لعبة كلنا نشترك فيها

[رضوي]

السلام عليكم ورحمة الله وبركاته

أيون أنا تاني

الباشمهدس ياسر

شكراً لحضرتك علي المشاركة ....... تحياتي

العزيزة بيضاء القلب ( قلب أبيض )

الف سلامة عليكي بعد الشر عنك

شكراً علي نصيحتك الغالية

العزيزة ذهبية

اعتقد ان صاحبتك ظالمة جداااا و بعدين زى ما الزملاء قالوا كلهم

لا مفيش ظلم ولا حاجة بس انا قلتلها ماتستعجليش في الرد والايام حتبين

شكراً علي مشاركتك

وبالنسبة لسؤالك

مش كل الناس بنعتبرهم أصدقاء

بس فيه ناس ( واحد ولا اتنين بالكتير )بنحب ناخد رأيهم في أمورنا الشخصية ( وطبعاً مش في أدق أدق التفاصيل )والناس دي لازم نكون بنثق فيهم جداً ودايما بيكونوا علي نفس الخط الفكري بتاعنا................ يعني شوية شروط كدة علشان كدة الناس دي بنقابلهم مرة او مرتين في حياتنا وبيكونوا أصدقاء العمر .

تحياتي للجميع

[ذهبية]

مساكم خير جميعاااااااااااااا

هارد الاول على عنبى باشاااااااا بما انى هانم هاخليك باشا يا سيدى

بص يا افندم

اولا انت ذكرت انها مشكلة صديقك و لم تذكر ان صديقك مسافر للخارج و انة بيجى اجازة انت سيبتها عادية فهمت انة موجود هنا

علشان كدة جة ردى فى موضوع الحتة اللى فيها رزقة على اعتبار انة فى مصر

طبعا لو مسافر و بيجى مرة فى السنة زى حضرتك كدة يبقى اكيد الاهل لا جدال ودى مفيهاش مناقشة

دة للتوضيح فقط

رضوى حبيبتى و الله مكنش قصدى مووضع الظلم بالطريقة الى وصلتلك انا كان قصدى ان ممكن جدا يكون رخم و راسم نفسة لظروف الشغل ساعات الواحد بيعمل كدة علشان يحط حاجز بينة و ين الى قدامة فى العمل

زطالما مشاعرها كدة بالوصف الى ببتحكية يبقى اعتقد مفيش راحة نفسية و تلغى الموضع احسن

[ذهبية]

سؤالى الى عرسان المنتدى القادمين متزعلوش يا عروسات هاعمل لكم سؤال بعدها

لو اتقدمت لواحدة لما تجيب الشبكة توافق ان اهل العروسة يحددوا مبلغ معين و ما يتنازلوا عنة على اعتبار ان اختها جالها كدة و مر بنت خالتها ومرعفش مين

او توافق يشاركوك فى الشبكة

او تجيبها انت على ذوقك فى حدود امكانياتك لو عاجبهم

[justme]

هو في الحكيكة يتوقف على اشياء كتير اهمها انه ميكونش مبلغ خيالي مثلا

يعني مش يطلع ابوها يقول اصل بنتت اخويا جالها مثلا خمسين الف وانا اضحك كده واقوله وماله

لكن الواحد لما بيكون جاد مبتغلاش في نظره حاجة

اما بالنسبة للذوق من خلال تجاربي اللي كللت بالفشل في هذا المجال كنت اترك العروسة تختار لوحدها وبعدين نشتري في يوم تاني

اما يشاركو في الشبكة فدي جديدة خالص

بس كل واحد له ظروفه وامكاناته

تم تعديل 14 ديسمبر 2009 بواسطة justme

[عنبو]

الأخ محمد العنبي

انت كدة بهدلت البنية وبجد ظلمتها كتيييييييير , وهو مش من النوع الغلبان الي مالوش في اللف والدوران ......... بالعكس وبشهادة الشهود هو غير كدة خااااااالص

وبالنسبة للموقف الي أحرجته فيه هو مايقدرش يرد للأسباب دي

- صاحبتنا صدمته بكلامها وبهدوئها .

