رجعت من المطـار

[amir]

رجعت منذ قليل من المطار بعد توصيل زوجتى و الاولاد لقضاء الأجازه الصيفيه فى ربوع المحروسه .

و لأنها أول مـره يسافروا فيها بـدونى ، فأنا أشعر بوحده ووحشه رهيبه خصوصا عندما فتحت باب الشقه و لم أسمع اصواتهم ...

أنا أسف اذا كنت وضعت الموضوع ده فى باب المناقشات العامه ، لكن أنا بحس أنكم جزء من العيله و ممكن أتكلم قدامكم عما فى صدرى

نـداء الى عزاب و عازبات المنتدى

عاوز نصائحكم ازاى بتمضوا وقتكم بدون مشاكسين حولكم

http://www.musicoflebanon.com/allrams/saal...alooninnaas.ram

[Set_Amina]

ربنا معاك ياأمير وتروح لهم قريبا باذن الله او يرجعولك بالف سلامة.

بص ياسيدي علشان تعرف تعيش لوحدك في غياهب الصمت ، نرجع للكلمة دي لان البيت بيكون فاضي وساكت بطريقة موحشة فعلا.. المهم أنا عن نفسي بعد سفر بنتي لمصر فعلت الآتي:

1- بطلت اتابع الاخبار في التليفزيون حيث اني لن اتحمل الاكتئاب وانا بمفردي وبقيت باشوف بس الحاجات الهايفة اللي مش محتاجة تركيز ولا متابعة قوية

2- دورت في مكتبتي على ما تحويه من كتب ماكنش عندي وقت اقراها قبل كده ونقيت منهم على سبيل الأولوية اقربهم الى القلب وأخفهم من ناحية المحتوى

3- بانزل السوق بعد ما اخلص شغل كل يوم تقريبا واشتري لنفسي حاجة جديدة واروح البيت اطلعها بقى واتفرج عليها واقلبها يمين وشمال ويمكن بعد كده اركنها ولكن هذا التصرف بيرفع لي معنوياتي جدا

4- بدأت كل اسبوع في فتح دولاب في البيت وانزال كل ما فيه وفرزه ورمي ما لا احتاجه واعادة غسل وكوي ما تبقى

5- باحاول اشوف بنتي من عند خالتها مساءا على الانترنت واتكلم معاها واطمئن عليها

6- باحاول اتأخر في الشغل عن مواعيدي العادية

7- باطبخ الطبخات اللي ماكنتش بنتي بتحبها وبانزل عليها لوحدي هم هم

ده كل اللي باعمله لحد دلوقتي ولو فيه افكار جديدة هانفذها الأول وبعدين اقولك عليها.

ربنا ما يحرمكوا من بعض ابدا يارب

[amir]

ربنا معاك ياأمير وتروح لهم قريبا باذن الله او يرجعولك بالف سلامة.

بص ياسيدي علشان تعرف تعيش لوحدك في غياهب الصمت ، نرجع للكلمة دي لان البيت بيكون فاضي وساكت بطريقة موحشة فعلا.. المهم أنا عن نفسي بعد سفر بنتي لمصر فعلت الآتي:

1- بطلت اتابع الاخبار في التليفزيون حيث اني لن اتحمل الاكتئاب وانا بمفردي وبقيت باشوف بس الحاجات الهايفة اللي مش محتاجة تركيز ولا متابعة قوية

2- دورت في مكتبتي على ما تحويه من كتب ماكنش عندي وقت اقراها قبل كده ونقيت منهم على سبيل الأولوية اقربهم الى القلب وأخفهم من ناحية المحتوى

3- بانزل السوق بعد ما اخلص شغل كل يوم تقريبا واشتري لنفسي حاجة جديدة واروح البيت اطلعها بقى واتفرج عليها واقلبها يمين وشمال ويمكن بعد كده اركنها ولكن هذا التصرف بيرفع لي معنوياتي جدا

4- بدأت كل اسبوع في فتح دولاب في البيت وانزال كل ما فيه وفرزه ورمي ما لا احتاجه واعادة غسل وكوي ما تبقى 

5- باحاول اشوف بنتي من عند خالتها مساءا على الانترنت واتكلم معاها واطمئن عليها 

6- باحاول اتأخر في الشغل عن مواعيدي العادية 

7- باطبخ الطبخات اللي ماكنتش بنتي بتحبها وبانزل عليها لوحدي هم هم 

ده كل اللي باعمله لحد دلوقتي ولو فيه افكار جديدة هانفذها الأول وبعدين اقولك عليها.

