الحصول علي بيان درجات من الكلية transcript

[Diab]

صباح الخير يا شباب

بما اني مسافر برة مصر زي ما كلكم عارفين

أنا للأسف مأخدتش بيان بدرجات المواد بتاعتي من الكلية بتاعتي في المنوفية Syllabus +transcript ولا أخدت نسخة إنجليش من شهادة البكالوريوس

ازاي أقدر أعمل ده بس من غير ما حد يقولي إنزل اجازة عشان الأجازة عشان أذن السفر وتصريح العمل والقصة اللي أخدت نص اجازتي اللي فاتت

هل في مكتب ممكن يعمل الموضوع ده ويبعتهولي وياخد رسوم مقابل ده زائد أني عاوز أعمل التوثيق كمان من الخارجية

ارجوا الرد الوافي

:)

تم تعديل 14 يناير 2009 بواسطة Diab

[حسام يوسف]

بسيطة جدا حضرتك

تقدر تعمل توكيل فى الشهر العقارى لشخص تثق فية

ويستحمل غلاسة الموظفين بتوع شئون الطلاب

وهو يخلص الفيلم ويبعتلك شهادتك على برة

[DIA ELDIN]

بسيطة جدا حضرتك

تقدر تعمل توكيل فى الشهر العقارى لشخص تثق فية

ويستحمل غلاسة الموظفين بتوع شئون الطلاب

وهو يخلص الفيلم ويبعتلك شهادتك على برة

كلامك مظبوط بس انت لو برة مصر في الوقت الحالي يبقى هتعملة في القنصلية وتكون صيغتة استخراج شهادة المؤهل وبيان التقديرات وترجمتهم الى اللغة الانجليزية وبعدين هوا نفسة اللي انت عاملة التوكيل هيوثقهملك من الخارجية وربنا يوفقك

[abdulmuttaleb]

أخي العزيز

يمكنك البحث في الانترنت عن عنوان جامعتك على الانترنت

ومنه تعرف رقم هاتف الكلية

أو:

تكلف أحدا في مصر بالاتصال بـ 140دليل ليعطيك رقم الهاتف

ثم اتصل بهم واشرح لهم الوضع وأخبرهم أنك تتصل من الخارج

وحبذا لو أنك تعرف أحدا هنالك، أو أحدا من أساتذتك في الكلية أو زملاءك المعيدين [أو واحد من دفعتك عجبته الكلية فحب يقضي كام سنة فيها:)]

ولو أن لك أحدا من معارفك هنالك من نفس المحافظة يتيسر له الذهاب للكلية فسيكون الأمر يسيرا إن شاء الله، وجرب أن ترسل فاكس لهذا المعرفة تقرّ فيه بانك تحتاج لكذا وكذا وترفقه بتوقيعك أو رقم بطاقتك ورقم جواز سفر ومثلا فيه ما يثبت أنك في السعودية أي لا تستطيع مباشرة الطلب بنفسك، وصدقني الموظفون ستجدهم متعاونين معك انت فقط اتصل في الصباح الباكر وليس وقت الظهر عز الشغل.

مسألة التوكيل هذه أتصوّر أنها مطلوبة لو أن الموظف متزمت روتينيا ولكن غير ذلك ممكن تمشي الأمور من غيره، رغم أني مستخسر رسوم توكيل بالقنصلية وإرسال بالبريد السريع ووقت وتعب، يعني حاول الطريقة دي لم تنفع يبقى أمرك لله وتوكيل بقى وعمار يا مصر.

تم تعديل 14 يناير 2009 بواسطة abdulmuttaleb

[Diab]

شكرا لكم جميعا علي سرعة الرد

تحياتي