لعبة كلنا نشترك فيها

[ذهبية]

سؤالى

تعملى اية او تعمل اية لما يكون عندك طموح كبير جدا بس النص التانى معندوش اى طموح ؟؟؟؟

[emano]

أ

سؤالى هو:

إيه الحاجة اللى كان نفسك تتعلمها وما تعلمتهاش لحد دلوقت

انى ابقى شريييييييييييير ... مش عارف خالص

سؤالى :

بتحس انك ممكن تبقى قااااااااااااسى ف اوقات؟؟

القسوة ساعات بتبقى ضرورية عشان تنقذ الأنسان من حاجات كتير

يعنى تفوقه و تفوق كمان الناس اللى حواليه

السؤال:

بتحب الست الذكية ولا الجميلة دة لو راجل

لو سيدة تحبى الراجل الوسيم ولا الحكيم؟؟؟

لرجل الحكيم وميمنعش يكون شكله مقبول --اما الوسيم فساعات بيكون فرحان بجماله وتافه طبعا اقليه علشان الرجاله متزعلش

تعمل ايه لو ابنك اتزنق وعايز يعملها وانت فى الشارع

[الباشمهندس ياسر]

السؤال:

بتحب الست الذكية ولا الجميلة دة لو راجل

لو سيدة تحبى الراجل الوسيم ولا الحكيم؟؟

انا بعشق المرأة الذكية .. و طبعا تكون مقبولة

و بفضل الجمال العربى ف النساء ... ابن عرب بقى

سؤالى

تعملى اية او تعمل اية لما يكون عندك طموح كبير جدا بس النص التانى معندوش اى طموح ؟؟؟؟

من جمال النعم علينا ان الطرفين يبقوا مختلفين عشان يكملوا بعض

و ممكن انزل مقالة لشاعر مصرى .. شاب صغير ف السن بس روعه بصراحة..

بيعالج فيها النقطة دى

عموما ... خدى بايده عشان تكبروا مع بعض و ربنا يوفقك

تعمل ايه لو ابنك اتزنق وعايز يعملها وانت فى الشارع

لسه معنديش ولاد .. الحمد لله

سؤالى :

ينفع اقولكم ادعولى كلكم معاكم وانتوا بتصلوا الفجر النهارده؟؟ :blush2: اكيد هتوافقوا عشانكم طيوبات :happy:

طب هتدعولى بايه بقى

:rolleyes:

[ذهبية]

السؤال:

بتحب الست الذكية ولا الجميلة دة لو راجل

لو سيدة تحبى الراجل الوسيم ولا الحكيم؟؟؟

هو مينفعش رجل وسيم و حكيم مش موجودة يعنى

كنت باموت فى الرجل الوسيم وانا فى فترة المراهقة لكن لما تتجوزت اعتقد ان الحكيم بيعمر اكتر لكن الوسيم بيكتر علية .......و بصراحة انا باغير ويمكن اولع فى البيت كلة

تعمل ايه لو ابنك اتزنق وعايز يعملها وانت فى الشارع؟؟؟

ههههه و الله ابوة يتصرف فى الموضوع دة

[ذهبية]

ينفع اقولكم ادعولى كلكم معاكم وانتوا بتصلوا الفجر النهارده؟؟ اكيد هتوافقوا عشانكم طيوبات

طب هتدعولى بايه بقى

طبعا هندعيلك با باش مهندس ياسر طالما طلبت يبقى واجب نلبى الطلب باذن الله

هندعى باية انا هادعيلك ان صورتك الرمزية الجديدة تكون حقيقة عن قريب و نفرح فيك قصدى بيك

و ادعيلك و ادعى ليا انى اللى عندة طموح ربنا يقرب لة المسافات و ينور بصيرتة باذن الله

[الباشمهندس ياسر]

المداخلى اللى قلت عليها بتاعت التشابه والاختلاف بين الزوجين

من هنا يأتى الاكتمال .. بل ويكون أنسب من التشابه نفسه

عندما يتصفُ أحدهما بشىءٍ .. فإن المناسب له أن يتصف الآخر فى معظم الأحيان بعكس هذا الشىء..

