لعبة كلنا نشترك فيها

[joo]

انا عاوز اهاجر كندا

[عنبو]

حسيت قبل كده ان مافيش حد فاهمك خالص والناس كلها بتفكر فى حاجه وانت بتفكر فى حاجه تانيه خالص ولما بتحس بكده بتعمل ايه ؟

[رضوي]

حسيت قبل كده ان مافيش حد فاهمك خالص والناس كلها بتفكر فى حاجه وانت بتفكر فى حاجه تانيه خالص ولما بتحس بكده بتعمل ايه ؟

اه

بحس الاحساس دة كتير

وبقول يمكن فروق فردية واختلاف ميول واتجاهات وبقعد افكر شوية لوحدي

وارجع تاني وكأن شيئا لم يكن

[justme]

كتير يا عنبي كل منا لنا همه

بس عمرك حسيت انك مهما عملت بقى محدش هيفهم وانك افكارك صعب تطلعها

[لماضة مصرية جدا]

السلام عليكم و رحمة الله و بركاته

حبايبي الحلوين

فيه كام سؤال فاتوا كده و الناس مشيت و لا سلمت عليهم

رضوي سالت..... "تعرفي ازاي لو حد مهتم بيكي؟؟؟"..... يا ضنايا تحالي عند حمو بقي (وش عم ايوب طبعا)

يا حياة قلبي و عهد مين ده... و عهد الله هتعرفي...من غير علامات و لا اشارات و لاذبذبات... هتعرفي...

بس لما تعرفي.... ابوس القدم...بلاش اي بنت تتغابي...

اصلها بتبقي لحظة تاريخية للولد انه يا حرام لبس الكسرولة علي راسه...و اخد حبوب الشجاعة....و عايز يلمح لواحدة...ربنا يقويكم يا شباب... انتو امل مصر ان شاء الله في اوليمبيكات الجرآة

جو.... (اللي هيموتني بالصورة) قال انا عايز اهاجر لكندا.....و ماله يا خويا هاجر متهاجرش ليه (وش الدكتور شديد)

بس خليني اقولك حاجة يا جو

في آية في القرآن بتقول: "و من يهاجر في سبيل الله يجد مراغما كثيرة و سعة"

لو حسيت ان هدفك انك تهاجر في سبيل الله.... طلب علم مثلا... او رزق

لو حسيت ان الهجرة هتلاقي فيها مراغم كثيرة .....يعني صعاب كتيرة جدا.... و حسيت انك فعلا أدها

لو حسيت ان ربنا....خلي السعة في آخر الاية... عشان الدنيا مش هتمشي وردي اوي.... و السعة هتحصل في النهاية... و الله اعلي و اعلم

لو حسيت ال 3 حاجات دول.......هات يا ابني البازابورت اختمهولك.... بس فين تصريح العمل يا مواطن؟؟؟

عنبي سال...."لما تبقي بتفكر بطريقة.... و الناس بتفكر بطريقة تعمل ايه"

كان فيه حاجة قريتها يا ابا الحاج عنبي... بتقولك ايه لو حسيت ان كل الاشياء تمشي عكس اتجاهك فاعلم انك علي صواب

بس نصيحتي ليك... لما تحس كده... بلاش تقعد تحلل مع نفسك (يا عم محتاجينك في حوتة العيال الروشة)... اخرج براك... انهمك في عمل جسماني او تحدي ذهني.... لان فيه اوقات كتر الحوار مع النفس بيعزلها عن الاخرين

سؤالي بقي للي بعدي

ليه بنطبق الغسيل..... مع انه هيتكرمش..... و نضطر نكويه....

و بعدين عارفين الزمن لتطبيق الغسيل اد ايه....

طب ليه نحرم البشرية من لحظات عبقريتنا و نقولها معلش يا بشرية اصلي مكنتش فاضي.... كنت بطبق الغسيل؟؟؟

فوتكم بعافية

كان معكم....لماضة مشبك......بتحاول تظبط حبل الافكار

[justme]

ليه بنطبق الغسيل..... مع انه هيتكرمش..... و نضطر نكويه....

و بعدين عارفين الزمن لتطبيق الغسيل اد ايه....

