غرائب و طرائف الهجرة

[znaty]

صديقي تورنتو

ماتبقاش عامل زي قناة الجزيرة

طول عمرها تذيع وتهلل في السلبيات وعمرها ما ذاعت ايجابيات

بالعكس تخبيها ان ماعرفتش تقدم لنا اللي بيشككوا فيها

خليك عادل وشوف الدنيا من الناحيتين

[Torontotruk]

صديقي تورنتو

ماتبقاش عامل زي قناة الجزيرة

طول عمرها تذيع وتهلل في السلبيات وعمرها ما ذاعت ايجابيات

بالعكس تخبيها ان ماعرفتش تقدم لنا اللي بيشككوا فيها

خليك عادل وشوف الدنيا من الناحيتين

ياصديقي انا أولت دي قصص...واقعية...حصلتلي..وحصلت مع ناس اعرفها...وفي قصص سمعت بيها من مصادر موثوق منها جدا...وعلي فكرة مش كلها سلبية...مثلا قصة مهلبية ام عيون عسلية,,وقصة قبلة الوداع,,وقصة ويلكوم تو الاسكا ...كلها قصص ايجابية وحدثت لمهاجرين مقيمين بالفعل في كندا...تابع الله يهديك...

[Torontotruk]

يحكي انا عضو هلاس من بتوع التركات جالس متأملاا من شرفة منزله في تورنتو...ويشاهد برج السي ان توار ويتذكر تلك الموقعة التي علي أثرها اخد21 حقتة في سورته جراء العضة التي حصل عليها في منطقة حساسة في جسمه الجميل...وتذكر كم المعاناة التي وجدها اثناء محاولاته للحصول علي رخصة القيادة بسبب هذه العضة السامة التي غيرت مجري حياته من محامي ناجح الي سائق كاميون او تراك لاحول له و لاقوة...من محامي عظيم ذو سلطة وسلطان الي سائق ينقل بضائع هنا وهناك ..ليست له آمال او طموحات...فقرر ان يخرج وينتقم من كل الناس...ولكن كيف...وما هي الطريقة....وبعد تفكير دام اكثر من شهر...لم يجد وسيلة غير التوجه الي الله بالدعاء والصلاة لكي يلهمه فكرة جهنمية لينتقم بها من كل الناس...فذهب مسرعا الي جاره الباكستاني ليسأله عن قبلة الصلاة ...وصلي العشاء ثم ذهب في نوم عميق...وكانت المفاجأة التي ساعدته كثيرا ليشعر بالسعادة طوال مدة اقامته وحتي الآن في كندا..جائه ملاك متنكر في صورة صاحب المدرسة التي تعلم فيها قيادة التراكس واصبح اسطي اد الدنيا وطلب منه بالانجليزية...يو هاف تو ميك توبيك ابوت درايف ليسانس ان اونتاريو ياسطي...او لازم تعمل توبيك لرخصة القيادة في اونتاريو ياسطي..طبعا استيقظ مفزوعا مرعوبا من النوم ليس من الحلم..ولكن من شكل صاحب المدرسة الذي يشبه نعيمة الصغير في اى فيلم من افلامها...طبعا سألت نفسي طب اشمعني موضوع عن رخصة القيادة...فسمعت صوت ياتي من الثلاجة ...علشان المصريين مابيعرفوش يسوئو فممكن ياخدوا الرخص بالكوسة ويموتوا...انا...طب ليه ياعم الشيخ عفريت...دول حبايبنا بردوا...العفريت...اعمل اللي بأولك عليه لحسن امسخك سواء تاكسي...انا وسناني بتكتك...حاضر حاضر...ومن هنا تبدا قصة المنوفي الذي كشفت سره :ninja:

وفي صباح اليوم التالي وكعادة كل هلاس...اذا انقضي الامر لا صلي و لاصام...توجهت الي الشبكة العنكبوتية ودخلت علي احدي المنتديات وبدأت اكتب كل ما اعرفه عن تراخيص القيادة وانواعها...وفجأة وجدت تعليق من احد اللاعضاء يصحح لي معلومة قد كتبتها ...ودار هذا الحديث بيننا علي الماسينجر

انا...مساء الخير

هو...اهلا

انا...متشكرين يا صديقي...علي المعلومات ...انا فعلاا عارف ان الاختبار العملي بيبقي بعض النظري ...معلش ...جلا مالا يسهوا...

