رجعت من المطـار

[amir]

عموماً ، خد شوية اقتراحات :

أولاً : قررنا نحن البنا استثناءك من السكوت في التوبيك بتاع السكوت يعني تقدر تحكي وتفضفض براحتك نظراً لحالتك الاستثنائية ، بس من غير رغي كتير ، والمهم إنك تساعد في البحث عن البت سعاااااااااااااد لأني كرهت نفسي .

ثانياً : هي القهاوي راحت فين؟ ، إنزل على أقرب قهوة ، خد لك حجرين معسل سلوم وأقعد إقرا الناس ، ح تشوف العجب ، أنا مرة قعد أتفرج على الناس فترة طويلة ولقيت نفسي بأضحك وأنا قاعد لوحدي ، فوجئت بعاهات يا مولانا ، آخر عته يا عم ، عالم محترمة ببدل وكرافتات عمالة تفحر في مناخيرها ومتهيألها إن ماحدش شايفها ، وواحد تاني قاعد في عربيته مستني الإشارة تفتح وراح مطلع قزازة خمرة قاااااااااد كده من تحت الكرسي وقعد يأربع ، أو عيل صغير بتاع 11 سنة شكله صبي ميكانيكي من لبسه ومنظر إيديه ، فاتح ورقة جرنان قديمة ملفوف فيها حتة جبنة بيضا قد راس العصفور وقاعد يا عيني يغمس من ضلها وخايف ييجي ناحيتها لتخلص وده مش فطار لأ ده غدا ، ولا أحلى حاجة بقى لما تلقى واحد في وسط العالم دي كلها قاعد على كرسيه وف سابع نومة وكرشه قااااااااااد كده ، أروح أنا ساحب الترابيزة أم رجل حديد على الأرضية الرخام تروح عاملة صوت يسْرِع العفريت ييجي صاحبنا منطور ييجي متر لفوق ويتلفت حواليه زي الملبوس وأنا قاعد باصص الناحية التانية وعامل نفسي ولا هنا ، قراية الناس دي أصلها هواية منيلة بس لذيذة لقضاء وقت الفراغ .

ماشي ..

لأول مره أضحك من ييبجى 24 ساعه

عجبتنى فكرة البحلقه فى الناس ، فعلا فكره مدهشه

أنا مـره كنت قاعد فى كوفى شوب فى أنتظار مجموعه من الأصدقاء

و جات قعدتى جنب شجره اخفتنى تماما ، و كان بالتربيزه التانيه اثنين ستات و اضح من لهجتهم انهم من السودان

قالت الأولى للتانيه :

يا اعتماد أنا لازم اجيسه ( تقيس الفستان يعنى )

ردت اعتماد و قالت لها تجيسيه شنو ؟ ما هو باين أنه مجاسك ( مقاسك )

قالت لها : جلبى ( قلبى ) مش مطمن عشان أنا اخدت الفستان الاخير فى المحل اللى كان على المانيكان اللى فى الفترينه

قلت فى نفسى أكيد دى غزال سودانى

و بضرب بعينى كده علشان أشوف الغزال

و عينك ماتشوف الا النـور

لقيت اتنين يقربوا لسيد قشطه ـ سيد بك قشطه ـ لا يطلع معرفه ولا حاجه

و مكنتش متخيل اد ايه الست ممكن تخدع نفسها و تدعى الرشاقه و تاخد فستان من على الما نيكان و هى عارفه انها محتاجه لعشر فساتين من الحجم ده علشان يغطوا دراعها بس

فرصة وحرمكم المصون غايبة والجو هادي إنك تحكي لنا عن ذكريات حب الطفولة والشباب ، ما هو أكيد كان ليك حاجات من دي زي الكل ، أقعد مع نفسك وافتكر أيام الجامعة أو الثانوي ، وأيام الشحتفة وأغاني عبد الحليم والمواقف المضحكة ، وإحكي لنا ، ووعد ما حدش ح يجيب سيرة 

و بعدين ايه ذكريات الطفوله و الجامعه دى ؟

اوعى تكون فاكرنى عجوز ولا حاجه

لا ..لا شوف انت بتكلم مين ؟

أنا بالكتير خالص 28 أو 38 أو ... سنه

يعنى شباب ... شباب و لسه معنديش أى تجارب

( الظاهر أنا اتعديت من السودانيه صاحبة اعتماد )

[White heart]

amir كتب:

مكنتش متخيل اد ايه الست ممكن تخدع نفسها و تدعى الرشاقه و تاخد فستان من على الما نيكان و هى عارفه انها محتاجه لعشر فساتين من الحجم ده علشان يغطوا دراعها بس

انت يا "أمير" الوحدة ابتدت تأثر عليك جامد...تهيؤات ... و ضعف ذاكرة ... و سيد "بية" قشطة .... يا لطيف..