ربنا ما يحرمكوا من بعض ابدا يارب

اشكرك يا ست الكل

بس المشكله أنا ماقدرش أستغنى عن نشرة الأخبار و التحليلات المتخلفه على الأحداث و أحب أنام على صوت التلفزيون و فيه ناس بتتكلم

اما السوق فهو عدوى الأول و كفايه الشهر اللى فات كنت زبون دائم فى كل محلات الدهب و الملابس بدون سبب واضح

و موضوع ترتيب الدواليب دا مراتى حتزعل منك على تقديم الفكره دى ، لأنها حيطلع عنيها علشان ترجع دولابى أنا لما كان عليه قبل سفرها ، يبقى عايزانى امد عمليه الترتيب لباقى الدواليب ؟

يبقى مفيش قدامى غير الأكل و الطبيخ ، و الحمدلله أنا اخدت كورس عند الأخ س . س و بعرف أعمل حواوشى 100 %

فكرى تانى و أنا فى أنتظار مقتراحاتك

بس بجــد أشكرك

[farasha79]

بس افتكر يا ست امينه دي تصرفات الستات في اوقات الفراغ لا تتناسب اطلاقا مع الرجاله.....يعني مش هينزل يعمل shopping في اوقات فراغه او يدخل المطبخ يطبخ حاجه جديده

من رأي تشوف اصحابك العزاب تقضي يوم معاهم مره على غدا او عشا ....

اشتري افلام و شوف كل يوم حاجه

اهم حاجه انت هواياتك ايه .... يمكن لو في رياضه تمارسها خلال الفتره دي

[White heart]

amir كتب:

نـداء الى عزاب و عازبات المنتدى 

عاوز نصائحكم ازاى بتمضوا وقتكم بدون مشاكسين حولكم

على اننى لست من فريق العزاب ... الا انى عندى ليك كام فكرة ...

انما اية ..... يودوا فى داهية!!!!!!!

1- انك تنزل وراهم على "المحروسة" ... مفاجئة ...

2- حاول تعمل بأيدك بيت خشب صغير كمفاجئة لطفلك لما يرجع ....أو أى شئ أخر

3- شوف اية ناقص فى المطبخ و اشترية، يعنى مثلا اية رأيك فى جهاز راديو كاسيت + CD من اللى بيتركب فى اسفل أى بلاكار معلق .. جايز تبقى مفاجئة مش بطالة للمدام لما ترجع...حاجة زى كدة مثلا:

4- ممكن تستغل وقت الفراغ و تنزل "أرشفة" فى أى حاجة ممكن تكون متكربسة عندك ... يعنى البومات صور، أفلام فيديو، CD ..الخ

5- ممكن تعرض خدماتك للجيران، خصوصا انك تقوم بدور "البيبى سيتر" اذا ما أرادوا الخروج فى "الويك-اند"، علشان بس ما تتعبش من عدم المشاكسة!!!

شوف دول تصبيرة دلوقتى، عقبال مالاقيلك غيرهم...

و انشاء الله يرجعولك بالسلامة...

[Set_Amina]

بس افتكر يا ست امينه دي تصرفات الستات في اوقات الفراغ لا تتناسب اطلاقا مع الرجاله.....يعني مش هينزل يعمل shopping  في اوقات فراغه او يدخل المطبخ يطبخ حاجه جديده

من رأي تشوف اصحابك العزاب تقضي يوم معاهم مره على غدا او عشا .... 