هو...مافيش مشكلة...انت عايش في تورونتو...

انا..آه

هو...ربنا يسهل ...واكون هناك عن قريب...

انا...انت فين دلوقت...

هو...القاهرة

انا...طب عرفت ازاى المعلومات القيمة دي...

هو...من علي النت...

انا...آه بتجهز نفسك من دلوقت..

هو....حاجة زي كده...

انا...بس انت الظاهر عليك عضو أديم هنا...ماشاء الله ليك مدخلات كتيرة...

هو...آه...موقع مفيد جدا....ركزوا معايا في اللي جاى..

انا...واضح انا شايف اسئلة كتيرة ليك عن كندا...بس نوعيه الاسئلة دي مش ملاحظ انها لسة بدري عليها...

هو..اصل كل حاجة عن كندا كتابوها واتكلموا عنها...اهو تغيير....والحاجات دي مهمة بردوا...لازم المهاجر يكون عندوافكرة بيها....

انا...عندك حأ...المعلومات لما بتبقي شاملة كل شئ عن الاماكن المجهولة بتريح وبتوفر الوقت...

هو...ايه اخبار العربيات عندك...

انا...فيه جديد وفي قديم...

هو...اسعارها ايه...

انا...يعني عربية كويسة حوالي 3000 دولار...وفي ارخص...

هو...وايه نظام الياباني...

نا...موجود كتير...بس اغلي من الامريكانى اليومين دول...

هو...يعني مش ممكن الاقي عربية ياباني بالفين دولار...او اقل

انا...ممكن...بس دي بتبقي عاملة فوق ال 300الف كيلو و بتبقي موديل اديم اوى...97 و كده...

هو....عندك مايك....

انا...وكاميرا كمان...

هو...الو...

انا...الو....ازيك يا....

هو...اهلا يا عمر

انا..كروان يا دكتور

هو...وعرفت منين اني دكتور

انا...والله جت معايا كده

هو...انا فعلا دكتور...بس مش بشري...

انا...فرصة سعيدة

ركزوا كمان في الكلمتين دول علشان دى النهاية

هو...فيك من يكتم السر ...

انا...لا انا معرفش اكتم...علشان صدري واجعني

هو...انا عايش في كندا ....بس ارجوك ما تجيبش سيرة الكلام ده لأي حد في الموقع...

انا...وماله...وبآلك فترة...

هو....سنتين...

انا...وبتعمل ايه...وعايش فين...

هو...مابشتغلش آعد مع الولدين في البيت...علشان مراتي بتتدرس...

انا...ربنا يوفقها...

بس انت لهجتك مش قهراوى...

هو...لا انا منوفي...بس علي فكرة ما بحبش المنايفة...

انا...لا ياراجل دول ناس حلوة ...وكفاية انك منهم...

هو...ربنا يكرم اصلك

انا...بس انت ليه مش عايزني ائئول انك في كندا..

هو...حوجع دماغي علي الفاضي...

انا...طب ما العضو اللي عايش في كندا و بيئول انه عايش فيها وبيرد علي اسئلتك اللي انت ممكن تجد لها اجابات عندك..بيوجع دماغه علي المليان لما بيجاوب علي اسئلتك..

هو...ياعم دي ناس دماغتها فاضيه...

انا...انت عايش فين في اونتاريو

هو...مدينه صغيرة تبعد عن تورونتو 4 ساعات

انا...آه عارفها

هو...بس عايز انزلك تساعدني في شراء سيارة...

انا...آه ومالو...

هو...اصل هنا البلد صغيرة ومافيهاش حاجة عدلة..

نا...في تورونتو حتلائي كتير...

هو...امتي اقدر اجيلك...

انا...جبئة اقولك

هو...ياريت لحسن انا مش عارف اتحرك...

