لو الرئيس محمد حسني مبارك توفى اليوم ...

[شاب مصري]

لو الرئيس محمد حسني مبارك مات انهارده ...

بكره هيحصل ايه ؟؟؟

ايه السيناريو اللي هيحصل على المدى القريب والبعيد ؟

ومن الرئيس القادم ؟

مصر داخليا وخارجيا هتتحسن ولا هتتخلف ؟

[سهل جدا]

تصدق بالله ، الراجل دخ ساعات بيصعب علي

الرسول صلى الله عليه وسلم بيقول: (كلكم راع وكلكم مسئول عن رعيته ...)

يعني اللي زي مثلاً لما يموت (اللهم أحسن ختامنا) ربنا سبحانه وتعالى هايحاسبني عن أعمالي وعن مراتي وعيالي وخلاص , وعسى الله أن يتولانا برحمته

لكن اللي زي الريس ده والله مسكين

هيتحاسب على 80 مليون مصري , عمل فيهم إيه

دا غير اللي عمال يتقتلوا ويتذبحوا في غزة دلوقتي بسببه

كل دول في رقبتوا

الحمد لله الذي عافانا من الرئاسة ..

[tarek hassan]

أنا أعذر صاحب الموضوع على العنوان ولكن لو قال :

- لو حسني مبارك استقال

- لو حسني مبارك انتهت ولايته الأخيرة

حتى لو مات

اللي خلف مماتش

[شاب مصري]

لو حسني مات من فرحتي حولع في قنال السويس وفي البراميدا..وحتة حتة آه..دا ساطيرة... : :lol:

انت بتتفرج على يوتيوب والحاجات اللي الاسرائيلين بيحطوها تأليس على الريّس wst::

يا خائن يا عميل :lol:

تصدق بالله ، الراجل دخ ساعات بيصعب علي

الرسول صلى الله عليه وسلم بيقول: (كلكم راع وكلكم مسئول عن رعيته ...)

يعني اللي زي مثلاً لما يموت (اللهم أحسن ختامنا) ربنا سبحانه وتعالى هايحاسبني عن أعمالي وعن مراتي وعيالي وخلاص , وعسى الله أن يتولانا برحمته

لكن اللي زي الريس ده والله مسكين

هيتحاسب على 80 مليون مصري , عمل فيهم إيه

دا غير اللي عمال يتقتلوا ويتذبحوا في غزة دلوقتي بسببه

كل دول في رقبتوا

الحمد لله الذي عافانا من الرئاسة ..

اه والله بجد مسؤولية مرعبة

بس متهيألي الحاج منفض ومش مهتم بالنقطة دي ومش على باله نهائيا wst::

ده منوفي :lol:

أنا أعذر صاحب الموضوع على العنوان ولكن لو قال :

- لو حسني مبارك استقال

- لو حسني مبارك انتهت ولايته الأخيرة

حتى لو مات

اللي خلف مماتش

اللي خلف مماتش :lol:

بس هو يحصل ياشاب مصري وشوف أيه اللى هايحصل:cry: :110: :110:

يارب يا رب

بجد زهقت منه قوي

نفسي في رئيس جديد يكسر حالة الملل دي

من يوم ما وعيت عالدنيا ومفيش غيره :blush2:

تم تعديل 13 يناير 2009 بواسطة شاب مصري

[flying tiger]

يا جماعه الموت علينا حق ولكل انسان مميزات وعيوب

صحيح الريس سرق مصر هو واولاده ولكنه جنب الشعب المصرى الدخول فى حروب هو غير مستعد لها

يا جماعه كلامى ده ممكن مش هيعجب ناس كتير 000

الريس لو فتح المعبر يبقى الحرب هتقوم

هل مصر مستعده للحرب 000 فين الفلوس

هل الدول العربيه هتقف بجانبك 000 لا والله هذا لن يحدث ابدا

هل لو كانت رفح بين فلسطين وقطر بدلا من فلسطين ومصر 000 هل ستقوم قطر بفتح المعبر؟؟؟؟؟؟؟؟؟

