غرائب و طرائف الهجرة

[Torontotruk]

تبدا منين ياعم السطي..آه من فترة كبيرة طويلة وابل ماهاجر كنت علي بتصفح احدي المنتديات المعنية بشئون الهجرة لكندا..فقط لتضييع الوقت من ناحية..ومن ناحية أخري دراسة لسلوك المصريين والعرب عموما في بلاد المهجر..وتوقفت عند احدي المدخلات لعضو كان بيسأل بعض الناس ايلي وصلوا كندا بالفعل عن ارائهم وخبرتهم الكندية..لكن الشئ اللي لفت نظري انه كان مابيسألش عن الشغل او عن السكن ..وطبعا بعد استمراري بمتابعة هذا العضو..اكتشفت انه مثله مثل اعضاء كتير عندهم اصدقاء او اقارب في كندا وحقيقة انا كنت واحد منهم.(واذا عرف السبب بطل العجب).بالمختصر المفيد كان هذا العضو مكرس نفسه للرد علي اسئلة اللاعضاء اللي لسة ماهجروش..حئيئي انا كنت معجب باسلوبه جدا...ويمكن كان هو الوحيد اللي كنت متابع مدخلاته ومواضيعه...يمكن حتي قبل مايهاجر وبعد مارجع من الاندنج ...عرفت من مدخلاته انه مهندس...يعمل في احدي دول الخليج ...ومتزوج وعنده ثلاثة اولاد...و الشئ الآخر الذي جعلني اعجب به انه يحب عمله جدا بل وفخور انه ينتمي الي مجتمع المهندسين ...وسنرمز له في كصتنا بالرمز ح اختصارا لكلمة (حرامي)...ما علينا...

وبالفعل قررت ان ارسل له رسالة تعبر عن اعجابي الشديد باسلوبه المتميز ...ولاعلانه اني اود ان اقابله عند وصولي لكندا وايضا لاعلانه اني سوف استقر لعده اسابيع في المدينة التي يستقر فيها..وانتظرت اجابة منه لكن دون جدوى..المهم بعد وصولي لكندا..انشغلت وانقطعت علاقاتي بكل المنتديات ..الي ان استقريت في مدينة تورونتو الكئيبة...يتبع

[samehelassad]

تسجيل متابعة ياريس.

[Torontotruk]

بعد حصولي علي رخصة قيادة النقل الثقيل..راودتني فكرة كان قد عرضها علي احد الاشخاص العاملين بدولة الامارات والذي كان علي معرفه بالعضو ح..ان اذهب الي ولايه ميشجان بالولايات المتحدةبالعمل كسائق تراك ..نظرا لوجود فرص عمل برواتب خرافية في هذه المدينة...طبعا كنت اريد مزيد من المعلومات عن الشركات العاملة في هذا المجال وفي نفس الوقت تذكرت ان هذا الشخص قال لي انه يوجد شخص يعمل كسائق تراك علي معرفة وثيقة به وبالصدفة يعمل في هذه المدينة بامريكا...فقررت محاولة الاتصال به عن طريق البريد الخاص في احد المنتديات التي كان بالصدفة ايضا عضوا فيها ومن هذا المكان ايضا بالصدفة تعرفت عليه وعلي قصة العضو ح...ويعلم الله اني لوكنت اعلم انني سوف اكتشف حقيقة هذا العضو ماكنت اتصلت ب هذا الشخص..لان بصراحة وبالبلدي كدة نفسي غمت عليا لم عرفت عمل ايه قبل مايهاجر ويمكن عمل عملتوا السودة دي علشان كندا وسواد عيون كندا..ويمكن هي دي طبيعته..(واللي يعيش ياما يشوف(..الخلاصة نجحت بالاتصال به ولكن كان هذا الاتصال سببا لاخبار سيئة تخص هذا العمل ..وكان السبب الرئيسي كما قاله لي هذا الشخص ان الازمة الاقتصادية التي تمر بها الولايات المتحدة والحروب التي تخوضها كانت السبب في اغلاق كثير من شركات النقل كما هو الحال في كندا...طبعا ان كنت في حالة استياء ...وقررت ان ابحث عن اى عمل خاص اقوم به وبرده كان بنائا علي نصيحته..

