أسئلة الأخوة العرب عن لهجتنا المصرية الجميلة (مواقف طريفة)

[سهل جدا]

*

*

اللهجة المصرية لذيذة ومحبوبة بشهادة كثير من إخواننا العرب ..

وأكيد حصل مع كل واحد فينا (نحن المغتربين) مواقف طريفة بسببها ..

بالنسبة لي، فقد حدث معي بعض المواقف.. وسأسرد عليكم بعضها

(1) صديق عزيز من جنسية عربية سألني قائلا: يا أخي أنا ما أدري انتم عندكم كم نهار في مصر ؟؟

فسألته متعجباً: كيف يعني كم نهار! هو نهار واحد زي موزمبيق وزي أي بلد في العالم !

فقال: لا يا أخي ما قصدت هذا، أنا أقصد إني أشوفكم دائما تقولوا:

يا نهار أسود , ويا نهار أبيض , ويا نهار زي بعضه , ويانهار منيل بستين نيلة و.... إلخ

فأخذنا نحصي أعداد النهارات المصرية فوجدنها أكثر من عشرين ....

فقولت له: يا نهار مش فايت، إيه ده كله !! :wub:

(2) أحد أصدقائي (غير مصري) سألني: يا أخي انتم عندكم كلمة غريبة كده تقولوها في المصيبة , ما أدري إيش معناها ..

فأخذت أتأمل قليلاً ثم قلت: يعني في بعض الستات بتقول عند المصيبة: (يا مصيبتي)

فقال: لا لا مش هذه

ففكرت قليلاً ثم قلت: يبقى قصدك على (يا لاهوي) :)

فقال أيوه هي ديه , إيش معناها ؟

طبعا ما عرفتش أجاوب :blink: , لكن هربت من السؤال، وقولت: لا , بس في فرق لو سمحت

لما الست يجيلها مصيبة عادية, تقول: يا لاهوي

لكن لو المصيبة كبيرة شوية تمد الألف, وتقول يا لااااااااااااااااااااااااااااااااااااااهوي

إلا صحيح يا جماعة، هو يالاهوي دي معناها إيه ؟!!

*

*

*

[شاب مصري]

معناها...

معناها .........

ممممممم بصراحة مش عارف

ياهلوووووووووووويــــــــــــــــــــــــــــــــــــــــــــــي :blink:

[Rocky]

هي بقت كده يعني ؟؟؟

طب حد يعرف معاني الكلمات دي ؟؟؟ :) :wub: :blink:

اونطة - اوربة - هجص - الابندا - شمروخ - ازعرينة - بزرميط - تهييس - لابط

منتظر الجوااب

[الباشمهندس ياسر]

سئل الفيلسوف عن الحنكور فطنش

ثم سئل اخرى فاعتدل فى جلسته

ثم هرش فى صلعته ثم قال

يا لهوى لفظ عربى اصيل

و اصله فى العربيه نداء الندبه مثله مثل واحبيباه او هكذا من الفاظ الندب

و لفظ لهوى اصلها اللهو مضافا اليه ياء النسب

فكأنما صاحب المصيبة يقول والهواه

اى يا مصيبتاه و يا انشغالى فى هذا الذى جد على

هذا والله اعلم

واى خدمة :blink:

[سهل جدا]

ازيك يا أستاذ شاب مصري ..

طيب لو أنت مش عارف معنى يا لهوي ، اشرحلنا معنا يانهار مش فايت

هي بقت كده يعني ؟؟؟

طب حد يعرف معاني الكلمات دي ؟؟؟ :blink: :flr1:

اونطة - اوربة - هجص - الابندا - شمروخ - ازعرينة - بزرميط - تهييس - لابط

منتظر الجوااب

إيه يا أستاذ روكي, يعنى أنت تعبت وكتبت موضوع كامل عشان أعرف معنى كلمة واحدة

تقوم حضرتك جايبلنا 9 كلمات عاوز تعرف معناهم عالجاهز .. :hearts:

[سهل جدا]

سئل الفيلسوف عن الحنكور فطنش

ثم سئل اخرى فاعتدل فى جلسته

ثم هرش فى صلعته ثم قال

يا لهوى لفظ عربى اصيل

و اصله فى العربيه نداء الندبه مثله مثل واحبيباه او هكذا من الفاظ الندب

و لفظ لهوى اصلها اللهو مضافا اليه ياء النسب

فكأنما صاحب المصيبة يقول والهواه

اى يا مصيبتاه و يا انشغالى فى هذا الذى جد على

هذا والله اعلم

واى خدمة :hearts:

والله يا بشمهندس كلامك شكله منطقي

بس هو ده تحليلك الشخصي , ولا كلام ناس لغويين

أتكلم بجد

[مغتربة]

فكرتنى بموقف حصل معايا بس بالشكل العكسى

ففى احد المرات كان زميلى فى العمل ( فلسطينى الجنسيه) يتحدث معى عن موضوع معين محوره السيدات و خلال الحديث كان يريد ان يقول المفروض ان السيدة و يجب ان السيدة و هكذا و لكن لانهم بلهجتهم الخاصه يقولون عفوا ( مره ) بديلا عن كلمه الست او المراه فقد كررها امامى مثلا ما لا يقل عن 15 مره لدرجه انى فقد التركيز فيما يقول و بدءت افكر غصبا عنى و تخيلت لو انه نزل مصر لاى سبب كان و كان يحادث فتاه او سيده و فجاءه خاطبها او القى على مسامعها هذه الكلمه

(اكيد كلنا عارفين ايه الى هيحصل ساعتها wst:: :P :P )

بصراحه مقدرتش امسك نفسى عن الضحك :) ;) رغم انه مكانش فاهم انا بضحك على ايه لان الموضوع الى كان بيتكلم فيه كان موضوع جاد

:sad: wst::

اعتقد ان الاختلاف فى اللهجات بينتج عنها مواقف ضاحكه ( و احيانا محرجه ) فى كثير من الاحيان

[Diab]

:)

معناها يالهولي

وهي جاية من الهول أو فاجعتي او خوفي

كان مشهور بيها يوسف وهبي كان دايما بيقول ياللهول وبيقوا أنوا قال كدة وهو بيموت

[سهل جدا]

فكرتنى بموقف حصل معايا بس بالشكل العكسى

ففى احد المرات كان زميلى فى العمل ( فلسطينى الجنسيه) يتحدث معى عن موضوع معين محوره السيدات و خلال الحديث كان يريد ان يقول المفروض ان السيدة و يجب ان السيدة و هكذا و لكن لانهم بلهجتهم الخاصه يقولون عفوا ( مره ) بديلا عن كلمه الست او المراه فقد كررها امامى مثلا ما لا يقل عن 15 مره لدرجه انى فقد التركيز فيما يقول و بدءت افكر غصبا عنى و تخيلت لو انه نزل مصر لاى سبب كان و كان يحادث فتاه او سيده و فجاءه خاطبها او القى على مسامعها هذه الكلمه

صحيح أنا مش إيه سبب زعلنا من الكلمة ديه اللي قالها الأخ الفلسطيني , مع إنها أقرب للغة العربية الفصحة (المرأة)

مع إني كلمة (ست) اللي احنا بنقولها لا أعتقد إن ليها أي أصلة في اللغة العربية

وعلى فكرة الكلمة دي بيقولوها الخليج برده ، مش بس الفلسطينيين

شكرا على مرورك

[سهل جدا]

:unsure:

معناها يالهولي

وهي جاية من الهول أو فاجعتي او خوفي

كان مشهور بيها يوسف وهبي كان دايما بيقول ياللهول وبيقوا أنوا قال كدة وهو بيموت

يا لهوي = يا للهول

مش عارف , هو في جناس لفظي (زي ما بيقولوا أهل اللغة)

بس ما أعتقدتش إن ليهم علاقة ببعض

(ثانك يو) على تعليقك

[مغتربة مصرية]

يالهوى على حد علمى جايه من اللهيه يعنى ايه يعنى ايه المصيبة اللى هتلهيك دى فاسعتها بتقول يالهوىىىىىىىىى

[رجب كامل]

الصورة الى انت وضعها لرئيس دى مفبركة ولا ايه وانت عارف شغل الفوتوشوب انا ممكن اشيل صورة مبارك واضعك مكانه. ولو وحشتك مصر ياعم انزل وزرها . ام يعم بخصوص يا لهوى هى من اقوال الجاهلية والرسول منهى عنها والله اعلم

[sherifhfm]

طاب خده الموقف التحفه ده

ام احد اصدقائى ذهبت لاحد البلام العربية مش فاكر فين والمهم فى هذه البلد بيقولوا على حرف (ض) ينطق عندهم (ظ) والعكس

المهم التلاجة فى يوم عطلت عندها

راحت اتصلت برقم الصيانة وقالت بسلامة نيه

لو سمحت التلاجة عندى باظة ممكن حد يجى يصلحها

لقت الراجل على التليفوت خرب من الضحك وقال

كويس كل يوم تبيظ بيظه

تم تعديل 17 يناير 2009 بواسطة sherifhfm

[الدكتورة أم أحمد]

*

*

اللهجة المصرية لذيذة ومحبوبة بشهادة كثير من إخواننا العرب ..