- هي كانت وسط أصحابها وقالت الكلمتين دول وغيرت الموضوع في لمح البصر وماحدش من اصحابها علق علي ماحدث ( يعني لمل تكن له الفرصة الكافية للرد ) وبعدين هو حاول يحرجها مرة تانية باسلوب سخيف بس هي تفادت الموقف .

وبالنسبة لسؤال حضرتك اعتقد ان المكان المناسب هو الذي تتوفر به الخدمات الكافية والقريب من جهة العمل .

الاخت رضوى بصى طالما انتى بتقولى له علاقات قبل كده وهو ليس من النوع الغلبان يبقى انسان تااااااااافه بجد اه والله وخليها تسيبها منه خاااالص

اصل الانسان الى بيحترم نفسه فيه حدود لكل واحد مينفعش يتعدها

اما عن كونى ظلمت البنيه فيافندم مينفعش واحده تقول رأيها فى واحد هى اساساً متعرفوش قوى وبعدين كمان مبتحبوش وايضاً ليس من الذكاء لان رد الفعل بيكون مختلف شويه ده رأى

وممكن يكون صحبتك دى هى الى مركزه مع الولد وشاغلها شويه علشان كده رمت له البقين دول لاما هى .............. مخها على قدها اصل لو شخص ميهمنيش انا عمرى ما هقول رأى فيه لا قدامه ولا من وراه واساساً ممكن مخدش بالى منه لكن لو مركز معاه اكيد هعرفه

بالنسبه لموضوع البرنس ده فده اسم عادى جداً بين الشباب يعنى انا بقول لواحد يابرنس يامعرفش ايه ده كله عادى مالوش علاقه بالشخصيه ممكن تلاقى واحد مسمى نفسه الشرير وهو لا شرير ولا حاجه بس اسم عاجبه وخلاص

الخلاصه :: صحبتك هى الى مركزه مع الولد ده اول شىء الولد تافه لانه لو شخصيه كان عمل حدود لكل واحد معاه مينفعش اى واحد يقولى اى كلمه ويمشى

ده كده رأى من خلال الى انتى حكيته وبرده نرجع نقول صعب قوى تحكم على انسان من خلال موقف لازم يكون فيه عدة مواقف علشان تعرف تحدد شخصيته

علشان كده نقول لها تاخد كل الكلام ده وتحاول تركز معاه شويه "" اكتر ما هى مركزه "" وتشوف هل الفعل الكلام ده موجود فى شخصيته ولا لاء

برنسيس ذهبيه

اولا انت ذكرت انها مشكلة صديقك و لم تذكر ان صديقك مسافر للخارج و انة بيجى اجازة انت سيبتها عادية فهمت انة موجود هنا

علشان كدة جة ردى فى موضوع الحتة اللى فيها رزقة على اعتبار انة فى مصر

طبعا لو مسافر و بيجى مرة فى السنة زى حضرتك كدة يبقى اكيد الاهل لا جدال ودى مفيهاش مناقشة

دة للتوضيح فقط

انا لما كنت بتكلم فى المداخله الى رديت عليكى فيها كنت بتكلم عن نفسى مش على صاحبى كنت بوضح ليه انا قولت موضوع السكن معى جزء لا يتجزأ عن كيانى وبرده صاحبى نفس ظروفى بالظبط

ذهبية مشاركة بتاريخ أمس, 11:22 PM

سؤالى الى عرسان المنتدى القادمين متزعلوش يا عروسات هاعمل لكم سؤال بعدها

لو اتقدمت لواحدة لما تجيب الشبكة توافق ان اهل العروسة يحددوا مبلغ معين و ما يتنازلوا عنة على اعتبار ان اختها جالها كدة و مر بنت خالتها ومرعفش مين

او توافق يشاركوك فى الشبكة

او تجيبها انت على ذوقك فى حدود امكانياتك لو عاجبهم

تحديد مبلغ معين نووووووووووووووو تحديد اى حاجه لا ءءءءءءءءءءءءءءءءءءءءءءءءءءءءءءءءءءءءء

الواحد يدخل على الناس يقول ظروفه وهم يقبلوا او يرفضوا لكن نقعد نفااااااااااصل وبتااااااااع كده مبقاش زواج بقت بيعه وشروه

