الدكتور لما يحب:)

[Set_Amina]

بشئ من التصريف

>اعدينى بفيروس حنيه

دا كلامك وحدات علاجيه

>علشانك شرحت هدومى

>أمواجك فوق الصوتيه

>دى حبوبك فى القلب شريط

>دياسيرمك خلانى أشيط

>وفصيلة دمك جلوكوز

>وجمالك أمبول تنشيط

>محجوز لك فى القلب سرير

>وسرنجة صبرى بمسامير

>ورواندك هوا الإنعاش

>وكوماتك تحتاج تفسير

>دا هواكى مكتوب له دخول

>والعند فى قلبك ح يزول

>وهدوءك بالنفس مريض

>لو مكرومك ح يطول

>وسبرتو عليكى أعوام

>حقناتك جايبالى زكام

>ازيلينك لو جابلى سعال

>نقاله وبكره الأيام

>بالبالطو الأبيض يا ملاك

>متبنج قلبك بشباك

>بالفاليام دايماً فى شرود

>والجرح يسبتك بجفاك

>ودواكى فى جسمى الفيتامين

>فى الباطنه مكانك حاجزين

>باترجى دواكى المركون

>يا تحطيه فى المبتسرين

>ليه حبك متغطى بشاش

>والقطن ومرهم ببلاش

>لو قلبك مصبوغ باليود

>فى العنبر ح يموت لو عاش

>تنقيطك مستوصف مين

>أخرتهم فى تروللى أمين

>لو زايده فى لسان الناس

>ح استأصل مهما يكون مين

>لو تاجى أو حتى تامور

>دا أورطة قلبى المغمور

>تألمهم شكة دبوس

>أفديكى بمصارينى العور

>حبينى من غير تعقيم

>كونسولتو وأنا قلبى سليم

>وحامشرط أنك تكونى لى

>ليليه أربعه وعشرين

>علاتى فى قلبى المسكين

>وأنيميا كراتى البروتين

>لو جيتى ووياكى زياره

>راح أرش الأرض بأسكين

>منقـــــــــول

[se_ Elsyed]

>دياسيرمك 

>ورواندك 

>وكوماتك 

>>ازيلينك

>بالفاليام 

أرجو من الدكتورة أمونه شرح هذا المصطلحات حيث أنني كنت أدبي وثانياً أنا خريج تجارة ، فملعوماتي الطبية لا تتعدى الأسبرين والمكراكروم .

وبرضوا عايز شرح تفصيلي للحاجات المذكورة دي وهل لها أثار جانبية أو أثار الحكيم ؟ وهي بالمناسبة شراب ولا كبسول .

[Set_Amina]

مانا ياسي السيد كنت ادبي برضه وخريجة فنون جميلة يعني اللي انا كاتباه فوق ده بالنسبة لي طلاسم وحياتك، وعلى الأقل انت وسعت معلوماتك وعرفت الماكركروم والشاش انا بقى ماعرفش غير ششم العيون وسك على كده

[الطفشان]

إيزيلين كان دوا كحة (شراب) موجود زمان في الستينات

و الفاليام (او فاليوم) كان حبوب مهدئة

و الباقي ماعرفوش

[ابو حلاوه]

الدياثيرمي الكي بالكهرباء و بيستخدم في الجلدية

الراوند بيعرفه طلبة الطب اللي بيتنقلوا من دورة راوند في تخصص لراوند اخر في تخصص اخر

ام كاومتك دي مش عارفها لو اتكبت بالانجليزي ممكن افهمها كل الباقي صح برافو يا طفشان