لعبة كلنا نشترك فيها

[سهل جدا]

آه صحيح

نسيت أسأل سؤالي

((من ترك شيئا لله عوضه الله خيرا منه))

هل حصل شيء في حياتك يدل على هذا المعنى

[ام بودى]

الاخ الكريم سهل جدا ...

بس المفروض اللي بطل حاجة لوجه الله , يكره سيرتها ولا يتحسر عليها

السؤال كان اغانى بتفكرك بمواقف مش اغانى بتحب تسمعها انا ابتعدت عن سماع الاغانى عن قناعة واتقاء للشبهات وقد كثرت فيها الاقوال ما بين التحريم المطلق والجواز المشروط ومناقشة هذا ليس موضوعنا هنا اما حكاية( يتحسر عليها) فدى كلمة جامدة اوى ؟؟ انت تحمل كلامى اكثر مما يحتمل .. تحياتى

[سهل جدا]

الاخ الكريم سهل جدا ...

بس المفروض اللي بطل حاجة لوجه الله , يكره سيرتها ولا يتحسر عليها

السؤال كان اغانى بتفكرك بمواقف مش اغانى بتحب تسمعها انا ابتعدت عن سماع الاغانى عن قناعة واتقاء للشبهات وقد كثرت فيها الاقوال ما بين التحريم المطلق والجواز المشروط ومناقشة هذا ليس موضوعنا هنا اما حكاية( يتحسر عليها) فدى كلمة جامدة اوى ؟؟ انت تحمل كلامى اكثر مما يحتمل .. تحياتى

حصل خير إن شاء الله .. لم أظن بك إلا كل خير أختنا الفاضلة

يمكن التعبير ما كانش مظبوط

بس حضرتك ما جاوبتيش على سؤالي :blink:

[الباشمهندس ياسر]

آه صحيح

نسيت أسأل سؤالي

((من ترك شيئا لله عوضه الله خيرا منه))

هل حصل شيء في حياتك يدل على هذا المعنى

حصلت معايا

كنت ف جوب ف دولة غير مسلمة

و كانت الوجبات بتاعتنا يا نباتيه ( انا مش نباتى خالص بالمرة ) يا اما بيضتين و علبة لبن مثلا

اى حاجة زى كده... و السمك طبعا... انما لا لحوم ولا تركيش ولا الكلام ده

المهم

الجوب ده كان متعب جدا جدا وكان محتاج تركيز عالى اوى

لدرجة انى خسيت اوى و بدات اتعب من قلة الاكل فعلا

و كان معايا مسلمين فى الموقع منهم عرب ومنهم عجم (ايرانيين بالتحديد ) و العرب كلهم امتنعوا عن البورك

و منهم اللى كان بياكل اللحوم الريجلر انما الايرانيين كانوا بيموتوا ف البورك اوى اوى

لما خلص الهيتش بتاعى و وصلت المطار

طلعت ف دماغى ووزنت نفسى ... لقيت نفسى زايد 8 كجم :blink:

اه والله 8 كجم لما كنت مستغرب جدا جدا

و لحظتها افتكرت الحديث الشريف

[ذهبية]

آه صحيح

نسيت أسأل سؤالي

((من ترك شيئا لله عوضه الله خيرا منه))

هل حصل شيء في حياتك يدل على هذا المعنى

حصلت مع زوجى قبل زواجى اول مبلغ يحووشة فى حياتة كان مبلغ كبير نوعا ما علشان كان عايز يتزوج لكن والدتة اخدتة منة و اعطتة الى اخية الكبير لانة كبر ولازم يتزوج الاول و فعلا بهذا المبلغ اشترى اخوة شقة و تزوج فيها و توفت الوالدة بعدها

عندما جاء زوجى و تزوجناوبعد فترة من الزواج احتاج المبلغ لعمل عملية ضرورية ذهب الى اخية ليطلب منة المبلغ و يردة وهذا يمكن بعد فترة تحسنت حالة اخوة كثيرا

وما طلبة الا لما احتاج فعلا لعمل العملية انكر الاخ تمام ما حدث و قال ان الام هى التى اعطتة المبلغ ورفض ان يعطية لة

تحسر زوجى وقتها مرض جدااا وقتها ما عرفنا نعمل العملية و سبحان الله من الله على زوجى بالشفاء بدون عمل العملية والحمد الله على نعمتة رزقنا من حيث لا نحتسب وحافظ زوجى على صلة الرحم و نسى الموقف تمام و نصحتة ان يعتبرة مساعدة الى اخية و ربنا عوضنا والحمد الله

سؤالى

من يعرف ما اول هدية اهديت للرسول علية الصلاة و السلام ؟؟؟؟؟ومن اهداة لة ؟؟؟؟

[ام بودى]

من يعرف ما اول هدية اهديت للرسول علية الصلاة و السلام ؟؟؟؟؟ومن اهداة لة ؟؟؟؟

قصعة فيها لبن وخبز وسمن وكانت من زيد بن حارثة وكانت هذة اول هدية للرسول صلى اللة علية وسلم بالمدينة سؤالى:سؤال ترفيهى من باب المداعبة لية القطر بيقف قدام الصيدلية؟

[الباشمهندس ياسر]

[وسلم بالمدينة سؤالى:سؤال ترفيهى من باب المداعبة لية القطر بيقف قدام الصيدلية؟

القطر واقف قدام الصيدلية مستنى القطرة

زى الطالب اللى واقف قدام باب المدرج مستنى الطالبة

اى خدمة

سؤالى ...

