لعبة كلنا نشترك فيها

[الباشمهندس ياسر]

سؤالى بقى بما انك فتحت موضوع الترخيم الىل بين الزوج و الزوجة

لية الراجل يرخم قوى على زوجتة لما يرجع يلاقيها بتتكلم فى التليفون و لا بتضحك و هى بتكلم صاحبتهاو يتعمد يجى جنب التليفون و يعلى صوتة قوى قال اية بينادينى

الراجل عامل زى الطفل بالظبط

بيحب انه يكون موضع اهتمامها كله بالكامل... ده انا عن نفسى يعنى

و كما قال على الحجار

ايدك خليها ف ايدى .. انا طفل كبير

[بركة]

[='الباشمهندس ياسر' ]

و كما قال على الحجار

ايدك خليها ف ايدى .. انا طفل كبير

:blush2:

اخ قفشتك يا باش مهندس ياسر هو انت بتسمع علي الحجار

أصلي بحب صوته أوي...

يلا السؤال القادم : ايه اكتر اغنية قديمة او حديثة بتحب تسمعها ؟ wst::

تم تعديل 24 مارس 2009 بواسطة بركة

[بركة]

بالنسبة لسؤال ذهبية هو شريكك بيرخم عليك

ساعات ساعات بس بجد بحس بانه زي الطفل اللي مش عاوز امه تهتم بحد غيره

وسؤالي سألته في ردي اللي فات

ايه اكتر اغنية قديمة او حديثة بتحب تسمعها ؟

[SoSo R]

بالنسبة لسؤال ذهبية هو شريكك بيرخم عليك

ساعات ساعات بس بجد بحس بانه زي الطفل اللي مش عاوز امه تهتم بحد غيره

وسؤالي سألته في ردي اللي فات

ايه اكتر اغنية قديمة او حديثة بتحب تسمعها ؟

شوفى يا ستى 90% من أغانى عمرو دياب بحب أسمعها

لدرجة إن الموود لو مقلوب يكون العلاج هو عمرو دياب مع سواقة على سرعة 140

السؤال هو

لما بتخرجوا مع بعض أى راجل ومراته....بتمسكوا إيدين بعض و تحرصوا على كدة

ولا مش مهم مش هتفرق

ولا واحد قدام و التانى وراه

[شيماء حمدين]

لما بخرج انا وجوزى

بيكون لطيف جدا لدرجة انى بحس اننا لسة مخطوبين

هو مش بيمسك ايدى وبس لكن بنمشى كمان انكاجية والولاد قدام

لكن بقى لما ازود علية فى المشى والفرجة

تنفك الانكجية وابقى ماما

بمناسبة الكلام عن الازواج

جوزك بيحبك قد اية وانتى رقم كام عندة؟ دة للمتزوجين

غير المتزوجين / لو البنت اللى هتتجوزها لها صديق زى اخوها فعلا وعرفتك علية هتوافق انى الصداقة دى تستمر بعد الجواز؟

[الباشمهندس ياسر]

غير المتزوجين / لو البنت اللى هتتجوزها لها صديق زى اخوها فعلا وعرفتك علية هتوافق انى الصداقة دى تستمر بعد الجواز؟

لآ

سؤالى:

كام تجربة صداقة بين ولد وبنت قدام عنيك كملت و كام تجربة فشلت؟

[قلب ابيض]

جوزك بيحبك قد اية وانتى رقم كام عندة؟ دة للمتزوجين

غير المتزوجين / لو البنت اللى هتتجوزها لها صديق زى اخوها فعلا وعرفتك علية هتوافق انى الصداقة دى تستمر بعد الجواز؟

ياشيماء السؤال ممكن يكون : زوجتك رقم كام عندك؟

او زوجك رقم كام عندك؟

ولو افترضنا صحة سؤالك اقولك بكل فخر وثقه فى آن واحد 0000البرنجى ياباشا ولله الحمد "حتى أسألوه " :P

وااسمحى لى تجاوزا اجاوب على الجزء التانى بتاع غير المتزوجين كمان " ياله هو الكلام بفلوس " ;)

مافيييييش راجل شرقى ابدا يسمح لزوجته ان يكون فى حياتها رجل غيره 000الا ابنه ومن تحت الضرس كمان

صح ولا ايه يا بشر؟؟؟؟؟

[ذهبية]

صح و الف صح يا قلب ابيض

سؤالى:

كام تجربة صداقة بين ولد وبنت قدام عنيك كملت و كام تجربة فشلت؟

عمليا اى صداقة بين ولد و بنت لازم بعد حين تنقلب الى حب و تبعد تماما عن الصداقة و بما انهم من خلال

الصداقة عرفوا عيوب بعض قوى و عرفوا ادق تفاصيل حياتهم اللى مكنش المفروض يعرفوها بالتالى عمر

حتى ما الحب بينجح بينهم يعنى الموضوع فاشل فاشل

سؤالى

تعملى اية لما تلاقى جوزك فجاة نزل من غير ما يقولك و لما تطلعى تشوفية تلاقية واقف مع وحدة غريبة متعرفيهاش بيكلمها فى الشارع وهاتك يا كلام لمدة نص ساعة ؟؟؟؟؟؟