اشتري افلام و شوف كل يوم حاجه

اهم حاجه انت هواياتك ايه .... يمكن لو في رياضه تمارسها خلال الفتره دي

الحقيقة يافراشة انا ضد التقسيم الجنساني للأفعال اليومية ويمكن ده هادخلنا في موضوع تاني طويل ألا وهو عدم التفرقة بين الجنسين في مين بيعمل ايه، عموما اهو طلع أبو أمير بيحب المطبخ وهايهري نفسه حوواشي لحد ما الأولاد يرجعوا

[Set_Amina]

ربنا معاك ياأمير وتروح لهم قريبا باذن الله او يرجعولك بالف سلامة.

بص ياسيدي علشان تعرف تعيش لوحدك في غياهب الصمت ، نرجع للكلمة دي لان البيت بيكون فاضي وساكت بطريقة موحشة فعلا.. المهم أنا عن نفسي بعد سفر بنتي لمصر فعلت الآتي:

1- بطلت اتابع الاخبار في التليفزيون حيث اني لن اتحمل الاكتئاب وانا بمفردي وبقيت باشوف بس الحاجات الهايفة اللي مش محتاجة تركيز ولا متابعة قوية

2- دورت في مكتبتي على ما تحويه من كتب ماكنش عندي وقت اقراها قبل كده ونقيت منهم على سبيل الأولوية اقربهم الى القلب وأخفهم من ناحية المحتوى

3- بانزل السوق بعد ما اخلص شغل كل يوم تقريبا واشتري لنفسي حاجة جديدة واروح البيت اطلعها بقى واتفرج عليها واقلبها يمين وشمال ويمكن بعد كده اركنها ولكن هذا التصرف بيرفع لي معنوياتي جدا

4- بدأت كل اسبوع في فتح دولاب في البيت وانزال كل ما فيه وفرزه ورمي ما لا احتاجه واعادة غسل وكوي ما تبقى 

5- باحاول اشوف بنتي من عند خالتها مساءا على الانترنت واتكلم معاها واطمئن عليها 

6- باحاول اتأخر في الشغل عن مواعيدي العادية 

7- باطبخ الطبخات اللي ماكنتش بنتي بتحبها وبانزل عليها لوحدي هم هم 

ده كل اللي باعمله لحد دلوقتي ولو فيه افكار جديدة هانفذها الأول وبعدين اقولك عليها.

ربنا ما يحرمكوا من بعض ابدا يارب

اشكرك يا ست الكل

بس المشكله أنا ماقدرش أستغنى عن نشرة الأخبار و التحليلات المتخلفه على الأحداث و أحب أنام على صوت التلفزيون و فيه ناس بتتكلم

اما السوق فهو عدوى الأول و كفايه الشهر اللى فات كنت زبون دائم فى كل محلات الدهب و الملابس بدون سبب واضح

و موضوع ترتيب الدواليب دا مراتى حتزعل منك على تقديم الفكره دى ، لأنها حيطلع عنيها علشان ترجع دولابى أنا لما كان عليه قبل سفرها ، يبقى عايزانى امد عمليه الترتيب لباقى الدواليب ؟

يبقى مفيش قدامى غير الأكل و الطبيخ ، و الحمدلله أنا اخدت كورس عند الأخ س . س و بعرف أعمل حواوشى 100 %

فكرى تانى و أنا فى أنتظار مقتراحاتك

بس بجــد أشكرك

لا شكر على واجب بس احب اطمنك وبكل امانة ان الاحساس بالوحدة والخوف منها بيكون صعب قوي في أول يومين وبعد كده الواحد بيتعود وبتمر الأيام بسرعة رهيبة واحنا معاك من خلال منتدانا وماتحملش هم وربنا معاك وطبعا انا لسه بافكر في ايه اللي ممكن تعمله

[جـورج]

اقول لكم على سر

الاستاذ امـير شخص عاطفى جدا و متعلق باولاده و زوجته بدرجة تفوق الوصف

و يمكن ده سبب احساسه بالوحده من اول يوم و خصوصا انهم اول مره يسافروا بدونه

و انا عندى احساس انه مش حيكمل المده دى لوحده و ممكن يعملها و يسافر و يحصلهم

لكن تعالى هنا

ازاى تقول انك لوحدك و انت عارف قد ايه اصحابك بيحبوك و طبعا انا اولهم و انت عارف كويس ان بيتى هو بيتك