اما موضوع يشاركوا فى الشبكه برده لا

اما موضوع الذوق فهى الى هتلبسها مش انا يبقى تنقى الى هى عاوزه بس فى حدود الى قولت عليه يعنى زياده الف مااااااااااشى

سؤالى

ايه رأيكم فى الزواج ؟؟

[ذهبية]

سؤالى

ايه رأيكم فى الزواج ؟؟

تصدق لما قريت سؤالك ضحكت علشان مش عارفة اقولك زى ما الناس بتقول هو شر لابد منة و لا كاس و داير على الناس و لا مفيش

احسن من كدة و لا اتكل على الله و اتجوز ياعم سوف تجد ما يسرك

اسمحلى انا اجاوب من وجهة نظرى الشخصية ان الجواز بيحقق حاجتين

اولا احلى ما الجواز الاولاد لانهم بجد نعمة ربنا يارب ما يحرم حد منها ابداااااااااا

ثانيا الامان انك تحسن انك اخترت صح ((((( خد بالك من اخترت صح ))) و حاسس جنبة او جنبها بالامان

الخلاصة

اة طبعا الجواز حلو بمرة و شكلة و خناقة و نقارة ومللة حلو والاحلى و الاحلى لو اخترت بالعقل و الحب يبقى بجد ملكت الدنيا و ما فيها

و يارب كل اللى ما اتجوزش يتجوز اظن كافية عليكم كدة

انا هاترك سؤال العنبى مفتوح اللى جاى بعدى و متجوز اتفضل جاوب ياللى وراى

[الباشمهندس ياسر]

سؤالى الى عرسان المنتدى القادمين متزعلوش يا عروسات هاعمل لكم سؤال بعدها

لو اتقدمت لواحدة لما تجيب الشبكة توافق ان اهل العروسة يحددوا مبلغ معين و ما يتنازلوا عنة على اعتبار ان اختها جالها كدة و مر بنت خالتها ومرعفش مين

او توافق يشاركوك فى الشبكة

او تجيبها انت على ذوقك فى حدود امكانياتك لو عاجبهم

انا شخصيا متناقشتش مع حد ف الكلام ده خاااالص

انا بقول اامر ... ينفذ

و دائما بيترد عليا كالتالي

دي هديتك و اللي تجيبه

و شخصيا ما اشتريت شبكة الا مرة واحدة

و اخدتها و رحنا للجواهرجي و هي اختارت

و انا زي الاسد :lol: دفعت و بقول ف سري ... كان مالي انا و مال الحوار ده اصلا

مانا كنت عايش و مقضيها

موضوع مشاركتهم فيها ف ده مرفوض شكلا و موضوعا

انما نقطة ان اهل البنت يهادوها كذا .. زي العادة عندنا ... ف ده مش بتاعتي و مليش اتكلم فيها

[justme]

هوه للاسف موضوع الشبكة دة يبقى فيه شقين

شق الفشخرة

يعني انا بنتي جابت شبكة ب..............

وشق تاني كتأمين للبنت

يعني اذا جار عليها الولد يبقى فيه حاجة تأدبه او تلزمه بالارتباط

يعني اذا حب يقول لأ يتأدب

لكن لو كانت هدية بجد

يبقى مينفعش حد يقولك هات هدية بكذا

وبعدين اللي

بييجي يتجوز لو ماتكلمش هما هيتكلموا

انا مش من النوع اللي بيفاصل

حتى في شراء اي شيء شخصي

ولكن اللي بيحصل انك بتلاقي واحد يفقعك مبلغ يخليك تدوخ

يعني مرة سمعت شبكة ب 25 الف

دولار يا اساتذة

مش جنيه

وشفت الشبكة قدامي عند الصايغ

خاتم واحد بس

فعموما موضوع الشبكة ملوش قاعدة ثابته

[لماضة مصرية جدا]

السلام عليكم و رحمة الله و بركاته

حبايبي الحلوين

ايه رأيكم فى الزواج ؟؟

انا هاترك سؤال العنبى مفتوح اللى جاى بعدى و متجوز اتفضل جاوب ياللى وراى

مش واخدة بالي يعني.....ايه بقي هنعمل طابور متجوزين و طابور مش متجوزين و بعدين نقسم كل واحد منهم رجالة و ستات...

