنى تحديد الامتحان مش لازم يكون معايا عقد طب لية بيطلبوا صورة الباسبور؟؟؟

وحاجة تانية اجتياز الامتحان مش معناة انى باخدترخيص مزاولة المهنة؟؟؟؟؟؟؟؟امال اية فايدتة

طب ماتعرفش اماكن ممكن اطلع منها شهادات خبرة يعترف بيها يعنى ممكن تمشى ؟؟؟

[أسد]

جزاك اللة خير ولكن معلش عايزة اعرف يعنى تحديد الامتحان مش لازم يكون معايا عقد طب لية بيطلبوا صورة الباسبور؟؟؟

وحاجة تانية اجتياز الامتحان مش معناة انى باخدترخيص مزاولة المهنة؟؟؟؟؟؟؟؟امال اية فايدتة

طب ماتعرفش اماكن ممكن اطلع منها شهادات خبرة يعترف بيها يعنى ممكن تمشى ؟؟؟

ليس مطلوباً عقد العمل

الإمتحان هو لمعادلة المؤهل الدراسي ولا يعتبر ترخيص بمزاولة المهنة ..

ولكنه يعطي الحق للحصول على ترخيص مزاولة المهنة

موضوع شهادات الخبرة في السعودية مسألة شبه مستحيلة .. لأنه لن يمكن استصدار شهادة خبرة لممارس صحي مالم يكن حاصلاً على ترخيص مزاولة منة مسبقاً إذ لا يحق العمل لمن لا يحمل هذا الترخيص أصلاً

على كل هنا موقع الهيئة السعودية للتخصصات الصحية

[نرمين عبد العزيز]

لو سمحت معلش انا قصدى اماكن تعمل شهادات خبرة تعدى من مصر القاهرة وتمنها بيبقى كام وهل ممكن تتعرف انها ملعوبة؟

انا عايزو رد على السؤال دة بالذات طب عايزين صورة البسبور لية مع انى تاشيرتى فية مرافق لا يصلح لة العمل؟

انا عارفة ان اسالتى كتير بس معلش من خبراتكم نستفيد وربنا يجازيكم كل الخير ولازم الورق يتختم من السفارة السعودية مادام مش هايتعمل بية الترخيص؟

[أسد]

لو سمحت معلش انا قصدى اماكن تعمل شهادات خبرة تعدى من مصر القاهرة وتمنها بيبقى كام وهل ممكن تتعرف انها ملعوبة؟

انا عايزو رد على السؤال دة بالذات طب عايزين صورة البسبور لية مع انى تاشيرتى فية مرافق لا يصلح لة العمل؟

انا عارفة ان اسالتى كتير بس معلش من خبراتكم نستفيد وربنا يجازيكم كل الخير ولازم الورق يتختم من السفارة السعودية مادام مش هايتعمل بية الترخيص؟

الحقيقة بخصوص شهادات الخبرة من مصر .. معنديش أي فكرة ممكن يحصل الكلام ده ازاي

لو الشهادات من مكان خاص . بيحتاج تصديقات مختلفة حتى الخارجية المصرية والسفارة السعودية ..

الشهادات لابد من أن تكون جميعها مصدقة من السفارة السعودية بمصر

بيحتاجوا جواز السفر لأنه تحقيق شخصية ..

والسبب الثاني بيشوفوا تاريخ دخولك السعودية .. علشان المطلوب شهادا الخبرة تكون لكامل الفترة من تاريخ التخرج إلى تاريخ وصولك السعودية (تقريباً) .. يعني لو فيه سنة في النص مفيش فيها خبرة بيضايقوكي شوية ويسألوا عنها .. ولو قدمتي شهادة خبرة فيها تاريخ حتى قبل وصولك السعودية بفترة طويلة نفس الشئ برضه ..

بخصوص شهادة الخبرة من مصر .. في العادة لو انتي بتشتغلي في وزارة الصحة في مصر وواخدة أجازة بدون مرتب .. فبالتالي تقدري تستخرجي شهادة خبرة من تاريخ تعيينك حتى تاريخه .. حتى لو كان فيه أجازة بدون مرتب خلال تلك الفترة الشهادة لا توضحها .. وهذه الشهادة معروفة ومعتمدة هنا ..

أما عن شهادات الخبرة وإذا لم تكن حقيقية وعن إمكانية إكتشافها هنا .. فالحقيقة هم لديهم من الخبرة والمعرفة والدراية الكافية لاكتشاف مثل تلك الأمور .. لأنهم عارفين شكل وتفاصيل كل أنواع شهادات الخبرة اللي بتييجي من مصر ..

