لعبة كلنا نشترك فيها

[الباشمهندس ياسر]

سؤالى...

اكتر عاصمة حبيتها ف الدنيا ؟؟

أكتر عاصمة حبيتها ونفسي أرجع لها (القدس)

مدينة لها سحر غير طبيعي

مجرد أن ترى الجبال ، وتزين وسطها القبة الذهبية ، وتسمع أذان المسجد الأقصى وأجراس الكنيسة

وياااااااااه لو ان الثلج الأبيض يزين صفار قبتها وخضار جبالها

وتلك الساحة الكبيرة ، وكأنها قلب يحتويك بكل مافيك من ألم وحزن وخير وشر ، ليجعلك تنظر لسماء كأنك لم تنظر لها من قبل وتصرخ متجاهلا كل الحراس والأعين الدخيلة

تصرخ بصوت عال ما أروعك ، ما أروعك

يااااااااااااااه .. جعلتني أحاول جاهدا أن أستشعر ذاك الشعور

ربنا يقرب البعيد

و يهدينا ونرجعها ان شاء الله

[الباشمهندس ياسر]

سؤالي ...

من أقرب شخص منك ، قد تشكوا له آلامك وتشركه همومك ؟؟؟

حد عزيز ع قلبى جدا جدا

و واخد منى جنب بقاله شهر ..لما خلاص قربت اعيط

:) :rolleyes:

سؤالى...

لو أخ بكيت كام مرة ف حياتك كلها؟؟

لو اخت شعورك الداخلى تجاه الراجل صعب الدموع و الرجل سهل الموع؟؟

تم تعديل 4 مارس 2009 بواسطة الباشمهندس ياسر

[ذهبية]

والله من سنة ونص كانت امى الله يرحمها اقرب شخص ليا فى الوجود كلة

الان اصبح زوجى ربنا يخلية ليا و بعدة صديقاتى وهم كتر

سؤالى

لو قلبك فى مكان و عقلك فى مكان تروح لانهو مكان

ياترى العقل هيغلب القلب و لا القلب هيغلب العقل ؟؟؟

[الباشمهندس ياسر]

سؤالى

لو قلبك فى مكان و عقلك فى مكان تروح لانهو مكان

ياترى العقل هيغلب القلب و لا القلب هيغلب العقل ؟؟؟

ان كان القلب يريحك عاما ... فالعقل يريحك اعواما

العقل يكسب بدون اى تردد حتى مع تجرع غصة الالم المرير

سؤالى كلاكيت تانى مرة

لو اخ : بكيت كام مرة ف حياتك؟؟

لو اخت : شعورك الداخلى للرجل صعب الدموع و الرجل سهل الدموع؟؟

[ذهبية]

لو اخت : شعورك الداخلى للرجل صعب الدموع و الرجل سهل الدموع؟؟

رجل صعب الدموع هو القسوة بعينها

رجل سهل الدموع هو حنية بلا حدود

سؤالى

افضل فرق سن بين الزوج والزوجة البعض يفضل فرق بسيط حتى يكونوا وجدنيا وروحيا حاسين ببعض و يعيشوا مراحل العمر سوا

البعض يفضل الرجل اكبر بكذا سنة حتى يكون انضج و اعقل و يحتوى المراءة و يكون عدى مرحلة الشقاوة و دخل على الاستقرار وتكوين اسرة

انت ايهما تفضل ؟؟؟؟و يكون الفرق كام سنة؟؟؟؟

[الباشمهندس ياسر]

رجل صعب الدموع هو القسوة بعينها

رجل سهل الدموع هو حنية بلا حدود

سؤالى

افضل فرق سن بين الزوج والزوجة البعض يفضل فرق بسيط حتى يكونوا وجدنيا وروحيا حاسين ببعض و يعيشوا مراحل العمر سوا

البعض يفضل الرجل اكبر بكذا سنة حتى يكون انضج و اعقل و يحتوى المراءة و يكون عدى مرحلة الشقاوة و دخل على الاستقرار وتكوين اسرة

انت ايهما تفضل ؟؟؟؟و يكون الفرق كام سنة؟؟؟؟

ان الفتاة تكون اصغر من الشاب ب 5الى 8 سنوات

و الله اعلم

سؤالى...

عرف السعادة ف جملة واحدة

[ريحانة]

سؤالى...