[الباشمهندس ياسر]

سؤالى......

نفسك تخلف كام بيبى و تستوب على كده؟

[لولا]

سؤالى......

نفسك تخلف كام بيبى و تستوب على كده؟

لو ربنا اراد

ممكن اتنين .. والتالت على الأربعين كده عشان يبقى يسلينا بعدين :blink:

لو كان عندك اولاد ممكن تفكر تسافر انتا ومراتك اجازه بسيطه لوحدكم من غير اولاد ولا قلبك مش هيطاوعك ؟

[الباشمهندس ياسر]

لو كان عندك اولاد ممكن تفكر تسافر انتا ومراتك اجازه بسيطه لوحدكم من غير اولاد ولا قلبك مش هيطاوعك ؟

طبعا جدا

طبعا خالص

على بيت جدهم و بدون اى نقاش

الا لو فيهم رضيع ... طبعا مش هينفع

سؤالى....

اول هدف نفسك تحققه ف حياتك؟؟

[Emo]

اول هدف نفسك تحققه ف حياتك؟؟

اخلص الماجستير خلال سنة بالكثير..

سؤالي..

آية كان ليها تأثير كبير أووي في حياتك..اي هيا واي هو التأثير..!

[alsaher]

سؤالي..

آية كان ليها تأثير كبير أووي في حياتك..اي هيا واي هو التأثير..!

آيات كتير بصراحة

لكن سورة ق كان ليها تأثير في حياتي كبير جدا

التأثير أنني كنت أقرأ دوما عن أنه هناك حساب وهناك كتاب على اليمبن وعلى الشمال يكتبون كل صغيرة وكبيره وأن هناك جنة ونار

لكنني في يوم من الأيام سمعت هذه السورة من أحد المشايخ ، وكأنني لم أقرأ يوما ذلك ولم أتعلمه ، وكأنني مصدوم بأنني في غفلة من أمري

فأصبحت السورة علامة فارقة في ذهني ، كل ما تذكرتها أو سمعتها يتقلب أمامي شريط الذنوب والمعاصي ويتأجج في داخلي الخوف من الحساب

لو كان أمامك شخص موجوع يائس محبط ، وقلت لك أعطني جملة نذكر هذا الشخص بها ، عللها تخفف عنه ؟

[Emo]

لو كان أمامك شخص موجوع يائس محبط ، وقلت لك أعطني جملة نذكر هذا الشخص بها ، عللها تخفف عنه ؟

إن مع العسر يسرا..ودايما بعد الحزن في فرح..

مش انت حزين..يابختك..يبقى استنى بقى الفرح..

والفرح دايما بيجي ضعف الحزن..

وبعدين الدنيا دي هبلة أصلا..ماتستاهلش نزعل..

احنا مخلوقين لحاجة أكبر..(أفحسبتم انما خلقناكم عبثا وانكم الينا لاترجعون)

بص كده مش بعد كل ليلة بيجي فجر..استنى الفجر..

ويابختك ربنا بيحبك وشد عليك شوية عشان عاوز يسمع صوتك ويفرحك أووووي..

*انا رغاية اووي ف الموضوع ده كفاية كده لحسن مش هتخلصوا مني..

سؤالي..

أختارلي 5 من النايك نيم للناس عندك ف الماسنجر واكتبها هنا..!

[ام بودى]

آية كان ليها تأثير كبير أووي في حياتك..اي هيا واي هو التأثير

بسم اللة الرحمن الرحيم

(وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدُيرٌ

وَهُوَ الْقَاهِرُ فَوْقَ عِبَادِهِ وَهُوَ الْحَكِيمُ الْخَبِيرُ )