طب ليه نحرم البشرية من لحظات عبقريتنا و نقولها معلش يا بشرية اصلي مكنتش فاضي.... كنت بطبق الغسيل؟؟؟

سعادتك انا وبلا فخر اخر كائن ممكن يطبق اي حاجة حتى شنطة السفر كلفت لم بسرعة

بس كده انا بقى عندي سبب لأني كنت بعملها من غير سبب (مضيعش لحظات العبقرية)

بس من وجهة نظر اللي بعملوها علشان بتاخد مكان اقل وكمان شكلها يبقى منظم

أل يعني

سؤال سريع فظيع بقى

ليه لما نكون لوحدنا بنحس بشعور سيء غير في وسط اللمة

:closedeyes:

[ذهبية]

ليه بنطبق الغسيل..... مع انه هيتكرمش..... و نضطر نكويه....

و بعدين عارفين الزمن لتطبيق الغسيل اد ايه....

طب ليه نحرم البشرية من لحظات عبقريتنا و نقولها معلش يا بشرية اصلي مكنتش فاضي.... كنت بطبق الغسيل؟؟؟

و الله يا لماضة مووضع تطبيق الغسيل لة اسباب اخرى غير التطبيق يعنى انا قريت فى كتاب علم نفس انك لما تكون مضايق حاول تعمل بايدك اى حاجة تغسل تمسح تطبق غسيل اهو حاجة تطلع الكبت

ومش التطبيق بس اللى بيضع وقتنا و بنتلكا بية هو يعنى فرجة التلفزيون ولا الرغى فى الموبايل و قعدة النت وغيرة و غيرة كتيرررررر

سؤالى

لما الدنيا تفضل تخبط فيك على دماغك كذا خبطة و ترجع بابها يفتح و يوارب و تفرح و هتقول اخيراااااااااا هتفرج و فجاة تلاقى العكس انها بتتعقد اكتر من الاول

ولما لسة هتفرحك ينقلب فرحك دة لغم لما تفضل تعافر فى دنيتك و هى تعافر فيك و تكسبك ماتش ولا ماتش

ولما تقعد مع نفسك وتقول هابدا المباراة من جديد تخرج برررررررررة مهزوم اكتر من الاول تعمل ايةةةةةةةةةةةةةةةةة؟؟؟؟؟؟؟؟

[رضوي]

سؤال سريع فظيع بقى

ليه لما نكون لوحدنا بنحس بشعور سيء غير في وسط اللمة

دة لأن الانسان كائن اجتماعي

خلق ليكون في جماعة ومجتمع يؤثر فيه ويتأثر به

ولا يستطيع الانسان بأي شكل من الأشكال انه يعيش بمفرده

سؤالى

لما الدنيا تفضل تخبط فيك على دماغك كذا خبطة و ترجع بابها يفتح و يوارب و تفرح و هتقول اخيراااااااااا هتفرج و فجاة تلاقى العكس انها بتتعقد اكتر من الاول

ولما لسة هتفرحك ينقلب فرحك دة لغم لما تفضل تعافر فى دنيتك و هى تعافر فيك و تكسبك ماتش ولا ماتش

ولما تقعد مع نفسك وتقول هابدا المباراة من جديد تخرج برررررررررة مهزوم اكتر من الاول تعمل ايةةةةةةةةةةةةةةةةة؟؟؟؟؟؟؟؟

حبيبتي ذهبية واحشاني جداً

( ضاقت ولما استضيقت حلقاتها فرجت وكنت أظن ان لا تفرجا )

دة ابتلاء من الله سبحانه وتعالي ....... واختبار

اصبري واعرفي ان الخير لسة قدام

المؤمن دايماً مصاب ......... لأن ربنا بيحب يبتلي العبد المؤمن علشان يختبر قوة ايمانه ,,,,, وحتي يكفر عن ذنوبه ...... قوي ايمانك يااختاه واستعيذي بالله من الشيطان الرجيم ....... وعليكي بالدعاء

ربنا يوفقك لما فيه الخير

[عنبو]

سؤالى

لما الدنيا تفضل تخبط فيك على دماغك كذا خبطة و ترجع بابها يفتح و يوارب و تفرح و هتقول اخيراااااااااا هتفرج و فجاة تلاقى العكس انها بتتعقد اكتر من الاول

