لعبة كلنا نشترك فيها

[ام بودى]

تختلف صلاة الجماعة للرجال عن صلاة الجماعة للنساء في عدة أمور .. أذكر منها ثلاث فقط

من قال لا اعلم فقد افتى وانا لا اعلم ححاول اعمل سيرش واجاوب

عايز الاقى البونبوناية اللى مغلبانى

البونبون كتير وعلى كل شكل ولون وطعم يا بونبون يمكن تكون حواليك ومش شايفهافى الاسرة فى الاصدقاء فى الشغل فى التوبيك!!!!!!! نفسى افرح بناس حبايبى!!! وانت منهم ياهندسة على فكرة انا جوزى مهندس زيك لالالا انت اللى زية انت الصغنون انت جينيور و هو consultant يعنى سينيور عليك يا جينيور

[ام بودى]

برضو نسيت احط سؤال لو انت فى مركب مايشيلش غير اتنين واصحابك بيغرقوا تاخد مين معاك لو مضطر على واحد بس (مش الاهل دول معروفين الاصحاب)

[ام بودى]

البونبون كتير وعلى كل شكل ولون وطعم يا بونبون يمكن تكون حواليك ومش شايفهافى الاسرة فى الاصدقاء فى الشغل فى التوبيك!!!!!!! نفسى افرح بناس حبايبى!!! وانت منهم ياهندسة

ما تاخدش فى بالك يا باشمهندس كلامى على سبيل الدعابة لا يحتمل اى تأويل (انا عندى مشكلة فنية فى ارسال الايميلات) يارب اكون وضحت

[elneshawy]

الحمدلله أنا هربت من السؤال اللى هجاوب عليه

مغسي بيكوووو يا ام بودي انك مش حطيتى سؤال :sad:

سؤالى بقى

للرجالة : لو مراتك طلبت منك باس بورد ايميلك علشان تدخل عليه تعطيه لها و لا لاء ؟

للسيدات : العكس طبعا لو زوجك طلب منك باس ورد ايميلك علشان يفتحه تعطيه و لا لاء ؟

مع ملاحظة ان مفيش شك ولا حاجة بين الزوجين. بل العكس الثقة متوفرة

[ريحانة]

الحمدلله أنا هربت من السؤال اللى هجاوب عليه

مغسي بيكوووو يا ام بودي انك مش حطيتى سؤال :sad:

سؤالى بقى

للرجالة : لو مراتك طلبت منك باس بورد ايميلك علشان تدخل عليه تعطيه لها و لا لاء ؟

للسيدات : العكس طبعا لو زوجك طلب منك باس ورد ايميلك علشان يفتحه تعطيه و لا لاء ؟

مع ملاحظة ان مفيش شك ولا حاجة بين الزوجين. بل العكس الثقة متوفرة

عادى طبعا ايه المشكلة

انا وهو خلاص واحد

ومفيش حاجة بقت اسمها بتاعته وبتاعتى

اخر حلم حلمته كان ايه؟.

تم تعديل 25 فبراير 2009 بواسطة ريحانة

[ريحانة]

مش عارفة لما احب الغى مشاركة الغيها ازى؟

تم تعديل 25 فبراير 2009 بواسطة ريحانة

[الباشمهندس ياسر]

مش عارفة لما احب الغى مشاركة الغيها ازى؟

المنتدى هنا اتلغت منه امكانية التعديل الدائم

فبقى التعديل لمدة لا تتجاوز 10 دقائق تقريبا بعد كتابة المداخلة

انما لو فيه حاجة اتضافت غلط او اتبعت غلط ممكن تضغطى على ايكونة تقرير و تبعتلى للادارة تطلبى منهم يحذفوا اللى انتى عايزاه

سؤالى....

نسبة الناس اللى بتفكر كويس وسط معارفك اد ايه؟؟؟

[ام بودى]

نسبة الناس اللى بتفكر كويس وسط معارفك اد ايه؟؟؟

حوالى 50% سؤالى فوق لسة ما حدش جاوبة وهو لو انت فى مركب مايشيلش غير اتنين واصحابك بيغرقوا تاخد مين معاك لو مضطر على واحد بس (مش الاهل دول معروفين الاصحاب)

[الباشمهندس ياسر]

هاخد اطيب واحد فيهم

سؤالى ....

لو عملت مشروع هيبقى مشروعك ايه

[سهل جدا]

سؤالى ....

لو عملت مشروع هيبقى مشروعك ايه

إن شاء الله أنا مش ناوي أكون موظف طول عمري مهما كان المرتب

مقتنع جدا بأني أصبح تاجر

أحب أكون أنا القيّم على الشيء..

