كندا تمنح جنسيتها لطفلة ولدت في أجوائها

[moheltohamy]

هو انت ماتعرفش يا تورنتو

ان لاسف للاسف الشديد

البنات في مصر بقت بتتخطف في عز الضهر من الميكروباسات عيني عينك وينزلوا الناس من الميكروباس ويخطفوهم؟؟ وموش مرة والا اتنين ؟؟ لا دي بقت ظاهره ممكن تقول شهرية طبعا دة غير الخطف والاغتصاب في الاماكن المستترة ..دة انا باقول من وسط مكروباس

اخر قضية 10 طلعوا خطفوا واحدة من جوة قلب بيتها والجيراااااااااااااااااااااان بتتفرج بقول وجيرانها بتتفرج وبعدين خدوها واغتصبوها

دة غير اللي بيحصل في الاعياد على عيون الاف من المسلمين

انت ماتعرفش انك ممكن تتثبت لو انت موش مسلح في اي شارع واي وقت وتتسرق في مصر وممكن بكل سهولة تتقتل علشان 200 جنية؟

ماتعرفش ان الناس بقت بتجيب حقها في مصر بالرصاص والبلطجية لان الشرطة فاسدة ومابتحميش حد ؟

وكل يوم واحد يقتل واحد علشان 10 جنيه

على الاقل انت لو اتصلت بالشرطة في كندا هايحموك لكن في مصر هايكملوا عليك دة اذا مالبسكش قضية وضيعك

المعارك بالرشاشات بنسمع عنها كل يوم بالذات في الاماكن اللي فيها اراضي موش متسجلة او حيازات وملكية ولعلمك دول موش عصابات مجرمين لااا دول ناس بتسجل ملكية بس بالسلاح موش الشهر العقاري

دة بقي غير البلطجية والعصابات وفرض السيطرة

والله لو قعدت اكتب موش هاخلص النهاردة

ماتقلبش علينا المواجع

إنتا بتتكلّم جد يا زناتي؟! :lol:

داحنا على كده مش عايشين ف البلد!

أمّال مصر بلد الأمن والأمان راحت فين؟! وأغاني ما شربتش من نيلها وكده؟!! :)

أنا بجد مش قادر أصدق! :lol:

[samehelassad]

مع كامل الاحترام والتقدير. الكلام دة غير صحيح اطلاقا هو احنا مش مصريين ولا اية.

[znaty]

مع كامل الاحترام والتقدير. الكلام دة غير صحيح اطلاقا هو احنا مش مصريين ولا اية.

يا اخوانا هو انتوا اللي بتتكلموا جد وماتعرفوش ؟؟؟

يا اخوانا حكم ااعدام صدر على ال 10 اللي خطفوا الست من بيتها اول امبارح

وبتوع الميكروباس اللي في عز الضهر لسة بدوروا عليهم وكان جايبين تقرير عن اموضوع في العاشرة مساء

فاكرين ظابط الشرطة اللي اتقتل من سنة لما سمع واحة بتصوت في ميكروباس تاني بردة وطاردهم وقتلوة

وغيرة وغيرة كتير جدا جدا وبصفة دورية تقريبا اتفرجوا على العاشرة مساء والمحور والقاهرة اليوم واقروا الحوادث وانتوا تعرفوا

يعني هو انا هاألف الكلام دة من دماغي يعني ؟؟ هو انا موش مصري زيك ؟؟

مانا زعلان اكتر منكم ميت مرة وقلبي بيتحرق وانا باقوله او باسمعه

بس دي الحقيقة وموش هانهرب منها

[شاب مصري]

http://www.youtube.com/watch?v=W_W-jChYUbw

بدون تعليق

حدث بالفعل شئ مماثل الاسبوع الماضي ...عندما اقتحم شاب مدرسة وفتح النار علي التلاميذ ووقع عشرة قتلي وكثير من الجرحي مابين 10 و 16 عام...طبعا في تورنتو...