عرف السعادة ف جملة واحدة

السعادة=ان قلبك يبقى مليان حب

سؤالى

انهى وقت فى اليوم بتتخنق منه وتبقى مستنيه يعدى بفارغ صبر؟

[ام بودى]

شعورك الداخلى للرجل صعب الدموع و الرجل سهل الدموع؟؟

بصراحة انا بحترم الاتنين الدموع دى شئ خاص جدا ولا تدل اطلاقا على الضعف وقلة الحيلة على الاقل فى نظرى الرجل صعب الدموع يعنى يا جبل ما يهزك ريح يعنى السند والضهر

الرجل سهل الدموع مع القوة هو قمة الحنان والاحتواء

انت ايهما تفضل ؟؟؟؟و يكون الفرق كام سنة؟؟؟؟

الحكاية مش بالسن المهم انو يكون الفرق ليس شاذا كان يكون فى سن ابوها لان دة فرق اجيال

عرف السعادة ف جملة واحدة

البصة فى وش ولادى بالدنيا السعادة ولامتنان فى عيونهم الصغيرة لما البى لهم طلباتهم اصدى اوامرهم هى قمة السعادة سؤالى: اتركة للى بعدى مش محضرة حاجة

[SoSo R]

السؤال هو إيه أكتر حاجة ممكن تصرف عليها فلوسك؟؟

لبس ولا أكل و شرب ولا تكنولجيا ولا إيه.....

[الباشمهندس ياسر]

سؤالى...

عرف السعادة ف جملة واحدة

السعادة=ان قلبك يبقى مليان حب

سؤالى

انهى وقت فى اليوم بتتخنق منه وتبقى مستنيه يعدى بفارغ صبر؟

لما ببقى بعيد عن حبايبى

السؤال هو إيه أكتر حاجة ممكن تصرف عليها فلوسك؟؟

لبس ولا أكل و شرب ولا تكنولجيا ولا إيه.....

الملابس والعطور

سؤالى:

ينفع تطلب من حد علاقتك بيه محدوده انه يتدخل عشان يطمنك على حد علاقتك بيه قويه بس مخاصمك ؟

[fatfouta]

اكتر حاجة ممكن اصرف ليها هى اللبس ومجنونة بيه اصلى انا كنت بشتغل فى كتب شحن وخدمات لمصانع الملابس وكنت بتجنن بالحاجات دى ومن ساعتها مش قادرة ابطل فرجة وصرف على اللبس

سؤالى

هي فين ذهبية فتحت اللعبة وبطلت تشارك ليه عاوزة اعرف؟

[ذهبية]

ينفع تطلب من حد علاقتك بيه محدوده انه يتدخل عشان يطمنك على حد علاقتك بيه قويه بس مخاصمك ????????

هو ينفع لكن مش هيكون ليها طعم طالما الى مخاصمنى عزيز عليا و فية سوء تفاهم انا باروح لة بنفسى و اوجهة بنفسى كدة احسن و طعمها احلى و كدة هاكون انا اشتريتة اكتر بكتير قوى من انى ادخل حد بينا

سؤالى

ما التجربة التى لاتنساها ابدا و تتمنى تكررها لو اتيحت لك الفرصة؟؟؟؟؟؟؟؟؟؟؟

[الباشمهندس ياسر]

ما التجربة التى لاتنساها ابدا و تتمنى تكررها لو اتيحت لك الفرصة؟؟؟؟؟؟؟؟؟؟؟

انك تخدم حد متعرفوش خالص و تحس انك عملت معاه المطلوب وزيادة

بيديك احساس اكثر من رائع

كمان انك تدخل مشكلة ليس لك فيها لا ناقة ولا جمل لمجرد احساسك ان حد اتظلم

بيخليك طاير فوق السحاااااااب

سؤالى...