يا راجل الصورة مبينة انهن "غزالتين" فعلا!!!

[White heart]

Set_Amina كتبت:

انا عندي احساس ان الاستاذ وايت هارد ممتحن قلبه طيب قوي وهو اللي هايغششنا بنفسه، حتى شوف النهاردة بعد الضهر هاتلاقيه نازل باسماء الافلام الموجودة وكمان اللي لسه هاينزلها

اية دة هى حصلت "الرشوة" !!!!

لأ انا مواطن صالح .... شريف ...!!!!

و بعدين يا ست أمينة فية برضة "استاذ" فى مصر ممتحن قلبة أبيض؟؟!! لاهو انت فاكرة ان الأساتذة فى مصر بيحطوا أسئلة امتحانات ليها حلول ؟؟!! دة انت طيبة قوى ... دة كان زمان لما كان الفصل فية ييجى 10 - 15 طالب!!! و كلمة فى ودنك انا قلت اهى فرصة احط لأمير المشاهد اللى انا معرفش اسمائها اية علشان المجموعة اللى عندى تكمل .... شفتى النصاحة ؟؟ بس ماتقوليلوش ....

[amir]

ياعم قول اسم الفيلم وابقى غششني علشان انا كمان باتعالج من الوحدة واهو يابخت من استفاد وأفاد.

يا ست الكل

طيب أنا بتعالج من الوحده علشان مراتى مسافره

أنتى كمان مراتك مسافره ؟؟

[Set_Amina]

ياعم قول اسم الفيلم وابقى غششني علشان انا كمان باتعالج من الوحدة واهو يابخت من استفاد وأفاد.

يا ست الكل

طيب أنا بتعالج من الوحده علشان مراتى مسافره

أنتى كمان مراتك مسافره ؟؟

لا لا ياأمير انت حالك لا يسر عدو ولا حبيب، انا مش قلت لك في اول الموضوع انا باعمل ايه علشان اسلي نفسي لما بنتي سافرت مصر وسابتني لوحدى؟ هو يعني لازم مراتي اللي تكون سافرت علشان اكون وحيدة؟؟ مفيش انواع تانية من الوحدة ياخواتي

بس معلش انا عذراك علشان انت مش في حالة تسمح لك بانك تركز في حالات الآخرين الاجتماعية ولا الأسرية، ربنا يصبرك يارب

يابو قلب ابيض الحقنا والنبي بكام فيلم وبسرعة وصلحه

[Set_Amina]

Set_Amina كتبت:

انا عندي احساس ان الاستاذ وايت هارد ممتحن قلبه طيب قوي وهو اللي هايغششنا بنفسه، حتى شوف النهاردة بعد الضهر هاتلاقيه نازل باسماء الافلام الموجودة وكمان اللي لسه هاينزلها

اية دة هى حصلت "الرشوة" !!!!

لأ انا مواطن صالح .... شريف ...!!!!

و بعدين يا ست أمينة فية برضة "استاذ" فى مصر ممتحن قلبة أبيض؟؟!! لاهو انت فاكرة ان الأساتذة فى مصر بيحطوا أسئلة امتحانات ليها حلول ؟؟!! دة انت طيبة قوى ... دة كان زمان لما كان الفصل فية ييجى 10 - 15 طالب!!! و كلمة فى ودنك انا قلت اهى فرصة احط لأمير المشاهد اللى انا معرفش اسمائها اية علشان المجموعة اللى عندى تكمل .... شفتى النصاحة ؟؟ بس ماتقوليلوش ....

بما ان انا كمان طلعت بالصدفة البحتة مواطنة صالحة ....شريفة (بس مش فاضل) يبقى قولي بسرعة هاتديني كام علشان اسكت على استغلال فرصة وجود امير موحود وهايفكر لك في اسامي الافلام؟؟

[White heart]

Set_Amina كتبت:

قولي بسرعة هاتديني كام علشان اسكت على استغلال فرصة وجود امير موحود وهايفكر لك في اسامي الافلام؟؟

شوفى يا ستى...

انا فتحت "السحارة" اللى فيها كل مقتنايت طفولتى... علشان ادور على حاجة تليق بمقام (مواطنة صالحة ... شريفة) فوقعت على دي:

و دي .....

