لعبة كلنا نشترك فيها

[ذهبية]

اية رايكم يا جماعة نلعب لعبة كل الاعضاء اللى يمروا بالموضوع يشتركوا فيها كل واحد فينا يدخل يجاوب على السؤال اللى يكتبة العضو اللى قابلة بمنتهى الصراحة و يكتب هو سؤال الى اللى بعدة يجاوب علية و اللى بعدة يسيب سؤال اللى بعدة و هكذا

للامانة موضوع منقول بس عجبنى

هبدا بسؤالى واللى بعدى يجاوبنى و يسيب سؤال اللى بعدة يجاوبة

لو اللى بعدى رجل هيكون سؤالى التالى

لو انت ماشى و اتكعبلت كدة صدفة بحبك الاول تعمل اية تروح تسلم عليها و تسال عن اخبارها و كدة ولا تدوى وشك الناحية التانية و لا اكن حد عدى و تعمل نفسك ما شوفتها اصلا ؟؟؟؟

لو العضو اللى بعدى سيدة

لو زوجك و هو قاعد جنبك كدة و بيتفرج على التليفزيون و ابدى انبهارة بجمال فنانة ما تعملى اية تطنشى و لا تعمليها خناقة؟؟؟

العضو الى بعدى يجاوب و يسيب سؤال اللى بعدة و هكذا

[Dr M]

ردا على هذا السؤال وبما انه حبي الاول فهذا يعتمد على كيفية انتهاء العلاقه!!!!!!!!!!!!!!!!!!!!

لو انتهت بخيانه فانا هبقى مش طايق ابص ليها

لكن غير كده اظن اني هروح اسلم عليها

[Dr M]

هل انت سعيد في حياتك الزوجيه ولا تفكر بالخيانه مع الحب الاول؟؟؟؟؟؟؟؟؟؟

[fatfouta]

هل انت سعيد في حياتك الزوجيه ولا تفكر بالخيانه مع الحب الاول؟؟؟؟؟؟؟؟؟؟

بما انى واحدة وحبى الاول هو جوزى فهرد على سؤال ذهبية وهو لو جوزك ابا اعجابه بواحدة تانية؟

انا عن نفسى هطنش لان الرجاله كلهم عندهم العند ولو لقانى مضايقة هيعملها تانى

سؤالى بقى

لو انتى مش ماليه عين جوزك تعملى ايه؟

[Mohamed Fayek]

هل انت سعيد في حياتك الزوجيه ولا تفكر بالخيانه مع الحب الاول؟؟؟؟؟؟؟؟؟؟

بما انى واحدة وحبى الاول هو جوزى فهرد على سؤال ذهبية وهو لو جوزك ابا اعجابه بواحدة تانية؟

انا عن نفسى هطنش لان الرجاله كلهم عندهم العند ولو لقانى مضايقة هيعملها تانى

سؤالى بقى

لو انتى مش ماليه عين جوزك تعملى ايه؟

الستات حيقولوا أفقعله عينيه الإتنين

والسؤال بقى ليه الحب الأول مايتنسيش ؟وليه حب الزوجة بعد الطلاق بيتنسى وخاصة لو مافيش أولاد ؟

[mffaswan]

الستات حيقولوا أفقعله عينيه الإتنين

والسؤال بقى ليه الحب الأول مايتنسيش ؟وليه حب الزوجة بعد الطلاق بيتنسى وخاصة لو مافيش أولاد ؟

ههههههههههههههههههههههههههههههههههههههههههههههههه

الله يحظك يا حج محمد .. صحيح .. هايفقعوله الجوز !!

الحب الأول مش بيتنسي لأنه بيسيب في الذاكرة جزء بايظ يعني ( باد سيكتور ) بلغة أهل الكومبيوتر .. و طبعاً كل ما تيجي الذكريات تتحرك ناحيته .. بيزن في نافوخ الواحد علشان يفكرك بالعافية باللذي مضى !!

أما مسألة حب الزوجة بعد الطلاق .. مش عارف لإني ما جربتش .. و مش عاوز أجرب .. و ربنا ما يكتب على حد يجرب !!

