لعبة كلنا نشترك فيها

[الباشمهندس ياسر]

الأوقات دى تعنيلك ايه؟

الفجر

الصبح من الساعة 6 الى 9 تقريبا

الغروب

منتصف الليل

بتتكلمى عن اوقات ... خرافة يا ريحانه

الفجر .. نهار جديد بيتولد

و بيتولد معاه امل جديد بالحياة

الصبح من 6 : 9 .. النشاط كله

المغرب .. لحظات الشفق و احساسك

بدنو لحظات السكينة و الرااحة

سؤالى ...

حسيت ف مرة انك ادمنت القلق؟؟

يعنى

حصل والقلق سيطر على تفكيرك لغاية ما بقيتوا اصحاب؟؟

[ذهبية]

حصل والقلق سيطر على تفكيرك لغاية ما بقيتوا اصحاب؟؟

ياااااة يا باش مهندس ياسر دة انت جيت على الجرح و ضغطت جامد قوى انا و القلق و التوتر مصابحنى من مدة و عليهم شوية عصبية مش عارفة اطلع نفسى منهم ازاى

لا عايزهم يبقى اصحابى ولا عايزة اعرفهم حاولت اتنكر ليهم و اصحاب غيرهم زى التفائل والامل مش عارفة هما بعاد عنى قوى ولا مخاصمنى لية

سؤالى

عندك وصفة سحرية علشان تتخلص من القلق و التوتر و العصبية بعد طبعا التقرب لربنا واداء الصلوات و قراءة القران ؟؟؟؟

يعنى ازاى تخاصم القلق و تبعد عن التوتر و تصالح التفائل بعد ما خاصمك؟؟؟؟

[الباشمهندس ياسر]

الا بذكر الله تطمئن القلوب

هو ده الحل الفعال و الاكيد

و نضيف بقى اننا نحل المشكلة اللى عامله القلق

عارفه يا اختى

و الله قريب انى ابكى و انا بكتب المداخلة دى

مش قادر احل المشكلة اللى عندى

خلاص هتجنن.. فعلا مش قادر

[ذهبية]

يا باش مهندس ياسر

طيب ما تقولنا اية اللى قلقك و مضايقك و تحكيلنا علية و اية لزمة الاخوية و الصداقة!!!!!!!!!

ما يمكن لما تحكى عنة تستريح ساعات الانسان لما يكون فى وسط المشكلة عقلة و تفكيرة بيقفوا وبيبقى مش عارف لا يحل المشكلة و لا عارف يفكر

مش انت بنفسك قولت لازم نحل المشكلة اللى جايبة لناالقلق

يبقى الحل فى ايدك لا تحلها؟؟؟ لا تحكينا عليها نساعدك فى حلها ؟؟؟؟

هاسيب السؤال الى بعد منى يسالة

[الباشمهندس ياسر]

ليس كل ما قيل يقال

الحمد لله ... ربنا بيفرجها بكرمه

سؤالى...

اكتر اغنية بتحبها لام كلثوم؟

[ذهبية]

ليس كل ما قيل يقال

الحمد لله ... ربنا بيفرجها بكرمه

سؤالى...

اكتر اغنية بتحبها لام كلثوم؟

الحمد الله على فرج ربنا و عقبال ما ربنا يفرجها معانا ان شاء الله

فية اغانى كتير باحبها لام كلثوم لكن اكترها الف ليلة و ليلة

سؤالى

لو معاك فلوس كفاية اية احسن مكان تحب تشترى فية شقة فى مصر ؟؟؟

[الباشمهندس ياسر]

لو معاك فلوس كفاية اية احسن مكان تحب تشترى فية شقة فى مصر ؟؟؟

لو الفلوس لشقة بس مش قصر يعنى

يبقى اكيد هتبقى المعادى .. كورنيش النيل

سؤالى...

مفيش اخبار عن ايمو .. بقالها كتير مش باينة؟؟

[ام بودى]

مفيش اخبار عن ايمو .. بقالها كتير مش باينة؟؟

ايمو بخير انا سألت عليها ريحانة وقالت انها مشغولة وغالبا هى مشغولة بالماجستير ربنا يوفقها سؤالى: هل المواجهة هى دائما الحل الامثل ام ارجاؤها يكون من الحكمة احيانا

[الباشمهندس ياسر]

ايمو بخير انا سألت عليها ريحانة وقالت انها مشغولة وغالبا هى مشغولة بالماجستير ربنا يوفقها

سؤالى: هل المواجهة هى دائما الحل الامثل ام ارجاؤها يكون من الحكمة احيانا

يارب دائما تنشغل ف الخير

المواجهة افضل حل لتصفية اى امور بس مطلوب اوى انك تختار التوقيت المناسب للمواجهة

سؤالى..

