مساعدة من اهل الامارات

[samooo]

الســــلام عليكم

انا بأذن الله جاى الامارات اخر الشهر وحدور هناك على شغل بفيزا زيارة ... وانا مؤهلاتى Oracle Developer & EBS Oracle Financial

وخريج كلية تجارة سنة 2006

فياريت الى يعرف شركات شغالة بنظام اوراكل ..او محتاجين ياريت يبعتلى وشكرا :)

[samooo]

السلام عليكم يارجالة

محدش رد عليا من اهل الامارات

طيب اية ظروف البلد دلوقتى فى الشغل ...انا جاى الاسبوع الى جاى ياريت حد يعرفنى ضروورى ..وشكرا ليكو جداااا

[Looking For The Deep Fact]

و عليكم السلام أخي الكريم

لقد تأثر الخليج عموماً و الأمارات خصوصاً بالأزمة العالمية وأصبحت الكثير من الشركات أكثر حذراً في الإنفاق مما أثر سلباً على التوظيف.

ولكن مازالت هناك بعض الفرص و الأرزاق لا تعترف بالأزمة العالمية.

عليك بالبحث عن اعلانات التوظيف في جريدة Gulf News

و بالتوفيق

[leh ps keda]

يا اخ سامو..تنور الامارات ..وعايز اطمنك ان في شغل هنا ..وربنا يسهلك وتلاقي شغل علطول- بس اهم حاجة تيجي علي حد تعرفه عشان السكن والمواصلات غاية شوية..ولازم توثق الشهادات بتاعتك من الجامعة وبعدين تتطلع علي الخارجية وبعدين السفارة الامارتية. ومكن تستغل الاسبوع ده في الاشتراك في مواقع التوظيف .زي جلف تالنت __ بيت___مونيستر.ولومحتاج اي حدمة من ابوظبي اناتحت امرك في اي حاجة

اخوك -هيثم

[leh ps keda]

نسيت اقولك ان لو عند حبرة كويسة في البرمجة خد الرقم ده لراجل محترم جدا عنده شركة في الامارات _00971506147500 اسمه الاستاذ-مجدي وان شاء الله حيساعدك علي قد ما يقدر.

[samooo]

شكرا جدا جدا يابشمهندس .انك طمنتنى شوية ..لان انا رايح بلد اول مرة اروحها وثانيا اول مرة اسافر برة مصر

ومتشكر جدا ..وبلنسبة للبرمجة ..انا معرفشى الابرمجة اوراكل للديفولوبر وerp >>>وشوية فى xmlبحكم شغلى ...وشكراا ليك مرة تانية:sad:

[honda]

..........

تم تعديل 17 يناير 2009 بواسطة honda

[honda]

بالتوفيق يا أخ Samooo وانا احتمال احصلك كمان شهر او اتنين ان شاء الله بس لما توصل وتشتغل ياريت تبقى تطمننا عليك وتعرفنا وبالتوفيق ان شاء الله

[honda]

بالتوفيق يا أخ Samooo وانا احتمال احصلك كمان شهر او اتنين ان شاء الله بس لما توصل وتشتغل ياريت تبقى تطمننا عليك وتعرفنا وبالتوفيق ان شاء الله

>

[tamer nazieh]

اخواني الاعزاء

انا مهندس ميكانيكا واعمل باحدي الشركات في القاهرة براتب جيد (حوالي 4000 جنيه) ومتزوج ولدي طفل رضيع ولقد رزقني الله بعقد عمل في هيئة مياه وكهرباء دبي في جبل علي بدبي براتب حوالي 8500 درهم شاملة كل شيء(اساسي +بدلات) ومن الممكن السكن في كرفان بجانب موقع العمل مع 2 من الزملاء ب200 درهم ولكن لا يوجد سكن للمتزوجين........وانا في حيرة كبيرة من قبول العقد او رفضه حيث ان العمل بالحكومة(هيئة مياه وكهرباء دبي) له عدة مزايا كالاستقرار ولكني بعد قرأتي لأراء اغلب المقيمين في الامارات فؤجئت بارتفاع اسار المعيشة والسكن خاصة وانا افكر في استقدام زوجت و ابني بعد سنة فارجو افادتي ولدي بعض الاستفسارات:

