ممنوع مشاركة النساء

[هشام عبد الوهاب]

قبل قراءة الموضوع يجب مراعاة الاتى:

1- ابعد زوجتك او اى امرأة موجودة بالمنزل عن الشاشة .

2- لا تكتب اى رد تحت التهديد .

3- للأحتياط فقط اخفى السكاكين والأكياس البلاستيكية من المنزل.

4- جهز بالقرب من جهازك قطن وشاش وصبغة يود .

5- اذا كنت متزوج من رياضية لاتقرأ الموضوع او انزل لأقرب انترنت كافيه لقرأته.

6- اذا كانت زوجتك تستعمل جهازك احذف الكوكيز فور قرأة الموضوع أو كتابة رد.

الموضوع

طبعا اغلب المشاكل العائلية بسبب السيدات ورغم اعترافنا بأن هناك بعض الزوجات الصالحات لكن اصبحن عملة نادرة ،، فلنلقى نظرة على النوعية الموجوده كأغلبية الآن . ونحاول نعرف ليه بعد ماكنت ملاك بقت هلاك!!!!!!

أنواع الزوجات:

1- زوجة نكدية

هى التى تنكد على زوجها بأستمرار او كل فترة .

2- زوجة شرانية

هى التى تبحث عن الشر والمشاكل دائما .

3- زوجة سليطة اللسان

لسانها لا يسلم منه لا القريب ولا البعيد

4- زوجة بخيلة

حتى على زوجها فى المشاعر .

5- زوجة مهمهلة

هى التى تعرف معنى كلمة انثى .

6- زوجة باردة

هى التى لا تتعامل بحب مع زوجها فى لحظات الحب

7- زوجة صوتها عالى

ومسمع الجيران وتصيب اعصاب من يتحدث معها

8- زوجة قليلة الأصل

لا اصل ولا فصل ولا ........

9- زوجة مسرفة

لا تهتم بتعب زوجها فى المال والعمل ..المهم تصرف

10-زوجة نمروده

هى التى تعصى وتتنمرد على زوجها ومش مهم يتفلق

11- زوجة ناكره للجميل

تنكر جميل زوجها واصدقائه واهل الزوج

12- زوجة جاهلة

لا تعرف كيف تتعامل مع زوجها

13- زوجة مغرورة

شايفه نفسها مافيش لاقبلها ولا بعدها

14- زوجة غير امينة

لا تؤتمن على سر ولا مال

15- زوجة خائنة

ان غاب القط العب يا فار

-------------------------

والان بعد ان تعرفنا على انواع الزوجات فلنحاول معرفة لماذا تحولت من ملاك قبل الزواج الى هلاك بعد الزواج .

-----------------------

ارجو من السيدات والآنسات اللى ناويين يشاركوا بالرد استعمال الهدوء

فالموضوع للرجال فقط .

ربنا يستر....

[ragab2]

موضوع

صريح وممتاز ولا يجرؤ فى الكلام فيه الا الأزواج المخضرمين المؤسسين

بينى وبينك كلمة فى ودنك والكلام دة ينطبق على كثير من الستات ماعدا زوجتى حتى لا أجلب لنفسى المتاعب والمشاكل

أعتقد والله أعلم أن المرأة سميت

ولية .. لأنها كثيرة الولولة لزوجها وعليه

ست .. لأنها تختلق يوميا ست مشاكل

حرمة .. لأنها تحرم ماحلله الله للرجل من جمع زوجها عليها والزواج بأربع زوجات

مرة أو إمرأة .. لأنه فى مقدرتها جعل حياة زوجها مرة ومريرة كما أنها تستمرئ العكننة على زوجها

والله أعلم

[achnaton]

يادى المصيبة .. دا افترا .. تكنوش أخدتم الجنسية الأمريكية .. أنا لن أشارك بأى كلمة الا تحت اشراف وموافقة عصبة الأمم ... !!!! دا أنا يابا فى غربة .. وابويا وامى ميتيين.. يعنى يتيم .. ؟؟؟ اللهم الطف بينا ..

اخناتون المنيا

[crossfield]

صحيح!!!!!!

إن غاب القط العب يا فار :twisted: :twisted:

معلش احنا لا مؤاخذة مبنخافش غير من اللى خالقنا

يعنى هتكتبوا ممنوع مشاركة النساء برضو هنشارك(وش واحدة مش ناوية تجيبها لبر )

يظهر ان المعارك اللى فى باب الابتسامات اتكروتت .اين انتى يا شعنونة و بنات العم نورا و كليو و غيرهن كثيرات.أنا رايحة هناك ؛سنوا السكاكين و تعالوا لى.

