فيديو على مدونة الوعي المصري لمشاجرة تنتهي بجريمة قتل

[KANE]

بالرغم من انني لست متابعا لمدونة وائل عباس إلا انني ازورها بين كل فتره وأخرى -انا لا اتابعها بسبب اللغة القذره في الحوار في هذه المدونة-

اليوم دخلتها لأجد الموضوع الأول عن فيديو تم تصويره بالصدفه في إمبابه من بلكونات أحد الأشخاص

وكان يصور مشاجرة بين طرفين إنتهت نهاية درامية مأساوية بذبح احد أطراف المشاجرة

طبعاً انا لاأعلم من أطرافها ومن الظالم والمظلوم

إلا أن الفيديو يؤكد حالة الإنفلات الأمنى الحاد وغياب الشرطه والأمن إلا عن أمن اشخاص محدةة تاركين الناس تصارع مصائرهم

الفيديو الآخر الذي اقل مأساوية (لحد ما ) لأنه لا قتل فيه

ولكنه لطمة لأجهزة الدوله

فيديو لبلطجي شارب

اغلق فيه نفق احمد بدوي بسنجتين لمدة نصف ساعة كامله

إلى أين تذهب مصر؟؟؟؟

[KANE]

نصيحة بالمناسبة الفيديو غير مناسب تماما لأقل من 21 سنه

[Torontotruk]

نصيحة بالمناسبة الفيديو غير مناسب تماما لأقل من 21 سنه

ممكن ترسل لي الرابط علي الخاص...وتشكر جزيلاا.

[KANE]

الفيديو موجود على مدونة الوعي المصري وهي شهيره فقط اكتب مدونة الوعي المصري ستجد موقعه

اظن انه له حساب على يوتيوب بنفس الأسم

[Torontotruk]

الفيديو موجود على مدونة الوعي المصري وهي شهيره فقط اكتب مدونة الوعي المصري ستجد موقعه

اظن انه له حساب على يوتيوب بنفس الأسم

شكرا جزيلاا...

[se_ Elsyed]

وائل عباس بكل أمانة إنسان منحط ويستخدم لغة قذرة ، والله العظيم لو نزلت شارع كله بالوعات ما هاتسمع زيها .. وبالتالي أي شيء ييجي منه فهو غير مقبول على الأقل بالنسبة لي .. وعشان كده أمريكا فرحانه به وبأمثاله وكل شويه يمنحوه جوائز بدعوى إنه صوت مصر الحر !!!!!!!!!!!!!!! ...

وهناك مليون طريقة تنتقد بها الأوضاع في مصر غير طريقته المُنحطة واللي بتدل على إنه ما ترباش لمدة نصف ساعة في حياته ..

ونصيحة لوجه الله ماحدش يدخل مزبلته المُسماه مدونة الوعي المصري ..

والله يلعن الوعي اللي بالمنظر ده .. وأفضل عندي إني أظل في غيبوبة على أن يكون عندي وعي بهذا الشكل ..

ونخلي بالنا إن صور كتير مما تعرض على اليوتيوب ما تعرفش إيه ملابساتها ..

وكتييييير جداً بتطلع مفبركة او متمثلة

وأخرها التسجيل والقطات اللي أُذيعت بزعم أنها لبنت ليلى غفران وهي في غرفة العمليات قبل أن تموت ... وطلعت حاجه تانية خالص وواحده زوجها ضربها في بورسعيد والدكاترة الغير أمناء صوروها وسجلوا لها كلام في المستشفى وهي متشلفطة وبتقول ضربني ومش عارف إيه ..

فلازم نتقي ربنا ومش كده أي حاجه نقبلها ونصدقها ..

[hanzalah]

تحذير في محله من الاستاذ سي السيد

وائل السيد من زمان كبير واسلوبة لم يتغير

بل ازداد بعد ما الامريكان ادوا له وش .. وده طبيعي .. امال راح يحتفوا بمين

تظل النقطة الاهم وهي كيف نستقي المعلومات ومن فين .. وهل بسهولة ننشر ونساعد في الترويج بدون تروي وتأني ..

سمعت حديث شريف يقول (( كفى بالمرء كذبا ان يحدث بكل ما يسمع ))

في التأني السلامه ياجماعه

خاصة في تناقل الاخبار وتوثيق المعلومة

[الجدار]

سبقتني يا سي السيد والله انا اول مالقيت العنوان حاجه فيها الوعي المصري قلت أدخل وأحذر منه المنحط وائل عباس بس الحمد لله لقيت الوعي الصح مش الوعي بتاعه انا كنت بتابع المدونه دي لمدة سنتين بشكل شبه يومي وإدمان لغاية مالقيته بيسب الدين والعياذ بالله ويقول عادي والناس اللي داخله على المدونة تحس انها مغيبه عن الوعي كلها كانت بتقوله عندك حق ويلتمسوله الأعذار. ده غير البانر اللي بقاله سنتين بتاع الكافر كريم بتاع الأزهر وعامل دعاية ان الناس لازم تتعاطف معاه علشان يفرج عنه ويبقى في حرية في مصر وسبتله تعليق اننا زي ما عملناه بالترافيك العالي بتاعنا على المدونة احنا برضو اللي حنّزلك الأرض (طبعاً الجبان مسح التعليق) ومن ساعتها وانا مقاطع المدونة الحقيرة دي واللي لو بتدل فهي بتدل على ازمة اخلاقية فعلاً في الشارع المصري وده من اهم الأسباب الرئيسية للي وصلناله دلوقتي من قلة ذوق في كل حاجه من الطوابير للمواصلات للمرور للبيع والشراء و و و و ....

يا جماعة ياريت نقاطع كل اللي بيسيء لديننا وبلدنا ويطلع على اكتافنا وبلاش ننبهر بكل اللي بيعارض الحكومه ويشتمها لأن ساعات العسل بيبقى متغرق سم.

مشكورين على فتح الموضوع.

تم تعديل 8 يناير 2009 بواسطة الجدار

[ابتسامــة]

ونصيحة لوجه الله ماحدش يدخل مزبلته المُسماه مدونة الوعي المصري ..

والله يلعن الوعي اللي بالمنظر ده .. وأفضل عندي إني أظل في غيبوبة على أن يكون عندي وعي بهذا الشكل ..

تمنيت أني تلقيت مثل هذه النصيحة قبل أن أدخل تلك المدونة

منذ عام تقريبا ، لم أتوقع أبدا أن تواجهني مثل هذه اللغة في مدونة بعنوان الوعي

.

تم تعديل 8 يناير 2009 بواسطة ابتسامــة

[محمود تركى]

الوعى الذى يشير إليه هذا الشخص ليس هو الوعى المصرى, بل الغياب عن الوعى الذى يصيب من خلطوا بين الشعب المصرى, و النظام الحكومى المصرى.

فالشعب المصرى يمر حاليا بمرحلة حرجة فى تاريخه. فهو شعب طيب, خدوم, مسالم, و مظلوم.

مظلوم لأنه يستحق حكومة أفضل, حكومة تتعايش مع الشعب, و تحس بنبضه, و تتفاعل مع آلامه, و لكن ما يحدث الآن, هو أن الحكومة أصبحت " حولاء" , لا ترى ما يراه الشعب, بل ما يريد النظام أن يراه الشعب.

لهذا, لن أسمح لأحد أن أن يدوس على طرف الشعب المصرى, و من يريد أن يتشطر, فعليه أن يناطح حكومة الحزن الوطن, أس البلاء.

تحية للشعب المصرى المظلوم المكافح, و الصابر على الظلم.