لعبة كلنا نشترك فيها

[Damo]

هل لو رجع بيك الزمان للخلف حبتين ممكن تعمل حاجة أخرى لم تتمكن من عملها من قبل أو يعنى مثلاً ممكن تغير الكرير بتاعك؟؟؟؟؟؟

انا لو اتولدت من جديد مش هغير اي حاجه. رغم اني مريت بحاجات مقرفة جدا و كان مالهاش لزمة عشان اوصل للي انا عايزاه لكن منغيرها مكنش هيبقى عندي الحكمة اللي عندي دلوقتي

الخبرات السيئة مسعداني كتير اني اجتاز صعوبات دلوقتي

و بصراحة انا لسه ملحظتش حجات راحت عليا و كان نفسي اعملها

انا هسيب نفس السؤال للي بعدي لاني لسة معنديش كرير اغيرو :lol:

[الباشمهندس ياسر]

اعرف ابوبكر سالم يا باشمهندس ياسر بس مش بحب اسمعه عادااااى خالص احنا اصحاب لسه؟؟؟ ;)

طبعا لسه اصحاب

مين ده اللي يزعلنا من بعض

اوعوا بقى نفسى اسأل مره 0000

لو حسيت ان حبيبك خلى بيك او لعب بديله " مجازا " وانت من حبك له مش عاوز تظهر له علمك بكده 00

واتكرر شكك فيه

تعمل ايه ؟؟؟

بما ان مصرية مجاوبتش علي سؤالك

فانا يسعدني و يشرفني انني اقولك

شوفيه انشغل عنك بايه و اخترعي اجدع منه

شوفي ايه اللي شده هناك و اعمليه هنا

شوفي نقطة الضعف اللي لعبة عليها التانية و دوسي عليها

بس من غير ما يعرف طبعا

لانه لو عرف هندخل ف حوار تاني خااااااااااااالص

انا مش فاكره انو اتريق على العرب!

انا كل اللي فاكراه عن العرب حاجتين: اول ماكانوا بيطلبوا الفلوس من الحكماء حول العالم و كان منهم واحد خليجي و لما جابوا ناس من كل الاديان حول العالم بيصلوا و كان منهم المسلمين في الكعبة. انا مش شايفة حاجة وحشه في دول. هل في حتة مخدتش بالي منها ولا حاجة؟

ف اخر الفيلم لما بيقولوا انتوا اخترتوا الناس دي علي اي اساس

قال خبرائنا قاموا باختيارهم طبقا للمواصفات القياسية لمش عارف ايه

اللقطة جابت العربي و البطل قال ... بقي دول تم اختيارهم علي اساس علمي

افتكرتي ولا لسه؟

انا لو اتولدت من جديد مش هغير اي حاجه. رغم اني مريت بحاجات مقرفة جدا و كان مالهاش لزمة عشان اوصل للي انا عايزاه لكن منغيرها مكنش هيبقى عندي الحكمة اللي عندي دلوقتي

محروس من عيون البشر

سيدي يا سيدي ع الخبرااااااااااات

طب ابعتي شوية و لا حبة صغنطتين حتي

احسن انا الحياة عمالة تديني ع دماغي

[رضوي]

سؤالي للي بعدي

تعمل ايه لو انت بتحب تساعد الناس

و الناس استهبلت فيها و بدأوا يحملوك فوق طاقتك

و يشغلوك بيهم و بمشاكلهم

لحد اما ما تلاقيش وقت لنفسك شخصيا؟؟

اختي العزيزة مصرية مغتربة

افضل الناس عند الله انفعهم للناس

ممكن الواحد ينشغل بمشاكل الناس ويتعب انا معاكي

بس لو فكرنا شوية هنلاقي ان الناس دي بتشكيلنا همومها لسبب بسيط انهم بيثقوا فينا وفي قدرتنا علي مساعدتهم مش بس كدة انتي اكيد ربنا وهبك مهارة مش موجودة عند كتيير مننا وهي مهارة الاستماع

يعني بتقدري تسمعي الناس كويس وهما بيرتاحوا لما يشكولك

صحيح الواحد ممكن يتعب ويتضايق شويتين

بس لازم تتأكدي ان ثواب دة عند ربنا

وربنا يجعله في ميزان حسناتك

انا الحمد لله كنت بمل واتضايق من الموضوع دة وخصوصاً اني لما كنت بزعل واحتاج لحد اشكيله مابلاقيش حد ممكن اتكلم معاه (طبعاً غير ماما وبابا ) بس الانسان بيحتاج انه يتكلم مع صديق اكتر من اهله وعلي الرغم من كل اصدقائي بس مابلاقيش حد ممكن يسمعني كويس ويفهم وجهة نظري

