(البيك) .. ذلك المطعم الذي ملك شغاف قلبي

[سهل جدا]

*

*

*

أنا بصراحة كنت بتصفح في المنتدى وكنت جعان جدا , واتفاجأت إن المنتدى فيه قسم خاص بالمطبخ, قولت كويس، أخش يمكن الاقي لقمة أكلها :ninja:

وكعادتي إذا دخلت أي قسم في المنتدى أحب أن أدلو بدلوي ..

بالنسبة للطبخ فلا أفقه فيه أي شيء :lol: ، فقولت أتكلم عن طبخ غيري: أعني المطاعم ..

واخترت "مطعم البيك"

:ninja:

بصراحة هذا المطعم أعتبره المطعم المثالي في المملكة, بل هو أكثر مطعم مثالي قابلته في حياتي ..

لا تخافوا, أنا لا أعمل له دعاية , لكن صراحة من إعجابي بي قولت أكتب عنه

الميزة اللي فيه إن أكله يجمع بين ثلاث أشياء هي مقياس النجاح لأي مطعم ..

((الطعم الجيد – السعر المناسب – النظافة ثم النظافة ثم النظافة..))

عشان ما أطولش عليكم, سأتكلم عن الشيء الذي يتعلق بقسم الطبخ .. الطعم الجيد

حد يعرف إيه سر التتبيلة بتاعتو اللي بتجبلو كل الزباين ديه كلها

(اللهم لا حسد، ما شاء الله ، الله أكبر)

*

*

*

[مسافر زاده الخيال]

وانا مثلك اجهل الجهلاء في الطبخ

ومن مرتادي البيك وحقيقة لقد تفوق هذا المطعم على افخم مطاعم الغرب (كنتاكي واشباهها) بشهادة غربيين عملت معهم لكن ملاحظتي عليهم هي الخبز-العيش طعمه صناعي حيث انني كثيرا ما اشتري الرغيف البلدي الاسمر او خبز الملوح اليمني

[Emo]

أستاذ سهل..

اعترف دافعنلك كام وجبة عشان الدعاية الجامدة دي.. :waf:

بس هو يستاهل صراحة :aslam:

[MZohairy]

البيك متواجد في المنطقه الغربيه فقط

بسبب ان اصحاب القوه في الرياض و المنطقه الشرقيه طلبوا مشاركته في مطعمه في مناطق نفوذهم و رفض صاحب البيك هذه الشراكه

و بالتالي لن تجد البيك ابدا في الرياض او الدمام

فقط في الغربيه

ما الذه هذا البيك :aslam:

[سهل جدا]

أزايد يا أستاذ مسافر .. يا راجل العيش أمره سهل

وبالنسبة لكنتاكي , فأنا أعتبر إنها مقارنة فيها إجحاف بحق البيك

إيش جاب لجاب يا راجل

شكرا على مرورك

اعترف دافعنلك كام وجبة عشان الدعاية الجامدة دي

بريئ والله يا ست هانم :waf:

وبعدين هو مش محتاج دعاية .. أنا عمري ما شوفت له أي إعلان في الوسيلة ولا المبوبة

ولا عمري شوفت له نشرات بيوزعها ..

(ما شاء الله)

البيك متواجد في المنطقه الغربيه فقط

بسبب ان اصحاب القوه في الرياض و المنطقه الشرقيه طلبوا مشاركته في مطعمه في مناطق نفوذهم و رفض صاحب البيك هذه الشراكه

و بالتالي لن تجد البيك ابدا في الرياض او الدمام

فقط في الغربيه

ما الذه هذا البيك :aslam:

هلا, بأستاذ مزهوري

أنا فعلا كنت مستغرب من عدم وجود البيك في الشرقية والرياض , بالرغم من انتشار المطاعم الأمريكية هناك

بس هل أنت متأكد من كلامك ده , ولا ديه إشاعات؟!

