انتم مصريين غير أغلبية المصريين إلي عرفتهم

[HassanAboali]

السلام عليكم

منتدي عائلي

الأخوة الكرام بهذا المنتدي الجميل أنا بدخل هذا المنتدي تقريباً من سنة وشوية، وأنا بالسعودية في جدة تحديداً من سنتان 12/2006م وحتى الأن وأعمل بقسم شؤون الموظفين مسؤول عن طباعة كل الخطابات بالعربي والعقود ( تايبست ) بأحد مشاريع الشركة ولم أكن مشترك في المنتدي ولكن استفدت استفادة عظيمة من الموضوعات المطروحة ولاحظت مساعدة بين الأخوة لم أجدها على أرض الواقع بين المصريين؟ الذين تعاملت معهم وأنا من شدة حبي للمنتدي أدخل عليه بعد العمل من تلفوني الجوال تقريباً قرأت أغلب الموضوعات وخاصةً الموجودة بمنتدي الدراسة والعمل وكان لنصائح الأخ سي السيد تحديداً وباقي الأخوة إفادة كبيرة على خاصةً أنها قريبة من مجال عملي ولقد حصلت استفادة من الأخوة بهذا المنتدى لم أحصلها من أخي المتواجد بالسعودية من عشرين سنة لأنه لم ينبهني لأي شئ مع إنه يعمل معي بنفس الشركة محاسب هو الذي وفر لي العمل ولقد بقيت معه شهران ولكن ذهبت لمشروع أخر ولقد قابلني صعوبات كثيرة في المعيشة ونقل الكفالة للشركة ولا أحب أن أذكر هذه الأيام فلقد كانت مريرة بشدة والأمر منها كان فكرة الرجوع لمصر ولكن صبرت عليها لأني بمصر لن أستطيع تسديد نفقات الفيزا والتي وصلت ل 15000 جنيه ولكن الحمد لله مع الصبر كان الفرج ونقلت الكفالة وتحسن الراتب وسددت مبلغ كبير جداً من ديوني وزادة الثقة في العمل والحمد لله أنا في وضع أحسن الآن و أسأل الله أن يجزيكم خير عما تفعلوه وسأكون معكم إن شاء الله بكل جديد أحاول أفيد به الأخوة.

من ضمن ما استفد من هذا المنتدي العزيز موضوع أرخص تكلفة اتصال دولي على مصر ومنها كان تأكيد الأخوة على شريحة زين ولقد أرسلت الشريحة لمصر وبالفعل اشتغلت وأصبحت الدقيقة الأن ب 30. هللة على عرض الشريحتين وبحوالي 27. هللة على عرض شهر وشهر وهذا أقل تكلفة وصلت له الآن لقد كنت محروم من الاتصال على أهلي بسبب تكلفة الاتصال ولك أن ترى الفرق ستة عشر دقيقة مع الرقم المفضل من الجوال أو موبايلي ب 20 ريال ومع زين ب 5 ريال

الموضوع إلي نفسه أفهمه من الأخوة لي المصريين تحديداً بالغربة يفرقوا عن أي جنسية تانية على الإطلاق إي الفرق على أرض الواقع وليس على منتداكم الطيب، يعني في تنافر فيما بينا غير عادي لا تراه حتى بين البنجلاديش وصحبية لا تدوم كثيراً وبالفعل أصبحت الواحد يحاول يبعد في مجال العمل عن المصري.

[se_ Elsyed]

مرحباً بك أخي الكريم معنا بالمنتدى

ولكن عفواً أنا ضد حكاية إن إحنا مصريين غير المصريين اللي تعرفهم .. لإننا لم نختار الأعضاء الموجودين على الفرازة ... لكننا مصريين كباقي أبناء شعبنا الطيبين ... أي نحن عينة عشوائية ... لكن ممكن يكون شعورك ده نابع إن إنت تنتظر الكثير من اي مصري تتعامل معه بدون أن تعذره أو تعرف ظروقه

بدليل .. كلامك عن أخوك اللي بقى له 20 سنة هنا .. فقد يكون لا يعرف معلومات كثيرة .. تماما كما لم تعرف أنت من قبل وهكذا

أنا اخويا الكبير برضه سبقني هنا بثماني سنوات .. وكنت بازعل منه جدا لانه ما بيدورليش على شغل في السعودية أو حتى في مصر ... لكن لما جيت هنا عرفت إن تأشيرات العمل مش بتمشي تتكعبل فيها في الشارع ..

