مطور برامج والفيزا سائق

[sokkary]

السلام عليكم ورحمة الله وبركاته

ازيكم يا اخوانى فالغربة بالممكلة العربيه السعودية البنجاليه المصرية

انا ليا استفسار كده واتمنى حد يجاوبنى ,,,

انا فالمملكة من شهر وجاى على فيزا زيارة عمل والوظيفة فالتاشيرة كانت استشارى تطوير برمجيات حلو

الباسابورت والبطاقة معايا مكتوب فيهم حاصل على بكالرويوس حاسبات ومعلومات

الوضع كالاتى الزيارة هتنتهى والكفيل هيمدهالى اسبوعين وعاوزنى انزل مصر وارجع على فيزا دائمة والفيزة المتحاة عنده هيا سائق

فهل هل ده ينفع يعنى مش هتطلب تغيير باسبورت ولا بطاقة ,, اانا لسه لا اعرف اسوق ولا عندى رخصة كمان

بس هو قالى اسال ,,, لو مش هتطلب تغيير المهنه واطلع بيها عادى ولما ارجع للممكلة يبقى يغيرها باذن الله على حسب كلامه

بالشهادة بتاعتى والباسبور فهل الكلام دوا مظبوط وينفع فعلا ولا ايه

تقبلوا خالص الاحترام والتقدير

وربنا معانا فى غربتنا

[Amr Radwan]

السلام عليكم ..

زميلي العزيز ..

اولا .. انت لو عاوز تستقر في السعودية .. لازم تتعلم السواقة (السياقة زي ما بيقولو عليها هنا) و سواء الفيزا كانت سائق او مبرمج او غيرها .. من مصلحتك تتعلمها قبل ما تيجي هنا و يطلعوا عينك عشان تاخد الرخصة ..

ثانيا .. لو الكفيل العزيز .. شركة محترمة و ليها وضعها اكيد هيتصرف لك في فيزا محترمة .. و سيبك من موضوع السواق و العامل و الفني و .. ده يدل لك علي حاجة تانية خالص بعيد شوية عن الموضوع .. ان الشركة دي صغيرة و تعبانة و ممكن في اي لحظة يسويك علي نار هادية و انت لا تعرف تروح يمين و لا شمال .. و معني انه مش عنده الا فيزا سائق ده معناه ان الشركة دي او المؤسسة دي اما تحت الانشاء او وهمية .. لان عادة فيزة السائق (الخاص) ممكن يطلعا لو هو مواطن عادي مش لازم شركة او مؤسسة .

ثالثا : لو استقريت علي موضوع الفيزا دي و فعلا عاوز تيجي عليها اكيد لازم تغير الباسبور و تكون المهنه سائق و طبعا لازم يكون معاك رخصة مصرية و تقريبا بتعمل اشتراك في نقابة السواقين (علي حد علمي) يعني من الاخر عشان تخلص الموضوع ده في مصر هتاخد مش اقل من 3 شهور .. يعني علي ما تتعلم سواقة و تاخد الرخصة المصرية و بعد كده تعدل الباسبور ..

رابعا .. وظيفة المبرمج مطلوبة بشده هنا في السعودية و مرتبها بيبدأ من 4000 او 5000 غير البدلات (زي السكن 3 شهور سنويا و المواصلات و التامين الطبي و تذاكر السفر لك و للاسرة و غيرها .. )

حاول تشتري فيزا علي حسابك و تعالي حر نفسك افضل لك .. انا اعرف شركات بتدور علي مبرمجين كويسين بس بيكونوا عاوزين نقل كفالة .

خامسا .. ربنا يوفقك و ييسر لك الحال .. و لو احتجت اي حاجة ابعت لنا و هتلاقينا جمبك :lol:

سلام يا زمل :lol:

[osmel33]

السلام عليكم ..

زميلي العزيز ..

اولا .. انت لو عاوز تستقر في السعودية .. لازم تتعلم السواقة (السياقة زي ما بيقولو عليها هنا) و سواء الفيزا كانت سائق او مبرمج او غيرها .. من مصلحتك تتعلمها قبل ما تيجي هنا و يطلعوا عينك عشان تاخد الرخصة ..