1-ما متوسط اسار الايجار في الشارقه وما حقيقة ان المسافة بينها وبين دبي تاخذ 1.5ساعة للازدحام

2)هل هناك بديل افضل وارخص من الشارقة (اوصاني البعض مدينة العين وهل هي بالفعل تقع بالقرب من جبل علي (اين يقع جبل علي-سمعت انه علي حدود دبي)

3)كم يبلغ متوسط الصرف الشهري بالتفصيل لاسرة صغيرة (اكل-فواتير كهرباء و غاز -نت)

4) لو حد عنده معلومات عن العمل في هيئة مياه وكهرباء دبي...ياريت يفيدني

ارجو النصيحة وجزاكم الله خيرا

[قاهرى]

اخى العزيز اوعى تيجى دبى على الراتب دة واساسا نصيحة كمان انت شكلك من سنى تقريبا شاب يعنى بلاش تشتغال فى حكومة هنا فى الامارات

مش هتكتسب اى نوع من الخبرة ولا هتحس بنفسك كمهندس

انا هقولك على تجربتى انا رحت اشتغلت فى بلدية الشارقة ب 8500 جنية وانا على فكرة بردوا عندى طفل صغير زيك لكن والله تانى لا تكفى ابدا مبالك دبى

عمرك مهتعرف تجيب مراتك ولا ابنك ابدا وهتفضل طول عمرك متغرب عنهم وفى الحكومة مش بسهولة ابدا تزود رتبك على مزاجك لا دة مشية على درجات وظيفية حكومية مش هتعرف تعمل معاهم حاجة ابدا

اسمع الكلام انت رتبك مشاء الله علية ربنا يباركلك فية ممتاز فى مصر اوعى تضحى بية وتيجى هنا

اقللا حاجة تقبل بيها فى دبى كمهندس 15000 درهم كدة يدوب تقدر تسكن فى دبى بسكن عائلى ويكون عندك عربية لان التنقلات هنا غالية

موضوع انك تسكن فى الشارقة او عجمان هتتبهدل يا ابن الحلال اخر بهدلة دة غير ان الايجارات فى الشارقة وعجمان زادت اوي وغير المشوار الى هتضربو كل يوم فى زحام مروارى ليس له مثيل هيخليك تكره السواقة والبلد ودبى واليوم الى جيت لدبى

موضوع العين دى مستحيل مين قالك كدة دى العين على بعد 200 كيلو يا عم الحج من دبى والايجارات فيها مولعة زى دبى واكثر لانها جنب العاصمة ابوظبى

اوعى تيجى بجد نصيحة من اخوك والله العظيم

[BONOFREEZ]

لسلام عليكم فى البدايه احب انا اوجه شكرى لكل الاعضاء ولم اتردد بصراحه فى التسجيل بالمنتدى بمجرد رؤيتى للمواضيع الهادفه فى هذا المنتدى

بأذن الله سوف اذهب الى الامارات الاسبوع القادم باحثا عن فرصه عمل مع العلم بانى اعمل فى مصر ولكن راتبى لايستطيع ان يكفى طموحاتى وامل من الله عز وجل بان يقدر لى الخير حيث ما كان

ولى طلب من الاخوة المغتربين او المواطنين توضيح ما هو الراتب الذى استطيع ان اقبل به ويكفى احتياجاتى وتوفير منه قدر المستطاع وللتوضيح ايضا اعمل فى مجال IT ووظيفتى هنا NETWORK ADMINISTRATOR بالتحديد فىمجال الشبكات وحاصل على شهادة MCSE بحمدالله