اية رأيك بقى يا ستى ....

هاتدفعيلى كام علشان أديهملك؟؟!!!!!!!!!!!!

( على فكرة انا حطيط من بدرى "برشامة" صغيرة تحت المشهد التانى علشان "أمير" المسكين، بس يظهر علية راخر مواطن صالح .... شريف مش بتاع غش !!! )

[amir]

يا ست الكل

طيب أنا بتعالج من الوحده علشان مراتى مسافره

أنتى كمان مراتك مسافره ؟؟

لا لا ياأمير انت حالك لا يسر عدو ولا حبيب، انا مش قلت لك في اول الموضوع انا باعمل ايه علشان اسلي نفسي لما بنتي سافرت مصر وسابتني لوحدى؟ هو يعني لازم مراتي اللي تكون سافرت علشان اكون وحيدة؟؟ مفيش انواع تانية من الوحدة ياخواتي

بس معلش انا عذراك علشان انت مش في حالة تسمح لك بانك تركز في حالات الآخرين الاجتماعية ولا الأسرية، ربنا يصبرك يارب

يابو قلب ابيض الحقنا والنبي بكام فيلم وبسرعة وصلحه

يا فتاح يا عليم

يعنى أنتى فاكره أن أنا مش فاهم ؟؟ !!!

طيب ما أنا عارف و فاهم كويس قوى أن سعااااد تبقى مراتك

دا أحنا بنفهموها وهى طايره

[amir]

عزيزى وايت هارت

أنا كنت على أتم استعداد أن أجاوب على السؤالين بتوع النهارده ، بس للأسف الصور مش عايزه تفتح .

لا .. استنى شويه .. دى مش الصور هى اللى مش عايزه تفتح ... دى عينى هى اللى لسه مقفوله .. اصلى سهرت شويه امبارح .. هو مش شويه .. شويه كتير .. كنت بتفرج على برنامج عن أنجال صدام و طبعا من القلق معرفتش انام .. و فين و فين لما عينى غمضت .. و فجأه زارتنى سعااااد مرات الست أمينه فى المنام... و لك أن تصور حالتى النفسيه و أنا قاعد لوحدى فى الضلمه و تطلعلك واحده بالحلاوه دى .. كابوس يا با ... قلت الحل الوحيد أنى انام و المقشه جانبى آهى تبقى سلاح الواحد يدافع بيه عن نفسه اذا حاولت ترجع تانى

ترجع تانى ؟؟؟ ... اشتاتا اشتوت .. استر ياللى بتستر

[White heart]

amir كتب:

أنا كنت على أتم استعداد أن أجاوب على السؤالين بتوع النهارده ، بس للأسف الصور مش عايزه تفتح .

لا يا عزيزى ... دول ما كانوش سؤالين ... دول كانوا هايبقوا "الرشوة" اللى كنت "هابيعها" للست أمينة ....

Set_Amina كتبت:

يابو قلب ابيض الحقنا والنبي بكام فيلم وبسرعة وصلحه

يا سلام بس كدة ... و عندك كام فيلم و "سهلة" علشان المعلم "أميييييييييير" ... خد يا عم حاجة سهلة علشان انت بس غلبان... و وحدانى اليومين دول .... بس ما تدعوتش على كدة.....

[Set_Amina]

يا ست الكل

طيب أنا بتعالج من الوحده علشان مراتى مسافره

أنتى كمان مراتك مسافره ؟؟

لا لا ياأمير انت حالك لا يسر عدو ولا حبيب، انا مش قلت لك في اول الموضوع انا باعمل ايه علشان اسلي نفسي لما بنتي سافرت مصر وسابتني لوحدى؟ هو يعني لازم مراتي اللي تكون سافرت علشان اكون وحيدة؟؟ مفيش انواع تانية من الوحدة ياخواتي

بس معلش انا عذراك علشان انت مش في حالة تسمح لك بانك تركز في حالات الآخرين الاجتماعية ولا الأسرية، ربنا يصبرك يارب

يابو قلب ابيض الحقنا والنبي بكام فيلم وبسرعة وصلحه

يا فتاح يا عليم

يعنى أنتى فاكره أن أنا مش فاهم ؟؟ !!!