طب انا مش متجوزة و هزق كتف في الموضوع ينفع و لا مينفعشي..... (طبعا ينفع محدش سمعنا تصقيفة أومال......تشجيعة أومال....وش شجيع السيما في الليلة الكبيرة)

الجواز مش هستخدم فيه صفات بتاعت حلو ووحش..... و ضل حيطة و لا ضل راجل (قصدي العكس)...بس اسمحولي افكر معاكو في حاجة

انا بحب اوي الأية القرانية اللي ربنا لخص فيها اجمالا و تفصيلا معناه

"و خلقنا لكم من أنفسكم أزواجا لتسكنوا إليها، و جعلنا بينكم مودة و رحمة"

الخلق... يبقي ده شيء قدري.... ما فيش حد يقولي انا فكيك بقي و هتذاكي

من انفسكم......يعني حد تحس انه حتة منك و انت حتة منه

لتسكنوا إليها......ده معني انساني راقي جدا...... لأن السكن هو المكان اللي بتبقي فيه براحتك.... لا بتلبس اقنعة.... و لا بتزوق كلام....بتبقي قاعد كده بالشبشب فارق راسك من النص ..... و ضارب القلم علي ودنك اليمين و لا اجدعها مبيض محارة..... بس برضة حاسس ان سكنك هيتقبلك زي ما انت... لا و كمان هيحبك

الحقيقة معني السكن ده اتعمق عندي اوي بعد ما سافرت......

فيه ناس لما بيجيلها عقد عمل بتقاوح اوي في بند اسمه السكن.......بس السكن اللي بنلاقيه في الزواج.... هو الوشوش المألوفة....الدفا وقت الشدة.....الاذن اللي بتسمع بعين القلب.... و الايد اللي تتسند عليها وقت ما تتخلي الدنيا عنك

أما المودة و الرحمة..... فدول شارحين نفسهم....بس الجميل ان كتير منين بيدور ع الحب مع ان ربنا اللي خلقنا قال مودة و رحمة اللي هما اعلي من مجرد مشاعر عابرة بمراحل

معلش انا عشت مع الاية بتفسيري المتواضع

بصوا انا هسيب برضه السؤال للي بعدي.... متجوز و لا لأه... :lol:

بس هو انا عندي سؤال مبينيمنيش الليل (لا السرير ما فيهوش أكلان)

هو انا ليه بيطلعلي بتاع الانذارات دي...عزيزي المواطن احدف عينك ع الناحية اليمين

ايه مدفعتش مصاريف المدرسة.....طب معملتش الواجب....طب اتخانقت في مين؟؟؟

حدش يكسب فيا ثواب و يقولي

احسن ليلاتي بحلم بمشرفين المنتدي و هما لابسين اخضر في اخضر.... و داخلين عليا كده و ماسكني من قفايا

فوتكم بعافية

[الباشمهندس ياسر]

ا

هو انا ليه بيطلعلي بتاع الانذارات دي...عزيزي المواطن احدف عينك ع الناحية اليمين

ايه مدفعتش مصاريف المدرسة.....طب معملتش الواجب....طب اتخانقت في مين؟؟؟

حدش يكسب فيا ثواب و يقولي

احسن ليلاتي بحلم بمشرفين المنتدي و هما لابسين اخضر في اخضر.... و داخلين عليا كده و ماسكني من قفايا

فوتكم بعافية

بيان الانذارات موجود عند كل الاعضاء يا لماضة

اهم حاجة انه يفض زيرو و الا فعلا هيجيبوكي من الياقة

[رضوي]

السلام عليكم ورحمة الله ويركاته

ايه رأيك في الزواج؟؟؟؟؟؟؟؟؟

في الحقيقة ان الاخت لماضة أحسنت في الاجابة علي السؤال ( امتياز )

والأخت ذهبية قالت كلمة هي الخلاصة ( الأماااااااان ) طبعاً هو دة

انك تبقي حاسس انك مش لوحدك في الدنيا , ولما تكبر في السن حتلاقي الونيس , وتلاقي اولاد يبروا بيك زي مافعلت مع والدك ووالدتك

والرسول " صلي الله عليه وسلم" قال : ( يامعشر الشباب من استطاع منكم الباءة فاليتزوج ) والباءة هي مصاريف الزواج ( القدرة المادية يعني )