يا جماعه لو اتفتح المعبر 000 كل واحد يسال نفسه 000 ايه اللى هيحصل بعد كده

لازم تاخدوا فى بالكم ان الجيش الامريكى منتشر فى جميع دول الخليج وله قواعد عسكريه قام بضرب العراق منها

هل تريد قطر ان تقاتل لاخر جندى مصرى

يا جماعه الجيش المصرى هوه اللى حرر الكويت وفى الاخر المصريون يعذبون فى سجون الكويت

والله انا باحيى حسنى مبارك على عدم تضحيته بالشعب المصرى فى حروب ستدمرنا وتيتم اطفالنا

اما باقى الدول العربيه ستكتفى بالدعاء لمصر من المساجد فقط

اما بالنسبه لو مات حسنى مبارك اليوم فى مصر اعتقد انه هتقوم حرب على كرسى الحكم وهييجى حرامى جديد هيسرق مصر

اعذرونى يا جماعه 000 ده رايى واختلاف الراى لا يفسد للود قضيه

[مسالم]

أختلف ...!!!

لو الريس مات كلنا حنزعل عليه .. وحندعيله بإن ربنا يرحمه .. وحنترحم على ايامه الجميله والديمقراطيه التي كنا نعيش بها في ظله .. واذا اردتم ان تتحققوا من كلامي .. ارجعوا الى التاريخ !!

[الباشمهندس ياسر]

لو الناس كانت ساعدت السادات انه يعمل دولة المؤسسات اللى كان بيحلم بيها

اكيد مكناش هنسأل سؤال زى ده دلوقتى

عموما انا بقيت خايف ع البلد اوى اوى

من كلاب الفتنة بكل انواعها

[Virus]

تصدق يا شاب مصري أنا خايف جدا من اليوم ده مع إني مستنيه بفارغ الصبر

خايف لأن ده الامتحان الصعب اللي هيدخلوا كل الشعب المصري..

لأن هو ده المحك اللي هيبين معدن المصريين بجد..

لأن مستقبل مصر لعقود أو قرون هيتوقف على اللي هيعملوا المصريين..

ومرعوب نسقط في الامتحان...

مش عارف هيكون إيه رد فعلي لو السلطة انتقلت بكل سلاسة لننوس عين أمه!

لكن طول الوقت بفكر أنا المفروض أعمل إيه عشان مندمش بقية عمري إن وقفت سلبي! وياسلام لو في ناس تانية بتفكر كده ونحط خطة عمل تتنفذ لما يقضي الله أمرا كان مفعولا

[eslam elmasre]

هذا ما سيحدث وفق الوقائع التي حدثت من قبل سواء في مصر او الدول العربيه (سوريا بالتحديد)

ستنتقل السلطه (نظريا) الي رئيس مجلس الشعب ثم سيتم استعجال انتخاب الرئيس للظروف التي تمر بها البلاد وسيتم تطبيق الماده 76 والمفصله علي شخص واحد فقط وسيتم حثه علي التقدم للترشيح وبناء علي رغبه الشعب العارمه والطاغيه سيتنازل سيادته ويتقدم للترشيح ولن يتقدم احد امامه لعدم استيفاء احد لشروط الترشيح الا هو وسيفوز بالتزكيه وهي شبيه للاستفتاء الي حد ما

ولن يواجه مشاكل من اي نوع مثل ما واجه والده من قبل لان جميع قيادات الدوله تقريبا تدين بالولاء له من الان وبترتيبات منذ فتره ليست قصيره ومعارضيه الاسلاميون تم القضاء عليهم تماما (من ناحيه التسليح )

كما ان الجيش لا يوجد به قياده واحده تفوح منها رائحه الزعامه والقياده

الموضوع مرتب جدا حتي الان

وتبقي اهم شيء لم يتم ترتيبه في هذا الموضوع الا وهما اراده الله ومكره (ويمكرون ويمكر الله والله خير الماكرين )