طيب ما أنا عارف و فاهم كويس قوى أن سعااااد تبقى مراتك

دا أحنا بنفهموها وهى طايره

لا بقى طيب ايه رأيك ان سعاد تبقى اخويا الصغير

[Set_Amina]

Set_Amina كتبت:

قولي بسرعة هاتديني كام علشان اسكت على استغلال فرصة وجود امير موحود وهايفكر لك في اسامي الافلام؟؟

شوفى يا ستى...

انا فتحت "السحارة" اللى فيها كل مقتنايت طفولتى... علشان ادور على حاجة تليق بمقام (مواطنة صالحة ... شريفة) فوقعت على دي:

و دي .....

اية رأيك بقى يا ستى ....

هاتدفعيلى كام علشان أديهملك؟؟!!!!!!!!!!!!

( على فكرة انا حطيط من بدرى "برشامة" صغيرة تحت المشهد التانى علشان "أمير" المسكين، بس يظهر علية راخر مواطن صالح .... شريف مش بتاع غش !!! )

انت باعتلي الرشوة بالحبر السري؟؟

[Set_Amina]

عزيزى وايت هارت

أنا كنت على أتم استعداد أن أجاوب على السؤالين بتوع النهارده ، بس للأسف الصور مش عايزه تفتح .

لا .. استنى شويه .. دى مش الصور هى اللى مش عايزه تفتح ... دى عينى هى اللى لسه مقفوله .. اصلى سهرت شويه امبارح .. هو مش شويه .. شويه كتير .. كنت بتفرج على برنامج عن أنجال صدام و طبعا من القلق معرفتش انام .. و فين و فين لما عينى غمضت .. و فجأه زارتنى سعااااد مرات الست أمينه فى المنام... و لك أن تصور حالتى النفسيه و أنا قاعد لوحدى فى الضلمه و تطلعلك واحده بالحلاوه دى .. كابوس يا با ... قلت الحل الوحيد أنى انام و المقشه جانبى آهى تبقى سلاح الواحد يدافع بيه عن نفسه اذا حاولت ترجع تانى

ترجع تانى ؟؟؟ ... اشتاتا اشتوت .. استر ياللى بتستر

كل ده علشان مشروب مامي ماشي زي الحلاوة وصنوق البوهية بتاعك مضروب في السوق..

أرجع الى صفحة الحوادث،، يووووه قصدي صفحة الفكاهات وانت تشوف الرواج اللي سببه ضياع سعاد في البيع والشراء..

[amir]

وايت هارت

أنت فاكر أن أنا عجوز للدرجه دى علشان تحط لى أفلام أبيض و أسود ؟

لا يا أستاذ .. أنا من مواليد التلفزيون الملون

و بعدين أنا سبق و قلت لك أن أنا معرفش غير عزت و منى لظروف خارجه عن أراداتى ، تقوم أنت تصعب الأسئله و تجيب حاجه من خارج المقرر ؟

[amir]

كل ده علشان مشروب مامي ماشي زي الحلاوة وصنوق البوهية بتاعك مضروب في السوق..

أرجع الى صفحة الحوادث،، يووووه قصدي صفحة الفكاهات وانت تشوف الرواج  اللي سببه ضياع سعاد في البيع والشراء..

Set_Amina

تصدقى أن أنا بدأت أتعود على الهدوء ، و باخد صندوقى و انزل استرزق من غير ما حد يقولى أنت رايح فين و جاى منين ... هدوء لذيذ يدعو للكسل

يبدو أن فكرة الأجازه الزوجيه دى فكره ظريفه جدا

المشكله أن أنا مش عارف هـى كانت بتجيب وقت منين علشان تخلص شغل البيت ؟ .... امبارح قلت لنفسى يا واد قوم أعمل حركه نظافه على البيت و بدأت بترتيب غرفة النوم ... و كل ما اشيل حاجه الاقى حاجه تانيه .. قلت خلى كل حاجه مكانها أحسن ... و طقت فى دماغى اغير فرش السرير .. و كانت مباراه ظريفه بينى و بين الملايه أستغرقت ساعه كامله .. أشدها من اليمين تطلع من الشمال .. أسحبها من تحت تطلع من فوق ... و خلصت المعركه حوالى الساعه أتناشر بالليل

و النهارده أنا مصمم على أدارة معركة المطبخ ... دعواتك

و سلميلى على سعااااد

[Set_Amina]

Set_Amina كتبت:

قولي بسرعة هاتديني كام علشان اسكت على استغلال فرصة وجود امير موحود وهايفكر لك في اسامي الافلام؟؟

شوفى يا ستى...

انا فتحت "السحارة" اللى فيها كل مقتنايت طفولتى... علشان ادور على حاجة تليق بمقام (مواطنة صالحة ... شريفة) فوقعت على دي:

و دي .....

