لعبة كلنا نشترك فيها

[ريحانة]

سؤالى

حد زعلان منى قبل ما اخلع من التوبيك ده ؟

خالص

سؤالى

ليه كل حاجة فى الدنيا بتبقى فى اولها حلوة والحماس ليها جاااامد وبعدين الملل يعمل عمايله

خصوصا عند المصريين؟

[emano]

[emano]

ليه كل جاجه بتبقى فى اولها حلوه يمكن علشان بتكون حاجه جديده على الواحد وبعد كده بيدخلل الفتور على الواحد معتقدش ان المصرين بس هما الى عندهم كده شغوب كتيره [يمين][/يمين]سؤالى تعمل ايه لو كنت مستنى فى طبور وجت وحده او واحد من خارج الطابور وقدمه ورقها والموظف اخدو منها

[alsaher]

سؤالى تعمل ايه لو كنت مستنى فى طبور وجت وحده او واحد من خارج الطابور وقدمه ورقها والموظف اخدو منها

بأتنرفز جدا

بس لو مره واحده مش حأعمل مشكله ، لكن ممكن أقول كلمه كدا أعبر عن إستغرابي

لكن لو تكرر الموقف في نفس الطابور بيبقى في كلام تاني

بتحب/ي تتعمق/ي بالناس ، أو تفضل /ي العلاقه السطحيه وليه ؟؟

[ريحانة]

بتحب/ي تتعمق/ي بالناس ، أو تفضل /ي العلاقه السطحيه وليه ؟؟

غالبا بتبقى العلاقة سطحية

قلما اسمح لنفسى ان اعمل علاقة جامدة مع حد

ليه بقى؟

عشان دايما بيحصل حاجة من اتنين

يأما اتصدم فيهم اوووى

يأما اتوجع بفراقهم اوووووى

فى جملة واحدة قولى فكرتك عن الكلمة دى

"الحب"

[سهل جدا]

فى جملة واحدة قولى فكرتك عن الكلمة دى

"الحب"

الحب كلمة أعم بكثير مما ينصرف إلى الأذهان عند سماع هذه الكلمة ..

هناك حب الله الكريم المنان الذي أنعم علينا بنعم لا تعد ولا تحصى, ثم إذا شكرناه عليها أدخلنا جنات النعيم

وهناك حب رسول الله صلى الله عليه وسلم الذي بلغ أعظم رسالة في التاريخ

وهناك حب الوطن الذي ترعرعنا فيه

وهناك حب الرجل للمرأة وحب المرأة للرجل (ويثاب المرء عليه إذا كان في إطار الزواج)

وهناك حب الوالدين لأبنائهم والعكس ، وإن كانت الأولى أوضح

وهناك حب الرجل لخالته (اشمعنى خالته يعني مش فاهم) :)

المهم كلمة الحب أعم بكثير مما هي مستخدمة عند الناس الآن

من أروع الكتب اللي تتحدث عن الحب كتاب رائع اسمه: (روضة المحبين) لابن القيم فيه كلام جميل أوي عن الحب بجميع أنواعه وفيه كلام رومانسي وأشعار وكل اللي انت عاوزه ..

سؤالي:

لماذا يعتقد البعض (لاسيما في دول الخليج) أن اسم المرأة كأنه عورة يجب إخفاؤه ويستحيون من ذكر اسم أي امرأة قريبة لهم، حتى لو كان هناك حاجة لذلك ؟

هو يمكن السؤال ما فيهوش فائدة بس هي فعلا حاجة محيراني ..

تم تعديل 20 فبراير 2009 بواسطة سهل جدا

[الباشمهندس ياسر]

سؤالي:

لماذا يعتقد البعض (لاسيما في دول الخليج) أن اسم المرأة كأنه عورة يجب إخفاؤه ويستحيون من ذكر اسم أي امرأة قريبة لهم، حتى لو كان هناك حاجة لذلك ؟

هو يمكن السؤال ما فيهوش فائدة بس هي فعلا حاجة محيراني ..

طب ما الصعايدة ... و اللى انا منهم ..... كده برده

ولا انت زى القرع يتمد لبره

الفكرة مرتبطة بالغيرة الزايدة عن الحد

يعنى

من كتر الغيرة اللى ف دم العرب... زماااااااااااااااان ايام ما كان فيه عرب يعنى

الناس مبتقولش اسامى نسائهم

و اللى كانوا بيسموهم الحريم ...... اظاهر الناس هتقول ياسر بيدعوا لعودة عصر الحريم

عارف كان بيسموهم الحريم ليه

لنفس السبب اللى اتسمى بيه موطن الكعبة الشريفة ... بيت الله الحرام

و اتسمت مكة بلد الله الحرام

و عشان محدش يعترض و يعمل لنا نصبة

ف ايامنا دلوقتى بيقولوا

فلانة الفلانى حرم فلان الفلان

صح ولا انا نسيت

ياااااااااااااااااه بقالى كتير مقعدتش فى جو الحفلات الاسرية ده

ما علينا .... نرجع لموضوعنا احسن

فى الدين بقى

الكلام ده ملوش اساس

ليه؟

لان اسماء كل سيداتنا من نساء ال البيت النبوى و نساء الصحابة رضوان الله عليهم ... موجوده

ومتسجلة بسيرة ذاتية كاملة ف معظم الاحيان

كفاية كده عشان الكلام ميوسعش و الموضوع ياخد اكبر من حجمه

سؤالى ....