و اذا كانت على المشاكسه بسيطه خالص انت تقدر تتبنى ولادى -ماديا- لغاية ما حبايبك يرجوعوا لك بالسلامه

و على فكره يا Set_Amina بلاش الله يخليك تقترحى عليه دخول المطبخ لان النتيجه حتيجى على دماغى انا خصوصا لما يصر على انه يعزمنى بحجه انه حيدوقنى صنف جديد لكن الحقيقه بتكون انه عايز يتخلص من اللى عمله قبل وزارة الصحه ما تشم خبر

بلاش الله يخليكى

وانا مستعد انزل ادور على سعاااااد او اشتريلك واحده غيرها

يا اخ White heart

ارجوك زود الاغانى شويه لانى عارف انه مش حيعمل حاجه غير انه يسمع اغانى

امير

سمعت اغنية

وحدانى حاعيش كده وحــــدانى

[Set_Amina]

و على فكره يا Set_Amina  بلاش الله يخليك تقترحى عليه دخول المطبخ لان النتيجه حتيجى على دماغى انا خصوصا لما يصر على انه يعزمنى بحجه انه حيدوقنى صنف جديد لكن الحقيقه بتكون انه عايز يتخلص من اللى عمله قبل وزارة الصحه ما تشم خبر 

بلاش الله يخليكى

وانا مستعد انزل ادور على سعاااااد او اشتريلك واحده غيرها

خلاص ياجورج مش هانختلف ومعنديش مانع انك تشتري سعاد وتديها لأمير تشاكسه شوية وبعدين ترجعهالي، أما بالنسبة لدخوله المطبخ ما هو أثبت جدارة في صنع الحواوشي وعلى حسه الزباين بتعطش وبابيع البيبسي.

غنوة وحياتك يا White heart للأخ أمير يشنف بها آذانه

وحدي وحدي قاعدة في البيت، فكرت في حالي

[جـورج]

غنوة وحياتك يا White heart  للأخ أمير يشنف بها آذانه 

وحدي وحدي قاعدة في البيت، فكرت في حالي

فكرتينى بعفاف راضى

راح و قالوا راح

قلت يا ربى فى سكه السلامه

[Set_Amina]

غنوة وحياتك يا White heart  للأخ أمير يشنف بها آذانه 

وحدي وحدي قاعدة في البيت، فكرت في حالي

فكرتينى بعفاف راضى

راح و قالوا راح

قلت يا ربى فى سكه السلامه

انت متأكد ان الأغنية دي لعفاف راضي؟؟ اصل انا سمعتها بصوت عبد الحامولي الله يمسيه بالخير

وبعدين هو احنا بصدد مين بيغني ايه ولا بندور لأخونا في الوحدة أمير على حل يسلي بيه وحدته؟؟

لول

[White heart]

Set_Amina كتبت:

هو احنا بصدد مين بيغني ايه ولا بندور لأخونا في الوحدة أمير على حل يسلي بيه وحدته؟؟

عندك حق، أغانى اية و بتاع اية...

احنا نحطلة مشاهد مسلسلات او أفلام أو مسرحيات و هو بقى يمخمخ و يقولنا عن أسم العمل .. و بكدة نسلية فى وحدتة...

يالله يا عم المشهد دة بتاع أى عمل فنى؟

[Set_Amina]

Set_Amina كتبت:

هو احنا بصدد مين بيغني ايه ولا بندور لأخونا في الوحدة أمير على حل يسلي بيه وحدته؟؟

عندك حق، أغانى اية و بتاع اية...

احنا نحطلة مشاهد مسلسلات او أفلام أو مسرحيات و هو بقى يمخمخ و يقولنا عن أسم العمل .. و بكدة نسلية فى وحدتة...

يالله يا عم المشهد دة بتاع أى عمل فنى؟

فكرة تجنن بجد

ده ربنا بيحب امير فعلا علشان رزقه باخوات حلوين زينا، مش كده والنبي؟

[stavro]

احسن حاجة تجيب فيلم من الخمسينيات من عينةافلام

"احمد و مني" وتعيش فى الخيال شويه، وقبل لما تفوق تديها

فيلم من الثلاثينيات علشان تفضل فى الخيال.