بدأت في اكتشاف الوجه الحقيقي لكندا وخاصة مدينة تورونتو بعد ان بدأت بالفعل العمل الذي كان معظمه في الشارع..وعلشان ماتفهموش غلط كان في احدي شركات المباني الايطالية ـ الرومانية...ومن هذه الشركة اكتشفت كم هائل من الفساد المستشري والمتفحل في الحكومة والبنوك الكندية وكان وليد الصدفة ولا يمكن لاحد ان يعرفه الا اذا كان قد تعرض لمواقف مثل التي تعرض لها...ثاني هذه الاعمال مشرف في احدي شركات الامن الرومانية والتي تعمل في عطلة نهاية الاسبوع فقط وايضا تاكدت ان الفساد والرشوة متفشية بين رجال الشرطة الكندية...ومن خلال هذا العمل ايضا تعرفت علي شخصيات كندية من كافة المستويات العلمية..وكنت شغوف نظرا للمدة القصيرة التي قضيتها في كندا ان اعراف الوجه الحقيقي لهذا البلد...واحمد الله اني عرفت راسي من رجلية والشكر ايضا لتلك الاعمال التي تاكدت بواسطتها ان مش كل حاجة اسمعها لازم اصدئها...

الخلاصة بدات اكتب ماسمعت علي صفحات المنتديات وبعد تاكدي من عدة اشخاص اطباء وزراعيين وضباط شرطة عن رايي والوجه الآخر لكندا وطبعا زيي ماكلكوا عارفين ان طوب الارض هاجمني..المهم اني كنت مرتاح الضمير...وكان من ضمن اللي هاجموني هذا العضو ح..وبالصدفة ايضا كان موجود هذا الشخص صاحب فكرة العمل بامريكا والذي كان علي صلة بالعضو ح...وفوجئت برسالة علي البريد الخاص منه يطلب مني اني بالبلدي اكبر مخي ..بالاضافة بالجملة اياها اللي قرر الهجرة مش حيتراجع الي آخره.....وفي النهاية يطلب مني اني ماعملش عقلي بعقل عضو دجال وخسيس زى ح...طبعا ان سألته سؤال من الطبيعي ان اى واحد يسأله بعد ماسمع الالفاظ دي..خسيس,,افاق,, قلت انت تعرفه قبل كده؟ قالي كنت اتعرفت عليه لما كان بيعمل في ...الدولة الخليجية اللي كنت بعمل فيها لمدة عشرة سنوات..

واعرف قصته من قبل مايمشي بشهور...واعرف اد ايه هو منافق ومخادع ولص عبيط...طبعا انابطبيعتي لما بسمع اى حاجة تخص سمعة انسان لازم اتاكد بنفسي...لكن الموضوع ماكنش يهمني للدرجة اللي تخليني ادور وابحث عن حقيقة هذا العضو الذي كنت في هذا الوقت معجب بكلامه جدا لدرجة اني نسيت كلام هذا الشخص عن هذا العضو ح...يتبع..

[ghallab]

حاسس انى عرفت انت بتكلم عن مين :lol:

[Torontotruk]

المهم ...واصلت الكتابة في المنتديات عن رايي ومشاهداتي الشخصية في كندا...وكنت بحاول انقل الصورة التي أراها يوميا ...وكنت مؤمن ان المكتشف المحترف هو الذي يكتشف اعماق الشئ وليس قشوره..وبالبلدي ماكنتش بذعل من مهاجمة الاعضاء لاني كنت بلتمس الاعذار ليهم..والميديا والدعايا الكندية كانت بالطبع اقوى مني..وقصص النجاح اللي وصور الشلالات والحدائق اللي موجودة في كندا طبعا اكيد حتزغلل عينيهم...والظروف اللي بتمر بيها كل البلاد العربية ..واللي بيمروا بيها هم شخصيا..مع كل هذا طبعا مش حيسمحوا لاي شخص يذكر الحلم الكندي او الأشاية اللي بيتعلقوا بيها بسوء..ده اللي اكتر من كدة...اعرف من ناس ان فيه اعضاء كانوا بيسجلوا من سايبرس باسماء تانية علشان يهاجموني. مخصوص .وللأسف الشديد منهم ناس كنت فاكرهم اصحابي ..والشئ المضحك ان فيه بعضهم عايش في كندا ...وبيعاني...ايوة بيعاني..وعايش علي مافيش...حتي ماعندوش بسكلتة بتلت عجلاني..والغريب انه بيهاجمني وبيشتمني علي البريد الخاص..ما علينا