اخر فرح حضرته كان فين و رايك فيه ايه؟

[emano]

ايمو بخير انا سألت عليها ريحانة وقالت انها مشغولة وغالبا هى مشغولة بالماجستير ربنا يوفقها

سؤالى: هل المواجهة هى دائما الحل الامثل ام ارجاؤها يكون من الحكمة احيانا

يارب دائما تنشغل ف الخير

المواجهة افضل حل لتصفية اى امور بس مطلوب اوى انك تختار التوقيت المناسب للمواجهة

سؤالى..

اخر فرح حضرته كان فين و رايك فيه ايه؟

كان فى جدة فى قاعه الدار البيضاء كان طبعا النساء فى صاله والرجال فى صاله كان جميل بس الغريب ان العروسه بتيجى الفرح الساعه 1 والفرح بيخلص مع اذان الفجر والغريب ان البنات المخطوبات حديثا بيحضرو بفستان الخطوبه بتعهم ورغم كده مبيكنوش مغطين على العروسه كان فرح جميل بس طبعا مكنتش فهمه ولى اغنيه ده فرح سعودى

سؤالى فى اغانى اسلاميه بتعجبك -وماهى

[الباشمهندس ياسر]

اغانى اسلامية

و انا صغير شوية كنت بسمع عماد رامى .. و جابر زياد او زايد

انما بتعجبنى جدا جدا الابتهالات و خصوصا للشيخ النقشبندى رحمه الله

سؤالى...

اخر موقف اندهشت فيه جدا

[SoSo R]

اغانى اسلامية

و انا صغير شوية كنت بسمع عماد رامى .. و جابر زياد او زايد

انما بتعجبنى جدا جدا الابتهالات و خصوصا للشيخ النقشبندى رحمه الله

سؤالى...

اخر موقف اندهشت فيه جدا

لما واحد دخل الصيدلية النهاردة مصرإنى أخرم له حاجبه!!

على فكرة الأستغراب فى الأصرار الشديد جدا كان قرب يبوس إيدى خلاص

[ام بودى]

لما واحد دخل الصيدلية النهاردة مصرإنى أخرم له حاجبه!!

على فكرة الأستغراب فى الأصرار الشديد جدا كان قرب يبوس إيدى خلاص

العقل زينة فى الترسينة . فين السؤال يا SoSoRaNy فى انتظار السؤال

[الباشمهندس ياسر]

نفس السؤال

فين السؤال يا بودى ماميتو

احط انا سؤال بقى وخلاص

للى لسه متجوزش و اللى اتجوز يفتكر بقى ايام زكان ويقولنا

لما نصك التانى يتقل عليك شويتين تلاته... كنت بتعمل ايه بالظبط ؟؟

[SoSo R]

نفس السؤال

فين السؤال يا بودى ماميتو

احط انا سؤال بقى وخلاص

للى لسه متجوزش و اللى اتجوز يفتكر بقى ايام زكان ويقولنا

لما نصك التانى يتقل عليك شويتين تلاته... كنت بتعمل ايه بالظبط ؟؟

حسب التقل يا باشمهندس :lol:

يعنى لو حاجة خفيفة تعدى يبقى عديها ما دام هيحس بغلطه و عنده كرديت كبيييير عندى

لو حاجة كبييرة يبقى لازم أأنب له ضميره لحد ما يعرف غلطه و ييجى يصالحنى و أنا سهل تطيب خاطرى بكلمتين بس يعترف بالغلط أهم حاجة

السؤال هو

لما يكون مديرك إنسان مستفز وما بيفهمش حاجة و من الآخر مش طايقه...تتعامل معاه إزاى؟؟

[الباشمهندس ياسر]

حسب التقل يا باشمهندس :lol:

يعنى لو حاجة خفيفة تعدى يبقى عديها ما دام هيحس بغلطه و عنده كرديت كبيييير عندى

لو حاجة كبييرة يبقى لازم أأنب له ضميره لحد ما يعرف غلطه و ييجى يصالحنى و أنا سهل تطيب خاطرى بكلمتين بس يعترف بالغلط أهم حاجة

السؤال هو

لما يكون مديرك إنسان مستفز وما بيفهمش حاجة و من الآخر مش طايقه...تتعامل معاه إزاى؟؟

لا بقى

حضرتك ضحكتى عليا كده

انا سؤالى لو نصك تقلان عليك مش زعلان منك

يبقى ازاى تعلمها متعملش كده تانى او العكس طبعا

[SoSo R]

حسب التقل يا باشمهندس :lol:

