لعبة كلنا نشترك فيها

[سهل جدا]

عشان تعملي اقتباس يا أخت إيمانو أمامك خياران

الأول: تدوسي على مربع اسمه اقتباس (وده بيكون موجود مع كل تعليق لأحد المشاركين) ولما تلاقيه أصبح لونه أحمر تنزلي تحت وتدوسيعلى مربع إضافة رد, هاتلاقي المربع اتفتح وفيه الكلام المقتبس

الثاني: ممكن تدوسي علطول على مربع إضافة رد وبعدين لما يفتح معاكي , تدوسي على تاني أيكونة من فوق من ناحية الشمال هاتلاقي ظهرت الكلمة ديه مرتين quote quote

وبعد كده تعملي نسخ لصق للكلام اللي حضرتك عاوزة تقتبسيه وتحطيه بين الكلمتين دول

تم تعديل 21 فبراير 2009 بواسطة سهل جدا

[ريحانة]

سهل جدا

احم

مش فكرة رغى بس فى الحاجات دى بحس ان ما قل ودل حايوصل اسرع

اجابة السؤال بقى

الحمد الله

احفظ ست اجزاء كاملة وصور متفرقة

زى وياسين والرحمن والواقعة والفرقان والمؤمنون

وطبعا محتاجين مراجعة اسألكم الدعاء ان ربنا يقوينى عليها

سؤالى

بتعمل ايه ع النت غير تصفح المنتدى هنا؟

[سهل جدا]

سؤالى

بتعمل ايه ع النت غير تصفح المنتدى هنا؟

بعمل حاجات كثير أوي

وبما إن حضرتك ما بتحبيش الرغي فسأذكر لك ثلاث أشياء فقط :

1- الدخول على منتديات أخرى

2- التحدث في الماسنجر مع بعض الأصدقاء

3- متابعة مواقع الإخبارية

سؤالي:

بتشرب(ي) كم كباية شاي في اليوم ؟؟

[emano]

بشرب 1كوب شاى احمر و2 اخضر ومتعدش نسكافيه[يمين][/يمين]سؤالى لمين تقول نسيانك صعب اكيد

[الباشمهندس ياسر]

سؤالى لمين تقول نسيانك صعب اكيد

لاول قطة خربشت ف حياتى

و لاخر .... علمتنى انى لا اثق ف بنت تانى

سؤالى....

اخر مرة ضحكت من قلبك كانت امتى وفين وايه السبب؟؟

[سهل جدا]

ازيك يا هندسة

سؤالى....

اخر مرة ضحكت من قلبك كانت امتى وفين وايه السبب؟؟

آخر مرة ضحكت من تعليقك اللي كتبته ده :protest:

سؤالي:

لو جالك مليون جنيه دلوقتي هاتعمل بيهم إيه ؟؟

[الباشمهندس ياسر]

الله يهديك يا سهل

قال الاخ محمد منير حفظه الله

قبل ما تحلم فووووووووق و احلم وانت فااااااااااايق

قبل ما تحلم فوووووووووق واحلم بالحقااااااااااااااايق

او كما قال فى احد اغنياته الشريرة الشهيرة

:lol:

سؤالى .....

لو شفت رؤيا ف المنام و مش عارف تفسرها لنفسك و مش لاقى حد يفسرهالك .. هتطنش ولا هتعمل ايه؟؟

طبعا ممنوع انك تتصل بالعفاريت

[spain]

حاتفلسف في تفسيرها

وكالعادة اللي بيسمعني حيقول اتكلفتي كويس بالليل :lol:

سؤالي

لو بنت عيلة او عيل سرق منك حاجة كبيرة اوي او عمل فيك مقلب عمرك والمشكلة انك بتحبه

تعمل ايه؟

[Emo]

لو بنت عيلة او عيل سرق منك حاجة كبيرة اوي او عمل فيك مقلب عمرك والمشكلة انك بتحبه

تعمل ايه؟

ده مهما كان طفل..خلاص هفهمه براحة انه غلط فيا..وممكن اخاصمه شوية وهستعوض ربنا ف اللي حصل..

سؤالي..

عمرك فكرت تهرب من الدنيا كلها..وتهج ف مكان لوحدك ولو لأيام..؟

[moslemah]

سؤالي..

عمرك فكرت تهرب من الدنيا كلها..وتهج ف مكان لوحدك ولو لأيام..؟

الحمد لله ..أنا عندى قدره هاائله على التخيل..

واقدر اهرب من الجو اللى حوليا فى خيالى..

يعنى مثلا..شويه ميوزيك هاديه ..على شويه خيال منى انى اتزلق على الجليد..او اجرى مثلا..او اعمل حاجه بحبها..

و على فكره بتجيب نتيجه لا بأس بها و خصوصا لما ااخد نفس عميييييييق..

سؤالى..

عمرك ندمت على صداقه؟ وكان ايه السبب؟

[Emo]

عمرك ندمت على صداقه؟ وكان ايه السبب؟

ايوة..

ندمت ع صداقة دمرتلي حياتي لفترة..بس الحمد لله تجاوزت المرحلة الصعبة دي..وان كنت لسه بعاني آثارها..

سؤالي..

