لعبة كلنا نشترك فيها

[عنبو]

ابدأ ياعم ياسر خلينا نعمل سبوبه حلوه

يعنى نفتح القهوه ونلم فلوس من الناس والناس كمان بقى تطلب مشااااريب وخليها تروق وتحلى

ايه رأيك لما نعمل منيمم تشارج 20 جنيه لكل واحد

بالنسبه يالمضض انا وانا صغير كان نفسى اكون حاجتين

نجار مسلح وسواق عربيه ترله ولا حاجه تحققت

ولا يزال السؤال قائماً

[رضوي]

الاخت العزيزة لمضمض

حمدالله علي السلامة

احييكي علي ماكتبتيه وأيضاً علي أسلوب الكتابة الرائع ( مافكرتيش تكتبي ........... حتبقي هايلة )

فكرتيني بالذي مضي ........................... انا بقي كان نفسي ابقي سواق قطر

بس ماكنتش عارفة هما بتخرجوا منين ؟؟؟؟؟؟؟؟؟؟؟؟؟ ولما كبرت شوية وركبت القطر ( كنت في سنة اولي جامعة ) رحت سألت سواق القطار (اول لما وصلنا المحطة ) وقلتله هو حضرتك بتتخرج منين علشان تبقي سواق قطر ......... وقعد يضحك عليا وصحابي كمان اتريقو عليا بشكل ................. مشعايزة اقولك

دماغ بقي تقولي ايه

بالنسبة لسؤل الباشمهندس

اعتقد انك لما تحكي تجاربك في الموضوع دة فدة شيء عاااااااادي جداً ومافيهوش اي مشكلة

كلنا دخلنا في الموضوع واتكلمنا بطلاقة .............. وافتكرنا ايام غريبة مرت علينا اصبحت الآن زكريات مضحكة

[الباشمهندس ياسر]

حد هنا سمع اغنية جديده و علقت ف دماغه فترة طوييييييييييلة؟

[جيمي]

حد هنا سمع اغنية جديده و علقت ف دماغه فترة طوييييييييييلة؟

اغنية لما النسيم لمحمد منير ...... بس معلش هيه مش جديده اوي

[Damo]

حد هنا سمع اغنية جديده و علقت ف دماغه فترة طوييييييييييلة؟

اغنية لما النسيم لمحمد منير ...... بس معلش هيه مش جديده اوي wst::

فين سؤالاك يا جيمي

[ذهبية]

اتصلت بيا صديقتى بتقولى موقف صعب شويتين قولت اخد رايكم فية

صديقتى بتقولى انهاشافت بالصدفة جوز اختها فى عربيتة و معاها واحدة جنبة معدى بسرعة جنب عربيتهم

طبعا انزهلت واتصلت باختها علشان من تحت لتحت تعرف اى خبر لاقتها بتقولها دة مسافر

اتصلت بيا و قالت ليا اعمل ايةالان اختى لو عرفت الموضوع هيكبر و ممكن جدا ينكر و هتكون مشاكل انا السبب فيها و لو سكت اسيب اختى كدة

انا لازم اقول لها قبل ما العلاقة تتطور لاكتر من كدة و احنا ممكن نلحقة من الاول

يا ترى انتم شايفين حل الوضع الصعب دة ايةةةةةةةة؟؟؟؟؟؟؟

[Damo]

اتصلت بيا صديقتى بتقولى موقف صعب شويتين قولت اخد رايكم فية

صديقتى بتقولى انهاشافت بالصدفة جوز اختها فى عربيتة و معاها واحدة جنبة معدى بسرعة جنب عربيتهم

طبعا انزهلت واتصلت باختها علشان من تحت لتحت تعرف اى خبر لاقتها بتقولها دة مسافر

اتصلت بيا و قالت ليا اعمل ايةالان اختى لو عرفت الموضوع هيكبر و ممكن جدا ينكر و هتكون مشاكل انا السبب فيها و لو سكت اسيب اختى كدة

انا لازم اقول لها قبل ما العلاقة تتطور لاكتر من كدة و احنا ممكن نلحقة من الاول

يا ترى انتم شايفين حل الوضع الصعب دة ايةةةةةةةة؟؟؟؟؟؟؟

بعد استشارة مامتي طلعنا بالحلول الأتية:

١~ تكلمي جوز اختك بنفسك و تشوفي ايه الموضوع بالظبط لكن ده يعتمد على نوع علاقتكو يعني حضرتك اكبر ولا اصغر وخدين على بعض ولا علاقتكوا رسمي على الاخر.