يعنى لو حاجة خفيفة تعدى يبقى عديها ما دام هيحس بغلطه و عنده كرديت كبيييير عندى

لو حاجة كبييرة يبقى لازم أأنب له ضميره لحد ما يعرف غلطه و ييجى يصالحنى و أنا سهل تطيب خاطرى بكلمتين بس يعترف بالغلط أهم حاجة

السؤال هو

لما يكون مديرك إنسان مستفز وما بيفهمش حاجة و من الآخر مش طايقه...تتعامل معاه إزاى؟؟

لا بقى

حضرتك ضحكتى عليا كده

انا سؤالى لو نصك تقلان عليك مش زعلان منك

يبقى ازاى تعلمها متعملش كده تانى او العكس طبعا

معهلش أنا فهمت حاجة تانى

هارد عليك بس ما تنساش سؤالى الله يخليك

لو حبيبتك بتتقل إفهم السبب الأساسى

يعنى عايزة تتدلع شوية زيادة دلعها مش مشكلة

عايزة تحس إنها محور إهتمامك...يبأى وصل لها الأحساس دة بكل الطرق لأن دى حاجة بتطمن معظم البنات

عايزة هدية معينة شوف إيه المناسب للظرف دة

لكن لو هى بتتقل من غير سبب و دى عادة عندها يبقى الحل تطنشها شوية عشان ما تتعودش على كدة خصوصا بعد الزواج..و أول ما تطنشها تمام هتلاقيها هى اللى بتسعى وراك

رايى الشخصى جدا أى إتنين بيحبوا بعض بجد الكلمة دى مش موجودة فى قاموسهم أساسا لأن هم بيبقوا ملهوفين على بعض طول الوقت ممكن بيبقى فى خلافات,شوية زعل, لكن تقل....نو واى

تحياتى

سوسورانى

[الباشمهندس ياسر]

السؤال هو

لما يكون مديرك إنسان مستفز وما بيفهمش حاجة و من الآخر مش طايقه...تتعامل معاه إزاى؟؟

معهلش أنا فهمت حاجة تانى

هارد عليك بس ما تنساش سؤالى الله يخليك

لو حبيبتك بتتقل إفهم السبب الأساسى

يعنى عايزة تتدلع شوية زيادة دلعها مش مشكلة

عايزة تحس إنها محور إهتمامك...يبأى وصل لها الأحساس دة بكل الطرق لأن دى حاجة بتطمن معظم البنات

عايزة هدية معينة شوف إيه المناسب للظرف دة

لكن لو هى بتتقل من غير سبب و دى عادة عندها يبقى الحل تطنشها شوية عشان ما تتعودش على كدة خصوصا بعد الزواج..و أول ما تطنشها تمام هتلاقيها هى اللى بتسعى وراك

رايى الشخصى جدا أى إتنين بيحبوا بعض بجد الكلمة دى مش موجودة فى قاموسهم أساسا لأن هم بيبقوا ملهوفين على بعض طول الوقت ممكن بيبقى فى خلافات,شوية زعل, لكن تقل....نو واى

تحياتى

سوسورانى

شكرا جدا جدا على الرد الكريم

بصراحة الرد ده عجبنى اوى

بالنسبة لسؤال حضرتك

بصى يا دكتورة

المديرين انواع ... هحاول انزل مداخلة بتعالج القصة دى ان شاء الله

انما باختصار مفيد

احنا بينا الشغل و البوليسى بتاع الشركة هو اللى بيحكم ف كل حاجة

و لما يوصل الموضوع بينا انه ياخد قرار غلط و يضر بمصلحة الشركة

او انه يتخطى حدوده و يتكلم معايا بصورة شخصية

يبقى شكرا جدا هو ادانى الرصاصة اللى هطخه بيها

و حصل معايا موقف زى ده فعلا

و فعلا اتصلت بالمدير اللى فوق منه و حكيتله الموقف

و دعمت الكلام بفاكس ملوش زى

و اتشال بفضل الله ف خلال اسبوع

بس الكلام ده ف الشركات الانترناشيونال بس.. راعى النقطة دى اوى اوى

انما لو الشركة عادية

يبقى افضل حل ان حضرتك تطلبى اجتماع مغلق

و تتناقشوا ف الوضع ككل متكامل.. وان كنت اشك ان ده ينفع لو فعلا مبيفهمش

و يارب توصلى لاحسن حل و تبقى سعيده ف شغلك ان شاء الله

سؤالى ...

هو فين الناس بتاعت التوبيك ...

و سؤالى تانى ...

جربت تمشى ع الكورنيش اى كورنيش يعنى ... ف لحظات الشروق

[alsaher]

سؤالى ...

هو فين الناس بتاعت التوبيك ...

و سؤالى تانى ...