انا..ربنا يسهل...

هو...شكرا

انا...ممكن اكلمك في التليفون

هو...طبعا وآدي رقمي

انا...الو...ازيك يا...

هو...اهلا عمر....ملحوظة كانت هذه المكالمة للتاكد انه يعيش علي الااضي الكندية...

انا...ديليت و بلوك وابعت علي قائمة التجاهل...

عينة متواجده معانا....وله عدد كبير من المدخلات والمواضيع ..ساترك لحضراتكم الحكم علي هذا العضو...

ملحوظة...لم استطع ان اكتب اكتر من هذا...احتراما لقواعد المشاركة...واحتراما لخصوصيات العضو...تمت...

[Torontotruk]

قصة واقعيه وبطلها اسمه...XXXXXXX...ساكن في صفط اللبن...جيزة..اى والله...حاصل علي ولا حاجة...لكن بيفك الخط كويس...والانجليزي بتاعه مشي حالك...يعني تقدر تأولو...انجليزى ورش. :ninja: ..اول اسبوع يخرج فيه خارج القاهرة...كان في الغردقة...اتقبض عليه علشان حضرة الظابط اشتبه فيه ....محضر تحري من اياهم...وماشوفش وشك هنا تاني...اللي لفت نظري لهذا الشخص انه بيعرف يكلم كويس جدا في كل حاجة...تجارة...سياسة...حتى بيعرف يخيط الجروح بالابرة والخيط العاديين ...عنده خبرةانا شخصيا اتعلمت منه حاجات كتير...قصة الشخص ده طويلة معايا وربنا يأدرني واكتبها كلها...طبعا انتوا بتسألوا ايه علاقتوا بلؤم المهاجرين...وبكش المقيمين او بكندا عموما...ده اللي حنعرفه...يتبع...

تم تعديل 14 يناير 2009 بواسطة Scorpion

[Nassarlink]

انت عارف يا تورونتوا

ان معظم الناس بيحاولوا ان يتعرفوا علي ناس مقيمين في كندا علشان يسهلوا ليهم بعض لامور الي مش عارفينها لما يوصلوا بلد لاول مره

لكن انا انشاء الله هحاول اني اعتمد علي نفسي قدر المستطاع

عارف ليه

ليكون الوحيد الي قبل يساعدي هو تورونتو

ولأني خايف بعد كام شهر ابص الاقي في قصه منشوره في المحاورات بتقول

كل التفاصيل ويكون اسمها

نصار بيلعب بالنار

او البحار نصار في سوق الخضار

[Advisor]

رجاء الإمتناع تماما عن المداخلات التى لا تضيف أو تناقش موضوع الحوار بجدية أو مداخلات الشكر و تسجيل المتابعة.

محاورات المصريين صالون ثقافى محترم و ليست موقع ثرثرة "شات"

حذف المداخلات التى لا تضيف و التى تحول الموقع إلى "شات" تتطلب جهدا كبيرا من فريق التنسيق و الإشراف.

رجاء التعاون من الجميع

[magedghonim]

والله بجد مفاجاءة ...يا عمووووووور

دة نموذج حقيقي وواقعي

نموذج بيعيش بين الناس زي( الطفيليات)

للأسف مع اني مكنتش عايز استعمل اللفظة دي

و وظيفته الاساسية انه بيستفيد فقط

وبيعيش على اساس ( انا وبس)

انا حسيت بالقرف لما قريت عن شخصية زي كدة

من ناحية تانية بلادنا الحبيبة فيها من دة كتير

بس يعني الي بيهاجر دة في( رأيي انا) المفروض

بيبدأ تكوين علاقات متينة اساسها الصراحة والصدق

والمنتدى الجميل دة بوابة لكدة ..................

والى المزيد من الوقائع المصرية يامسيو محمد :blink:

[Torontotruk]

بس يعني الي بيهاجر دة في( رأيي انا) المفروض

بيبدأ تكوين علاقات متينة اساسها الصراحة والصدق

والمنتدى الجميل دة بوابة لكدة ..................