عندك فلاش مموري ولا لا..؟

:lol:

[alsaher]

عندك فلاش مموري ولا لا..؟

تصدقي

كان عندي وضاعت من 6 شهور ، وكل ما اقول حأشتري أنسى

لغاية أول إمبارح

وإز بي فجأةً ، من كام يوم وبقى عندي 4 :lol:

سؤالي

لما تعمل حادث ، وواحد هو اللي غلطان ، وكان حيوديك في داهيه ، أو ما تفوق وتنزل من العربية ، ردة فعلك إيه

[الباشمهندس ياسر]

سؤالي..

عندك فلاش مموري ولا لا..؟

:lol:

اكيد طبعا

سؤالى.....

ينفع كل اللى اتكسر يتصلح ,,, ع مستوى العلاقات الانسانية

[Emo]

سؤالي

لما تعمل حادث ، وواحد هو اللي غلطان ، وكان حيوديك في داهيه ، أو ما تفوق وتنزل من العربية ، ردة فعلك إيه

حصل معايا..

قمت قعدت اعيط..وبعدين بصيت للي صدمني لقيته مفزوع قمت قلتله ماتخافش متخافش..

تقريبا الصدمة اثرت ع قواي العقلية..

بس ..

سؤالي..

لما تبقى مخنوق وحاسس نفسك هتعيط..وانت مش عاوز تعيط..

تعمل ايه عشان تمنع دموعك..!!

[alsaher]

سؤالي..

لما تبقى مخنوق وحاسس نفسك هتعيط..وانت مش عاوز تعيط..

تعمل ايه عشان تمنع دموعك..!!

بالنسبة لي بأبحث عن مكان في ناس أعرفهم وأروح أقعد معهم

لأني مستحيل أعيط قدام حد ،حتى لو كانوا أهلي

ينفع كل اللى اتكسر يتصلح ,,, ع مستوى العلاقات الانسانية

برضو في نظريتي :wub:

القطيعة بالنسبة لي مستبعده غالبا ، إلا لو الأمر فيه مبدأ

لكن عمر اللي اللي إنكسر ما يرجع زي ما كان

وحتى إسأل إيدي اللي كانت مكسورة :lol:

سؤالي .....

يعني إيه مكابره ، وهل بتكابر وبتداري ألمك ولا لأ ؟؟؟

تم تعديل 21 فبراير 2009 بواسطة alsaher

[Emo]

سؤالى.....

ينفع كل اللى اتكسر يتصلح ,,, ع مستوى العلاقات الانسانية

لا..

بتلزق بغرا ممكن عشان يبان كأنه متماسك..بس الغرا بيشوهه..

سؤالي..

17+7=

بدون تفكير كثير..

[Emo]

يعني إيه مكابره ، وهل بتكابر وبتداري ألمك ولا لأ ؟؟؟

بكابر لحد ماامرض..

وكده غلط..

سؤالي..

هحط 10 سمايلات..

حط قدام كل سمايل حد بيفكرك بيه..

:huh:

mf-:

tv_:

po::

:lol:

fty::

:tease:

prt:

:wub:

[alsaher]

يعني إيه مكابره ، وهل بتكابر وبتداري ألمك ولا لأ ؟؟؟

بكابر لحد ماامرض..

وكده غلط..

سؤالي..

هحط 10 سمايلات..

حط قدام كل سمايل حد بيفكرك بيه..

fty:: مش عارف

po:: 2 جيراني تعودت على خناقهم

prt: أختي على قد ما بتحب التلفزيون

أسره صديقه ، عندهم ولد على الطالع والنازل عمال بيضرب أخوه وعاكل عليه كبير

:lol: واحد صاحبي مجنون أيس كريم ، مرى جه في نفسه فجأة أيس كريم ومن محل معيم ، مشينا حوالي 50 كيلو علشان نصل للمحل وحضرته ياكل أيس كريم

:tease: البواب ، عامل نفسه مسكين دايما ، ومجنني

tv_: مش عارف

:wub: مش عارف

:huh: صاحبه الشقه بتاعتي

: hunter:

سؤالي بتنام/ي إمتى ؟؟؟

تم تعديل 21 فبراير 2009 بواسطة alsaher

[Emo]

سؤالي بتنام/ي إمتى ؟؟؟

بنام من 5 العصر لحد 9 العشا

ومن 1 ونص لحد 3 بليل..

يعني جه موعد نومي..

تصبحوا ع جنة..

سؤالي..

لو كنت قاعد زهقان ف المنتدى وعاوز حد يلعب معاك هنا..وهتبعت لحد تعليق عشان تقله تعالى العب معايا..

هيكون مين..وهتقدر تعمل كده ولا لا..!

[alsaher]

سؤالي..

لو كنت قاعد زهقان ف المنتدى وعاوز حد يلعب معاك هنا..وهتبعت لحد تعليق عشان تقله تعالى العب معايا..

هيكون مين..وهتقدر تعمل كده ولا لا..!

والله بصراحة بأبقى عايز أرسل لكتير

لكن أكيد منهم إيمو الشرير :lol:

لكن بصراحة لا أملك الجرأة بكده

سؤالي ..

حكمة بتفتكرها دايما ؟؟