[abaomar]

يا جماعه الموت علينا حق ولكل انسان مميزات (ايه هى الله يباركلك )وعيوب

صحيح الريس سرق مصر هو واولاده ولكنه جنب الشعب المصرى الدخول فى حروب هو غير مستعد لها (انا موافقك و بدل ما يسيب الناس يتقتلوا فى حرب ....قتلهم هو فى المعتقلات رفقا بهم من وحشيه اليهود )يا جماعه كلامى ده ممكن مش هيعجب ناس كتير 000

الريس لو فتح المعبر يبقى الحرب هتقوم

هل مصر مستعده للحرب 000 فين الفلوس ( ما انت قلت انه سرقها هو و اولاده )

هل الدول العربيه هتقف بجانبك 000 لا والله هذا لن يحدث ابدا (لو ربك ثم شعبك مش معاك ...ما حدش هاينفعك )

هل لو كانت رفح بين فلسطين وقطر بدلا من فلسطين ومصر 000 هل ستقوم قطر بفتح المعبر؟؟؟؟؟؟؟؟؟( للاسف جه اليوم اللى بنقارن نفسنا مع ..........قطر .............منك لله يا حسنى )

يا جماعه لو اتفتح المعبر 000 كل واحد يسال نفسه 000 ايه اللى هيحصل بعد كده ( هاتنقذ جرحى و اطفال و نساء من الموت جوعا و يمكن ربنا يرضى عنا بوقوفنا بجوار مسلم فى محنته باقل قدر ممكن و ذلك اضعف الايمان ...)

لازم تاخدوا فى بالكم ان الجيش الامريكى منتشر فى جميع دول الخليج وله قواعد عسكريه قام بضرب العراق منها( الله اكبر)

هل تريد قطر ان تقاتل لاخر جندى مصرى (لا ليس قطر بل انا كمصرى يشرفنى ان اقاتل و اقتل فى سبيل الله و ليس الارض او القضيه الفلسطينيه او القوميه المصريه او العربيه و حتى اخر جندى مصرى )

يا جماعه الجيش المصرى هوه اللى حرر الكويت وفى الاخر المصريون يعذبون فى سجون الكويت (لان مبارك عذبهم الاول فى سجونه تجرا الباقى عليهم )

والله انا باحيى حسنى مبارك على عدم تضحيته بالشعب المصرى فى حروب ستدمرنا وتيتم اطفالنا (نعم هو لم يضحى بالشعب فى حروب و انما تكفل هو بذلك فى السجون و المعتقلات و اقسام الشرطه و المبيدات المسرطنه و الغلاء الفاحش ......)

اما باقى الدول العربيه ستكتفى بالدعاء لمصر من المساجد فقط ( احنا ليه حاطين غيرنا سبب لعدم فعلنا اى شئ مش احنا بنقول اننا الكبار ...طيب ما نتصرف كالكبار و مالناش دعوه بغيرنا و نقدر ..........لو عايزين و الل مش مصدق يفتكر السادات عمل ايه فى 73 )

اما بالنسبه لو مات حسنى مبارك اليوم فى مصر اعتقد انه هتقوم حرب على كرسى الحكم وهييجى حرامى جديد هيسرق مصر

اعذرونى يا جماعه 000 ده رايى واختلاف الراى لا يفسد للود قضيه ( بالتاكيد............تحياتى و احترامى )

تم تعديل 13 يناير 2009 بواسطة abaomar

[الجدار]

الله ينور عليك أبا عمر رديت زي ما كنت عايز.

