اول مرة اجاى القطيف كطبيب مقيم اعمل ايه ؟؟؟؟؟

[elnounou]

السلام عليكم و رحمه الله و بركاته

اولا احب اسلم على كل الناس اللى هنا من مصريين و غير مصريين

بس يا ريت اخد منكم نصيحة

انا معروض على العمل فى القطيف و انا الحقيقة مش عاندى ادنى فكرة عن المدينة او كيفية التعامل فيها

اسئلتى كتير

اولا طبيعة مدينة القطيف من حيث الجو و الناس اللى فيها

ثانيا مدى امكانية استقدام امى اقصى مده لها فى الاستقرار معى

ثالثا اسعار المعبشة المعتدلة مع العلم بتوفير سكن من قبل المستشفى و توافر سبل المعيشة المعتدلة

رابعا النصيحة غالية و امانه فى ايديكوا

خامسا الراتب يكون فى حدود اد ايه مع العلم انا طبيب مقيم

سادسا هل فى مكان للخروج و كده و لا الدنيا مقفولة

سادسا معلش صادعتكوا انا اسف بس الغريب اعمى و لو كان بصير

تم تعديل 7 يناير 2009 بواسطة elnounou

[شاب مصري]

اللي اعرفه عنها ان اغلبية أو كل سكانها شيعة

بس اعتقد عادي دي مش مشكلة أو أزمة .

[elnounou]

انا متشكر ليك شاب مصرى

انت اول واحد عبرتنى و اهتمت

[Mohamed Fayek]

القطيف تتبع مدينة الدمام وقريبة جدا من مدينة الخبر والحياه هناك جميلة وهادئة أما بخصوص والدتك فحسب علمى يمكنك عمل زيارة لها وهى فترة ستون يوما ويتم تجديدها قبل نهايتة الفترة الأولى لكن يجب ان تسأل عن الحد الأقصى فى التمديد وإلا تعرضت للغرامة والترحيل من البلد وإن شاء الله حتلاقى بعض الأخوة الأفاضل ممن لديهم خبرة فى هذه الأمور وسوف لايبخل عليك بالمعلومة

[elnounou]

الف شكر Mohamed Fayek

بس الحياة هناك عاملة ازاى سهلة منظمة كده يعنى و لا خيال

[se_ Elsyed]

القطيف مدينة هادئة وكويسة وأهلها متنوعون ما بين فلاحين وصيادين وتجار

وهاتاكل هناك احلى سمك وجمبري لإن هناك سوق سمك كبير جداً ( حلقه سمك يعني :unsure: ) وكل الأكيلة اللي بيروحوا يزوروا المنطقة لاشرقية لازم يعدوا على السوق ده وبيشتروا السمك والجمبري بالشروه .. يعني بالكوم مش بالكيلو .. وأقعد كُل بقى لحد ما تنور فوسفور ..

أما بالنسبة للشيعة فهم مسالمون وناس طيبين وإحنا كمغتربين هنا كل واحد في حاله .. لا لك دعوى بشيعي ولا غيره ..

وعن زيارة والدتك .. لازم تكون متزوج وإلا طلب الزيارة هايترفض وممكن تمدد لها الزيارة إلى 9 شهور .. شهرين في شهرين وهكذا ..

وبالنسبة لتكلفة المعيشة هناك فعلى ما اعتقد هي اهدى وأقل من المُدن الرئيسية زي الدمام والخُبر والجبيل ...

[MZohairy]

كلام سي السيد مظبوط

المدينه هادئه جدا

كل سكانها شيعه

معظمهم في حالهم

من ارخص المدن في السعوديه بالنسبه للسكن

بلد فيها زراعه و صيد كتير

بس و ربنا يقسملك الخير حيث كان

[Rocky]

ان شاء الله تجي بالسلامة

وزي الاخوة ما نصحوك ... البلد كويسة ورخيصة جداً في كل حاجة سكن واكل وحتي التجارة فيها

بالنسبة لموضوع الشيعة ده .. انا شايف انه مش هسببلك اي عائق لاني من سكان المنطقة الشرقية .... ومدام انتا مش بتدخل في المواضيع دي هتبقي الامور تمام

توصل علي خير ان شاء الله

[elnounou]

وهاتاكل هناك احلى سمك وجمبري لإن هناك سوق سمك كبير جداً ( حلقه سمك يعني :rolleyes: ) وكل الأكيلة اللي بيروحوا يزوروا المنطقة لاشرقية لازم يعدوا على السوق ده وبيشتروا السمك والجمبري بالشروه .. يعني بالكوم مش بالكيلو .. وأقعد كُل بقى لحد ما تنور فوسفور ..

عموما اول عزومة سمك عليا يا باشا

[elnounou]

بس و ربنا يقسملك الخير حيث كان

انا متشكر ليك جدا و ربنا يثبت اقدامك هناك و يجعل فيها الخير و البركة

[elnounou]

ان شاء الله تجي بالسلامة

وزي الاخوة ما نصحوك ... البلد كويسة ورخيصة جداً في كل حاجة سكن واكل وحتي التجارة فيها

بالنسبة لموضوع الشيعة ده .. انا شايف انه مش هسببلك اي عائق لاني من سكان المنطقة الشرقية .... ومدام انتا مش بتدخل في المواضيع دي هتبقي الامور تمام

توصل علي خير ان شاء الله

انا كمان مبسوط انى عرفت المنتدى ده قبل ما اجاى كسبت منه اصدقاء و صحبة طيبة

[خالد شحاته]

السلام عليكم و رحمه الله و بركاته

اولا احب اسلم على كل الناس اللى هنا من مصريين و غير مصريين

بس يا ريت اخد منكم نصيحة

انا معروض على العمل فى القطيف و انا الحقيقة مش عاندى ادنى فكرة عن المدينة او كيفية التعامل فيها

اسئلتى كتير

اولا طبيعة مدينة القطيف من حيث الجو و الناس اللى فيها

ثانيا مدى امكانية استقدام امى اقصى مده لها فى الاستقرار معى

ثالثا اسعار المعبشة المعتدلة مع العلم بتوفير سكن من قبل المستشفى و توافر سبل المعيشة المعتدلة

رابعا النصيحة غالية و امانه فى ايديكوا

خامسا الراتب يكون فى حدود اد ايه مع العلم انا طبيب مقيم

سادسا هل فى مكان للخروج و كده و لا الدنيا مقفولة

سادسا معلش صادعتكوا انا اسف بس الغريب اعمى و لو كان بصير

القطيق مدينه كويسه بس طبعا الاغلب شيعه وللاسف صحيح بيكره السنه

بس اهم شي انك تكون في عملك وبس ومدخلش نفسك في الدين ولا السياسه هي في منصف الطريق بين الرياض والدمام

والله يوفقك