لو عرفت..ى ان واحد..ه بيحبك .. بس انت مش مياااال خالص يكون رد فعلك ايه

؟؟

[ريحانة]

سهل جدا

انا بقول جملة واحدة :)

كل دى جملة :

سؤالى ....

لو عرفت..ى ان واحد..ه بيحبك .. بس انت مش مياااال خالص يكون رد فعلك ايه

اكيد مش حاحب حد لمجرد انه بيحبنى

عشان ساعتها لانا حاكون سعيد ولا حاعرف اسعده

ومسيرى حاقابل حد يبهرنى اكتر وساعتها حاجرحه جرح ميستهلوش ابدااااااااا

حتى لو نفسيا بس

رد فعلى من الأخر

حابعد خااااااالص واقطع اى اتصال ممكن يفكره بيا او يديله امل فى انى اكون معاه

سؤالى

الكتاب اللى قريته ولاقيت نفسك بتقراه تانى وتانى

ولغاية دلوقتى بتفتحه وتقرا منه صفحات معينة؟

تم تعديل 20 فبراير 2009 بواسطة ريحانة

[الباشمهندس ياسر]

سؤالى

الكتاب اللى قريته ولاقيت نفسك بتقراه تانى وتانى

ولغاية دلوقتى بتفتحه وتقرا منه صفحات معينة؟

فيه اكتر من كتاب

الطب النبوى لابن القيم الجوزى

تفسير الاحلام لابن سيرين

كل مجموعة مصطفى محمود

حاجة كمان بس الضجك ممنوع

مؤلفات د. خالد توفيق :)

سؤالى......

اكتر جملة قريتها و اثرت فيك؟

[Emo]

سؤالى......

اكتر جملة قريتها و اثرت فيك؟

كن لله كما يريد..يكن لك فوق ماتريد..

سؤالي..

أختار 5 أشخاص من موبايلك وحدد لكا واحد فيهم نغمة خاصة وقلنا اي هي النغمة..!!

ارووح اشتري ايسكريم انا وارجع.... :)

[emano]

اختار 5 اشخاص من الموبيل واقول نغمتهم

امى(فايزه احمد ست الحبايب ياحبيبه)

1. 
   

زوجى(دعاء لمشار ى)

اختى (الجنه فى بيوتنا لعمر خالد\اخى (على خطى الحبيب لعمر خالد)فداء صحبتى(صوت نونوه قطه)

سؤالى ليه الدنيا طعمها مر ووحش قوى بعد موت والدى الله يرحمه

[Emo]

سؤالى ليه الدنيا طعمها مر ووحش قوى بعد موت والدى الله يرحمه

الله يرحمه رحمة واسعة..

لأن الأب ده عمره مافي قلب ف الدنيا بيعوضه..ولا في حد بيقدر يكون السند والحماية زيه..

سؤالي..

عمرك كلت كورن فليكس..

[ريحانة]

سؤالي..

عمرك كلت كورن فليكس.. happy.gif

لأ

سؤالى

ليه بعض المواضيع فيها خاصية الرد السريع وبعضها لأ؟

انا مش بشتغل غير ع الرد السريع

تم تعديل 21 فبراير 2009 بواسطة ريحانة

[Emo]

ليه بعض المواضيع فيها خاصية الرد السريع وبعضها لأ؟

انا مش بشتغل غير ع الرد السريع

مش أعرف..

:happy:

سؤالي..إمتى آخر مرة اشتريت فرشاة أسنان..يعني فرشتك بقالها قد ايه معاك تقريبا..!! :blink:

[ذهبية]

لسة شارية من اسبوع فات واحدة و فرشتى بتقعد معايا حوالى شهر

سؤالى

لو ليك زوجة اب تتعامل معاها ازاى ؟ من بعيد لبعيد

ولا من قريب و زيارات واهلا وسهلا وكدة

[emano]

لو لى زوجه اب اتعامل معاها ازاى ده طبعا متوقف على هل امى موجوده على قيد الحياه ولى لا لو ميته حعامل زوجه الاب زى امى لو امى موجوده مش حتعامل اصلا معاها وحقعد عند امى الا لو كانت متجوزه هى كمان بيقى ححاول اتعامل مع زوجه ابى علشان حقعد مع ابى فلازم اكلم زوجته وعلشان الحياه تمشى [يسار][/يسار]سؤالى هل قدمت العزاء فى وفاه الاستاذ اخناتون

[ريحانة]

سجلت عزاء فى موضوعه

وربنا يتقبل دعواتنا يارب

فى جملة واحدة تعنى ايه بالنسبة لك كلمة

الفراق

[emano]

الفراق(احساس صعب )

سؤالى الغربه ماذا تعنى لك

[emano]

ممكن احد يفهمنى الاقتباس بعمله ازاى

[سهل جدا]

الأخت ريحانة:

واضح إن حضرتك ما بتحبيش الرغي الكثير عكس أغلبية الستات :protest:

كل مرة تقولي جملة واحدة .. جملة واحدة

سؤالى الغربه ماذا تعنى لك

الغربة كربة, لكن مجبر أخاك لا بطل

وكما يقول المثل: (إيه اللي غصبك على المر يا ضنايا .. قال: اللي أمر منه يا عنيا)

سؤالي:

كم تحفظ(ين) من القرآن الكريم ؟؟