طيب تصدقوا اني مش متخيل اليوم ده !! مع ان الموضوع ده جه في دماغي كتير وأكتر حاجه بتيجي في دماغي ان حسونه حيفضل الى مالا نهاية مش لأنه مخلد ولكن علشان سيادته عمل نسخ من نفسه (زي صدام) وكل ما واحد يموت التاني يدخل وينسخ جديد :blush2:

أدينا مستنيين

[سكر]

طيب لو المحروس الجديد او العريس الجديد جمال ابن مبارك

اتنش يوم فرحة هيكون الموقف اية

ولا هو اكبر من السادات

[samsoum]

هذا ما سيحدث وفق الوقائع التي حدثت من قبل سواء في مصر او الدول العربيه (سوريا بالتحديد)

ستنتقل السلطه (نظريا) الي رئيس مجلس الشعب ثم سيتم استعجال انتخاب الرئيس للظروف التي تمر بها البلاد وسيتم تطبيق الماده 76 والمفصله علي شخص واحد فقط وسيتم حثه علي التقدم للترشيح وبناء علي رغبه الشعب العارمه والطاغيه سيتنازل سيادته ويتقدم للترشيح ولن يتقدم احد امامه لعدم استيفاء احد لشروط الترشيح الا هو وسيفوز بالتزكيه وهي شبيه للاستفتاء الي حد ما

ولن يواجه مشاكل من اي نوع مثل ما واجه والده من قبل لان جميع قيادات الدوله تقريبا تدين بالولاء له من الان وبترتيبات منذ فتره ليست قصيره ومعارضيه الاسلاميون تم القضاء عليهم تماما (من ناحيه التسليح )

كما ان الجيش لا يوجد به قياده واحده تفوح منها رائحه الزعامه والقياده

الموضوع مرتب جدا حتي الان

وتبقي اهم شيء لم يتم ترتيبه في هذا الموضوع الا وهما اراده الله ومكره (ويمكرون ويمكر الله والله خير الماكرين )

كلام سليم مية مية

[abdelalemeelkhateb]

هذا الرجل ربنا يمد لنا فى عمره كفاية انه الملقب بالضربة الجوية الأولى وبالصراحة انا هذا الرجل باحبه جدا وعلى فكرة انت لست منتمى لإى سياسة بل مواطن عادى من الشعب

[redwany]

مع احترامى للجميع

نحن دولة موسسات ولو مات الريس الامور هتمشى طبيعى جدا

رئيس مجلس الشعب يتولى المسئوليه لمدة شهرين حتى اتمام الانتخابات

سيتم تطبيق المادة 76

ولن يتقدم اى احد معروف سوى جمال مبارك

وسوف يقوم بعمل انتخابات نزيهه وتحت اشراف قضائى كامل وربما ياتى بمراقبين دوليين واذا لم يفعل ذلك انا انصحه بذلك

لانه ساعتها لن يكون هناك احد يعرفه الناس غيره فى ظل الماده 76

وهيفوز هيفوز وبانتخابات حره

لان الحزب الوطنى مش نايم ومجند ناس كتيره جدا العمد والمشايخ فى القرى وكبار البلاد فى القرى وبالطبع الناس ديه هتجيب اسوت كتيره

وتذكروا ان انتخابات الريس الاخيرة رغم اعتراض الكثيرون كانت انتخابات نزيهه

ولكن السؤال من يستطيع تعطيل هذا السيناريو:

اولا: الاخوان...تاريخهم لا يوحى بذلك فمجرد صفقة مع جمال ممكن يبيعوا القضيه

ثانيا: باقى الاحزاب مجرد جريده ومبنى

واتحدى من يقنعنى بان جمال لن يحكم مصر فى ظل الماده 76 بدون انتخابات حره

[flying tiger]

يا جماعه الموت علينا حق ولكل انسان مميزات (ايه هى الله يباركلك )وعيوب

صحيح الريس سرق مصر هو واولاده ولكنه جنب الشعب المصرى الدخول فى حروب هو غير مستعد لها (انا موافقك و بدل ما يسيب الناس يتقتلوا فى حرب ....قتلهم هو فى المعتقلات رفقا بهم من وحشيه اليهود )يا جماعه كلامى ده ممكن مش هيعجب ناس كتير 000

الريس لو فتح المعبر يبقى الحرب هتقوم

هل مصر مستعده للحرب 000 فين الفلوس ( ما انت قلت انه سرقها هو و اولاده )

