لعبة كلنا نشترك فيها

[Emo]

لما بتبقى عايز تتكلم عن حاجات جواك ، مين أول حد تلجأله ؟

في ناس ممكن اصحيهم من النوم عشان يسمعولي..زي يسرا أختي..

مش مهم هتجاوب تقول ايه..ولا مهم هي بتسمعني ولا سرحانة ف عالم ثاني..

المهم اني ااقول الكلمتين اللي جوايا وخلاص ..

ولو عاوزة حل بتصل بإسلام واحكيله..

سؤالي..

معاك 11 ريال او جنيه او اي عملة بالمقدار ده..

وانت جعان..

قلي هتشتري بيهم ايه..؟

[alsaher]

سؤالي..

معاك 11 ريال او جنيه او اي عملة بالمقدار ده..

وانت جعان..

قلي هتشتري بيهم ايه..؟

لو كنت بالسعودية ، حنزل أشتري ساندويتش شاورما ب 6 ريال وواحد بيبسي بريال يبقى المجموع 7 ريال

لو كنت بمصر ، حنزل عند واحد أنا عارفه كويس ، حيعملي طبق كشري زي الفل ب 5 جنيه وواحد بيبسي برضو ب 2 جنيه يبقى برضو المجموع 7 جنيه

ولو كنت في فلسطين ، يبقى منقوشة زعتر و ساندويتش فلافل وواحد كولا أو بيبسي ، وغالبا حيبقى مقطوع من البلد smk:

يبقى واحد عصير توبوزينا المجموع برضو 7 شيكل

المهم في النهاية مش حأصرف ال 11 كلهم :closedeyes:

لو قلت لك كلمة (الوحده ) تعلق /ي تقول/ي إيه ؟؟

تم تعديل 17 فبراير 2009 بواسطة alsaher

[Emo]

لو قلت لك كلمة (الوحده ) تعلق /ي تقول/ي إيه ؟؟

الوحدة كائن هلامي..إحنا بنخلقه عشان نلاقي شماعة نعلق عليها لحظات الضعف...

لو كل واحد فينا صنع من روحه الأنيس للغير..عمره ماهيكون ف وحدة..

سؤالي..

دخلت المستشفى واتنومت فيها(بعد الشر يعني ..بس لابأس من شوية أفكار انتحارية ف الموضوع)

والمفروض ان حد هيكون مرافق معاك..

تختار مين الحد ده..

واشمعنى هو اللي اخترته..

[alsaher]

سؤالي..

دخلت المستشفى واتنومت فيها(بعد الشر يعني ..بس لابأس من شوية أفكار انتحارية ف الموضوع)

والمفروض ان حد هيكون مرافق معاك..

تختار مين الحد ده..

واشمعنى هو اللي اخترته..

أنا تنومت فعلا أكثر من مره

منهم كان والدي مرافق ، ودي زمان جدا

وواحده كنت وحدي لكن أصدقائي بيطلوا عليه كل شويه

والتالته لوحدي ولا من شاف ولا من دري :closedeyes:

لكن لو بيدي أختار ، حاختار ماما أو عمتي

ماما طبعا ما فيهاش ليه ، لأنها الأحن دوما

وعمتي لأنها صديقتي ، وهي مش أكبر مني بكتير

ربنا يجمعنا بيهم على خير

لو معاك /ي 5 ورود ، تهديها لمين ؟؟

[Emo]

لو معاك /ي 5 ورود ، تهديها لمين ؟؟

طيب..

1_ ههدي واحدة لأختي أم عموري عشان هي أكثر حد بيجبلي ورود.

2_ ههدي واحدة لمنار بنت أختي الكبيرة عشان بتحب الورد.

3_ههدي واحدة (ياسمينة) لست عجوزة في دار المسنين عشان تفرح وتحس ان لسه ف العمر ده ممكن حد يديها ورود..

4_هبعت واحدة لمكتب شخص غالي عندي واكتبله معاها ( صباحك ورد)

5_هحط الخامسة في شعري..

سؤالي..

محتاج تبرع بالدم..

مين الشخص اللي تتمنى تكون فصيلة دمه زيك..ويتبرعلك بدمه عشان تحس ان دمه جواك..!!

*

معلش ع الأسئلة الموغلة ف الإجرام دي.. :closedeyes:

[alsaher]

محتاج تبرع بالدم..

مين الشخص اللي تتمنى تكون فصيلة دمه زيك..ويتبرعلك بدمه عشان تحس ان دمه جواك..!!