ولاد وبيهزرو مع بعضيهم ايه المشكلة يعني :lol:

[znaty]

انا مش معارضك في اي كلمة انت كتبتها لاني بالفعل ماعرفكش وحئيئي الكلام ماكنش موجه ليك تحديدا...انا كنت بتكلم بصورة عامة...هو كل اعتراضي علي وصفك ليه انى ابنك.يعني امبارح تبعتلي رسالة تئولي فيها اننا ممكن نكون اقارب والنهاردة تدعي اني ابنك...حاجة تبرجل :lol: ... .طب انا عندي فكرة بما اننا ممكن نكون اقارب كما تدعي وطبعا حيكون لي الشرف..ماتسيبك من الهجرة الكحيتي بتاعة العمالة الماهرة و تظبط في هجرة رجال الاعمال...لامقابلة ولا ايلتس ولا وجع الب...وحتبقي في كندا في ستة اشهر مادام انت رجل عندك املاك زى مابتئول...يعني كانت فكرة ربما كانت تايهة عنك وافشتهالك...اخيرا انا ماتهمتكش انك بتسئ لسمعة مصر انت فقط بتبالغ شوية ربما كان زهق او سخط علي اوضاع مش عجباك ..اشوفك في كندا بعد سنتين او تلاتة او يمكن ماشوفكشي خالص. :unsure: ..تحياتي.

ازاي الكلم موش موجهلي وانت بتقول زناتي وبعض الاعضاء وفي اخر لجملة كتبرير بتقول ماهي ناس بتبيع وبتعمل

انا ماقولتش انت قريبي والا ادعيت ..انا قلت عيلة الزناتي مناسبة من اباظة فبتاكد انت من الفرع دة والا لا والحمد لله جت سليمة وعلى رايك انت مقطوع من شجرة ودة واضح

ومين قالك اني مافكرتش في هجرة رجال الاعمال؟؟ عاوزين اجمد 300 الف دولار عندهم يعني مليون وربع مصري او اكتر ودة موش منطقي اني احطهم في بنك حساب جاري علشان الربا طب ما انا اشغلهم في السعودية اجدع ميت مرة وانا شغال حر في السعودية من اكتر من 8 سنين وسوق عارفه وفاهمه

او اني اشتري عقارات في كندا في الوقت اللي العقارات بتخسر في العالم كله والبنوك هناك فلست بسبب كدة

وبعدين مين قالك موش عاوزين ايلتس ؟ طبعا عاوزين ..على الاقل لما دورت في الموضوع دة من سنتين كانوا عاوزين ايلتس ردة ماعرفش الوقت الوضع ايه علشان اكون دقيق

وعموما انا موش عاوز سرعة انا مصلحتي تتاخر علشان صلاحية كارت الاقامة تتطول اكتر لغاية ما اشوف حاعمل موضوع الجنسية ازاي

ماتنساش ان كل رجال الاعمال الناجحين في مصر معاهم باسبور تاني

ابو العنين ايطالي لكح فرنساوي اسماعل انجليزي وغيره وغيره وغيره

انا موش ببالغ في اللي قلته ..انا قلت اخبار محضة باسمعها كل يوم ونقلتها زي ما سمعتها ..وما كنتش هاتكلم في الموضوع دة اساسا ..دة شيئ محزن ومخجل ..بس لما لقيتك بتذكر شيئ .. فالشيئ بالشي يذكر

انت موش محتاج ويكيبديا علشان معدل الجريمة في مصر ..روح كدة قسم الساحل في شبرا والا الورديان وكرموز في اسكندرية واقف عالباب

والا قبض الامين النباتشي واتفرج على دفتر المحاضر

ثم انت ماتعرفش ان فيه اكتر من 6 جرائم تعذيب افضي الي موت وقتل عمد لضباط شرطة بس الشهرين اللي فاتوا ؟