بس أهم من كونه امان وطمأنينة وسكن

فهو مسئولية

ومسئولية كبيرة كمان

فسوف تصبح رب أسرة راع مسئول عن رعيتك

وسوف تصبحين زوجة عليها واجبات والتزامات تجاه زوجها

وأما عليها مسئولية تجاه اولادها

وهذا ليس بالأمر الهين

يعني دلوقتي الواحد براحته .......... لما أكلف بشغل زيادة ..... عادي

ولو اتأخرت شوية ...... برضه عادي

ولما اتنطط كل شوية بين شغلي وجامعتي والمكتبات وأرجع يادوب علي المغرب ........ عادي

ماعنديش مسئوليات غيرهم

اما بقي بعدين ........... فلايوجد متسع من الوقت

يعني مثلاً زميلاتي المتزوجات ... استحالة يقبلوا شغل زيادة ممكن يأخرهم عن بيتهم

بينما رئيس العمل كل شوية ينادي ( رضوي أعملي الشغل دة , وروحي خلصي الورق دة مهم , .............)

وانا طبعاً : حاضر اوكي ........ عادي

بس كدة دة رأيي

تحياتي للجميع

نسيب السؤال شوية كمان

[justme]

بصو يا جماعة

الموضوع بتاع الجواز ده اختلفت فيه الأراء بس انا شخصيا مش متجوز لكني سئلت من حولي كثيرا ولاحظت عدة انماط مختلفة

والنتيجة ايه

ان الموضوع نسبي

يعني اللي ربنا كرمه ومستريح مبسوط

وده على طول بيسعى في الخير

واللي بقى ربنا رزقه اورزقها بحاجة كده من طراز

انت لسه ما ممتش

هيقول طبعا لأ

بس الموضوع برضه يتوقف على اي نصفمن الكوب ننظر

طيب وكما تعودنا سؤال اليوم

تعمل ايه اذا كان عندك امتحان التيرم زي حالاتي وكنت غبت المحاضرة اللي قبلها ولما سألت ايه اللي حصل سجلت معاد غلط

واذ فجأتن تروح وانت مش فاتح كتاب وتخش امتحان نهاتو الفصل الدراسي الأول (وش عبد الفتاح القصري في ابن حميدوا)

ومش هقولكوا بقى امتحان في الماجستير من 8 اسئلة من فئة ناقش وقارن بالتفصيل

ومعاك ساعة ونص والدكتور مديكوا الأسئلة علشان تذاكروها لأنها صعبة ولو معاك كتابين تلاتة الوقت مش هيكفي على بال ما تدور

:lol:

[قلب ابيض]

السلام عليكم و رحمة الله و بركاته

حبايبي الحلوين

الجواز مش هستخدم فيه صفات بتاعت حلو ووحش..... و ضل حيطة و لا ضل راجل (قصدي العكس)...بس اسمحولي افكر معاكو في حاجة

انا بحب اوي الأية القرانية اللي ربنا لخص فيها اجمالا و تفصيلا معناه

"و خلقنا لكم من أنفسكم أزواجا لتسكنوا إليها، و جعلنا بينكم مودة و رحمة"

الخلق... يبقي ده شيء قدري.... ما فيش حد يقولي انا فكيك بقي و هتذاكي

من انفسكم......يعني حد تحس انه حتة منك و انت حتة منه

لتسكنوا إليها......ده معني انساني راقي جدا...... لأن السكن هو المكان اللي بتبقي فيه براحتك.... لا بتلبس اقنعة.... و لا بتزوق كلام....بتبقي قاعد كده بالشبشب فارق راسك من النص ..... و ضارب القلم علي ودنك اليمين و لا اجدعها مبيض محارة..... بس برضة حاسس ان سكنك هيتقبلك زي ما انت... لا و كمان هيحبك

الحقيقة معني السكن ده اتعمق عندي اوي بعد ما سافرت......

