لعبة كلنا نشترك فيها

[justme]

هي مش نحط مقاييس يا مدام ذهبية بقدر ما هي محاولة للتعرف على وجهة نظر الشباب الحالية لأن المعايير زي ما قلتي بتختلف لكن في الاخر في نقاط خاصة وفي اشياء عامة غير موضوع الدين والخلق يعني دلوقتي بقى في معايير زي الثقافة ودرجة التعليم بقت تخش وساعات كمان العيلة

[قلب ابيض]

تتصرف او " تتصرفى " ازاى لو لاقيت شريك او " شريكه" حياتك بيعيش مع صوره فى خياله ؟؟

هل هاتعتبرها خيانه فعلا؟

هل هاتعتبرها وهم او نزوه ؟

ايه شعورك؟ وايه تصرفك؟محدش يقول هاقرب من الصوره دى واتعامل معاها 000

السؤال محدد وواضح

وفى اختيارات

[رضوي]

السلام عليكم ورحمة الله وبركاته

وجنت علي نفسها مراكش ........

لا المثل دة مالوش دعوة بالموضوع خاااااالص

شوفي بقي ياحبيبتي

أنا بقي حركز معاه قوي ع الآخر وحشوف ايه الصورة دي

وبذكاء اثبتله بطريقة أو بأخري اني افضل من الصورة اللي في خيالة

ومن الافضل اني ابين له شوية كدة علي خفيف اني اتضايقت ( بس برضه بذكاء )

بمعني أصح مش حديله الفرصة يفكر في أي حااااجة أصلاً ( مش بقول وجنت علي نفسها مراكش )

بجد سؤال جامد ............ ممكن حد تاني يجاوب عليه نستفيد برضه من الآراء

تحياتي

[لماضة مصرية جدا]

السلام عليكم و رحمة الله و بركاته

أحب انا الاسئلة اللي تنعكش النافوخ دي.....

ببساطة و معاهم 2 كيلو صراحة

انا رد فعلي هيكون كالتالي:

1- حالة احباط......لاني زي ما اكو كنت واقفة فوق جبل و هو بيقولي ارمي نفسك و انا هتلقفك تحت.... و بعدين رحت طبعا رميت و لقيته مادد ايديه الناحية التانية

حالة الاحباط عندي بيبقي ليها حالة صمت.... و التي لا تتفق بتاتا البتة مع كتلة التوهج و العفرتة اللي فيا.....اكيد هو هيحس ده..... و وهو المطلوب

مع اول نكشة.....انا احب الامور تكون واضحة....هبص في عينه (أيون ممكن العب في عينيه بصباعي كمان عاااااااااااااادي جدا)..... هحاول اوصله انه جرحني (مش مجرد ضايقني....أيون عشان الليلة تبقي غامقة بقي) جدا جدا بالتصرف ده...حتي لو كانت مجرد وهم او ذكري

انا مش مع اصابع الاتهام تروح للست انها هي اللي مقصرة و تشوف الست التانية فيها ايه و كده......لان ده موضوع مشترك بينا احنا الاتنين و لازم الراجل و الست يحلوه مع بعض

عارفين....هو لو الراجل يقول لمراته مثلا.....أنا آسف.... كانت ذكري...فقط....و الله هتطمن

لكن حالة الدوران في الدوائر المفرغة...يزيد المرأة حيرة و شكا و الما و يأسا

..... و يزيد الرجل هروبا الي ملاذه الأمن في عالم يصنعه وحده في وقت لديه قلب ينتظره خارج هذا العالم

طب ايه رايكم ان نفس الموقف حصل فعلا لاحد صديقاتي المتزوجات و معرفش جابت حبوب الشجاعة منين بس اظن انها كانت في قمة حالات الياس

بس الحقيقة السيناريو كان مختلف

لانها دائما كانت بتتخيل نفسها مع حد تاني غير زوجها.....

هل خيانة أشد.... أم أكثر إيلاما..... أم حالة ضعف يرجي منها ميلاد جديد

دمتم بكل الحب......بمساحة خاصة جدا للصفح

[قلب ابيض]

طب ايه رايكم ان نفس الموقف حصل فعلا لاحد صديقاتي المتزوجات و معرفش جابت حبوب الشجاعة منين بس اظن انها كانت في قمة حالات الياس

بس الحقيقة السيناريو كان مختلف

لانها دائما كانت بتتخيل نفسها مع حد تاني غير زوجها.....

هل خيانة أشد.... أم أكثر إيلاما..... أم حالة ضعف يرجي منها ميلاد جديد

دمتم بكل الحب......بمساحة خاصة جدا للصفح

تعقيبك مناسب جدا

بس اللى انا بفكر فيه انتى اشارت اليه بموضوع صديقتك ده000ليه دايما ممكن نغفر للراجل حاجه زى دى تحت مسمى نزوه 00حلم 00ذكرى اى مسمى المهم انه له عذر

والصوره لما تكون بالعكس الدنيا تتقلب 00وتلاقىاللى صنفها دينيا واللى صنفها تبع العادات والتقاليد واصبحنا مابين حرام وعيب

طيب يا ناس ما زى الراجل له مشاعر للمرأه مشاعر وارق كمان بمراحل

لها حق زيه بالظبط تتخيل او حتى تتوهم لو افتقدت ده فى حياتها معاه000انا مش بحلل الموضوع ده

انا شخصيا بعتبرها خيااااانه 00مجرد انى احلم بشخص ما فى خيالى غير زوجى اعتبرها خيانه حتى لو بينى وبين نفسى

طيب ايه الوضع بالنسبه لك يا ادم؟؟

[الباشمهندس ياسر]

تتصرف او " تتصرفى " ازاى لو لاقيت شريك او " شريكه" حياتك بيعيش مع صوره فى خياله ؟؟

هل هاتعتبرها خيانه فعلا؟

هل هاتعتبرها وهم او نزوه ؟

ايه شعورك؟ وايه تصرفك؟محدش يقول هاقرب من الصوره دى واتعامل معاها 000

السؤال محدد وواضح

وفى اختيارات

ربنا يستر ده اولا

ربنا يستر و يلهمني حسن التصرف بحيث موصلش الامور لدرجة زي دي

ربنا يستر و متعرضش لموقف زي ده

لانها ملهاش حل غير الانفصال

[ذهبية]

و الله طالما مازال فى الخيال يبقى احنا فى مرحلة الامان اة فية خطر بس ممكن جدا جدا اننا نلحقة

طبعا انا لو حصل معايا اول حاجة هاعملها هاطنش جداا ولا اكنى حاسة باى حاجة

وهاحاول الفت انتباة انا اجننة انا اسهرة انا احبة انا

لية هو ينشغل بغيرى لية و هو جوزى و حبيبى و حياتى انا

هاشغل تفكيرة مش هاسيبة لحظة يسرح بخيالة بعيد عنى هاملى خيالة انا هابعت لة رسايل على موبايلة بحبى انا

هاسيب ولادى و اخرج معاة هو و انا بس و ارجع ايام كنا نسيناها فى زحام الدنيا

هاشوف بيحب اية و اعملة لة هارجع احلى اغانى جمعتنا مع بعض فى يوم بتاعتى انا و هو و بس

هاعيش انا و هو بس فى حقيقة فى الخيال انا و هو بس

[عنبو]

(قلب ابيض @ Dec 28 2009, 04:39 PM)

تتصرف او " تتصرفى " ازاى لو لاقيت شريك او " شريكه" حياتك بيعيش مع صوره فى خياله ؟؟

هل هاتعتبرها خيانه فعلا؟

هل هاتعتبرها وهم او نزوه ؟

ايه شعورك؟ وايه تصرفك؟محدش يقول هاقرب من الصوره دى واتعامل معاها 000

السؤال محدد وواضح

وفى اختيارات

الموضوع مينفعش يتاخد حته واحده لازم نقسمه على كذا حاله لان كل حاله تختلف عن الى قبلها

مثلاً

واحده اتفرجت على فيلم وعاشت شويه مع البطل يعنى او العكس واحد اتفرج على فيلم وعاش شويه مع البطله

هل لحظة التخيل بتكون وقت العلاقه الزوجيه بس ولا طول اليوم ؟؟

هل الشخص المتخيل شخصيه عامه ولا شخصيه من الوسط المحيط بهم ؟؟

هل فيه فجوه بينهم وبين بعض بناءً عليه حصل الموضوع ده ولا ؟؟

يعنى شوية حاجات فى بعض وكل حته تختلف عن الى قبلها

يلا بقى سلام لانى لسه قايم من النوم وعاوز انام تانى

[رضوي]

السلام عليكم ورحمة الله وبركاته

طيب ممكن أسأل سؤال خفيف ( بعد اذن عزيزتي قلب ابيض طبعاً مازال سؤالها قائماً )

بس جاوبوني علي السؤال دة ونرجع تاني للمشكلة الكبيرة بجد بتاعة الصورة الخيالية

سؤالي

لما تبقي خطوبة واحدة من اعز صديقاتي وأقربهم الي قلبي ( صاحبتي الانتيم يعني ) وطبعاً لازم أروح - دة انا ممكن ماروحش خطوبتي بس أروح خطوبتها عادي يعني -

شوية جد بقي يارضوي

دلوقتي صاحبتي دي مش عارفة أحضر خطوبتها ( علشان بابا مشغول ) وأكيد أكيد ماينفعش اروح لوحدي وارجع متأخر لوحدي ............. استحالة حتي لو رجعت بدري مش حيبقي أقل من التاسعة ..... ودة مستحيل في الشتا

اعمل ايه

أخليها تنقلي حفل الخطوبة ع الهوا ........... فضلاً انها فعلاً حتزعل مني جداً لو ماحضرتش ( هددتني انها ممكن تقطع علاقتها بية )

وانا عمالة اقولها ادعي يابنتي الاقي حل ربنا يكرمني .......... وبابا يكون فاضي

ماحدش يقولي خلي أخوكي يوصلك اه ( مش بيرضي اصلاً )

[الباشمهندس ياسر]

سؤالي

لما تبقي خطوبة واحدة من اعز صديقاتي وأقربهم الي قلبي ( صاحبتي الانتيم يعني ) وطبعاً لازم أروح - دة انا ممكن ماروحش خطوبتي بس أروح خطوبتها عادي يعني -

شوية جد بقي يارضوي

ماحدش يقولي خلي أخوكي يوصلك اه ( مش بيرضي اصلاً )

مانا قلتلك قبل كده

اتخطبي عشان تخلصي من اخوكي و تحكماته

و يا سلام بقي لو اتجوزتي

ساعتها هتلاقي واحد طول بعرض تمشي عليه اوامرك مش كلامك

و تتحكمي ف تحركاته ... مش هو اللي هيتحكم ولا حاجة

قال تسيب خطوبتها و تحضر خطوبة صاحبتها قال

[رضوي]

مش عارفة انتوا فاهمين غلط ليه

اخويا مش بيتحكم فيا ولا حاجة خاااااااااالص والله بالعكس دة طيب جداً بس ماينفعش ييجي معايا خطوبة صاحبتي.......... طيب بابا بيوصلني وبيرجع ياخدني ( ربنا يخليه دايماً تعبان معايا )

مانا قلتلك قبل كده

اتخطبي عشان تخلصي من اخوكي و تحكماته

و يا سلام بقي لو اتجوزتي

ساعتها هتلاقي واحد طول بعرض تمشي عليه اوامرك مش كلامك

و تتحكمي ف تحركاته ... مش هو اللي هيتحكم ولا حاجة

قال تسيب خطوبتها و تحضر خطوبة صاحبتها قال

اوك ياعم وانا قلت لأ .................

وبعدين أنا استحالة اتجوز واحد انا اللي أتحكم فيه عايزني اتجوز سوسن لالالالالالالالا لو مافيش غير النوع دة مش عاوزة اتجوز أصلاً

وبعدين ماالاقيش عند حضرتك حل أسرع من الخطوبة والجواز ........ أصل فرح صاحبتي الاسبوع الجاي

غير كدة ايه العمل بقي لو برضه جوزي (ان شاء الله ) طلع مشغول هو كمان يبقي ايه العمل من وجه نظر سيادتك ؟

حل سريع ياخوانا

[لماضة مصرية جدا]

السلام عليكم و رحمة الله و بركاته

يا حبيبتشي يا بنتي.... مين دي اللي هتتخطب...........خيااااااااااااااااااانة.... إلي كل عزبتة المنتدي... ارفعوا الكسرولات و تعالوا نعمل احلي تحية لفقيدة جيل التحدي....و البقاااااااااااء.... (و الله قلبي خلاااااااص وجعني)

بصي يا حبي

لأنها صاحبتك الانتيم يبقي اكيد انتي مش هتروحي مع الناس و كده انتي ممكن تحضري معاها احتفالية .....

ماسك الخيار....

و ماسك الجبس...

و ماسك هاتي قفاكي قدام ووشك ورا...

و دي خطوات "حبيبتي العروسة ازاي تبقي ملونة كتليفزيون 24 بوصة"....

يعني حضرتك تلفحي الجلابية...و رايحة فين يا فاطمة ...رايحة أجيب اومو .....

تطبي عليها كده م الفجرية

و لما تبتدي حفلة الخطوبة.... هي هتحتاجك في مرحلة واحدة تلبيس الشبكة و دمتم

صدقيني يا حياة قلبي هي مش هتبقي معااااااااااااااكي خالص....بجد مش هتلاحظ انتي جيتي... مشيتي... حلمتي.... اتغديتي....طب اتعشيتي

بصي انتي اعملي زي ما بقولك و هتدعيلي

بس لو حبيتي تاخدي اخوكي معاكي.....اوعي تقوليله تعالا وصلني....(طبعا هينفض... و إذا جه يبقي استلمي بقي....هتعملي العشا و الغدا و القمصااااااان.... يا خراااااااااااااشي..... العصابة وحشتني موووووووووت)

انتي تقوليله اوسكت اوسكت..... مش البت نوال حلفت لتعمل نيولوك في خطوبة صحبتنا فتاكات

أما البت بقي ثوعاد (إعلان لبنيتا)..... فدي راسها و الف برطوشة انها تحيي الليلة

و الله يا بنتي هيبقي قبلك هناك

مساااااااااااااااااااااكم فرحة م القلب لحد بنحبه أوي أوي أوي

[رضوي]

ياسلااااااااااااااااااااااااااااااام عليكي يالماضة أفكار دي ولااختراعات

بجد جامدة

بس مع حد غير حسبالله أخويا ............. لأنه بصراحة محترم محترم محترم

اه والله مالوش في المواضيع دي أصلاً ...........

وبعدين اوك انا حكون معاها م الصبح ........ بس محتاجة حد يروحني باليل مش بقولك مشكلة يااختي ( علشان بس تعرفوا اننا في مجتمع ذكوري )

الحل الوحيد ان بابا ربنا يخليه يكون فاضي في اليوم دة

ادعولي بقي

لما أقوم أمهد لأهمية الموضوع واني حزعل جداً واعيط لو ماروحتش

شوية حركات كدة يعني

[عنبو]

مافيش احسن من الامر الواقع

[رضوي]

السلام عليكم ورحمة الله وبركاته

ايه ياجماعة مافيش لعب في السنة الجديدة ولا ايه ؟؟؟؟؟؟؟

ماحدش بيسأل ليه .............. ولا كرسي الاعتراف خلص كل مواهبكم في الأسئلة :ninja:

مش عارفة والله يااخ عنبي ايه اللي دخل سياسة الأمر الواقع في الموضوع .............. واذا كان الكلام موجه لمين أصلاً ؟؟؟؟

المهم

خدو بقي السؤال دة ؟؟؟

ايه أكتر أمنية نفسك تتحققها في 2010 ؟؟؟؟؟؟؟

وايه الأمنية اللي اتحققت في 2009 ؟؟؟؟؟

تحياتي للجميع

وتمنياتي بالتوفيق

[لماضة مصرية جدا]

السلام عليكم و رحمة الله و بركاته

حبيبتشي رودي

طبعا السؤال ده انا برد عليه و انا لابسه بابا نويل.... أومال الشيء لزوم الشيء

هي سنة 2009 كانت غامقة حبتين تلاتة اربع سبعة.....بس الحمد لله علي كل حال.....كان فيها لون ايس كريم الفانيليا و لون الشيكولاتة المخدومة أوي... بس كلاهما كان ليه طعم

امنية السنة اللي فاتت..... كانت اني افوز بمنحة دراسية للولايات المتحدة.....

و الحمد لله الحمد لله استقر بيا الحال في منطقة الغريق... قصدي الخليج....يا رب صبرني :lol:

امنية السنة دي....

برضه متمسكة بالمنحة دي.... و هما غالبا لما هيزهقوا مني هينضطروا يقبلوني....

بس الحقيقة انا نفسي اوي....ربنا يبلغني رمضان و اقضيه كله في الحرم.....بلا صخب....بلا ضجيج...... أنا و مامتشي.... قولي آمين

سؤالي

هو المنتدي ده فيه مكتبة الكترونية....طب مكتبة ورقية... طب قراطيس.... بحب اقرا روق قراطيس الطعمية جدا

مساااااااااااااكم قرص طعمية.....مقلي في زيت عربيات متين..... من عند عم عرباوي....و لازم تاكله ع العربية في الشارع

ايه أكتر أمنية نفسك تتحققها في 2010 ؟؟؟؟؟؟؟

وايه الأمنية اللي اتحققت في 2009 ؟؟؟؟؟

تحياتي للجميع

وتمنياتي بالتوفيق

[رضوي]

السلام عليكم ورحمة الله وبركاته

ياحبيبتي يالماضة

ليه بس الغوامق دي ؟؟؟؟؟؟؟؟؟؟

بعد الشر عليكي من الحياه الغامقة ....... ( مع اني بموت في الغوامق .... بس بحب حياتي تبقي بلون الورد البمبي الصافي .................... )

ربنا يوفقك يارب يالمضمض وتقدري تحققي كل امنياتك

امين يارب العالمين

بس الحقيقة انا نفسي اوي....ربنا يبلغني رمضان و اقضيه كله في الحرم.....بلا صخب....بلا ضجيج...... أنا و مامتشي.... قولي آمين

آمين يااااااااااااااارب

وابقي ادعيلي معاكي

لأني فعلاً والله نفسي ربنا يكرمني وازور الحرم .................... يارب

ايه أكتر أمنية نفسك تتحققها في 2010 ؟؟؟؟؟؟؟

وايه الأمنية اللي اتحققت في 2009 ؟؟؟؟؟

نفسي في 2010 ان شاء الله باذن الله

اجد شيء ثمين ( في الواقع انا أبحث عنه من فترة ولكني أتمني أن يوفقني الله عز وجل وأجده )

ومن الأماني اللي اتحققت في 2009 ........ تصدقي مش فاكرة ..........

بس ....... اه الحمد لله تفوقت في التمهيدي ........ وخلصته ........ الحمد لله

سؤالي

عمرك حلمت بحلم جميل .......... واتحقق ؟

ولا الأحلام موجودة في خيالنا بس .............. ومالهاش علاقة بأرض الواقع ؟

[الباشمهندس ياسر]

ا

سؤالي

عمرك حلمت بحلم جميل .......... واتحقق ؟

ولا الأحلام موجودة في خيالنا بس .............. ومالهاش علاقة بأرض الواقع ؟

بفضل الله و حوله و قوته و كرمه و نعمائه

ما حلمت في يوم بحاجة الا و اتحققتلي مهما طالت المسافات

ربنا هو الكريم الذي يستحي ان يرد عبده صفر اليدين

س : اخر امنية اتمنيتها / اتمنتيها كانت ايه و اتحققت بعد اد ايه..؟

[عنبو]

س : اخر امنية اتمنيتها / اتمنتيها كانت ايه و اتحققت بعد اد ايه..؟

انى اعمل عمره فى رمضان وانى احج والحمد لله الاتنين اتحققوا

كنت بدعى بيهم ربنا فى رمضان وانا كنت لسه فى مصر ومكنش فى اى بوادر للسفر اساساً والحمد لله السنه الى بعديها كنت بعمل وعمره وكنت بحج وسبحان من يسبب الاسباب

ولا يزال السؤال قائماً

[رضوي]

س : اخر امنية اتمنيتها / اتمنتيها كانت ايه و اتحققت بعد اد ايه..؟

اخر امنية اتمنيتها لسة ماتحققتش ( ولسة بتمناها وبدعي ربنا يحققهالي )

والحمد لله رب العرش العظيم كل مااتمناه وادعو بيه ربي يعطيه لي

ربنا يدمها نعمة ويحفظها من الزوال

سؤالي ............. ازاي ممكن تحس باهتمام شخص بيك ؟