عايزة فكرة مشروع صغير من ذوى الخبرة فى السوق

[ذهبية]

السلام عليكم يا اصدقائى انا عندى محل ضغير لا تتجاوز مساحتة 12 متر ملك لى اريد ان اعمل فية مشروع صغير يدر لى عائد بدل ما هو مقفول ولا استفيد منة باى شىء للاسف فكرت انى ااجرة و ارتاح من وجع الدماغ توفيرا للوقت والجهد والمال لكن للاسف اى حد يجى يشوف مساحتة يسمعنى كلمتين فى عضمى انة لا يصلح لاى شىء و يبص علية و يمشى فورا مع انى عملة فية ديكورات اكتر من رائعة على امل انة يشد العين طالما مساحتة ضغيرة

لكن برضة للاسف محدش جاء و خسرت اللى اندفع فية و بصراحة انا مضايقة مش عارفة اعمل فية اية

عايزة منكم يا اصدقائى خبرتكم فى مشروع يصلح للمساحة دى ممكن يكون اية ؟

اصلها كبرت فى دماغى من كتر ما قفلونى انة لا يصلح لاى شىء

دلونى انا فعلا محتاجة رايكم ابدا ازاى و اعمل اية ؟؟ مع العلم انة فى شارع جانبى من شارعين رئيسين من الناحيتين

و تشطيبة حلو جداااا ياترى اية اللى ماشى الان فى المشاريع وافتحة اية ؟؟؟

[osmel33]

الأخت ذهبية فين مكان المحل ؟ يعنى الحي اللى هو فيه اسمه أيه ؟ لأن فيه مشاريع ممكن ترتبط بالمكان

اللى هى فيه

[Abu Reem]

الأخت ذهبية فين مكان المحل ؟ يعنى الحي اللى هو فيه اسمه أيه ؟ لأن فيه مشاريع ممكن ترتبط بالمكان

اللى هى فيه

فعلا كما قال أخونا Osmel33 أين بالضبط مكان المحل وهل مكانه يحيط به مثلا مدرسة أو مستشفى أو أي مكان يحتوي على تجمع عدد كبير من الناس ( مصلحة حكومية ) وهل عندك رأس مال ستشغليه في المشروع وكم هو ؟؟ وهل أنت من سيقوم بالعمل في المحل أم ستقومي باستئجار عامل ؟؟؟ وما هي خبرتك مثلا ؟؟ هل عندك سابق خبرة في أي تجارة ولو بسيطة؟

يعني لابد أن تعطينا بعض المعلومات لكي نستطيع أن نقدم أراءنا ، وشيء طيب أنك تستشيرين إخوانك فهذا شيء جيد ، وإن شاء الله هناك بعض الأفكار الجيدة ولكن أهم شيء هو ( رأس المال المتاح للمشروع) مع ذكر خبرتك الشخصية ، وايضا الموقع بالإضافة إلى هل أنت فقط تريدين استغلال المحل فقط بدون رأس مال أخر أم مثلا تريدين أن يشاركك أحد برأس المال مقابل المحل من طرفك ؟

في إنتظار معلوماتك لكي نستطيع إفادتك

[ذهبية]

طبعا اشكرك يا ابو ريم على الرد و osael33

و سوف اقوك بالرد على الاسئلة من ناحية المكان انا فى محافظة خارج القاهرة فى مدينة المنصورة و مكان المحل فى شارع متفرع من شارع الترعة وهو شارع معروف انة تجارى لانة فية محلات كتيرة تاجير فساتين افراح و مفتوح عدد لا باس فية و معروف ايضا بمحلات الموبايل و معارض السيارات و السوبر ماركت فية بكثرة محلى فى شارع متفرع من هذا الشارع و يوجد فى شارعى محلات بقالة و مكاتب و تصوير مستندات و بيع ملابس جاهزة

ام عن خبرتى انا لدى علم بشغل الخياطة و التطريز وعمل شنط حريمى و اى شىء يدوى او مرتبط بالشياكة و العبايات و غيرة

