نداء للاخ الفاضل ياسر.....ارجع لنا

[AL MUHAGER]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا :sad:

أختى الفاضله سميه ,

كما ذكرت لكى فى رسالتى الخاصه من الصعب على أن أسطر كلمات تعبر عن امتنانى و شكرى و تقديرى لذوقك الكريم وسؤالك عنى .

و أخص أيضا بالذكر أخى الفاضل سامح على تنبيهه لى و رسالته الخاصه , أشكر دكتورنا الفاضل التهامى على أتصاله و سؤاله جزاكم الله جميعا كل خير .

الأخوه و الأخوات الأفاضل.....

د. هشام أبراهيم.... شكرا دكتورنا الفاضل على ذوقك و كلماتك الطيبه .....

فرعون.....معك حق ....المحاورات بيت للمصريين .....بس يعنى تقدر تقول الواحد طمعان فى فيلا....

باشا...... شكرا و تمنياتى بالتوفيق و النجاح فى هجرتك ...

دعاء .....جزاك الله كل خير يا أم ياسين ....ربنا يوفقك فى هجرتك و يعينك على تربيه الأولاد هنا ....

ssmaly ...شكرا أخى الفاضل لأهتمامك بس و لازعلان و لاحاجه ....كلك ذوق ...

ناصر ........ شكرا أخى العزيز على أطرائك و الله بذلت ما أستطعت بخصوص الدكتور جاد بس الجرح عميق

شويه و حادث الأوتوبيس ترك أثر أسأل الله أن يزيله من نفسه الطيبه ...

مديح ........ شكرا أخى الفاضل و ربنا يكملك الهجره على خير ...الأمل فيك فى كتابه موضوع للمعماريين.

المهاجر .... شكرا أخى الفاضل لأهتمامك .......

د.أحمد ..... بليداتى الحبيب ....جزاك الله كل خير على كلماتك الرقيقه ...ربنا يعينك على النبطشيات ....

ايناس ...... شكرا أختى الفاضله و ربنا يوفقك فى هجرتك .....

أبن الصعيد....تسلم أخوى العزيز .....شايك لوجت عوزه يا أبو خالو .....

أم بلال .......جزاكى الله كل خير أختى العزيزه و تتوفقى فى الهجره و يعزنا بك و بأسرتك الكريمه....

kot kot ...... أخى العزيز ....خالص شكرى و تقديرى لأهتمامك ....

الأخوه الأفاضل...أسمحوا لى أنهى هذه التظاهره الطيبه المغزى و الهدف بكلمتين أستغل سعه صدركم و دماثه خلقكم و أطول عليكم شويه .....

الكتابه فى المنتدى بدايه الطريق و ليس نهايته , لو عدنا للمواضيع القديمه فى المنتدى لعصر الفاضل هادى لوجدنا ان المهتمين و المشاركيين بفعاليه كانوا من المقيمين هنا استفادوا من خبرات بعضهم البعض و تشاركوا الرأى و التفكير فى حلول لأشكاليات واجهتهم .....بمرور الوقت تحول المنتدى الى الأعداد للهجره من وقت التفكير فى الهجره حتى الوصول لكندا .....ستجدوا كتابات لأخوه فى منتهى التفصيل مثل المهندسه مصريه و مغتربه و الدكتور أينشتين و الدكتور أحمد جاد و أوتوماتيك و تورنتو والمهندس أيهاب سالم و الدكتور قناوى و الموضوعات المستمره على الساحه للدكاتره الأفاضل التهامى و الشامى و هشام ......و غيره و غيره .....طيب و بعدين ...

كل نقاط الهجره و الأستعداد لها و السفر و اللاندنج و الشحن طرقت و قتلت بحثا ولكن الأساس ليس كل هذا , كل ما فعلناه هو الأستعداد للأمتحان ...ذاكرنا كويس ....و لما دخلنا الأمتحان أكتشفنا أنه open Book و يمكنك أيضا الأستعانه بصديق ....عملنا أيه كل واحد حط ايده و خبى الأجابه من اللى جنب منه .....

موضوع مطروح فى منتهى الأهميه فى المنتدى ....موضوع ناصر بخصوص تعارف الناس اللى مسافره و ازاى ممكن يقربوا من بعض و يستفيدوا من تجارب بعضهم البعض ..... لم يلقى الأهتمام الكافى الذى يسمح بتطويره وليصححنى ناصر ان كنت مخطئا فى ظنى ....

الكتابه فى المنتدى هى فقط بدايه الطريق ....مساعده الأخوه على التقديم للهجره , توضيح نقاط تعين فى الحصول على نقاط ....اللاندنج كل هذه الكتابات معينه و مفيده ولكن فى النهايه كل هؤلاء سوف ينتهى بهم المطاف الى ان يصبحوا مواطنيين كنديين , يجب أن يكون هناك دور أكبر للمقيمين هنا و ينتفى الشك و الريبه من بينهم و يتعاونوا فيما بينهم ....

فى الحقيقه فى يوم 18 نوفمبر الماضى تحقق جزء كبير من ده عندما بدات أول نتورك لرجال الأعمال الكنديين من أصل مصرى ....تجربه جميله أتمنى لها النجاح لكن بقرائتى لأسماء اوائل المشاركيين لا اعرف لماذا يتسرب الشك الى نفسى و أبحث لها عن تسميه أخرى زى رجال الاعمال الكنديين من أصل مصرى مع أشتراط ان يكون xxxxxxxxx.