*

معلش ع الأسئلة الموغلة ف الإجرام دي

وحده غاليه على قلبي جدا جدا ، وبعيده عني كتير

كده الإجابه كفايه ؟ :closedeyes:

لما يكون مش جايلك نوم خالص ، تعمل/ي إيه ؟؟

[Emo]

لما يكون مش جايلك نوم خالص ، تعمل/ي إيه ؟؟

ياسلام.. :closedeyes:

مش لازم اناام..عملوا ايه اللي ناموا يعني..

هقلب الدنيا ..واستمتع بالوقت واعيش حيااااتي عادي جدا وكأن البشر كلهم صاحيين..

ولما يجي النوم اهلا وسهلا.. smk:

سؤالي..

ارفع ايد للسما دلوقتي..

وادعي لنفسك 3 دعوات..

اكتبلي بعدها دعيت بأيه..

[alsaher]

سؤالي..

ارفع ايد للسما دلوقتي..

وادعي لنفسك 3 دعوات..

اكتبلي بعدها دعيت بأيه..

لسه من كام ساعه عامل عمره ودعيت كتير

ودلوقتي بأدعي واقول

يارب أرزق أبي وأمي الصحه والعافيه وأمد في عمرهم و إجعلني قرة عين لهم

يارب أنزل على صدري السكينه والطمأنينه وإشرح لي صدري ووفقني في دراستي

يارب فك كرب أهلي وأجمع شملي بهم ومتعني برأيتهم على خير

شكلها حتقلب غم في الآخر :closedeyes:

بأعيد السؤال نفسه للي بعدي

[Emo]

سؤالي..

ارفع ايد للسما دلوقتي..

وادعي لنفسك 3 دعوات..

اكتبلي بعدها دعيت بأيه..

يارب إهديني هداية تبلغني جنتك بدون حساب واحسن خاتمتي..

يارب أرضي بابا وماما وقر عينهم بينا..

يارب أرضى عني وارضني واستخدمني في رضاك..

سؤالي..

لو كنت/ي ف مصر ودعيتكم لحضور مناقشة رسالة الماجستير بتاعتي..

يعني نزلت دعوة هنا ف المنتدى وقلت ياريت تيجوا وكده..

هتيجوا ولا هتنفضولي..؟

ع اساس انكم مش تعرفوني شخصياً..

[alsaher]

سؤالي..

لو كنت/ي ف مصر ودعيتكم لحضور مناقشة رسالة الماجستير بتاعتي..

يعني نزلت دعوة هنا ف المنتدى وقلت ياريت تيجوا وكده..

هتيجوا ولا هتنفضولي..؟

ع اساس انكم مش تعرفوني شخصياً..

بالنسبة لي ، لو ما كنتش ملتزم بمحاضرات أو مشاغل معينه ، ممكن أحضر

وحصل إني دُعيت من شخص أعرفه عن طريق منتدى لمناقشة رسالة الماجستير بالإسكندرية وحضرت

برأيك هل ممكن الصداقة تتحول لحب أو العكس ؟؟

تم تعديل 17 فبراير 2009 بواسطة alsaher

[Emo]

برأيك هل ممكن الصداقة تتحول لخب أو العكس ؟؟

سؤال صعب..فعلا..

يعني يمكن لأني مريت عملي بالموقفين..

ومن رأيي صداقة قوية ..حد يعني فعلا بثق فيه كأنا..وشايفه انه صديقي الصدوق..صعب أووي اتقبل منه فكرة اننا نحب بعض حب ارتباط..

مش هصدق أصلا..وهعتبره شوه مشاعر جميلة جوايا..

معرفش احساسي صح ولا لا..

بس أنا للحظة اتخيلت كده.وحسيت اني مش هقد اتقبل الشخص ده كحبيب...بعد ماكان صديق..

لكن لو صداقة عابرة او صحوبية..او عداوة حتى ..عادي ف حياتي ممكن تتحول لحب..

بالنسبة للحب..انك تحوله لصداقة..

هو مش بيتحول بالظبط لأنك هتفضل تحب نفس الشخص..يمكن نوع الحب يتغير من حب ارتباط..لحب عاوز تحافظ عليه ولو بشكل صداقة..

بس هتظل تغير عليه..وتقلق عليه..وهتفضل تمارس كل طقوس الحب من اهتمام ومشاعر وكله..ولو كان تحت مسمى الصداقة..

سؤالي..

عاوز تقول لمين صباح الخير دلوقتي..مع أول انبلاج الفجر اعلانا بيوم جديد..

[alsaher]

سؤالي..

عاوز تقول لمين صباح الخير دلوقتي..مع أول انبلاج الفجر اعلانا بيوم جديد..