تستقبلية ازاى بقى لما يطلع!!!!!!!!!!!!!!!و هتعملى اية بالضبط ؟؟؟؟

[الباشمهندس ياسر]

صح و الف صح يا قلب ابيض

سؤالى:

كام تجربة صداقة بين ولد وبنت قدام عنيك كملت و كام تجربة فشلت؟

عمليا اى صداقة بين ولد و بنت لازم بعد حين تنقلب الى حب و تبعد تماما عن الصداقة و بما انهم من خلال

الصداقة عرفوا عيوب بعض قوى و عرفوا ادق تفاصيل حياتهم اللى مكنش المفروض يعرفوها بالتالى عمر

حتى ما الحب بينجح بينهم يعنى الموضوع فاشل فاشل

اسمحيلى ارفع القبعة احتراما و تقديرا للكلمتين دول .. لانهم اصابوا كبد الحقيقة فى النقطة دى بالذات

الا انى لازم اوضح ان مش كل الصداقات بتنتهى النهاية دى

[الباشمهندس ياسر]

سؤالى

تعملى اية لما تلاقى جوزك فجاة نزل من غير ما يقولك و لما تطلعى تشوفية تلاقية واقف مع وحدة غريبة متعرفيهاش بيكلمها فى الشارع وهاتك يا كلام لمدة نص ساعة ؟؟؟؟؟؟

تستقبلية ازاى بقى لما يطلع!!!!!!!!!!!!!!!و هتعملى اية بالضبط ؟؟؟؟

هوه مفيش واحده ست عايزه ترد ع السؤال ليه؟؟

[شيماء حمدين]

سؤالى

تعملى اية لما تلاقى جوزك فجاة نزل من غير ما يقولك و لما تطلعى تشوفية تلاقية واقف مع وحدة غريبة متعرفيهاش بيكلمها فى الشارع وهاتك يا كلام لمدة نص ساعة ؟؟؟؟؟؟

تستقبلية ازاى بقى لما يطلع!!!!!!!!!!!!!!!و هتعملى اية بالضبط ؟؟؟؟

هوه مفيش واحده ست عايزه ترد ع السؤال ليه؟؟

i

سؤال صعب لكنى انا شخصيا هستنى لما يطلع ومش هسالة

لو هو قالى من نفسة يبقى خلاص باءة بس متتكررش تانى يعنى ابقى خدنى معاك

اما لو سكت ومقالش اااااااااااااااااااااااااااااااة

طبعا هسالة بهدوء من الست القمر اللى كنت واقف معاها دى ؟

لكن اختارى وقت وطريقة السؤال بزكاء

واللة الست بتعانى ياجدعان

سؤالى وخلينا بقى نسيب الازواج فى حالهم وكفاية تقطيع فى فروتهم دول بردو واللة غلابة

لية دايما احنا كمصريين لما بنسافر نظرتنا لبلدنا بتختلف يعنى بنكون ناقضين لكل شىء فيها ومش عاجبنا الحال لدرجة اننا ممكن نتهكم عليها؟

[secowerewolf]

سؤالى وخلينا بقى نسيب الازواج فى حالهم وكفاية تقطيع فى فروتهم دول بردو واللة غلابة

لية دايما احنا كمصريين لما بنسافر نظرتنا لبلدنا بتختلف يعنى بنكون ناقضين لكل شىء فيها ومش عاجبنا الحال لدرجة اننا ممكن نتهكم عليها؟

نتهكم ده لاننا مصريين و مابنسيبش حد حد فى حاله الا لما نتريأ عليه..و كتير يعتبروها ظرافة و خفة دم و ناس تانية تعتبرها فلة ذوق..اما من حيث النظرة اللى بتختلف ليه مايكونش هى دى الحقيقة و ان بلدنا فعلا بتتحول للاسوأ و خصوصا لما بنسافر و نشوف الفرق؟؟!!

سوألى هو هل حسيت فى مرة انك ندمت على خير عملته فى بنى أدم لان البنى أدم ده قابل الخير بنكران جميل و كذب او حتى بسخرية زى اللى كنا بنتكلم عليها دلوقت؟؟

[الباشمهندس ياسر]

سوألى هو هل حسيت فى مرة انك ندمت على خير عملته فى بنى أدم لان البنى أدم ده قابل الخير بنكران جميل و كذب او حتى بسخرية زى اللى كنا بنتكلم عليها دلوقت؟؟

ان صادف المعروف اهله فهم اهله

و ان لم يصادف المعروف اهله فأنت أهله

رجاء: ممكن تغير صور المذؤوبين دول ... اذا تكرمت يعنى

سؤالى :

بتفكر ف ايه دلوقتى حالا؟

[شيماء حمدين]

سؤالى

بتفكر ف ايه دلوقتى حالا؟

حالا بفكر انا بفكر فى اية

لا بجد بفكر فى السؤال اللى اكتبة

وهو

امتى نسيب الغربة ونرجع ونقول كدا كفاية ؟فية حد سأل نفسة السؤال دة

[الباشمهندس ياسر]

