لعبة كلنا نشترك فيها

[الباشمهندس ياسر]

بعد تفكير جامد وصلت انة هو دة الىل ممكن يمشى العيال فى كل حتة فى نفس الوقت راس مالة بسيط و يتناسب مع ضغر حجم المحل

و بعدين مش هيكون فية خسارة او ركنة لراس المال يعنى راس مال مجمد يوم ما هيبوز او هاخسر لا سمح الله هابيعة

هو عيبة انة مفيش فية طموح يعنى مش هيكبر مع الوقت

لكن يتناسب مع ظروفى وخسارتة ممكن تكون محتملة

ولا رايك اية ؟؟؟ انا برضة احب اسمع رايك؟؟؟

اختى

حضرتك قلتى فكرتى جامد

ووصلتى للقرار ده

فالموضوع انتهى خلاص

انما طالما سالتينى عن رايى

فاسمحيلى يعنى

ده كلام غلط خالص لاسباب

اولها انك هتشاركينى فى منظومة الفساد اللى مالية البلد......العيال هتهرب م المدرسة وتروح السيبر والبلاى ستيشن

و ده سبب كافى جدا انى اقول كده و متزعليش منى لو سمحتى

و كمان على مستوى التجارة فده مش مشروع اصلا..رغم انهم بيكسبوا كتير فعلا و بيفتحوا فروع تانية بالمناسبة

انما حضرتك لو جبتى شوية عبايات حريمى من تجار الموسكى على شوية لانجيرى على شويه بيجامات

و فتحتى كام ساعة اخر النهار بس

و الستات عرفت طريق المحل بتاعك

و اسعارك كانت حلوة و كلامك حلو معاهم

هتبيعى و هتكسبى كويس و بالميت هتعمليلك الف جنيه ف الشهر

طالما ان المحل ف شارع شغال و الرجل فيه دائما

و القرار بتاعك وربنا يوفقك

[Emo]

إقتباس

هو كلمة افعصه ف الحيط دى طبيعية من بنت؟

لأ طبعا بس مع ايمو عادى اللة محنا برضو (انا بهزر يا ايمو

ايمو دى حبيبتى ومش ممكن تزعل منى ولا من البشمهندس ياسر لانها عارفة انها غالية بس احنا بنحب نداعبها تقبلى مزاحنا ببراءتك المعهودة لان هى دى ايمو تمام يا هندسة

مامت بودي أنتي مش أزعل منك براحتك خااااالص..

لكن أونكل ياسر بكرة يجيب عيال واوريه ازاي إيمو بتفعص ف الحيط..لما يلاقي ابنه عبارة عن صوت بس بدون ملامح..

هو حد يطول أصلا إن إيمو الرقيق الشرير يفعصه ف الحيط... :lol:

[الباشمهندس ياسر]

[مامت بودي أنتي مش أزعل منك براحتك خااااالص..

لكن أونكل ياسر بكرة يجيب عيال واوريه ازاي إيمو بتفعص ف الحيط..لما يلاقي ابنه عبارة عن صوت بس بدون ملامح..

هو حد يطول أصلا إن إيمو الرقيق الشرير يفعصه ف الحيط... wst::

wst:: :blink: :blink:

ع اعتبار انك امنا الغولة يعنى ولا ايه......!!!

طب و يهون عليكى الواد يا ايمى

و بعدين يا ايمو ده هيبقى جاى بعد عطش و سنييييييين طوال ابوه عمالى يختارله ف امه

تقومى تيجى سعادتك بهدوووووووووووء md2: تام كده وعايزه تمسحيه من الخريطة

طب بصى بقى

انا مث ممكن ابتا ولا يحثل خالث انى اسعل منك يا عثل

و هلاعى الحالة الجامدة اخر حاجة اللى انتى فيها يا تانت ايمو

و بكره برضه هيجيلك عيال يا اختشى

[ام بودى]

احم... انا جيت اية يا هندسة فين السؤال؟؟!! مش نصحى بقى شوية ونلتفت لاكل عيشنا أصدى للتوبيك ولا اية ها اية wst:: (قلبى يا غاوى سبع قارات :blink: زى القرع تمد لبرة :blink: وما فيش مرة من المرات تهدى وترسيلك على قارة wst:: اعقل اعقل اعقل وارسيلك على قارة) ما علينا خلينا فى موضوعنا احط انا السؤال: هل اتخذت قرارا مصيريا لحياتك مؤخرا وما هو هذا القرار؟

[الباشمهندس ياسر]

احم... انا جيت اية يا هندسة فين السؤال؟؟!!