سؤالي ..

أيهما أفضل .. مصارحة الزوج / الزوجة بكل تفاصيل حياتك و أن تكون كالكتاب المفتوح .. ولا الغموض و السرية في بعض أو كل الأمور .. و أيه التصرف لو كان طرف شفاف و واضح .. و التاني لأ!!

و السؤال للرجال .. و السيدات

[Emo]

أيهما أفضل .. مصارحة الزوج / الزوجة بكل تفاصيل حياتك و أن تكون كالكتاب المفتوح .. ولا الغموض و السرية في بعض أو كل الأمور .. و أيه التصرف لو كان طرف شفاف و واضح .. و التاني لأ!!

الأفضل المصارحة ..خاصة لو كان ماضي فيه أحداث كثير هتأثر ع الجواز لو الطرف التاني عرفها..

بس المهم طريقة المصارحة ..هل هصارح عشان استعرض عضلاتي..ولا عشان ابين جزء من الماضي مجرد بيان...!!

سؤالي..

لو حد اتكلم عنكم بسوء..هتواجه ولا هطنش..؟

[شيماء حمدين]

اهلا عزيزتى emo انا متابعة مواضيعك وعجبنى قوى حواراتك مع نفسك اما بخصوص سؤالك اللى بينطبق مع شخصيتك

فيرجع لمدى اهمية المتحدث عندى ان كنت بهتم لامرة اكيد هواجة وكمان اعاتب اما لو كان عادى فكلة ثواب وهخدة والقبيلة تسير والكلاب تنبح.

اما سؤالى تعملى اية لما جوزك يعترف لكى انة خانك اى نوع من الخيانة

[سهيلة]

اةةةةةةةة

يا شيماء هية الخيانة ف الاخر خيانة لها مفهوم واحد

لو صارحنى بكدة بصراحة موش هسامحة ابدااااااااااااا

سؤالى

ما هى نقطة ضعفك؟

[شيماء حمدين]

w

صحيح انا لعبت قبل كدة

لكن حبيت العب تانى

يا سهيلة فبة خيانة ممكن تغفريها مضطرة من اجل ان تسير الحياة . وما من امراة الا ومرت بالخيانة اى شكل للخيانة.

وياريت مفيش وحدة تدخل وتقلى جوزى مخنيش لانى ببساطة مش هصدقها.

[شيماء حمدين]

w

صحيح انا لعبت قبل كدة

لكن حبيت العب تانى

يا سهيلة فبة خيانة ممكن تغفريها مضطرة من اجل ان تسير الحياة . وما من امراة الا ومرت بالخيانة اى شكل للخيانة.

وياريت مفيش وحدة تدخل وتقلى جوزى مخنيش لانى ببساطة مش هصدقها.

اما نقطة ضعفى

فهو قلبى الطيب اللى زهقت منة .وكمان ولادى من اكبر نقاط ضعفى

[ريحانة]

طيب بما انى اللى قبلى مسبش سؤال

انا اخترت السؤال اللى عجبنى

وهو

والسؤال بقى ليه الحب الأول مايتنسيش ؟وليه حب الزوجة بعد الطلاق بيتنسى وخاصة لو مافيش أولاد ؟

اعتقد الحب الأول مش بيتنسى عشان اى حاجة فى الدنيا اول مرة بتعملها بيبقى ليها مذاق مش ممكن يتنسى