بعد ان قررت بفتح موضوع هام يخص كندا ...ولا اخفي عليكم ان هذا الموضوع له فضل كبير لمعرفة هذا العضو ح...هذا العضو اتهم كثير من الاعضاء بالتسجيل باكثر من اسم وهو كان اول من يفعل ذلك..وكان محترف بالتسجيل باسماء نسائية اوروبية...مستر ح بيسجل باسماء نسائية لمهاجتي انا فقط..وبعد انتهاء مهجماته هذا العضو ويظهر هو باسمه المعروف...طبعا عمله في مجال الهندزة بيوفر ليه اجهزة كمبيوتر يصعب علي الادارة تتبعها...الاى بي مختلف الي آخره...لكي لا اطيل عليكم..وهذا الكلام كان في شهر رمضان الكريم ..وكانت له مقالة يتكلم فيه عن فضل العشر الاواخر من الشهر الفضيل..وكان الشخص الذي كان يعرف قصته من طقطق لباي يتحدث معي ..وكنت قد نسيت الذي قاله عنه قبل ذلك..ودار هذا الحديث بيني وبين هذا الشخص الذي سارمز له ب س..

س..يا محمد انا اولتلك كبر مخك...مافيش داعي تعمل مشاكل بسبب حاجات تافهة...

انا..والله انا باكتب اللي شوفته واللي اتعرضت ليه..وبحاول اصحح بعض افكارهم...

س..التفت لنفسك ولشغلك..والناس اللي بتهاحمك عايزين يعملوا بني آدمين...ونسيوا هما كانوا ايه...ماتستغربش ..انا اعرف عضو ماشاء الله ..بينصح بالاعتكاف ..وبيكتب عن فضل العشر الاواجر من رمضان...والشئ العجيب انه في نفس الشهر تسبب بشلل زميل ليه...

انا...هو مين العضو ده؟

س...ما انا كلمتك عنه ابل كده...انت ناسي..

انا...فكرني...

س..العضو ح...

انا..حصل منه ايه,,؟

س...استلم احهزة من واحد زميل ليه مريض بالتليفون وراح باعها ولما زميله خرج من المستشفي جت الشرطة قبضت عليه بعد ما الكفيل بلغ عن السرقة لأن الاجهزة دي كان هو اللي مسئول عنها...اجهزة غالية جدا..ألات قياس ...وطبعا لان الاتنين كان معروف عنهم انهم من المهندسين الشرفاء الكفيل ماكانش في ايده الا انه يبلغ الشرطة...لدرجة ان بعد اخذ اقوال المهندس المسئول وبعد ذكر اسم العضو ح في محضر الشرطة طلب الكفيل من العضو ح ان يقسم علي كتاب الله انه لم يتواجد في مكان العمل اثناء وقوع حادثة السرقة...

انا..واقسم علي كتاب الله

س..ايوة حلف...واقسم ميت يمين...

انا...وايه اللي حصل بعد كدة..؟

س...حبسوا الراجل لغاية ما كان حيموت وبعد كدة اكتشفوا في السجن انه مش قادر يحرك ايده ...اتشل..و ارسلوه للمستشفي...

انا...طب زمايله ماعملوش حاجة...يعني يكلموا الكفيل..يكلموا العضو ح

س...الكفيل ماحدش عرف يتكلم معاه..والعضو ح راسه والف سيف انه مايعرفش حاجة عن الموضوع من اساسه..

انا..وطب وحصل ايه في الآخر؟

س...اتحلت من عند ربنا...حرامي عبيط...باع حاجات لحرامي اعبط منه...البوليس قبض عليه واعترف ان المسروقات دي اللي بعهالو العضو ح...واللي اشتري المسروقات كان عارف رقم عربية العضو ح ورقم تليفون الشركة اللي كان بيشتغل فيها..وعلي طريقة الافلام البوليسية قبضوا علي العضو ح واتعرف عليه من وسط عشر ظباط وعساكر كانو لابسين ملابس مدنية واعترف كمان انه نقل الاجهزة دي بسيارته الخاصة..