فيه ناس لما بيجيلها عقد عمل بتقاوح اوي في بند اسمه السكن.......بس السكن اللي بنلاقيه في الزواج.... هو الوشوش المألوفة....الدفا وقت الشدة.....الاذن اللي بتسمع بعين القلب.... و الايد اللي تتسند عليها وقت ما تتخلي الدنيا عنك

أما المودة و الرحمة..... فدول شارحين نفسهم....بس الجميل ان كتير منين بيدور ع الحب مع ان ربنا اللي خلقنا قال مودة و رحمة اللي هما اعلي من مجرد مشاعر عابرة بمراحل

السلام عليكم ورحمة الله ويركاته

ايه رأيك في الزواج؟؟؟؟؟؟؟؟؟

في الحقيقة ان الاخت لماضة أحسنت في الاجابة علي السؤال ( امتياز )

والأخت ذهبية قالت كلمة هي الخلاصة ( الأماااااااان ) طبعاً هو دة

انك تبقي حاسس انك مش لوحدك في الدنيا , ولما تكبر في السن حتلاقي الونيس , وتلاقي اولاد يبروا بيك زي مافعلت مع والدك ووالدتك

والرسول " صلي الله عليه وسلم" قال : ( يامعشر الشباب من استطاع منكم الباءة فاليتزوج ) والباءة هي مصاريف الزواج ( القدرة المادية يعني )

بس أهم من كونه امان وطمأنينة وسكن

فهو مسئولية

ومسئولية كبيرة كمان

فسوف تصبح رب أسرة راع مسئول عن رعيتك

وسوف تصبحين زوجة عليها واجبات والتزامات تجاه زوجها

وأما عليها مسئولية تجاه اولادها

وهذا ليس بالأمر الهين

تحياتي للجميع

نسيب السؤال شوية كمان

يا خواتى ايه الكلام الجميل ده

عصافير بتغرد فى المنتدى

فراشات

اقول ايه بس 0000رأى ايه بقى اللى مستنيينوه بعد الكلام الجميل ده

انا بس هاقول ان اللى يقدر يتحمل ويعدى اول سنتين جواز يبقى عدى بر الامان

الجواز مش محتاج رد منى انا شخصيا اعتقد ان معظم مواضيعنا فى المنتدى ممكن ترد على السؤال ده او جايز عن نفسى باتكلم

انا شخصيا احبذ الزواج والزواج المبكر كمان

اه المبكر سواء للشاب او الفتاه طالما الظروف مهيئه ومتاحه

هو فى احلى من حاجه احلها ربنا 000

انا سمعت مره مقوله من 00000بيقول انا من كتر ما انا سعيد بجوازى من مراتى 0000نفسى اتجوز كل يوم :lol:

[الباشمهندس ياسر]

انا شخصيا احبذ الزواج والزواج المبكر كمان

اه المبكر سواء للشاب او الفتاه طالما الظروف مهيئه ومتاحه

هو فى احلى من حاجه احلها ربنا 000

انا سمعت مره مقوله من 00000بيقول انا من كتر ما انا سعيد بجوازى من مراتى 0000نفسى اتجوز كل يوم :lol:

و الله لسه مقابل واحد زميلي مصري بقالي اكتر من سنتين مشفتوش و اتجوز ف خل الفترة دي

بيقولي

قسما بالله لو اعرف ان الجواز حلو كده مكنتش اتاخرت يوم واحد بعد التخرج و لو كنت استلفت حتي

يلا

الحمد لله علي كل حال

[عنبو]

ياااااااااااارب الى فى بالى ما يتزوج الا فى شهر 8 علشان اكون موجود واعمل معاااااااااااه اعلى وااااااااااااااجب ؟؟

ثؤال برده فى نفس سياق الموضوع

ليه الناس مبتتزوجش فى شهر رمضان مع انى شايفه عاااااادى يعنى ؟؟؟

[الباشمهندس ياسر]

ياااااااااااارب الى فى بالى ما يتزوج الا فى شهر 8 علشان اكون موجود واعمل معاااااااااااه اعلى وااااااااااااااجب ؟؟

ثؤال برده فى نفس سياق الموضوع

ليه الناس مبتتزوجش فى شهر رمضان مع انى شايفه عاااااادى يعنى ؟؟؟

الله يسامحك يا صاحبي

عايزني اركن لغاية شهر 8

ياااااااااااااااااه

ده بعيد اوي يا جدع

و كفاية شعورك يا عنبي يا اخويا

سؤالي ... للبنات فقط

ايه الفترة المناسبة من ساعة ما تتعرفي بانسان لغاية ما تقرروا تتجوزوا..؟

محدش يقول اكتر من ساعتين .. عشان مزعلش منكم tot::

