هي اسرائيل ماسكة على العالم ذلّة ؟ ولا ايه؟

[شاب مصري]

عارفين ايه اللي حصل انهردا؟

في نشرة أخبار الجزيرة نقلوا خطاب لايهود أولمرت في مدينة اشدود الصهيونية

عم أولمرت قال ايه؟

كونداليزا رايس هي اللي جهزت قرار مجلس الأمن (1860) وزبّطته ورستقته

(قرار وقف اطلاق النار الفوري)

ووعدت وزراء الخارجية العرب بان امريكا تصوت بالموافقة على القرار

عم أوولمرت شم خبر

راح قال للألاضيش بتوعه هاتولي الواد الريّس بوش على التليفون

قالوله بوش في خطاب جماهيري في فيلادلفيا

قالهم وايه يعني ؟ يطلع من الخطاب ويرد عليا

اطلبهولي يا ولا يا كوهين حالا

طلبوا بوش وطلع من الخطاب بتاعه عشان يرد على أولمرت

أولمرت : صحيح يا وله يا بوش الكلام اللي انا سمعته ده؟

بوش : كلام ايه بس معاليك ؟ كفى الله الشر :lol:

أولمرت : استهبل بقا يا فلاح يا بتاع تكساس :lol: البت وزيرة الخارجية كوندي هتصوّت لصالح قرار وقف اطلاق النار الفوري

بوش : اه يا باشا .. هو ده يزعل معاليك في حاجة ؟ مش خلاص أدّبتوا الصيّع بتوع حماس؟

أولمرت : ولا يا جورج متفلفش وتدور وبلاش كتر كلام :lol: أمريكا تمتنع عن التصويت للقرار ده

فاهم ولا لأ؟

بوش : أوامر معاليك سعادتك .. أي خدمة تانية ؟

أولمرت : لا خلاص ... غور ياض wst::

بوش : سلام يا باشا

أولمرت : ماتتنيل تقفل الخط

بوش : ازاي يا باشا .. ودي تيجي ؟ والله سعادتك اللي لازم تقفل الأول

أولمرت : ماشي

طراخ تيت تيت تيت تيت تيت

*********************************************************

كل اللي فات ده حصل فعلا وأولمرت قاله للشعب الصهيوني في أشدود قدام الناس ومتصور فيديو.

******************************************************************

هو دلوقت الصهاينة دول ماسكين على الدول الكبرى ذلة ولا مؤاخذة؟

يقولك اللوبي الصهيوني

وان الحزب مش هيقدر يكسب انتخابات من غيرهم

طيب مش اليهود دول كام في امريكا؟

ولا يعني الصهاينة دول بفلوسهم بيشتروا اصوات الناس التانيين ؟ اكيد لأ

يعني طالما الموضوع في الأول والاخر اصوات وانتخابات

يبقى ليه المحاباة والدعم لاسرائيل قبل وبعد الانتخابات ؟

وانبطاح كل السياسيين الأمريكيين والغربيين أمام الصهاينة

(بمختلف اتجاهاتهم السياسية ولكنهم لا يختلفوا على دعم اسرائيل اللامحدود) ؟

يعني لو الموضوع انهم عندهم قنوات اعلامية .. طيب اعتقد لو الامريكان مخنوقين من القنوات دي يقدروا يعملوا غيرها

لو الموضوع تمويل حملات انتخابية اعتقد في ناس كتير غير صهاينة مستعدين يدفعوا اي مبالغ لتمويل الحملات دي في سبيل التخلص من دعم أمريكا للصهيونية

لكن في تسابق رهيب من السياسيين الأمريكان والغربيين على دعم اسرائيل والانبطاح أمام الصهيونية

ليه بجد نفسي أفهم ؟

امبارح كندا في مجلس حقوق الانسان التابع للـ UN صوتت لرفض ارسال لجنة تقصي حقائق لغزة لرصد انتهاك اسرائيل لحقوق المدنييين وارتكاب جرائم حرب واستخدام اسلحة مرحمة دوليا

(رغم فتح كندا على يد الجنرال الشامي :lol: )

حد يا جماعة يفهمنا ؟ ايه سر الانقياد والاذعان ده؟

هما السياسيين الأمريكان والغربيين خايفين من اسرائيل كده ليه؟

((مش المفروض يخافوا من شعوبهم فقط ؟ لان الشعب فقط هو من يملك الاصوات الانتخابية ))