مش نصحى بقى شوية ونلتفت لاكل عيشنا أصدى للتوبيك ولا اية ها اية wst::

(قلبى يا غاوى سبع قارات :blink: زى القرع تمد لبرة :blink: وما فيش مرة من المرات تهدى وترسيلك على قارة wst:: اعقل اعقل اعقل وارسيلك على قارة)

ما علينا خلينا فى موضوعنا احط انا السؤال: هل اتخذت قرارا مصيريا لحياتك مؤخرا وما هو هذا القرار؟

حاضر يا بودى ماميتو

من عيونى

اعتبرينى عقلت خلاص

و بالنسبة للسؤال

اخدت قرار مصيرى ف حياتى الفترة اللى فاتت

و هو

انى اجنى على نفسى و على حياتى و على مستقبلى

و اتجوز واحدة مصرية و خلاص بقى

و بلاها لبنان و المغرب ولا سوريا حتى

الله يسامحك يا مامى md2:

[الباشمهندس ياسر]

كالعادة ..... نسيت احط السؤال

سؤالى..

زعلت بابا او ماما كام مرة ف حياتك و ندمان ع كده ولا لآ؟؟

[الملكه]

سؤالى..

زعلت بابا او ماما كام مرة ف حياتك و ندمان ع كده ولا لآ؟؟

لو على ماما مقدور عليها شويه هزار على كام ضحكه وتسامحك لكن الدور على بابا اجيبه منين اصالحه الله

يرحمه

سؤالى... :

لو واحد صحبك استلف عربيتك وخبطهالك تعمل ايه ؟؟؟

[ام بودى]

السؤال يا سيد السؤال ياحضرت كل مرة انا اللى احط السؤال وبعدين انا مش حعيشلكو العمر كلة اكتب يا سيدى:قولنا يوم من ايامك بتقضية ازاى بصباحو بمساة بسلطاتو ببابا غنوجو بس باختصار يعنى 1 2 3 مش موضوع تعبير

[الباشمهندس ياسر]

سؤالى... :

لو واحد صحبك استلف عربيتك وخبطهالك تعمل ايه ؟؟؟

عادى جدا

بقوله فداك بس متعرفنيش تااااااااااااااااااااانى

لا والله

بصلحها و خلاص بقى

اللى يجى ف الريش بقشيش

مش هحط سؤال عشان اروح ارد ع السؤال بتاع ام بودى

[الباشمهندس ياسر]

السؤال يا سيد السؤال ياحضرت كل مرة انا اللى احط السؤال

وبعدين انا مش حعيشلكو العمر كلة

اكتب يا سيدى:قولنا يوم من ايامك بتقضية ازاى بصباحو بمساة بسلطاتو ببابا غنوجو بس باختصار يعنى 1 2 3 مش موضوع تعبير

يارب العمر كله ... ع رأى اللبنانين اللى انا بحبهن اوى بالمناسبة

و تفرحى ببودى واخواته .... امين

الجواب

مش عارف احكيلك يوم ف الاجازة ولا يوم ف الشغل

طب بما انى ف الشغل دلوقتى يبقى احكيلك يوم من الشغل

اولا الموضوع بيفرق لو انا نايت شيفت ولا داى شيفت

انا دلوقتى نايت شيفت

بس بدل ما اقلبكم دماغكم هحكى ع الداى سيفت

نقول بصحى مثلا الساعة 6 الا ربع او حاجة زى كده يعنى... دائما بتوصل 6 او 6 وربع.. مش عارف ليه!!!