[HassanAboali]

شاكر كثير على ردك ولكن أنا أتكلم من واقع شفته هنا لمدة سنتين وحتى الأن وإن خدمك مرة خلاص بينتهي الموضوع وخاصة لو حاولت الاتصال به تاني تلفونه جرس ومش بيرد ولم أقصد أنكم على الفرازة أو مختارين بعض ولكن أظن إن الفئة إلى بتدخل هنا وتقدم تعاون فئة الناس يعني قلوبهم طبيعة وتركيبة الجينات عندهم مختلفة عما رأيت في أرض الواقع مش بيقولو الطيور على أشكالها تقع

[osmel33]

المصريين هما المصريين "نفس القطعية" :rolleyes: بس المشكلة في الظروف اللى بتغير بعضهم

يعنى كل اللى انت عملته أنك فى المنتدى بصيت على المصريين بعمق شوية

[HassanAboali]

لقد وجدت مساعدة من مديري اللبناني ومن بعض الجنسيات الأخرى ورغم إن لنا في الشركة مصريين بمستوي مهني كبير ويقدر يخدمني ولكن الخدمة بتكون مش على قدر مستوى الجنسيات الأخرى

[سهل جدا]

صوابعك مش زي بعضها يا أستاذ حسن أبو علي

احنا المصريين زي أي جنسية في العالم , فينا الكويس وفينا الكويس جدا :rolleyes:

وإن شاء الله كلنا نكون إخوة لك

دمت بود

أخوك الكبير أو الصغير (على حسب عمرك :lol: ) سهل جدا

[se_ Elsyed]

لقد وجدت مساعدة من مديري اللبناني ومن بعض الجنسيات الأخرى ورغم إن لنا في الشركة مصريين بمستوي مهني كبير ويقدر يخدمني ولكن الخدمة بتكون مش على قدر مستوى الجنسيات الأخرى

طب إنت عمال تتكلم من ناحية واحده ..

يا ترى إنت جاي الدُنيا عشان الناس كلها تُسخر لخدمتك لبناني أو مصري أو من ماليزيا حتى ؟ ولا المفروض وجودنا في الدنيا يبقى له طرفين .. نحن والأخرون ؟

وزي ما هاتخدم الناس برضه هايخدموك ؟

ومستحيل تدخل مكان تلاقي الناس كلها ضدك .. بدون اي سبب

فكلمنا شويه عن خدمتك إنت للناس ..

بلاش كده ... عن معاملتك أنت لهم .. عن كسب ود الأخرين حتى لو كانوا شياطين ... عن إبتسامك في وجوههم عندما تقابلهم .. عن إهتمامك بهم ومشاكلهم ومشاطرتهم مناسباتهم المختلفة ...

[HassanAboali]

طيب الأخ سي السيد شكله زعلان من كلامي على العموم هذا الواقع إلى رأيته أول لما جيت السعودية ولم يكن معي أي شئ أو في إيدي شئ أقدمه والحمد لله كان تعاملي حسن مع الجميع وزي ما قلت كان بيبقى مرة أطلب شئ من أحد وتاني مرة بينتهي الموضوع والحمدلله لم أكن أطلب فلوس وسلف كل الأمر كان بيتعلق باستفسارات عن العمل ونقل الكفالة وطلب عمل وبعد ذلك لما بقى لى خبرة ومكانة شوية في عملي أصبحت الأمور فيمنا بنا خدمات متبادلة وانقطعت تقريباً عن كل من عرفتهم أول لما وصلت وحتى الأن رغم إن منهم كان صديق لي بمصر

[HassanAboali]

الأخ سهل جداً شاكر لك وفعلا مش كل الناس زي بعضها

[osmel33]

طب إنت عمال تتكلم من ناحية واحده ..

يا ترى إنت جاي الدُنيا عشان الناس كلها تُسخر لخدمتك لبناي أو مصري أو من ماليزيا حتى ؟ ولا المفروض وجودنا في الدنيا يبقى له طرفين .. نحن والأخرون ؟

وزي ما هاتخدم الناس برضوا هايخدموك ؟

ومستحيل تدخل مكان تلاقي الناس كلها ضدك .. بدون اي سبب

فكلمنا شويه عن خدمتك إنت للناس ..

بلاش كده ... عن معاملتك أنت لهم .. عن كسب ود الأخرين حتى لو كانوا شياطين ... عن إبتسامك في وجوههم عندما تقابلهم .. عن إهتمامك بهم ومشاكلهم ومشاطرتهم مناسباتهم المختلفة ...

أؤيد الموضوع بتاع الطرفين ده صح جداً

[HassanAboali]

وزي ما قلت في أول كلامي كان المنتدى هنا هو المسكن على المصاعب في الغربة والاستفسارات كانت جاهزة مش محتاج أسأل أحد خلاص من ساعة لما عرفت المنتدي وزي ما قلت كنت بدخل هنا بشكل يومي والفضل يرجع للأخوة الموجودين هنا

[ابن الصعيد]

كما قال الله سبحانة وتعالي في سورة الرحمن ....هل جزاء الإحسان إلا الإحسان

قدم الخير تجده

أؤيد الموضوع بتاع الطرفين ده صح جداً

[Mohamed Fayek]

قل أعوذ برب الفلق ... هى ايه الحكاية مستكترين علينا نكون كويسين مع بعض ... ياسيدى الفاضل ربنا جمع الناس اللى فى المنتدى والحمد لله إن كلهم فيهم الخير ...