واضاف ان الحادثة دي نشروها في الجريدة ...

انا...طب ازاى...؟وليه ماسجنوش العضو ح..

س...كل اللي احنا عرفناه...ان الكفيل بعد مارجعت الاجهزة بتاعته..طلب من العضو ح انه يغادر البلد...وزميله رفع قضية علي الكفيل..وهو حاليا بيشتغل في محطةكهرباء بورسعيد وخد رقم تليفونه لو حبيت تكلمه...

انا...ايوة هات الرقم...انا عايز اعرف القصة ...بنفسي..

واللي عايز يتاكد الرقم لسة معايا...

س...بعد اسبوعين ...اتاكدت بنفسك...؟

انا...ايوة...

س...طب ليه بتتكلم معاه تاني؟

انا..بتسلي...

قبل ما اوصل كندا...بعت ليه رسالة وذكرت فيها اسم هذا الشخص...وهي دي الرسالة اللي رد عليها..وكان بيسألني انا اعرف العضو س منين؟فكان ردي عليه لما اوصل كندا حبئي اقولك انا عرفته منين..وبعد عدة ايام من وصولي ارسل لي رسالة اخري ...يستفسر فيها اذا كان العضو س تكلم عنه او لا؟هههههههههه...والله كان بيضحكني هذا اللص ...ارسلت رساله له وكانت الاخيرة...هذا نصها..

ياأ/س انا مش عايز منك حاجة...كل اللي عايز اعرفه انت بتعرف تنام ازاى بعد اللي عملته مع زميلك...؟طبعا ماردش علي هذه الرسالة...وانتو عارفين الباقي...تمت..

[ABO ADAM]

اية رايك فى الكلام دة؟؟؟؟؟؟؟

مجلس حقوق الإنسان :يجب على كندا الكف عن التحامل الديني على المسلمين

المصدر: جنيف - رويترز التاريخ: الأربعاء, فبراير 04, 2009

قالت هيئة تابعة للأمم المتحدة أمس انه يجب على كندا تحسين قوانينها لمكافحة العنف المحلي والكف عن التحامل الديني على المسلمين.

وتواجه إلمانيا وروسيا وكوبا والسعودية والصين،من بين بلدان أخرى، مراجعة هذا الشهر بموجب عملية مضى عليها أقل من عام وتهدف إلى ضمان محاسبة كل أعضاء الأمم المتحدة عن سجلاتهم المتصلة بحقوق الإنسان.

وفي أول دراسة لها بمقتضى المراجعة الدورية العامة لمجلس حقوق الإنسان، تلقت كندا أيضا حثاً على بذل مزيد من الجهد لتحسين رفاهية مواطنيها الأصليين، ومراجعة سياساتها المتصلة باستخدام الشرطة لأسلحة مميتة في أعقاب مقتل بولندي أعزل في مطار فانكوفر عام 2007.

وقال الوفد الكندي للمنتدى الذي يشارك فيه 47 دولة "لا دولة بما في ذلك كندا تتمتع بسجل يتسم بالكمال في مجال حقوق الإنسان".

وأضاف جون سيمز نائب وزير العدل الكندي قوله في الإجتماع الذي عقد في جنيف،حيث يوجد مقر المفوضية العليا للأمم المتحدة لحقوق الإنسان ومجلس حقوق الإنسان "من المهم لكل دولة أن تفتح سجلاتها الخاصة بحقوق الإنسان للدراسة على الصعيدين المحلي والدولي".

وقد تساعد هذه المراجعات مجلس حقوق الإنسان ،الذي يبلغ من العمر ثلاثة أعوام، على إكتساب مصداقية كهيئة لمراقبة المخالفات.

ومنذ إطلاقه عام 2006 عقد المجلس إجتماعات خاصة بشأن ميانمار وجمهورية الكونجو الديمقراطية وإسرائيل، وأزمة دارفور في السودان.

وكانت الهيئة التي خلفها المجلس وهي مفوضية الأمم المتحدة لحقوق الإنسان ينظر إليها إلى حد كبير على أنها غير فعالة.