جربت تمشى ع الكورنيش اى كورنيش يعنى ... ف لحظات الشروق

أنا عن نفسي موجود ، مش عارف هل أنا منهم ولا لأ :lol:

وبالنسبة للسؤال التاني

لحظات الشروق على البحر كتير والغروب برضو

لو في إمكانية ما فوتش الحكاية دي خالص

أذكر مره حضرت الشروق وأنا في مركب (رحلة بحرية) كنا طلعنا الفجر وحضرنا الشروق والغروب وبعدها رجعنا ، وصدنا صيد حلو :)

وليالي سافرت عن طريق البحر (بس الشروق فيها مالوش أي طعم خالص ، لإنك بتبقى زهقت وعايز تشوف الأرض wst:: )

وبردو منظر الشروق كنت أتابعه في إسكندرية ، وأنزل أتمشى

وكمان في الساحل الشمالي ، لحظة الشروق كذا مرة أتابعها من على الشط ، بس مش كورنيش

سؤالي بتحب رحلات البحر ، ولا الصحرا أكتر ؟؟؟؟

[waloaa]

السؤال هو

لما يكون مديرك إنسان مستفز وما بيفهمش حاجة و من الآخر مش طايقه...تتعامل معاه إزاى؟؟

مفيش غير حل واحد:

انى اولع فيه :angry:

انا عارفة يا سوسورانى ان الصيادلة دمهم حامى وما بيطقوش حد يتمنظر عليهم :lol: (على فكرة انا صيدلانية) wst::

رأيي ان الواحد لما بيعرف طبيعة الشخصية اللى قدامه بيعرف يتعامل معاها ازاى

يعنى:

الشخصية المعبرة(expressive) :) :lol: :شخصية جذابة ,سريع التعرف على الاخرين, يسعى لعمل علاقات مع الاخرين(معروف فى دائرة محيطيه انه حبوب)

الشخصية دى من اسهل الشخصيات فى التعامل معاها,لأنه معندوش مشكلة فى التعامل مع الاخرين...زى ماقلنا حبوب

يميل للملابس الكاجوال والالوان الزاهية ويفضل البيزنيس كاجوال:بنطلون جينز وعليه جاكيت بدلة مثلا

الشخصية العاطفية(ambiable) :lol: :شخصية حنونة ,تتحكم العاطفة فيها لذلك يصعب عليه اتخاذ قرار (وخاصة المصيرية منها),يسعى للعيش فى سلام,تؤثر فيه المؤثرات الخارجية بسهولة

للتعامل مع تلك الشخصية يجب اظهار الحب والامتنان والتقدير فى المواقف المختلفةوتجنب الحديث العقلانى الكثير الارقام والاحصائيات

ولكن بيان مقدار الاستفادة الحياتية او بمعنى اخر المردود الاجتماعى لها

اغلبه ملابسه: كاجوال مريحه ,واسعة

الشخصيةالتحليلية(analytical): wst:: i*: شخصية كثيرة الاسئلة, تسعى للتعمق فى كل شئ,تغلب على لغتها الارقام والتحليلات للمواقف المختلفة

للتعامل معها يجب ذيادة نسبة العقلانية والاستجابة للتساؤلات المختلفة بالإجابات الشافية لها

ملابسه تقليدية classic يعنى قميص وبنطلون قماش

الشخصية الموجهة(driver): flrt: وهى شخصية جامدة ,كلامها محدد,لا تعطي للعاطفة مقدار كبير من اهتمامها

,يريد توجيه من حوله إلى الطريق الذي يختاره هو برؤيته انه الافضل

(تختلف عن صفة القيادة اوleadership فالقائد قد يكون اى من الشخصيات الاربعة السابقة)

التعامل مع تلك الشخصية صعب بعض الشئ لأنه يفرض طوق حوله لا يجيز لمن حوله الاقتراب منه ولا يقبل بسهولة تغيير رأيه ,يجب التحدث معه بجدية

ملابسة formalغالبا :بدل كاملة

واخيرا واضح يا سوسو رانى من مدخلاتك انك شخصية معبرة :lol: وغالبا مديرك شخصية موجهة او تحليلية لذلك يجب التخلى عن جزء من مرحك اثناء التحدث معه

وصبغ الحديث بلهجة جادة حازمة وكمان حاولى تفهميه من غير ما تحسسيه انك اللى فاهمة وهوا مش فاهم حاجة

يعنى حسسيه ان هوا اللى بياخد القرار

جربى وحتشوفى الفرق

سؤالى

حلل شخصيتك وقول نوعها ايه؟؟وقول مثال من المنتدى لكل شخصية من الاربعة ؟؟؟

تم تعديل 9 مارس 2009 بواسطة waloaa