٢~ تشوفي حد محل ثقة من اسرته تكلميه بردو و تشوفو ايه الموضوع و تاني ده يعتمد على علاقتكوا ببعض

٣~ تقولي لاختك و ده كان الحل الاخير اللي مش مستحب.

بعدين ممكن يكون بيعمل شغل من وراها او اتخنقوا و قالاها مسافر و دي زميلتوا في الشغل مثلا (انا عارفه ان ده غلط برده بس ارحم من اللي في بالنا). بعدين ممكن اخت حضرتك تكون عارفه و صابره (كل زوجة و ليها تصرفها )

ارجو اني اكون افدت و هسيب السؤال مفتوح

و ان شاء الله خير

[قلب ابيض]

اتصلت بيا صديقتى بتقولى موقف صعب شويتين قولت اخد رايكم فية

صديقتى بتقولى انهاشافت بالصدفة جوز اختها فى عربيتة و معاها واحدة جنبة معدى بسرعة جنب عربيتهم

طبعا انزهلت واتصلت باختها علشان من تحت لتحت تعرف اى خبر لاقتها بتقولها دة مسافر

اتصلت بيا و قالت ليا اعمل ايةالان اختى لو عرفت الموضوع هيكبر و ممكن جدا ينكر و هتكون مشاكل انا السبب فيها و لو سكت اسيب اختى كدة

انا لازم اقول لها قبل ما العلاقة تتطور لاكتر من كدة و احنا ممكن نلحقة من الاول

يا ترى انتم شايفين حل الوضع الصعب دة ايةةةةةةةة؟؟؟؟؟؟؟

ااه يا دهوبه يا اختى صحيح يا مأمنه للرجال 000000

الموقف ده حصل معايا انا بالظبط وللاسف مع اتنين من زوجات اعز اصحابنا هنا

الموقف الاول هو اللى اخدت فيه موقف ايجابى خلانى حرمت اخده تانى لما حصل فى الموقف التانى " حد فاهم حاجه؟ "

ولان الرجل زوج صاحبتى كان فى نفس الوقت صديق زوجى فسلطت عليه زوجى يعرف منه وكأنه هو اللى شافه مش انا وما كان منه الا الانكاااار وبشده

وتوالت الاحداث وعرفت زوجته من غيرى بس لانها واثقه فيا سألتنى واجبتها بموقفى وموقف زوجى ورد زوجها عليه بالنفى

تطورات كتيره ادت فى النهايه من الزن على الزوج انه تزوج بهذه المرأه سرا حتى انه صار له منها ولد وبنت فى المرحله الابتدائيه ولازال ينكر

هى تأكدت منه وهاجت وماجت واتظربنت ونزلت على مافيش 00يا اتطلق 00يا اما اكون زوجه لها ضره

عاشت وولادها اتخرجوا من الجامعه بس هى اتلحست 000عندها عقده العجز والخيانه اصبحت لها تصرفات مراهقين بسبب خيانته لحبها زى ما بتقول وعشرتهم سوا

نصيحتى من الاخر 000الاول استفسرى من زوج اختك عن الموقف اللى شوفتيه لعله سوء ظن

وعن ادعاءه السفر

ولو حصل وطلعت مراته خليه هو اللى يبلغ مراته بطريقته وانت خليك بعدين يعنى ماتبلغيهاش انتى خليك لتهدئه الوضع مش شعللته بالبلدى كده

" ومحدش عارف ايه اللى ورا الابواب المقفوله 00خاصه بين الزوج وزوجته "

ويارب يخلف الظن ويهدى الحال

[عنبو]

الباشمهندس ياسر مشاركة بتاريخ أمس, 08:37 PM

حد هنا سمع اغنية جديده و علقت ف دماغه فترة طوييييييييييلة؟

اغنية انت الوحيد الى فى حياتى علم عليا هى اغنيه شعبيه بس جاااامده طحن

ومن قبلها كده كانت اغنية كل لما احب بنت اطلبها واروح بيتها علشان اخطبها واشرب مع ابوها شاى وانا نازل اشوف بنت تانيه افك الخطوبه فى ثانيه وعلى كده رايح جاااااااى "" بيقولوا ان الكليب بتعها وحش بس انا سمعتها اوديوا فقط ""