ولما لسة هتفرحك ينقلب فرحك دة لغم لما تفضل تعافر فى دنيتك و هى تعافر فيك و تكسبك ماتش ولا ماتش

ولما تقعد مع نفسك وتقول هابدا المباراة من جديد تخرج برررررررررة مهزوم اكتر من الاول تعمل ايةةةةةةةةةةةةةةةةة؟؟؟؟؟؟؟؟

طالما عملت الى عليا واخدت باسباب النجاح يبقى خلاص اكيد ربنا هيكرمنى مافيش شك مهما تأخر الفرج بس اكيد جاااااااااى

انا جربت الموضوع ده بجد وحصلى نفس الى انتى بتقولى عليه كنت بحس ان كل مدى ببعد مش بقرب بس الحمد لله اكتشفت انها مرحله كان لازم امر بها الاول

[رضوي]

السلام عليكم ورحمة الله وبركاته

فين الأسئلة .......................... اممممممم وبعدين

اسأل انا بقي

في حياتك كلها طلعت بكام صديق حقيقي تثق فيه ثقة عمياء .......... وهل هناك وجود فعلاً للثقة العمياء بين البشر

[لماضة مصرية جدا]

السلام عليكم و رحمة الله و بركاته

سؤالي علي سؤالك.... هو ليه لما بنيجي نوصف حاجة حلوة اوي زي الحب... نقول عليه اعمي..... و زي الثقة و نقول عليها عمياء؟؟؟

مع ان الاتنين مشاعر راقية جدا.... و بتفجر الانسان اللي جوانا.....ليه لازم نكحلها و نطفيها في عز توهجها

و عشان كده خليني افكر معاكي في سؤالك بطريقة تانية....

يعني ايه صديق حقيقي اصلا؟؟؟

يعني حد مجدع كده ..... زق كتف معاكي ووقف جنبك.... في وقت ما اتخلي الناس عنك...

يعني حد... مثلا ضرب ايده في جيبه و طلع ربع جنيه يوم ما كنتي قاعدة ع كنبة المكيروباص و بقول يا تري البوك فين؟؟؟

يعني حد.....لما اتخنقت اوي.... روحت و عيطت عنده او عندها

يعني ايه صديق حقيقي يا جدعان؟؟؟

يعني ممكن يبقي بني آدم.....بني آدماية

طب ليه مش ممكن يبقي لحظة صدق وقف فيها الواحد مع نفسه و اتصاحب عليها..... و صالحها و صالحته..... و نام

طب ليه ميكونشي......حد قبلناه مرة في زحمة الحياة..... مجمعتناش بيه مصلحة......بس قالنا حكمة لسه بترن جوانا لغاية دلوقتي

طب ليه متكونشي صلاتي لربنا هي صداقتي الجقيقية..... مش بلاقي فيها الامان.... مش بسال.... مش بتحاور.... مش بعيط.....

طب ليه مكتونشي شنطة سفري صديقتي الحقيقية......

مش قصدي طبعا النملية اللي بناخدها معانا المطار و نتقفش بزيادة الوزن (ايوة عارفاكو يا بتوع الخليج.... نفر نفر :lol: )....

لا الشنطة اللي فيها الحاجات الخاصة بينا جدا......

حاجات انا بس افهم معناها...... و في زحمة الناس اطلعها و ابص عليها و اضحك...هي تفاصيل صغيرة اوي

ع فكرة انا كونت صداقات.....مع بني آدمين كتير جدا......(طبعا كائن رغاي.... هيكون نهايته ايه)

صداقات....حاجة مهمة... ليا كبني آدم.... ونس و ضحك....و فهم و غباء و جنون و عقل من غير سيطرة و لا تحكم

و اتعلمت حاجة....

احب آه.....

أثق آه جدا

بس...........