وواجهت كندا أسئلة بشان قوانينها لمكافحة الإرهاب. وقال المجلس أيضاً انه ينبغي لكندا أن تنضم إلى معاهدات الأمم المتحدة بشأن حوادث الاختفاء القسري وحقوق العمال المهاجرين والبروتوكول الإختياري لمعاهدة مناهضة التعذيب.

[Torontotruk]

اية رايك فى الكلام دة؟؟؟؟؟؟؟

مجلس حقوق الإنسان :يجب على كندا الكف عن التحامل الديني على المسلمين

المصدر: جنيف - رويترز التاريخ: الأربعاء, فبراير 04, 2009

قالت هيئة تابعة للأمم المتحدة أمس انه يجب على كندا تحسين قوانينها لمكافحة العنف المحلي والكف عن التحامل الديني على المسلمين.

وتواجه إلمانيا وروسيا وكوبا والسعودية والصين،من بين بلدان أخرى، مراجعة هذا الشهر بموجب عملية مضى عليها أقل من عام وتهدف إلى ضمان محاسبة كل أعضاء الأمم المتحدة عن سجلاتهم المتصلة بحقوق الإنسان.

وفي أول دراسة لها بمقتضى المراجعة الدورية العامة لمجلس حقوق الإنسان، تلقت كندا أيضا حثاً على بذل مزيد من الجهد لتحسين رفاهية مواطنيها الأصليين، ومراجعة سياساتها المتصلة باستخدام الشرطة لأسلحة مميتة في أعقاب مقتل بولندي أعزل في مطار فانكوفر عام 2007.

وقال الوفد الكندي للمنتدى الذي يشارك فيه 47 دولة "لا دولة بما في ذلك كندا تتمتع بسجل يتسم بالكمال في مجال حقوق الإنسان".

وأضاف جون سيمز نائب وزير العدل الكندي قوله في الإجتماع الذي عقد في جنيف،حيث يوجد مقر المفوضية العليا للأمم المتحدة لحقوق الإنسان ومجلس حقوق الإنسان "من المهم لكل دولة أن تفتح سجلاتها الخاصة بحقوق الإنسان للدراسة على الصعيدين المحلي والدولي".

وقد تساعد هذه المراجعات مجلس حقوق الإنسان ،الذي يبلغ من العمر ثلاثة أعوام، على إكتساب مصداقية كهيئة لمراقبة المخالفات.

ومنذ إطلاقه عام 2006 عقد المجلس إجتماعات خاصة بشأن ميانمار وجمهورية الكونجو الديمقراطية وإسرائيل، وأزمة دارفور في السودان.

وكانت الهيئة التي خلفها المجلس وهي مفوضية الأمم المتحدة لحقوق الإنسان ينظر إليها إلى حد كبير على أنها غير فعالة.

وواجهت كندا أسئلة بشان قوانينها لمكافحة الإرهاب. وقال المجلس أيضاً انه ينبغي لكندا أن تنضم إلى معاهدات الأمم المتحدة بشأن حوادث الاختفاء القسري وحقوق العمال المهاجرين والبروتوكول الإختياري لمعاهدة مناهضة التعذيب.

العنصرية ليها اشكال كتير,,في كندا مستحيل صاحب عمل حيقول في وجهك انت مسلم ومالكش شغل عندي لان فيه قوانين بتمنع هذا الكلام...لكن صاحب العمل هذا يملك اكثر من مائة سبب لرفضك.ومش حتقدر تكلم..او تشتكيه.حتي في المدارس..ومعاهد تعليم اللغات للكبار توجد فيها اشكال والوان من العنصرية...ربنا يرحمنا...

[pampino]