[رضوي]

السلام عليكم ورحمة الله وبركاته

أولاً كل سنة وحضراتكم طيبين بمناسبة بداية العام الهجري الجديد

طيب وكما تعودنا سؤال اليوم

تعمل ايه اذا كان عندك امتحان التيرم زي حالاتي وكنت غبت المحاضرة اللي قبلها ولما سألت ايه اللي حصل سجلت معاد غلط

واذ فجأتن تروح وانت مش فاتح كتاب وتخش امتحان نهاتو الفصل الدراسي الأول (وش عبد الفتاح القصري في ابن حميدوا)

ومش هقولكوا بقى امتحان في الماجستير من 8 اسئلة من فئة ناقش وقارن بالتفصيل

ومعاك ساعة ونص والدكتور مديكوا الأسئلة علشان تذاكروها لأنها صعبة ولو معاك كتابين تلاتة الوقت مش هيكفي على بال ما تدور

اه

لو تفاجأت بامتحان التيرم

دي مشكلة

بس كل الي أقدر أعمله في وقت زي دة أحاول أنقذ مايمكن انقاذه يعني اذاكر قدر المستطاع وأشوف المنهج كان ايه والدكتور كان مركز أوي علي ايه ....

انا حصلي موقف مشابه

كان فيه مادة صعبة جداً وكلنا كنا خايفين منها وكان قبل الامتحان نصف يوم وما قدرتش اذاكر المادة كويس قبل بداية الامتحانات

بس ركزت قوي علي محاضرات الدكتور وعلي الاسئلة العملية وخليت ماما وبابا يدعولي وتوكلت علي الله

كنت داخلة الامتحان وانا منهارة وبترعش ودعيت ربنا ... وجاوبت بكل المعلومات الي عندي ... دة انا كمان قلت رأيي الشخصي في الحالة العملية وحمدت ربنا وقلت مش مهم كفاية انجح في مادة زي دي........

وفي امتحان المادة الي بعدها لقيت أصحابي بيدوروا عليا وبيقولولي الدكتور فلان عايزك ضروري (استاذ المادة الصعبة )

طبعاً كنت قلقة جداً

ولقيته بيقولي انا بقالي أكتر من 15 سنة مافيش طالب قدر يحصل علي الدرجة النهائية في مادتي مبروك يارضوي 100% وماكنتش مصدقة نفسي ...... الحمد لله

سؤالي ... للبنات فقط

ايه الفترة المناسبة من ساعة ما تتعرفي بانسان لغاية ما تقرروا تتجوزوا..؟

محدش يقول اكتر من ساعتين .. عشان مزعلش منكم

بصراحة مافيش وقت أو معاد محدد

يعني ممكن يقل عن شهر وممكن يطول لسنة واتنين

بس اللي بيحكم في المواضيع اللي من النوع دة الارتياح

يعني أول لما تحس بإرتياح مع الطرف الآخر ....... وتشعر انه مناسب لك وممكن الارتباط بيها

ساعتها بس بيكون الفترة اللي حضرتك بتتكلم عنها انتهت وتبدأ فترة تانية أو مرحلة أخري وهي مرحلة الارتباط

اوك

سؤالي بقي

لو فيه حد انت بتحبه أوي وبتعتبره الأب الروحي لك ,,,,, لكن الشخص دة له عداوات مع ناس تانية ... والعداوات دي بدأت تأثر عليك بسبب علاقتك بالشخص دة ( إللي بيعتبرك زي ابنه او بنته وعمره مابخل عليك بعلم أو معرفة أو مساعدة معنوية .....) وبدأت الناس التانية دي تقف في طريقك والشخص دة عرف الموضوع وبدأ يزعل منك ( وانت مالكش ذنب في أي حاجة من الاساس )

ياتري تعمل ايه

تحاول تحد من علاقتك بالاب الروحي دة وتخسره علشان تقدر تمشي في مشوارك

ولا تطنش الناس التانية وتعوم ضد التيار وممكن يحطموا طموحك ويقفوا في طريقك

( مع العلم باستحالة التوفيق بين الطرفين ياه تخسر دة ياتخسر دة )