فيه بقى اغانى معلقه معايا باستمرار

زى خايف اوعدك موفيش "" محمد منير "" غمضت عينى "" رامى صبرى "" شوية حاجات كده كتير

إقتباس(ذهبية @ Dec 7 2009, 09:34 AM)

اتصلت بيا صديقتى بتقولى موقف صعب شويتين قولت اخد رايكم فية

صديقتى بتقولى انهاشافت بالصدفة جوز اختها فى عربيتة و معاها واحدة جنبة معدى بسرعة جنب عربيتهم

طبعا انزهلت واتصلت باختها علشان من تحت لتحت تعرف اى خبر لاقتها بتقولها دة مسافر

اتصلت بيا و قالت ليا اعمل ايةالان اختى لو عرفت الموضوع هيكبر و ممكن جدا ينكر و هتكون مشاكل انا السبب فيها و لو سكت اسيب اختى كدة

انا لازم اقول لها قبل ما العلاقة تتطور لاكتر من كدة و احنا ممكن نلحقة من الاول

يا ترى انتم شايفين حل الوضع الصعب دة ايةةةةةةةة؟؟؟؟؟؟؟

تكلمه بحسن نيه خااااااااالص وتستفسر منه ولو انكر يبقى خلاص هو حر وهى كده تبقى عملت الى عليها لانها برده مش متأكده اصلها بتقول معدى بسرعه من جنبهم يعنى ممكن قوى يكون مش هو

فهى تتكلم معاه بحسن نيه وخلاص لكن متقولش لاختها لانها اساساً مش متأكده قووووى

[الباشمهندس ياسر]

اغنية انت الوحيد الى فى حياتى علم عليا هى اغنيه شعبيه بس جاااامده طحن

ومن قبلها كده كانت اغنية كل لما احب بنت اطلبها واروح بيتها علشان اخطبها واشرب مع ابوها شاى وانا نازل اشوف بنت تانيه افك الخطوبه فى ثانيه وعلى كده رايح جاااااااى "" بيقولوا ان الكليب بتعها وحش بس انا سمعتها اوديوا فقط ""

تصدق بقي انا عاوز اعمل دمااااااااغ شعبي

بقاللي كتييير اوي مسمعتش

ابعتلي الروابط بتاعتهم يا نجم

[لماضة مصرية جدا]

حد هنا سمع اغنية جديده و علقت ف دماغه فترة طوييييييييييلة؟

اغنية لما النسيم لمحمد منير ...... بس معلش هيه مش جديده اوي :closedeyes:

السلام عليكم و رحمة الله و بركاته

حبايبي الحلوين

فيه اغنيتين الحقيقة عاملين معايا لون تاني خالص

توحشني و انا وياك.......مدحت صالح

ع ناااااااار......(عم يخلص قلبي بغيابك......مشتاق لعطرك لثيابك.....يا حبيبي عليك م خيالك شو بغار) صابر الرباعي

بيعملوا حاجة كده في خفقات قلب الواحد.....حبة كهربا....بس حلوة

سؤالي للي بعدي

فيه كتاب حلو اوي اسمه "أفكار صغيرة لحياة كبيرة"

لو حد قالك عايزين فكرة تغير العالم.....هتفكر في ايه؟؟؟

مساااااااااااااااااااكم نسمة شقية تفرح القلب

[ذهبية]

فيه كتاب حلو اوي اسمه "أفكار صغيرة لحياة كبيرة"

لو حد قالك عايزين فكرة تغير العالم.....هتفكر في ايه؟؟؟

مساااااااااااااااااااكم نسمة شقية تفرح القلب

مساء الخير يا لموضة وحمد الله على سلامتك

اجابة سؤالك لو فكرى تغير العالم نفسى يكتشفوا حقن مناعة ياخدها العالم كلة تعمل مناعة ضد الكذب و الخداع و الفساد و الغش بتهايلى ساعتها بس العالم كلة هيتغير و ساعاتها ينفع يتقال علينا بنى ادمين مش حاجة تانية