بحذر جدا جدا جدا جدا

مساكم لحظة حقيقية......يمكن تعافروا فيها مع نفسكوا.... يمكن تتعبوا....بس اتصالحوا و ناموا

[عنبو]

في حياتك كلها طلعت بكام صديق حقيقي تثق فيه ثقة عمياء .......... وهل هناك وجود فعلاً للثقة العمياء بين البشر

انا عندى اصدقاء يمكن من اول يوم فى الحضانه كنا مع بعض وكبرنا بقى مع بعض والغريبه بقى ان كلنا نفس السن ومافيش حد فينا غلبنا وسابنا ومشى زعلنا مع بعض واتصالحنا ووقفنا جنب بعض فى مواقف كتير ومن كتر الاحتكاك مع بعض بقينا زى الاخوات مهما نزعل من بعض بس مينفعش نخاصم بعض حاجه كده زى صلة الرحم

ايه ياجماعه مينفعش كده كل واحد يدخل يجاوب وبعدين ينسى يسأل وانا ادخل اسأل لا ياجماعه انا مش فاضى انا هلاقيها منين ولا منين !!!!!

السؤال

ايه هى اخر اغنيه هبله سمعتها ؟؟ انا عارف السؤال صعب شويه بس ركزوا وان شاء الله هتعرفوا تجاوبوا

[لماضة مصرية جدا]

السلام عليكم و رحمة الله و بركاته

صباهو نادي ان شاء الله.....

بمناسبة لحظة الصودق العالية أوي.....

و اغاني بقي....و رومانسية..... و كده (مشهد كتكوت في الاستوديو... حسن حسني.... ده جاموسة بتولد.... )

خد عندك يا عنبي

و شربت حجرين ع الشيشة.... مع توتو و السبع وويشة.....

لا الاغنية مليانة مشاعر و خصوصا

و خصوصا لما بيقولك....هروح ادور عاااااااا نفسي...

أما بقي لو عايز.... اغنية فعلا تخليك في دنيا تانية خالص

يبقي ما فيش غير

العتبة جزاز و السلم نايلو في نايلو....

انا مش هسال يا عم...... و هسيب سؤالك .........خلي الشعب يعيش :lol:

[لماضة مصرية جدا]

السلام عليكم و رحمة الله و بركاته

هي الدنيا دي فيها كام بلياتشو......؟؟؟؟

و اهي ضربت شقلباااااااااااااااااااظ........ امتي هتتعدلي بقي.......آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

آآآآآآآآآآآآآآآآآآآآآآآآآآآآآآآه

خلص الكلام

[رضوي]

السلام عليكم ورحمة الله وبركاته

لمضمض : الدنيا فيها كام بلياتشو ؟

كتير اوي يالموضة

لدرجة ان ممكن يكون بداخل كل منا بلياتشو يظهر في اوقات جنونه ليمرح معه .......... يظهر في اوقات يأسه ليضحك في بسخرية علي حال الدنيا ............... يظهر في اوقات ضعفه وقلة حيلته ليهزاء بالوضع ........

دة بس من وجهة نظري المتواضعة

بس انا النهاردة عايزة أسألكم سؤال

لما اغنية كدة مالهاش لازمة تقعد تزن في دماغك ............... وتعيد نفسها وتسيطر عليك

وتقعد تستعيذ بالله من الشيطان الرجيم ............ وتشغل دماغك بحاجة تانية

وهي مافيش فايدة عمالة تزن تزن ....... زي المنبه الرخم كل يوم يقعد يزن اقوله طيب خلااااااص هقوم مافيش فايدة ......

طيب نعمل ايه علشان نسكت الاغنية الرخمة دي ؟

[ذهبية]

طيب نعمل ايه علشان نسكت الاغنية الرخمة دي ???????

تفضلى تقولى استغفر الله العظيم كذا مرة كتير

سؤالى

لية لما الزوجة تحث زوجها على العمل والتفكير فى حاجة تزود الدخل فى الزمن الى احنا عايشين فية

تتهم منة انها مادية و انها مش بتحمد ربنا و ان النعمة هتزول منها بسبب انها مش بتحمد ربنا

ولما تقولة الحياة صعبة يقولها محدش بياخد منها حاجة و لما تقولة البيت بيصرف كتير يقولها امشى على قدك

و لما تقولة الناس كلها بتجرى و تسعى يقولها بصى اللى فى ايدك و عيشى على قدك

و لما تقولة ولادنا لسة ضغيرين يقولها يعملوا لنفسهم

هو الطموح عيب او كفر بنعمة ربنا لان لازم الانسان يرضى باللى فى ايدة طيب ما هو لو اى حد فكر فيها كدة كان كل واحد جاب

لقمة يومة و دخل ينام

هو مين الغلط و مين الصح انا دناغى هتنفجر

[عنبو]

طيب نعمل ايه علشان نسكت الاغنية الرخمة دي ???????