إن شاء الله لما أرجع مصر هاشتغل في تجارة الملابس, لأني عندي خبرة فيها

اشتغلت فيها شوية , صحيح ما كسبتش فلوس , بس كسبت خبرات لا تقدر بثمن

وهذه الخبرات ستؤهلني بإذن الله لعمل مشاريع مستقبلية ناجحة ..

وأهم درس اتعلمته, إن سر التجارة حاجتين:

((1- تشتري منين 2- تبيع فين))

تشتري منين: يعني ازاي توصل لأحسن الأماكن اللي بتبيع أجود البضائع بأقل الأثمان

تبيع فين: يعني تبيع البضاعة اللي اشتريتها في المكان المناسب لها, ومين اللي يقدرها ويشتريها بسعرها اللي تستحقه

هم دول سر التجارة فعلا, وتطبيقها مش سهل زي ما بعض الناس بيظن ..

ربنا يوسع رزقك يا بشمهندس ورزقي أنا كمان عشان أكمل طموحي وأكمل الأربعة (الفول تانك)

سؤالي:

أيهما تفضل ؟

وظيفة محترمة براتب ثابت عالي, أم مشروع تجاري بدخل يقل نسبيا عن راتب الوظيفة؛ لكنك ستكون أنت صاحب المشروع ؟؟!!

[الملكه]

سؤالي:

أيهما تفضل ؟

وظيفة محترمة براتب ثابت عالي, أم مشروع تجاري بدخل يقل نسبيا عن راتب الوظيفة؛ لكنك ستكون أنت صاحب المشروع ؟؟!!

انا مجربه الوظيفه وناس كتير حواليه عاملين مشاريع

فكره ان ميبقاش لك مدير يتحكم فيك دى فكره غلط لان المشروع راس مالك وعميلك هوه اللى بيتحكم فيك اكتر من المدير ولو مقتنعتش بكدا مش هتنجح يعنى فى الحالتين حجات بتكمل حجات يبقى تحسبها بالامن ليك ولمستقبلك ونسبه المخاطره وعوامل النجاح

سؤالى

لو معاك 1000.000 جنيه ايه اول حاجه ممكن تفكر فيها ؟؟؟

[سهل جدا]

سؤالى

لو معاك 1000.000 جنيه ايه اول حاجه ممكن تفكر فيها ؟؟؟

أنا سألت السؤال ده يمكن من 3 صفحات فاتو ولا حاجة ..

بس عموما لو معايا مليون, بعد ما أؤدي الزكاة بتاعتهم هحول نصهم لأصول ثابتة , يعني مثلا محل في حتة كويسة أو شقة أو حتى أرض صغيرة .. كده يعني

والنص التاني هاعمل بيه مشروع , غالبا هايكون في الملابس

سؤالي:

ما هو أخطر موقف مر عليك في حياتك ؟؟

يعني موقف كان ممكن يكون سبب في موتك مثلا أو حصول ضرر شديد

[الباشمهندس ياسر]

سؤالي:

ما هو أخطر موقف مر عليك في حياتك ؟؟

يعني موقف كان ممكن يكون سبب في موتك مثلا أو حصول ضرر شديد

انا بسوق من و انا صغير

فالسواقة بالنسبالى اصبحت عادة روتينية

المهم

انا من الناس اللى بتجرى ع الطرق السريعة بسرعات غير طبيعية اطلاقا

و افتكر مرة كنت ف الصحراء الغربية لمصر للاشراف على انشاء يارد للشركة هناك

و كان عندى استراحة ف الموقع و استراحة ف مطروح

طبعااااااااااا ومن غير كلام كتير ... كنت بقضيها ف مطروح

و ف مرة م انا راجع مطروح و السرعة 160 كم ... مش كتير ولا حاجة ..

المهم كنت هموت و ربنا ستر

القصة اهى للى عايز يستفيد من اخطاء غيره

الاقى عربية نقل جميلة و السواق شكله كان سرحان و خلاص هيخبطنى

( المفروض ان السيارات الكبرى تنزل الى طبان الطريق و ليس السيارات الملاكى الا ف بعض الحالات زى حالى التحميل الاقصى و السواق ملزم يدى السيارة الاصغر اشارات تفيد انه لن يستطيع الهبوط )

و شاء الله انى انزل لجانب الطريق و انا بالسرعة دى ... طبعا مينفعش خالص فرامل ف الموقف اللى زى ده و يادوبك تشيل رجلك من ع الاكسرتير

و انزل على الجانب و اذا بالجانب كله حجارة ذات حواف حادة و اذا بالكاوتش يفرقع

و صلى يارب ع المختار سيدنا ما هبت نسائم.....رحت ناطق الشهادة عدل .. و ايدى تبتت ف الدريكسيون

و الاجمل ان السيارة النقل كان وراها سيارة تانية و البيه كان عايز يعمل اوفرتاك

و ربنا سترها ف الاخر بفضله وحوله وقوته

و طبعا قعدت فترة بعدها بسوق بالهادى

بس برده رجعت تانى اجرى

و لسه الاسبوع اللى قبل ما اسافر الرادار مسكنى كرتين ف نفس التريب

و لو فيه حاجة مش واضحة ... ممكن نوضح تانى

و بمناسبة الموضوع نصيحة لاخوانا اللى بيسوقوا ياخدوا دور ديفينس درايف

سؤالى .......