قولنا يا د.هشام ؟ ليه يا باشا ؟

حد يفهمنا ؟؟؟؟؟

تم تعديل 13 يناير 2009 بواسطة شاب مصري

[د هشام ابراهيم]

يا سيدي الفاضل دول مش ذلة واحدة دول كتير جدا ....خد عندك

المحرقة النازية أو الهولوكوست ..... بغض النظر عن حقيقة ما حدث انما ما ارتكبته ألمانيا النازية ما قبل و أثناء الحرب العالمية الثانية نجحت اسرائيل في استثماره بشكل غير طبيعي و حتي هذه اللحظة ....

مثال صارخ علي كده ألمانيا ما تقدرش تقول تلت التلاتة كام لاسرائيل .... أي هجوم علي اسرائيل أبواق الأعلام الصهيوني القوي جدا جاهز لرفع حجة المعاداة للسامية

نقطة مهمة الأعلام الصهيوني قوي في حد ذاته ....تزداد قوته و تأثيره مع غياب صوت العرب أو المسلمين تماما ....

لو الموضوع تمويل حملات انتخابية اعتقد في ناس كتير غير صهاينة مستعدين يدفعوا اي مبالغ لتمويل الحملات دي في سبيل التخلص من دعم أمريكا للصهيونية

ردا علي سؤالك : لا ما فيش حد من العالم العربي أو الأسلامي لا بيدفع فلوس و لا بيكون جماعة ضغط علي صانعي القرار السياسي الغربي

الذلة التانية الادعاء إن اسرائيل دولة غربية و تمثل خط الدفاع الغربي الأول ضد التطرف الأسلامي .....ليفني قالتها بعضمة لسانها اللي عايز القطع ...."حرب اسرائيل ضد حماس جزء من الحرب العالمية ضد الارهاب الاسلامي" ..... العالم الغربي مرعوب من الحكاية ديه .... تفجيرات مركز التجارة العالمي ....و لندن و مدريد و غيرهم طبعا ساعدوا تماما في ترسيخ المفهوم و صورة الأرهابي العربي الأسلامي اللي ما عندوش أي مانع يفجر المدنيين الأبرياء و يفجر نفسه معاهم

علي فكرة كندا هي الدولة الغربية الوحيدة اللي شاركت في حروب أفغانستان و العراق و محطوطة علي قائمة الأنتقام بتاعة القاعدة و لم تحدث فيها عمليات ارهابية لحد دلوقتي و إن كان الناس هنا متوقعين تحصل في أي وقت

الذلة الثالثة الأقتصاد العالمي .... ببساطة شديدة اليهود قوة مؤثرة في الأقتصاد رغم صغر عددهم ....حتي لما ربنا رزق العرب بموارد و ثروات بددوا أغلبها في مجالات شتي

الذلة الرابعة ...الثقافة اليهودية سواء دين أو إعلام أو أدب أو أو ...كلها متغلغلة في نسيج المجتمع الغربي .....الثقافة الأسلامية الحالية في أغلبها تتبع مبدأ رفض الآخر و عدم التفاعل .....الأسباب مش مجالها هنا

ملخصا تفوق اسرائيل و اليهود من ورائها في مجالات شتي .... سياسة و اقتصاد و ثقافة و إعلام و جماعات ضغط و معاداة سامية و خطاب جمعي

ملحوظة جانبية تانية .... الحزب الحاكم في كندا حاليا يمين محافظ .... يميل بطبعه ناحية اليهود و اليمين المحافظ الأمريكي (بوش و شيني و عصابتهم )

السبب الرئيسي لفوزه في الانتخابات الماضية عدم رضا الكنديين عن أداء الحزب الليبرالي سابقا و سوء سمعة الأحزاب الأشتراكية

[سهل جدا]

يا سلام عليك يا شاب يا مصري يا مدرسة :lol:

حتة موضوع إنما إيه .. مية مية

أنا عندي كلام كثير في الموضوع ده عاوز أقوله , بس لما أفضى شوية ..

[Virus]

والله خدت الكلام من على لساني يا شاب مصري

حاجة عجيبة جدا...محدش قادر لإسرائيل على حاجة؟؟!!

