السكن في كندا

[Masrawy Abroad]

شكرا جزيلا يا جماعة....لا خاب من استشار فعلا

وشكرا فري فرير  ومشمش وبايت....كلامكم فعلا صحيح لانني شايف ان اعلانات الجرائد مش ولابد وعالية جدا علاوة فعلا على الشخص إللي معاك يطلع مش مضبوط ولا حاجة وتبقى هيصة

عزيزي فرير قمت بتنزيل ال 25 صفحة الاوائل وساقوم بقراءة هذا المرجع المفيد على روقان

[Red Horse]

ايه ياعم فرى اللوكاندة الكئيبة اللى انتى سيبت لينا عنوانها على الانترنت  دى عاملة زى لوكاندات وسط البلد عندنا فى مصر ... اتمنى تكون بس الصورة هيه اللى كده ....ماعندكش حاجة احلى من كده ؟!..على فكرة انا سألت واحد صاحبى شغال فى شركة سياحة على الخطوط الاوليمبية  هيه تذكرتها 2000 ريال من السعودية لغاية تورنتو   بيقوللى طيارتها زى الأتوبيس بس مركبين له جناحين !... صحيح ده.. ولا اكيد صاحبنا ده بيبالغ

[Masrawy Abroad]

ايه ياعم فرى اللوكاندة الكئيبة اللى انتى سيبت لينا عنوانها على الانترنت  دى عاملة زى لوكاندات وسط البلد عندنا فى مصر ... اتمنى تكون بس الصورة هيه اللى كده ....ماعندكش حاجة احلى من كده ؟!..على فكرة انا سألت واحد صاحبى شغال فى شركة سياحة على الخطوط الاوليمبية  هيه تذكرتها 2000 ريال من السعودية لغاية تورنتو   بيقوللى طيارتها زى الأتوبيس بس مركبين له جناحين !... صحيح ده.. ولا اكيد صاحبنا ده بيبالغ

عزيزي ريد هورس

يمكن رد متأخر ولكن أهو ممكن يفيد

بالنسبة للطيران وعن تجربة شخصية...أنا جربت الرومانية للسفر لنيويورك من مصر والعودة وجربت التشيكية للسفر لتورونتو والعودة والصراحة الخدمة جيدة جدا وليست بسيئة. وجربت مصر للطيران

في كلا الاحوال احسن من مصر للطيران وخاصة في المعاملة من طقم الضيافة وخدمةالراكب على الطائرة.

اسعارهم تعتبروا اقل اسعار تذاكر طيران لشمال امريكا

- وهي شركات اقل من اليونانية على فكرة كمان

- اليونانية كنت ها اسافر عليها لتورنتو لانها على حد كلام شركات السياحة  ذات سعر جيد وخدمة ممتازة وهي كمان ليها سعر مخصص للمهاجر واتصلت بيهم للحجز واكتشفت ان اليونان وبعد احداث سبتمبر اصبحت تحتاج من المصريين الحصول على تاشيرة ترانزيت!!! رغم انك لا تغادر منطقة الترانزيت لاخذ الرحلة المتجهه لتورونتو كما هو متبع مع اغلب الشركات ولكن عللوا قائلين انها اجراءات جديدة لحامل الباسبور المصري...فلغيت فكرة السفر على شركتهم لضيق الوقت عشان اقدم على تاشيرة ترانزيت ولقيت التشيكية نفس لتورنتو وبدون تاشيرة ترانزيت وطلعت عليها....رخيصة جدا وحلوة من بطالة

- أما موضوع انها اتوبيس طائر فهذا مبالغة فالطيران الاوربي عموما كويس

- ليه ما تشافرش من مصر ارخصلك؟ تذكرة التشيكية العام الماضي ذهاب فقط في الصيف كانت 1400 جنيه!!! وذهاب وعودة 2200 جنيه !!

- ولكن سمعت ان فيه عرض من الكيه ال ام (الهولندية) ذهاب فقط بـ 1800 جنيه لحد ابريل بس

- عموما الطيران الشرقي كويس ورخيص ولكن طبعا لا يقارن بالبريطانية أو الالمانية او الفرنسية اللي طبعا جامدين بس اسعارهم في السما

واحنا رايحين نقول يا هادي...