تحت أمرك في أي سؤال تاني ..

عندك لحد 100 سؤال ..

أكتر من كده حيكون صعب ..

[نرمين عبد العزيز]

الف شكر باهتمامكم بالرد على الاسئلة جزاكم اللة خير بس معلش عندى سؤالين:

1-طب يعنى اخد صورة البسبور وبيبصوا على تاشيرة الاستقدام تاريخها امتى؟صورة البسبور اول 8 صفحات يعنى تقريبا؟؟

2-هل فية مشكلة ان تاشيرة الاستقدام بتاعتى مكتوب مرافق لا يصلح للعمل ولا هما بيغيروها بعد كدة؟؟؟؟؟افيدونى افادكم اللة فى السؤالين دول

[نرمين عبد العزيز]

معلش وعايزة اسال سؤال تالت3- انا تاشيرة الاستقدام بتاعتى كانت معمولة وانا كنت لسة فاضلى سنة الامتياز وبعد ماجيت السعودية نزلت اكمل سنة الامتياز وكنت بروح وباجى طب يعنى تاريخها قبل استكمال دراستى هل فية مشكلة؟

[نرمين عبد العزيز]

ارجوكم يا جماعة حد يرد عليا انتو علقتونى وماحدش رد على اسئلتى؟

1-هو لازم علشان اقدم للتصنيف يكون عندى عقد عمل حتى لو كل اوراقى مختومة بس انا عايزة اعمل تصنيف علشان المعادلة وبعدين ابقى ادور على شغل

2-طب لو لازم ماحدش يعرف هنا فى جدة حد ممكن يظبط خطاب او عقد اقدمة للهيئة حتى لو بفلوس

ارجوكم ردو عليا بسرررررعة

[أسد]

الف شكر باهتمامكم بالرد على الاسئلة جزاكم اللة خير بس معلش عندى سؤالين:

1-طب يعنى اخد صورة البسبور وبيبصوا على تاشيرة الاستقدام تاريخها امتى؟صورة البسبور اول 8 صفحات يعنى تقريبا؟؟

2-هل فية مشكلة ان تاشيرة الاستقدام بتاعتى مكتوب مرافق لا يصلح للعمل ولا هما بيغيروها بعد كدة؟؟؟؟؟افيدونى افادكم اللة فى السؤالين دول

المطلوب صور الصفحات التي تحتوي على بياناتك وصورتك

وصفحة التأشيرة وختم الدخول

مفيش مشكلة في ان التأشيرة مكتوب فيها غير مصرح له بالعمل ..

إنتي حتعملي اختبار معادلة للشهادة ..

وده أصلاً كان ممكن تعمليه وانتي في مصر قبل ماتيجي السعودية ..

[أسد]

معلش وعايزة اسال سؤال تالت3- انا تاشيرة الاستقدام بتاعتى كانت معمولة وانا كنت لسة فاضلى سنة الامتياز وبعد ماجيت السعودية نزلت اكمل سنة الامتياز وكنت بروح وباجى طب يعنى تاريخها قبل استكمال دراستى هل فية مشكلة؟

أعتقد ان ده سيعوق استخراج ترخيص مزاولة المهنة بعض الشئ .. إلا إذا كنتي ستعملي في مكان كبير به أخصائي واستشاري ..

ففي تلك الحالة سيمر الأمر ..

الكن هذا لن يعوق تقدمك لامتحان الهيئة السعودية

[أسد]

ارجوكم يا جماعة حد يرد عليا انتو علقتونى وماحدش رد على اسئلتى؟

1-هو لازم علشان اقدم للتصنيف يكون عندى عقد عمل حتى لو كل اوراقى مختومة بس انا عايزة اعمل تصنيف علشان المعادلة وبعدين ابقى ادور على شغل

2-طب لو لازم ماحدش يعرف هنا فى جدة حد ممكن يظبط خطاب او عقد اقدمة للهيئة حتى لو بفلوس

ارجوكم ردو عليا بسرررررعة

لم يكن من الضروري أن تفتحي موضوع جديد خاص لهذين السؤالين ..

سبق وأن أفدتك بأنه ليس من الضروري أن يكون لديكي عقد عمل علشان المعادلة ..

السؤال الثاني ..

أعتقد أنك غير موفقه في صياغته ..

[نرمين عبد العزيز]

الف شكر على اهتمامك بالرد على اسئلتى وربنا يجازيك خير