تفضلى تقولى استغفر الله العظيم كذا مرة كتير

سؤالى

لية لما الزوجة تحث زوجها على العمل والتفكير فى حاجة تزود الدخل فى الزمن الى احنا عايشين فية

تتهم منة انها مادية و انها مش بتحمد ربنا و ان النعمة هتزول منها بسبب انها مش بتحمد ربنا

ولما تقولة الحياة صعبة يقولها محدش بياخد منها حاجة و لما تقولة البيت بيصرف كتير يقولها امشى على قدك

و لما تقولة الناس كلها بتجرى و تسعى يقولها بصى اللى فى ايدك و عيشى على قدك

و لما تقولة ولادنا لسة ضغيرين يقولها يعملوا لنفسهم

هو الطموح عيب او كفر بنعمة ربنا لان لازم الانسان يرضى باللى فى ايدة طيب ما هو لو اى حد فكر فيها كدة كان كل واحد جاب

لقمة يومة و دخل ينام

هو مين الغلط و مين الصح انا دناغى هتنفجر

قولك على حاجه بس متزعليش منى انا زى اخوكى يعنى

اسلوبك فى التواصل هو الى غلط المفروض واضح من كلامك ان زوج حضرتك من النوع الحسى وحضرتك من النوع العينى والمفروض علشان يحصل اقناع منك له او منه لكى لازم تضعى فى الاعتبار الموضوع ده

يعنى ممكن توصلى للى انتى عاوزه بس تشوفى اسلوب تانى فى التواصل

وبعدين ممكن يكون الراجل جايب اخره ومش مقصر يبقى خلاص بقى ده رزقنا وعملنا اللى علينا ورضينا باللى ربنا قسمه لينا

منقعدش بقى نقول عاوزين نعمل للعيال يعنى طالما مافيش فرصه نعمل ليهم يبقى خلاص

الواحد مثلاً المفروض اصى عدد ساعات يشتغها فى اليوم 12 ساعه تمام طيب اذا كان الواحد بيشتغل 12 ساعه فى اليوم علشان ويادوب الدخل ممشى البيت كويس مينفعش بقى يشتغل 16 ساعه علشان يعمل الاربع ساعات للعيال

لكن لو شغل الا 12 ساعه دول مكفين البيت وفاضل منهم بدل لما نصرفهم فى النزاهه نوفرهم للعيال اه كده تمام

طيب قولك على تجربه شخصيه انا عشتها والدى الله يرحمه قعد يعمل فى فلوس لينا وبعدين جالوا مرض اخد الفلوس كلها بس وهو بموت مكنش زعلان كان بيقول انه مقصرش فى تربيتنا ولا تعليمنا وان هو عمره ما ظلم حد وان شاء الله ربنا هيكرمنا وهنبقى احسن من لو كان ساب لينا الفلوس والحمد لله ربنا كرمنا

اهم حاجه فى بالنسبه لتربية الاولاد مش انك تسيبى ليهم فلوس لا انك تربيهم صح وبفلوس حلال وبعدين رنا هيسهل ليهم بعد كده

بس برده لو فيه فرصه تعملوا حاجه عملوا بس لو مافيش وده اخركم يبقى خلاص

الطموح مش عيب بس لازم يتناسب مع الامكانيات علشان نعرف نعيش سعداء او بمعنى اصح علشان منرهقش نفسنا

والمفروض الواحد يكون عنده لميت بالنسبه للدنيا والا هيفضل يجرى فيها وعمره ما هيرتاح فيها

وقوك مره تانيه شوفى اسلوب تانى للتواصل مع زوجك لازم تحسسيه انه مش مقصر وانه بيعمل اخر مافى جهده وبعدين قولى الى انتى عاوزه هيتقبله منك

سلام

[لماضة مصرية جدا]

السلام عليكم و رحمة الله و بركاته

حبايبي الحلوين... اللي عن الطموح سائلين

هو يعني ايه طموح......؟؟؟

رايي....هو حلم بيخليك كل يوم الصبح تقوم من رقدتك.... مش اللي ع السرير..... من رقدة روتين الحياة و بلادة ان امبارح بقي شبه النهارد (توءم سيامي يعني)