من ناحية اعمل فية بنفسى طبعا لا لانى ليس لدى الوقت الكافى لانى زوجة و ام لكن ممكن اشرف علية و يكون فية حد مكانى

من ناحية راس المال حسب المشروع و افكاركم اللى هاسمعها لكن طبعا اتمنى الا يكون مبلغ كبير لان لو حصل خسارة ومعرفتش امشية يكفينى خسارة حتى الان

من ناحية مشاركة غيرى معنديش اى مانع طالما بحلال ربنا و يكون امين

يارب تكون اجابتى وافية و اتمنى من الله ان تدلونى بخبرتكم اعمل اية ؟؟؟

[Scorpion]

مع اني ماليش في التجارة لكن ما يمنعش اني افتي ... ما هو انا مش دافع حاجة من جيبي .... :lol:

المنطق يقول انك تشوفي ايه اللي ناقص في المنطقة و علي هذا الأساس تحددي نشاطك فيه ... يعني مادام الشارع مليان محلات فساتين و موبايلات فطبعآ حيكون غلط انك تشغليه في نفس المجال .. لكن لو مثلآ المنطقة ناقصها محل بيبيع ادوات منزلية .. او ادوات كهربائية او حدايد او بويات ... الخ الخ .. فنسبة نجاحه حتبقي مرتفعة بالطبع ....

نقطة تانية ... بما ان حضرتك ليكي خبرة في مجال الخياطة و التطريز فلماذا لا تجعليه متجر لبيع ما يمت بصلة بهذا المجال .. يعني زراير بأنواعها ... ابر ... ابر تريكو و كروشيه ... خيوط بأنواعها .. ترتر و خرز ما يمت للتطريز و لا مانع ايضآ من تصليحات بسيطة ... تضييق ملابس .. "تقييف" ... توسيع ... رتق ... الخ الخ ....

بس المهم انك عمرك عمرك ما تقبلي الشكك ... الدفع عند الأستلام فورآ و لا مانع من تخفيضات بسيطة لكسب العملاء ...

تحياتي و امنياتي بالنجاح

[osmel33]

طبعا اشكرك يا ابو ريم على الرد و osael33

و سوف اقوك بالرد على الاسئلة من ناحية المكان انا فى محافظة خارج القاهرة فى مدينة المنصورة و مكان المحل فى شارع متفرع من شارع الترعة وهو شارع معروف انة تجارى لانة فية محلات كتيرة تاجير فساتين افراح و مفتوح عدد لا باس فية و معروف ايضا بمحلات الموبايل و معارض السيارات و السوبر ماركت فية بكثرة محلى فى شارع متفرع من هذا الشارع و يوجد فى شارعى محلات بقالة و مكاتب و تصوير مستندات و بيع ملابس جاهزة

ام عن خبرتى انا لدى علم بشغل الخياطة و التطريز وعمل شنط حريمى و اى شىء يدوى او مرتبط بالشياكة و العبايات و غيرة

من ناحية اعمل فية بنفسى طبعا لا لانى ليس لدى الوقت الكافى لانى زوجة و ام لكن ممكن اشرف علية و يكون فية حد مكانى

من ناحية راس المال حسب المشروع و افكاركم اللى هاسمعها لكن طبعا اتمنى الا يكون مبلغ كبير لان لو حصل خسارة ومعرفتش امشية يكفينى خسارة حتى الان

من ناحية مشاركة غيرى معنديش اى مانع طالما بحلال ربنا و يكون امين

يارب تكون اجابتى وافية و اتمنى من الله ان تدلونى بخبرتكم اعمل اية ؟؟؟

مش عارف ليه يا أخت ذهبية كنت حاسس أنك هاتقوللى أن ليكى فى موضوع الفساتين

والتطريز والكلام ده طيب أنا هاقولك على فكرة أنا زوجتى شخصياً عملتها فترة ونجحت معاها

جداً أنتى عارفة طبعاً كرداسة ؟ وإياكى تقوللى أنا من المنصورة وماعرفهاش كرداسة دى كل مصر تعرفها