وعلى فكرة لو هاتتكلم عن معدل الجريمة برة اتكلم عن لندن وعن امريكا موش كندا

انا مافقدتش الامل في مصر ابدا ..ولاد البلد الجدعان اللي قلوبهم كلها خير كتير كتير جدا وامثالهم هنا كتير زي الشامي والتهامي وايهاب سالم وقناوي وغيرهم كتير مع حفظ الالقاب والاحترام ليهم كلهم

وانا اصحابي اللي مصر ارجل ناس واللي بينا فوق التصور

المهم

انصح الناس ودة من واجبك عليهم ...بس في فرق بين النصيحة والاحباط...موش كل اللي هاجر نجح وبردو موش كلهم فشلوا

موضوع اشوفك في كندا دة...اطمنك ....موش هايحصل ...ماتفهمش غلط ...دة بس علشان انا موش حاقعد فيها وموش هابقي فاضي ..دة اساسا لو ربنا اراد وكان فيها خير

[ايهاب سالم]

كندا فيها تعتيم اعلامي !!!!!

جايز برضه :)

معدل الجريمه في كندا اعلى من مصر !!!!!!!

جايز برضه :)

اللي يخرج من داره يتقل مقداره !!!!!!!

صحيح

انا لو خرجت من كندا و رجعت مصر فعلا هينقل مقداري

انا مش هاتعب نفسي زي كل مره و اجيب احصائيات و تقارير

الموضوع مش مستاهل جدل خالص يا جماعه

واي حد عنده بصيره و عقل سليم يقدر يوزن اي كلام بيتكتب هنا

تم تعديل 16 يناير 2009 بواسطة ايهاب سالم

[ايهاب سالم]

الاخوه اللي مش مصدقين اللي بيقولوا الزناتي واضح انهم لا يطلعون على صفحات الحوادث

يمكنكم الاطلاع على الواقع المصري حاليا صوت وصوره على مدونة الوعي المصري

[Torontotruk]

انا مش هاتعب نفسي زي كل مره و اجيب احصائيات و تقارير

م/ايهاب...بجد ومن غير هزار..كل اللينكات اللي بتنزلها في المنتدي صحيحة...مافيش كلام...وانا شخصيا باعترف بكده..لكن الحكومه الكندية ماتأدرش تعمل غير كده...يعني ماتأدرش تنشر غسيلها /اللي مش نضيف/جهارا نهارا...يبئي حيتوقف حالهم...المهاجرين معناها بكل بساطة فلوس داخلة البلد...يعي ببساطة انت عندك توكيل سيارات ...طبعا لازم تعمل دعاية للمستعمل فيه أبل الجديد ...والدعاية دي حتكون محترمة ...يعني مش معقول حتقول العربيات المستعملة المواتير مفوته..والجديد من غير ضمان...علي العموم ان أولت قبل كده...اكتشفها بنفسك اقصد كندا...وماحدش حيقدر يفهم الكلام ده الا لما يوصل في رحلة المجهول كندا...

[znaty]

الاخوه اللي مش مصدقين اللي بيقولوا الزناتي واضح انهم لا يطلعون على صفحات الحوادث

يمكنكم الاطلاع على الواقع المصري حاليا صوت وصوره على مدونة الوعي المصري

موش عارف والله يا باشمهندس ايهاب ؟؟ انا مستغرب جدا انهم متفاجئين

دة عدم الامان في الشارع المصري وارتفاع معدل الجريمة والأسوأ هو نوعية الجريمة نفسها وانحطاط الاخلاق العامة وانفلات اعصاب الناس وردود الافعال العنيفة بقي حديث الشارع وكل برامج التووك شو يوميا وموضوع للابحاث الاجتماعية في كل مكان الوقت

[znaty]

بس انا باكرر

انا موش باقول كدة علشان ابرر للهجرة واحلى صورة كندا واسوا صورة مصر زي ما تورنتوزز بيقول

لكن الشيئ بالشيئ يذكر ودي حقيقة لازم تذكر

[pharaon]