حيث كان أحدهما شخصية "عنادية".. فلا يناسبه إلا أن يكون الآخر شخصية "حليمة"

وإلا قضَى تشابهُ الطبعين فى هذه النقطة على أى احتمال لوجود الاستقرار بينهما .. حيث التحدى الذى إن غُمِرَ بعض الوقت سوف يكونُ بعد ذلك سافرًا

..

أيضا إن كان أحدهما كثير القول .. فلا يناسبه إلا أن بكون فى طبع الآخر أنه يجيد الاستماع ويميل إليه أكثر

حيث إن اشتملت الثرثرة كلَيْهِما .. قتل السأم كل شىء

..

كذلك إن كان أحدهما كاتبًا جيدًا .. فلا يناسبه إلا أن يكون الآخر قارئًا جيدا

وإلا فالصدام وارد

(وإن كان فى هذا البند بالتحديد تفاوُت وارد فيه اختلاف الحالات)

هذا ينطبق بشكل عملى مع قول بعضهم أنه من الأنسب إن كان "هو" يهوى من الدجاجة –وركها- فإن المناسب أن تكون "هى" من يهوى صدر الدجاجة

هكذا يكون التكامل أنسب بكثير من التشابه بينهما فى معظم الحادثات

حيث التشابه سلاحٌ ذو حدين

خصوصًا مع غياب عامل التضحية من طباع الكثيرين فى عصر كعصرنا فُضَّت فيه مقاييس الاحتواء إلى حد كبير ..

منقولة من الشاعر محمود موسى

[ذهبية]

مدخلتك عجبتنى جدا يا باش مهندس ياسر عن التشابة و الاختلاف بين الزوجين شكرا لك

انا نسيت احط سؤالى

ولد و بنت عرفوا بعض من النت من منتدى للزواج البنت اعجبت بالولد لانة كان فية كل المواصفات

الولد اجل اعجابة لحد ما يشوفها لانة عايز جميلة شافها طلعت ااقل من الجميلة صرح لها انها مش فتاة احلامة وطلب منها يكونوا مجرد اصدقاء البنت اتاثرت بالرفض لكن لم تمانع فى تكملة الصداقة

الولد لف كتير على عرايس لكنة لم يجد فتاة احلامة رجع تانى لنفس البنت يطلب تكملة الموضوع وهى تعرف تفاصيل كل من تقدم لهم الان يريد ان يرجع لها

هل توافق ؟؟؟؟

[الباشمهندس ياسر]

الولد لف كتير على عرايس لكنة لم يجد فتاة احلامة رجع تانى لنفس البنت يطلب تكملة الموضوع وهى تعرف تفاصيل كل من تقدم لهم الان يريد ان يرجع لها

هل توافق ؟؟؟؟

العقل بيقول متوافقش

شايفة الكلام اللى بالاحمر

هوه ده مربط الفرس

البيه لف و ملقاش حاجة على مزاجه.فقال اروح اخد اللى راكنها ع الرف دى

طبعا منطق فاسد ومينفعش ف الزواج اصلا ..

صدقينى ولا ينفع حتى بين اتنين هيعملوا شركة مع بعض

و ربنا يقويها بقى

البنات بقت ظروفها صعبة و فرصها قليلة اليومين دول

[الباشمهندس ياسر]

سورى نسيت احط سؤالى

هل تعرف حالات زواج عن طريق النت؟؟

طب ممكن تقولنا ع حالة او اكتر؟؟

[SoSo R]

سورى نسيت احط سؤالى

هل تعرف حالات زواج عن طريق النت؟؟

طب ممكن تقولنا ع حالة او اكتر؟؟

أعرف ناس كملوا علاقاتهم ع النت يعنى راح خطبها فى شهر الأجازة و كملوا تليفونات و نت و كدة

أنهى أحلى البيضا و لا السمرا

سؤال سطحى شويتين :rolleyes:

[الباشمهندس ياسر]

أنهى أحلى البيضا و لا السمرا

سؤال سطحى شويتين :)

عن نفسى ... مش عن حد تانى خالص

لا احب البيضا بياض زاعق

ولا احب السمرا سمار كاحل

احبها بيضا بلون وردى و اودها سمرا بلون خمرى

و بس .. احسن شكلى هنضرب الليلادى :blush2:

سؤالى :

الشاب الطول بعرض ولا الشاب العادى ده؟

العادى ده اللى هو تحطيه ف البيت ميعملش زحمة خالص .. و لا يمشى يخبط ف النجف و لا يهز الدولاب لما يتحرك و زى النسمة كده

الطول بعرض ده اللى يمشى يوقع البراويز و يخبط العمدان ف بعضيها .. بس شكله يخوف يعنى

[emano]

أنهى أحلى البيضا و لا السمرا

سؤال سطحى شويتين :)

عن نفسى ... مش عن حد تانى خالص

لا احب البيضا بياض زاعق

ولا احب السمرا سمار كاحل

احبها بيضا بلون وردى و اودها سمرا بلون خمرى

و بس .. احسن شكلى هنضرب الليلادى :blush2:

سؤالى :

الشاب الطول بعرض ولا الشاب العادى ده؟

العادى ده اللى هو تحطيه ف البيت ميعملش زحمة خالص .. و لا يمشى يخبط ف النجف و لا يهز الدولاب لما يتحرك و زى النسمة كده

الطول بعرض ده اللى يمشى يوقع البراويز و يخبط العمدان ف بعضيها .. بس شكله يخوف يعنى

انا كنت بدعى وانا بنت برجل فاملى سايس مبحبش الرجل القصير الرفيع لا لازمل رجل يملى العين والحمد الله ربنا حققلى حلمى عقبل كل البنات ا

انشاء الله حدعيلك ربنا يريح بالك ويقرب البعيد

[emano]

هل جمال البنت الخارجى شرط اساسى للزواج يعنى لواقل من مقبوله ده يكون عائق

ولو السؤال للبنات هل لازم الرجل يكون غنى اوميسور الحال

[SoSo R]

الراجل غنى أو ميسور الحال مش ضمانة كافية

لأنه ممكن يحصل أى شىء و يفقد كل ما يملك أو حتى أجزاء

المهم ....بيحبنى؟؟؟؟؟

هيحافظ عليا؟؟؟؟

هيحمينى؟ هيسندنى فى وقت ضعفى و إحتياجى ليه؟؟

سؤالى:

بتحب ولادك بنفس المستوى؟؟ ما بتفرقش بينهم؟

تم تعديل 16 مارس 2009 بواسطة SoSoRaNy

[ذهبية]

سؤالى:

بتحب ولادك بنفس المستوى؟؟ ما بتفرقش بينهم؟

طبعا باحب ولادى كلهم لكن ابنى الكبير مريح كتير عن الضغير لانة اذكى بكتير فبحس بالراحة فىالتعامل معاة دة اللى بيفرق من طفل للتانى

سؤالى

ماهى مواصفات الزوجة النكدية ؟؟؟مواصفات الزوج النكدى ؟؟؟؟ من وجهة نظرك

[الباشمهندس ياسر]

سؤالى

ماهى مواصفات الزوجة النكدية ؟؟؟مواصفات الزوج النكدى ؟؟؟؟ من وجهة نظرك

انا لسه متجوزتش

بس اسوأ حاجة

الكاذبه ثم سليطة السان ثم سريعة الغضب ثم الرتيبة ف حياتها

اعتقد ان دول ممكن يسببوا النكد

سؤالى :

بتعمل نيو لوك كل اد ايه تقريبا؟

[rewsha]

بتعمل نيو لوك كل اد ايه تقريبا؟

انا اول مره اشترك في اللعبه دي لاني عضوه جديده . بس بجد لعبه ممتعة. اما الاجابه بقه فانا باعمل نيو لوك كل ما اكون متضايقه او زهقانه :rolleyes:

[emano]

بتعمل نيو لوك كل اد ايه تقريبا؟

انا اول مره اشترك في اللعبه دي لاني عضوه جديده . بس بجد لعبه ممتعة. اما الاجابه بقه فانا باعمل نيو لوك كل ما اكون متضايقه او زهقانه :rolleyes:

ياروشه ياقمر فان السؤال

[emano]

اكتر حاجه عملتها وندمان :rolleyes:

[enjisultan]

انا بيتهيالى الواحد بيندم اكتر على حاجات معملهاش........وكان المفروض يعملها لكن اللى عملتة

بقى خلاص..... شعارنا اللى حصل حصل

سؤال بقى بس والنبى حد يعبرنى

تعمل اية لو كل يوم تحلم حلم تصحى تلاقيك عايشوا؟