أتمنى ان أرى النتورك تجمع كل الكنديين من أصل مصرى و يتحول ما كتبناه فى المنتدى من مجرد مذاكره الى عمل مشترك لينجح الجميع .....الأساس هو شويه ثقه من الأطراف و نسيان مشاكل الخليج ....من غير يفط و لا مواعظ لكن فعلا من الصعوبه جدا أن تعيش فى المهجر دون خلق مجتمع متوائم مع ما تربيت عليه من قيم و عقيده .... المدرسه ستكون أقوى منك فى مواجه أولادك ....الميديا أقوى منك ....لو لم يكن لك أخوه كثيرون يعينوك على خلق واقع مغاير لما يراه الأولاد سيكون الموقف أصعب يوم بعد يوم ....

أخيرا كل ما أرجوه من الأخوه المصريين القادميين الجدد و انت بتاخد و رقه الاندنج فى المطار سلمهم شنطه صغيره فيها ذكرياتك السيئه من عملك فى الخليج ,حط فيها كلمه كفيل و عدوك أبن بلدك و المصريين وحشين فى الغربه و أول ما تحرص حرص من المصريين و ده فلاح و ده أسكندرانى و انا ليا قرايب فى المخابرات و بالمره حط معاهم الأفكار القديمه و قلهم أنا جى أبتدى من جديد ممكن تصادروا المخدرات ديه و سيرحبوا بذلك و صدقنى أنت الكسبان .....

أشوفكم فى كل مكان فى كندا بكل خير .....

تحية تقدير واحترام لعمنا وعم المهندسين الباشمهندس ياسر

ياسر باشا اتفق معك في كل ما ذكرت ولكني اري خلف السطور نوع من الحزن الدفين و الوجع و الانين

يا ريت يا باشا تفضفض لاخواتك

في انتظار مشاركاتك المضيئة يا عمنا

مرة اخري تحية احترام وتقدير

[somayasaleh]

اخيرا كل ما أرجوه من الأخوه المصريين القادميين الجدد و انت بتاخد و رقه الاندنج فى المطار سلمهم شنطه صغيره فيها ذكرياتك السيئه من عملك فى الخليج ,حط فيها كلمه كفيل و عدوك أبن بلدك و المصريين وحشين فى الغربه و أول ما تحرص حرص من المصريين و ده فلاح و ده أسكندرانى و انا ليا قرايب فى المخابرات و بالمره حط معاهم الأفكار القديمه و قلهم أنا جى أبتدى من جديد ممكن تصادروا المخدرات ديه و سيرحبوا بذلك و صدقنى أنت الكسبان .....

أشوفكم فى كل مكان فى كندا بكل خير ....

===================

الله ينور عليك يا باشمهندس..... :lol:

بعد الكلام الزبد ده ما فيش حاجه ممكن تتقال...... :lol:

شفت بقي احنا مفتقدينك ازاي؟

مين اللي ح يقول لنا علي الخبره ده. :sad:

الله يفتح عليك ويجعل طريقك خير دائما يارب

رجاء خاص .......

ما تحرمناش من خبرتك ونصائحك الغاليه

جزاك الله كل الخير وجعله في ميزان حسناتك :lol:

[Nassarlink]

حقيقي فعلا احنا كنا مفتقدينك

وانا معاك في الي بتقوله بخصوص التعارف

هوممكن يكون الموضوع ملقاش رد فعل قوي داخل المنتدي مع ان 75 واحد نزلوا الاستماره

لكن انا متأكد ان 10 منهم يتعرفوا علي بعض كفايه في اول 3 شهور والباقي هيجر رجل بعضهم

لما يتاكدوا انهم لازم يساعدوا بعض بدون ما يحصل بينهم الي تورونتو بيقول عليه من- بكش ولؤم-

وطبيعي ان المجتمع يكون فيه عينه منهم لكن احنا مش عاوزين نطبق القاعده الاقتصاديه الي كل المحاسبين عارفينها وبتقول ان -العمله الرديئه بتطرد العمله الجيده من السوق-

[Torontotruk]

حقيقي فعلا احنا كنا مفتقدينك

وانا معاك في الي بتقوله بخصوص التعارف

هوممكن يكون الموضوع ملقاش رد فعل قوي داخل المنتدي مع ان 75 واحد نزلوا الاستماره

لكن انا متأكد ان 10 منهم يتعرفوا علي بعض كفايه في اول 3 شهور والباقي هيجر رجل بعضهم

لما يتاكدوا انهم لازم يساعدوا بعض بدون ما يحصل بينهم الي تورونتو بيقول عليه من- بكش ولؤم-

وطبيعي ان المجتمع يكون فيه عينه منهم لكن احنا مش عاوزين نطبق القاعده الاقتصاديه الي كل المحاسبين عارفينها وبتقول ان -العمله الرديئه بتطرد العمله الجيده من السوق-