على فكرة يا زناتى انا جالى ارتيكريا من الايلتس ده

ربنا يسهل يا رب ونخلص منه على خير

على فكرة يا جماعة موضوع الجرايم فى مصر ده انتشر جدا

انا لسه امبارح اخوية الى عايش فى مصر بيحكيلى على محاولة سرقة بالاكراه اتعرض ليها

ولولا اصحابه مكنش عرف يجب فلوسه ولا الموبيل بتاعه الى اتسرق والكلام ده كان عند صلاة المغرب وتحت البيت واحنا ساكنين فى منطقة عمار جدا (الهرم )

يا جماعة لو اى حد ليه حق فى مصر مش هيعرف يجيبه الا بمعرفة او بيبلطجة

يا بواسطة

يا بخناقة

من الاخر بقت غابة

انا اخر مرة كنت فى مصر

واحد دخل بعربيته فى عربيتى خلاها كوفته (Total loss) ( ملحوظة العربية كانت مركونة صف اول تحت البيت والاخ الله يحرقه دخل فيها على سرعة 90 )

وداس 3 ستات (فرمهم ) واحدة ماتت واتنين كسور

ولولا التامين كان زمانى مت حسرة على عربيتى

ولغاية يومنا ده محدش قدر يجيب الراجل الى دمرلى عربيتى وموت واحدة ست وكسر اتنين كمان

بقولها تانى

مصر بقت غاااااااااااااابة

كلامك يا زناتى صح جدا وانا معاك

على فكرة يا تورونتو انتا دايما بتكلمنا على اساس ان احنا مرحناش كندا ومشفنهاش

احنا بقى الى بنكلمك على مصر الى بيتهألى ان معلومتنا احنا اكتر منك عنها

[شاب مصري]

مصر الله حاميها .

[jessika]

انا مع زناتى فى كل كلمة الشارع المصرى بقى مرعب وفعلا العاشرة مساءا و90 دقيقة بتعرفك بلاوى غير اللى بنشوفوا بعنينا سرقة الموبيلات مثلا بقت متكررة كل ساعة مش كل يوم وبقت اسهل ما يمكن وبنفس الطريقة حصلت مع اقارب لية كتيرررررر وانت ماشى تتكلم عز النهار بالشارع وواحد وزوجتة ماشيين اتخطفت من ايدة واغتصبت وابشع حاجة بصراحة انا عن نفسى بقيت بخاف وانا ماشة بالشارع تصوروااااااا تحرش ولاد فى ابتدائى واعدادى وكلام فظيع بيقلوة وفى شارع جنبنا عز النهار اتخطف طفل من على ايد مامتة وهى ماشية اسكتووووا بقة بجد احنا خلاص فعلا بقينا مرعوبين من كل حاجة وحضرتك تقول مفيش حاجة بتحصل ؟ جايز بردو

[znaty]

بص يا تورنتوز انا ماكنتش عاوز اتكلم في الموضوع دة تاني

بس بالصدفة البحته انا في ايدي الوقت جريدة الاهرام عدد الجمعه اللي فاتت على طول 16 يناير

اسمحلي افتح صفحة الحوادث اليومية واكتب عنواين الحوادث

عنواين حوادث يووووووووووووووووووم واااااااااااااااااااااااااااااااااحد بس

وخد بالك اوي وركز في العوان الاول

كمين شرطة يرفض المساعدة في انقاذ فتاة من الخطف بالخليفة

احالة ضابط شرطة الى الجنايات بالمنيا لاتهامة بضرب سيدة حتى الموت

عاطلان يقتلان زميلهما بالمهندسين بسبب 100 جنيه

شاان يقتلان صديقهما بدافع الانتقام

ضبط عشرة اطنان و17 مليون عبوة طعام فاسد

قسوة الانتقام اعترافات مثيرة لقاتلي الكومبارس في الطالبية

دة غير مجموعة لاباس بها من حوادث التزوير والرشوة وانهيارات المنازل وحوادث الطرق اللي بتموت بالاربعين في اليوم بسبب سوؤ سلوك السائقين وحالة الطريق