بس ياد/ماجد...في رايي ان العلاقات اللي حضرتك تفضلت واتكلمت عنها غالبا لم بتوصل البلد...و90 في المائة بتكون من محيط العمل او مكان الدراسة او المسجد او الكنيسة..وانت وحظك :blink: لو قدرت تعمل صدقات حقيقية بواسطة الانترنت...بونجورنيه..

[casanooovaaa]

بس سؤال بس يا ميتر يعنى هو عايزك تساعده و هو مش عاوز يساعد حد خالص

دا ايه الاخلاق العظيمة دى

بجد انا عمرى ما شوفت كدة

فعلا اللى اكبر منك بيوم يعرف عنك بسنة

متابعين يا ميتر مستمتعين بالكصص الغريبة دى

[Torontotruk]

قصة واقعيه وبطلها اسمه...XXXXXXX...ساكن في صفط اللبن...جيزة..اى والله...حاصل علي ولا حاجة...لكن بيفك الخط كويس...والانجليزي بتاعه مشي حالك...يعني تقدر تأولو...انجليزى ورش. :) ..اول اسبوع يخرج فيه خارج القاهرة...كان في الغردقة...اتقبض عليه علشان حضرة الظابط اشتبه فيه ....محضر تحري من اياهم...وماشوفش وشك هنا تاني...اللي لفت نظري لهذا الشخص انه بيعرف يكلم كويس جدا في كل حاجة...تجارة...سياسة...حتى بيعرف يخيط الجروح بالابرة والخيط العاديين ...عنده خبرةانا شخصيا اتعلمت منه حاجات كتير...قصة الشخص ده طويلة معايا وربنا يأدرني واكتبها كلها...طبعا انتوا بتسألوا ايه علاقتوا بلؤم المهاجرين...وبكش المقيمين او بكندا عموما...ده اللي حنعرفه...

\////////////////////////////////////////////////////////////////////////////////////////////////////////////////////////////////////////////

تبدأ منين ياسطى...ايوة...السنة اللي اعدتها في مصر غصب عني وكنت شغال الله ينور علي عئود تزويج الشباب المصري الصاعد للاجانب...

كانت سنة ظريفة نضيفة...قضيت معظمها بين الاسكندرية,,نويبع,,طابا,,وطبعا حبيبتي الغردقة...وبتاع تلات شهور او يزيد في شرم الشيخ حيث استهوتني رياضة الغطس..والحمد اخذت عضويةPADIوكنت DIVE MASTERمحترم المهم لاسباب خارجة عن ارادتي و لانهيار مهنة الغطس مع اندلاع الانتفاضة الثانية....قررت العودة الي غرب افريقيا لوجود بعض الاعمال الخاصة بي هناك..وكنت قد اعددت لهذا جيدا...ولكن تأتي الرياح.....ففي يوم كانت حراراته تعدت الاربعين قررت ان اذهب الي شاطئ خليج نعمة مع بعض معارفي من الاعداء...وبعض من الاصدقاء...استرالين علي طلاينة لعمل غطسة علي السريع...45 دقيقة داى دايف وأئلب...وفي طريقي الي الدايف زون وكان في فندق هوليداى ان...قابلت استاذي ع/ا المحامي...وهو نفس المحامي الذي تضربت علي يده في مجال النفاق اى المحاماه...الاستاذ ع/ا رجل سفوسطائي اديم :P ...مرافعاته نوعين..مرافعة تجيب براءة والاخري علي فضيلة المفتي. :blink: ..راجل ثقيل...ومابيأبلش اى محامى في مكتبة...يعني ياوسطة يا لازم تدفع فلوس...علاوة علي انه عنده تلات مكاتب للمحاماه...في الاسكندرية والقاهرة والغردقة...وكان افضلهم مكتب الغردقة...علاوة علي انه يعتبر مكتب ترحيلات للقضايا المنظورة في محاكم القاهرة والتي اتهم اصحابها فيها...في الغردقه وحولات الي محلات سكنهم...بمعرفة النيابة واحيانا :hearts: المباحث العامة. ..و الحركة دي مايعملهاش الا ا/ع...