تورنتو حبيبى واللة ليك وحشة بجد .. حمد اللة على السلامة ... واللة ان قرات كل القصة وحقيقى انا مستغرب جدا ان فية انسان مثل ذلك المهندس عايش بين البشر وكانة ملاك انزل من السماء .. شوف ياسيدى الفاضل حقيقى انا صدمت اوى لما شوفت كل اللى انتا قولتة على هذا الشى اى الهندسة دة لانة حقيقى مايستهلش اننا كلنا كاعضاء اننا نتحدث عنة لانة حجمة بالنسبى لى حجم ذبابة لاتذكر.. حقيقى معقول فى انسان ممكن يتخلى عن الشرف والمبادى فى سبيل شوية فلوس او شوية ورق ؟ وحقيقى يكون هو السبب فى مرض وشلل احد اصحابة ؟ معقولة اللى اتقال دة ؟ كل دة عشان فلوس؟ هى شوية الفلوس دى اللى هتغنية؟ شوف على العموم هذا النموذج لمثل هذا المخلوق فانة وان دل فسوف يدل على شى واحد فقط وهو المكان الذى اتى منة هذا المخلوق وهو انة اساسا ماكنش لاقى شى وكان معدم وكان فى حرمان فا لاما سافر الخليج وشاف شوية فلوس عمرة ماكان يحلم بيها فا بالتالى اصبح مثل الكلب المسعور وبالتلى عمل كل شى فى سبيل المال حتى ولو على حساب احد اصحابة وبالتالى خان معنى الصداقة ... شوف ياعمر انا لو هتكلم صدقنى هتكلم كتير بس لا عارف لية عشان دة واحد مايستاهل اساسا اننا نذكرة بشى لانة لا شى هو مجرد نكرة لايذكر.. وعلى فكرة ياعمر انا عرفتة من حلال كلامك اللى قولتة واكيد كل اعضاء النتدى الكرام ايضا عرفوة.. وبجد ميرسى ليك اوى انك وضحت لكل الاعضاء الكرام حقيقة هذا النكرة اللى عامل نفسة عايش بينا وكانة اخ مننا.. بس كلمة هقولهالك ربك قادر على كل شى..

[الأهلاوي الأصيل]

إيه يا عم مالك ...نازل هجوم على الراجل كده ليه؟

ايه اللي عرفك إن القصة دي حقيقية ، أو إن الموضوع ده حصل من الأساس...مش يمكن من وحي خيال اللي بيكتبه

هو ينفع الواحد يحكم في قضية لما يسمع من طرف واحد ومن غير ما يسمع من الطرف الثاني

"يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على فعلتم نادمين"

تورنتو حبيبى واللة ليك وحشة بجد .. حمد اللة على السلامة ... واللة ان قرات كل القصة وحقيقى انا مستغرب جدا ان فية انسان مثل ذلك المهندس عايش بين البشر وكانة ملاك انزل من السماء .. شوف ياسيدى الفاضل حقيقى انا صدمت اوى لما شوفت كل اللى انتا قولتة على هذا الشى اى الهندسة دة لانة حقيقى مايستهلش اننا كلنا كاعضاء اننا نتحدث عنة لانة حجمة بالنسبى لى حجم ذبابة لاتذكر.. حقيقى معقول فى انسان ممكن يتخلى عن الشرف والمبادى فى سبيل شوية فلوس او شوية ورق ؟ وحقيقى يكون هو السبب فى مرض وشلل احد اصحابة ؟ معقولة اللى اتقال دة ؟ كل دة عشان فلوس؟ هى شوية الفلوس دى اللى هتغنية؟ شوف على العموم هذا النموذج لمثل هذا المخلوق فانة وان دل فسوف يدل على شى واحد فقط وهو المكان الذى اتى منة هذا المخلوق وهو انة اساسا ماكنش لاقى شى وكان معدم وكان فى حرمان فا لاما سافر الخليج وشاف شوية فلوس عمرة ماكان يحلم بيها فا بالتالى اصبح مثل الكلب المسعور وبالتلى عمل كل شى فى سبيل المال حتى ولو على حساب احد اصحابة وبالتالى خان معنى الصداقة ... شوف ياعمر انا لو هتكلم صدقنى هتكلم كتير بس لا عارف لية عشان دة واحد مايستاهل اساسا اننا نذكرة بشى لانة لا شى هو مجرد نكرة لايذكر.. وعلى فكرة ياعمر انا عرفتة من حلال كلامك اللى قولتة واكيد كل اعضاء النتدى الكرام ايضا عرفوة.. وبجد ميرسى ليك اوى انك وضحت لكل الاعضاء الكرام حقيقة هذا النكرة اللى عامل نفسة عايش بينا وكانة اخ مننا.. بس كلمة هقولهالك ربك قادر على كل شى..