انا سيبت الخليج وانا عندي17 سنة فامعرفش المصريين اللي هناك بيفكروا ازاى...وحتى زمايلي في الفصل كانوا سوريين علي توانسة علي زنوج من افريقيا...ورجعت مصر علشان الجامعة...وفي الصيف كنت بسافر برة مصر...وحتي لو كانت ليه بعض الخبرات مع اولاد بلدنا...فتنست مع مرور الايام والسنين اللي اضيتها في اوروبا...لكن حقيقي...المصريين اللي بييجوا من الخليج فظاع...ليهم طريقة في التفكير مش طبيعية...وبجد نصيحة للاعضاء المهاجرين الي كندا...اصحاب العقول المتفتحة في يوم ما ستصبحوا من المقيمين في كندا وفي يوم مايعلم بيه الا ربنا حتصبحوا كنادوة...ولكن علشان الضغط مايعلااش عليك ...وعلشان مايجيلكش الالب...وتنزلك البواسير...ويجيلك فتاء...ولحمية...ووممكن تينيا ...احذر في انك تعرض خدماتك علي المصريين...وخاصة اللي جايين من الخليج...مالهاش الا تفسيرين عنده...يااما عايز تستغله...يااما عايز تشاركه في مصلحة ....المهم انجز...وبعدين الشنطة اللي بيكلم عليها اخونا ياسر...هي اهم شنطة في شنطه يا كبير...خبرة خليج او خبرة مصر...عادات...صعب انه يتخلص منها في يوم وليله...وبعدين الطامة الكبري انه مابيحتفظشي بيها لنفسه..ده عايز يوزعها علي البنى آدمين واللي مش زيه بيفكره عبيط ...وبعدين فيه حاجة لفتت نظري .. مابيعرفوش يستمتعوابحياتهم ولا ليهم في جو الرحلات...من الأخر...ولا بلاش..

[مسافرة]

أخيرا كل ما أرجوه من الأخوه المصريين القادميين الجدد و انت بتاخد و رقه الاندنج فى المطار سلمهم شنطه صغيره فيها ذكرياتك السيئه من عملك فى الخليج ,حط فيها كلمه كفيل و عدوك أبن بلدك و المصريين وحشين فى الغربه و أول ما تحرص حرص من المصريين و ده فلاح و ده أسكندرانى و انا ليا قرايب فى المخابرات و بالمره حط معاهم الأفكار القديمه و قلهم أنا جى أبتدى من جديد ممكن تصادروا المخدرات ديه و سيرحبوا بذلك و صدقنى أنت الكسبان .....

أشوفكم فى كل مكان فى كندا بكل خير .....

البشمهندس ياسر

ربنا يعلم انا باحترمك قد ايه .. بس فيه سؤال .. ليه فى كلامك حضرتك عممت على كل المصريين انهم أكيد معقدين و متوجسين خيفة من بعض ؟؟؟ أنا معاك ان الظواهر اللى حكيت عنها منتشرة جدا فى حياتنا فى مصر أو فى الخليج.. و يمكن ده بالضبط هو السبب الرئيسى فى ان ناس كتير قررت الهجرة لكندا بالذات .. حيث التعامل بين الناس أبسط و أرقى و الناس عايشة حياتها و مستمتعين بيها بجد .. (أو قول ده اللى احنا فاهمينه أو متخيلينه عن العيشة هناك من حكايات من سبقونا) .. وهو ده اللى عايزينه لأولادنا حياه راقية وسط ناس أصولهم زى أصولنا برضه بغض النظر عن العائد المادى حتى لو أقل من الخليج .. و اتقال كتير فى المنتدى ان اللى عايز فلوس يبقى خليه فى الخليج و بلاش كندا ..

عايزة أقول ان اللى حضرتك بتطالب الناس بيه هو عين العقل لكنه ايضا المفروض انه طلب ملح فى عقول الناس اللى مهاجرة جديد انهم ينسوا عقد حياتنا العربية و يبدأوا من جديد مع ناس بتفكر زيهم و مستواهم العلمى و المادى برضه أكيد مقارب ليهم .. يعنى تجربة أو أكتر مش ناجحة مع المصريين مش مهم .. أكيد الأغلبية بتفكر زيك .. و فى النهاية ربنا ان شاء الله حيوفقك فيما يحبه ويرضاه :sad:

[samehelassad]

حبيبي ياسر: اولا الف شكر على كلماتك الجميلة دي. ولو اني مش عاوز اكتر من انك ترجع تاني معانا زي زمان وماتقوليش قول للزمان يرجع يازمان.

ثانيا: اهنيك على تعديلك للفكرة وهو انك تتفاعل وتتعاون من الناس المصريين اللي وصلو الي كندا بالفعل. ومحاولاتك الفعالة على عمل نتورك من المصريين الكنديين المهاجرين.

ثالثا: اهنيك على تفكيرك بالبداية برجال الاعمال. لانة لاشك انهم اقدر ناس على بدايتها. واقدرهم على جذب ومساعدة المصريين المهاجرين الجدد واقدرهم على فهمهم والتغيير في وجهات نظرهم مما يسهل اندماجهم مع المجتمع والمعطيات الجديدة.

رابعا: سيدي الفاضل كل انسان على وجه الارض لة معطياتة وتفكيرة ومعتقداتة وتجاربة بالتالي فالتعميم غير مطلوب اطلاقا لانة يخالف الواقع. فمن على يقين بان المصريين او اللي جايين من الخليج او الفلاحين او الاسكندرانية او القاهريين او او. هيبقو كذا وكذا وكذا. فلا داعي بان يحاول محاولة فاشلة مع اناس لن يتغيرو. او حتى لايقبلو التغيير سواء لللافضل في وجة نظرك او لللاسواء. او لللاسواء في وجهة نظرهم او للافضل.

خامسا: كل مرحلة ولها اولوياتها. فلايمكن للمهاجر ان يرى او يتخيل مايراة المقيم. ولا يمكن ان تكون اولويات المهاجر هي اولويات المقيم. فلن يشتري شخصا منزلنا لة وهو غير قادر على تامين لقمة العيش. ولن يندمج شخص في مجتمع يتوقع انة من الممكن ان لايستطيع ان يعيش فية اصلا. انظر الي كم من يعمل لاندنج ثم يرجع خوفا من صعوبة الاستقرار او الحصول على عمل مرضي او مجزي لة. وهنا يكمن الاختلاف والتعميم والاستنتاجات. اللي شايف صعوبة الحياة هي الغالبة يصعب علية تخيل وجود منقذ من السماء بدون مقابل. والذي يحيى حياة مستقرة ويقدم خدمات في وجه نظرة بسيطة يصعق من قلق ورعب الطرف الاخر. وهنا يبداء الشيطان في التدخل وتبدا التعميمات والفهم الخاطيء لابسط الكلمات التي من الممكن ان يكون لامغزى منها.