[Katamando]

وبيسموهم نسوان

علشان بينسوا كل حاجة حلوة

مش كده ولا ايه؟

[بنت شعنونة]

اتكلم جد في الموضوع دا

اولا

ماحدش في الدنيا دي كلها ملاك

يعني زي ما فيه صفات وحشة فيه صفات كويسة

انما مين اكتر في نفس الشخص ؟؟ الصفات الحلوة والا الوحشة!!

وبعدين سؤال

الزوجة الي فيها اي عيب.. مين اللي اختاره مش الزوج برضه!! والا هل كانت مكتوبة على البطاقة؟؟ او اتولدت بيها!!! "وش مفروس صراحا"

ف سوء الأختيار لا تحاسل عليه الزوجة الصراحة يعني

وبعدين

انا لا انكر ان كل الصفات دي ممكن تكون موجودة بس معقولة مافيش ولا صفة واحدا كويسه!!

تربية الولاد والصبر على زهقهم؟؟

طبخ الأكل؟؟

شغلها برا البيت ( واللي هيا غير ملزمة بيه اصلا انما عشان تساعد البيه في لقمة العيش!!!!)

غسيل هدوم الزوج وتنشيرها (اففففيييي الريحة هبت من هنا)

ضيافة اهل الزوج واصحابة في اوقات كتير جدا

تحمل مسؤولية بيت في غيابك

صيانة شرفك وعرضك ومالك

لو تعبت مين بيمرضك؟؟ ولو فلست .. معقولة ولا مرة ولا زوجة اديتك دهبها عشان تبيعه!!

بلاش تنصبوا المحكمة لآنكم لستم قضاة

ولو حسبناها بالورقة والقلم ها تبقوا مديونيييين لنا بكتيير جدا

"وش مفرووووووس وماسك اكيااااااس وساطور"

[achnaton]

آهى دى الجدعنه .. شد حيلك يا دكتره .. أمال فين باقىجيش النسا .. الله يرحمك ياقاسم أمين .. أنت اللى جبت الرجاله ورا .. وخليت اللى تعايرنا بالدهب هى " المرة " مش هما الرجاله برضه اللى جابوا ده كله بأمارة الشبكة والخاتم السلوتير واٍلأسوره ؟؟ ماترد عليهن بقى يا د. رجب .. ولا أنت زى حالاتى جبت ورا ؟؟؟

[بنت شعنونة]

عمي اخناتوووون

والله حضرتك سكر

انا ها اقول لحضرتك

ماشي.. الراجل جاب الدهب ما قلناش حاجا

بس هل كل الدهب هوا اللي جابه!!

يعني ما فيش حاجا من مرتبها هيا؟؟ مافيش حاجا من ابوها او امها‍‍

هيا دخلت بيته زلبطة خالص كدا يعني‍‍ "وش مذبهل"

وبعدين هوا لما جاب الدهب جابه انه هدية

والهدية لا ترد ولا تستبدل

وبعدين كفاية ان الست المصرية الغلبانا ما بتعملش زي ستتات برا لما بتاخد نصصصصصصصص ما يمتلكه في كلللللللل حياته عند الطلالاق

والا اييييه ؟؟ "وش بيضحك ضحكة خبيثة"

[فــيــروز]

مش هما الرجاله برضه اللى جابوا ده كله بأمارة الشبكة والخاتم السلوتير واٍلأسوره

وعلى راى فؤاد المهندز فى سك على بناتك :

حقها .. وباسمها !! وانت تنام على القايمه !!

مش حضرتك طبعا يا اخ اخناتون ده حنفى اللى فى المسرحيه انما الشبكه دى حق الست .. وانت طبعا راجل حقانى وسيد العارفين .. حبه تثبيت بس بجد بجد مش حقها بقى ولا ايه !!

[هشام عبد الوهاب]

شعنونة :

الزوجة الي فيها اي عيب.. مين اللي اختاره مش الزوج برضه

اكيد الزوج هو اللى اختاره لكن ايه السبب فى الأختيار وكيف اختاره

اقرى التقرير العلمى ده وانت تتأكدى بنفسك .

بعدتحليل عينة من مخ من اقدموا على الزواج برضاهم( دون اى ارهاب ) اثبتت النتائج ان الرجل عندما يقدم على الزواج يكون الفص الأيمن من مخه متوقف عن العمل تماما ثم يبدأ الفص فى العودة الى العمل بعد الزواج بفترة تتراوح مابين شهر الى شهرين .

وقد سألت احدى الانسات الجميلات الدكتور(وهوأعزب) الذى اجرى التجارب وهى تنظر الى عينيه نظره حالمه ( فقد كان وسيما وغنى) عن سبب توقف (الفص ) فسرح قليلا واجابها :

هل تقبلى دعوتى على العشاء

وهنا كتب مساعد الدكتور (الذى كان يراقب الموقف) فى تقريره

يتوقف الفص الأيمن للرجل نتيجة حالة من البلاهة المفاجئة تصيب الرجال .

