نداء للاخ الفاضل ياسر.....ارجع لنا

[somayasaleh]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا :hi:

[د هشام ابراهيم]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا :hi:

الحقيقة رغم أني ما أعرفش الأخ الفاضل ياسر انما أسمه بيجي كتير في الردود و واضح إنه شخص خدوم جدا و محبوب جدا ....باضم صوتي لحضرتك

[somayasaleh]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا :hi:

الحقيقة رغم أني ما أعرفش الأخ الفاضل ياسر انما أسمه بيجي كتير في الردود و واضح إنه شخص خدوم جدا و محبوب جدا ....باضم صوتي لحضرتك

الاخ الفاضل ياسر من اطيب الاعضاء هنا

وله توبيك في القسم ده افاد كثير من الاعضاء وغير الاعضاء

بس يا خسارة زعل منا واختفي فجاة :hi:

ربنا يرده للمنتدي بالسلامة

[ahmed_saleh]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا :hi:

الحقيقة رغم أني ما أعرفش الأخ الفاضل ياسر انما أسمه بيجي كتير في الردود و واضح إنه شخص خدوم جدا و محبوب جدا ....باضم صوتي لحضرتك

الاخ الفاضل ياسر من اطيب الاعضاء هنا

وله توبيك في القسم ده افاد كثير من الاعضاء وغير الاعضاء

بس يا خسارة زعل منا واختفي فجاة :hi:

ربنا يرده للمنتدي بالسلامة

انا هنادي معاكوا ... فينك يا اخونا ياسر

ان شاء الله تكون بخير ربنا يطمنا عليك

[pharaon]

انا ضد اى حد يسب المحاورات لانها بيت المصريين كلهم

عشان كده

ارجع يا استاذ ياسر

وادى صوتى معاكوا :hi:

[mR Basha]

ونا معكم

أنا دايما اكلمه على مسنجر

شخص لايوصف في الاحترام والاخلاق

وكل هاد خدوم وبتقي الله

اضم صوتي لصوتكم وارسل له رسالة على ايميل في رابط موضوع

[samehelassad]

للي مايعرقش مين ياسر

ياسر دة راجل مهندس يقيم في تورونتو من سبع سنوات ويعمل كمهندس. ومن مواضيعة موضوع الميزانية الشهرية في كندا.

[somayasaleh]

للي مايعرقش مين ياسر

ياسر دة راجل مهندس يقيم في تورونتو من سبع سنوات ويعمل كمهندس. ومن مواضيعة موضوع الميزانية الشهرية في كندا.

شكرا علي التوضيح اخ سامح

ياتري فيه حد تاني عايز ينده معانا؟؟؟؟؟ :wub:

فينك يا اخ تورونتو؟ وباقي اصدقاد الباشمهندس العزيز......

عايزيين نعمل مظاهره لحد ما يرجع لنا بالسلامه

[دعاء]

وانا كمان معاكم

ونفسى الاستاذ ياسر يرجع ينور المنتدى تانى لان امثال الشخصية دى قل ما الزمان يجود بمثلها

ومش لازم نتكلم عن كندا خالص المهم تشريفه لنا من وقت للتانى

[ssmaly]

صوتى معاكم

وايه اللى زعله علشان نقدر نصالحه

[Nassarlink]

انا كمان معاكم بضم صوتي لصوتكم

ارجع يا هندسه المحاورات من غيرك ناقصها حاجات كتير

وياريت كمان الأخ الحبيب المهندس جادولي

ولا العيشه في الجبل عجبتكوا

عموما وجودكم في الجبل ميمنعش مشاركتكم معانا

[madzoro]

ربنا يرجعك بالسلامة يا باشمهندس ياسر

نرجوك ان لا تطيل الغيبة

[AL MUHAGER]

بضم صوتي للجميع

يا ياسر باشا محتاجينك تنورنا

اتمنى تكون بخير وسلامة

[اسكندرية تانى]

