تغيير وزارى فى المنتدى

[هشام عبد الوهاب]

السيدات والسادة اعضاء المجلس ..يييييييه مش دى .. اشطب .

الأخوة والأخوات اعضاء المنتدى ............ ايوه هى دى

س يتم فى خلال اليومين القادميين اجراء تعديل وزارى ....... غلط غلط

س يتم قريبا جدا ان شاء الله اجراء تعديل فى الادارة ......

------------------------------------

معلش الأستيكه ضاعت من اول السطر

ان شاء الله سوف نقوم ببعض التعديلات فى الأدارة وذلك بتعيين بعض الأعضاء فى التنسيق بدلا من بعض المنسقين المتواجدين حاليا .

تحبوا ترشحوا حد ......

خلاص كفايه كده انت مش مركز خالص

تحياتى

[se_ Elsyed]

رشحوا إبن المنتدى البار صاحب الأيدي البيضاء س س ...

شعاري في الإنتخابات " منكم وإليكم والسلام عليكم "

( وش واحد خايف أحسن يحصل على صوت واحد فقط - صوته هو - )

لأ بجد أنا اخر واحد ممكن يصلح لمهمه مثل الأشراف مع إن شغلتي فى الحياه الإدارة ، لكن فى المنتدى سوف أشعر بقيود وهأحس إني بأفكر وأتكلم بالشوكه والسيكنة .

لكن فلتسمح لي الإدارة بترشيح زملائي وحبايبي الآتي أسماءهم :

1- من أصحاب الخبرة الرجال : أستاذنا العظيم الأفوكاتو .

2- من صاحبات الخبره النساء : والدتنا و ست الكل مدام سلوى .

3- من جيل الشباب الصبيان : السير لانسلوت .

4- من جيل الشباب البنات : مودمازيل كليو .

وهناك أيضاً الكثير من الأسماء التى تصلح لهذه المهمة لكن أنا حاسس أن وقتهم ممكن مايساعدهمش.

[مصرى]

إنتخابات !!

يبقى لازم أدلى بصوتى .. لا أحب أن أكون من الصامتين ..

لكن لازم أخونا هشام يقولنا الأول الواحد ينتخب كااااام ... حتى لا يصبح التصويت باطل ..

ولا تحبوا نجيب كمبيوتر الداخلية ؟!

[Falcon Egypt]

السلام عليكم

الزملاء الاعزاء اعضاء منتدى المصريين الافاضل

تحياتى كلم جميعا, وارجو ان يكون الجميع بخير ان شاء الله

جميع اعضاء المنتدى يصلحون للترقيه الى رتبه المنسق وعن جداره.

فى الحقيقه انا اتفق تماما مع اخويا سى السيد واوافق على ترشيح

الاستاذ الافوكاتو فهو من خيره الاخوه علما وادبا وله احترام لدى الجميع .

وايضا ارشح كليو من الاخوات فانا فى الحقيقه فوجئت عندما وجدتها

لازالت طالبه تستعد للامتحانات فكنت اظن انها اكبرسنا من ذلك

من خلال اسلوبها ورزانتها وثقافتها .

ولكن كل الرجاء ان لاتقل مداخلات من نرشحهم لمكانه المنسق

عندما يتخذون موقعهم الجديد فنحن دائما نشتاق الى مداخلتهم

اما الاستاذ سى السيد ففعلا لانريدك منسقا لانك عضو خفيف الظل

ولك بصمتك فى هذا المنتدى وجعلك منسقا معناه انك سوف تشرب

كوبا من النشا كل يوم صباحا قبل الذهاب الى عملك وهذا مالانريده

منك فنحن نريدك معنا كما انت زميل باسلوبه وقفشاته الحره الشيقة الممتعة

وشكرا

[ابو حلاوه]

فكرة الترشيحات ممتازة و لكن ارجو من الجميع التفكير في هذا الاقتراح بدلا من مداخلات عامة من الافضل ان يتم ارسال رسائل لهشام بمن يرغب في ترشيحة و الا سنجد ان هناك بعض الحساسيات لا داعي لها .. كعادة اي انتخابات

مجرد اقتراح

[achnaton]

يالله ... خدوا فالكم من منتدياتكم .. !!!

[مصرى]

لماذا لا نشجع ممارسة الديمقراطية فى المنتدى ؟! ومن يجد فى نفسه القدرة والكفاءة أن يرشح نفسه لخوض الانتخابات ويقدم أفكاره أو برنامجه .. ثم يجرى التصويت عن طريق الاقتراع السرى على أسماء المرشحين

لماذا الخوف من خوض الاختبار أو التجربة .. وإنتظار أن يأتى التغيير أو الإختيار دائما من فوق ؟!