ياسين سين مطلوب حفلة زار وبخور وشوية عين العفريت من شر الحاسدين لحسن الموقع يدمر ويبقى كله أهلاوية :rolleyes:

[dongol]

قل أعوذ برب الفلق ... هى ايه الحكاية مستكترين علينا نكون كويسين مع بعض ... ياسيدى الفاضل ربنا جمع الناس اللى فى المنتدى والحمد لله إن كلهم فيهم الخير ...

ياسين سين مطلوب حفلة زار وبخور وشوية عين العفريت من شر الحاسدين لحسن الموقع يدمر ويبقى كله أهلاوية :rolleyes:

ايه يا عم فايق التخبيط ده هو يعني احنا علشان اتغلبنا امبارح هتبتدوا تقطعوا فينا كده

ايه رايك بقي احنا اللي سايبين الماتش لحرس الحدود بمزاجنا بس برضه هنقطعكم يوم الاحد و مفيش حاجة هتنجيكم من ايدينا :lol:

الامضاء دنجل كبير مشجعي الاهلي بالامارات

[Mohamed Fayek]

قل أعوذ برب الفلق ... هى ايه الحكاية مستكترين علينا نكون كويسين مع بعض ... ياسيدى الفاضل ربنا جمع الناس اللى فى المنتدى والحمد لله إن كلهم فيهم الخير ...

ياسين سين مطلوب حفلة زار وبخور وشوية عين العفريت من شر الحاسدين لحسن الموقع يدمر ويبقى كله أهلاوية :rolleyes:

ايه يا عم فايق التخبيط ده هو يعني احنا علشان اتغلبنا امبارح هتبتدوا تقطعوا فينا كده

ايه رايك بقي احنا اللي سايبين الماتش لحرس الحدود بمزاجنا بس برضه هنقطعكم يوم الاحد و مفيش حاجة هتنجيكم من ايدينا :lol:

الامضاء دنجل كبير مشجعي الاهلي بالامارات

ياعم دنجل بسيطة تعيشوا وتاكلوا غيرها ... بس بالله عليك تدخل على موضوع مبرووووووووووول للأهلى وإنت تشوف

آل سايبين الماتش آل ...آل سايبين الماتش آل

[Amr Radwan]

انا مقتنع تمام .. ان اي مجموعة .. اي جنسية .. اي تجمع انساني بمعني اصح .. دايما فيه الكويس و فيه الوحش .. و المفروض لا نعمم الوحش و لا الحلو ..

انت حظك انك وقعت مع ناس مش بتخدم .. انا لما جيت حصل لي مواقف قريبة من اللي بتقوله .. بس برده ربنا وقفلي ناس كويسه وقفت جمبي .. يعني فيه مصريين مش بيخدموا و فيه مصرييين بيخدموا .. ليه نعمم الوحش .. و لعلمك ان الموضوع ده في اي جنسية .. :ninja:

تحياتي لك

[HassanAboali]

الأخوة الكرام أنا أقدم اعتذاري لكل المصريين عشان خاطر إنتم كذلك مصريين وكماذكرالأخوة يمكن فعلا الظروف جابتني مع ناس لم تساعدني وأقصدبيهم الإدرايين الكبارمعي إلي في وضع وظيفي يقدريساندك فيه ولوبالتوجيه الصح كمايفعل سي السيد في أمورالعمل الكفالةهذا كان قصدي لأني تعذبت كتيرفي موضوع نقل الكفالةوشفت الذل من الكفيل وكنت هخرج نهائي وذلك لأني لم أجدالنصيحة أو إرشاد ممن هم علي علم بهذا الأمر وممكن ألوم نفسي إني لماأتحري ولكن الحمدلله وجدتكم بالوقت المناسب

[sherifhfm]

اخى اود ان اقدم لك نصيحه صغيره يمكن مش فى نطاق الموضوع بس ارجو تقبلها

لا تبادل السيئه بالسيئه ابدا افعل الخير حتى لو مع من لا يستحق صدقنى سوف يشعرك هذا براحه كبيره وسوف تشعر بلذة الانتصار على النفس الامارة بالسوء

وبعدين والله معظم المصريين غلابه وحلوين خالص بس معلش عوامل التعريه احيانا بتغير شكل الجبال حيبقى مش معقول مش حتغير الانسان

[Amr Radwan]

اخى اود ان اقدم لك نصيحه صغيره يمكن مش فى نطاق الموضوع بس ارجو تقبلها

لا تبادل السيئه بالسيئه ابدا افعل الخير حتى لو مع من لا يستحق صدقنى سوف يشعرك هذا براحه كبيره وسوف تشعر بلذة الانتصار على النفس الامارة بالسوء

وبعدين والله معظم المصريين غلابه وحلوين خالص بس معلش عوامل التعريه احيانا بتغير شكل الجبال حيبقى مش معقول مش حتغير الانسان

انا اايدك بشده علي هذا الراي :)