الاخ ياسر من الناس المحترمة جدا و اللى باعتقد اننا كلنا خسرنا الكتير بغيابه

ياسر محترم جدا فى تعاملاته و لا نزكيه على الله

اعتقد ان الوقت مناسب لعودتك يا ياسر

فى انتظارك ان شاء الله :winner: :happy:

[ايناس احمد]

وانا كمان بضم صوتى لصوتكم

ارجع ياباشمهندس ونور المنتدى

[ابن الصعيد]

وانا اضم صوتي

ارجع يا هندسة واللي مزعلك " اطخهولك عيار " احنا بالخدمة

بجد بجد احنا خسرناك . ارجوك عد اللي احبابك

[ام بلال]

الأخ الفاضل ياسر و جادوللي شوفت اسمهم في منتدى المطاريد مرة ،ربنا يردهم للمنتدى آميييين و يكونوا بألف خير

[KOT KOT]

منتظرينك ترجع ...بنحبك ....ارجع وما تكسفناش.

[samehelassad]

تعالى تعالى تعالى ياحبيبي ياحبيبي تعالي (وش المغني المعروف اللي مش فاكر اسمة)

يالا ياعم ياسر انا شايفك في المحاورات خش برجلك الشمال. واسحب كرسي.

عندك اتنين نسكافية وحجرين معسل يابي لابو اليسر حبيب الجماهير.

[yassir]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا

أختى الفاضله سميه ,

كما ذكرت لكى فى رسالتى الخاصه من الصعب على أن أسطر كلمات تعبر عن امتنانى و شكرى و تقديرى لذوقك الكريم وسؤالك عنى .

و أخص أيضا بالذكر أخى الفاضل سامح على تنبيهه لى و رسالته الخاصه , أشكر دكتورنا الفاضل التهامى على أتصاله و سؤاله جزاكم الله جميعا كل خير .

الأخوه و الأخوات الأفاضل.....

د. هشام أبراهيم.... شكرا دكتورنا الفاضل على ذوقك و كلماتك الطيبه .....

فرعون.....معك حق ....المحاورات بيت للمصريين .....بس يعنى تقدر تقول الواحد طمعان فى فيلا....

باشا...... شكرا و تمنياتى بالتوفيق و النجاح فى هجرتك ...

دعاء .....جزاك الله كل خير يا أم ياسين ....ربنا يوفقك فى هجرتك و يعينك على تربيه الأولاد هنا ....

ssmaly ...شكرا أخى الفاضل لأهتمامك بس و لازعلان و لاحاجه ....كلك ذوق ...

ناصر ........ شكرا أخى العزيز على أطرائك و الله بذلت ما أستطعت بخصوص الدكتور جاد بس الجرح عميق

شويه و حادث الأوتوبيس ترك أثر أسأل الله أن يزيله من نفسه الطيبه ...

مديح ........ شكرا أخى الفاضل و ربنا يكملك الهجره على خير ...الأمل فيك فى كتابه موضوع للمعماريين.

المهاجر .... شكرا أخى الفاضل لأهتمامك .......

د.أحمد ..... بليداتى الحبيب ....جزاك الله كل خير على كلماتك الرقيقه ...ربنا يعينك على النبطشيات ....

ايناس ...... شكرا أختى الفاضله و ربنا يوفقك فى هجرتك .....

أبن الصعيد....تسلم أخوى العزيز .....شايك لوجت عوزه يا أبو خالو .....

أم بلال .......جزاكى الله كل خير أختى العزيزه و تتوفقى فى الهجره و يعزنا بك و بأسرتك الكريمه....

kot kot ...... أخى العزيز ....خالص شكرى و تقديرى لأهتمامك ....

الأخوه الأفاضل...أسمحوا لى أنهى هذه التظاهره الطيبه المغزى و الهدف بكلمتين أستغل سعه صدركم و دماثه خلقكم و أطول عليكم شويه .....

