اريد ان اسافر بأمى ساعدونى

[lyly]

السلام عليكم ورحمة الله وبركاتة

اولا بشكر كل الموجودين فى المنتدى لانكم وببساطة حسستونى كانى عايشة فى السعودية وكان عندى اسئلة مش هلاقى رد ليها غير عندكوا بأذن الله

انا جوزى عايش فى جدة وانا ان شاء الله هسافر له لكن عندى مشكلة انا وحيدة ولدتى وقررت السفر لجوزى بعد ما اتفقت ان ماما هتسافر معايا وتعيش معايا كمان بس المشكلة ان لازم اسافر اعمل اقامة الاول وانا كنت فاكرة اننا هنسافر سوا ايدنا فى ايد بعض لانى والدتى ست كبيرة ونظرها ضعيف ومحتاجةانى اكون معاها فى رحلة السفروكدا فلو ليها حل يتكرم حد يقوله على العلم انى ماسفرتش قبل كدا خالص

وكمان لو فى حل لوالدتى تكون معايا زى اقامة ليها لان حكاية الزيارات دى مش مضمونة تتوافق عليها على طول وممكن استغل حالتها المرضية وانى بنتها الوحيدة وملهاش حد فى مصر غيرى وكدا ولا فى طريقة تانية

وكمان انا عندى ولد وبنت هل مصاريف استقدمهم وتكلفة زيارة امى هتكون فى حدود كام لان طبعا حضرتكم عارفين فى تاثيث شقة وتذاكر طيران والذى منه وشكرا مقدما لكل اللى هيردوا عليه فى اسرع وقت وخصوصا السؤال الاولانى مامتى اخدها معايا ازاى علطول ولكم جزيل الشكر

[abdulmuttaleb]

وعليكم السلام ورحمة الله وبركاته

سيدتي الكريمة لا علم لي بالقوانين الرسمية، ولكن حضرتك قلتِ:

"بس المشكلة ان لازم اسافر اعمل اقامة الاول "

هل حضرتك تأكدت من هذه المعلومة؟!

ننتقل للجزئية الثانية: دعينا نأخذ أسوأ الأحوال وهو أنه يجب أن تذهبي بمفردك في بداية الأمر ثم بعد ذلك يتم استخراج تصريح الزيارة لوالدة حضرتك،

جربي أن تذهبي حضرتك للسفارة السعودية أو القنصلية واعرضي عليهم الأمر ولو يكون معاك المستندات الدالة على كلام حضرتك مثل شهادة ميلاد الوالدة ربنا يخليها لك ويديها الصحة وطول العمر، ولو فيه إثبات أن حضرتك وحيدة، وكمان يا سلام لو حضرتك تكتبي طلب على ورقة A4 موجه لعناية السفير أو القنصل ويعملوا لحضرتك استثناء،

ومع الدعاء ربنا ح يوفقك واسمحي لي بأن أحيي حضرتك على برّك بوالدتك وحرصك عليها في هذا السنّ، وأسأل الله أن يجعل ذلك في موازين حسناتك وأن يجعله خالصا لوجهه الكريم وأن يجزي زوجكِ خير الجزاء على أنه يساعدك على أن تكوني بارة بوالدتك،

تحياتي وأرجو من الزملاء الذين لديهم احتكاك أفضل ومعرفة أعمق بمثل هذه المعاملات الرسمية أن يدلوا بآراءهم.

[se_ Elsyed]

أتفهم إن الواحد يعمل إستقدام لوالدته لإنه وحيد ويرفع الطلب لوزارة الداخلية هنا وفي الغالب لا يُوافق عليه .. لإن الإستقدام بيكون للزوجة والاولاد فقط .

لكن والدة الأم .. لا أعتقد

إذاً لا حل أمامك سوى الزيارة .. ولما توصلي وزوجك يضيفك على إقامته ممكن يقدم عن طريق وزارة الخارجية طلب زيارة لوالدتك وده لا يُكلف إلا 25 ريال فقط لا غير ... ولما يتوافق عليه ممكن تبعتوا الطلب لمكتب تخليق أوراق في مصر مع جواز سفر والدتك والتذكرة وهو يُنهي كل شيء ... ولما توصل الوالدة ممكن تمددوا لها لحد 9 شهور وتنزل مصر وتيجي بتأشيرة تاين .. تخيلي بقى إن طلب تاشيرة للحما يوافق عليها أسرع من والدة الواحد !!!

أما كون والدتك مريضه شفاها الله .. ففمكن تتصلوا بخطوط الطيران اللي هي جايه عليها ويعينوا لها مرافقة طوال الرحلة حتى تصل إليكم بالسلامة

وخلال الفترة من وصولك للسعودية حتى قدوم والدتك ممكن تشوفوا ست محترمة وأمينة تجلس معاها في مصر لتلبية طلباتها وهناك الكثيرون والحمد لله ..