عرض علي العمل في مكتب الغردقة وقبلت وكان عندي اسباب لقبول عرضه والغاء فكرة السفر لغرب افريقية في الصيف...كان علي ان ابقي في مصر :flr1:

وبالفعل سافرت الي الغردقة...واصبح المكتب هو سكنى في نفس الوقت...بالاضافة الي عملي كفري لانس دايف في احد مراكز الغطس ...بمزاجي...اروح ماروحش...لان عمل المكتب كان كثيرا لكن كان ممتع وسهل...مجرد تحرير عقد زواج لمشاركة الاجنبي او الاجنيبة الغرف...العقد رسمي وشرعي لوجود شاهدين ولكن لا يحفظ حقوق اى من الطرفين..وهو ده عيبه...ولكن معظم الزيجات التي قمت بتحرير عقودها اصحابها قاموا بتوثيقها في وزارة العدل او الخارجية ...يعني كنت بشتغل ماذون بس مودرن. :D ..بجانب بعض القضايا التي كانت تخص اجانب مقيمين ضد مصريين والعكس...ولكن الغريب ان معظم هذه القضايا تنتهي في صالح الاجنبي..والظريف ان الذين يخسرون قضاياهم هم بالفعل من انتهت اقامتهم في مصر وغادروا الاخيرة...بلد غريبة. :D ..يتبع...

تم تعديل 15 يناير 2009 بواسطة Scorpion

[Torontotruk]

بعد وصلولي الغردقة اكتشفت اني ممكن كمان اعمل شغل كمحامي بحري نظرا لاني كان عندي خبرة في تخليص لحجوزات المراكب بس مش حجوزات تذاكر عمرة وحج. ..ده نوع تاني من الحجوزات علي المراكب التجارية...الكارجو و الرورو والكونتينار والتناكر ...وحقيقي اتعرفت من خلال اقامتي في الغردقه علي جميع التوكيلات البحرية بالاضافة الي القناصل الفخريون العاملين في مصر من قبل بكسر القاف السفارات الاجنبة العاملة في مصر وليه قصة ظريفة مع القنصل الفخري اليوناني في الاسكندرية سوف اكصها عليكم لاحقا. :blink: ..وبعد ماعرفت القرد بيخبي ابنه فين...بدأت عملي الذي احببته حبا شديدا...لانه في المناخ و البيئة التي احبها...الماء والجبل وطبعا الوجه الحسن... :hearts:

كنت قد تعرفت علي كثيرا من الغطاسين وكان معظمهم من الالمان والانجليز...ولكن كان بينهم شاب نيوزيلندي من اصل مصري...وكنت بصراحة قد غطست تحت قيادته مرتين او ثلاثة لا اتذكر جيدا...باعتباره انستراكتور ...ولكن اعجبت بمهارته في المناورات بين الريفس و الفتحات الزرقاء والكهوف والتي تكثر في اقصي جنوي وشمال الجفتون...وصارت علاقة ولكنها كانت طياري..بمعني اني نتقابل فقط عندالغطس...

وفي يوم كنت في محكمة سفاجا واذا بالتليفون المحمول 5110 تشيكي بس البطارية فلندي..يدق..الو...ايوة محمد انا...آه هو...انا يوسف...انا...اهلاا...هو...تعالي لي قسم السياحة فورا...انا...انا في سفاجا....هو...سيب كل حاجة وتعالي لي وايلي حتعوزه حاتخده...انا...فيه ايه...هو ...مش حقدر اكلمك في التليفون تعالي بسرعة...انا...اوك انا جاى.....يوسف ده هو الغطاس النيوزيلندي من اصل مصري...