الكتابه فى المنتدى بدايه الطريق و ليس نهايته , لو عدنا للمواضيع القديمه فى المنتدى لعصر الفاضل هادى لوجدنا ان المهتمين و المشاركيين بفعاليه كانوا من المقيمين هنا استفادوا من خبرات بعضهم البعض و تشاركوا الرأى و التفكير فى حلول لأشكاليات واجهتهم .....بمرور الوقت تحول المنتدى الى الأعداد للهجره من وقت التفكير فى الهجره حتى الوصول لكندا .....ستجدوا كتابات لأخوه فى منتهى التفصيل مثل المهندسه مصريه و مغتربه و الدكتور أينشتين و الدكتور أحمد جاد و أوتوماتيك و تورنتو والمهندس أيهاب سالم و الدكتور قناوى و الموضوعات المستمره على الساحه للدكاتره الأفاضل التهامى و الشامى و هشام ......و غيره و غيره .....طيب و بعدين ...

كل نقاط الهجره و الأستعداد لها و السفر و اللاندنج و الشحن طرقت و قتلت بحثا ولكن الأساس ليس كل هذا , كل ما فعلناه هو الأستعداد للأمتحان ...ذاكرنا كويس ....و لما دخلنا الأمتحان أكتشفنا أنه open Book و يمكنك أيضا الأستعانه بصديق ....عملنا أيه كل واحد حط ايده و خبى الأجابه من اللى جنب منه .....

موضوع مطروح فى منتهى الأهميه فى المنتدى ....موضوع ناصر بخصوص تعارف الناس اللى مسافره و ازاى ممكن يقربوا من بعض و يستفيدوا من تجارب بعضهم البعض ..... لم يلقى الأهتمام الكافى الذى يسمح بتطويره وليصححنى ناصر ان كنت مخطئا فى ظنى ....

الكتابه فى المنتدى هى فقط بدايه الطريق ....مساعده الأخوه على التقديم للهجره , توضيح نقاط تعين فى الحصول على نقاط ....اللاندنج كل هذه الكتابات معينه و مفيده ولكن فى النهايه كل هؤلاء سوف ينتهى بهم المطاف الى ان يصبحوا مواطنيين كنديين , يجب أن يكون هناك دور أكبر للمقيمين هنا و ينتفى الشك و الريبه من بينهم و يتعاونوا فيما بينهم ....

فى الحقيقه فى يوم 18 نوفمبر الماضى تحقق جزء كبير من ده عندما بدات أول نتورك لرجال الأعمال الكنديين من أصل مصرى ....تجربه جميله أتمنى لها النجاح لكن بقرائتى لأسماء اوائل المشاركيين لا اعرف لماذا يتسرب الشك الى نفسى و أبحث لها عن تسميه أخرى زى رجال الاعمال الكنديين من أصل مصرى مع أشتراط ان يكون xxxxxxxxx.

أتمنى ان أرى النتورك تجمع كل الكنديين من أصل مصرى و يتحول ما كتبناه فى المنتدى من مجرد مذاكره الى عمل مشترك لينجح الجميع .....الأساس هو شويه ثقه من الأطراف و نسيان مشاكل الخليج ....من غير يفط و لا مواعظ لكن فعلا من الصعوبه جدا أن تعيش فى المهجر دون خلق مجتمع متوائم مع ما تربيت عليه من قيم و عقيده .... المدرسه ستكون أقوى منك فى مواجه أولادك ....الميديا أقوى منك ....لو لم يكن لك أخوه كثيرون يعينوك على خلق واقع مغاير لما يراه الأولاد سيكون الموقف أصعب يوم بعد يوم ....

أخيرا كل ما أرجوه من الأخوه المصريين القادميين الجدد و انت بتاخد و رقه الاندنج فى المطار سلمهم شنطه صغيره فيها ذكرياتك السيئه من عملك فى الخليج ,حط فيها كلمه كفيل و عدوك أبن بلدك و المصريين وحشين فى الغربه و أول ما تحرص حرص من المصريين و ده فلاح و ده أسكندرانى و انا ليا قرايب فى المخابرات و بالمره حط معاهم الأفكار القديمه و قلهم أنا جى أبتدى من جديد ممكن تصادروا المخدرات ديه و سيرحبوا بذلك و صدقنى أنت الكسبان .....

أشوفكم فى كل مكان فى كندا بكل خير .....