دة يوم واحد وبدون تعليق

وحسبنا الله ونعم الوكيل

[Torontotruk]

وفي امريكا ممكن تضرب بالنار في عز الضهر..وممكن تموت علشان خاطر ام.بي.تري بتلاتة ابيض..وممكن تتخطف وتتسرق كليتك او عينك وبعد كده يرموك في بركه ...في كل مكان في حاجات زى دي...وخاصة في بلد تعداد سكانها تجاوز 78 مليون...في احياء في القاهرة تجاوز تعداد سكانه 5 مليون نسمة...طبيعي وشئ متوقع..اما عن تجاوزات الشرطة في مصر فالموضوع ده اعرفوا من زماااااااااااان.

[samehelassad]

بصصو ياجماعة بلاش تهويل وكلام لامواخذة مالوش لازمة. وافورة على الفاضي. الكلام اللي انتو بتقولوة دة معلش انا ماشوفتوش خالص. انا الحقيقة مش عارف انتو بتتكلمو عن اية. اة انا مش في مصر حاليا. بس انا لسة سايبها في 2007. وخلال السنة اللي فاتت نزلتها مراتين. الكلام دة مابيحصلش. بجد مصر من اامن البلاد في الدنيا بس ياعيني اللي ماسافرش فاكر الدنيا امان ومصر مش امان وفاكر تحت القبة شيخ. انا لما كنت عايش في السعودية وكنت عايش هناك في الرياض وفي ارقى الاحياء عربيتي اتسرقت 5 مرات. موبايلي كان بيتسرق من ايدي وانا بتكلم فيةّ!!!!!!!!!!. بقول الكلام دة لواحد صاحبي بيقوللي الكلام دة عادي. واحدة زميلتي بتقوللي انا موبايلي اتسرق من على حجري وانا راكبة في التاكسي مستنية صاحبتي تنزل من بيتها. من واحد ماشي في الشارع!!!!!!!!!!.

على العكس بقى وانا في مصر عايش ومقيم وباشتغل وبنتي في المدرسة. وكنت مدير منطقة القاهرة الكبرى في شركة ادوية. يعني كانت المنطقة اللي تحت ادارتي من اول الفيوم وبني سويف لحد بنها. وكل المناطق دية روحتها بعربيتي. مش بس كدة كل زيارة لاي منطقة من مناطق القاهرة كنت بزور فيها دكاترتها. يعني بامشي في الشارع وباطلع العمارات حيث اماكن العيادات. ولا عمري ماكنت بسمع عن الحكاوي العجيبة اللي بتقولوها. اللي بتقولوها كما لو ان الكلام دة هو الحياة اليومية للشارع المصري. انا الموبايل بتاعي من نوع I mate يعني حجمة قد الشبشب. ونسيتة في عربيتي مرة لمدة يوم كامل. وكنت فاكرة اتسرق في مكان ما. ولقيتة في العربية تاني يوم وانا نازل الشغل. وكان في مكان واضح. ولمبتة بتنوة نور واضح لاي حد يمشي جنب العربية.

انا مش بقول مصر مافيهاش الكلام العجيب دة. لا فيها. بش مش بالدرجة اللي تخلي اللي بيقرا كلامكو يحس انة للو راح مصر المفروض يمشي معاة حبة بلطجية يحموة. ومافيش ست في مصر ماشية وخايفة على نفسها. ولا خايفة تغتصب. ولا تتخطف من جوزها والكلام العجيب دة. الستات بتمشي في مصر في امان ولوحدها الساعة 12 باليل. طب دانا في يوم من الايام والله. واقسم بالله. دخلت انا ومراتي سينيما في وسط البلد. عشان فيها فيلم كنت عاوز اشوفة ومالقيتهوش الا هناك. والقاهري. يعرف فين سينيمات وسط البلد. وكانت حفلة منتصف الليل. الحقيقة انا اتخضيت وانا في السينيما لما لقيت كل اللي في السينيما رجالة فقط. كانو العمال اللي بيشتغلو في محلات وسط البلد. ومراتي الست الوحيدة اللي في السينيما. والله اترعبت وخفت عليها. خرجنا الساعة 3 صباحا من السينيما بعد الفيلم. ومشينا لحد العربية وكنت راكن بعيد. والله ولا واحد حتى بص عليها. وكلهم عمال بيتشغلو في محلات. يعني غلابة ومستوى ثقافي ضعيف. لكن شهامة واحترام.