نبقى نرجع بيها لما نعمل اول مليون

 :colgate:  :colgate:

أما بالنسبة للوكاندة....فيوجد بيوت شباب الاسبوع ب 240 دولار كندي ونزلت فيه اسبوع وكان في وسط تورونتو ...بيني وبين السي ان تاور 10 دقائق مشي وشارع كوينز مافيش 3 دقائق وشارع الكينج دقيقة!!

يعني ماسك البلد من وسطها وقريب من المترو والباص

وبنك نوفا سكوتشيا واللابور اوفيس

[Red Horse]

اخى مصراوى

شكرا جزيلا على مداخلتك السخية  ومحاولتك الصادقة للمساعدة ... موعدنا للسفرهو شهر يونيو القادم انشاء الله ...بالنسبة الى موضوع السكن انا واخد وعد شرف مصرى من اخى فرى فريرلمساعدتى فى ترتيب موضوع السكن قبل الوصول ..علشان كده انا مطمن وحاطط فى بطنى بطيخة صيفى ..ونايم على كده ...خد بالك انت بقيت كده شاهد على الوعد  ده!!

اما بالنسبة للسفر فالخيارات امامى محدودة ..انا سأسافر انا وعائلتى وسوف احتاج اربع تذاكر اتجاه واحد من الرياض لتورنتو على ارخص خطوط  ...ولتكن الخطوط البيزنطية !!... بس المهم توصل  ...

[Masrawy Abroad]

عزيزي ريد هورس

عظيم جدا بالتوفيق...كان الله في عونك فانت ستكون بأسرة ...مسئولية كبيرة ولكنك بتعمل كده عشانهم

ساأسافر في نفس التوقيت ولكن سأكون بمفردي ولم أدبر سكن للأن...

وبما أنك ها تسافر  في فترة تسمى بداية موسم الصيف فنصيحتي بأن تحجز حجز مبدئي من الأن (أيوه من الأن فلا تندهش لأن الرحلات لكندا بتكون مليانة في الصيف....يعني ممكن تلاقي كرسي من الرياض لاثينا مثلا ولكن لا تجد من اثينا لتورونتو)

والحجز لن يكلفك اكتر من تلفون لشركة السياحة ولكن سيضمن لك كراسي من الان..

وريت تلحق اليونانية لأنني سمعت انها خلاص بتفلس كبقية اخواتها السويسرية والبلجيكية

- التشيكية بتطلع من الرياض وممكن تسأل عليها وبتوصل تورونتو بعد العصر يعني ها توصل في النهار وذلك افضل

واليونانية بتصل الساعة تلاتة ونص باين عصرا

واليك موقع رحلات وصول مطار بيرسون الدولي (مطار تورونتو الذي تصل عليه معظم خطوط اوربا)

لان تورونتو فيها 3 مطارات

ومنه تقدر تعرف كل الخطوط التي تخدم لتورنتو ومواعيدها وعلى أساسها تشوف اللي يعجبك. لأن أحيانا بتلاقيه بيجبرك على خطوط معينة ويقولك مافيش غيرها هي اللي بتروح تورونتو!!! وده نصب بيحصل في مصر لعد م أمانتهم وحصلت معي فقلتله لا أنا عاوز اطلع على كذا فقالي لا ما بتروحش فسبته ومشيت لانهم كدابين.

http://www.gtaa.com/webfids/arrivals.htm

[Byte]

الاسعار اللي بتقولوا عليها دي كلها راثعة ، ان قدرتوا احجزوا من دلوقني ، يونيو هاي سيزون والاسعار بتزيد حوالي 20 في المائه

فكرة يمكن تعجبكم : ممكن تأجروا انتوا الاتنين {مصراوي ابرود و ريد هورس} بيت  ببدرون مستقل ، واحد يسكن فوق والتاني تحت، ممكن ده يوفر لكم فلوس كتير في الايجار ، ده غير التوفير في الكايل والكهرباء والتليفون والانترنت وزياده علي كدة الاولاد هايكون عندهم باك يارد يلعبوا فيها

[Masrawy Abroad]

ممكن يا بايت هي فكرة كويسة وانا مستعد أخد البدروم (البيزمنت)

ولكن يا تري يعمل كام ايجار؟

بالنسبة للتذاكر لا يمكنك شراء تذكرة لموسم الصيف. لازم تشتريها باسعار الصيف. وهم لا يعرفو السعر الا يوم بداية الموسم. يعني هم كسبانين في الاول والاخير