[هشام عبد الوهاب]

تمام يا استاذ مصرى ... واهى فرصه نجرب الأنتخابات .

اللى عاوز يرشح نفسه يتفضل . ثم يختار الأعضاء منهم اثنين فقط عن طريق الرسائل الخاصه للعبد لله منعا للأحراج .

المرشحون حتى الان .

لانسلوت ، سلوى ، كليو ، الأفوكاتو . -----. ----- . ------ .

اولا لازم يكونوا موافقين على ترشيحهم .

عاوزين انتخابات جامده وسخنه ..... ورونا الهمه والديمقراطيه والنزاهه موجودين اطمنوا ...

[freefreer]

ابتسامة خفيفة .. تليها ابتسامة خبيثة .. ارشح الأعضاء التاليين ..

كلية المنسقين و مهنة المنسق

الوصلـــــــــــــــــــــــــــــــة

[Salwa]

احبائى....

شعرت بالسعادة البالغة لأنى كنت عند حسن ظنكم ..

ومجرد اختياركم لى يجعلنى احبكم اكثر ....مع العلم انى اعتز بكم لاقصى درجة ممكنة ...

آسفةجدا جدا ....اعفونى من الترشيح...نظرا لضيق الوقت ...

واترك الفرصة لمن هو كفء لهذه المهمة ولديه الوقت الكافى.

شكرا لكم جميعا يا احبائى.

سلامى.

[nora]

وهناك أيضاً الكثير من الأسماء التى تصلح لهذه المهمة لكن أنا حاسس أن وقتهم ممكن مايساعدهمش.

شكرا شكرا يا س س كان العشم برضوا انا فعلا مشغولة مش هقدر ( وش واحد بيستعبط)

انا معاكم في ترشيح الافوكاتوا والله انا كنت مفكراه من الادارة

[Lancelot]

أولا أشكر لحبيبي سي السيد ثقته الكبيرة فيا .. يا رب يخليك ليا يا رب .... مش عارف أصف الفرحة اللي أنا فيها بهذه الثقة ....

لكن بعد إذن الإدارة ... أنا عايز أعرف شوية حاجات ... يعني باب الترشيح مفتوح لحد إمتي ... و الإنتخابات مستمرة أد إيه .... و فعلا عايزين برنامج إنتخابي ....

و بعدين فين باقي المرشحين ... لم نسمع بعد من الأستاذ الأفوكاتو و المودمازيل كليو ....

[هشام عبد الوهاب]

يظهر ان ماحدش عاوز يرشح نفسه ... طيب فاضل يومين ونقفل باب الترشيح ... المرشح الوحيد حاليا هو لانسلوت ....

لو المرشحين زادوا يبقى كل واحد فيهم مطالب بحملة انتخابية ...

يعنى مثلا عاوز يدخل الأدارة علشان يعمل كذا وكذا ........

[مصرى]

برافو لانسلوت

أحيى شجاعة وإيجابية لانسلوت .. وصوتى مضمون معاه .. فهو مقدام تحمس لخوض التجربة فى أول إنتخابات عامة تجرى فى منتدى على النت

[White heart]

مصرى كتب:

أحيى شجاعة وإيجابية لانسلوت .. وصوتى مضمون معاه ..

فعلا ... و انا كذلك كنت قد أعطيته صوتى مسبقا ... فى هذا الموضوع:

[optimistic]

و صوتي للانسلوت

و العمولات بالنص

و ارشح كليو كمان

و سكوب

[Cleo]

و بعدين فين باقي المرشحين ... لم نسمع بعد من الأستاذ الأفوكاتو و المودمازيل كليو ....

للأسف يا جماعة أظن أن الإدارة لن ترحب بترشيحى، نظرا لاختفائى بين الحين و الآخر عن المنتدى... أما لو وافقت الإدارة، فأنا يشرفنى أن أكون جزء من فريق التنسيق فى المنتدى..

[بنت شعنونة]

انا ارشح كليو ولانسولت

واستاذ اوبتيمستك للشعر

واستاذ شرقية للديني..

[Lancelot]

أستاذ مصري ... وايت هارت ... شعنونة ... أشكركم بشدة علي هذا التشجيع ....

أوبتي حبيبي ... حمد لله علي سلامتك .. إنت فين يا عم .... و عمولتك جاهزة و محفوظة ... (أوعدكم بالقضاء علي الفساد تماما و إلي هذا الحين سيبونا نشوف شغلنا "وش واحد بيمشي حاله") ...

الأخت العزيزة كليو .... سيبيكي من الحكومة ... الشعب هو اللي بيناداي عليكي و أنا واحد من الشعب ده ...

[maksoof]

إسمحولى أرشح الدكتورة الفاضلة شعنونة