و اصحى ع الشور المتين و اتوضى واصلى الصبح

و بعدها اقوم طالع ع الميس و افطر..عادى جدا ..هو مش الناس كلها بتفطر ولا ايه

اوعى حد يعمل زى عادل امام ويقول ... هو انتوا بتفطروا كل يوم wst::

و ارجع الغرفة بتاعتى اجيب اللاب توب و اديها الهلمت(الخوذه) و الجوجلز(نظارة السيفتى )و بعدها

اقوم رايح راكب البيك اب الجامد و اطلع ع اليونت

و ف اليونت اول ما اوصل استلم الهاند اوفر من زميلى

و بعدها نطلع ع التى رووم (البوفيه يعنى )و نضبط واحد شاى محصلش او نس .. حسب ما بتطلب معايا ساعتها

الغريب انى دائما بشرب الشاى او النس دائما بلاك...تقريبا انا الوحيد اللى كده ف الكرو

المهم و بعدها اطلع اشيك ع المعدات و اقيسلها الضغط والحرارة و يمكن اغيرلها الكوافيل كمان

و افضل قاعد لغاية مايجى معادى واروح ع الساعة 7 وربع ولا حاجة

ارجع بقى اقوم طالع ع الفورمان مرخم عليه كالعادة واخد منه المودم بتاع النت ..عشان الموقع ده تعبان ومفيهوش وايرلس..حاجة تخنق بصحيح :blink:

وارجع ع الغرفة اقلع الهلمت والجوجلز و الافرول و ادخل اخد الشور المتين جداجدا او تقريبا بيبقى باث كامل بصراحة

اومال اعمل ايه يعنى ف كمية التراب اللى الواحد شالها ف الصحرا طول النهار يعنى :blink:

و اصلى بقى ..و بعدها اقوم طالع ع الميس برده.. هو احنا مورناش شغلانة الا الميس

انتوا هتقروا ولا ايه

و بعد كده اقوم داخل النت لغاية الساعة 2 بالليل

و انام بعد كده بالعافية من 2 لغاية 6

و ابقى صاحى الساعة 6 مش شايف قدامى

طبعا فى ايام بيبقى فبيها حاجة اسمها يونت موف و اللى بنحرك فيها المعدات من مكان لمكان تانى

مببقاش قادر اشوف ساعتها من التعب

يلا بقى الله يعينا ويعين خلقه

كفاية كده ولا نقول بقية التفاصيل

اعتقد انه كفاية

ايه كمية الرغى دى كلها

[ريحانة]

السؤال يا سيد السؤال ياحضرت كل مرة انا اللى احط السؤال وبعدين انا مش حعيشلكو العمر كلة اكتب يا سيدى:قولنا يوم من ايامك بتقضية ازاى بصباحو بمساة بسلطاتو ببابا غنوجو بس باختصار يعنى 1 2 3 مش موضوع تعبير

1- بقوم تقريبا 4.5 صباحا استعد للفجر وبعده الورد ثم لبس وفطار ونزول ع الشغل الساعة 6.5 صباحا

2- حصص وشرح وتصحيح ودوشة وصداع يخلص تقريبا 4 العصر ابقى فى بيتنا 5 مساءا

3- غدا ورغى مع مامتى حببتى ربنا يباركلى فيها لغاية الساعة 7 مساءا تقريبا

4- قراية لغاية 8.5 او 9 مساءا تقريبا

5- نت لغاية 11 مساءا ثم نووووووووووووم

وهكذا

الاجازة

قراية وطبخ ونوم ونت

قراية نص اليوم والباقى نص اليوم

اللى الحاجة اللى انت حلمت بيها واتحققت؟

تم تعديل 2 مارس 2009 بواسطة ريحانة

[الباشمهندس ياسر]

السؤال ده انا كتبته لوحده عشان انا شايفه بيهمنى اوى

اولا انا هفترض ان اللى هيجاوب ع السؤال ده واحده مش واحد

متفقين

طب لو واحد يبقى بلاش رخامة

ايه شعورك وجوزك بيسافر شهر بره و بيبعد عنك تماما و شهر تانى ف البيت مبيعملش اى حاجة تماما

هتكونى فرحانة ولا حزينة طب قلقانة طب هتتخنقى من قاعدته ف البيت ومن بعده

عايز اعرف الاجابة بالتفصيل الممل

و يا سلام لو الاجابة من اكتر من واحدة من اخواتنا العضوات

و يا سلام سلم لو تجاوبنا انسة ع السؤال

اه والله

احسن واحد صاحبى رفضته عروسة عشان شغله و قالتله انت لازم تبقى معايا كل يوم؟؟

[ذهبية]