[amir]

Set_Amina كتبت:

هو احنا بصدد مين بيغني ايه ولا بندور لأخونا في الوحدة أمير على حل يسلي بيه وحدته؟؟

ده ربنا بيحب امير فعلا علشان رزقه باخوات حلوين زينا، مش كده والنبي؟

بعد اربعتاشر سنه خدمه

اتغديت لوحدى امبارح !!

و فعلا يا ست الكل ربنا بيحبنى ان عندى اخوات حلوين زيكم

اليوم كان طويل امس و ماكنتش عارف أعمل ايه ، لغاية ما قامت القوات الامريكيه بعملتها و عطتنى الفرصه ان أشغل وقتى بمتابعة الأحداث لساعه متأخره رغم أعتراضى على ما حدث ، بس آهو رزق الغلابه على المفتريين

يا وايت هارت أستنانى شويه لما أشرب القهوه و بعدين أرجع أقول لك على أسم الفيلم

يا ست امينه علشان خاطر سعاد ابعتى لى أسم الفيلم من وراء وايت هارت و قبل ما يشوف الرساله دى

الأخ Stavro

أشكرك على وجودك معانا ، بس احمد مين و منى مين ؟ هى الحكايه ناقصه ما أنا متشحتف لوحدى

أعود لكم بعد القهوه

بس ادعولى تطلع مظبوطه

استعنا على الشقا باللـه

[White heart]

amir كتب:

يا ست امينه علشان خاطر سعاد ابعتى لى أسم الفيلم من وراء وايت هارت و قبل ما يشوف الرساله دى

أقفش .... تسريب أسئلة امتحانات !!!!

يظهر ان الوزارة هتلغى السؤال دة !!!

و تستبدلة بهذا:

النعامة و الطاووس

[amir]

يا White heart

يعنى أنا كنت عرفت السؤال الأولانى علشان تسألنى السؤال الثانى ؟؟

بس بينى و بينك أنا كل معلوماتى عن السينما و الأفلام بستمدها من حرمنا المصون .

يعنى أدخل عليها الاقيها مشدوده للتلفزيون و عينيها كلها دموع ، اقول لها خير يا ستى فى ايه ؟

تقولى انت مش شايف المفترى ده بيعمل ايه ؟

اقول لها لا مش شايف .. مين بقى المفترى ؟

تقولى عزت العلايلى .. دا حتى بيشبهك الخالق الناطق !!

بيشبهنى أنا ؟ .. و مالوا مش عيب طيب بيفترى على ميــن ؟

تقولى على منى ذكي ... بذمتك مش تفكرك بيا لما كنت صغيره ؟؟

ابص ليها ( منى ذكى ) ... و ابص ليها ( حرمنا المصون )

و أقول يا ربى أنا اتحولت ولا ايه ؟؟

بس طبعا بأجوبهاو اقول لها طبعا يا حبيبتى دى بتفكرنى بصورتك بتاعة السنه اللى فاتت على طول ... و أستغفر الله فى سرى

ما اطولش عليك ... قول طول .. هو انا ورايا حاجه

الصوره الاولى تبدو لمجموعه من الاشرار Bad Guys بتوع الايام الوحشه و العهد البائد ... و الدليل على كده هو الطرابيش الحمراء

اما الصوره الثانيه فهى مش من العصر البائد ... و لكن يبدو و الله اعلم هى صورة واحد عنده امتحــان مـا ... و مش عارف يبتدى منين ؟

صـح ولا أنا غلطان ؟

هـو ده عزت العلايلى اللى عنده الأمتحـان ؟؟؟

[elbana]

إيه يا عم أمير ، قطعت قلبي ، أنا عمري ما فارقت زينب وعلي ، وأتمنى ما أفارقهمش أبداً .ده احنا لما بننزل أجازة وهم بيروحوا أسوان وأنا أستنى في القاهرة كام يوم تلقاني متشحتف وباخد طيارة (مع إني بأكره الطيارات سم) وأحصلهم على أسوان .