مانحتاجة فعلا هي عملية اندماج مبسطة ينتج منها فهم كل طرف للاخر ومعرفة خلفيات كل طرف لسهولة فهمة وتعليمة. فيصبح على دراية بالامور كما لوكان يعيش فيها. فعلى سبيل المثال لايمكن للاخ الكبير ان يتناقش مع اخوة الاصغر بنفس الاسلوب الذي يتبعة مع صديقة او اخية التؤام .

لازم احنا نعرف بعض اكتر ونتناقش مع بعض اكتر في مواضيع مختلفة يتضح من خلالها الفرق في التفكير والخلفيات والمخاوف وطريقة حل المشاكل. ودة يسهل على الاطراف عندما تتقابل فعليا ان تكمل المشروع المنشود بدون استنتاجات خاطئة او خيبة امل نتيجة ردود افعال معينة.

فياريت نفعّل الموضوع دة. وياريت حضرتك تبتديلنا موضوع: كيف يعيش الكنديين وكيف يندمج المصريين في الهجرة مع بعض. ويتحاور في الموضوع اخوانا في كندا مع اخوانا برة كندا ويتناقشو مع بعض في كل امور الحياة المختلفة هناك.

سادسا واخيرا: بجد ربنا يكرمك في تحقيق هدفك السامي. وبجد نورت المنتدى تاني يابو اليسر.

اخوك اللي من الخليج سامح :sad:

[مجبورة ان شاء الله]

السلام عليكم

عودا حميدا بشمهندس ياسر

جزاك الله خير على ماقلت والله كفيت ووفيت لا تحرم محبيك من مخاطبة عقولهم وتنوير عيونهم

[qenawy]

حمدا الله علي السلامة يا اخي الفاضل يا سر

انا لم اشارك الا اليوم في التوبيك ده ولكن

انا كنت بعت لك رسالة علي الخاص لو تتذكرها تدلل علي اني مفتقدك ولا انساك

وكل عام والاسرة الكريمة بخير

[somayasaleh]

حبيبي ياسر: اولا الف شكر على كلماتك الجميلة دي. ولو اني مش عاوز اكتر من انك ترجع تاني معانا زي زمان وماتقوليش قول للزمان يرجع يازمان.

ثانيا: اهنيك على تعديلك للفكرة وهو انك تتفاعل وتتعاون من الناس المصريين اللي وصلو الي كندا بالفعل. ومحاولاتك الفعالة على عمل نتورك من المصريين الكنديين المهاجرين.

ثالثا: اهنيك على تفكيرك بالبداية برجال الاعمال. لانة لاشك انهم اقدر ناس على بدايتها. واقدرهم على جذب ومساعدة المصريين المهاجرين الجدد واقدرهم على فهمهم والتغيير في وجهات نظرهم مما يسهل اندماجهم مع المجتمع والمعطيات الجديدة.

رابعا: سيدي الفاضل كل انسان على وجه الارض لة معطياتة وتفكيرة ومعتقداتة وتجاربة بالتالي فالتعميم غير مطلوب اطلاقا لانة يخالف الواقع. فمن على يقين بان المصريين او اللي جايين من الخليج او الفلاحين او الاسكندرانية او القاهريين او او. هيبقو كذا وكذا وكذا. فلا داعي بان يحاول محاولة فاشلة مع اناس لن يتغيرو. او حتى لايقبلو التغيير سواء لللافضل في وجة نظرك او لللاسواء. او لللاسواء في وجهة نظرهم او للافضل.

خامسا: كل مرحلة ولها اولوياتها. فلايمكن للمهاجر ان يرى او يتخيل مايراة المقيم. ولا يمكن ان تكون اولويات المهاجر هي اولويات المقيم. فلن يشتري شخصا منزلنا لة وهو غير قادر على تامين لقمة العيش. ولن يندمج شخص في مجتمع يتوقع انة من الممكن ان لايستطيع ان يعيش فية اصلا. انظر الي كم من يعمل لاندنج ثم يرجع خوفا من صعوبة الاستقرار او الحصول على عمل مرضي او مجزي لة. وهنا يكمن الاختلاف والتعميم والاستنتاجات. اللي شايف صعوبة الحياة هي الغالبة يصعب علية تخيل وجود منقذ من السماء بدون مقابل. والذي يحيى حياة مستقرة ويقدم خدمات في وجه نظرة بسيطة يصعق من قلق ورعب الطرف الاخر. وهنا يبداء الشيطان في التدخل وتبدا التعميمات والفهم الخاطيء لابسط الكلمات التي من الممكن ان يكون لامغزى منها.

مانحتاجة فعلا هي عملية اندماج مبسطة ينتج منها فهم كل طرف للاخر ومعرفة خلفيات كل طرف لسهولة فهمة وتعليمة. فيصبح على دراية بالامور كما لوكان يعيش فيها. فعلى سبيل المثال لايمكن للاخ الكبير ان يتناقش مع اخوة الاصغر بنفس الاسلوب الذي يتبعة مع صديقة او اخية التؤام .

لازم احنا نعرف بعض اكتر ونتناقش مع بعض اكتر في مواضيع مختلفة يتضح من خلالها الفرق في التفكير والخلفيات والمخاوف وطريقة حل المشاكل. ودة يسهل على الاطراف عندما تتقابل فعليا ان تكمل المشروع المنشود بدون استنتاجات خاطئة او خيبة امل نتيجة ردود افعال معينة.