انا قلتها لوالدي ، بما إنه صحي من النوم smk:

نفسي أقولها للساكنه في قلبي وعقلي

بس ما ينفعش :closedeyes:

موقف طريف حصل معك /ي ؟؟

[Emo]

موقف طريف حصل معك /ي ؟؟

كنت في مول من يومين..

وبتكلم ف الموبايل والمكالمة سخنت شوية..وانفعلت..

رحت قايلة بأعلى صوت نسيت إني ف مكان عاام..

( لو قلت كده تاااني تاااني هولع فيك وفي الموبايل وف المول..وف الدنيا كلها..)

وفجأة لقيت المول كله كأنه شريط واتوقف ..العيون كلها بتبص فيا..

وبعدين قربت مني واحدة قالتلي انا سايبة زوجي فالبيت ابقي متنسيش وقتها تولعي في بيتي كمان..

خلتني مت روحي من الضحك...

الناس طبعا استغربوا الهبلة اللي بتصووت وتضحك ف نفس الوقت....

كان موقف محرج اووي بس ضحكت عليه من قلبي..

سؤالي..

ركبت مورجيحة ..عاوز مين اللي يحركها بيك..!!

[alsaher]

ركبت مورجيحة ..عاوز مين اللي يحركها بيك..!!

أنا ممكن أحركها لحد ، لكن العكس لأ :closedeyes:

بأدوخ

ربحت /ي حجز طاولة عشاء لخمس أفراد ، من سيكون المدعويين ال 4 من المحاورات ؟؟؟

[Emo]

ربحت /ي حجز طاولة عشاء لخمس أفراد ، من سيكون المدعويين ال 4 من المحاورات ؟؟؟

هعزم لولا عشان نفسي اتعرف عليها..

وريحانة عشان دي صاحبتي حببتي..

وهعزم سين سين..عشان ده رئيس الوزراء..ولازم ااقدمله فروض الولاء والطاعة..( لابجد عشان ثقافته واسعة ودمه خفيفي هيحلي القعدة يعني)..

وهعزم ذهبية...وام بلال ..

سؤالي..

لو عزمت حد عندك ف البيت وكنت انت هتعمل الأكل بايدك..وبعدين لقيته بيبص لظوافرك زبيقلك قص ظوافرك لحسن انا بقرف..

هتعمل فيه ايه..؟

[alsaher]

سؤالي..

لو عزمت حد عندك ف البيت وكنت انت هتعمل الأكل بايدك..وبعدين لقيته بيبص لظوافرك زبيقلك قص ظوافرك لحسن انا بقرف..

هتعمل فيه ايه..؟

بما إني شاب ، فلو ظوافري طويله لدرجة إنو يلاحظ ويتكلم ، يبقى أستاهل

لكن هو الموقف جامد بصراحة :closedeyes:

ممكن نحطله في الطبق نص كيلو ملح مثلا ؟ smk:

بجد مش عارف أجاوب

أيه نوع موبايلك ، وكام مدة آخر مكالمه ؟؟

[Emo]

موبايلي n95..

ومدةآخر مكالمة

1:18

سؤالي..

ايه نوع موبايلك..

ومدة أخر مكالمة..

وكانت لمين.. :closedeyes:

[alsaher]

n 73

آخر مكالمة كانت قبل 24 ساعة :closedeyes:

مدتها كانت 44 دقيقة

كانت مع أهلي

لو دخلت/ي في علاقة حب ، وواجهتو مشاكل كتير ، وحسيت إنك لو إنسحبت ممكن توفر على الطرف الآخر معارك كتير ، ومش مضمونه نتايجها

هل تنسحب/ ي أو لا

[Emo]

لو دخلت/ي في علاقة حب ، وواجهتو مشاكل كتير ، وحسيت إنك لو إنسحبت ممكن توفر على الطرف الآخر معارك كتير ، ومش مضمونه نتايجها

[size="4"]هل تنسحب/ ي أو لا

مستحيل طبعا انسحب..

يانعيش عيشة فل..يانموت احنا الكل :closedeyes:

سؤالي..

قهوتك ايه..؟

[سهل جدا]

لو دخلت/ي في علاقة حب ، وواجهتو مشاكل كتير ، وحسيت إنك لو إنسحبت ممكن توفر على الطرف الآخر معارك كتير ، ومش مضمونه نتايجها

[size="4"]هل تنسحب/ ي أو لا

سؤالي..

قهوتك ايه..؟

حسب الشخص اللي بيعملي القهوة

لو واحد كريم هاقولوه اعملها سكر قليل (مانو) عشان تطلع مظبوط

لو واحد بخيل هاقوله اعملها زيادة عشان تطلع مظبوط بردو

سؤالي: (مصر أم الدنيا)

ما مدى اقتناعك بهذه الجملة ؟؟؟؟