ثانيا .. لو الكفيل العزيز .. شركة محترمة و ليها وضعها اكيد هيتصرف لك في فيزا محترمة .. و سيبك من موضوع السواق و العامل و الفني و .. ده يدل لك علي حاجة تانية خالص بعيد شوية عن الموضوع .. ان الشركة دي صغيرة و تعبانة و ممكن في اي لحظة يسويك علي نار هادية و انت لا تعرف تروح يمين و لا شمال .. و معني انه مش عنده الا فيزا سائق ده معناه ان الشركة دي او المؤسسة دي اما تحت الانشاء او وهمية .. لان عادة فيزة السائق (الخاص) ممكن يطلعا لو هو مواطن عادي مش لازم شركة او مؤسسة .

ثالثا : لو استقريت علي موضوع الفيزا دي و فعلا عاوز تيجي عليها اكيد لازم تغير الباسبور و تكون المهنه سائق و طبعا لازم يكون معاك رخصة مصرية و تقريبا بتعمل اشتراك في نقابة السواقين (علي حد علمي) يعني من الاخر عشان تخلص الموضوع ده في مصر هتاخد مش اقل من 3 شهور .. يعني علي ما تتعلم سواقة و تاخد الرخصة المصرية و بعد كده تعدل الباسبور ..

رابعا .. وظيفة المبرمج مطلوبة بشده هنا في السعودية و مرتبها بيبدأ من 4000 او 5000 غير البدلات (زي السكن 3 شهور سنويا و المواصلات و التامين الطبي و تذاكر السفر لك و للاسرة و غيرها .. )

حاول تشتري فيزا علي حسابك و تعالي حر نفسك افضل لك .. انا اعرف شركات بتدور علي مبرمجين كويسين بس بيكونوا عاوزين نقل كفالة .

خامسا .. ربنا يوفقك و ييسر لك الحال .. و لو احتجت اي حاجة ابعت لنا و هتلاقينا جمبك :lol:

سلام يا زمل :lol:

الراجل ده بيتكلم صح جداً

موضوع أنك تسافر على غير وظيفتك

بتبقى تحت رحمة الكفيل هنا عندنا في قطر واحد أبن حلال وشكله كده برضه مصري

كفيله قاله عايز يا مشمش تنقل كفالتك أدفع 30000 ريال آه والله وعمل مشكلة ومحكمة

وحقوق إنسان وعيش بقي وربنا أولاً وأخيراً ييسر ليك الحال

تم تعديل 11 يناير 2009 بواسطة osmel33

[Ahmed Unknown]

اخى العزيز, انت لم تذكر اذا كنت متزوج او تنوى الزواج

اعتقد انك او اتبت على فيزة سائق فلن تستطيع استقدام الزوجة

نصيحة منى لا تقبل بالمجىء على فيزة سائق (طبعا الا اذا كان الراتب مغرى ;-) )

[sokkary]

والله ياشباب الواحد ما عارف يشكركوا ازاى تسلموا

- هو الكفيل قالى اشوف هضطر اغيرها ولا لا وهو بيقلى ان فيه فيزا تانية محاسب

فهل المحاسب دى تنفع لوا برده تحت رحمته وهضطر برده انى اغير الباسبور والبطاقة - هيا دلوقتى "حاصل على بكالوريوس حاسبات ومعلومات"

- الشركة فعلا صغيرة بس الكفيل هنا شكله ابن حلال وكويس عن ماسمعت عن الكفلاء فالسعودية

انت قلت "و ممكن في اي لحظة يسويك علي نار هادية و انت لا تعرف تروح يمين و لا شمال .."

يعنى ايه ,,, انا عرفت ان مفيش اكتر مالفراخ هنا فهل انا فاهم صح ؟ ياريت توضح يعنى هيعمل ايه لانى لسه جديد

وقلت برده "حاول تشتري فيزا علي حسابك و تعالي حر نفسك افضل لك .. "

- ممكن تقلى الميزات بتعاعتها يعنى انى اكون حر نفسى ,, واشتغل فالشركة اللى انا عاوزها وبس ولا ليها ميزات تانية

- وممكن اعرف بتتكلف كام الفيزا الحرة دى وموجود منها مطور برامج مهنتى يعنى

واخر نصيحة بقى لاخوك تنصحنى بايه لو حبيت اكمل فالشركة اللى اانا فيها ,, اصل الصراحة هما قالوا ان السعوديو كفيلك

والراجل هنا شكله محترم وتعامله معايا لحد دلوقتى كويس وانا اهم شئ برده عندى الراحة فالشغل