[Diab]

*

*

*

أنا بصراحة كنت بتصفح في المنتدى وكنت جعان جدا , واتفاجأت إن المنتدى فيه قسم خاص بالمطبخ, قولت كويس، أخش يمكن الاقي لقمة أكلها :rolleyes:

وكعادتي إذا دخلت أي قسم في المنتدى أحب أن أدلو بدلوي ..

بالنسبة للطبخ فلا أفقه فيه أي شيء :sad: ، فقولت أتكلم عن طبخ غيري: أعني المطاعم ..

واخترت "مطعم البيك"

بصراحة هذا المطعم أعتبره المطعم المثالي في المملكة, بل هو أكثر مطعم مثالي قابلته في حياتي ..

لا تخافوا, أنا لا أعمل له دعاية , لكن صراحة من إعجابي بي قولت أكتب عنه

الميزة اللي فيه إن أكله يجمع بين ثلاث أشياء هي مقياس النجاح لأي مطعم ..

((الطعم الجيد – السعر المناسب – النظافة ثم النظافة ثم النظافة..))

عشان ما أطولش عليكم, سأتكلم عن الشيء الذي يتعلق بقسم الطبخ .. الطعم الجيد

حد يعرف إيه سر التتبيلة بتاعتو اللي بتجبلو كل الزباين ديه كلها

(اللهم لا حسد، ما شاء الله ، الله أكبر)

*

*

*

مش قوي كدة يا عم سهل قلبك أبيض :rolleyes:

طيب خد اسمع الاغنية بتاعة البيك مشهورة قوي

http://www.youtube.com/watch?v=h6FKm7IP_wU

:happy:

[شاب مصري]

هو بيقدّم بيك رولز ولا ايه بالزبط ؟

:rolleyes:

[سهل جدا]

يا هلا بالأستاذ دياب:

مش قوي كدة يا عم سهل قلبك أبيض

طيب خد اسمع الاغنية بتاعة البيك مشهورة قوي

انت باين عليك من مرتادي المطاعم التانية .. الطازج وكنتاكي و....

بس حلو النشيد بتاع البيك ده

على فكرة دا مقتبس من نشيد إسلامي اسمه : لبيك إسلام البطولة أو حاجة زي كده يعني

هو بيقدّم بيك رولز ولا ايه بالزبط ؟

هلا بالأخ شاب مصري:

المطعم اللي بتكلم عنه ده من أشهر المطاعم اللي في السعودية

وعمل حركة ، أعتقد من الصعب جدا (إن لم يكن من المستحيل) إن حد يعملها

لما الأسعار ارتفعت من حوالي سبع أو ثمانية شهور اضطر إنه يغلي الأسعار غصب عنه

لكن اليومين اللي فاته دول لما الأسعار نزلت تاني , نزل أسعار الوجبات بتاعتو

بالله عليك , شوفت حد عملها قبل كده

والله يستحقوا النجاح الكبير ده , ليه أكثر من 30 فرع في السعودية على حد علمي, إن لم يكن أكثر , والزباين واقفين طوابير

[fatfouta]

هو بيقدّم بيك رولز ولا ايه بالزبط ؟

الاخ الكريم

بحس دايما انك رايق كده وردودك مختصرة ومفيدة

هو بيقدم حضرتك وجبات جميله ذى ما الاخ سهل جدا قال بس للاسف بقى هو مش عندنا فى الرياض لكن لما بنروح مكة عقبالك كده يا رب

بنستقتل عشان نشترى من عنده عشان هو دايما زحمة جدااااا

[ايهاب سالم]

صحيح أنا ماعشتش في السعوديه ولله الحمد

لكن جربت البيك في الحج و العمرات

وهو بصراحه بديل رخيص لوجبه بروتينيه

لكن من حيث الجوده و الطعم فهو عادي

يعني مش مميز و مش سئ

ماشي حاله

حاجه مفيش مانع تاكلها من وقت للتاني

أما بالنسبه لمقارنته بكنتاكي

فكنتاكي برقبة اللي خلفوه

متزعلش مني يا سهل

فالبطون فيما تعشق مذاهبو

تم تعديل 9 يناير 2009 بواسطة ايهاب سالم

[Diab]