بس اتعودت علي كدة وعرفت اهمية اني اسمع الناس وهما بيشكولي علي الرغم ان في ساعات مابقدرش انصحهم حتي

بس هما بيرتاحوا لما بسمعهم

وفي اصحابي ممكن اقدم لهم النصيحة والحمد لله بيثقوا جداً في رأيي

ودة اكبر مكافأة ليه

[Damo]

انا مش فاكره انو اتريق على العرب!

انا كل اللي فاكراه عن العرب حاجتين: اول ماكانوا بيطلبوا الفلوس من الحكماء حول العالم و كان منهم واحد خليجي و لما جابوا ناس من كل الاديان حول العالم بيصلوا و كان منهم المسلمين في الكعبة. انا مش شايفة حاجة وحشه في دول. هل في حتة مخدتش بالي منها ولا حاجة؟

ف اخر الفيلم لما بيقولوا انتوا اخترتوا الناس دي علي اي اساس

قال خبرائنا قاموا باختيارهم طبقا للمواصفات القياسية لمش عارف ايه

اللقطة جابت العربي و البطل قال ... بقي دول تم اختيارهم علي اساس علمي

افتكرتي ولا لسه؟

ايوه ايوه صح افتكرت. مممم ماشي. عموما مش هتكلم عشان واثقة اننا هنختلف و بلاش اعمل friction ;)

انا لو اتولدت من جديد مش هغير اي حاجه. رغم اني مريت بحاجات مقرفة جدا و كان مالهاش لزمة عشان اوصل للي انا عايزاه لكن منغيرها مكنش هيبقى عندي الحكمة اللي عندي دلوقتي

محروس من عيون البشر

سيدي يا سيدي ع الخبرااااااااااات

طب ابعتي شوية و لا حبة صغنطتين حتي

احسن انا الحياة عمالة تديني ع دماغي

اتفضل يا باشمهندس الخير كتير و ميغلاش عليك :amb:

اتفضلوا كلكوا يا جماعة اكمن انا احب اوزع خيراتي عشان الناس تفتكرني بحجات حلوة لما اسيب الدنيا دي :lol:

عموما سهلة هعرفك على شوية ناس من اللي و هناك انما ايييه... هيطلعوا عينك mfb:

[الباشمهندس ياسر]

ايوه ايوه صح افتكرت. مممم ماشي. عموما مش هتكلم عشان واثقة اننا هنختلف و بلاش اعمل friction

يعني مش كفاية خبرات عالية

لآ ... كمان ثقة عالية

طب جربي

[Damo]

ايوه ايوه صح افتكرت. مممم ماشي. عموما مش هتكلم عشان واثقة اننا هنختلف و بلاش اعمل friction ;)

يعني مش كفاية خبرات عالية

لآ ... كمان ثقة عالية

طب جربي

هههههههه شوفت عمايل الزمن فيا :amb:

عموما خليها مرة تانيه يكون الواحد رايق للنوع ده من المناقشات mfb: متفهمنيش غلط انا قصدي مناقشات ودية حادة :lol: لحسن بعيد عنك الساعة دلوقتي ١٠ بليل. يعني مخي خلاااص سكر سكر صديق

[ذهبية]

يعنى مفيش سؤال نحط سؤال

لو قدامك فرصة انك تعمل مشروع معاك المكان و الفلوس ومحتار بين مشروعين

واحد بيجيب فلوس كتير ومضمون المكسب لكن مش بتفهم فية حاجة

ومشروع مش هيجيب فى ساعتها محتاج وقت والله اعلم هيجيب ولالا لكن بتفهم فية

تختار انهوووووووو

[رضوي]

لو قدامك فرصة انك تعمل مشروع معاك المكان و الفلوس ومحتار بين مشروعين

واحد بيجيب فلوس كتير ومضمون المكسب لكن مش بتفهم فية حاجة

ومشروع مش هيجيب فى ساعتها محتاج وقت والله اعلم هيجيب ولالا لكن بتفهم فية

تختار انهوووووووو

بسم الله

بصراحة انا لو مكانك حعمل المشروع الي بفهم فيه كويس ؟

ماينفعش اعمل مشروع انا ماعرفش حاجة عنه

بس فيه نقطة مهمة

مبدأ الاستعانة بالخبرات

بمعني ان لو حضرتك تعرفي حد بيفهم كويس في المشروع الي عايزة تعمليه (بشرط ان الشخص دة يكون محل ثقة ) ممكن الشخص دة يمدك بالمعلومات والخبرات الي محتاجها علشان مشروعك