و الله موضوع القرب و البعد دة حسب التعود من اول الجواز يعنى لما الزوجة تتعود على حاجة اول الجواز و فجاة تتغير دة اللى بيجيب المشاكل و الخنقة

مش المثل بيقولك ابنك على ما تربية و جوزك على ما تعودية

دى زيها بالضبط بما انك سالت كل واحدة حسب شخصيتها انا بقى هاجاوب حسب شخصيتى بصراحة بصراحة هاتخنق من البعد و هاتخنق اكتر من القرب

لان مش صح ابدا ان الرجل يبعد عن مراتة مدة شهر كامل ممكن يومين تلاتة بالكتير اكتر من كدة يبقى ملل بجد

لو حصل العكس هامل برضة لان الزوجة برضة عايزة وقت تبقى قاعدة فية لوحدها شوية تهتم بنفسها ترغى شوية فى التليفون مع اصحابها تزور جارتها شوية حاجات حريمى كدة لو قاعد طول الشهر قدام عينى كدة هازهق جدا ممكن يخرج و يرجع اة ماشى و يبقى حلو لكن علطول لمدة شهر فى البيت من غير ما يخرج خالص صعب شوية

و بعدين انا جربت انة يفضل فى البيت مدة بصراحة كدة الراجل يفضل يتسلى على الست و يدخل نفسة فى اللى ملوش فية يفضل بقى انتى بتعملى اية ؟؟ و سايبة دة على النار لية ؟؟ و معملتيش دة بالطريقة دى لية ؟؟ و بتكلمى صحبتك بتقولى ليها اية ؟؟ هى عايزة منك اية ؟؟ و هكذا

بالذمة دة مش خنقة برضة

هو احسن حاجة الوسطية فى كل شىء لا البعد حلو و القرب قوى حلو لازم كل واحد يحافظ على خصوصية التانى و يدى لة فرصة يتنفس و برضة ما يسيبوش لوحدة

ودة حسب شخصيتى وكل واحدة بتختلف عن التانية و زى ما قولت دة حسب التعود من اول الجواز

[SoSo R]

مساء الخير يا باشمهندس

قبل ما أجاوب على سؤالك أوللى بصراحة هو صاحبك اللى إترفض ولا حدرتك .....دة سؤال برىء على فكرة wst::

أنا شايفة إن الشغلانة بتاعتك دى صعبة أوى ومش أى واحدة ممكن تقبل بيها لازم يكون ليها مواصفات خاصة جدا يعنى لازم تكون شخصية مستقلة جدا و معتمدة على نفسها مش من ستايل الزوجات اللى بتعتمد على جوزها فى كل شىء من الألف للياء

تانى حاجة لازم تكون مرتبطة بأهلها جدا و بتحبهم حب عبادة لأنها تقريبا هتفضل عايشة معاهم فى الشهر اللى أنت مش موجود فبه و النقطة دى أنا باقولها لأن فيه بنات كتير بيبقى هدفها الأساسى من الزواج هو الهروب من البيت و الأهل .

تالت حاجة ودى من وجهة نظرى الشخصية جدا إنى لو بحب جوزى فعلا ما قدرش أتخيل أقعد من غيره شهر كامل كل شهرين تحت أى ظرف من الظروف و لا ما بيسافر لظروف الشغل لفترة لا تزيد عن الأسبوع نفسيتى بتتعب جدا و بصراحة بنتخرب من كتر التليفونات

يعنى من الآخر هتتجوز واحدة مش بتحبك آخر حاجة

تحياتى

سوسورانى

[الباشمهندس ياسر]

و الله موضوع القرب و البعد دة حسب التعود من اول الجواز يعنى لما الزوجة تتعود على حاجة اول الجواز و فجاة تتغير دة اللى بيجيب المشاكل و الخنقة

مش المثل بيقولك ابنك على ما تربية و جوزك على ما تعودية

دى زيها بالضبط بما انك سالت كل واحدة حسب شخصيتها انا بقى هاجاوب حسب شخصيتى بصراحة بصراحة هاتخنق من البعد و هاتخنق اكتر من القرب