بعد تلات ساعات وصلت الغردقة...وطيران علي قسم شرطة السياحة...يتبع

[pampino]

متابع يامعلم ... على فكرة ياعمر انتا من فين فى اسكندرية لانى انا كمان اسكندرانى زيك انا من محرم بك

[Torontotruk]

متابع يامعلم ... على فكرة ياعمر انتا من فين فى اسكندرية لانى انا كمان اسكندرانى زيك انا من محرم بك

شدس

[Torontotruk]

الشئ المؤسق ان معظم الغطاسين في العالم يتعاطون المخدرات..ولكن هذه المرة ليست تعاطي فقط...من وجهة النظر القانونية...لانه عند القبض علي شخص واثتاء فحصه وجد معه اى نوع من المخدرات يزيد عن 10 جرام من المخدرات المخلقة او 50 جرام من المخدر الطبيعي ووجد معه بعض المال يساوي او يزيد من ثمن المخدر بتصبح القضية اتجار وتعاطي بعد عمل لتحليل للدم ...او للبول او كلاهما ...ولكن ماوجدته اكبر من هذا..قبضوا علي المحترم وفي حيازته اكثر من 50 قرص من مخدر الاكستاسي...بجانب التعدي علي ضابط المباحث بالسب وتوجيه عبارات واشارات يعاقب عليها القانون...حتي لما وصلت لبلوكامين المباحث منعوني من التحدث مع الضابط الذي كنت علي معرفة به...ولكن كنت مطمئن بعد ان عرفت ان الموضوع فقط سب ولم يتطرق الي اللمس...وبعد انتظار اكتر من ساعة او يزيد سمحوا لي ان اقابل ضابط المباحث ...واكد لي ان الامر مافهوش تلفيق او اتهامات باطلة كما يدعي يوسف...طبعا هو كان فاكرني اني آبلته...وفجأة سمعت صوتا من خارج مكتب ضابط المباحث يسب ويلعن ويطلب القنصل البريطاني...ودار هذا الحديث مع ضابط المباحث في حضور ضابط الاستيفة...

ضابط المباحث...هو احنا غلطنا فيه...ياباشا احنا مسكناه باقراص مخدرة و اتعدي علينا...وبيتبلي علينا ان احنا عملنا معاه كده علشان مرضيش يشتغل مرشد لينا علي الغطاسين اللي بيتعاطوا المخدرات...وعور نفسه وبيقول احنا اللي عورناه...ده بيتهمني انا شخصيا..

انا ....عقلي الباطن يا بن.....يا يوسف...

ضابط الاستيفة...ده كمان مش عايز يمضي علي المحضر...والمأمور سلت ايديه من الموضوع...وانا مافيش في ايدي حاجة الا اني اتصل بظابط الاتصال بالمجمع علشان يتصل يبعت حد من سفارته..

ضابط المباحث ...انت اتأكد من جنسيته وتاريخ ختم الدخول عليه...

ضابط الاستيفة...ايوة اتفضل اهو...

ضابط المباحث...ما تتصلش ولا تعمل حاجة...خليه متلأح شوية في الحجز لغاية من شوفله سيرفة...

ضابط المباحث...من فضلك يا استاذ محمد استناني بره شويه.

.انا...مافيش مانع ياباشا بس ممكن اتكلم معاه..

ضابط المباحث..مافيش ماتع بس ئوله مايكنش غلطان ويشتم فينا ويعور نفسه ويقول احنا اللي ضربناه..

انا...ياباشا الموضوع ممكن يخلص واجيبه يتأسف لحضرتك علشان قانوني هو من حئه يطلب مندوب من السفارة يحضر التحقيق..

ولازم يوقع الكشف الطبي عليه علشان نعرف سبب الاصابة ومده العلاج...طبعا هو عارف الكلام ده...بس انا حبيت اسمعهولوا ليكون ناسي...

ضابط المباحث...اتفضل يا استاذ محمد...وبعد ساعة حنتكلم تاني

انا...روحت ليوسف في الحجز...ايه يايوسف ...انت صغير علي المواضيع دي...

يوسف...يا محمد الحاجات دي انا باخدها مش بتاجر فيها...

انا...بس هما وجدوا فلوس معاك..والقانون بيقول انه كده يبقي تعاطي واتجار..

انا...انت اولت انك بتتعاطاها...

يوسف...انا مائولتش حاجة ...كتبوا ولاد....وعايزنى امضي

انا...هما اللي ضربوك كده وفتحولك ايدك...انت محتاج غرزتين تلاته علي الاقل...