بس لو ماتعرفيش حد تثقي فيه يبقي بلاش مجازفة مالهاش لازمة واعملي مشروعك الي تفهمي فيه

[رضوي]

اه نسيت السؤال

سؤالي

لو عندك صديق/ة عزيز/ة جدا بس بعيد عنك وصعب حبتين انك تشوفه ( اصلها في بلد تانية ) وبصراحة وحشك جداً ونفسك تقعد ترغي معاه لساعات طويلة بس المواعيد مش متفقة انك تقابله ع النت تعمل ايه؟

[قلب ابيض]

اه نسيت السؤال

سؤالي

لو عندك صديق/ة عزيز/ة جدا بس بعيد عنك وصعب حبتين انك تشوفه ( اصلها في بلد تانية ) وبصراحة وحشك جداً ونفسك تقعد ترغي معاه لساعات طويلة بس المواعيد مش متفقة انك تقابله ع النت تعمل ايه؟

حاجه من اتنين يادودو 00

لو واحشانى "او واحشنى "مع انى ما شفتهاش " او ماشفتوش " قبل كده00

انا افضل انكوا ماتشوفوش بعض على النت خاااالص 00وظبطوا الوقت لما تكون فى ارض مشتركه او حتى محايده ممكن تتقابلوا فيها وجها لوجه

بلمناسبه انا كتير من اعضاء المنتدى نفسى اشوفهم جدا بس ارجع اقول لاء خلينا نتخيل بعض زى ما احنا نحس احسن الواقع ساعات بيدمر الخيال 00يعنى خليها علاقه عقول واقلام وكفى 0 ;)

وبعدين يا رضوى بتقولى لما هو صعب تتقابلوا على النت حتى 000يبقى قابلينى لو عرفتى تقابليه "او ليها " فى الواقع

سوعاااالى بجى لجماعتنا وحبايبنا الصعايده00

تتصرف كيف لو حصلت جواب غرامى فى زعطلون ابنك المراهج لبنت الجيران اللى انت بتحبها كيف بنتك ؟ وابنك ده لساتوا صغييير مايوعاش على الحب وسنينه؟

1- هاتكلموا بالعجل

2-هاتضربوا بالشمروخ تعلمه الادب

3- هاتفرح ان دى البنت اللى تتمناها له بعدين شويه

[ذهبية]

مرسى يا رضوى على اجابتك عجبتنى

ام بالنسبة لسؤالك يا قلب ابيض بينى و بينك هافرح انى ابنى كبر و بقى لة قلب و بيحب بس فى نفس الوقت لازم اتصرف بحكمة لان دة اول امتحان لة و ليا انا كمان لعلاقتى معاة

اوعى ابداااااااااااااااااا انك تعاتبية او تجرحية فى مشاعرة لان دة ممكن جداااااااااا يسبب لو عقدة منك و مش هتكونى صحبتة تانى ابدااااااا

ومن صنف الحريم كلة فاحذرىىىى

انا لو مكانك هاصاحبة و افضل اتكلم عن المووضع بالعموم يعنى الحب كويس و حلو بس لما يكون فى الوقت المناسب

لما يكون جاهز لدة و اللى بيحب حد يحافظ علية و يخاف علية زى اختة بالضبططط

وميمنعش ان باباة ياخدة على جنب كدة و يفضل يحكى لة عن ذكرايتة و هو ضغير و ان دة احساس طبيعى بيمر بية اى شاب و شابة

بس الصح اننا نؤخر المشاعر الحلوة دى لما يجى وقتها علشان ميكنش حرام و يكون دة دافع لينا اننا نذاكر اكتر علشان الناس تحترمنا

و نكون مثال للادب والاحترام و اى عيلة تتشرف انه ا تناسب ولد زى القمر زيك كدة و منتهى الادب والاخلاق ولا ايةةةة

[hazemtara]

سيدي يا سيدي ع الخبرااااااااااات

طب ابعتي شوية و لا حبة صغنطتين حتي

احسن انا الحياة عمالة تديني ع دماغي

:angry: ضحكتنى الله يجازيك خير

[رضوي]