سؤالى

للرجال المرة دى عذرا يا سيدات و انسات المنتدى و الله لو واحدة حبت تجاوب ماشى

لو شوفت خناقة فى الشارع بين ناس جيرانك وممكن تتطور الى حاجات جامدة ممكن ساعتها تنزل و تساعد و تكون حاضر ولا من

بعيد لبعيد على حس ان ما ينوب المخلص الا تقطيع هدومة

[هشام الجنيدى]

السلام عليكم ورحمة الله وبركاته ....... صباح الانوار عليكم

الموضوع ده جااااااااااااااااااااااااااااااااااااااااااامد جداااااااااااااااااااا

ودى اول مشاركة ليا فيه

وردى على السؤال بتاع الاخت ذهبية ........

على حسب لو اللى بيتخانقو دول اعرفهم كويس قوى واعرف اهم مش كده باصلهم (مش بتوع شكل وخناقات )اكيد لازم اتدخل اما لو هما اصلا وش ذلك فانا اكيد مش هتدخل لان فيه ناس غاوية كده وساعتها يبقا فعلا ما ينوب المخلص الا تقطيع هدومه او لو فيها سيوف وسنج ومطاوى وسواطير يبا ماينوبك يا مخلص الا تقطيعك انتا شخصيا .......

سؤالى بقا لان اللعبة دى كيفتنى للابد..........................

سؤالى للسيدات ...........

لو انتى راكبة تاكسى وسواق التاكسى طلع مبرشم او مسطول او محشش....... او ساق قلة الادب ...... تعملى ايه علما بان التاكسى ماشى بسرعة وان السواق مش (عم احمد اللى قالت عليه لماضة...... :wub: )

[قلب ابيض]

السلام عليكم ورحمة الله وبركاته ....... صباح الانوار عليكم

الموضوع ده جااااااااااااااااااااااااااااااااااااااااااامد جداااااااااااااااااااا

ودى اول مشاركة ليا فيه

سؤالى للسيدات ...........

لو انتى راكبة تاكسى وسواق التاكسى طلع مبرشم او مسطول او محشش....... :wub: او ساق قلة الادب ...... تعملى ايه علما بان التاكسى ماشى بسرعة وان السواق مش (عم احمد اللى قالت عليه لماضة...... :) )

اولا يااااويلكم بيك 00ابقى اتفضل تعالى لنا فى عماره المحاورين يمكن تلاقى لك اوضه برحه ولاحاجه المهم تسكن معانا " لعبه خفيفه "

دور عليها انت بقى 00مش كله بالساهل كده "

بالنسبه لسؤالك بقى فكرتنى بدنيا سمير غانم فى فيلم كباريه 00لما اتخطفت فى ميكروبااااص :lol: :)

بس انا بقى مش هاجاوب

عشان عندى عربيييييييه :lol: :lol: bv:-

[الباشمهندس ياسر]

سؤالى

للرجال المرة دى عذرا يا سيدات و انسات المنتدى و الله لو واحدة حبت تجاوب ماشى

لو شوفت خناقة فى الشارع بين ناس جيرانك وممكن تتطور الى حاجات جامدة ممكن ساعتها تنزل و تساعد و تكون حاضر ولا من

بعيد لبعيد على حس ان ما ينوب المخلص الا تقطيع هدومة

بفضل الله

الوحيد ف الشارع كله اللي نزل الساعة 3 فجرا علي صراخ استغاثة (( كنت بالصدفة مش سهران يوميها ))

و مش بحكي ده عشان حد يقول كلمة ملهاش لازمة

انما بحكي ده

عشان الشباب الخنافس اللي ملوا البلد يعرفوا ان لسه فيه رجاله و ان الرجاله دائما بتيجي معاهم علي احسن حااااااااال

الا نامت أعين الجبناء

[الباشمهندس ياسر]

و يبقي سؤال الاستاذ هشام

[لماضة مصرية جدا]