ولو ماتعرافيهاش أقولك عليها هى منطقة قبل الهرم فى محافظة الجيزة مشهورة باللبس المصري التقليدى

من عبايات وجالاليب وطبعاً بيجيها غير المصريين الأجانب كمان وأنا زوجتى كانت وهى بتدرس غاوية

الحاجات دى وكانت بتجيبها وليها معارف سيدات عرب من برة مصر كانت بتديهم الحاجات دى

وطبعاً فكرت أنها تفتح محل جنب البيت عندنا فى مصر بس أخوكى فرملها :lol: ووقفنا الموضوع

فالموضوع ده من متابعتى ليه موضوع مربح وأعتقد بما أن المحل اللى بتتكلمى عنه في شارع تجاري

أعتقد ممكن يكون مناسب وكمان هاتكوني جايبة حاجة ممكن تكوني أنتى بس اللى بتشتغلى فيها

إسألي كده عن الموضوع وقوليلي

تم تعديل 10 يناير 2009 بواسطة osmel33

[Abu Reem]

مع اني ماليش في التجارة لكن ما يمنعش اني افتي ... ما هو انا مش دافع حاجة من جيبي .... :lol:

المنطق يقول انك تشوفي ايه اللي ناقص في المنطقة و علي هذا الأساس تحددي نشاطك فيه ... يعني مادام الشارع مليان محلات فساتين و موبايلات فطبعآ حيكون غلط انك تشغليه في نفس المجال .. لكن لو مثلآ المنطقة ناقصها محل بيبيع ادوات منزلية .. او ادوات كهربائية او حدايد او بويات ... الخ الخ .. فنسبة نجاحه حتبقي مرتفعة بالطبع ....

نقطة تانية ... بما ان حضرتك ليكي خبرة في مجال الخياطة و التطريز فلماذا لا تجعليه متجر لبيع ما يمت بصلة بهذا المجال .. يعني زراير بأنواعها ... ابر ... ابر تريكو و كروشيه ... خيوط بأنواعها .. ترتر و خرز ما يمت للتطريز و لا مانع ايضآ من تصليحات بسيطة ... تضييق ملابس .. "تقييف" ... توسيع ... رتق ... الخ الخ ....

بس المهم انك عمرك عمرك ما تقبلي الشكك ... الدفع عند الأستلام فورآ و لا مانع من تخفيضات بسيطة لكسب العملاء ...

تحياتي و امنياتي بالنجاح

أعتقد أنه من المناسب ان تشتغل في مجالها أو في مجال مقارب لأنشطة نفس المحال الموجدة بنفس الشارع ، لأن كما نرى مثلا تجار الذهب يفتحون بجوار بعضهم ، ليكون مكان لتجمع الناس الباحثين عن الذهب وكذلك محال الموبايلات والساتالايت وخلافه على العموم ، مجالك خصب جدا وكما قال الأخ ( سكوربيون ) من المفيد جدا بيع أشياء في نفس المجال والتي ذكرها وأضيف إليها ( الطرح الحريمي، والعبايات بالإضافة إلى بعض الإكسسوارت الحريمي والبارفانات بطريقة متنوعة فهذه الأشياء رخيصة ولها قوة جذب عالية ولا مانع أيضا في بعض ملابس الأطفال ( ترنجات ، بيجامات ، ملابس داخلية للأطفال )

إذن من الممكن إختيار هذه الأشياء مجتمعة أو الإكتفاء بمستلزمات النساء أو محل ملابس أطفال كما ذكرت سابقا وكل هذا لا يحتاج مبلغ كبير ، ولكن أهم شيء في هذا هو جودة البضائع التي تقدميها، وعمل إضاءة ويفطة جذابة وأن يكون من يعمل في المحل فتيات فهم أكثر قدرة على التعامل مع النساء .