فياريت نفعّل الموضوع دة. وياريت حضرتك تبتديلنا موضوع: كيف يعيش الكنديين وكيف يندمج المصريين في الهجرة مع بعض. ويتحاور في الموضوع اخوانا في كندا مع اخوانا برة كندا ويتناقشو مع بعض في كل امور الحياة المختلفة هناك.

سادسا واخيرا: بجد ربنا يكرمك في تحقيق هدفك السامي. وبجد نورت المنتدى تاني يابو اليسر.

اخوك اللي من الخليج سامح :blush2:

وانا ايضا اضم صوتي لصوت الاستاذ سامح ونطلب من حضرتك توبيك جدديد عن (كيف يعيش الكنديين وكيف يندمج المصريين في الهجرة مع بعض)

ويلا بقي ماتتقلش علينا .... وحشنا اسلوبك المهذب الضاحك المفيد.......

في انتظار تفاعل حضرتك معنا

[precanadian]

الاخ الفاضل العزيز المهندس ياسر

افتقدناك كثيرا . والله لك شوق ومحبه واحترام .حقيقي خسرناك في الكام شهر الي فاتو. والحمد لله عودتك بيننا

موضوع مطروح فى منتهى الأهميه فى المنتدى ....موضوع ناصر بخصوص تعارف الناس اللى مسافره و ازاى ممكن يقربوا من بعض و يستفيدوا من تجارب بعضهم البعض ..... لم يلقى الأهتمام الكافى الذى يسمح بتطويره وليصححنى ناصر ان كنت مخطئا فى ظنى

اخي الفاضل لما سجلت في المنتدي من كام شهر ايام لما حضرتك كنت موجود كان هدفي التعرف علي ناس يكونوا اخوه واصدقاء لي في الغربه وبالفعل حصل لكن للاسف علي نطاق ضيق معي اصحاب توبيك في المنتدي . وهذا سهل لان اصحاب التوبيك بيكتبوا والي بيكتب بيكشف جزء من شخصيته ومستوي تفكيره لكن تاتي المشكله كيف يتم ذلك بين الاعضاء الي بيكتبوا مداخلات صغيره داخل التوبيكز ؟

يجب أن يكون هناك دور أكبر للمقيمين هنا و ينتفى الشك و الريبه من بينهم و يتعاونوا فيما بينهم ....

لا ننكر ان هناك توجس بين الناس في التعرف الاكتروني .لان غالبا معضمنا داخل باسماء رمزيه . تخيل حضرتك حفله او في مسجد وواحد بيعرفك عليا ويقولك الاخ بريكانديان . ده غير ما يكون فلان ابن فلان من البلد الفلانيه وبيشتغل في المكان الفلاني. يعني المشكله في المصداقيه والشفافيه .

فى الحقيقه فى يوم 18 نوفمبر الماضى تحقق جزء كبير من ده عندما بدات أول نتورك لرجال الأعمال الكنديين من أصل مصرى ....تجربه جميله أتمنى لها النجاح لكن بقرائتى لأسماء اوائل المشاركيين لا اعرف لماذا يتسرب الشك الى نفسى و أبحث لها عن تسميه أخرى زى رجال الاعمال الكنديين من أصل مصرى مع أشتراط ان يكون xxxxxxxxx.

أتمنى ان أرى النتورك تجمع كل الكنديين من أصل مصرى و يتحول ما كتبناه فى المنتدى من مجرد مذاكره الى عمل مشترك لينجح الجميع .....الأساس هو شويه ثقه من الأطراف و نسيان مشاكل الخليج

من غير يفط و لا مواعظ لكن فعلا من الصعوبه جدا أن تعيش فى المهجر دون خلق مجتمع متوائم مع ما تربيت عليه من قيم و عقيده .... المدرسه ستكون أقوى منك فى مواجه أولادك ....الميديا أقوى منك ....لو لم يكن لك أخوه كثيرون يعينوك على خلق واقع مغاير لما يراه الأولاد سيكون الموقف أصعب يوم بعد يوم

ايدي في ايدك يا بشمهندس ياسر وفي ايدين كا الاخوه الاعضاء هنا وقول لنا ازاي نبدأ سوا

أخيرا كل ما أرجوه من الأخوه المصريين القادميين الجدد و انت بتاخد و رقه الاندنج فى المطار سلمهم شنطه صغيره فيها ذكرياتك السيئه من عملك فى الخليج ,حط فيها كلمه كفيل و عدوك أبن بلدك و المصريين وحشين فى الغربه و أول ما تحرص حرص من المصريين و ده فلاح و ده أسكندرانى و انا ليا قرايب فى المخابرات و بالمره حط معاهم الأفكار القديمه و قلهم أنا جى أبتدى من جديد ممكن تصادروا المخدرات ديه و سيرحبوا بذلك و صدقنى أنت الكسبان .....

أشوفكم فى كل مكان فى كندا بكل خير

الله ينور عليك ويحميك ويبارك فيك

تحياتي لكم

[yassir]

ثالثا: اهنيك على تفكيرك بالبداية برجال الاعمال. لانة لاشك انهم اقدر ناس على بدايتها. واقدرهم على جذب ومساعدة المصريين المهاجرين الجدد واقدرهم على فهمهم والتغيير في وجهات نظرهم مما يسهل اندماجهم مع المجتمع والمعطيات الجديدة.