عموماً ، خد شوية اقتراحات :

أولاً : قررنا نحن البنا استثناءك من السكوت في التوبيك بتاع السكوت يعني تقدر تحكي وتفضفض براحتك نظراً لحالتك الاستثنائية ، بس من غير رغي كتير ، والمهم إنك تساعد في البحث عن البت سعاااااااااااااد لأني كرهت نفسي .

ثانياً : هي القهاوي راحت فين؟ ، إنزل على أقرب قهوة ، خد لك حجرين معسل سلوم وأقعد إقرا الناس ، ح تشوف العجب ، أنا مرة قعد أتفرج على الناس فترة طويلة ولقيت نفسي بأضحك وأنا قاعد لوحدي ، فوجئت بعاهات يا مولانا ، آخر عته يا عم ، عالم محترمة ببدل وكرافتات عمالة تفحر في مناخيرها ومتهيألها إن ماحدش شايفها ، وواحد تاني قاعد في عربيته مستني الإشارة تفتح وراح مطلع قزازة خمرة قاااااااااد كده من تحت الكرسي وقعد يأربع ، أو عيل صغير بتاع 11 سنة شكله صبي ميكانيكي من لبسه ومنظر إيديه ، فاتح ورقة جرنان قديمة ملفوف فيها حتة جبنة بيضا قد راس العصفور وقاعد يا عيني يغمس من ضلها وخايف ييجي ناحيتها لتخلص وده مش فطار لأ ده غدا ، ولا أحلى حاجة بقى لما تلقى واحد في وسط العالم دي كلها قاعد على كرسيه وف سابع نومة وكرشه قااااااااااد كده ، أروح أنا ساحب الترابيزة أم رجل حديد على الأرضية الرخام تروح عاملة صوت يسْرِع العفريت ييجي صاحبنا منطور ييجي متر لفوق ويتلفت حواليه زي الملبوس وأنا قاعد باصص الناحية التانية وعامل نفسي ولا هنا ، قراية الناس دي أصلها هواية منيلة بس لذيذة لقضاء وقت الفراغ .

ثالثاً : فرصة وحرمكم المصون غايبة والجو هادي إنك تحكي لنا عن ذكريات حب الطفولة والشباب ، ما هو أكيد كان ليك حاجات من دي زي الكل ، أقعد مع نفسك وافتكر أيام الجامعة أو الثانوي ، وأيام الشحتفة وأغاني عبد الحليم والمواقف المضحكة ، وإحكي لنا ، ووعد ما حدش ح يجيب سيرة .

ماشي ..

[Set_Amina]

amir كتب:

يا ست امينه علشان خاطر سعاد ابعتى لى أسم الفيلم من وراء وايت هارت و قبل ما يشوف الرساله دى

أقفش .... تسريب أسئلة امتحانات !!!!

يظهر ان الوزارة هتلغى السؤال دة !!!

و تستبدلة بهذا:

كان على عيني ياأمير ياخويا، اختك الست امينة أجهل من دابة في الأفلام، بس انا عندي احساس ان الاستاذ وايت هارد ممتحن قلبه طيب قوي وهو اللي هايغششنا بنفسه، حتى شوف النهاردة بعد الضهر هاتلاقيه نازل باسماء الافلام الموجودة وكمان اللي لسه هاينزلها

[Set_Amina]

يا White heart 

يعنى أنا كنت عرفت السؤال الأولانى علشان تسألنى السؤال الثانى ؟؟

الصوره الاولى تبدو لمجموعه من الاشرار  Bad Guys بتوع الايام الوحشه و العهد البائد  ... و الدليل على كده هو الطرابيش الحمراء

اما الصوره الثانيه فهى مش من العصر البائد ... و لكن يبدو و الله اعلم هى صورة واحد عنده امتحــان مـا ... و مش عارف يبتدى منين ؟ 

صـح ولا أنا غلطان ؟

هـو ده عزت العلايلى اللى عنده الأمتحـان ؟؟؟

جرى ايه ياعزت قصدي ياأمير هو انت هاتحلل الشخصيات الموجودة في الصورة وتعرض لينا بقى تاريخهم اذا كان بائد ولا مشرق.. (وش بيضحك)

ياعم قول اسم الفيلم وابقى غششني علشان انا كمان باتعالج من الوحدة واهو يابخت من استفاد وأفاد.