ومصاريف إستقدامك انتي والأولاد هي 2000 ريال

[ابو حودة]

اعتقد ممكن يجربوا حكاية اضافتها على الاقامة مش هيخسر حاجة وده ملهوش اي تكلفة لاني 2000 ريال استقدام تدفع مرة واحدة اي كان العدد الذي سيتم استقدامه

بس في الحالة دي لازم يتعمل لها كشف طبي في مصر زي اي حد بيجي يقيم هنا

وكمان تأمين طبي وده هيكون ميزة لاننا كلنا عارفين تكلفة العلاج الطبي هنا ازاي خاصة لكبار السن اللي بيحتاجوا علاج بشكل شبه دائم ربنا يديهم الصحة ان شاء الله

وبالتوفيق ان شاء الله

[elnounou]

السلام عليكم و رحمة الله و بركاته

انا كمان نفس الظروف يا ريت لو وصلت لاى خطوة تكتبيها هنا و يبقى جزاك الله كل خير

[se_ Elsyed]

طوال فترتي عملي في السعودية ولإن موضوع الإستقدام والزيارة والامور المتعلقة بالموظفين من صميم عملي لم أرى إلا حالتين فقط أمهاتهم مُضافين على الإقامة ..

1- واحد زميل فلسطيني

2 والأخر باكستاني

وجايبين وسايط جامده لعمل هذا الموضوع ... وكمان ده كان من 10 سنوات ...

غير كده ما شوفتش ولا حاله والباب أساساً مقفول أمام المحاولات

ده للأم ... ما بالنا بالحما ؟!!!

وهانروح بعيد ليه

ده الواحد لو صحته مساعداه ومتجوز إتنين فمابينفعش يعمل لهم إستقدام هما الإتنين وبالتالي واحده بتبقى إستقدام والاخرى زيارة .. وبرضوا شوفت كام حاله متجوزين إتنين وما قدروش يعملوا إستقدام لهم إلا حالة واحده فقط وبرضوا الراجل عمل أراجوز ووسايط وحركات عشان يخليهم هما الإتنين على إقامته ..

ولا أجد ي مشكلة في موضوع الزيارة طالما بعيده عن شهر رمضان وأشهر الحج ... يعني الواحد يعمل حسابه من بدري عشان الزيارات بتبقى شبه مقفولة في هذه الفترات ...

[lyly]

انا متشكرة جدا لكل اللى ردوا عليه وجزاكم الله خيرا وهجرب موضوع انزلها على الاقامة هعمل محاولة ومش هخسرحاجة وكله بامر الله عز وجل بس برضه معرفتش ممكن اسافر انا وامى مع بعض هيه معاها زيارة وانا معايا استقدام وانا ماسفرتش اعمل اقامة

[خالد شحاته]

انا متشكرة جدا لكل اللى ردوا عليه وجزاكم الله خيرا وهجرب موضوع انزلها على الاقامة هعمل محاولة ومش هخسرحاجة وكله بامر الله عز وجل بس برضه معرفتش ممكن اسافر انا وامى مع بعض هيه معاها زيارة وانا معايا استقدام وانا ماسفرتش اعمل اقامة

السلام عليكم

اختي الفاضله

احب اعرفك ان الام ممنوعه من الاقامه الا بامر زير الدخليه انما ممكن تجي زياره فقط وكقيل زوجك يقدم خطاب الي وزاره الدخليه بتعديل وضع الام

[lyly]

السلام عليكم ورحمة الله وبركاتة

شكرا لك اخى خالد شحاتة

لان الموضوع دا شغلى الشاغل لانه هيترتب علية استقرارى او عدم استقرارى ربنا يسهل فلو جد اى جديد ارجو كتابتة فى المنتدى

وكنت عايزة استفسر عن الاقامة الالكترونية هل معنى دا ان زوجى مش هيدفع اى فلوس استقدام ولو تكرمت عايزة اعرف ممكن اسافر انا ووالدتى مع بعض هية زيارة وانا استقدام ارجو الردلاهمية الموضوع بالنسبة لى

[خالد شحاته]

السلام عليكم ورحمة الله وبركاتة

شكرا لك اخى خالد شحاتة

لان الموضوع دا شغلى الشاغل لانه هيترتب علية استقرارى او عدم استقرارى ربنا يسهل فلو جد اى جديد ارجو كتابتة فى المنتدى

وكنت عايزة استفسر عن الاقامة الالكترونية هل معنى دا ان زوجى مش هيدفع اى فلوس استقدام ولو تكرمت عايزة اعرف ممكن اسافر انا ووالدتى مع بعض هية زيارة وانا استقدام ارجو الردلاهمية الموضوع بالنسبة لى

السلام عليكم

اختي الفاضله الاقامه الزوجه بدون اي رسوم

اما الابنا بعد سن 18 عام بيكون رسوم الاقامه لهم 500 ريال في السنه اما من ناحيه سفر الولده للازم تدخلي المملكه ويعمل زياره لان بيتطلب تقرير طبي علشان زياره ام الزوجه ولكي كل الشكر والتقدير

تم تعديل 19 يناير 2009 بواسطة خالد شحاته