اول مرة تجرب حاجة

اول حاجة غريبة بتتحرك فى القلب

او خربشة تحسسك ان قلبك اخيرا قام من النوم

اول نظرة تحسها حضن يضمك

اول مرة تحس ان قلبك مش سايع الفرح ده كله

وانك شايف الناس كلها حلوة وطيبة

اول مرة تحس انك مسامح

مسامح الكون كله ومن قلبك

وفى نفس الوقت لما بيحصل الفراق

بيبقى برده احساس جديد

اول مرة تحس بكسـ/ر

كسر بجد فى كل حاجة

اللون الأسود سيطر على كل اللى حواليك

والدنيا مرة واحدة كشرت

برده احساس جديد

صعب يتنسى

انما الزواج بيبقى فى مودة ورحمة

وطبعا رباط مقدس ومش كل الناس بتنسى عادى

فيه بيبقى صعب عليهم ينسوا

على حسب هو حصل بينهم حب بالاضافة للعشرة ولا لأ

وحيفضل فى الأخر الحب هو السيد الأول للقلوب

متحكم فيها بشكل ابدى

احم

طولت اوى

طيب

سؤالى

اممممم

لو انت بتحب صديقك جدا بس الصديق ده اضعف من انه يدافع عنك تسيبه ولا تستحمل المشاكل انت مقابل انك تفضل جنبه؟

[Emo]

لو انت بتحب صديقك جدا بس الصديق ده اضعف من انه يدافع عنك تسيبه ولا تستحمل المشاكل انت مقابل انك تفضل جنبه؟

هفضل جنبه..منا مش واخدة عشان يكون البودي جارد بتاعي..الا لو كان ضعفه ده بيسببلي هو نفسه مشكلة مابقدرش اقاومها..مش بس مابيدافعش عني..

سؤالي..

إي هي طريقة إعتذارك لكل من..

الأب..

الأم..

الزوج او الخطيب (شخص بتحبه يعني)

الصديق..

حماتك..

عضو معاك ف المنتدى..

[capitshino]

سؤالي..

إي هي طريقة إعتذارك لكل من..

الأب..

الأم..

الزوج او الخطيب (شخص بتحبه يعني)

الصديق..

حماتك..

عضو معاك ف المنتدى..

الاب --

بدعاء صالح"كما قال صلى الله عليه وسلم" إذا مات ابن آدم انقطع عمله إلا من ثلاث : علم ينتفع به ، وصدقة جارية ، وولد صالح يدعو

الام -

بالمعاملة الحسنة

الزوج او الخطيب

مافيش

الصديق

الاعتذار عن خطئ دائما

حماتك

مافيش

عضو فى المنتدى

رسالة عالخاص بينى وبينه فقط

سؤالى

هل انت راضى / راضية على اسلوب حياتك؟

[Emo]

هل انت راضى / راضية على اسلوب حياتك؟

متعايشة معاه..بس مش راضية بالغلط اللي فيه..

سؤالي..

أي أكثر هدية ممكن تفرحك..؟

تم تعديل 13 فبراير 2009 بواسطة Emo

[الباشمهندس ياسر]

سؤالي..

أي أكثر هدية ممكن تفرحك..؟

ابتسامة م القلب صافيه

سؤالى

قدرت تنسى اول حب ف حياتك ولا لآ؟

[capitshino]

سؤالى

قدرت تنسى اول حب ف حياتك ولا لآ؟

الحمد لله نسيته

السؤال عمرك فكرت/او فكرتى فى الانتحار وليه :lol:

[ريحانة]

السؤال عمرك فكرت/او فكرتى فى الانتحار وليه :hearts:

اتمنيت الموت لكن مفكرتش فى الانتحار الحمد الله

اتمنيته فى حالتين

الأولى

لما المشاكل تزيد اوى اوى وتتراكم واحس ان الضغط اكتر من احتماله وانا لوحدى

التانية

انى اشتاق لله

سؤالى

ايه اكتر حاجة بتندم جداااااااا لو عملتها ؟

تم تعديل 14 فبراير 2009 بواسطة ريحانة

[Emo]

سؤالى

ايه اكتر حاجة بتندم جداااااااا لو عملتها ؟

لما أزعل ماما..

سؤالي..

المسج رقم 7 في صندوق الوارد في موبايلك..

من مين..

واي هو..

واي مكانة الشخص ده عندك..؟؟

[الباشمهندس ياسر]

سؤالي..

المسج رقم 7 في صندوق الوارد في موبايلك..

من مين..

واي هو..

واي مكانة الشخص ده عندك..؟؟

من صديقة عزيزة على قلبى جدا جدا

اعتقد انى كده جاوبت ال3 اسئلة

سؤالى...

بتعرف تسامح بسهولة ..؟؟