على العموم من الممكن أن يفيدك أي من أعضاء المنتدى بالتفاصيل ولكن طبعا الموضوع مفتوح في أي وقت إذا أردت أي استفسار أو أفكار أخرى ،، يسعدنا أن نفيدك رغم تواضع أراءنا

[شاب مصري]

سنترال للاتصالات

كروت شحن موبايل وتحويل مكالمات للمنازل .. الخ

وطبعا مع بعض الافكار التسويقية الكويسة هيكون متميز عن باقي السنترالات ويعملك فلوس كويسة ان شاء الله.

[مغتربة]

بما ان مساحه المحل صغيره فممكن يكون محل مثلا بيع طرح و ايشاربات محجبات مع الاكسسوارات اللى البنات كلها بتحبها و الشنط القش و الحاجات دى

مجرد فكره خطرت على بالى

[ذهبية]

طبعا اشكركم يا اصدقائى على اهتمامكم و ردودكم و افكاركم الاكترمن رائعة بجد اسعدتى كلها

طبعا فكرتك osmel33 جميلة جداااا خاصة انها ناتجة من تجربة فعلية و انت شوفت النتائج بنفسك انا فعلا سمعت عن كرداسة لكن مكدبش عليك معرفش مكانها بالضبط لكن اللى يسال ما يتهوش

طيب لو احب اتقل عليك والاخوات لبعض تقولى يعنى ابدا براس مال كام و كرادسة مشهورة بالعيايات بس طيب لو حبيت مثلا اشترى طرح و اكسسورات زى ما صديقتنا مغتربة قالت اروح لفين ؟؟

ام يا شاب مصرى موضوع الموبايلات و الكروت انا مفهمش فيهم و كتيررررررر جدا دة حتى البقالين و السوبر ماركت عاملينها بجانب شغلهم لكن اشكرك على ردك و اهتمامك

ام فكرتك يا سكوريبون بيبيع الترتر و الخرز و بالذات انا بافهم فيهم فهى جميلة برضة لكن اللى مخوفنى منها ان هيكون عائدها ضعيف بالذات عندنا هنا اماكن معينة خاصة بيها فى المنصورة اللى بيعوز يشترى بيروح لها فورا معروفة ومشهورة و بتبيع بالجملةو المحلات دى متجمعة فى مكان واحد

ابو ريم موضوع انى افتح محل زى الىل جنبى زى بتوع الدهب او الموبايلاتن مقدرش اعمل الخطوة دى الا لو هاقدم سلعة جديدة مش موجودة عند اللى جنبى او هاقدم تخفيضات اكتر او يكون فية عنصر جذب مختلف يعنى هادخل نفسى فى مقارنة انا غنى عنها و مش قدها نتيجة نقص الخبرة ام موضوع العبايات و الطرح و البرفات هى فكرة كويسة جدااا و بالذات ملابس الاطفال انت عارف بيكبروا و بيحبوا دايما يغيروااا و يشتروا جديد اشكركم جميعااا يا اصدقائى لكن بما انكم من مصر و عارفين الاماكن الرخيصة و اللى بتبيع بالجملة اتقل عليكم بس اللى يعرف اماكن مشهورة باية يقولى يعنى مثلا لو عايزة شنط حريمى شيك و رخيصة منين

لو ملابس داخلى حريمى او اطفال اشهر الاماكن الرخيصة اية انا فعلا معرفش فى مصر اللاماكن دى الواحد بينزل مصر للفسحة و خلاص

الف شكر لكم مقدما دوشت دماغكم

[شاب مصري]

عموما أهم حاجة ان يكون سلعة في (نطاق الأمان والدفئ)

يعني حاجة مش محتاجة موهبة او خبرة خاصة

لان واضح انك بدون خبرة في السوق وبدون مهارات تسويق

لكن العبايات والملابس لازم تفهمي ذوق الناس

وتقنعي الزبون

وفيها فصال ......الخ

موال كبير

محتاج حد ابن سوق

السنترال او الصيدلية او ....... اي حاجة هي سلعة لا تعتمد على البائع ولا يشترط الخبرة

الى حد ما

وربنا يوفقك.