[الباشمهندس ياسر]

سؤالي بقي

لو فيه حد انت بتحبه أوي وبتعتبره الأب الروحي لك ,,,,, لكن الشخص دة له عداوات مع ناس تانية ... والعداوات دي بدأت تأثر عليك بسبب علاقتك بالشخص دة ( إللي بيعتبرك زي ابنه او بنته وعمره مابخل عليك بعلم أو معرفة أو مساعدة معنوية .....) وبدأت الناس التانية دي تقف في طريقك والشخص دة عرف الموضوع وبدأ يزعل منك ( وانت مالكش ذنب في أي حاجة من الاساس )

ياتري تعمل ايه

تحاول تحد من علاقتك بالاب الروحي دة وتخسره علشان تقدر تمشي في مشوارك

ولا تطنش الناس التانية وتعوم ضد التيار وممكن يحطموا طموحك ويقفوا في طريقك

( مع العلم باستحالة التوفيق بين الطرفين ياه تخسر دة ياتخسر دة )

افترض مثلا اني بعمل دراسات عليا ف الجامعه

و اتنين دكاترة بينهم ما صنع الحداد

انا شخصيا هقف مع الحق حيث كاااااااااااان

و الصح هو اللي هيحصل ف النهاية

دائما ما تكون النهايات علي ما يرام ... فإن لم يكن فهي ليست بالنهاية

[رضوي]

ايه ياجماعة انتو نسيتو اللعبة

انا زعلت

:angry:

خدو بقي السؤال دة

سؤالي للشباب

لو انت ماشي في الشارع عادي وفجأة لقيت ست كبيرة عجوزة وقعت في الشارع وشنطتها وقعت ووتناثرت محتوياتها وسط زحام السيارات ........... وفي نفس ذات اللحظة وعلي الجانب الآخر فتاه جميلة في مقتبل العمر بتصرخ لأن شنطتها اتسرقت علي يد أحد اللصوص الذي خطف الشنطة وجري ( حلو جو الافلام دي )

دورك بقي يابطل حتساعد مين ياتري الست العجوزة تحاول جمع محتويات الشنطة وتساعدها علي الوقوف علشان تروح ........ ولا البنت الجميلة حتجري ورا الحرامي وتعمل فيها أحمد السقا وترجع لها الشنطة .......

وماحدش يقولي حيساعد البنت ويرجع للعجوزة أو الدقي لالالالالالالا مينفعش اختار اجابة واحدة مع ذكر الأسباب ...... وماحدش يبص في ورقة زميله .

اما بنات المنتدي الحلوين فكروا بقي في السؤال دة

ماذا تفعلين لو :

أكتشفتي في يوم من الايام أن خطيبك يحبذ فكرة تعدد الزوجات يعني ياحلوة ممكن أو غالبا عايز يتجوز عليكي ياتري حتعملي ايه ؟حتسيبه وتخلعي من أولها ولا حتصبري وتجاهدي وتحاولي تغيير فكرته وانه يستطيع الاكتفاء بك انتي فسوف تكونين له كل نساء العالم ........... ام لديك حل آخر

واوعي واحدة تقولي حشترط في عقد الزواج الايتزوج بأخري بدون موافقة كتابية مني ......اه الرجالة مالهومش أمان............

يالا مستنياكوا

تحياتي

[الباشمهندس ياسر]

و اوعدكم هعمل مداخلة مستقلة لتوضيح حيثيات قراري

انا كنت وعدت اني ارجع لتوضيح سبب رفضي ان صديقة الاخت رضوي توافق ع العريس

بمجرد مراجعة كل مداخلات الاخت رضوي و خصوصا بعد المداخلات الاخيرة

هتتاكدوا ان قراري كان صح

و ماعتقدش ان الموضوع محتاج حيثيات

الولد مغرور و مش خام ولا حاجة ... ده عنده علاقات و حوارات ... البنوته هنا ما هي الا انثي كسرت ثقته بنفسه

فهو عاوز يضمها لمجموعه الحريم بتاعت سموه و لما ملقاش طريق غير الخطوبة

فمفيش مشكلة يخطبها شوية و بعد كده فركش لاي سبب م الاسباب