[farasha79]

باختصار شديد جدا انا معاكم ان في نوعيات من الستات دي . بس صوابع ايديكم مش زي بعضها و بعدين الست بتبقى كده بعد الجواز مش من فراغ اكيد الرجل بيكون السبب...اكيد مهمل , اكيد مش مدي البيت حقه بالكامل ... يعني هي اكيد اتجننت و بقت بالشكل الرهيب اللي انتوا وصفتوه ده منه مش لوحدها صدقوني ...

يعني الاساس انتوا..يا رجاله ... اتقوا ربنا قبل ما تتكلموا و شوفوا انتوا بتقصروا في ايه و بعدها اتكلموا عن النساء المغلوب على امرها

[moody00x]

اييييييه ده..... يا إلهى ماذا أرى......

كروساية عادت إلى المنتدى من جديد ........

. إليكم هذا النبأ العاجل

عادت بسلامة الله إلى أرض المنتدى ألأستاذه كروساية الشهيرة بالآنسة حنفى

وذلك بعد رحلة علاج فى الخارج على أثر إشتراكها فى حرب الشعانين وإصابتها

بلوثة عقليه فقدت على أثرها الذاكرة وظلت تبحث عن المنتدى فى كل الانترنت

حتى عثرت عليه من جديد...هذا ومن المحتمل أن تقضى فترة النقاهة فى مستشفى ادكتور أبو العزايم للصحة النفسية لعلاجها من التهيؤات التى تنتابها من حين لآخر بأنها ريا وسكينة معآ وأحيانآ تتخيل أنها الزعيم موبوتوسيسى سيكو....وكل هذه ألآثار من حرب الشعانين....نلقاكم بعد الفاصل

[crossfield]

شعنونة :

الزوجة الي فيها اي عيب.. مين اللي اختاره مش الزوج برضه

اكيد الزوج هو اللى اختاره لكن ايه السبب فى الأختيار وكيف اختاره

اقرى التقرير العلمى ده وانت تتأكدى بنفسك .

بعدتحليل عينة من مخ من اقدموا على الزواج برضاهم( دون اى ارهاب ) اثبتت النتائج ان الرجل عندما يقدم على الزواج يكون الفص الأيمن من مخه متوقف عن العمل تماما ثم يبدأ الفص فى العودة الى العمل بعد الزواج بفترة تتراوح مابين شهر الى شهرين .

وقد سألت احدى الانسات الجميلات الدكتور(وهوأعزب) الذى اجرى التجارب وهى تنظر الى عينيه نظره حالمه ( فقد كان وسيما وغنى) عن سبب توقف (الفص ) فسرح قليلا واجابها :

هل تقبلى دعوتى على العشاء

وهنا كتب مساعد الدكتور (الذى كان يراقب الموقف) فى تقريره

يتوقف الفص الأيمن للرجل نتيجة حالة من البلاهة المفاجئة تصيب الرجال .

لا يا أستاذ هشام ؛أنا كده هابتدى أصدق الكلام بجد :shock:

بدون حساسيات و لا زعل

كل جنس ليه صفاته اللى الجنس التانى مش بيتقبلها أو مش قادر يستوعبها لان طبيعة التكوين مختلفة و ده لازم؛يعنى لازم واحد عقلانى و واحد رومانسى ؛واحد عصبى و واحد بارد أو باله أطول شوية...الخ ؛ لكن أنا متأكدة ان لو كانت الفطرة ان الراجل يتجوز راجل مثلاً أكيدج كانت هتحصل مشاكل برضو و يمكن أسوأ و أكتر؛الخلاصة :احمدوا ربنا علينا :)

مودى كتب:

اييييييه ده..... يا إلهى ماذا أرى...... 

كروساية عادت إلى المنتدى من جديد ........ 

. إليكم هذا النبأ العاجل 

عادت بسلامة الله إلى أرض المنتدى ألأستاذه كروساية الشهيرة بالآنسة حنفى 

وذلك بعد رحلة علاج فى الخارج على أثر إشتراكها فى حرب الشعانين وإصابتها 

بلوثة عقليه فقدت على أثرها الذاكرة وظلت تبحث عن المنتدى فى كل الانترنت 

حتى عثرت عليه من جديد...هذا ومن المحتمل أن تقضى فترة النقاهة فى مستشفى ادكتور أبو العزايم للصحة النفسية لعلاجها من التهيؤات التى تنتابها من حين لآخر بأنها ريا وسكينة معآ وأحيانآ تتخيل أنها الزعيم موبوتوسيسى سيكو....وكل هذه ألآثار من حرب الشعانين....نلقاكم بعد الفاصل

متشكرة على الترحيب المشاكس ده يا مودى

لكن أحب أطمنك "انها سليمة "و الحمد لله. :wink:

[هشام عبد الوهاب]

الأخت فرح

باختصار شديد جدا انا معاكم ان في نوعيات من الستات دي . بس صوابع ايديكم مش زي بعضها

عندك حق طبعا لأن فيه صباع قصير وصباع طويل وصباع تخين لكن كلهم فيهم عقل(جمع عقلة) وجلد وانسجة واعصاب .