[Bassam El Sayed]

جرى اية يا عم Pampino

هو انت تعرف المهندس دة ولا اية ؟ على راى الاهلاوى الاصيل

بس انا ما بشكشش فى اى كلام من الى قالة تورونتو بس ولو بردة بس هذا لا يمنع ان تورونتو ترك دة مجرم حرب

[gadolly]

السلام عليكم

طبعا انا بقاللي كتير مش بشارك لاسباب كتير عارفينها, بس الموضوع ده عايز اتكلم فيه قبل ما الكتير ينزلقوا لاشياء صعب اصلاحها و التوبة منها الا بموافقة المقذوف في حقه

اولا: لا اشكك في كلام محمد عمر ابدا, فانا اعرفه من فترة و هو ليس بالانسان الكذاب, و لكنه ينقل الصورة كما يراها, و لا مصلحة له بالكذب.

ثانيا: كمسلمين نحن ناخذ الناس بالظاهر و ليس لنا بالباطن, فمن ظهر منه خيرا فهو خير و من ظهر منه غير ذلك فهو كذلك

ثالثا: الرجاء عدم اصدار احكام تحسبونها هينة و هي عند الله عظيمة, و لا يمنعني حبي لاحد الاشخاص من قول الحق.

انا لا اشكك في كلام عمر, لكن اعاتبه علي سرعة الحكم علي الاشخاص و الثقة بالاخرين, فلعل ا\ س له عداوة و اختلق هذة القصة و الرجل الاخر من بورسعيد معه في نفس السيناريو, لعل من اعترف علي ح له مصلحة بتوريطه و كان قصة منسوجة لعزله عن العمل, لعله تم ايقاعه بنقل الاجهزة و حبكت الرواية علي هذا السيناريو, و لعل لا يوجد قصة و قام باختلاقها ا\س لحقده علي ح, و لعل لعل لعل.... التمس لاخيك 70 عذرا, و لعلها حقيقة و ماضي دفن و الرجل تاب و رد المظالم , فلماذا ايقاظها, و كما قال الرسول صلي الله عليه و سلم لمن حث ابن ماعز علي الاعتراف بالزنا, قال له الرسول صلي الله عليه و سلم او كما قال: لو كنت سترته بثوبك (الرجاء الوقوف علي تخريج الحديث), يااا الله علي روعة الاسلام و ستر الاعراض, يستره بثوبه خير من حثه علي الاعتراف.

لي رجاء لعمر, و هو ليس لي اولا و لكنه لك امام الله و في ميزان حسناتك باذن الله, مسح هذة القصة سريعا, و امتاعنا بقصص اخري كما كنت تفعل, القصص التي اضحكتنا و علمتنا و ابكتنا (بس بلاش حكاية جركن البنزين و توليع المسجد, ما انت عارف البير و غطاه في كيبك, هو مسجد واحد ملوش تاني, و لو حد مخه ضرب و ولعه حنصلي علي التلج في الشارع :blink: :blink: )

رجاء لجميع الاعضاء ان يلجموا السنتهم حتي لا تخرج كلمات و والله لن تعود مرة اخري الي الافواه و ستسجل عليكم.

حفظنا الله جميعا

يا محمد يا عمر

هو انا اسمي موجود.......طيب

[Torontotruk]

"يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على فعلتم نادمين"

صدق الله العظيم.

[Queen]

السلام عليكم،

الاستاذ تورنتو ارجو منك قراءة مداخاتي و التفكير فيها اربع دقايق مش اكتر.

في ناس كتير بتهاجم حضرتك و مش طايقاك، و لكني مشفقة عليك لانني ارى انك تشعر بالفراغ الشديد في حياتك و هذا ما يدعوك الى كتابة قصص ملهاش اي لازمة و لا تفيد احد على الاطلاق و تحدث في كل مكان على وجه الارض و كل الاعضاء يعرفون قصص ندالة زي القصص دي و يمكن اكتر كمان.

انت تجد العزاء لنفسك باعتقادك انك العالم ببواطن الامور و الخبير الذي يتعمق و يفهم جوهر الاشياء و لا يكتفي بالحكم على القشور، و كل الكلام ده كلام فاضي يا استاذ تورنتو . لان من اصغر عضو و لاكبر عضو في موضوع كندا يعي عيوب و تحديات كندا زي حضرتك بالضبط و يمكن اكتر.