[osmel33]

الأخت العزيزة ذهبية اللى أنا أعرفه أن كرداسة فيها غير العبايات أكسسوارات وحاجات من دى

وأعتقد فيه تحف صغيرة سوفنيرس يعنى

أنا هاسألك زوجتى على التفاصيل وهابلغك بيها إن شاء الله وفي أقرب وقت

بس ماتنسيش الكوميشن ماشي ؟ :blink:

تم تعديل 11 يناير 2009 بواسطة osmel33

[عطر الجنة]

طبعا اشكرك يا ابو ريم على الرد و osael33

و سوف اقوك بالرد على الاسئلة من ناحية المكان انا فى محافظة خارج القاهرة فى مدينة المنصورة و مكان المحل فى شارع متفرع من شارع الترعة وهو شارع معروف انة تجارى لانة فية محلات كتيرة تاجير فساتين افراح و مفتوح عدد لا باس فية و معروف ايضا بمحلات الموبايل و معارض السيارات و السوبر ماركت فية بكثرة محلى فى شارع متفرع من هذا الشارع و يوجد فى شارعى محلات بقالة و مكاتب و تصوير مستندات و بيع ملابس جاهزة

ام عن خبرتى انا لدى علم بشغل الخياطة و التطريز وعمل شنط حريمى و اى شىء يدوى او مرتبط بالشياكة و العبايات و غيرة

من ناحية اعمل فية بنفسى طبعا لا لانى ليس لدى الوقت الكافى لانى زوجة و ام لكن ممكن اشرف علية و يكون فية حد مكانى

من ناحية راس المال حسب المشروع و افكاركم اللى هاسمعها لكن طبعا اتمنى الا يكون مبلغ كبير لان لو حصل خسارة ومعرفتش امشية يكفينى خسارة حتى الان

من ناحية مشاركة غيرى معنديش اى مانع طالما بحلال ربنا و يكون امين

يارب تكون اجابتى وافية و اتمنى من الله ان تدلونى بخبرتكم اعمل اية ؟؟؟

السلام عليكم و حمة الله و بركاته

يا ريت فى البداية تستثمرى هوايتك فى عمل منتجاتك اليدوية و تعرضيها فى المحل و لما تبتدى تفتحى المحل حتتكشف لك اشياء لم تكن بادية لك وسوف تعرفى ذوق الناس وايه اللى بيطلبوه دائما و مفيش مانع انك تدورى على كم انسانة محتاجة مثلك لعرض منتجها اليدوى و تخديه منها و لما يباع تاخدى نسبة من الربح و بكده مش حتحتاجى راس مال كبير الى ان تشوفى السوق حيخدك على فين

لان كتير مننا بيعمل اشياء جميلة ولما يروح لاى محل يعرضها عليه فبيبخسها حقها

وانتى بكده حتفيدى و تستفيدى و خصوصا ان فى ناس كتير بيحبوا شغل اليد سواء تطريز او تريكو او شنط او مفارش و ما الى ذلك

[ذهبية]

شكرا على رايك يا شاب مصر لكن

اعتقد ان اى حد بيعمل و يبدا اى مشروع بيكون فى اول الطريق اكيد مش بيكون عندة الخبرة الكافية فى بداية الامر لكن بالوقت و الاحتكاك مع الناس و معرفة المطلوب والغير مطلوب هو تدريجيا هيفهم لعبة السوق مهما كان المشروع و لو اى حد خاف يدخل السوق لمجرد ان خبرتة قليلة كان زمان الناس كلها خافت ومحدش جازف و جرب اة عنصر المخاطرة بيكون كبير لكن الواحد بيحاول و يسيب رزقة على الله مع الصبر و شوية ذكاء فى معاملة الاذواق المختلفة ربنا بيسترها

الاخ osmel33طبعا طبعا مش هنساك فى الكوميشن ليك و لزوجتك العزيزة و يارب لما افتح المحل تكونوا اول زباين عندى و متخفش هاعمل معاك الواجب واكيد طبعا اتمنى استفيد من خبرة زوجتك و اشكرها مقدمااا على النصائح اللى اكيد هتفيدنى و تفيد غيرى