وأكيد حصل مع كل واحد فينا (نحن المغتربين) مواقف طريفة بسببها ..

بالنسبة لي، فقد حدث معي بعض المواقف.. وسأسرد عليكم بعضها

(1) صديق عزيز من جنسية عربية سألني قائلا: يا أخي أنا ما أدري انتم عندكم كم نهار في مصر ؟؟

فسألته متعجباً: كيف يعني كم نهار! هو نهار واحد زي موزمبيق وزي أي بلد في العالم !

فقال: لا يا أخي ما قصدت هذا، أنا أقصد إني أشوفكم دائما تقولوا:

يا نهار أسود , ويا نهار أبيض , ويا نهار زي بعضه , ويانهار منيل بستين نيلة و.... إلخ

فأخذنا نحصي أعداد النهارات المصرية فوجدنها أكثر من عشرين ....

فقولت له: يا نهار مش فايت، إيه ده كله !! :o

(2) أحد أصدقائي (غير مصري) سألني: يا أخي انتم عندكم كلمة غريبة كده تقولوها في المصيبة , ما أدري إيش معناها ..

فأخذت أتأمل قليلاً ثم قلت: يعني في بعض الستات بتقول عند المصيبة: (يا مصيبتي)

فقال: لا لا مش هذه

ففكرت قليلاً ثم قلت: يبقى قصدك على (يا لاهوي) mfb:

فقال أيوه هي ديه , إيش معناها ؟

طبعا ما عرفتش أجاوب :unsure: , لكن هربت من السؤال، وقولت: لا , بس في فرق لو سمحت

لما الست يجيلها مصيبة عادية, تقول: يا لاهوي

لكن لو المصيبة كبيرة شوية تمد الألف, وتقول يا لااااااااااااااااااااااااااااااااااااااهوي

إلا صحيح يا جماعة، هو يالاهوي دي معناها إيه ؟!!

*

*

*

أعتقد والله أعلم أن من تقول ذلك تريد أن تقول

قد جاءني ما يلهيني عن كل شأن مهما كان( تبع لعدد مرات حرف الياء المكرر)

وهذا رأي شخصي وليس لغوي

ولا يخفى على كل مسلم أن الندب حرام وأن الممدوح لنا الصبر والاحتساب

فقد قال ربنا عز وجل:

وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

سورة البقرة

كفانا الله وإياكم شر المصائب خاصة اليهود وأعوانهم

تم تعديل 17 يناير 2009 بواسطة الدكتورة أم أحمد

[سهل جدا]

الأخت مغتربة مصرية شكرا على تعليقك

الأخ رجب

الصورة الى انت وضعها لرئيس دى مفبركة ولا ايه

لا يا سيدي الصورة مش متفبركة ولا حاجة, وبعدين الراجل مش محتاج نفبركله صور ، ما شاء الله عليه صوره مالية الدنيا مع إخوانه

الأستاذ شريف ، شكرا على مرورك ..

[سهل جدا]

أهلا بالدكتورة أم أحمد ...

كفانا الله وإياكم شر المصائب خاصة اليهود وأعوانهم

وصلت رسالتك يا دكتورة أم أحمد ..

لعلك تقصدي إن هذا ليس وقته لكتابة مثل هذا الموضوع

كلامك صحيح إلى حد كبير ، لكن يمكن تغييري رأيك لما تعرفي إني بدخل منتدى محاورات المصريين عشان أنسى شوية همومي

لكن طرحي للمواضيع التانية ، بفضل أطرحها في منتديات أخرى ..

وعموما أنا بحتسب الأجر في توقيعي اللي حطه ، لعله يوضح بعض الصورة

وربنا يعفو عنا جميعا

أشكرك على مرورك