هل الدول العربيه هتقف بجانبك 000 لا والله هذا لن يحدث ابدا (لو ربك ثم شعبك مش معاك ...ما حدش هاينفعك )

هل لو كانت رفح بين فلسطين وقطر بدلا من فلسطين ومصر 000 هل ستقوم قطر بفتح المعبر؟؟؟؟؟؟؟؟؟( للاسف جه اليوم اللى بنقارن نفسنا مع ..........قطر .............منك لله يا حسنى )

يا جماعه لو اتفتح المعبر 000 كل واحد يسال نفسه 000 ايه اللى هيحصل بعد كده ( هاتنقذ جرحى و اطفال و نساء من الموت جوعا و يمكن ربنا يرضى عنا بوقوفنا بجوار مسلم فى محنته باقل قدر ممكن و ذلك اضعف الايمان ...)

لازم تاخدوا فى بالكم ان الجيش الامريكى منتشر فى جميع دول الخليج وله قواعد عسكريه قام بضرب العراق منها( الله اكبر)

هل تريد قطر ان تقاتل لاخر جندى مصرى (لا ليس قطر بل انا كمصرى يشرفنى ان اقاتل و اقتل فى سبيل الله و ليس الارض او القضيه الفلسطينيه او القوميه المصريه او العربيه و حتى اخر جندى مصرى )

يا جماعه الجيش المصرى هوه اللى حرر الكويت وفى الاخر المصريون يعذبون فى سجون الكويت (لان مبارك عذبهم الاول فى سجونه تجرا الباقى عليهم )

والله انا باحيى حسنى مبارك على عدم تضحيته بالشعب المصرى فى حروب ستدمرنا وتيتم اطفالنا (نعم هو لم يضحى بالشعب فى حروب و انما تكفل هو بذلك فى السجون و المعتقلات و اقسام الشرطه و المبيدات المسرطنه و الغلاء الفاحش ......)

اما باقى الدول العربيه ستكتفى بالدعاء لمصر من المساجد فقط ( احنا ليه حاطين غيرنا سبب لعدم فعلنا اى شئ مش احنا بنقول اننا الكبار ...طيب ما نتصرف كالكبار و مالناش دعوه بغيرنا و نقدر ..........لو عايزين و الل مش مصدق يفتكر السادات عمل ايه فى 73 )

اما بالنسبه لو مات حسنى مبارك اليوم فى مصر اعتقد انه هتقوم حرب على كرسى الحكم وهييجى حرامى جديد هيسرق مصر

اعذرونى يا جماعه 000 ده رايى واختلاف الراى لا يفسد للود قضيه ( بالتاكيد............تحياتى و احترامى )

اخى الفاضل ابوعمر

انا قلت اختلاف الراى لا يفسد للود قضيه

فانا مصرى مقيم بالسعوديه ودخلت الجيش فى مصر واعرف كويس الظروف التى اضطرت السادات سابقا لمعاهدة كامب ديفيد

مش عاوزين العواطف هى اللى توجهنا لازم نعقلها كويس

يا اخى لازم نعد ما استطعنا من قوه قبل الحرب

اكيد طبعا لازم ننقذ الجرحى الفلسطينيين ولكن الان ليس وقت الحرب المناسب

اكيد احنا اتسرقنا من الريس واولاده والحكومه

يبقى قبل ما نحارب نتحاسب مع الناس دى

اما بالنسبه للسجون والمعتقلات دى سياسة جميع الدول العربيه

انت دلوقتى بتتكلم انك عاوز حسنى يمشى ويسيب الحكم

طيب عملت ايه علشان يتحقق طموحك

وانت مقلتش ايه اللى هيحصل لما حسنى يموت اللى هوه اصل الموضوع

واذكرك انى احبك فى الله واحب اخوتى الفلسطينيين ولكن ليس عندى استعداد لاحتلال جديد وقتل اهلنا وترميل نساءنا