وعليكم السلام و رحمة الله و بركاتة يا عطرالجنة

طبعا فكرتك حلوة بجد لان مريت بموضوع انى اعمل منتج و اعرضة فى محل و طبعا بيتعرض للبهدلة او بخس تمنة وكان دايما بيستقر انى انا اللى استفيد منة لنفسى على الاقل بوفر كتير و بيطلع احلى من اللى فى السوق ومحدش بيصدق انى عملتة و طبعا طبعا باوفر لجوزى كتيررررررر

بالذات لما اشترى منتج بسيط و احط علية بعض اللمسات البسيطة ومع شوية تليق الوان و اكسسورات بيكون حاجة تانية خالص و بيدى قيمة اعلى بكتيرررر طبعا فكرة حلوة وكلنا بنفيد بعض بخبرتنا

[الباشمهندس ياسر]

بما ان مساحه المحل صغيره فممكن يكون محل مثلا بيع طرح و ايشاربات محجبات مع الاكسسوارات اللى البنات كلها بتحبها و الشنط القش و الحاجات دى

مجرد فكره خطرت على بالى

الله ينور عليكى

هو ده الكلام

المشروع ده كنت عامله زمان ايام الكلية

و ميه فل و14

و عندى كل خبراته

اماكن التوريد المواسم بتاعته دنيته كلها

لو نويتى ادينى خبر و انا هنقلك كل اللى عندى

[ذهبية]

ياريت ياباش مهندس ياسر تقولى على خبرتك فى الموضوع و اماكن التوريدات يبقى كتر خيرك ماانا منزلة الموضوع علشان اصحاب الخبرة اللى زى حضرتك يدلنى و يقولى خبرتة بما انك سبقتنى وعارف اسرار السوق و خباياة و يكون لك جزيل الشكر و لكم جميعا يا اصدقائى

[سهل جدا]

ممكن تبيعي فيه أكياس وشنط بلاستيك ..

الحاجات دي بتحتاجها كل المحلات تقريبا (محلات اللبن - البقالة - الخضار - وحتى محلات الملابس ...)

وفي نفس الوقت المشروع ده مش محتاجة خبرة ولا مساحة كبيرة للمحل

أهم شيء بس تعرفي مصانع كويسة بتبيع الأكياس البلاستيكية بسعر رخيص

أو ممكن تصنعي في مكان تاني ويكون المحل ده للبيع فقط

ما تنسيش تصلي استخارة قبل أي مشروع

وربنا يوفقك

[osaimi]

حلو موضوع الإيشاربات واكسسوارات الحريمي اللي قالتة الاخت مغتربة ، مناسب لحجم المحل وهامش الربح جامد جدا وكل البنات دلوقتي عاوزة تتروش وتلبس عالموضه وبرضه راس المال المطلوب مش كتير ومش عاوز خبرة أو تخصص ، زيارة للصين تملا المحل ، بالتوفيق

[الباشمهندس ياسر]

بسم الله الرحمن الرحيم

مبدئيا كده لازم اوضحلك نقطة قالوهالى الجماعة المشايخ اللى معظمهم كانوا زباينى وقتها ان بيع الميك اب فى كلام وقصة طويلة كده .. انا بقول لحضرتك علشان ميبقاش ليا دعوه..

نرجع بقى لموضوعنا

اولا لازم حضرتك تعملى شوية دراسات عن المكان بتاعك بمعنى

لازم تعرفى هل فيه محلات فى الشارع بطوله او الشوارع الجانبية بيتشتغل ف نفس المجال ولا لآ

طب لو فيه .. عددهم كام و مستوى توزيعهم ازاى ... و ياترى نوع الديكور بتاعهم اخباره ايه..