البيك هو احسن وجبة رخيصة ولا يقارن أبدا بكنتاكي ودي مش دعاية لكنتاكي طبعا

لكن هو اقل من العادي وربنا كاتبله رزق وهو بديل للغلابة

تمن وجبة من كنتاكي بحوالي 20 ريال

وجبة البيك 11 ريال

[Emo]

تعالوا اتعشوا معايا مسحب من البيك...

الدعاية جابت تأثيرها ياباشا wst::

[ايهاب سالم]

تمن وجبة من كنتاكي بحوالي 20 ريال

20 ريال بس

يعني 6 دولار wst::

جتنا نيله ف حظنا الهباب

[مسافر زاده الخيال]

عودة مرة اخرى للحوار

فعلا فللبطون فيما تعشق مذاهبون

لكن بصراحة كنتاكي (بيهش دبان)مقارنة بالبيك (ربما فروع اميركا واوروبا افضل من التي في السعودية)لكن حسب اكتر الغربيين

اللي باشوفهم في جده اضافة للمعتمرين (وهم من شتى انحاء العالم)و كذلك الحجاج من شتى انحاء العالم

اثبتوا فيما لا يدعو مجالن للشك

ان البيك متفوق بالضربة القاضية وفي المركز الثاني الطازج اما كنتاكي(الدجاج المعدل وراثيا) فهو سبات عميق

[شاب مصري]

هو بيقدّم بيك رولز ولا ايه بالزبط ؟

الاخ الكريم

بحس دايما انك رايق كده وردودك مختصرة ومفيدة

هو بيقدم حضرتك وجبات جميله ذى ما الاخ سهل جدا قال بس للاسف بقى هو مش عندنا فى الرياض لكن لما بنروح مكة عقبالك كده يا رب

بنستقتل عشان نشترى من عنده عشان هو دايما زحمة جدااااا

ربنا يكرمك يا ست الكل

بس مفهمتش ايه وجبات جميلة دي ؟ يعني فاست فود زي المطاعم الأمريكية ولا مشويات زي تكا؟ ولا كبسة والذي منه؟

بالنسبة كنتاكي ده نيلة في الخليج ( أيام زمان لما كنا هناك) وفي مصر

و يعتبر من أزبل المطاعم في العالم

بجد أكل يجيب استبحس ربنا ما يكتبه على حد

اكل بارد ومليان دهون والفراخ بتشد

والصنية بتاعة الأكل متوسخة من الزبون اللي قبلك

يعني مش مكلفين نفسهم يغسلوها او يمسحها من بقايا فرافيت العيش او الدهون

دايما تلاقيها عليها دهون وتوسخ ايدك

وممكن جدا تطلب وجبة تلاقيه حطلك الساندوتش بدون شيبسي وبيبسي وتقنعه انك طالب كومبو يقوم يراجع الأوردر ويحطلك الحاجات وميكلفش نفسه باعتذار

بحس انهم بيلموا الأكل من مقالب الزبالة ويقدموه للزباين :lol:

أجمل مطعم بصراحة تشيليز

أكل وخدمة فوق الرائع

مستوى متميز

بس بالنسبة ليا (( و الطبقة الكادحة من شباب مصر )) يعتبر عدو لجيوبنا الغلبانة

[سهل جدا]

هو بيقدّم بيك رولز ولا ايه بالزبط ؟

الاخ الكريم

بحس دايما انك رايق كده وردودك مختصرة ومفيدة

هو بيقدم حضرتك وجبات جميله ذى ما الاخ سهل جدا قال بس للاسف بقى هو مش عندنا فى الرياض لكن لما بنروح مكة عقبالك كده يا رب