يوسف...لا انا اللي عورت نفسي...

انا...انا عارف

وهنا ظهر بطل قصتنا...ويلكوم تو الاسكا..وحنسميه وسط البلد...اوك علشان الادارة ماتزعلش منا...

وسط البلد...شاب رياضي...طويل...يشبه المصارعين...ولكن وسيم...ولكن مكتوب علي وشه انا فقير ومش لائي آكل,,,

يوسف..ده وسط البلد..الضابط بن ال....مسكوا وهو جاي من مصر يدور علي شغل...

انا...مسكك معاك ممنوعات

وسط البلد...لا والله ده انا كان معايا شنطة هدومي بس..

انا...يعني محضر تحري بس...بسيطة...

يوسف...ياريت تضمنه و تخرجه من هنا...

انا...لما نشوف مشكلتك حتخلص ازاى...

يوسف...انا مش عارف جولي منين ولاد...

وسط البلد...ياريت يا باشا تخرجني من هنا...انا باصرف علي امي واخواتي الاتنين واختي...والله انا كنت جاى ادور علي شغل..

انا...انت موضوعك عايز واحد يضمنك علشان تخرج وتشتغل في الغردقة...ولو مش كده حتترحل ادارى وحتخرج من قسم الخليفةمن القاهرة...

وسط البلد...يا نهار اسود

انا...بس ماتألأش الموضوع مش حيوصل لكده...

يوسف...شوف البلوكامين جاى...

بلوكامين المباحث ده في الغالب بيبئي صول او امين شرطة..لكن المرة دي كان صول...

الصول...انا اتحايلت علي الباشا وهو اكتفي بس بمصادرة الحبوب...

يوسف...عايز اخرج من هنا لعملكوا جناية...

انا...يوسف وبعدين...خوده ياوسط البلد جوة...

الصول بيكلم معايا...المأمور اتصل وأل للباشا سيبه يمشي وأطع المحضر...

انا...طب ياله خرجه..

الصول...لا الباشا عايز يكلمك الاول

نا...ومالوا

روحنا علي الضابط...

الضابط...انا حمشيه علشان بس علشان خاطرك...بس بلغوا المرة الجاية مش حرحموا...

انا...عقلي الباطن.. :hearts: .آه يا بن الجبانة...ههههه علشان خاطري برده...

انا..ياباشا اجيبوا لسعاتك يتأسفلك...

الضابط...انا مش عايز اشوفه...ابن ال....المرة الجاية مش حرحموا

انا...بس فيه طلب تاني...ممكن اضمن الولد اللي معاه في الحجز

الضابط...الولد بتاع التحري..انت تعرفه...

انا..آه كان بيشتغل في الغردقة زمان..

الضابط...مافيش مشكلة خودوا معاه...

انا...الف شكر ياباشا...يتبع,,,,

[أبو نور]

والله ده انت طلعت حدوته كبيرة جدا يا ترونتو

(((انا...ياباشا الموضوع ممكن يخلص واجيبه يتأسف لحضرتك علشان قانوني هو من حئه يطلب مندوب من السفارة يحضر التحقيق..

ولازم يوقع الكشف الطبي عليه علشان نعرف سبب الاصابة ومده العلاج...طبعا هو عارف الكلام ده...بس انا حبيت اسمعهولوا ليكون ناسي... )))

وكمان متر شاطر وذكي

:) ;)

[gadolly]

مع اني مش بشارك في المصريين من فترة, بس مش قادر معلقش :lol:

اللي عايز يعرف نهاية تورونتو بعد المغامرات دي كلها

تورونتو قاعد في بيته مستخبي من جو وصل دلوقتي -31 تحت الصفر و احتمال بكرة يوصل -40 :lol: :lol:

و حتي لو حاول يطلع بالعربية, ممكن العربية متعرفش تدور في الجو ده, ده لو عرف يدخل المفتاح و يفتح الباب اللي ممكن يكون اتجمد اصلا :P

بس ايه رأيك يا محمد تغطس في نهر سان لوران زي ايام الغردقة, اهو ساعتها تبقي تورونتو بجد :rolleyes:

استرها يا رب معايا من الحكاوي دي, محدش عارف مين عليه الدور

عقلي الباطن: هو انا اسمي مكتوب......طيب

[Torontotruk]

بس ايه رأيك يا محمد تغطس في نهر سان لوران زي ايام الغردقة, اهو ساعتها تبقي تورونتو بجد :rolleyes:

ياريت ينفع...ده حتي في الصيف درجة حرارة الميه ممكن تجمد الدايف سوت وتسد فالفات خراطيم السكوبا...حسبي الله ونعم الوكيل ...

