لعبة كلنا نشترك فيها

[goodnewss]

برافو عليكي يادهبيه انا شخصيا هامنع أهلي كلهم من الخروج وهاروح المستشفي لان ده واجبي ناحيه ربنا قبل كل شئ ومش هاخرج منها أبدا عشان مانقلش العدوي بره واكتبلكم هنا كل الأخبار من قلب الحدث لحد ما ربنا يكرم بإحدي الحسنيين والسؤال بقه ساعتها هاتقروا أخباري وهاتدعولي ولا لأ؟

[ذهبية]

الف سلامة عليكى يا جود نيوز دة الواحد لما لما بيقرا اسمك بيشتبشر خير كدة و يعرف انة فية خبر حلو هيسمعة ربنا يا رب ما يجيب حاجة وحشة

و طبعا هندعيلك و ندعى لانفسنا يارب يحمينا من هذا البلاء الذى اوقعة فينا السفهاء منا و يارب ما يحصل اى شر ابداااااا

سؤالى

اخبار الامتحانات اية معاكم اللى يجى بعد منى يقول مين عندة بيمتحن اليومين دول و ياترى جو البيت اية فى الامتحانات الى مطيرة النوم من عنينا ؟؟؟؟؟؟؟؟

[عنبو]

فكرتنى يايام الامتحانات والله ايام كانت بتبقى صعبه وخصوصا ايام الكليه

بس الواحد كنت ممكن منمش خالص يعنى ممكن اقعد باليومين منمش وده كله علشان الحق اخلص بس بجد احسن حاجه فى ايام الامتحانات ان الواحد تلاقى كده بلاقى نفسه الخمس فروض بيصليهم فى المسجد بانتظام حتى ابويا الله يرحمه كان بيقلى كلمه صلى وصام لامر كان ولما انتهى الامر لا صلى ولا صام بس طبعا كنت بصلى واصوم بعد الامتحانات بس المقصود انى مكنتش بصلى فى المسجد

على انا عندى اخويا دلوقتى فى تالته كليه وهو على وشك الامتحانات ادعوه له ربنا يسهله وينجحه هو وكل اللى بيمتحنوا يارب يارب

اما بالنسبه لجو البيت فتقريبا هيبقى عادى يعنى طالما مافيش ثانويه عامه هيبقى عادى لكن لو فيه حد ثانويه بتبقى حاجه صعبه بس الحمد لله ربنا عدها على خير !!!!!!!!!!!!!!

[عنبو]

سؤالى بقى تعمل ايه لو ذكرت وتعبت ومجبتش مجموع او مجبتش تقدير ؟؟؟ ياترى هتنفض ولا هتفضل تذاكر زى ماانت ؟؟ ولا ايه ؟؟؟؟؟؟؟؟؟؟؟؟؟؟

[emano]

لاطبعا مش حذاكر تانى ممكن اعمل درسات بس اعيد حاجه تانى لقه

والله جو البيت فى الامتحانات بحاول يكون عادى علشان هما عندى لسه صغيرين

جراد 1 وكاجى 2

بس مشكله الاطفال انهم عيزين يلعبو كل الوقت

يعنى عندى عبودى اول مايقعد يذاكر يعيط علشان وقت اللعب حيضيع

سؤالى بتحسوا سعات ان المنتدى بيكون نايم شويه وسعات بيكون نشط جدا ولى ده احساسى بس

[ذهبية]

سؤالى بتحسوا سعات ان المنتدى بيكون نايم شويه وسعات بيكون نشط جدا ولى ده احساسى بس

انا معاكى الف فى المية يا ايمانو و المواضيع لما تكون نشيطة دة بيرجع لسببين

الاول الموضوع نفسة اللى بيجذب اكبر عدد من الاعضاء للرد علية

السبب التانى الخناق اللذيذ و النقار بين الاعضاء اللى بيحمى الحوار و بيزود علية الملح و الفلفل واعتقد ان من مدة مجاش لسة المووضع اللى يكون فية الصفات دى

و الصيف والاجازات اللى مخلى تلات اربع الاعضاء مش بيدخلوا النت كتير

[ذهبية]