وانا مقتنع بشىء قبل ما تدخل فى الحرب اصلح بالداخل

هل شاركت فى مظاهرات ضد حسنى ولا خفت ليدخلوك المعتقل

ومش معنى انى بقول ان حسنى صح لانه مفتحش المعبر كليا انى بحبه

واذكرك جمال عبد الناصر زمان دخل مصر فى حروب كثيره دمرت مصر

اما بالنسبه ان مصر هى كبيرة العرب فهذا غير صحيح الكبير اللى معاه فلوس واحنا بنروح نشتغل عندهم

الكبار اللى معاهم فلوس دخلوا الامريكان اراضيهم وتعتبر الان شبه احتلال فى الجزيره العربيه

القواعد الامريكيه منتشره فى كل مكان

[ابو محمود]

الراجل دة مش هيموت عارفين لية

علشان دة تفصيل عشنا يعنى علينا

الجبن اصبح خيالنا بمعنى اننا جبونا على قول الحقيقة

لواحنا ناس نستاهل حاكم عادل مكناش سكتنا على شوارع رقيعة وكلها حفر اوخبز نتقاتل من اجلة

او خضروات كلها برائحة المبيدات

او استيراد ما نلبسة من دول كنا نسبقها فى صناعة الغزل (الصين وخلافة )

او تعطيل وافراغ العمالة المصرية من المصانع وقفلها والأكتفاء بالصناعة المستوردة

او احتكار بعضآ من مواطنى العرب ومصر لكل منابع الخير ولهف فلوس الغلابة

الفشل فى التعليم الأساسى لأخراج اجيال فاشلة تكون نواة طيعة فى يد الحاكم القادم

اذدهار الفساد ومحاربة دين اللة بنشر اكاذيب عن الاسلام ومحاربة كل داعية محترم وتعيين مكانة كثير ممن يجهلون فى الدين واضعاف دور المؤسسة الدينية واظهارها بالضعيفة والغير شرعية

او او او حجات كثيرة لسة فى الجيراب

علشان كدة الراجل دة لما يموت هييجى واحد تانى من المؤسسة العسكرية لاننا لابد وأن نحكم من خلالها

اما موضوع التوريث فدة زوبعة فى فنجان وراحت الزفة علشان بوش

اما العسكر فلا يمكن ان يتركو كرسى حكم مصر لاننا نحكم من خلال الجيش والباقى انتو عارفينة

[ابتسامــة]

علشان كدة الراجل دة لما يموت هييجى واحد تانىمن المؤسسة العسكرية لاننا لابد وأن نحكم من خلالها

اما موضوع التوريث فدة زوبعة فى فنجان وراحت الزفة علشان بوش

اما العسكر فلا يمكن ان يتركو كرسى حكم مصر لاننا نحكم من خلال الجيش والباقى انتو عارفينة

ومين في المؤسسة العسكرية حاليا تجده أنتَ مُرشح ليكون الرئيس القادم؟!

تم تعديل 14 يناير 2009 بواسطة ابتسامــة

[شحاته محمد شحاته]

لقد سجلت فى الموقع اليوم فقط وفى الحقيقه اننى لم اتوقع ان يكون اعضاؤه بهذا النضج الفكرى والطرح الجيد للموضوعات والتعليقات عليها لذا فاننى اعرب عن سعادتى بما اقراه من ردود للاعضاء بغض النظر عما اتفق او اختلف معه فى رايه

[شحاته محمد شحاته]

لقد سجلت فى الموقع اليوم فقط وفى الحقيقه اننى لم اتوقع ان يكون اعضاؤه بهذا النضج الفكرى والطرح الجيد للموضوعات والتعليقات عليها لذا فاننى اعرب عن سعادتى بما اقراه من ردود للاعضاء بغض النظر عما اتفق او اختلف معه فى رايه

وفى الحقيقه انا عندى نكته جميله اوى على الموضوع ده تقول 0

الوقت _ سنة 2050

يقول الرئيس حسنى مبارك _ فضلتو تقولو توريث توريث اهو الواد مات