امتى نسيب الغربة ونرجع ونقول كدا كفاية ؟فية حد سأل نفسة السؤال دة

لسه ماخدتش قرارى

عموما ربنا كريم يهدينا للحق حيث كان

سؤالى:

فكرت ف وقاحة و بجاحة بعض الناس قبل كده؟؟

[SoSo R]

امتى نسيب الغربة ونرجع ونقول كدا كفاية ؟فية حد سأل نفسة السؤال دة

لسه ماخدتش قرارى

عموما ربنا كريم يهدينا للحق حيث كان

سؤالى:

فكرت ف وقاحة و بجاحة بعض الناس قبل كده؟؟

العادى دلوقت إن الناس غير محترمة.... لدرجة إن الواحد لما بيلاقى حد محترم مش وقح ومش بجح وبيتكسف و كدة بيحس إن فيه حاجة غلط

أو إن دة كائن من عالم آخر مش من دنيتنا

سؤالى:

إيه المفروض الواحد يعمله لما تلاقى حد من المحيطين بيك فى العمل أو الدراسة أو الحياة الأجتماعية بيقتحم عليك حدود الخصوصية الشخصية وبيطالبك بمعرفة أدق تفاصيلك للتأكيد على حسن النوايا فى علاقتكم...و اللى يحسسك إنك مراقب و تحت المنظار

تعمل إيه فى الحالة دى؟؟

الواحد نفسه فى شوية خصوصية فى حياته

تم تعديل 25 مارس 2009 بواسطة SoSoRaNy

[aif]

العادى دلوقت إن الناس غير محترمة.... لدرجة إن الواحد لما بيلاقى حد محترم مش وقح ومش بجح وبيتكسف و كدة بيحس إن فيه حاجة غلط

أو إن دة كائن من عالم آخر مش من دنيتنا

سؤالى:

إيه المفروض الواحد يعمله لما تلاقى حد من المحيطين بيك فى العمل أو الدراسة أو الحياة الأجتماعية بيقتحم عليك حدود الخصوصية الشخصية وبيطالبك بمعرفة أدق تفاصيلك للتأكيد على حسن النوايا فى علاقتكم...و اللى يحسسك إنك مراقب و تحت المنظار

تعمل إيه فى الحالة دى؟؟

" I need some privacy here"

علاج واحد وسهل وفوري .... الاهمال

اللي بالنوعية دي البعد عنه غنيمة

وانت الكسبان

...

سؤالي

هل احنا كمصريين صالحين ولا لأ ....هل نستحق افضل مما نحن فيه ... ام انه من اعمالنا نستحق ما يجري لنا

[الباشمهندس ياسر]

سؤالي

هل احنا كمصريين صالحين ولا لأ ....هل نستحق افضل مما نحن فيه ... ام انه من اعمالنا نستحق ما يجري لنا

احنا نستاهل كل خير ان شاء الله

و مسير الوضع يتغير و البلد ترجع زى زمان

سؤالى..

اخر مرة حضرت فرح .. كان فين و كان ايه نظامه؟

[ذهبية]

سؤالى..

اخر مرة حضرت فرح .. كان فين و كان ايه نظامه؟

اخر فرح كان لبنت خالى فى ماريوت ميراج و كان تحفةةةةةة و قبلها بمدة بسيطة كان فرح اخويا كان تحفة برضة و كان طبعا فية سعودين بحكم انة بيشتغل فى السعودية و جم مخصوص علشان الفرح و بصراحة عملوا نمرة حلوة جدا لما الفرقة غنت لهم بالسعودى

سؤالى

ياترى جت لك او لكى الجراة انك كدة تشيكى على موبايل جوزك او زوجتك او خطيبتك يعنى تبصى على الرسايل نمرة كدة او كدة نظرة بريئة من غير شك و لا حاجة لكن لكى يطمن قلبك اجابة صريحة لو سمحتوا

[قلب ابيض]

سؤالى

ياترى جت لك او لكى الجراة انك كدة تشيكى على موبايل جوزك او زوجتك او خطيبتك يعنى تبصى على الرسايل نمرة كدة او كدة نظرة بريئة من غير شك و لا حاجة لكن لكى يطمن قلبك اجابة صريحة لو سمحتوا

بمنتهى منتهى الجرأه أنا شيكت اكتر من مره على موبيل زوجى الحبيب والله والله من غير شك بس لسبب تانى خالص

" ممنوع السخريه " السبب انه يادوب يقفل ويفتح الموبيل بس على عكسى مغرمه بالأجهزه والآلكترونيات والعمليه عمليه تكافؤ وتكامل 00هو يشترى الاجهزه وانا استعملها :unsure: منتهى التفاهم صح ؟؟؟

وعلى فكره انا عمرى ما حطيت باسورد لا لموبيلى ولا للابتوب بتاعى الموضوع من الآخر ثقه والحمد لله

سؤالى :

تعملوا ايه لو اتلغى النت فجأه من البلد اللى انتو فيها؟؟مثلا مثلا يعنى؟

تم تعديل 26 مارس 2009 بواسطة قلب ابيض