انه النطرة اللي بتفوقك... عشان لو تهت في زحمة الحياة و حبيت تفتكر المقاتل اللي جواك بيبقي ده اول حاجة تفكر فيها

هو المارد اللي قاعد مستخبي في القمقم... و مستني من صاحبه كل شوية يقعد يدعك عشان يطلع.....و يغير شكل الحياة

حبيبتي ذهبية المشاعر

عارفة.... كلامك حقيقي جدا جدا..... بس خليني افكر معاكي في حاجة

احيانا بنقابل ناس و بيشدنا ليهم بريقهم و توهجهم و قدرتهم علي التجدد.... و الحلم لاخري مدي

و فجأة نبص ليهم و نسال نفسنا....... معقولة انتو نفس الناس....نفس الاحساس

عارفة يا ذهبية....الردود اللي انتي قولتيها علي لسان الراجل فوق دي معناها ايه......

معناها انه منهك جدا...... إنسانيا ووجدانيا....... آه و الله

حاسس انه جاب آخره.......اكتفي و ارتكن لحياة تقليدية عادية.....عشان خلااااااااااااااااااااااااااااااااااااص تعب.......

أو حاجة تانية

مين قال انه مش عايز....... بس كل الجمل اللي انتي قولتيها بتقولك في اشارة واضحة.... انتي مجرد بتقلبي عليه المواجع اللي هو حافظها و عارفها شخصيا..... و الخوف ان في يوم يبتدي يربط ما بينك و بين المواجع دي....(عارفين كان فيه نظرية بتاعت بافلوف... الارتباط الشرطي....تكرار الاستجابة...مع المثير.... مجرد ما توافر المثير بيستدعي نفس الاستجابة حتي لو السياق مختلف)

يعني ببساطة ممكن يبتدي.....يصب احباطه عليكي و يسيب الموقف الحقيقي

يبقي نعمل ايه بقي

اعملي العكس....

طمنيه انه عمل اللي عليه....

انه وسط الظروف الصعبة... قادر يسوق المركب.....

قادر انه يعدي برعيته لبر الامان....

طمنيه انك مقدرة تعبه (حتي لو قولتي في نفسك... طب ما هو مبيعملشي حاجة زيادة.....المشكلة بتبقي في قناعاتنا احنا... مش في الموقف نفسه)...

مين قال ان مع شركائنا في الحياة لازم نملي عليهم يعملوا ايه..... منخليهم يفكروا..... و الاهم حد سال نفسه مننا انا بقدر اخلي شريك حياتي قااااااااااااادر يحلم معايا و لا لا؟؟؟؟

دي حتة....و دي من وجهة نظري المتواضعة جدا.... لاني لسه متجوزتش و مش عارفة التفاعلات الكيميائة هيبقي شكلها ايه بعد ما نحط كبريتات النحاس مع كلوريد الصوديم (اللي مش الاتنين بقي كده قلويات....بس فيه احتمال نعمل فرقعااااااااااات)

و الحاجة التانية بقي...ز تاللي انا فعلا بحب اعملها

اقلب في دفاتري القديمة...... عن حلم بتاعي أنا......ملكي أنا....

ابتدي انا بنفسي في المسيرة...... قد تكون حاجة متناهية في الصغر....تفصيلة صغيرة لكن بتخليني ابص لقدام

عارفة ايه اللي هتخسريه و لا حاجة

بالعكس.... احتمالات انك تشدي ناس كتير حواليكي أكبر بكتير من احتمالات العودة لنقطة الصفر

و لو كسبتي ....

هيكون في المقام الاول.... كسبتي احساسك بنفسك انك قدرتي تكوني معلش في اللفظ......