ومن هنا نستنتج ان هذه النوعيات من السيدات موجودات بالفعل رغم انك تجدين منهم القصيرة والطويلة والتخينة .

الأخت كروسفيلد

يعنى لازم واحد عقلانى و واحد رومانسى ؛واحد عصبى و واحد بارد

و:واحد قهوة سادة وواحد زيادة .....وصلحوااااااا

[هشام عبد الوهاب]

بعد حصول المرأة على الحق فى طلب الخلع وصدور القانون يعكف العاملون فى الحقل الفنى الى استغلال هذا الأمر فى جميع فروع الفن ففى السينما سنجد عناوين الأفلام كالاتى:

امرأة خالعة ............ بيت الخالعات ........ خلعتنى امرأة ........

حب بلا خٌلع ........... خٌلع باطل ......... الخالعات والذئاب......

حتى كلمات الأغانى ستتغير الى :

خالعة السلالم يا ماشاالله عليها ... ست الخلايع والمخلوع فى ايديها

خالعة السلاااااااالم .

خلعتنى دمعته ...ترام ترام .. خلعتنى ضحكته .......وما كنتش اعرف قبل النهاردة ان العيون دى ممكن تخلعنى بالشكل ده ... تام ترام.

تخلعوه .....وعمره ماخلعكم ولا اشتكى منكم... قلبى .. ليه تخلعوه .

و فى المسرح :

مسرحية خلعوتوه ....... خالعة وسكينة .... مدرسة المخلوعين ..

وفى الأذاعة والتلفزيون اسماء البرامج :

مخلوعين وبس ....... خلٌع من دهب ..دهب دهب دهب

نادى الخٌلع .....وراء كل باب (مخلوع)

فى الفنون التشكيلية سيظهر المذهب الجديد التخليعية

[optimistic]

يا حاج هشام دي صيحات فنية حديثة

من الافضل تذكر عصر الاصالة و التميز النسائي

هل نسيت أفلام:

"رجل و سكين و كيس بلاستيك"

او الرائعة الخالدة "السم في كوب شاي"

او اغنيات

جوزي و انا حرة فيه ... جوزي أفرده و أكويه

فلستني لانني ... كنت يوما احبها

و بين هذه و تلك يمشي ذلك الزوج المنتوف الريش حتى يصادف يوما سعيدا واحدا

هو يوم يلاقي ربه شهيد الزواج

(وش واحد على وش جواز .. ناقص العروسة بس)

[hopsan]

قلت اجيب لكم موضوع من جوه اوى و اشيل عنه التراب و المعه علشان حاله الزهق اللى حاسس بيها عندكم ...و اهو كان شغال زمان قبل ما آجى

اهو برضه الكلام عن الستات بينعش الكل

تم تعديل 14 يوليو 2006 بواسطة hopsan

[عليـ***ـاء]

نفسي تنسو الستات شوية

قال الكلام عنهم مسلي قال

[hopsan]

نفسي تنسو الستات شوية

قال الكلام عنهم مسلي قال

ده حتى لو مجالناش مزاج نتكلم عنكم حتعملو الف حاجه وحاجه علشان نتكلم عنكم ..هى دى الدنيا لازم تكونو فى دائره الضوء ولا بحجب عنكم..إما بالمكياج او بالمؤتمرات و خلافه او بالموضه و اللى مش عارفين تلفتو نظرنا بيها و كل سيزون شكل ولون ...تقوليش عندنا عما الوان ومش شايفينكم .....والله شايفينكم و حاسين بيكم و الدنيا دى قايمه علشان رضاكم و لسه هل من مزيد؟؟؟؟؟؟

[شاب_نوبى]

الرجل الذى يقرع الباب يسمى قارع

اما الست فهى ............قارعة (وما ادراك ما القارعة)

الرجل الذى ينوب عن شخص فهو نايب

اما الست فهى ............نايبة

ومع ذلك يا جماعة الستات دول احلى شىء فى الدنيا

انا مقدرش اتخيل الدنيا بدون ستات

وربنا يخلى ستاتنا