حبيبتي قلب ابيض

وحشاني

المشكلة ان احنا صحاب فعلا (علي المستوي الواقعي مش ع النت ) يعني انا اعرفها كويس وهي كمان بس للاسف الظروف فرقتنا واصبح كل منا لايستطيع رؤية الآخر بسبب البعد المكاني وعدم تناسب المواعيد , علشان كدة كل اتصالنا مع بعض دلوقتي ع الفون ودة طبعاً من حين للاخر نتيجة لضيق الوقت , وطبعاً مهما نكلم بعض علي الفون دة مش كفاية لابد من المقابلة الشخصية والحوار وتبادل ردود الافعال (زي زمان ) بس للاسف هو دة حال الدنيا وزي ما جدتي دايماً بتقول :اللقا نصيب ........... وادينا مستنيين النصيب

مرسى يا رضوى على اجابتك عجبتنى

عزيزتي ذهبية أخجلتم تواضعنا

فين الاسئلة

بالنسبة لسؤال قلب ابيض ....................... سوري ............ ماعرفش ؟؟؟؟؟؟

بس من غير ما اتفلسف اعتقد ان الحل دائماً في الحوار الهادئ مع التركيز علي تقوية الوازع الديني ............ والله اعلم

[ذهبية]

نسيتى تحطى سؤال يا رضوى

سؤالى الى انا كمان نسيتة هاقولة الان

لما صحبتك تتصل بيكى كل فترة و تقولك انا حلمت بيكى امبارح تقولى لها اية خير تقول ان انا و انتى بنمتحن و كل مرة انتى بتجيبى درجات اعلى منى و اصحى مضايقة المشكلة مش فى الحلم

المشكلة ان الحلم دة متكرر مع صديقتى كل اسبوعين تلاتة بالكتير تحكى ليا انها حلمت بيا بنفس التفاصيل اننا فى امتحان و بنذاكر و دايما تصحى مضايقة انى باجيب اعلى منها ودايما تحلم نفس الحلم

حد يفسرى اية دةةةةة

[رضوي]

طب فكروا شوية في السؤال دة

ماذا لو

الحكومة في البيت ( بابا وماما ) اصدرت فرمان غير قابل للمناقشة بمنع النت ايام الاجازات والعطل الرسمية ( حتي بعد القيام بالواجبات المنزلية .........) لان دة بياخدني منهم وما بيقضوش اليوم كله معايا ( علي الرغم اني مش علي طول علي النت ........بس باقي اليوم بذاكر ) والاكتفاء بالجلوس علي النت في الايام العادية بعد يوم طويل مابين العمل والجامعة ( يعني لما ارجع من برة اكمل باقي اليوم ع النت باعتبار ان اليوم ضايع ضايع ) وكفاية عليا الساعتين دول يومياً اعمل فيهم سيرش زي ما انا عايزة واخلص كل شغلي ومذاكرتي وشوية الترفيه في المحاورات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رضوي]

المشكلة ان الحلم دة متكرر مع صديقتى كل اسبوعين تلاتة بالكتير تحكى ليا انها حلمت بيا بنفس التفاصيل اننا فى امتحان و بنذاكر و دايما تصحى مضايقة انى باجيب اعلى منها ودايما تحلم نفس الحلم

كل اسبوعين تلاتة نفس الحلم

حاجة تحير

بس هي بتحلم ان انتو الاثنين نحجتوا وانتي تقديرك اعلي منها ...... ولا انتي نجحتي وهي لا

بصي خليها تستعيذ بالله من الشيطان وتقرأ المعوذتين قبل ماتنام

بس في الغالب الاحلام دي بتبقي نتيجة دوافع لاشعورية موجودة في العقل الباطن وتطفو وتعلو للشعور في الاحلام كي نتفس عن رغبات او خوف مكبوت دة التفسير النفسي .......