بنستقتل عشان نشترى من عنده عشان هو دايما زحمة جدااااا

طيب بس بصفتك ست بيت , ممكن تعرفينا سر التتبيلة بتاعتو

[سهل جدا]

لكن جربت البيك في الحج و العمرات

وهو بصراحه بديل رخيص لوجبه بروتينيه

لكن من حيث الجوده و الطعم فهو عادي

يعني مش مميز و مش سئ

ماشي حاله

ولا يقارن أبدا بكنتاكي ودي مش دعاية لكنتاكي طبعا

لكن هو اقل من العادي وربنا كاتبله رزق

أسمع كلامكم أصدقكم , أشوف الزحمة الموت على ألبيك أستعجب

وزباين البيك ليسوا كلهم من الغلابة, حتى علية القوم يموتو في حاجة اسمها البيك

قال كنتاكي قال , يا راجل إيش جاب لجاب

شكرا لكما , ودمتما بود

[Diab]

الخليج بس يا عم سهل ربنا مسهلة فيها

ماهو البيك لما فتح في مصر الفرع كان بيصفر فيه الريح ( مش عارف لسة موجود ولا لأ )

في شارع الهرم بعد مسرح الزعيم هتلاقي الفرع بتاعة تحت كدة ( انا بقول اللي كان موجود من 2005 مش عارف الوضع دلوقت )

تحياتي

تم تعديل 10 يناير 2009 بواسطة Diab

[se_ Elsyed]

على حد علمي إن صاحب محلات البيك هو شخص سوري متزوج من سعوديه وتفنن في إختراع الخلطة السرية للبيك اللي حتى اللي شغالين في المحل لا يعرفونها لإنه يصنعها بنفسه ..وهذا الرجل لديه هوس بالنظافة ونظافة عمال المحل بشكل خاص ... وبصراحة هذا النجاح يُحسب له وفعلاً كنتاكي وهارديز والحركات دي بينشوا دبان جنبه وماحدش بيقول لهم إنتوا فين ..

في واحد صاحبي وحبيبي هنا من ايام الجيزة واعدني بأربع وجبات " بيك " وكل مره يقعد يتهرب مني .. وأخر مره كان عندي في الرياض إستنيته يدخل عليه بأربع كراتين يفرح بهم قلبي الحزين .. إلا وألاقيه جاي إيد ورا وإيد قدام ويقولي : إتكسفت أشيلهم في الطيارة ..

مع إنك لو بصيت على مطار الملك عبد العزيز في جده وشوفت الرحلات اللي جايه من هناك للرياض هاتلاقي إن ثلاثة أرباع العفش اللي عالطيارة هو وجبات للبيك .

إحنا مش بنسييح لحد ولا هانقول اسماء عشان التشهير ولا هاقول إن أول حرف من إسمه هو " موديست " يالله مالناش دعوى بسيرة الناس ...

أخر مره أديت العُمرة أنا وزوجتي وبنروح صد رد في نفس اليوم ... دخلت صالة المطار إلا وتشم ريحة كإنك داخل المطبخ من سلم الخدامين وتبص على كراسي الإنتظار تلاقي كل واحد شايل ومحمل وجبات من البيك .. قلت : إذاً فهي الحرب .. بُصي يا أم عبدو .. إحنا نجيب الكياس بتاعتنا - مانا حودت برضوا على الفرع اللي في طريق المطار وجبت ما أستطيع أن أحمله - .. قلت لها أنا هاجيب قلم ونعلم العبوات المتفجرة بتاعتنا أحسن لو طلعنا الطيارة الحابل هايختلط بالنابل والسبايسي هايتعجن مع النورمال وهاتبقى هيصه

[MZohairy]

فعلا مفيش حد يعرف سر الخلطه ابدا يا سيسو غير القليلين من المسؤولين عن المطعم