أخى العزيز سامح , تصحيح هام جدا .....( أنا غلطان اللى مش بشكل الكلمه ) أنا قصدت أن النتورك بدأت مش انا اللى بدأتها , أنا حضع اللنك الموجود بها تفاصيل عن الخبر لتصحيح الخطأ الكبير اللى وقعت فيه أحسن حد يظن انى أنا رجل أعمال و الاقى المداخله أتنقلت لموضوع بكش المهاجريين ..... :sad:

تحية تقدير واحترام لعمنا وعم المهندسين الباشمهندس ياسر

ياسر باشا اتفق معك في كل ما ذكرت ولكني اري خلف السطور نوع من الحزن الدفين و الوجع و الانين

يا ريت يا باشا تفضفض لاخواتك

في انتظار مشاركاتك المضيئة يا عمنا

مرة اخري تحية احترام وتقدير

شكرا عزيزى المهاجر على كلماتك الرقيقه ... و لكن ليس حزنا بقدر ما هو تخوف من المستقبل , صدقنى عندما تنظر الى المستقبل فى عيون الأولاد و تسترجع اللوم الذى وجهناه لأهلنا انهم تشتتوا و لم تقم لهم قائمه لا فى المهجر ولا فى الوطن تدرك المسئوليه الملقاه على عاتقنا , نحن أخترنا ان نزرع وطنا حلمنا به فى مكان غير مكان مولدنا,حلمنا فيه بالمساواه و العدل و الحريه و فرضنا علي أولادنا اختيارنا....المسئوليه مضاعفه ....ربنا يعيننا ببعض و يوفقنا لما يحب و يرضى ...

العمله الرديئه بتطرد العمله الجيده من السوق-

العجيب يا أخى العزيز أن القاعده معكوسه على أرض الواقع فالعمله الجيده هى التى تطرد الرديئه هنا بس المشكله أن العمله الرديئه ......لها قدره غريبه على تحويل نفسها لعمله رديئه أخرى و تلاقيها فى الماركت تانى .....عارف ليه علشان هناك من يطبع العمله الرديئه و يحرص على تصديرها و دسها بين العملات الجيده و يستغلها فى تشويه صوره العملات الجيده .....فزوره صعبه شويه ....بس أعمل ايه صعب أفسر .....عمنا يوسف ادريس قال "ان مساحه الحريه فى العالم العربى لاتكفى كاتب واحد " .....شكرا لكلماتك الرقيقه ....

وبعدين الشنطة اللي بيكلم عليها اخونا ياسر...هي اهم شنطة في شنطه يا كبير...خبرة خليج او خبرة مصر...عادات...صعب انه يتخلص منها في يوم وليله...وبعدين الطامة الكبري انه مابيحتفظشي بيها لنفسه..ده عايز يوزعها علي البنى آدمين واللي مش زيه بيفكره عبيط ...وبعدين فيه حاجة لفتت نظري .. مابيعرفوش يستمتعوابحياتهم ولا ليهم في جو الرحلات...من الأخر...ولا بلاش..

مش حقولك لأ , معاك حق فى حاجات كتير, بس مفيش هيئه دوليه مختصه بقياسات درجه سوء الخلق عند الناس علشان كده صعب تحدد نسبه الكويس من السيىء,معندناش أحصائيات نعتمد عليها ,علشان كده بنضطر نلجأ للتجارب الشخصيه للحكم المسبق ..... تجاربك ليها أحترامها و برضه تجاربى ليها أحترامها ....يمكن درجه التسامح عندى زادت بعد لما عشت فتره طويله هنا بعيدا عن حنفيه الكراهيه اللى صعب على أهلنا أغلاقها هناك .....أو حتى يركبولها جلده ..... :sad:

ليه فى كلامك حضرتك عممت على كل المصريين انهم أكيد معقدين و متوجسين خيفة من بعض ؟؟؟ bv:-

أختى العزيزه و زميله الكفاح مسافره.... شكرا لكلماتك الرقيقه , لم أقصد التعميم مطلقا من حيث الحكم و لكن قصدت التعميم من ناحيه الظروف الواقعه على المصريين فى الدول العربيه التى لا أعتقد انها ترضى الكثيرين .....لكن تأثيرها ليس على الكل بنفس الدرجه بالطبع ....ربنا يوفقك فى هجرتك .....

جزاك الله خير على ماقلت والله كفيت ووفيت .

جزاكى الله كل خير أختى الفاضله .....انشاء الله مجبوره .... :)

انا كنت بعت لك رسالة علي الخاص لو تتذكرها تدلل علي اني مفتقدك ولا انساك

وكل عام والاسرة الكريمة بخير

دكتورنا الفاضل دايما سباق فى الخير كما هو معتاد منك , شكرا و كل عام و انت بكل خير .... :ninja:

[لا ننكر ان هناك توجس بين الناس في التعرف الاكتروني .لان غالبا معضمنا داخل باسماء رمزيه . تخيل حضرتك حفله او في مسجد وواحد بيعرفك عليا ويقولك الاخ بريكانديان .

:lol: :lol: عسل و الله .....شكرا لكلماتك الرقيقه أخى العزيز ...انشاء الله تتوفق ياعم بريكانيديان و تبقى من غير برى سو ....سون .... :lol:

[yassir]

رجاء خاص .......

ما تحرمناش من خبرتك ونصائحك الغاليه

جزاك الله كل الخير وجعله في ميزان حسناتك :ninja:

جزاكى الله كل خير أختنا الغاليه على كل ما فعلتيه ,بس انا لى رجاء خاص بعد أذنك نغلق هذا التوبيك.....أشعر بحرج شديد من دماثه خلق الأخوه و كلماتهم الرقيقه فى موضوع يحمل أسمى .... و انشاء الله نكمل تفاعلنا فى موضوعات أخرى ....طبعا على راسها موضوع عمنا تورنتو بس لسه ببرى القلم و أستعد له ..... :sad: ....شكرا ليكى و لكل الأخوه على مداخلاتهم الرقيقه .... :sad:

[somayasaleh]

رجاء خاص .......