بس فيه تحاليل وتفاسير اخري انا ماليش فيها ودي بنعتمد عليها بعد ان نتأكد ان مارأته في المنام هو رؤية وليست حلماً ............... ع العموم بلاش احسن ندخل في الدوامات دي

خليها اولا تشيل الموضوع اصلا من تفكيرها وتستعيذ بالله من الشيطان لان الاحلام دي بجد ممكن تفسد صداقتكم ........... فعلا انا اعرف ناس خسروا بعض علشان شوية احلام ............ ان شاء الله ماتوصلش للدرجة دي والموضوع عادي ومافهوش حاجة خالص

[الباشمهندس ياسر]

طب فكروا شوية في السؤال دة

ماذا لو

الحكومة في البيت ( بابا وماما ) اصدرت فرمان غير قابل للمناقشة بمنع النت ايام الاجازات والعطل الرسمية ( حتي بعد القيام بالواجبات المنزلية .........) لان دة بياخدني منهم وما بيقضوش اليوم كله معايا ( علي الرغم اني مش علي طول علي النت ........بس باقي اليوم بذاكر ) والاكتفاء بالجلوس علي النت في الايام العادية بعد يوم طويل مابين العمل والجامعة ( يعني لما ارجع من برة اكمل باقي اليوم ع النت باعتبار ان اليوم ضايع ضايع ) وكفاية عليا الساعتين دول يومياً اعمل فيهم سيرش زي ما انا عايزة واخلص كل شغلي ومذاكرتي وشوية الترفيه في المحاورات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بابا و ماما

معندهمش حد اغلي منك ف الدنيا

مفيش حد بيحبك زيهم

مفيش حد بيخاف عليكي زيهم لغاية دلوقتي ع الاقل

فالطبيعي ان كلامهم دائما و ابدا بيصب ف مصلحتك

و مفيش مشكلة انك تتفاوضي معاهم انهم يسيبولك ساعتين مثلا ف الاجازات

س : بفكر اكتب تجاربي ف موضوع الارتباط ف الموضوع عايز اتجوز .. عايزة عريس

ايه رأيكم

ده صح ولا غلط؟

و ليه طبعا

و ياريت اكتر من اجابة

[لماضة مصرية جدا]

السلام عليكم و رحمة الله و بركاته

حبايبي الحلوين......وحشتوني و حشتوني وحشتوووووووووني ( طبعا وردة بس لما حشروها في الشنطة عشان تهرب من رشدي اباظة....طب انا راضية ضميركم ده كلام.... :rolleyes: )

أنا بثبت حضور أهه..... و يا رب تكون اجازة العيد كده ملت حياتكم طاقة و حيوية و لا أجدعها صباع مورو (إوعي حد يقولي مين مورو...ازعل أوي)

اتكعبلت في كذا سؤال كده و انا لسه بشمر و بقول يا هادي

بس اللي استمخيت منه اوي.....طبعا طبعا بتاع قلب ابيض....

يعني لقيتي جواب في الزعطلون....و طبعا الزعطلون هو اللي لزق في ايدك.....يااااااااااااااااااه هي ماما

بصوا بقي....ماما كانت بتعمل ايه يا ولاد....مع مسلسل الثامنة.....و البطل بيقول للبطلة (احنا مش هنقدر نتجوز..... أيون ماما سابت كل الحلقات و مسكت في الحلقة دي) تروح تفتح حوار....ان الحب مينفعش....المذاكرة اهم.... و الولاد يا بنتي بيضحكوا ع البنت و بالمرة تقولي لو انتي في التاكسي و عزم عليكي بحاجة صفرا متشربيش...مع انها طلعت اناناس و عم احمد سواق التاكسي بقينا اصحاب اصلا.... و هشتغل معاه بعد الضهر (طول عمري بحلم اشتغل صبي علي ميكروباص...طول عمري طموحة)

المهم

ببساطة جدا.....الام و الاب.... من كتر حبهم في ولادهم بيبقوا عايزين يدوهم كل خبرة الحياة في كبسولة....ناسين حاجة مهمة جدا....هما بيربوا فينا العقل.... الدماغ.... الضمير...النفس اللوامة

بنتعلم من كلامهم كتير....بس اللي بنتعلمه لوحدنا بيعلم اكتر

طب يعني مثلا....قلب ابيض بعد ما شيلتي الزعطلون و الجواب...فكرتي تساليه انت شايف العلاقة دي ايه.... أو بتفكر فيها ازاي....غالبا هو مش هيرد لانه لسه مشاعره بتتكون و دقات قلبه لسه بتتولد في خفية من الزمن

انتي شايفة السكة من بعيد....

هو لسه بيمشي في السكة.... هيكتشف....هيتالم.... هيتعلم...هيتوه....هيقوي....هيضعف....هيحب...هيتمني... هيحلم

و هو ده خليه يحلم

سبونا نحلم

بس المهم الحلم ده يزقنا ان احنا نكتشف افضل ما فينا....

احنا بنحب ليه عشان نشوف الوش الحلو اللي مستخبي...