فياريت بلاش الكلام الزيادة اللي مابيعملش الا انة يشوة بلدكم ويضايقكم. ويرعبكم على الفاضي. محدش فيكم يعرف هو رايح لللاحسن ولا الاوحش. بلاش تكرهو نفسكو في بلدكو على الفاضي والكلام بتاع الجرايد الصفرا اللي بتقروة دة يحسسكو ان البلد زي مابتقرو. البلد زي مابتعيشوها. الكلام اللي قلتهولكو دة عن السعودية مش بيتقال في جرايدهم. بس كل الناس هناك عايشاة. العكس في مصر. بيتقال في الجرايد ولا انا ولاحد من عيلتي او صحابي او في شيركتي او عيلتهم او اصحابهم شافوة او عاشوة.

كفاية.

[samehelassad]

انا مع زناتى فى كل كلمة الشارع المصرى بقى مرعب وفعلا العاشرة مساءا و90 دقيقة بتعرفك بلاوى غير اللى بنشوفوا بعنينا سرقة الموبيلات مثلا بقت متكررة كل ساعة مش كل يوم وبقت اسهل ما يمكن وبنفس الطريقة حصلت مع اقارب لية كتيرررررر وانت ماشى تتكلم عز النهار بالشارع وواحد وزوجتة ماشيين اتخطفت من ايدة واغتصبت وابشع حاجة بصراحة انا عن نفسى بقيت بخاف وانا ماشة بالشارع تصوروااااااا تحرش ولاد فى ابتدائى واعدادى وكلام فظيع بيقلوة وفى شارع جنبنا عز النهار اتخطف طفل من على ايد مامتة وهى ماشية اسكتووووا بقة بجد احنا خلاص فعلا بقينا مرعوبين من كل حاجة وحضرتك تقول مفيش حاجة بتحصل ؟ جايز بردو

معلش ياجيسيكا انا اسف بس حضرتك عايشة فين. انا عايش في مدينة نصر. وخالتي في المهندسين. وحماتي في مصر الجديدة. وابويا في ستة اكتوبر. وخالي في شبرا. وابن عمتي في المقطم. عمي في حدائق القبة. محدش سمع او حد قالة عن الكلام دة؟؟؟!!!

[samehelassad]

محدش بقى يروحلي منشية ناصر (منطقة عشوائية اصلا) ولا الباطنية, والاماكن الشعبية المدفونة. اللي فيها ناس تحت خط الفقر ويتميزو بالجهل والحقد والتخلف. ويقوللي هي دي مصر.

اسف بس مش هي دي مصر.

[pharaon]

على فكرة يا باشا الكلام ده حصل مع اخويه اول امبارح وهو ماشى فى شارع الهرم

جمب البيت

وحصل مع واحد صاحبى من فترة

بيحصل ياباشا السرقة فى عز الظهر

بس ممكن عشان حضرتك بتتحرك بعربية

لو حضرتك بتتحرك كتير برجليك او مواصلات هتتاكد وهتقابل من ده كتير

زيى انا قبل ما اجب عربية فى مصر كانت بتقابلنى المواقف ديه كتير

واانا وخطيبتى لما كنا ماشين ناس تضايقنا ( ولازم تقلب بخناقة يا تضرب بتحصل يا باشا )

لكن اول ما اشتريت عربية والمواقف ديه مبقتش بقابلها

[pharaon]

شارع الهرم مش تحت خط الفقر على فكرة

انا ساكن فى المريوطية يعنى منطقة راقية وحيوية جدا