مش لاقى سؤال ف دماغى اى حد تانى يسال لنفسه وليا

[ريحانة]

السؤال

الحياة اسم ولا فعل ولا طاقة؟

[الملكه]

السؤال

الحياة اسم ولا فعل ولا طاقة؟

انا مش عارفه بس انا اعرف ان الحياه مواقف

السؤال

لو واقف فى مكان وشوفت واحده لبسه باروكه و غصب عنك انت اللى شدتها تعمل ايه ؟؟؟ :rolleyes:

[الباشمهندس ياسر]

السؤال

الحياة اسم ولا فعل ولا طاقة؟

الحياة اسم علم ...و فعل نعيشه و طاقة تدينا الامل ف بكره

سؤالى....

لو حسيت ان صديقك خبى عليك حاجة ما ف وقت ما لسبب ما ...و بعد كده انت عرفت كل الكلام ده و بالتفصيل ومنه .عند.استعداد تعديها ولا ايه النظاااااااام؟؟

[الباشمهندس ياسر]

السؤال

لو واقف فى مكان وشوفت واحده لبسه باروكه و غصب عنك انت اللى شدتها تعمل ايه ؟؟؟ :wub: :lol: :blush2:

هأعمل مش فاهم حاجة واديهالها وانسحب من قدامها فورا

سؤالى....

لو حسيت ان صديقك خبى عليك حاجة ما ف وقت ما لسبب ما ...و بعد كده انت عرفت كل الكلام ده و بالتفصيل ومنه .عند.استعداد تعديها ولا ايه النظاااااااام؟؟

[ريحانة]

السؤال

لو واقف فى مكان وشوفت واحده لبسه باروكه و غصب عنك انت اللى شدتها تعمل ايه ؟؟؟

حاختفى فى خلال ا /10000000 من الثانية

ازاى؟

معرفش

لو حسيت ان صديقك خبى عليك حاجة ما ف وقت ما لسبب ما ...و بعد كده انت عرفت كل الكلام ده و بالتفصيل ومنه .عند.استعداد تعديها ولا ايه النظاااااااام؟؟

لو صديق .. صديق يعنى

طبعاااااااا حاعديها

انا اصلا بعاتب صاحبتى وانا فى حضنها عشان ميبقاش فى احتمالية 1% لحدوث زعل

وكمان هى اللى تقولى وبالتفصيل

ده انا ممكن انا اللى ابوس راسها

واكيد السبب كان من وجهه نظره يستاهل

سؤالى

اطول مسافة مشيتها سيرا على الاقدام

وليه وامتى؟

[ذهبية]

اطول مسافة مشيتها سيرا على الاقدام

والله انا مش من احباب المشى قوى يعنى اكتر حاجة حوالى ساعة و نص مشى لو باعمل شوبنج لكن معظم الباقى لا يكون بالعربية او مواصلات

سؤالى خيالى شوية

لو لاقيت مصباح علاء الدين و طلع منة الجنى العملاق و قالك شبيك لبيك عبدك و ملك ايدك تامر باية

لك عندى تلات طلبات قولهم و هيكونوا بين ايدك ؟؟؟؟؟؟؟؟؟؟؟

ياترى هتطلب منة ايةةةةة؟؟؟؟؟؟و لية ؟؟؟؟؟

[اسماعيل امين]

سؤالى خيالى شوية

لو لاقيت مصباح علاء الدين و طلع منة الجنى العملاق و قالك شبيك لبيك عبدك و ملك ايدك تامر باية

لك عندى تلات طلبات قولهم و هيكونوا بين ايدك ؟؟؟؟؟؟؟؟؟؟؟

ياترى هتطلب منة ايةةةةة؟؟؟؟؟؟و لية ؟؟؟؟؟

1- يحنن قلوب المصريين علي بعض .

2-يحنن قلوب المصريين علي بعض .

3- يحنن قلوب المصريين علي بعض .

علشان نرجع زي زمان الغني مش بخيل والفقير غير حاقد .

سؤالي

ماحدش شاف شاب كان بيكتب علي محاورات المصريين ...سياسه داخليه ....اسمه ابو حباجه من مده مختفي ؟؟؟