اخر حاجة بتفكر فيها دلوقتى؟؟

[alsaher]

اخر حاجة بتفكر فيها دلوقتى؟؟

إزاي أرتب مشاويري بكره ، واعمل مع الزحمة إيه ، أصل بكره الخميس :closedeyes:

إيه أكتر علم غير علم بلدك بيعجبك ؟؟؟

[emano]

اكثر علم بحبه علم السعوديه

سؤالى هل بتزعل وبتتاثر لما تشوف المتحاورون فى نزاع مع بعض وممكن تعمل ايه علشان تصلح بين الاثنين

[ذهبية]

سؤالى

هي فين ذهبية فتحت اللعبة وبطلت تشارك ليه عاوزة اعرف؟

انا موجودة يا عزيزتى فتفوتة و باتابع كل يوم الاسئلة ساعات اشارك و ساعات اتفرج

بما انى مصابة اليوم باكتئاب فمليش مزاج اتكلم خالص مع حد اخترت انى اتفرج و استمع

واترك السؤال اللى جاى ورايا

لانى مش عايزة اسال ولا اتكلم ولا حتى افكر

و اشكرك يا فتفوتة للسؤال عنى

[alsaher]

سؤالى هل بتزعل وبتتاثر لما تشوف المتحاورون فى نزاع مع بعض وممكن تعمل ايه علشان تصلح بين الاثنين

بصراحة بأزعل وبأتضايق وبأصاب بإحباط

لكن أيضا عندما اجد موضوع تختلف فيه الآراء كثيرا ، ولا أجد في الحوار هجوم أو تلميح ، أو تقليل من شأن طرف دون الآخر ،

فأنني أسعد بذلك وأستمتع في متابعة الحوار

سؤالي

لو كنت في مكان ما ، فلنقل كلية أو مكان عمل ، ولك زميلة تحترمها ، جميلة جدا ورقيقه جدا ، دائما ما تلمح لك بشيء إتجاهك ، وتكثر من الإطراء والإعجاب بك

لكنك تحترمها كزميلة ، ولا تريد للعلاقة أكثر من ذلك ، وكل ما حاولت إيصال هذه المعلومة ، تجد صد لكلامك وعدم إكتراث ، وإستمرار في ما سبق

ماذا تفعل ، دون أن تجرح شعورها ؟؟

[الباشمهندس ياسر]

سؤالي

لو كنت في مكان ما ، فلنقل كلية أو مكان عمل ، ولك زميلة تحترمها ، جميلة جدا ورقيقه جدا ، دائما ما تلمح لك بشيء إتجاهك ، وتكثر من الإطراء والإعجاب بك

لكنك تحترمها كزميلة ، ولا تريد للعلاقة أكثر من ذلك ، وكل ما حاولت إيصال هذه المعلومة ، تجد صد لكلامك وعدم إكتراث ، وإستمرار في ما سبق

ماذا تفعل ، دون أن تجرح شعورها ؟؟

حصلت معايا ايام الجامعه يا عم ساهر

و اضطريت ف النهاية انى اهرب منها تماما تماما

لدرجة غيرت الشلة بسببها

بس لو كانت حلوة شوية ... وربنا ما كنت عديتها بدل ما انا لسه قاعد

و ف من فترة مش بعيدة كنت اتنقلت المكتب ف القاهرة

و لقيت احدى زميلاتنا من الادمينسترايشن بترمى الهلب..وانا مش عاجبنى الحوار برده

فرحت مديها وش خشب من اياهم بقى وعليها البنت بقت بتشكملى كل ما تشوفنى

اوقات يا ساهر بيبقى جرح قريب ارحم الف مرة من انك تجاريها وتعلقها و ف الاخر تفوق على صدمة نفسية صعبة اوى

سؤالى..

كام مرة حسيت انك اتصرفت تصرف قليل اصل ؟؟

[ريحانة]

كام مرة حسيت انك اتصرفت تصرف قليل اصل ؟؟

الحمد الله

معتقدتش ولا مرة

ممكن مواقف تافهة

زى واحدة صاحبتى عايزانى انزل الف معاها على حاجة واستندل

واعتذر

كده يعنى

سؤالى

امتى بتبقى ضعيف بجد؟وبتعمل ايه ساعتها؟

[الباشمهندس ياسر]

سؤالى

امتى بتبقى ضعيف بجد؟وبتعمل ايه ساعتها؟

امام دموع الاطفال..لا استطيع ان اتمالك نفسى ابدا

و طبعا

بنفذ الرغبات قدر ما استطيع

ولو اللى انا فهمته من بطن المعنى

ببقى ضعيف جدا جدا و مش قادر اقف على رجلى لما احس انى اتعرضت لغدر.

.احيانا بسامح و احيانا تانية ببقى اصعب من انى اتخيل رد الفعل

سؤالى...

احب نوع من الزهور الى قلبك؟

تم تعديل 5 مارس 2009 بواسطة الباشمهندس ياسر