السلام عليكم و رحمة الله و بركاته

ايه فيلم الرعب ده... ليه كده يا دكتور هشام... و الله العظيم بطني كركبت م السؤال بتاع حضرتك جدا و خصوصا اني بعتمد ع التاكسيات جدا (طول عمري بحلم اشتري عربية و اعمل بيها ملف روند امريكاني... يعني الف بيها بالعكس و انا سايقة بدراع واحدة..... و عشان كده اهلي فضلوا مخاطرة اختطافي في تاكسي احسن من تدميري لشارع 4 و رشقتي في الحيطة)

ثووووووووووووف يا دكتور انا هقولك علي حاجتين الاولي... ما ورد في كتاب (ماذا تفعلين اختي المخطوفة في الحتت المحدوفة؟؟) و ده لكاتبته العظيمة سنية سبني في حالي ربنا يفك حبسها

افتح معايا صفحة 17: قسم سواق مسطول... مبرشم.... و شكله عايز قلة أدب (وش بكيزة و زغلول)

1- اوعي تبني انك خايفة......و خليكي جريئة.....و لو لزم الامر ارفعي شعار استرجل و اشرب بيريل

2- طلعي الموبايل.... و اعملي انك بتكلمي اهلك.... و علي صوتك و يا سلام بقي لو عملتي ان باباكي بيكلمك و انه بيزعق فيكي انك اتاخرتي..... و تحدفي كلمة للسواق انه ظابط شرطة و مربيكي تربية عسكرية و كده.....و عايز رقم التاكسي و كده

3- عزيزتي المخطوفة....يا ريت و انتي بتعملي خطوة 2 بلاش جرعة الغباء تزيد... يا ريت نعمله صات احسن فعلا حد يرن عليكي و انتي لافحة الموبايل علي ودنك الكريمة

4- متفتحيش اي حوار مع عبده مجانص خالص... و لممكن تلبسي وش (قبقاب شجرة الدر) يبقي يا بنتي انتي هايلة

5- بلهجة آمرة (ايوة كانت بتتكتب كده في أدهم صبري... حد يوعي عليه) قوليله وقف علي جنب.... و اوعي....اوعي صوتك يترعش و لا يتلجلج.... افتكري نفسك و انتي طالعة في العاشرة مساء و لا يف القاهرة اليوم و بتحكي تجربتك المريرة... و هتلاقي صوتك و لا التنين

ده بقي اللي قاله الكتاب

ع فكرة انا مرة حصلت معايا..... كنت راكبة تاكسي (عادة و الله بقف ساعة عشان انقي تاكسي...لازم السواق يكون فوق الستين....و العربية تبقي كوهنة.... طول عمري واعية) و كنت رايحة المعادي.....(هنا بقي موسيقي تصويرية م العياااااااار التقيل وزن ليلي علوي زماااااااااااااااان)

لقيت السواق يا مواطن عمال يدخلني في حتت ضلمة.... و هي المعادي اصلا قلق و شجر و اشباااااااااااح (عوووووووووووووووووو)...... و بعدين انا قولت لنفسي مش هو ده الطريق.....و لما سالته يا عمونا مش ده الطريق راح قالي اصلي هوديكي طريق مختصر..... و الله العظيم انا في وقتها (جميع المشاهد الممنوعة..... للعنف مش لحاجة تانية جت في دماغي)

المهم انا مسكت أوكرة الباب.... و دي الحاجة الوحيدة اللي قدرت امسكها.....

و بعدين

أن أن أأأأأأأأأأأأأأان تش

معملتش حاجة

فضلت اقول (حسبي الله لا اله الا هو عليه توكلت و هو رب العرش العظيم......لا اله الا انت سبحانك اني كنت من الظالمين)

و تقريبا سخنت حبيتن فبقيت اقولهم بصوت عالي..... الراجل اتوتر بقي و قالك دي لابسها عفريت

.......ع فكرة طلع فعلا مش عارف المكان و تاه و انا توهت معاه من كتر افلام روتان سينما اللي كانت بتجري و را بعضها في دماغي

انا وصلت....الحمد لله..... و بعد ما نزلت اديت عم طلبة الاجرة............آه

و الاوكرة

عجبكم كده.........ممكن معرفش انام النهاردة

فوتكم برعب

أعوووووووووووووووو

[ذهبية]

انا داخلى مخصوص احييى لماضة

و الله دمك زى العسل يا لماضة و موتينى من الضحك على تعليقاتك و حضورك و لباقتك انتى بجد روعةةةةةةةةة