بس نقول إيه...الغلط مش من دلوقت..الغلط لما سكتنا على تصنيف"حركة المقاومة" حماس حركة إرهابية ..ودلوقت العالم فاعد يتفرج على ضرب الحركة الإرهابية بالظبط زي أفغانستان..

[أبو راضي]

د.هشام ابراهيم الحقيقة انك اصبت لب الحقيقة فيما قلت واسمح لي أن أضيف ان الكفر ملة واحده بمعنى اذا كانت الحرب ضد الاسلام و المسلمين الكل يستنفر ويشارك ان بالقتل او بالدعم المادي او المعنوي امريكا ارسلت اسلحة لليهود واوروبا تعمل على ارسال اسلحة ايضا ,اما نحن المسلمين للأسف ليس لدى حكامنا الا الشجب والاستنكار ولا اسلحة ولا جهاد ولا ما يحزنون , في النهاية اقول ان اليهود ليسوا قدرا محتوما سلطوا على المسلمين سيأتي اليوم الذي سيقتلع فيه المسلمون هذا السرطان من ارضهم وعسى ان يكون قريبا

[ابو محمود]

الفرنسى نابليون بونابارت هو صاحب فكرة وجود عدو للعرب المسلمين ويكون صاحب ايدلوجية مختلفة

فما كان من الغرب بعدما فشل فى استعمار العرب ودولهم تم تقسيمهم دويلات ذات حدود وزرع اسرائيل فة وسط الأمة هكذا يفكر الغرب الصليبى الفكر والديانة

المشكلة فى كثير من مفكرينا الذين تختلط عليهم الالوان ولايشاهدون الا ديموقراطية الغرب وتقدمة الصناعى

على فكرة لن يسمحو لنا ببناء ديمقراطيات بشتى الطرق انتخابات لأ مهما كانت المؤسسات الحاكم دينية او علمانية لانهم يعلمون جيدآ ان دولنا متدينة جدآ والتجارب فى الجزائر والسودان ولبنان وفلسطين (حماس) خير شاهد ومعنى هذا اننا لابد ان نكون دول لا ديموقراطية حتى تبقى اسرائيل حجة ديموقراطية علينا نحن المتخلفين اما الصناعة فيحرم منها العرب تمامآ بكل السبل وممنوع عليهم انشاء اى مصانع ذات مردود صناعى ضخم كالعربات والألات الثقيلة والتقنية العالية كما يمنع عنا التعليم العالى الراقى كالنووى او الرياضيات

ومن هنا نعرف كيف انها عملية اجهاز على العالم العربى الاسلامى فى الشرق لاننا الوحيدين فى العام التى وهبتنا الجغرافيا والجيولوجيا الكونية خواص الدولة العظمى فلو نظرنا الى جغرافية العلم العربى سنجد مناخ معتدل وسواحل تسمح لامتلاك العالم ونعم فى الارض نمتلك بها عدم الاعتماد على اى مواد خام من اول الزراعة الى اليورانيوم

لهذا يدفع الغرب المتسيد للعالم كل فواتير ابقاء اسرائيل قوية لانها تنفذ لة ما يصبو الية وليس امساك ذلة على أحد اكثر من ان تمتلك ان تجعلة يعيش بدون مخاوف من ظهور امبراطورية امتلكت العالم 800 سنة ولم نسمع عن مذابح او ظلمات كهذة

وهم يعلمون ايضآ ان المارد الاسلامى قادم لا محالة فهم ليسو اغبياء لانهم الأن يستعدون لتغيير بعضآ من مفاهيمهم الى تطبيق بعضآ من الشريعة الاسلامية فى تعاملاتهم ويعلمون ان الرأسمالية ستنهار كنظام

وسيظهر الاسلام بمواثيقة التى تجعل الانسان كريمآ حتى لوامتلك العالم

ولهذا يحتالون على الشعوب بتنصيب حكام عملاء لهم والازمة الخيرة خير شاهد على كيفية ان حكامنا يوجد بينهم من يستمد حكمة وشرعيتة من طاعتهم فيسكتون عن تجاوزاتة ضد شعبة الى حين يأتى الدور على التخلص منة (صدام حسين ) لبناءة صناعة او محاولتة التخلص من قبضتهم فيحركون باقى حكام المنطقة ضدة كى يتدخلو لخلعة وهذا ما جعل اميركا تتدخل لان صدام خارج حدود الاقوياء مصر وسوريا