لان مش صح ابدا ان الرجل يبعد عن مراتة مدة شهر كامل ممكن يومين تلاتة بالكتير اكتر من كدة يبقى ملل بجد

لو حصل العكس هامل برضة لان الزوجة برضة عايزة وقت تبقى قاعدة فية لوحدها شوية تهتم بنفسها ترغى شوية فى التليفون مع اصحابها تزور جارتها شوية حاجات حريمى كدة لو قاعد طول الشهر قدام عينى كدة هازهق جدا ممكن يخرج و يرجع اة ماشى و يبقى حلو لكن علطول لمدة شهر فى البيت من غير ما يخرج خالص صعب شوية

و بعدين انا جربت انة يفضل فى البيت مدة بصراحة كدة الراجل يفضل يتسلى على الست و يدخل نفسة فى اللى ملوش فية يفضل بقى انتى بتعملى اية ؟؟ و سايبة دة على النار لية ؟؟ و معملتيش دة بالطريقة دى لية ؟؟ و بتكلمى صحبتك بتقولى ليها اية ؟؟ هى عايزة منك اية ؟؟ و هكذا

بالذمة دة مش خنقة برضة

هو احسن حاجة الوسطية فى كل شىء لا البعد حلو و القرب قوى حلو لازم كل واحد يحافظ على خصوصية التانى و يدى لة فرصة يتنفس و برضة ما يسيبوش لوحدة

ودة حسب شخصيتى وكل واحدة بتختلف عن التانية و زى ما قولت دة حسب التعود من اول الجواز

انا هستنى كام مداخلة كمان م الاخوات

و ارد عليهم مرة واحدة ان شاء الله

[الباشمهندس ياسر]

مساء الخير يا باشمهندس

قبل ما أجاوب على سؤالك أوللى بصراحة هو صاحبك اللى إترفض ولا حدرتك .....دة سؤال برىء على فكرة :happy:

أنا شايفة إن الشغلانة بتاعتك دى صعبة أوى ومش أى واحدة ممكن تقبل بيها لازم يكون ليها مواصفات خاصة جدا يعنى لازم تكون شخصية مستقلة جدا و معتمدة على نفسها مش من ستايل الزوجات اللى بتعتمد على جوزها فى كل شىء من الألف للياء

تانى حاجة لازم تكون مرتبطة بأهلها جدا و بتحبهم حب عبادة لأنها تقريبا هتفضل عايشة معاهم فى الشهر اللى أنت مش موجود فبه و النقطة دى أنا باقولها لأن فيه بنات كتير بيبقى هدفها الأساسى من الزواج هو الهروب من البيت و الأهل .

تالت حاجة ودى من وجهة نظرى الشخصية جدا إنى لو بحب جوزى فعلا ما قدرش أتخيل أقعد من غيره شهر كامل كل شهرين تحت أى ظرف من الظروف و لا ما بيسافر لظروف الشغل لفترة لا تزيد عن الأسبوع نفسيتى بتتعب جدا و بصراحة بنتخرب من كتر التليفونات :blink:

يعنى من الآخر هتتجوز واحدة مش بتحبك آخر حاجة

تحياتى

سوسورانى

صاحبى يا مدام سوسو

لو انا اللى اترفضت كنت هقول

ماهى مفيهاش حاجة يعنى

[waloaa]

بصراحة انا رأيى ان الموضوع ده بعتمد على عوامل كتير وبيختلف من حالة لأخرى

يعنى طبيعة الزوجة:لو كانت بتشتغل او ليها انشطةاجتماعية وعلاقات ووقتها مشغول ممكن ما تحسش بفراغ قوى فى الشهر اللى زوجها مش موجود فيه

بس ده حيتطلب كياسة من الزوجة فى تظبيط امورها فى الشهر اللى الزوج موجود فيه علشان متكونش مشغولة عنه

اما الزوجة لو كانت ما بتعرفش تتصرف من غير زوجها وعلاقتها وانشطتها محدودة....يبقى اكيد حتتعب قوى من غيره

وعلى الجانب الاخر

بالنسبة للزوج:لو حيقدر يعوضها عن عدم وجوده بإحتواءه ليها وانه يحسسها انه معاها على طول حتى لو بعيد عنها فى المكان ...اكيد الزوجة حتحس بمشاركته ليها و حتقدر له ده