كمية التصنيف فى انواع البضاعة عموما .. و التصنيف بتاع الشرائح جوه نوع البضاعة اخباره ايه

كمان لازم تعرفى اخبار السوق بتاعك ايه بمعنى انتى هتبيعى لمين

هل الاعتماد على وجود مدرسة ثانوى او كلية او حاجة زى كده جنبك ولا هتعتمدى بس على سكان الشارع و

و الشوارع المجاورة ...

طب اخبار الخلفيات المادية بتاعتهم ايه ... يعنى يناسبها قلم روج ب 5 جنيه ولا ب 20 جنيه مثلا

طب و الخلفيات الثقافيه ايه ... يعنى اللى يناسب بنات الجامعه غير الثانوى العام غير المعاهد

كل فئة وليها زوق معين واحتياجات معينة...

و هتلاحظى النقطة دى اكتر لما تيجى تتعاملى مع بند الهدايا يعنى هدايا المرتبطين ببعض سواء من ولد لبنت او

العكس او مثلا لما واحده تتخطب و زميلاتها هيهادوها او حد رجع من العمرة مثلا ....

كمان لما يجى عليكى موسم شغل زى دخول رمضان ياترى هتيجيبى فوانيس م الغالية ولا الرخيصة

عشان كده خلى بالك كويس اوى من نقطة تقسيم الناس و لازم تعرفى انتى بتتعاملى مع انهى شريحة بالظبط

ندخل بقى فى المفيد

ابدأى اظبطى ديكورات المكان ... انا فهمت انك مجهزاه بس ممكن تضيفى ارفف هنا او مرايات هنا او بترينه

هنا او شبكتين عرض هنا .. وهكذا يعنى حسب احتياج المحل

ابدأى اختارى نوع الخامة الاساسية للمحل و بعدين اختارى الخامات المساعده بمعنى

ممكن يبقى الخامه الاساسية للمحل هى الهدايا بكل اصنافها او الميك اب

مثلا هنفترض انك هتختارى الميك اب يبقى الماده الاساسية يبقى لازم تشكيلة جميلة منه تناسب معظم الشرائح

و بتركزى اوى على الشريحة الاساسية فى زباينك يعنى هتبدأى من قلم الروج الصينى و المصرى العادى لغاية

اوريفلام او ايفون او....

لما تيجى تختارى الخامه الاساسية .... يبقى لازم تراعى ان الديكور بتاعك بيعملها دعاية لوحده ولو كام ورقة ا

استيكر هتعلقيهم ع الحوائط .

خلى بالك بقى كام نقطة مهمين شويه

النوع ده من التجارة بيعتمد على المواسم اكتر من اعتماده على التوريع المنتظم

يعنى مثلا اول السنة والاحتفال بليلة الميلاد موسم للميك اب و الهدايا اللذيذه

يوم الحب بتاع شهر فبراير و برده بتاع شهر نوفمبر احنا الدولة الوحيده اللى بتحتفل بيه مرتين

بلد حبيييييييييييييييييييبه بصحيح

دخول رمضان و الفوانيس ودى جامده جدا على فكره

العيد الصغير و الاعاب الاطفال و شغل المفارش التريكو والمفارش البلاستيك و شويه الديكورات الشعبى دول

باختصار حاولى يكون عندك مرونة فى التعامل مع المناسبات الاجتماعيه بانواعها

افتكر ان كده لسه شويه قليلين والموضوع يبقى خلص

هحاول اكمله ف وقت تانى

لانى كتبت مداخلة قبل دى و طارت وزعلت عليها كتير والله

[ذهبية]

متزعلش ياباش مهندس ياسر على المداخلة اللى راحت لان بجد مدخلتك دى مفيدة و جميلة جداااا انت فتحت ليا بعض النقط اللى مكنتش واخدة بالى منها موضوع تقسيم مستويات الناس وانى اجيب البضاعة على قد مستوى الزبون لانى كنت هاجيب اللى يعجبنى انا واشترى يعنى على ذوقى جديدة بقى فى السوق دى حاجة استفدت منها جدا

كمل يا باش مهندس نصايحك انا كلى اذان ضاغية علشان الكل يستفيد