اية رأيك بقى يا ستى ....

هاتدفعيلى كام علشان أديهملك؟؟!!!!!!!!!!!!

( على فكرة انا حطيط من بدرى "برشامة" صغيرة تحت المشهد التانى علشان "أمير" المسكين، بس يظهر علية راخر مواطن صالح .... شريف مش بتاع غش !!! )

انت باعتلي الرشوة بالحبر السري؟؟

اخيرا ظهر نوع الرشوة ووضحت الرؤية، شيء جميل جدا، بس ازاي انا هاخدهم رشوة وهادفعلك فيهم؟؟ مش فهمة، ده نظام جديد للرشاوى؟

[Set_Amina]

كل ده علشان مشروب مامي ماشي زي الحلاوة وصنوق البوهية بتاعك مضروب في السوق..

أرجع الى صفحة الحوادث،، يووووه قصدي صفحة الفكاهات وانت تشوف الرواج  اللي سببه ضياع سعاد في البيع والشراء..

Set_Amina

تصدقى أن أنا بدأت أتعود على الهدوء ، و باخد صندوقى و انزل استرزق من غير ما حد يقولى أنت رايح فين و جاى منين ... هدوء لذيذ يدعو للكسل

يبدو أن فكرة الأجازه الزوجيه دى فكره ظريفه جدا

المشكله أن أنا مش عارف هـى كانت بتجيب وقت منين علشان تخلص شغل البيت ؟ .... امبارح قلت لنفسى يا واد قوم أعمل حركه نظافه على البيت و بدأت بترتيب غرفة النوم ... و كل ما اشيل حاجه الاقى حاجه تانيه .. قلت خلى كل حاجه مكانها أحسن ... و طقت فى دماغى اغير فرش السرير .. و كانت مباراه ظريفه بينى و بين الملايه أستغرقت ساعه كامله .. أشدها من اليمين تطلع من الشمال .. أسحبها من تحت تطلع من فوق ... و خلصت المعركه حوالى الساعه أتناشر بالليل

و النهارده أنا مصمم على أدارة معركة المطبخ ... دعواتك

و سلميلى على سعااااد

شفت... علشان بس تصدقني لما قلت لك ان الوحدة برضه ليها مزاياها، وهاقولك على سر في تغيير الملاية، مانتا رفيق درب الوحدة ولازم اخدمك والوحداء لبعض برضه...

بص ياسيدي انت بدل ما تغير ملاية السرير روح انت وانقل نفسك في النص التاني النضيف اللي لسه ماستعملتوش وبكده يبقى انت استفدت من الملاية لمدة مضاعفة ووفرت التغيير.. انت بس أأمر وانا اتحفك بالحل على طول.

اخويا سعاد قصدي بنتي سعاد بتسلم عليك.

افففففففف ريحة شياط جاية لحد هنا.. حريقاااااااااااااااااااااااااااااااااااة

[nora]

شفت... علشان بس تصدقني لما قلت لك ان الوحدة برضه ليها مزاياها، وهاقولك على سر في تغيير الملاية، مانتا رفيق درب الوحدة ولازم اخدمك والوحداء لبعض برضه... 

بص ياسيدي انت بدل ما تغير ملاية السرير روح انت وانقل نفسك في النص التاني النضيف اللي لسه ماستعملتوش وبكده يبقى انت استفدت من الملاية لمدة مضاعفة ووفرت التغيير.. انت بس أأمر وانا اتحفك بالحل على طول. 

حرام عليكي اية الافكار دي انتي عيزة تودي الراجل في دهيه دي اكيد افكار سعاد الجهنمية

طب افرضي بينام في النص يعمل اية سعتها حلهلنا باه

[amir]

حرام عليكي اية الافكار دي انتي عيزة تودي الراجل في دهيه دي اكيد افكار سعاد الجهنمية

طب افرضي بينام في النص يعمل اية سعتها حلهلنا باه

أنا لقيت الحل الأمثل أنى أنام على كنبة الصالون ، علشان لما هى ترجع تلاقى كل حاجه فى مكانها

[nora]

امير

أنا لقيت الحل الأمثل أنى أنام على كنبة الصالون ، علشان لما هى ترجع تلاقى كل حاجه فى مكانها

اه علشان سعتها تخدها حجه حلوة علشان تغير طقم الصالون ( ناس تصطاد في المية العكرة وتوقع الناس في بعضيها)