كل اللي تقدر تعمله حجز مبدئي لحين ظهور الاسعار

- عندي برضه سؤال: يا ترى المهاجر الجديد زي حالاتي ممكن يركب خط تلفون او يشترك في كابل او انترنت بدون كارت ائتمان زي حالاتي؟

[Byte]

نعم : يمكنك كل ذلك، الصعب هو الحصول علي شقة بدون وظيفة، الاغرب انك لا تستطيع فتح حساب بالبنك بدون عنوان ثابت، ولكن غالبا ما "يصهين" موظفي البنوك عن هذا الشرط للمهاجرين الجدد. وعبي هذا ستقوم بفتح حساب اولا ثم تؤجر الشقة ، ويضمنك حسابك في البنك

[freefreer]

بسم الله ا لرحمن الرحيم..

اخوانى و حبايبي و حته من قلبي.. السلام عليكم و رحمة الله  و بركاته..

عزيزى ريد هورس .. بعد التحية .. يخصوص تعليقك على اللوكاندة .. صراحة انا لم اجرب لوكاندات نص البلد عندنا .. اما عن وجود الأفضل .. فهاهو مصراوى يقول انة يعرف بيت شباب .. ارجو ان ترسل لنا العنوان و التليفون يا اخ مصراوى .. و طيعا هناك لوكاندات جميع الأشكال .. انا كنت فى واحدة اسمها بوند بليس      

Bond Place .. و دى كانت بحوالى 140 دولار فى الليلة انا لوحدى .. كويسة .. دى مش مشكلة عموما

ترتيب وضع السكن قبل الوصول .. طبعا انا حأحاول ان اضع عينى على حاجة .. لكن الأجراءات نفسها .. بعد قدومك ان شاء اللة .. اما عن وعودى .. فاطمن تماما .. العبد للة موجود .. اخوك الصاوى موجود .. هو فى الشرق و انا فى الغرب .. يعنى لازم تسكن جنب حد مننا .. و الأتصالات يومية .. و انا اعرف ناس كثيرة هنا ان شاء الله حأعرفك عليهم .. لن تحس بغربة او ضياع .. ان شاء الله ..

و طبعا نفس الكلام ينطبق على الجميع و اخى مصراوى و كل ن يستجد .. و يوم على يوم .. نعمل جمعية لأستقبال المهاجرين المصريين و مساعدتهم ..

بالنسبة لموضوع شركات الطيران .. الأخوة هنا علقوا بما فية الكفاية ..

فكرة بايت رائعة .. تاجير هاوس و اقتسامة .. ممكن نحاول تنفيذها ربنا يسهل .. اظن الأيجار ممكن يكون فى حدود 3000 دولار شهريا ..

بالنسبة لحساب البنك .. ممكن تعطيهم عنوانى .. كانك ساكن معى .. و انا اشيلك البريد .. و اول ما تسكن تغير العنوان .. و كل هذا ممكن يتم عن طريق الأنترنت .. و نعم تستطيع ان تشترك فى التليفون و الكابل ..

اخوانى و حبايبي و حته من قلبي.. السلام عليكم و رحمة الله  و بركاته

[Masrawy Abroad]

ونعم الرجال أخ فرير وللعلم فقط ايها الزملاء بالنسبة لاعطاء العنوان كان مشكلة لي كبيرة عندما حضرت سابقا حيث خذلني بعض الناس ولم يعطوني حتى عنوانهم لارسال كارت التامين او الرخصة مما اضطرني لاستئجار صندوق بريد كلفني 90 دولار ليكون لي عنوان

المهم الرجال فعلا بالافعال.

يعني الاخ فرير بيوفر لك مبلغ وصداع كمان

عموما عنوان بيت الشباب مذكور في باب المواقع الهامة وهم اكتر من 5 بيوت واليك الذي تحدثت عنه:

Canadian Packpackers

Toll free: : 1-877-215 1225 from Inside Canada only Ok?

