لعبة كلنا نشترك فيها

[ذهبية]

تعمل ايه لما تأذن فى مالطه ومافيش حد ساااااااامعك

لو المووضع مهم جدا و اللى قدامى لو ما عملة هيضر بالذات طبعا لولادى او جوزى او حد يهمنى امرة هافضل اذن و اذن و اتكلم وادن لحد ما حد يسمعنى

بس برضة لحدود يعنى لو محدش سمع يبقى خلاص ريحت ضميرى و خلاص هو حر

لو حد ميهمنيش امرى هانصح مرة واحدة و كل واحد بيشيل قربة مقطوعة كمل انت بقى الباقى

سؤالى

لو عندك ابن فى اللغات و مستوى تحصيلة ضعيف يعنى متوسط تعمل اية تخلية يكمل فى المدرسة علشان مستقبلة بالرغم ان كل سنة التعقيد بيزيد بس المستقبل كلة الان فى اللغات

ولا تحولة لمدرسة عربى على قد مستواة ؟؟؟والمستقبل بيدى الله سواء فى العربى او اللغات

[الباشمهندس ياسر]

سؤالى

لو عندك ابن فى اللغات و مستوى تحصيلة ضعيف يعنى متوسط تعمل اية تخلية يكمل فى المدرسة علشان مستقبلة بالرغم ان كل سنة التعقيد بيزيد بس المستقبل كلة الان فى اللغات

ولا تحولة لمدرسة عربى على قد مستواة ؟؟؟والمستقبل بيدى الله سواء فى العربى او اللغات

لو تاكدت تماما ان مستوي تحصيل الولد ضعيف ووصلت للنهائية ف مكافحة ده

يبقي مفيش فايده من العذاب

[justme]

سؤالى

لو عندك ابن فى اللغات و مستوى تحصيلة ضعيف يعنى متوسط تعمل اية تخلية يكمل فى المدرسة علشان مستقبلة بالرغم ان كل سنة التعقيد بيزيد بس المستقبل كلة الان فى اللغات

ولا تحولة لمدرسة عربى على قد مستواة ؟؟؟والمستقبل بيدى الله سواء فى العربى او اللغات

لو تاكدت تماما ان مستوي تحصيل الولد ضعيف ووصلت للنهائية ف مكافحة ده

يبقي مفيش فايده من العذاب

باختصار شديد وبسرعة

هل مشكلة ابنك في القراءة والتعامل باللغة الانجليزية

هل تأكدتي من انه لا يعاني من نفس المشكلة باللغة العربية

لابد من معرفة السبب وده للاسف يحتاج بحث اكتر لأن الفئة دي من المشاكل ممكن يكون سببها بسيط او كبير فلازم تشوفي ايه السبب مش تبصي على النتائج

ممكن تقولي اكتر هو ضعيف في انهي مواد وقوي في مواد

[رضوي]

السلام عليكم ورحمة الله وبركاته

سؤالى

لو عندك ابن فى اللغات و مستوى تحصيلة ضعيف يعنى متوسط تعمل اية تخلية يكمل فى المدرسة علشان مستقبلة بالرغم ان كل سنة التعقيد بيزيد بس المستقبل كلة الان فى اللغات

ولا تحولة لمدرسة عربى على قد مستواة ؟؟؟والمستقبل بيدى الله سواء فى العربى او اللغات

أولاً هو ابن حضرتك في سنة كام

لو لسة تحت ال10 سنوات ( ابتدائي ) تبقي المشكلة سهل علاجها.......... بس محتاج شوية مجهود من حضرتك .

وبعدين ضعف التحصيل دة في كل المواد ولامواد معينة .......

طيب في السنوات السابقة مستوي التحصيل كان أعلي ولا اقل من السنة دي .........

أنا من رأيي المتواضع جداً ان حضرتك تصبري شوية وتحاولي معاه وتبذلي مجهود أكبر ........... لكن لو لاقدر الله مستواه مااتحسنش ........ اعتقد نقله الي مدرسة عربي ( بس دة أخر حل ) وربنا يوفقك ان شاء الله

نسأل بقي سؤال

ماذا لو

كانت دماغك رايقة ع الاخر

والمود تمااااااااااااااام والدنيا ربيع والجو بديع ( في عز البرد )

وم الصبح من اول لما صحيت من النوم وانت حاسس بنشاط غير عادي وبترمي كل المشاكل ورا ضهرك وبتقول مش عايز حاجة تعكر صفوي خااااااااااالص .......

وفجأة بعد برضه مارجعت البيت بابتسامتك تلاقي اخوك بيقولك ............ ايه المرح والحبور اللي انت فيه دة ادخلي بقي جهزيلي الغدا وبطلي شوية التفاؤل دة ( علي الرغم ان هو اللي دايماً واخد الامور ببساطة ) ومصمم انه لاااااااااااااااااااازم يغلس عليك ومش راضي يسيبك لوحدك ( هو طيب بس بيحب يغلس شوية كدة مزاج )

ودماغة والف سيف يفتح موبايلك ويقرا رسايلك من منطلق نظرية الرخامة ( المشكلة انها رسايل اصحابي وممكن يكون فيها أسرارهم ) حتي مش عارفة اقعد لوحدي شوية ع المحاورات الا لما نزل يصلي العشا

حتعمل ايه مع أخوك الكبير ( بشرط انك مازلت مصمم ان اليوم ينتهي بنفس الابتسامة )

انا بقول اقوم انام من دلوقتي احسن ........ نفسي اشوفله عروسة وأخلص منه

[ذهبية]

و الله فكرتينى يا رضوى باخويا كان كدة بالضبط و انا بنت و نفس الرخامة و الغلاسة فى اللبس و فى الخروج و الدخول و حتى الفرجة على التلفزيون مسموح افلام و افلام لا حاجة رخامة

و ابشرك عمرة ما هيتغير و هيفضل كدة لحد ماتتجوزى

اول ما اتجوزت و كان لسة هيعلق على دخولى و خروجى قولت لة لاااااااااااا لحد هنا بقى دورك انتهى انا فى عصمة راجل اللى باخد منةالاذن قعد يضحك

و تصدقى لحد الان بيرخم عليا لما يشوفنى فاتحة النت الاقى حاجة خرجت كدة فجاة من الاميل و يقولى بتعملى ايةةةةةةةةة يا هانم ؟؟؟هههههههه

انت استحملى بقى و اعرفى انة بيحافظ عليك و ان دة حب و انا عارفة انك عارفة دة بس الواحد ساعات بيحب يكون عندة شوية خصوصية اصبرى لحد ما تتجوزى و ما اقرب الايام

[عنبو]

ذهبية مشاركة بتاريخ اليوم, 10:39 PM

و الله فكرتينى يا رضوى باخويا كان كدة بالضبط و انا بنت و نفس الرخامة و الغلاسة فى اللبس و فى الخروج و الدخول و حتى الفرجة على التلفزيون مسموح افلام و افلام لا حاجة رخامة

و ابشرك عمرة ما هيتغير و هيفضل كدة لحد ماتتجوزى

اول ما اتجوزت و كان لسة هيعلق على دخولى و خروجى قولت لة لاااااااااااا لحد هنا بقى دورك انتهى انا فى عصمة راجل اللى باخد منةالاذن قعد يضحك

و تصدقى لحد الان بيرخم عليا لما يشوفنى فاتحة النت الاقى حاجة خرجت كدة فجاة من الاميل و يقولى بتعملى ايةةةةةةةةة يا هانم ؟؟؟هههههههه

انت استحملى بقى و اعرفى انة بيحافظ عليك و ان دة حب و انا عارفة انك عارفة دة بس الواحد ساعات بيحب يكون عندة شوية خصوصية اصبرى لحد ما تتجوزى و ما اقرب الايام

كلام سليم ميه بالميه

سؤال

ايه رأيكم فى الانانيه فى الحب ؟؟

[ذهبية]

ايه رأيكم فى الانانيه فى الحب ???

و الله تفرق لو انانية من جانب الرجل و لا المراءة

يعنى لو انانية من جانب الرجل لحبيبتة بيكون مقبول نوعا ما لان ساعاتها الرجولة و الرجل الشرقى هو اللى بيتحكم فية اكتر لكن لو العكس بيتهايلى مفيش رجل

هيقبل ان حبيبتة تتحكم فية تحت شعار الانانية انها عايزة لوحدها بس

لكن فى جميع الحالات بيكون صعب التعامل معها لان الانانية بيدخل فيها الذات مش حب اللى قصداك و انااكرة الى يحب نفسة اكتر

من انة يحبنى او يفكر فيا و فى مشاعرى

الست اللى بتقع نصيبها فى حد انانى فى حبة بتتعب معاة قوى و دايما مفروض عليها انها تشبع انانية و تطيع كل اوامرة و تفضل تزود

الانا عندة اللى اصلا زيادة و دى هتكون حياة صعبة

هاترك السؤال مفتوح لمزيد من الاراء

[عنبو]

توضيح السؤال

لما يبقى واحد بيحبك ومش عاوز اى واحد مهما كان انه يحبك زيه ؟؟

لما يغاار عليك قوووووى لما شوفك بتكلم اى واحد احسن منه ؟؟ هو شايف كده يعنى

لما يعملك اى حاجه انتى عاوزه بدون تفكير بس لازم انت كمااااااااااااان تعامله نفس النظام ؟؟

شويه لعبكه كده فى بعض جت فى دمااغى وانا قاعد لوحدى بالليل ومافش ونايس ولا ونايسه وانتوا عارفين الباقى

[الباشمهندس ياسر]

حتعمل ايه مع أخوك الكبير ( بشرط انك مازلت مصمم ان اليوم ينتهي بنفس الابتسامة )

انا بقول اقوم انام من دلوقتي احسن ........ نفسي اشوفله عروسة وأخلص منه

او نشوفلك عريس

و ف الحالة دي مش هيقدر يتكلم معاكي مطلقا اطلاقا البته

*****************************

عنبو حبيبي

كفاية يا ابني حال البحث و الاستقصاء دي كلها

البرج اللي فاضل هيطير :rolleyes:

[عنبو]

عنبو حبيبي

كفاية يا ابني حال البحث و الاستقصاء دي كلها

البرج اللي فاضل هيطير

اسكت اصل انا امبارح سهرت للفجر باعتبار ان كان فيه امطار وهنفض للشغل بحجة الامطار الغزيره

بس لقيت الصبح تليفون تعاااااااااااااااااااااااااااااااالى "" وانت عارف الباقى ""

[لماضة مصرية جدا]

السلام عليكم و رحمة الله و بركاته

حبايبي الحلوين....و اللي في اللوعبة مشاركين

اتكعبلت في السؤال

ايه رأيكم فى الانانيه فى الحب ???

و الحقيقة انا هقول و رايي و اجري و تكالي علي الله

مش عارفة ليه لما نيجي نتكلم عن مشاعر المفروض انها بتزرع الحياة و البهجة فينا نقرنها بمشاعر تانية خالص

يعني دايما الكلمات اللي تلاقيها نطيت كده علي اي حوار فيه اخونا ده "الحب"..... تلاقي.....يا اما هنتكلم عن الانانية.... عن الكبرياء..... عن الكرامة..... عن حب التملك

طب انا راضية ضميركم..... دي مصطلحات.... بتاعت ناس عايزة تكمل.... و لا ناس عايزة تنسحب؟؟

الحقيقة

أنا بحس طالما ابتدينا نحدف الناحية دي..... يبقي فيه نية مبيتة.... أو خلينا نقول فيه صوت جوانا بيقولنا مش هكمل.... خلاص اسمع للصوت ده بس ليه نحاول نضفي شرعية علي قرارنا بأن لازم المشاعر الحلوة اللي ملت حاجات كتير جوانا..... ندور علي مشاعر تانية تخلينا ننساها

هو مينفعش.... ان الناس في اي ارتباط.... تيجي و تبص في عينين بعضها .... و تقول....خلاص احتراما لما كان.... مش هنكمل

صحيح ينفع و لا لا؟؟؟

فوتكم بعافية

حد سمع اغنية عمرو "يهمك في ايه......"أنا اول مرة اسمعها..............يا خرااااااااااااشي..... ايه ده

انا دلوقتي

واقعة ع الأرض..... و السياح خلاص بقوا يقفوا قدامي و كل واحد يحط اللي فيه القسمة

[عنبو]

يلا ان شاالله محدش حوش حااااجه

كلمات اغنية يهمك فى ايه

يهمك في إيه !

أموت ولا أعيش !

ده كلام ملكش

تسألني فيه

و هتقوللي إيه ؟ ؟

دا اللي بيتغير

أكيد

بيبان عليه

مين اللي قدامي

دا واحد معرفوش

مبقتش أخاف عليه

اسيبه أو اجرحه

عشاق كتير اتقبلوا

عادي مكملوش

و

اهو كل واحد

يعمل اللي يريحه

نفسك

تسمعني

ليه ؟؟

شوية كلام

تريح ضميرك بيه

وهيفيد بأيه

روح شوف حياتك

جرح قلبي سامحت فيه

يهمك في إيه !

أموت ولا أعيش !

ده كلام ملكش

تسألني فيه

و هتقوللي إيه ؟ ؟

دا اللي بيتغير

أكيد

بيبان عليه

و اهو كل واحد

يعمل اللي يريحه

ولا يزاااااال سؤال قائماً

[justme]

هو بالنسبة لموضوع الانانية والحب في رأيي الشخصي يتوقف على درجة الحب

فكلما زاد حب الذي قد ينبع السيطرة النابع من الخوف من فقد الثاني زادت الغيرة

والعكس وارد والمشكلة تكمن في فرق درجة الحب ما بين الطرفين فتارة يغلب حب الرجل فيصبح متسلطا محاصرا للمرأة وتارة اخرى تصبح المرأة غيورة تتابع كل حركة للرجل

اعرف شخصيا صديق له وزوجته انفصلا بسبب الغيرة الشديدة منها عليه مع انه على حد علمي ليس من هذا النوع ولكن بحكم عمله يتعرض للاحتكاك بالنساء كثيرا

واخر كان على وشك الانفصال بسبب مكالمة تليفونية من احدى الزميلات تسأله عن الاقامة لزوجها بحكم عمله كمندوب جوازات ولولا علمي به جيدا لشككت في الامروكذلك علمي بالمتصلة انها ليست من هذا النوع ولكن قد يكون الحاحها عليه سببا في ذرع بذرة الشك ولكن على ما اذكر كانت في انتظار اقامة زوجها او شيء من هذا القبيل

ان المشكلة تكمن ايضا في سوء الظن فاذا فسر الاهتمام بأنه انانية نتجت المشاكل اما اذا فسر على انه حب فتحدث المعجزات

والحد الفاصل بين الاثنين رقيق

[رضوي]

السلام هايكم ورحمة الله وبركاته

الانانية في الحب !!!!!!!!!!!!!!!!!!!!!!!!!!!!!!!!!!!

بدايه الانانية مرفوضة من حيث المبدأ .........

بس واضح إن الاخ عنبي يقصد بيها الغيرة الشديدة

فكرتوني بأغنية لسميرة سعيد بتقول ( يمكن محتاجة حب يهزني ويلفني ويجليلي من كل اتجاه .......)

بصفة عامة سيكولوجية المرأة تتطلب رجل يشعرها بحبه لها وغيرته عليها ............

ولكن لو المرأة بدأت تشعر بالغيرة الشديدة علي زوجها ( زيادة عن اللزوم ) فلايتقبل الرجل تلك المشاعر

في كل الاحوال لازم تفضل المشاعر دي غيرة بس مش تتحول لشك والا انهارت الحياه.

ولكن ............ في بعض الأحيان يفسر هذا النوع من الغيرة او الانانية بفقدان الثقة في النفس .......

علشان اختصر واوصلكم اللي عايزة أقوله

الغيرة زي ملح الطعام من غير الملح طعم الأكل بيبقي وحش ومانقدرش ناكله (وبنقول عليه أكل عيانين) ولكن لو زاد الملح عن المقدار المطلوب الأكل بيبوظ وماينفعش يتاكل أصلاً .............

يعني مطلوب قدر معقول من الأنانية او الغيرة ......... حبها زي ماانت عاوز بس بلاش تخنقها

ماينفعش حد يحبها أكتر منك ...... وماينفعش هي تحب حد زي مابتحبك

بس خلاص

نسيب السؤال شوية علشان الواحد يستفيد برضه

[الباشمهندس ياسر]

المرأة اذا شعرت بغيرة زائدة من الرجل عليها اذا دلالا و تمايلا بينما اذا شعر الرجل بغيرة زائدة من المراة ازاد حنقا عليها

المرأة اذا تألمت ازدادت حبا و حنانا بينما اذا تألم الرجل تحول الي وحش كاسر

:closedeyes: :roseop:

ايه الكلام الكبير

تيجوا نغير الموضوع...

النهارده و انا سايق كده مع نفسي افتكرت اغنية ليلي مراد اللي يقدر علي قلبي

و قلت بما ان معظمنا ك شباب هنا مشافوش بعض .. ايه المانع اننا نحط تخيل لبعض طبقا لادوار الاغنية

و السوبر فايزور هنا هو تانت قلب ابيض

اين انتي يا قلب ابيض

[لماضة مصرية جدا]

السلام عليكم و رحمة الله و بركاته

ايه يا هندزة ده

كلااااااااااااااااااااااام جميل

كلااااااااااااااااااااام معقول

مقدرشي اقول حاجة عنه

بالنوسبة ليا.......

من ناحية قلبي و نار قلبي..... و اتحب مووووووووووووووت (موسيقي زغاااااااااااااااااريد)

و حبيبي لو غاب يوم عني ارقع ميت صوت

و طبعا يا حلوين

كده عرفتوا انا مييييييييييييييييييييييين

شكوكو طبعا.................. :blink:

ياااااااااااااااااااااااااه

أنا تخيلت اني في فرحي (قولوا يا رب........ و انت ياللي قاعد ورا متكروتش في الدعاء)......

خير اللهم اجعله خير

أنا لابسة شكوكو و داخلة بقي بالزفة بتاعته دي...............يا خراااااااااااااااااااااااشي

تفتكروا هيكون رد فعله ايه.............(أنا متخيلاه بقي حاجة كده في طيبة محمد رضا في اعلان البلهارسيا جلابية مبحبحة و الكرش لقدام .....)

يوووووووووه و بعدين فيا بقي حد ينيمني يا جدعان ...... انا بوظت الجو الرومانطيقي ده خالص

بس معلش انا كده

خلاص انا هزق عجلي...... محدش يزقني

فوتكم بعافية

"و بنيت م الفول و الطعمية .....اربع عومارات.....

ندر عليا لو قولتي أيوة.......

لا سيبك و اخش انااااااااااااااااااااام....... :lol: :lol: "

[قلب ابيض]

المرأة اذا شعرت بغيرة زائدة من الرجل عليها اذا دلالا و تمايلا بينما اذا شعر الرجل بغيرة زائدة من المراة ازاد حنقا عليها

المرأة اذا تألمت ازدادت حبا و حنانا بينما اذا تألم الرجل تحول الي وحش كاسر

:blink: :lol: :lol:

ايه الكلام الكبير

تيجوا نغير الموضوع...

النهارده و انا سايق كده مع نفسي افتكرت اغنية ليلي مراد اللي يقدر علي قلبي

و قلت بما ان معظمنا ك شباب هنا مشافوش بعض .. ايه المانع اننا نحط تخيل لبعض طبقا لادوار الاغنية

و السوبر فايزور هنا هو تانت قلب ابيض

اين انتي يا قلب ابيض

الووووووو ايوه يا باشمهندس 000انت فين دلوقتى؟ عالمحور؟ واخبار الزحام ايه؟

طيب وانت سايق كده وسارح مع الست ليلى 00خللى بالك فى ردار اخرك 90 كم

لما توصل رن لى اوك؟ فى حفظ الله

و قلت بما ان معظمنا ك شباب هنا مشافوش بعض .. ايه المانع اننا نحط تخيل لبعض طبقا لادوار الاغنية

الموضوع كبيييير واعتقد انه من الانسب نقله لموضوع عاوز اتجوز عايزه عريس

تعالى لى هناك :P

وانت كمان ياعم شكوكو مستنياك هناك0000هارش؟؟ wst::

[لماضة مصرية جدا]

السلام عليكم و رحمة الله و بركاته

من شكوكو إلي قلب أبيض....... حول

كابينة 7 معااااااااااااااااااااااااااااكي....... و يا عم مدبولي يا بتاع السويتش يا ريت تحط السماعة

يا حياة قلبي..... أنا هناااااااااااااااااااك.....سموك فين (خلاص حاطة جرنان ع راسي و الشمس ضربتني....يعني انا اصلا ناقصة لسعان)

أنا مستنية أهه

ع كوبري عباااااااااااس

ماشية و ماشية الناس

ماشي تبص عليكي..... يا فروتة و اناناااااااااااااااس

وقف الخلق ينظرون......جميعا....كيف ابني قواعد المجد وحدي.....

آن آن آآآآآآآآآآآآآآآآآآىىن تش

جمعة كريمة علينا كلنا

متنسوش سورة الكهف

و لو دعوتين

يبقي كده رضا أوي

فوتكم بعافية

[justme]

بس حبيت امسي على الزباين هنا

واضيف ليكم دي

ده طبعا للحبيب المجهول اللي هيطلع في الاخر شكوكو

http://www.youtube.com/watch?v=P77en7ZnyME...feature=related

بقى ده سقف احلام البنات دلوقت شكوكو.......

اما اروح افصل جلابية بلدي والبس الزعبوط

حبة جد

الا هو من حق هي مدام ليلي سابت الكل وخدت انور ليه مع انه لا طموح ولا وظيفة ولا فلوس يعني بالمقاييس بتاعتنا معندوش مقومات العريس التقليدي بما اننا رايحين عايزة اتجوز عايزة عريس

بس بصراحة فرق كبييير بين كلمات زمان وكلمات دلوقت

اه بالمناسبة وقبل ما انسى

يا مدام قلب ابيض طب ايه رأيك نتكلم جد اكتر ونكتب كمان مع التخيلات دي ايه مواصفات العريس او العروسة المثالية من وجهة نظر الاعضاء

وياريت المتجوزين كمان يكتبوا رأيهم لأن العزاب هيكونوا رومانطيقيين اوي

تم تعديل 25 ديسمبر 2009 بواسطة justme

[ذهبية]

والله يا جست من الصعب جدا انك تحط مقاييس للعريس الكويس و العروسة المثالية

من وجهة نظرى ان لكل واحد ربنامفصل لة اللى قدة او الى تتناسب معاة يعنى لكل واحد كاتلوج خاص يمشى معاة صعب جداااا

تخلى قاعدة واحدة تمشيها على الكل

الا الموصفات العامة المعروفة للاتنين زى الادب والتدين و غيرة

يعنى اللى ممكن يعجبك ميعجبش غيرك و العكس صحيح لولا اختلا ف الاذواق

لاحظ كمان ان من زمن لزمن المقاييس بتتغير مش من شخص لشخص كمان

دى وجهة نظرى

وهترك سؤالك مفتوح اللى بعدى