الزمالك البطل

[Guest Mohd Gramoun]

الزمالك البطل الف مبروك

أحرز لقب البطولة العربية

الكويت الكويتي(أول المجموعة الثانية)Xالزمالك المصري(ثاني المجموعة الثانية)=2:1

الساحر حازم امام يقود الزمالك لاول لقب عربي

[linux]

مبروك للزمالك صاحب أحلى و أمتع كورة فى مصـــر (تانى ياجماعة، أنا أهلاوى صميم بس بدون تعصب).

نفسي بس أشوف ماتش مع "الأخوة" العرب من غير خناقات الحوارى و الذى منه. يعنى ما كنتش فاهم الناس دى كانت عايزة أيه بالظبط؟ الزمالك غسل بيهم الأرض و لولا طارق السعيد ربنا يهديه، كانت النتيجة بقت فلكية!

صحيح، و كما قال الشاعر: "أيه البجاحة دى ياسم!"

___________________________________________________________

لينكس ياشادى الألحان لينكس و ماحدش من ولاده رضى يجى معاه النهارده

هازم الدهاشنة فى موقعة ما تزوئينى ياماما

[elbana]

والمشكلة يا أخ لينوكس إن تلفزيون الكويت امبارح أذاع برنامج عن البطولة وكانت كل الاتصالات بتشتم في البطولة ، وفي الزمالك ، وقالوا إن احنا لا نتمتع بالأخلاق الرياضية وما عندناش حسن ضيافة ، وكانت المذيعة مبسوطة قوي بالمكالمات دي .

وطبعاً لو كانوا كسبوا البطولة كانت الاتصالات اختلفت وكانت البطولة بقت أحسن بطولة في الدنيا .

عموماً الزمالك هو اللي عشمهم من الأول وخلاهم يعتقدوا إن مستواهم الحقيقي أفضل من مستوى الزمالك ، علماً بأنه لولا المحترفين البرازيليين الثلاثة ما كانش بقى فيه حاجة اسمها فريق الكويت . وأتمنى إن الزمالك يحل مشكلة الأنانية اللي سيطرت على بعض مهاجميه وخلتهم يطمعوا في كور كان ممكن تبقى أهداف لو مرروها لزملائهم اللي كانوا في أوضاع أفضل كتير ، والحكاية دي اتكررت كتير قوي .

وبرضه أعتقد إن فنجادا كان غلطان قوي لما طلع أحمد صالح ونزل عبد الحليم وعمل تغيير في التشكيل اللي كان كسبان في الشوط الأول وقدم كورة رائعة ، لأن بعد التغيير ده تحول شكل المباراة ووانتقلت السيطرة في وسط الملعب للكويت ، وكان خروج حسام برضه خاطئ لأنه خفف العبء عن مدافعي الخصم .

فريق الزماك مستواه رائع لكنه محتاج يعالج مشكلة إضاعة الفرص السهلة ، ومحتاج يحتوي حالة التوتر والعصبية عند بعض لاعبيه ومنهم عبد الحليم اللي بينظر لنفسه على إنه ضحية ظلم ، ولو الزمالك تفادى الأخطاء دي ح تكون نتائجه عالية جداً ونسبة أهدافه مافيش زيها .