سؤالى

واحد بيشترى شقة و محتار بين اتنين لو مكانة تعمل اية؟؟؟؟؟؟

1--- شقة كبيرة حلوة و تشطيب و برج شيك لكن المكان نص نص

2----و شقة فى مكان روعة تحفة لكن الشقة نص نص ضغيرة و ضيقة و تشطيب متوسط

-------------------------------------------------------------------------------------------------------------------------

ياترى انهو اهم مكان الشقة و لا الشقة نفسها الى هتسكن فيها؟؟؟؟

يا الله مين جاى و رايا يجاوب

[عنبو]

المكان الراقى طبعا لان الجار اقبل الدار

وان كنت مش بحب الشقه الضيقه لكن قضى اخف من قضى

طيب مش ينفع تبقى شقه واسعه وفى مكان كويس ؟؟

السؤال

انت بتحب الناس تناديك باسمك عادى ولا اللقب ولو حصل وواحد مثلا عربجى دخل عليك مكان شغلك واقلك اقدام زمايلك يا فلان باسمك عادى وبدون اى القاب هتعمل ايه ؟؟؟

[SANAA]

سؤالي

سؤالى

ايه الحلم اللى نفسك تحققه اوى؟

اشوف فرح اولادي :blink:

سؤالي

لو لك ان ترأي احد المشهورين من تتمني ان تقابل ولماذا ؟؟؟؟؟؟؟

[emano]

المكان الراقى طبعا لان الجار اقبل الدار

وان كنت مش بحب الشقه الضيقه لكن قضى اخف من قضى

طيب مش ينفع تبقى شقه واسعه وفى مكان كويس ؟؟

السؤال

انت بتحب الناس تناديك باسمك عادى ولا اللقب ولو حصل وواحد مثلا عربجى دخل عليك مكان شغلك واقلك اقدام زمايلك يا فلان باسمك عادى وبدون اى القاب هتعمل ايه ؟؟؟

بحب اتنادا باسمى ده طبعا لو وحده حتنادينى اما لو رجل مش معقوله لازم مدام

والله انا مبشتغلش علشان كده مش حبقى واقعيه قوى معاك فى الرد

بس متهيقلى مش حبقى مبسوطه يعنى الازم اى لقب استاذه اى حاجه كده مهو راجل

[الباشمهندس ياسر]

سؤالي

سؤالى

ايه الحلم اللى نفسك تحققه اوى؟

اشوف فرح اولادي :lol:

سؤالي

لو لك ان ترأي احد المشهورين من تتمني ان تقابل ولماذا ؟؟؟؟؟؟؟

ربنا يفرحك بيهم ان شاء الله

بالنسبة لرؤية المشاهير

انا م النوع اللى بيسهر كتير ف اجازته و بشوف فنانين كتير و لاعيبة كورة و الجو ده

بس عمرى ما بتحرك من مكانى و لا اعمل زى الناس التعبانه ف دماغها و اروح اسلم على حد و الكلام ده

انما اللى فعلا كان نفسى اسلم عليه و اقعد معاه شوية فعلا .. مصطفى محمود

سؤلى

تفهم ايه لما تبقى لسه جاى م السفر اول ما تصل القاهرة تعيا 3 ايام و ف الرابع تقدر تخرج

ف الخامس انت راجع من مشوار السيارة تعطل لتكتش ان الموتور فوت و مجتاج عمرة و ف السادس اللاب توب بتاعك يبوظ لوحده كده

[elshafey]

سؤالي

سؤالى

ايه الحلم اللى نفسك تحققه اوى؟

اشوف فرح اولادي :blush2:

سؤالي

لو لك ان ترأي احد المشهورين من تتمني ان تقابل ولماذا ؟؟؟؟؟؟؟

ربنا يفرحك بيهم ان شاء الله

بالنسبة لرؤية المشاهير

انا م النوع اللى بيسهر كتير ف اجازته و بشوف فنانين كتير و لاعيبة كورة و الجو ده

بس عمرى ما بتحرك من مكانى و لا اعمل زى الناس التعبانه ف دماغها :blush2: و اروح اسلم على حد و الكلام ده