الناس كلها بدون استثناء عارفيين العيوب قبل المميزات ، ومش العيوب زي الميه ملوثة و الشوارع فيها زبالة و الكلام الفاضي ده، العيوب الحقيقية زي معادلة شهاداتم و تربية اولادهم و غيرها من المشكلات اللي حقيقي مهمة.

و النوع من الناس اللي زي حضرتك اللي حياتهم فاضية و ليس لديهم ما يتحدثوا عنه و يفخروا به، دوما يقولون كما تقول، اصل انا اللي فاهم انا اللي عارف انا اللي بهتم ببواطن الامور، انا اللي فاهم الناس كويس اوي.

ارى مؤخرا ان مداخلات حضرتك اصبحت سيئة للغاية كلها تجريج في الناس ، زي البنت اللي كنت حتكتب عنها و الشاب اللي حرق المسجد و العضو اللي عمال بتلمح عليه و هذه القصص التي لا تفيد المهاجر ولا المقيم بشئ و هدفها الوحيد التشوية و التجريح، هي ما دعاني لكتابة هذه المداخلة.

هذه ليست رسالة مهاجمة لك

انما دعوة لوقفة مع النفس، هل انت فعلا راضي عن ما تكتبه، و لا تأخذ كلامي بسخرية كعادتك، او تتجاهله كما تتجاهل المدخلات اللي مش عجباك ،وفكر قليلا فربما تجد هدف تكرس له مجهودك الذي اراه ضائع في كتابات ملهاش لازمة . ربما يكون الهدف ده انك تتزوج و تنجب اطفال يشغلوا الفراغ في حياتك .

استغل موهبتك في الكتابة و روح الدعابة لديك في كتابات مفيدة و لا تستغلها في كتابة قصص مشوهة.

الله يصلح حالك و حالنا جميعا

[Torontotruk]

السلام عليكم،

وعليكم السلام ورحمة الله وبركاته.

[nizza la bella]

فينك يا ادارة من هذا الكلام?

[Torontotruk]

ليدز اند شينتيلمان..قريبا علي صفحات المنتدي القصة الواقعية الجديدة..ذهب في عيد الميلاد...وهذه القصة ليست في قائمة البكش ولا اللؤم...وانا شخصيا سمعتها من ابطال القصة الحقيقين...انتظروها..

الي اللقاء.

[Queen]

السلام عليكم،

اعتذر لك استاذ تورنتو ان كان كلام ضايقك، بس لا تنسى يا بخت من بكاني و بكى عليا ولا ضحك على قصصي و ضحك الناس عليا.

و على فكرة هذا الاعتذار ليس للإدارة و لكن لاستاذ تورنتو يا استاذ nizza la bella، و حتى لو اعتبرت الادارة مداخلتي تطاول على عضو فانا مسئولة عنها.

[Torontotruk]

السلام عليكم،

اعتذر لك استاذ تورنتو ان كان كلام ضايقك، بس لا تنسى يا بخت من بكاني و بكى عليا ولا ضحك على قصصي و ضحك الناس عليا.

و على فكرة هذا الاعتذار ليس للإدارة و لكن لاستاذ تورنتو

ميرسي بوكو..

[nizza la bella]

:rolleyes:

السلام عليكم،

اعتذر لك استاذ تورنتو ان كان كلام ضايقك، بس لا تنسى يا بخت من بكاني و بكى عليا ولا ضحك على قصصي و ضحك الناس عليا.

و على فكرة هذا الاعتذار ليس للإدارة و لكن لاستاذ تورنتو يا استاذ nizza la bella، و حتى لو اعتبرت الادارة مداخلتي تطاول على عضو فانا مسئولة عنها.

:blink:

[Nassarlink]

انا اوافق علي كلام عمدة كيبيك المهندس جادولي

وكذلك علي كلام الاخت الفاضله كوين

واخشي ما اخشاه ان تتحول المحاورات الي مهاترات المصريين

وبعدين فين الأفاضل الي بيعلقوا علي رد الاخوه --شكرا جزيلا-- بالحذف

وعلي --بتوع الاوتوبيس --بالتوجيه

صباح الخير فين ردكم علي الي بيحصل ده ................وعجبي