عشان نحب نفسنا في عينين حبيبنا

الحلم ده لو زقه انه يتفوق....و يشوف مستقبل ليه مع حبيبته....

احضنيه و احضنيهم

خليه قدام عينك....مش من ورا جرنان مخروم.....لا بقلب ابيض كبير في يوم حب....

بصي انا لسه كنت بستشير بابا في حكاية كده (غير اني اشتغل علي ميكروباص طبعا.... ده امر منتهي.... بس مش لاقية يونيفورم :wub: )

قالي لو انتي مقتنعة بحاجة انها صح....بلاش تاخدي طرق غلط عشان توصليلها و الطرق الغلط هنا واضحة جدا كل حاجة (ما حاك في صدرك و خشيت ان يطلع عليه الناس)

معلش طولت عليكي.... و عليكم (يا اخواناحد يصحي الزبون اللي نام ورا)

نيجي بقي لهندزة

يا عمونا افتكاسة ....أريد جثة.....عايز اتجوز... عايزة عريس

بص يا رياسة

انا لاحظت حاجة......ان الخبرات لما الناس بتحكيها بعد ما تكون استوت علي نار هادية.....بتبقي مؤثرة جدا جدا

و الحقيقة كلنا بنشارك ببعض منا في الخبرات دي

بس عارف لما الواحد بيستقر (بياخد قرار باقتناع و بهدوء)....نظرته للامور بتتغير كتير..... و تقييمه ليها كمان بيبقي ليه طعم تاني (طعم الكادبوري بالمكسرات...دنيا تانية خالص)

بس ميمنعش ان بجد الواحد استفاد م الخبرات اوي.....يعني انا مثلا كنت بتصرف و الحمد لله لا زلت (جرعة الغباء اكبر من ان يمحيها الزمن..... wst:: ) بعفوية جدا....بس كنت محتاجة اسمع مثلا من الطرف الاخر : الرجال أم شنبات(...... و مش عارفة مبسوطين بشنباتكم ليه....مع انه الصرصار عنده شنب برضه......مقصديش حاجة....ع فكرة انا بحب الصراصير و خصوصا اللي اطول من 5 سم.....يع) لما بسمع تفسيراهم و كده بفهم و بتعلم و ده لقيته فعلا من خلال خبراتكم اللي كل حد فيها بيتكلم برضه بصدق و عفوية شديدة.

لو هتكتب الخبرات...اعمل حتة واقعية اوي...يعني الخبرة زي ما هي من بوق صاحبها او صاحبتها و بعدين حط حتة كده فيها حبة فهم للبني آدمين سميها خلينا نتأمل و نتعلم....لأن متهيالي هو ده الهدف من الكتابة

طبعا رغيت كتير.... و لحمة الخروف معملتش اي تغيير في طبعي خالص

و اكيد المشرفين بتوع المحاورات هيعملوا عليا كبسة بكرة

فوتكم بعافية

ملحوظة: اا مسبتش سؤال عشان هندزة قال عايز 2 كيلو اجابات....و بالتالي

لا زال السؤال يجررررررررررررري

درجن درجن....درجن... وركبنا ع الحصااااااااااان (و ده طبعا لما بخلص شغل ع الميكروباص....... wst:: )

[الباشمهندس ياسر]

هو اسامة منير داخل هنا متنكر يا جدعان

طب ايه رايك بقي يا لماضة

هتخليني اراجع تفكيري

يا ستييييييييييير يارب

الواحد مش عارف يروح منكم فيييييين

قبل ما انسي

حمدا لله ع السلامة :)

[قلب ابيض]

احنا بنحب ليه عشان نشوف الوش الحلو اللي مستخبي...

عشان نحب نفسنا في عينين حبيبنا

حيييييييلوه يا واد يالمض 000

عجبتنى اوى ورنت فى ودنى لما صفرت

بس انا عاوزه اعقب بحاجه مهمه 00الموضوع او السؤال ده ولا اللى قابله يخصنى شخصيا 00اطلاااااقا

بس افتراضات او اقتباس من اللى بسمعه واشوفه

انا ولادى 00ملااااااااااااااااااااااايكه

اومال انا عملت شومبونجو ليه ؟؟ من هدوءهم ودماغهم الرايقه وعدم اعتراضهم الدائم ومبرراتهم الجاهزه دايما

بقولكم ملااااااااااااااايكه 00يا بختى :blink:

اه نسيت اقولك نورت المحكمه 00اقصد نورت المنتدى يا لماضه :)