وكمان مهم فطنة الزوج فى تفهم احتياجات الزوجة واحترامه لمسؤلياتها اثناء تواجده معاها و خلقه لأحاديث واهتمامات مشتركة تجمع بينهم وتقرب المسافات

حاجة أخيرة :لازم الزوج فى كل الاحوال يتحمل مسئوليته عن البيت والاولاد ولا يشعر الزوجة بكونه مجرد ضيف اثناء شهر تواجده بل على العكس يكون على علم بكل صغيرة وكبيرة وذلك دون تدخل سافر فى شئونها ولكن بحكمته يدير الامور

اخر حاجة: لازم يكون اختيار الزوجين لبعض من البداية واعى وعقلانى علشان لا يحدث ما لا يحمد عقباه بعد كده

[الباشمهندس ياسر]

انا كتبت رد طووووووووووووووويل جدا ع المداحلات كلها

و النت الجمييييييييييييل جدا اخدها وراح

استاذنكم ااجل كتابته تانى لبكره

[الباشمهندس ياسر]

مبدئيا انا بشكر حضراتكن على اهتمامكن و تفاعلكن مع السؤال

حلو اوى جو النحوى ده

بس انا جمعت العناصر كلها فى التلت مداخلات

و عايز اقول

1.مبدئيا غياب الشهر كامل ده امر لا مناص منه لانها طبيعة شغلنا كده..بس طبعا مع التواصل دائما بالتليفون والانترنت

2.الشهر الاجازة مش هنبقى قاعدين ف البيت اليوم كله..لا طبعا ..انما مبيبقاش عندنا شغل خاااااالص الا لو فيه بيزنس خاص

و ده يعتبر عيب لانه بيشترط ان الزوجة تبقى مبتشتغلش خالص و الشىء ده بترفضه بنات كتير

و يعتبر ميزة لانه بيدى فرصة اكبر للاستمتاع بالوقت زى السفر بره البلد او حتى جواها

3.مسالة ان البنت هتقعد شهرها دى صحيحة و بالتالى لازم تتصرف ف الشهر ده باى شكل م الاشكال

اما انها تبقى نرتبطة اوى باهلها و ده افضل حل فعلا او انها تحاول ترتبط بحماته :) واللى يعتبر شىء نسبته قليلة اوى

او الحل التالت انها تشغل نفسها بدراسات عليا مثلا او تلتحق بالمعاهد الدينية زى ما عرايس بعض زمايلنا بتعمل

او اصلا تكون م النوع الهااااااااااادى اوى اللى بيحب يقعد لوحده كتير ..انا اصلا مش بحب النوع ده خالص..

لان النوع الاكتيف بيبقى افضل ف كل حاجة بصراحة :P

4.نقطة بحبك اخر حاجة دى بقى مشكلة بصراحة

اللى بيحب حد اخر حاجة فعلا مبيقدرش يستغنى عنه

بس دى ظروف الحياة وده شىء لابد منه

وف الاول والاخر بتبقى فترة بسيطة مش بتزيد عن حاجز 5 سنين بالكتير

لان صعب اوى الواحد يكمل حياته كده فعلا

5.تفضل نقطة فطنة الزوج و الزوجة ف التعامل مع الامر باحترافية عالية اوى

بصراحة رغم الاساليب العلمية واختيار الشريك و طرق و طرق الاختبارات النفسية والكلام الجاااااااااامد ده كله

الا انها رزق و نصيب

و محدش بيهرب م نصيبه خاااااااااااالص

و على راى واحد صاحبى اتجوز من سنتين كده وكل شوية يقولى ... اخلص بقى احسن شكلك هتقعدلنا يا معلم

اقوله ابدا لما الاقى اللى تملى عليا حياتى..يقولى اخلص يا عم الامور

الجواز زى بطيخة و مش هتقدر تشوفها ابدا مهما عملت الا لما تتجوزوا :happy:

شكرا مرة تانية

[الباشمهندس ياسر]

اللى الحاجة اللى انت حلمت بيها واتحققت؟

حلمت انى اخلص كلية

و ربنا كرمنى من عنده وخلصت فعلا

سؤالى...

نفسك ف ايه دلوقتى حالا