انما اللى فعلا كان نفسى اسلم عليه و اقعد معاه شوية فعلا .. مصطفى محمود

سؤلى

تفهم ايه لما تبقى لسه جاى م السفر اول ما تصل القاهرة تعيا 3 ايام و ف الرابع تقدر تخرج

ف الخامس انت راجع من مشوار السيارة تعطل لتكتش ان الموتور فوت و مجتاج عمرة و ف السادس اللاب توب بتاعك يبوظ لوحده كده

أفهم إن في حد باصص ليا في الاجازة

أو الناس مفكرة إن راجع بزكيبة فلوس من الخليج وبتقر عليا

سؤالي هو:

إيه كان شعورك وإنت نازل علي سلم الطيارة في أول أجازة ليك بعد أول سنة غربة؟

[emano]

شعورى وانا نازله من سلم الطياره اول اجازه

كنت بغن ياصحابى ياهلى ياجرانى انا عايز اخدكم فى احضانى

كانت الفرحه والسعاده غامره كنت بقول اسبقنى ياقلبى اسبقنى

من اجمل الاحاسيس

سؤالى

برنامج فى التلفزيون متقدرش تفوته ابدا

ايه رئيك فى ستاراكدمى بصراحه

[ذهبية]

برنامج فى التلفزيون متقدرش تفوته ابدا

ايه رئيك فى ستاراكدمى بصراحه

ازيك يا ايمانوووو بالنسبة للسؤال الاول طبعا استحالة تقدرى تتحكمى فى وقتك حسب البرامج وطبعا انتى عارفة علشان الاطفال

وكدة لكن باحب اتابع برامج الشيخ محمد حسان بالذات لما يكون مباشر على الهوا

و قناة مسايا بالذات فى الافراح و قناة العاشرة مساء زى ما انتى شايفة باحب التنويع

السؤال التانى

ستار اكاديمى بصراحة فاشل فاشل ودعوة الى الانحلال و فساد الاخلاق و الفكرة كلها على بعض بصراحة مش مناسبة ابدا لمجتمعنا و لا لدينا الاسلامى و دة راى الشخصى

بالرغم انى عارفة ان كتير بيحبوا لكن دة راى الشخصى

[ذهبية]

سؤالى

لما تتعارض مصلحتك الشخصية و مصلحة اولادك مع مصلحة اخواتك ياترى هتختار مين ؟؟؟؟

ياترى ممكن تستغنى على مصلحتك الشخصية فى سبيل انك متزعلش اخواتك

ولا هتختار مصلحتك ومصلحة اولادك ؟؟؟ و كل طرف لة وجهة النظر المقنعة من وجهة نظرة

ومفيش بدائل يعنى لا السكة دى لا السكة دى ياترى لو مكانى تختار اية

[elfakhrany]

ستار اكاديمى بصراحة فاشل فاشل ودعوة الى الانحلال و فساد الاخلاق و الفكرة كلها على بعض بصراحة مش مناسبة ابدا لمجتمعنا و لا لدينا الاسلامى و دة راى الشخصى

بالرغم انى عارفة ان كتير بيحبوا لكن دة راى الشخصى

تعجبت كثيرا عندما وجدت أحد الأصدقاء صيدلى عمره 30 عاما وهو يتصل بى وتغمره السعادة ويقول لى أن لورا أو لارا فازت فى ستار أكاديمى الأسبوع الماضى أحسست بأزمة كبيرة وهى أن تأثير هذه البرامج الهدامة لم يمتد فقط للمراهقين بل امتد الى الأباء والأمهات وكنت فى قمة دهشتى عندما قال لى أنه يشاهد البرنامج أسبوعيا مع مدير الصيدليات اللذى عمره 45 عاما smk: أدركت وقتها أن لا أمل فى التقدم اللذى نحلم به ليلا ونهارا

[قلب ابيض]