ما تحرمناش من خبرتك ونصائحك الغاليه

جزاك الله كل الخير وجعله في ميزان حسناتك :ninja:

جزاكى الله كل خير أختنا الغاليه على كل ما فعلتيه ,بس انا لى رجاء خاص بعد أذنك نغلق هذا التوبيك.....أشعر بحرج شديد من دماثه خلق الأخوه و كلماتهم الرقيقه فى موضوع يحمل أسمى .... و انشاء الله نكمل تفاعلنا فى موضوعات أخرى ....طبعا على راسها موضوع عمنا تورنتو بس لسه ببرى القلم و أستعد له ..... :lol: ....شكرا ليكى و لكل الأخوه على مداخلاتهم الرقيقه .... :sad:

الاخ الفاضل ياسر

انا موافقه علي اغلاق التوبيك....بس بشرط.....

ان حضرتك تنزل لنا بتوبيك جديد مفيد زي عادتك........

هو ده الشرط الوحيد :sad:

[ام بلال]

قبل ما يتم إغلاق التوبيك أرجو أن أقول كلمتين :

- أرسلت لحضرتك يا أستاذ ياسر رسالة على إيميلك ،و كذلك على الخاص ،و رديت في موضوعك القيم بتاع حضرتك و الأستاذ جادوللي ،و فعلا قلقت ،

لكن أظن أن هناك تجارب لحضرتك تسببت في هذا الإنعزال و التقوقع و نغمة الحزن الواضحة على صوت حروفك ، أخي الفاضل ،

أنا في الخليج و لست في كندا و لي تجارب مؤلمة في سوء التعامل من الناس ،و للأسف تؤثر جدا على نفسيتي ،و لا أزداد بإنعزالي عن الناس إلا إكتئابا ،

و وجدت أن الإختلاط بالناس الكويسة و خدمة الناس هو الحل الوحيد ، و كذلك الإنشغال بهدف عالي و علم نافع ،

لولا أخي الفاضل كلمة" يارب " لكنا متنا من حسرتنا على ندرة الأخلاق السامية و التأثير الحقيقي للدين في نفوس البشر ،

لولا أن الله وعد إحساننا للعباد ( ربنا يرزقنا الإخلاص ) بإحسان " و ما جزاء الإحسان إلا الإحسان " ، في الآخرة و نادرا من العباد ، الحمد لله أن الله لا يضيع أجر المحسنين ،

ربنا يكرمك و يرزقك الإخلاص و يوفقك ، سلامي لزوجتك و لبنتك الحلوة

أسأل الله لنا و لك و للجميع التوفيق لما يحبه و يرضاه ، أظن إقبال الجميع على هذا الموضوع خير دليل أن هناك لسه في خير

[samehelassad]

ربنا يوفقك يابو اليسر ويحققلك كل مقاصدك. وكفاية اوي علينا في البداية تواجدك معانا في موضوع اخونا تورونتو.

[Torontotruk]

كلهم ناس غلابة وماشافوش حاجة في حياتهم...ايشي كفيل وكفلة...وطابور عيش...علي اهانات كل ساعة...من حئهم يعيشولهم يومين ويربوا عيالهم في مناخ اسلامي في كندا... :hearts:

[drpharma]

نورت يا مستر ياسر حمدالله على السلامه

[znaty]

الاخ الفاضل الاستاذ ياسر

نداء من كل محبيك ومشجعيك.....

ارجع .... ارجع .....لبيتك ومترحت

القسم محتاجلك يا ريس

يلا مين ينادي معايا :rolleyes:

أختى الفاضله سميه ,

كما ذكرت لكى فى رسالتى الخاصه من الصعب على أن أسطر كلمات تعبر عن امتنانى و شكرى و تقديرى لذوقك الكريم وسؤالك عنى .

و أخص أيضا بالذكر أخى الفاضل سامح على تنبيهه لى و رسالته الخاصه , أشكر دكتورنا الفاضل التهامى على أتصاله و سؤاله جزاكم الله جميعا كل خير .

الأخوه و الأخوات الأفاضل.....

د. هشام أبراهيم.... شكرا دكتورنا الفاضل على ذوقك و كلماتك الطيبه .....

فرعون.....معك حق ....المحاورات بيت للمصريين .....بس يعنى تقدر تقول الواحد طمعان فى فيلا....

باشا...... شكرا و تمنياتى بالتوفيق و النجاح فى هجرتك ...

دعاء .....جزاك الله كل خير يا أم ياسين ....ربنا يوفقك فى هجرتك و يعينك على تربيه الأولاد هنا ....

ssmaly ...شكرا أخى الفاضل لأهتمامك بس و لازعلان و لاحاجه ....كلك ذوق ...

ناصر ........ شكرا أخى العزيز على أطرائك و الله بذلت ما أستطعت بخصوص الدكتور جاد بس الجرح عميق

شويه و حادث الأوتوبيس ترك أثر أسأل الله أن يزيله من نفسه الطيبه ...

مديح ........ شكرا أخى الفاضل و ربنا يكملك الهجره على خير ...الأمل فيك فى كتابه موضوع للمعماريين.

المهاجر .... شكرا أخى الفاضل لأهتمامك .......

د.أحمد ..... بليداتى الحبيب ....جزاك الله كل خير على كلماتك الرقيقه ...ربنا يعينك على النبطشيات ....