يعنى مثلا اقوله يطلع فيزا مبرمج او مطور برامج ولا ايه

تكرم ياباشا للمتابعة

[osmel33]

بلاش الله يكرمك من موضوع شكله ابن حلال دى علشان باضرس :blink:

الكفيل كفيل يعنى لو أنت فيزتك سائق وقالك تعالى سوق

مالاكش عنده حاجه وأى مشكلة بينك وبينه أنت في الآخر سائق

[أحمد بدر]

السلام عليكم ورحمة الله وبركاته

ازيكم يا اخوانى فالغربة بالممكلة العربيه السعودية البنجاليه المصرية

انا ليا استفسار كده واتمنى حد يجاوبنى ,,,

انا فالمملكة من شهر وجاى على فيزا زيارة عمل والوظيفة فالتاشيرة كانت استشارى تطوير برمجيات حلو

الباسابورت والبطاقة معايا مكتوب فيهم حاصل على بكالرويوس حاسبات ومعلومات

الوضع كالاتى الزيارة هتنتهى والكفيل هيمدهالى اسبوعين وعاوزنى انزل مصر وارجع على فيزا دائمة والفيزة المتحاة عنده هيا سائق

فهل هل ده ينفع يعنى مش هتطلب تغيير باسبورت ولا بطاقة ,, اانا لسه لا اعرف اسوق ولا عندى رخصة كمان

بس هو قالى اسال ,,, لو مش هتطلب تغيير المهنه واطلع بيها عادى ولما ارجع للممكلة يبقى يغيرها باذن الله على حسب كلامه

بالشهادة بتاعتى والباسبور فهل الكلام دوا مظبوط وينفع فعلا ولا ايه

تقبلوا خالص الاحترام والتقدير

وربنا معانا فى غربتنا

زميلنا العزيز كل القوانين فى المملكة للأجانب تعتمد على الوظيفة، فمثلا وظيفة سائق قد لا تتمكنك من إستقدام زوجتكأو أولادك إلى المملكة أو فتح حساب فى البنك أو الحصول على كروت إتمانية من البنوك و أنت فى وظيفة سائق. و حتى نقل الكفالة لا يمكن تحويل المهنة داخل المملكة من سائق إلى مهنة مثل مبرمج أو مهندس. و العقد بينك و بين صاحب العمل لن يكون فيه أي شيء يدل على أنك مبرمج و بالطبع سوف يكون الراتب المكتوب فى العقد على مستوى وظيفة سائق.

و لو مزاج كفيلك يلعب بيك الكورة و يدوخك و يلففك السبع لفات ملكش عنده حاجة و لا السفارة و لا مكتب العمل حينفعوك فى حاجة لأنك فى العقد سائق و لست مبرمج.

و الإستقالة و طلب السفر نهائي هنا ليست بهذه السهولة إذا لم يرغب كفيلك فى ذلك.

نصيحتي لك تيجي على مهنة محترمة و شركة محترمة و لو براتب أقل حتلاقي العيشة مختلفة جداّ و المعاملة من جهة العمل تختلف نهائياً عن العمل لدى شخص عن العمل لدى شركة.

على فكرة فى شركات كتير فى مصر بتبعت مبرمجين إلى السعودية بنظام outsource بتأشيرة زيارة طبعا و الراتب بيكون أحسن و جواز سفرك معاك محدش و حر نفسكز

لو إنته عازب أحسنلك بكتير تيجي فترة لغايت ما تلائي فرصة فى شركة كويسه

[sokkary]

والله يا احمد انا مش متزوج ولا خاطب الحمد لله لحد دلوقتى

فى مشروع خطوبة ربنا يبارك فيه ويكمل

الراتب مش مغرى اوى ولا حاجة انا قلت اجرب بس فالاول

وهو طبعا احسن مالى كان فمصر

وهنا ربنا كرمنى وطلعت عمرة والحمد لله ودى عندى بكتير اوى

بس هوا كدا سائق انا منتهى منه ان شاء الله لانى قلت للكفيل وقت ماكملنى عليها انى مش هغير الباسور ولا البطاقة بسائق

ربنا يقدم ما فيه الخير ومستنى الرد ياشباب على استفساراتى وقت الامكان

تقبلوا خالص الاحترام والتقدير

[eritrea]

إخوانى كنت عايز اسال عن شروط الفيزة الحرة الى السعودية و تكلفتها اد إي و بتستفيد منها إذاى وانا على العموم مهندس كهرباء و شكراااا