عارفة الطوبة اللي بنرميها في بركة راكدة......بتفضل تعمل دواير..... دواير تكبر و تكبر.....لغاية ما تعمل تغيير حقيقي

ليه منكنشي طوبة في حياتنا و حياة اللي بنحبهم..... و نفسنا نسبح معاهم.... علي شط الحياة

صباحكم طووووووووووووووووووووووووووبة........ ودايرة كلنا بنلف فيها..... يا تهنا ....... يا لفحنا الدايرة علي ايدينا و طبقناها و قولنلها في عينيها مش هتغلبينا

فوتكم بعافية

[ذهبية]

احترم رايك جدا يا محمد و فعلا هو من النوع الحسى و انا من النوع العينى بس العقلى اللى بيشغل عقلة

لما ميكونش الشغل 12 سنة يكون يدوب على قد شغل الصبح بس لما يكون مش مكفى البيت و بتاخد من اللى انت عاينة للمرض او

للعيال ماهو الىل انت شايلة بالتدريج هيخلص و العيال كل يوم بتكبر و احتياجاتها بتضرب فى اتنين سنة عن التانية

الطموح حلو بس يتناسب مع الامكانيات دى كلمتك يا محمد

طيب لما تحس الامكانيات موجودة لكن ملوش مزاج علشان اخد على الراحة

هل المطلوب منى انى اساعدة على الراحة علشان هو حسى طيب لما اتناقش فى حاجة تخص مصيرنا و حياتنا ومستقبل اولادنا

المفروض اكون معنوية و حسية ازاى يعنى

انا شايفة ان كل الناس بتسعى و تجرى دى مفهاش لا معنوية و لا حسية الى جربتهم و مجبوش اصلا نتيجة

يبقى الحل انى اتصرف لوحدى من غيرة ودة اعتقد هيسيب بينا فجوة كبيرة صعب جدا تروح مع الوقت

لماضة حبيبتى والقريبة من قلبى فعلا دة حصل لكن هو عمل الاتنين هو ركن خالص و جاب العيب عليا زى ما بتقولى بالضبط

انتى صح يا لماضة انا هاشوف حلمى انا و الاقية و هابدا فية حتى لو كان متناهى اللضغر لانى لو فضلت بهذا الضغط هاتعب

والله اعلم بقى هل دة هيشدنا و لا هيبعدنا لانى مقتنعة ان الرجل لازم يكون هو صاحب الدفة وصاحب القرار مش الست

ولما الموازين بتتقلب الحياة كمان بتتقلب

عموما انا مش هابطل ضغط لحد ما اشوف هنوصل لفين

[عنبو]

الاخت ذهبيه

طيب لما تحس الامكانيات موجودة لكن ملوش مزاج علشان اخد على الراحة

هل المطلوب منى انى اساعدة على الراحة علشان هو حسى طيب لما اتناقش فى حاجة تخص مصيرنا و حياتنا ومستقبل اولادنا

المفروض اكون معنوية و حسية ازاى يعنى

معلش انا هتكلم معاكى بناءً على مداخلات ليكى قبل كده

حضرتك كنتى قولتى ان انتى عملتى باين مشروع والمشروع منجحش مهو ممكن يكون ده السبب وهو مهو انا لو اشتغلت زى مشتغلتش ايه الى هيتغير يعنى ده ممكن يكون وجهة نظره

وفيه ممكن يكون فعلاً اخذ على الراحه زى لما حضرتك بتقولى وده محتاج شوية تحفيز والتحفيز ده يكون جاى من حاجه هو بحبها ومقتنع او شخص يكون هو بحبه وبيثق فيه ويكلمه ويعمله عملية التحفيز ده

وخدى بالك ممكن يكون الهدف اللى فى ارسك غير الهدف اللى فى راسه علشان كده لما بتكلمى عن هدفك هو مبهتمش لازم يكون فيه هدف مشترك بتسعوا انتوا الاتنين لتحقيقه

لو بحب القرأه خليه يقرأ فى كتب التنميه البشريه او يتفرج على الدكتور ابراهيم الفقى وهو له مركز عندكم فى المنصوره المركز الكندى

هيفيده كتير قووى على فكره

برده انتى لازم تشوفى طريقه تانيه للتواصل معاه زى لما بقولك الاشخاص الحسين دول التعامل معاهم صعب بس اذا تم تحفيزهم حصلنا على اعلى طاقه من اى شخص تانى

خلى كلامك كله حسى ومتجبيش الموضوع مره واحده

وفيه كتب للتواصل مع الشخص الحسى لانه بيتختلف تماما عن الشخص البصرى ويمكن يكون فيه توافق بينه وبين السمعى

شكراً