اما التأثير فهى محنة تعرضت لها السنة قبل اللى فاتت وكانت محنة مرض وانا فى قمة القلق والمعاناة والخوف من المجهول وخاصة بعد ان تحدثت معى طبيبة اللة يسامحها بكلام اقل ما يقال عنة انة أربكنى مع انى طبيبة حسيت انى مش فاهمة حاجة خصوصا انة بعيد عن تخصصى وكنت بعيط مش خوف على نفسى لكن على ولادى (استغفر اللة الذى لا اله الا هو الحى القيوم واتوب الية) كل دة وانا فى الغربة الكلام دة بالضبط من ابريل 2007 وحصل انى شفت حلقة للشيخ حسين يعقوب غلى قناة الناس لحقتها قى اخرها يعنى مش كلها وقال قبل ما نختم اقولكم على الواجب بتاع بكرة تعملوة زى الشاطرين نقرا جزئين من القران..2. اذكار الصباح والمساء3. الاستغفار4. لا الة الا اللة وحدة لا شريك له له الملك وله الحمد وهو على كل شئ قدير5. سبحان اللة وبحمدة سبحان اللة العظيم 6. الصلاة على النبى (ص)7.سبحان اللة والحمد للة واللة اكبر ولا الة الا اللة ولا حول ولا قوة الا باللة . ومن يومها وانا اقرأ القران بانتظام ولقد استوقفتنى هذة الاية الكريمة واستشعرت حول اللة وقدرتة ان يكشف ما بى من ضر واحسست بالرضا بكل مايأتى من اللة حتى ان زوجى كان سعيدا بهدوئى النفسى بعد ان اربكتة معى وكان لى نعم المساند والمؤازر والحمد للة انقضت هذة الفترة على خير وطويت هذة الصفحة بحلوها ومرها ولكنى سعيدة بها لانها قربتنى من اللة وجعلتنى التزم بطاعات كنت محرومة من تذوق لذتها كالمواظبة على قراءة القران وقيام الليل وصلاة السنن الرواتب وصيام الاثنين والخميس و..جاجات كتير اقسم اننى لم اكن افعلها الا نادرا وعاهدت نفسى على الالتزام بها واللة المستعان ...واشكركم اخوتى على تحملكم مداخلتى الطويلة

[ام بودى]

لو كان أمامك شخص موجوع يائس محبط ، وقلت لك أعطني جملة نذكر هذا الشخص بها ، عللها تخفف عنه ؟

اقول لة نفس الاية الكريمة(وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدُيرٌ

وَهُوَ الْقَاهِرُ فَوْقَ عِبَادِهِ وَهُوَ الْحَكِيمُ الْخَبِيرُ )

[emano]

لو كان أمامك شخص موجوع يائس محبط ، وقلت لك أعطني جملة نذكر هذا الشخص بها ، عللها تخفف عنه ؟

اقول لة نفس الاية الكريمة(وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدُيرٌ

وَهُوَ الْقَاهِرُ فَوْقَ عِبَادِهِ وَهُوَ الْحَكِيمُ الْخَبِيرُ )

فان السؤال ياام بودى

سؤالى مين اكثر واحد بتثق فيه -ولماذا

[سهل جدا]

سؤالى مين اكثر واحد بتثق فيه -ولماذا

أمي الحبيبة

لأن الأم هي الوحيدة التي تحب ابنها دون أي مقابل

حب فطري عجيب .. سبحان الله

وده طبعا عكس جميع العلاقات الأخرى, دائما مع كل حب يكون فيه مقابل قد يكون هذا المقابل معنويا أو ماديا

ولكن يخرج من ذلك الحب في الله .. ولكن ما أقله

سؤالي:

لو أنت متغرب وطلبت والدتك إنك ترجع وتسيب الغربة، هاتسمع كلامها , ولا هاتحاول تبررلها موقفك , ولا هاطنيش ؟؟

[ام بودى]

فان السؤال ياام بودى

معلش انا بنسى احط السؤال كتير

لو أنت متغرب وطلبت والدتك إنك ترجع وتسيب الغربة، هاتسمع كلامها , ولا هاتحاول تبررلها موقفك , ولا هاطنيش

لو مالهاش حد غيرى يااما حرجع او احدها معايا ولو مطمن عليها حبرر لها موقفى سؤالى ما هى اولوياتك فى الحياة اذكر 3 حسب الاهمية

[سهل جدا]

ما هى اولوياتك فى الحياة اذكر 3 حسب الاهمية

أولوياتي:

1- ديني {قل إن حياتي ونسكي ومحياي ومماتي لله رب العالمين}

2- أسرتي (أمي ثم زوجتي ثم أولادي)

3- عملي (اللي باكل منه عيش)

معليش سؤالي هايكون سؤال فقهي شوية بس إن شاء الله هايكون مفيد

السؤال هو:

تختلف صلاة الجماعة للرجال عن صلاة الجماعة للنساء في عدة أمور .. أذكر منها ثلاث فقط ..

[الباشمهندس ياسر]

سؤالى

ما هى اولوياتك فى الحياة اذكر 3 حسب الاهمية

عايز اتجوز ثم عايز اتجوز ثم عايز اتجوز

:sad: :sad: :sad:

طبعا بهزر

طب اتكلم بجد بقى

عندى مجموعه اولويات فعلا

1.. عايز اظبط البيزنس بتاعى عشان زهقت جدا وبدات اتعب م الشغل ف الشركات

2.. عايز افضل محافظ ع التفاؤل و الابتسامة بتاعتى لما ارجع استقر ف مصر ..محدش يقولى صعب بعد اذنكم

3.. عايز الاقى البونبوناية اللى مغلبانى

اعتقد ان دى خطوط عريضة

و اكيد مش هينفع احط نفاصيل يعنى

سؤالى .....

نسبة الناس اللى بتفكر ف معارفك اد ايه؟؟