ابوها فانكوفر... :lol:

[Torontotruk]

لم يكن وسط البلد الذي رايته اول مرة...في قسم شرطة السياحة...بملابسه الباليه..و تعبيرات وجه البائسة..وكنت قد اكتشفت انه ايضا يعرف منطقة و سط البلد اكثر من قاطنيها...بل يعرف جميع اصحاب المحلات و المطاعم ايضا يعرف اصحاب مكاتب و شركات السياحة التي تقوم بعمل رحلات السفاري للواحات ...قابلت وسط البلد في ثوبه الجديد وسيارته الدايو الحديثة...يفوح منها رائحة عطره ..بل دعاني لزيارة شقته في مدينه الشروق...وقابلت امه واخته واخويه...الذي اشتري وسط البلد لاحدهما سيارة ميكروباص وللاخر سنترال :rolleyes: ....وعندما سألته عن سر التغير السريع في حياته والاملة اللي هو فيها والخير ده كلوا...

ودار هذا الحوار بيني وبينه

انا...ايه الحصل انت ورثت؟

هو...ربك لما يريد يا استاذ محمد...

انا...عموما ربنا يزيدك...

هو.. اكتشفنا ان لينا ارض وبعناها

هو...انا كنت عايز منك خدمة يا أ/محمد...

انا...عينية..

هو...عايز اكتب مهنة محترمة في جواز السفر بتاعي...مثلا مدير شركة سياحة...بس المشكلة مش عارف اغير المهنة في البطاقة ومافيش حد راضي من اصحاب الشركات يعلملي تامينات عنده بهذه المهنة...

...ليه ...هما طلبوا منك مبلغ كبير....؟؟؟

هو...لا الفلوس مش مشكلة..انا علي اتم الاستعداد ادفع الف الفين مش مشكلة بس الموضوع يخلص قبل آخر الشهر...هما مش عايزين يساعدوني اصلا......

انا...حخلصهولك...هات خمسمية...والخمسميةالتانية بعد ماجواب التامينات يطلع و تستلم البطاقة...

هو...يذهب خارج الغرفة ثم يحضر و يضع يده في جيب قميصي ...

انا...بكرة الصبح حقابلك علي نفس القهوة اللي اتقابلنا عليها..

هو..اوك...

انا...استأذن دلوقت

هو...الله سلمك وان شاء الله حنتقايل بكرة...

غادرت شقته الفارهة وتذكرت النقود التي وضعها بجانب علبة السجاير البلمونت :lol: في جيب قميصي وهذا عندما كنت اتحدث مع موظف مكتب تامينات شرق القاهرة عندما طلب منى 500 جنيه اتعاب هذا الخطاب...انا...فلوسك في جيبي والله في ايدي وانا بكلمك..ونظرت الي يدي وكانت مفاجأة....يتبع

[moheltohamy]

حواديت شيّقة الصراحة يا ابو عمر...

بس خللي بالك... إنتا كده رجليك بتسحب خارج (غرائب وطرائف الهجرة) إلاّ إذا كنت تعتبر إن الخروج من القاهرة إلى الغردقة هجرة داخلية :rolleyes:

[Torontotruk]

حواديت شيّقة الصراحة يا ابو عمر...

بس خللي بالك... إنتا كده رجليك بتسحب خارج (غرائب وطرائف الهجرة) إلاّ إذا كنت تعتبر إن الخروج من القاهرة إلى الغردقة هجرة داخلية :rolleyes:

تابع يا حجيج...للنهاية....