سؤالي

سؤالى

ايه الحلم اللى نفسك تحققه اوى؟

اشوف فرح اولادي

سؤالي

لو لك ان ترأي احد المشهورين من تتمني ان تقابل ولماذا ؟؟؟؟؟؟؟

ربنا يفرحك بيهم ان شاء الله

بالنسبة لرؤية المشاهير

انا م النوع اللى بيسهر كتير ف اجازته و بشوف فنانين كتير و لاعيبة كورة و الجو ده

بس عمرى ما بتحرك من مكانى و لا اعمل زى الناس التعبانه ف دماغها و اروح اسلم على حد و الكلام ده

انما اللى فعلا كان نفسى اسلم عليه و اقعد معاه شوية فعلا .. مصطفى محمود

سؤلى

تفهم ايه لما تبقى لسه جاى م السفر اول ما تصل القاهرة تعيا 3 ايام و ف الرابع تقدر تخرج

ف الخامس انت راجع من مشوار السيارة تعطل لتكتش ان الموتور فوت و مجتاج عمرة و ف السادس اللاب توب بتاعك يبوظ لوحده كده

افهم ان ربنا بيحبنى انها مجتش فى حادثه لاقدر الله واحمد ربنا على سلامتى واللى معايا 00

واكيد اللاب توب اتغير ت الكهربا اللى داخله له او حد من اخواتى الصغيرين حب يتعرف عليه 0000

اجر عربيه وادخل على نت البيت واستمتع بأجازتك وبلاش عقد يا هندزه :rolleyes:

[قلب ابيض]

سؤالى

لما تتعارض مصلحتك الشخصية و مصلحة اولادك مع مصلحة اخواتك ياترى هتختار مين ؟؟؟؟

ياترى ممكن تستغنى على مصلحتك الشخصية فى سبيل انك متزعلش اخواتك

ولا هتختار مصلحتك ومصلحة اولادك ؟؟؟ و كل طرف لة وجهة النظر المقنعة من وجهة نظرة

ومفيش بدائل يعنى لا السكة دى لا السكة دى ياترى لو مكانى تختار اية

اخواتى كبار كفايه 00ومسئولين عن نفسهم

اولادى مسئوليتى ومحدش هايشوف مصلحتهم زيى 000مش هاضحى باخواتى ولا مصلحتى الشخصيه

هاركن عواطفى شويه واتعامل بعقلى ومن منطلق مسئوليتى لآولادى

" حطى نفسك مكان الطرف الاخر وشوفى هايعمل ايه ؟؟؟"

سؤالى :

لو تخيلت انك مسكت الحكم فى بلدك المثاليه 00وعليك انك تخترع وزاره جديده 00هاتكون وزاره ايه ؟ وايه اهدافها؟

[الباشمهندس ياسر]

سؤالى :

لو تخيلت انك مسكت الحكم فى بلدك المثاليه 00وعليك انك تخترع وزاره جديده 00هاتكون وزاره ايه ؟ وايه اهدافها؟

بما انها بلد مثالية و بما ان مفيش مشاكل و الدنيا زى الفل... يبقى طبيعى اعمل وزارة تحل مشكلة الفراغ اللى عند الناس

و هسميها وزارة الانشغال.. ده بصفتى بفكر ف البلد و مصلحتها

انما لو هعمل زى ما الشيطان عايز .. يبقى هعمل وزارة للمساج و هستورد بنات من روسيا ... اشمعنى روسيا

ده حتى كازاخستان بتبعت بنات زى الورد

ياااااااه شكلى هبدأ اهيس ... المهم

سؤالى

تعمل ايه لما تكتشف ان الخراط .. اللى كنت فاكر انه راجل محترم ... بيعمل عليك شغل؟

[الباشمهندس ياسر]

افهم ان ربنا بيحبنى انها مجتش فى حادثه لاقدر الله واحمد ربنا على سلامتى واللى معايا 00

واكيد اللاب توب اتغير ت الكهربا اللى داخله له او حد من اخواتى الصغيرين حب يتعرف عليه 0000 :lol:

اجر عربيه وادخل على نت البيت واستمتع بأجازتك وبلاش عقد يا هندزه :lol:

الحمد لله ... انا بقيت زى الفل و العمرة قربت تخلص و اللاب توب اتصلح خلاص

و الاشية معدن

سؤالى

قلب ابيض مختفى ليه؟؟