ايناس ...... شكرا أختى الفاضله و ربنا يوفقك فى هجرتك .....

أبن الصعيد....تسلم أخوى العزيز .....شايك لوجت عوزه يا أبو خالو .....

أم بلال .......جزاكى الله كل خير أختى العزيزه و تتوفقى فى الهجره و يعزنا بك و بأسرتك الكريمه....

kot kot ...... أخى العزيز ....خالص شكرى و تقديرى لأهتمامك ....

الأخوه الأفاضل...أسمحوا لى أنهى هذه التظاهره الطيبه المغزى و الهدف بكلمتين أستغل سعه صدركم و دماثه خلقكم و أطول عليكم شويه .....

الكتابه فى المنتدى بدايه الطريق و ليس نهايته , لو عدنا للمواضيع القديمه فى المنتدى لعصر الفاضل هادى لوجدنا ان المهتمين و المشاركيين بفعاليه كانوا من المقيمين هنا استفادوا من خبرات بعضهم البعض و تشاركوا الرأى و التفكير فى حلول لأشكاليات واجهتهم .....بمرور الوقت تحول المنتدى الى الأعداد للهجره من وقت التفكير فى الهجره حتى الوصول لكندا .....ستجدوا كتابات لأخوه فى منتهى التفصيل مثل المهندسه مصريه و مغتربه و الدكتور أينشتين و الدكتور أحمد جاد و أوتوماتيك و تورنتو والمهندس أيهاب سالم و الدكتور قناوى و الموضوعات المستمره على الساحه للدكاتره الأفاضل التهامى و الشامى و هشام ......و غيره و غيره .....طيب و بعدين ...

كل نقاط الهجره و الأستعداد لها و السفر و اللاندنج و الشحن طرقت و قتلت بحثا ولكن الأساس ليس كل هذا , كل ما فعلناه هو الأستعداد للأمتحان ...ذاكرنا كويس ....و لما دخلنا الأمتحان أكتشفنا أنه open Book و يمكنك أيضا الأستعانه بصديق ....عملنا أيه كل واحد حط ايده و خبى الأجابه من اللى جنب منه .....

موضوع مطروح فى منتهى الأهميه فى المنتدى ....موضوع ناصر بخصوص تعارف الناس اللى مسافره و ازاى ممكن يقربوا من بعض و يستفيدوا من تجارب بعضهم البعض ..... لم يلقى الأهتمام الكافى الذى يسمح بتطويره وليصححنى ناصر ان كنت مخطئا فى ظنى ....

الكتابه فى المنتدى هى فقط بدايه الطريق ....مساعده الأخوه على التقديم للهجره , توضيح نقاط تعين فى الحصول على نقاط ....اللاندنج كل هذه الكتابات معينه و مفيده ولكن فى النهايه كل هؤلاء سوف ينتهى بهم المطاف الى ان يصبحوا مواطنيين كنديين , يجب أن يكون هناك دور أكبر للمقيمين هنا و ينتفى الشك و الريبه من بينهم و يتعاونوا فيما بينهم ....

فى الحقيقه فى يوم 18 نوفمبر الماضى تحقق جزء كبير من ده عندما بدات أول نتورك لرجال الأعمال الكنديين من أصل مصرى ....تجربه جميله أتمنى لها النجاح لكن بقرائتى لأسماء اوائل المشاركيين لا اعرف لماذا يتسرب الشك الى نفسى و أبحث لها عن تسميه أخرى زى رجال الاعمال الكنديين من أصل مصرى مع أشتراط ان يكون xxxxxxxxx.

أتمنى ان أرى النتورك تجمع كل الكنديين من أصل مصرى و يتحول ما كتبناه فى المنتدى من مجرد مذاكره الى عمل مشترك لينجح الجميع .....الأساس هو شويه ثقه من الأطراف و نسيان مشاكل الخليج ....من غير يفط و لا مواعظ لكن فعلا من الصعوبه جدا أن تعيش فى المهجر دون خلق مجتمع متوائم مع ما تربيت عليه من قيم و عقيده .... المدرسه ستكون أقوى منك فى مواجه أولادك ....الميديا أقوى منك ....لو لم يكن لك أخوه كثيرون يعينوك على خلق واقع مغاير لما يراه الأولاد سيكون الموقف أصعب يوم بعد يوم ....

أخيرا كل ما أرجوه من الأخوه المصريين القادميين الجدد و انت بتاخد و رقه الاندنج فى المطار سلمهم شنطه صغيره فيها ذكرياتك السيئه من عملك فى الخليج ,حط فيها كلمه كفيل و عدوك أبن بلدك و المصريين وحشين فى الغربه و أول ما تحرص حرص من المصريين و ده فلاح و ده أسكندرانى و انا ليا قرايب فى المخابرات و بالمره حط معاهم الأفكار القديمه و قلهم أنا جى أبتدى من جديد ممكن تصادروا المخدرات ديه و سيرحبوا بذلك و صدقنى أنت الكسبان .....

أشوفكم فى كل مكان فى كندا بكل خير .....

دلوقتي بس عرفت مين هو م ياسر

دورت علشان اعرف بس متاخر

بجد مصر ولادة يابو اليسر طالما فيها لسة ناس زيك

اتمني لو كان ليا نصيب وهاجرت اني اتعرف بيك ...ماهو الواحد لازم يدور على حامل المسك

في امان الله

[helisinki]

السلام عليكم

استاذ ياسر قولى انتا فين بالظبط وانا هازورك قريب جدا واتمنى ليك كل خير

وربنا يحفظك