بجد انتى لازم تتجهى للكتابة مفكرتيش تكتبى قصة او مسلسل بجد اسلوبك ووصفك التفصيلى المشوق موهبة تستحق الوقوف عليها

انا متابعة تعليقاتك من فترة كل مرة بتبهرينى بتعليقاتك الىل دايما متجددة و يا بختهم بيكى فى البيت تلاقيكى عاملة جو روعة

كلة ضحك و خفة دم

سؤالى

حضرت فرح من فترة كدة و كان فى الفرح فقرة ان فرقة الفرح بتبخر العروسين بالبخور السخن الملهلب اللى مغرق القاعة كلها دخان

و بعدين بيدوا بقى المبخرة الى ماما العريس تبخرة و بعدين اختة و فى الاخر عروستة

و العروسة بقى ماسكةالمبخرة اللى متوهجة احمررررر من كتر سخونتها ارتبكت ووقعت على راس العريس اللى بالصدفة كان اصلع

:blink: :rolleyes:

طبعا كان موقف صعيببببب مش هاقولك العريس عمل اية

انا هاسال لو انتم مكانة و العروسة وقعت على دماغك المبخرة المتوهجة تعمل ايةةةةةةةة

وانتى يا عروسة لو عريسك من لبختة عمل كدة فيكى هتعملى ايةةةةةةةةةة

[هشام الجنيدى]

تصدقى بالله يا لماضة ..... متسمعينا( لا اله الا الله) انا كاتب السؤال ده مخصوص عشان انتى تجاوبى عليه لان ذى ما ذهبية قالت انتى حضورك ملوش حل ودى والله مش مجامله دى حقيقة انتى مثال حى على ظرف المصرين .......

وعلى فكرة عمك سى السيد والمعلم حشيش انا متأكد انهم هيفرحو بيكى قوى لانهم من اظرف الناس اللى قريت ليهم هنا .......واحتمال تتشهرى وتبقى اشهر من العميل رقم 0 فى الشياطين التلاتاشر....

ثانيا انا بقا مش هرد على السؤال ده لسببين .......

الاول انى عمرى ما هكون عروسة :rolleyes:

والتانى ..........................................

عشان انا مش اصلع ..... :lol: :)

حد تانى يجاوب تحياتى :blink:

[عنبو]

بالنسبه لكلام لماضه هقولكم على حاجه كده

صديقى الانتيم محامى بس محامى من الاخر وبيشتغل عند واحد من اكبر المحامين فى مصر

طبعاً لما بيكون رايح مشوار طبعاً بيبقى لابس رسمى جداً وبيجى يوقف تاكسى ويقوله اطلع يابنى على محكمة كذا طبعاً هو بيقوله يابنى مع انه اساساً 25 سنه

وهو راكب فى يقوم عامل كام تليفون كده لاى واحد ويقوله ايوه يابشا ايوه يافندم كله تمام

طبعاً مع النظاره وهو نازل يطلع اى حاجه تيجى فى ايده ويدها ويمشى وطبعاً السواق بيكون مرعوب ومبيقدرش يتكلم

طبعا كان موقف صعيببببب مش هاقولك العريس عمل اية

انا هاسال لو انتم مكانة و العروسة وقعت على دماغك المبخرة المتوهجة تعمل ايةةةةةةةة

وانتى يا عروسة لو عريسك من لبختة عمل كدة فيكى هتعملى ايةةةةةةةةةة

انا بقى اموووووووووت واعرف ايه الى حصل بجد لان انا لو موجود فى الفرح ده تقريباً كانت هترسى على طلاق العروسه قبل لما يدخل بيها ليه لانى مكنتش هبطل ضحك خااااااااااالص وطبعاً مش هكون لوحدى هيكون معايا العيال صحابى وطبعاً احنا لما بنضحك بنضحك ازاى ؟؟

كلنا فى صووووووووت واحد وبعدين نسكت فجأه وبعده شهقه وبعدين ضحك وهلما جرا

يعنى الفرح كان هيبوظ

انا لو مكان العريس كنت اخدت العروسه ومشيت حااااااااااالاً بلا فرح بلا كلام فاااااااااااااضى