416-598-9090

أي خدمة

[Masrawy Abroad]

ها هو العنوان صحيح مرة اخرى

Tel. 416-598-9090

42 Widmer St, Toronto M5V 2E9 Canada

[freefreer]

أخى مصراوى .. العفو يا اخى .. انا برد الجميل .. صديق مصرى لا يعرفنى اعطانى عنوانة و انقذنى من هذه الدوامة .. و اخوة عراقيين و فلسطينيين و لبنانيين .. تعرفت عليهم فى اول ليلة .. ساعدونى فى ايجاد الأوتيل ..  حيث كنت بادفع 140 دولار فى الليلة فى الفندق الأولانى .. و انتم ان شاء الله حتردوا الجميل لقادمين جدد .. ان شاء الله

الدم عمرة ما يبقى مية   :inlove:

[Red Horse]

أخى فرى

أرجو أن لا تأخذ مداعبتى معك على موضوع السكن بجدية ..أنا فقط كنت قاصد اناغشك ..لكن ان قدرت تساعدنا جزاك الله خير وسيكون جميلك فوق راسنا .. وان لم تستطع فلا حرج عليك ... فلا يكلف الله نفسا الا وسعها...بالنسبة للوكاندة  اكيد الصورة هيه اللى مش حلوة لكن ماأظنش انها وحشة ابدا فى الحقيقة.... وبعدين ساعاتك عايز تدبسنا فى اللوكاندة ام مائة واربعين دولار فى الليلة  .. الله يسامحك بس !!...مافيش حاجة حواليك من خمسة لعشرة دولار فى الليلة !!!  :devil:

[meshmesh]

الاخ فريفرير بيقول نعمل جمعية لأستقبال المهاجرين المصريين و مساعدتهم و بالمناسبة ده فكرنى بموقع على الانترنت ل

HOSTEL

فى تورونتو ملك عائلة صينية و طبعا مخصص لاستقبال الصينيين و تقديم اى ارشادات و استفسارات للمهاجرين الجدد و كل ده ب 20 دولار فى الليلة و موقع الانترنت ده مكتوب بالانجليزى و الصينى و دى ممكن تكون فكرة مشروع استثماررى فى حد ذاته بالاضافة لانها خدمة و شكرا

[Red Horse]

ياأخ مشمش .. الموضوع  مش موضوع استثمار ...ليه ميكونش مشروع  مساعدة المهاجرين الجدد غير هادف للربحية  .تفرق كتير قوى ... مش لازم نفكر نربح ونستثمر من اى حد؟ لأن فى الحالة دى حياخذ منحنى تانى خالص

[Byte]

الراجل بيهرج ياريد هورس، مش اكتر ;)

[Red Horse]

ماشى ياعم بايت ..علشان خاطرك بس هافوتها المرة دى.. لولا كده انا كنت ناوى اخليه قمر الدين ..!!! :colgate: بس يلا خليه "مشمش"  دلوقتى

[meshmesh]

طبعا الموضوع  مش موضوع استثمار لان ارخص بيت شباب فى تورونتو سعره 20 دولار فى الليلة يعنى الراجل الصينى ما كسبش حاجة زيادة لكن بقى عنده عامل جذب اضافى للمهاجرين اللى جايين من بلده ان سعره عادى و بيتكلم نفس اللغة وبيقدم نفس الاكل بتاعهم و بيقدم ارشادات و نصائح ببلاش....الخ يعنى غير هادف للربحية

لكن من ناحية تانية ان ما كانش فيه حد متفرغ للموضوع ده و بياكل عيش منه يبقى استمرارية المشروع او الخدمة مشكوك فيها و البديل اما بيوت شباب عادية برضه ب 20 دولار او فنادق ب 140 فى الليلة

:)  :angry2:  :angry2:  :angry2:

[Red Horse]

مظبوط كلامك ياعم مشمش ... احنا كده متفقين .. ..المفروض ان كل الناس اللى شغالة على الموضوع ده مش هيشتغلوا ببلاش اكيد هيكون ليهم رواتب  كل واحد على قد مجهوده  ودى هتكون جزء من التكلفة  اللى المفروض برضه هتتغطى  من الرسوم الرمزية اللى هتاخدها من الناس الجدد ...يعنى باختصار الموضوع لازم يتحط فى اطار بحيث يكون الجاى على قد الرايح ..وماتقوليش ان المشروع هيكون ملك لشخص  او فرد .سعادتك مش ضامن الشخص ده شكله ايه دلوقتى أو هيبقى ايه بعدين ..احنا بنتكلم على مجهود جماعى  تصور لحاجة على شكل جمعية خيرية بهيكل تنظيمى جيد  يختار افرادها بعناية  ..

[freefreer]

أبصم بالعشرة   ..  :baaa: