لعبة كلنا نشترك فيها

[emano]

ممن اجاوب يا ايمانو يا جميلة؟

انا قضيت شهر العسل فى البيت والحمد لله وماروحناش فى حتة لاننا اتزنقنا جامد عشان عملنا فرح كبير وصرفنا اد كده بخيبتنا شوفتوا الخيبة عملنا فرح بسطنا الناس واحنا معرفناش ننبسط ولا نروح اى مكان

ياللا حد تانى يجاوب عقدونا بقى

سوالى ويا ريت حد يجاوبنى عليه الله يخليكوا يا ستات

ليه الملوخية بتسقط ايه السبب حد يقوللى الله يخليكوا ضرورى ى ى ى ى

فتفوته ياقمر اعملى الملوخيه زى ماقلتلك ذهبيه بس متنسنيش بطبق وحتته لحمه ولى ورك فرخه وعيش او ارز حسب منتى عامله مش حقول لا انا فاتحه الباب ومستنيه ولى ابعتلك عبودى :)

[ذهبية]

سؤالى بتتفرجو مع الاولاد على افلام ديزنى -وايه اخر فيلم

بصراحة لا انا ما باصدق يتلهوا قدام الفيلم و اشوف اللى ورايا سالت ولادى اية اخر فيلم ديزنى قالوا ليا هاى ميوزيكال 3

سؤالى

لما تعملوا شوبنج ياترى بتشتروا حاجات بجد انتم عايزينها و لا اى حاجة تعجبكم تشتروها

يعنى هل عندكم حمى الشراء ؟؟؟ ولا مدبرين و شاطرين و عارفين انتم بتشتروا اية ومحتاجينها ولالا

[الباشمهندس ياسر]

سؤالى

لما تعملوا شوبنج ياترى بتشتروا حاجات بجد انتم عايزينها و لا اى حاجة تعجبكم تشتروها

يعنى هل عندكم حمى الشراء ؟؟؟ ولا مدبرين و شاطرين و عارفين انتم بتشتروا اية ومحتاجينها ولالا

انا بشترى اللى اتطلب منى .. ماما او اخواتى وصونى عليه

و لو لقيت حاجة كويسة بجيبها ع طول من غير تفكير كتير

سؤالى..

ناوىين ترجعوا تستقروا ف مصر ولا خلاص على كده

[بركة]

ممكن انضم ليكم ها والله ماكنت واخدة بالي من الموضوع وكنت شغالة مع رجيم ام بلال وبس :sad:

[الباشمهندس ياسر]

ممكن انضم ليكم ها والله ماكنت واخدة بالي من الموضوع وكنت شغالة مع رجيم ام بلال وبس :sad:

اهلا بيك اختى بركة

تنورينا

[jessika]

انا عن نفسى لو هاجرت معتقدش افكر ارجع اعيش فى مصر تانى . سؤالى اية معنى الحب الحقيقى فى كلمتين؟

[الباشمهندس ياسر]

سؤالى:

ايه معنى الحب الحقيقى ف كلمتين

انا + انت = احنا

سؤالى

التعريف اللى انا كتبته ده صح ولا من الاوهام

[jessika]

صح جدا يا بشمهندس ياسر .سؤالى تفتكر بعد ما انا+انت=احنا ممكن يرجع تانى وتبقى انا بس وانت بس ؟ تحت اى ضغط

[الباشمهندس ياسر]

صح جدا يا بشمهندس ياسر .سؤالى تفتكر بعد ما انا+انت=احنا

ممكن يرجع تانى وتبقى انا بس وانت بس ؟ تحت اى ضغط

انا بصدق اوى ف موضوع الاصول .. يعنى لو الطرفين عندهم اصل كويس

اكيد مش هيحصل بينهم الكلام ده ابدا و اى مشكلة هتحصل هتزيد الود و الترابط

انما لو طرف اصله مش ولابد يبقى توقعى الانفصال مع اول مشكلة تقيلة

سؤالى...

اخر فيلم سينما دخلته و اول فيلم عايز تدخله؟

[قلب ابيض]

]

سؤالى...

اخر فيلم سينما دخلته و اول فيلم عايز تدخله??

اخر فيلم دخلته حسن ومرقص

واول فيلم عاوزه ادخله اى حاجه جديده لأحمد حلمى

لانه بجد اقدر ادخل له اى فيلم انا واسرتى ونحرج كلنا مبسوطين ومستمتعين

سؤالى :

ايه الكلمه اللى تتمنى تتحذف من كلام كل الناس ؟؟؟

تم تعديل 23 مارس 2009 بواسطة قلب ابيض

[SoSo R]

الكلمة اللى المفروض تتحذف

معلهش ,عادى

سؤالى:

لو جوزك راجع من الشغل متنرفز ع الآخر هيكون رد فعلك إيه؟

وللرجال لو مراتك راجعة معيطة من الشغل هتعمل إيه؟

للعزاب...

فكروا فى الموقف و ردوا عليا

[ام بودى]

ايه الكلمه اللى تتمنى تتحذف من كلام كل الناس ؟؟؟

انت متعرفش انا مين (المحسوبية المحسوبية اف حاجة تقرف)

سؤالى

هل لجأت الى الواسطة والمحسوبية عشان تمشى معاملة

[jessika]

لو جوزى راجع من الشغل عصبى اكيد لازم اكون هادية جدا واسيبة شوية يهدى واعرف براحة منة فى اية ونتناقش لو اقدرت افيدة برأى كان بها مقدرتش يبقى اهو فضفض شوية .سؤالى مين يعرف الخلطة المظبوطة لدجاج كنتاكى قبل ما يبقى سىء كدة

[الباشمهندس ياسر]

سؤالى:

لو جوزك راجع من الشغل متنرفز ع الآخر هيكون رد فعلك إيه؟

وللرجال لو مراتك راجعة معيطة من الشغل هتعمل إيه؟

للعزاب...

فكروا فى الموقف و ردوا عليا

لو مراتى راجعه م الشغل معيطه ( رغم انى مش ناوى اخليها تشتغل اصلا )

هيبقى يوم اسود على السبب ف ده و ربنا يستر و الموضوع ميوصلش لجناية

سؤالى

هل لجأت الى الواسطة والمحسوبية عشان تمشى معاملة

ايوه طبعا

سؤالى:

انت تقدر تاخد انطباع عن حد ف النت ؟؟

[ذهبية]

جيسكا توامى ازيك نورتى اللعبة و الله

و انا اقول النهاردة اللعبة مشمسة ودمها خفيف

اهلا بيك يا باش مهندس ياسر بعد غياب

طبعا تنورى يا بركة علشان البركة تحل علينا كلنا

السؤال بتاعك يا جيسكا

الخلطة بتاعة الكنتاكى ؟؟؟؟؟

بصى انا ابعملها فى البيت بطريقتى الخاصة و بتطلع تحفة بصراحة انا هاقولك ازاى

بصى يا ستى

صدور فراخ حسب ما انتى عايزة و تقطعيها الحجم اللى يناسبك

تجيبى بقى تلات علب زبادى و تفرغيهم فى طبق كبير و تحطى بقى اللى هاقولك علية

راس تومة مهروسة و علية البهارات بقى

ملح فلفل شوية كمون شوية قرفة اهم حاجة بقىىىى الزعتر دة سر الخلطة

و تحطى صدور الفراخ على الخلطة دى و عليهم بقى الخل علشان بيخلى الفراخ تستوى بسرعة

كل دة بقى التلاجة يا جميل ساعتين على الاقل

بعدها بقى

تحميرها بس انا لما باحمرها مش باستخدم بيض نهائى هتعملى الاتى

دقيق و عليهم مية و يبقوا زى العجينة السايبة كدة تطلعيهم على البقسماط و تحمرى

و بالهنا والشفا

[ذهبية]

انت تقدر تاخد انطباع عن حد ف النت ؟؟

اة طبعا ياباش مهندس ياسر هوصحيح ممكن جدا تكون البيانات بتاعتة كلها كذب عن الاسم و السن و الظروف

لكن اعتقد شخصيتة دى بقى اللى مش ممكن هيقدر يداريها كتير ممكن لحظة لكن الطبع غلاب

طبيعى جدا بعد مدة من الحوار تكون معالم الشخصية ظاهرة على الاقل نصها

لكن طبعا الخيال دايما بيكون احلى كتير من الحقيقة يعنى انت على النت بتشوف الصور المعدلة

سؤالى

تتعامل ازاى مع البنت العنيدة و تتعاملى ازاى مع الرجل العنيد؟؟

[الباشمهندس ياسر]

سؤالى

تتعامل ازاى مع البنت العنيدة و تتعاملى ازاى مع الرجل العنيد؟؟

لو خلفت بنت و طلعت عنيدة .. اكيد هعاملها بالطريقة المناسبة

و هى الاقناع و استخدام المنطق و اللين و ضرب الامثال

انما انا شخصيا معنديش دماغ انى ارتبط بواحدة وتطلع عنيده

مينفعش يبقى البيت فيه اتنين ديوك

البيت فيه ديك و سعيد بدوره ده و فرخه بتستمتع بانها فرخة :blush2:

سؤالى :

ثقتك ف حد اتعرفت عليه م النت وصلت لغاية فين؟

[قلب ابيض]

سؤالى

تتعامل ازاى مع البنت العنيدة و تتعاملى ازاى مع الرجل العنيد؟؟

لو خلفت بنت و طلعت عنيدة .. اكيد هعاملها بالطريقة المناسبة

و هى الاقناع و استخدام المنطق و اللين و ضرب الامثال

انما انا شخصيا معنديش دماغ انى ارتبط بواحدة وتطلع عنيده

مينفعش يبقى البيت فيه اتنين ديوك

البيت فيه ديك و سعيد بدوره ده و فرخه بتستمتع بانها فرخة :blush2:

سؤالى :

ثقتك ف حد اتعرفت عليه م النت وصلت لغاية فين؟

ده كلام يا باشمهندز برده؟؟ديك وفرخه ؟؟؟

وانا اقول انت ليه نافش ريشك علينا اتاريها بايضه لك فى القفص ياعم

ربنا يوفقك للنص الحلو اللى يستاهلك

ردا على سؤالك بقى

انا اعرف بنوته من النت من اكتر من 4 سنوات ولا اعرف شكلها وهى تعتبرنى ام لها وانا بتوحشنى جدا جدا لو اتأخرت على فى الايميل وبنا صداقه ومحبه وصلت لحل مشكلاتنا سوا

اه تصدق باشركها فى حل مشكله ولادى اللى من سنها

سؤالى :

لآى مدى تسمح لزوجتك او زوجك لآن يكون ارتباطه بالنت يومى ؟؟؟

[الباشمهندس ياسر]

فين بس الريش اللى انا نافشه ده و انا اخلى ماما تقصهولى حالا

:blush2:

عموما

مفيش مشكلة ان مراتى تعمل اشتراك ع المنتدى بتاعنا طبعا و تدخل تتابع ع طول

سؤالى :

هو شريك حياتك بيرخم عليك عشان بتيجى المنتدى هنا ؟؟

[ذهبية]

سؤالى :

هو شريك حياتك بيرخم عليك عشان بتيجى المنتدى هنا ؟؟

هو ساعات ساعات لما بيلاقنى مطنشاه و مشغولة عنة بالمنتدى او لما اضحك فجاة كدة و انا بقرا التعليقات بتاعتكم علشان انتم دمكوا خفيف موووووووووووت

الاقية يغير لكن بالحقة فورا انى احكى لة و اشاركة فى الراى و اضحكة معايا و هو عارفكم كلكم بالاسم

و باخد راية و اقولة اية رايك ؟؟؟و باشاركة فى كل شىء

سؤالى بقى بما انك فتحت موضوع الترخيم الىل بين الزوج و الزوجة

لية الراجل يرخم قوى على زوجتة لما يرجع يلاقيها بتتكلم فى التليفون و لا بتضحك و هى بتكلم صاحبتهاو يتعمد يجى جنب التليفون و يعلى صوتة قوى قال اية بينادينى