لعبة كلنا نشترك فيها

[لماضة مصرية جدا]

السلام عليكم و رحمة الله و بركاته

سمعنا احلي سلام يا جدع لعموري الاموري.....و انا و انت و اللي بيحبنا ميضربشي نااااااااااااااار

لا وحشتني يا موري بجد...... و مامته جدا جدا جدا

مشهد بقي م الافلام الهندية......

البطلة اللي هو انا لابسة الجلابية قصدي الساري الهندي....

بجري علي الواد موري اللي في الصورة اللي فوق دي.....

و طبعا و انا بجري روحت قولت جملتين محدش فهم منهم حاجة بس تقريبا كنت بنادي عليه

كل ده و موري بنفس الانجعاص بتاعه ع الشلتة......

و اذا فجأة....

راااااااااااااااااااااااح..........

ما علينا ما علينا...... غاااااااااااااااازاااااااات يا جماعة...... :)

حبايبي الحلوين معرفشي انتوا لسه فيكوا حيل تقروا اجاباتي و لا القنابل المسيلة للدموع بتاعت عموري عملت تعتيم

شيكو.....بون حبيبتشي.... أنا نمرة 3......بحب الكوكتيلات جدا.... و خليني اقولك.... هو كوكتيل من حاجة غير متوقعة.... و قفزات بين طرفين قد نظن يوما ان لا تلاقيا

بوسي...... و الله حصلتلي يا ريس.....بس انا بعمل حاجة لطيفة جدا....

أنا بسكت في الأول...

و بعدين لما الاقي اني عمالة آكل في نفسي....

اعمل ايه بقي....البس الوش الخشب... أعوذ بالله.... فقري اوي....

و بعدين صاحبتي... بتحس طبعا اني مش طايقاها.....تبتدي تسال....و تنكش ابتدي انا بقي احط الكلام كله قدامي ع الترابيزة

شوية شلالتي بقي كلامية جو أرض......بس عادة انا مش بسامح بسهولة و خصوصا لما بحس بوجع من حد قريب.....بس بحب اللي قدامي تبقي عرفت انا بعاملها المعاملة الخشبية دي ليه

و اسيبها غير ماسوف عليها

بالنوسبة بقي لثعلب الصحراء..... قصدي اسكندرية

اقولك علي حاجة حلوة.......

انت عندك السي في بتاعتك صح

بص فيها كده...... من اول التعليم..... الخبرات.... الاعمال......هتلاقي خط بيربط بينهم..... ولو الخط ده لمس في حاجة انت بتحبها يبقي بس تبت فيه

لو حسيت انهم مش راكبين علي بعض....

رايي الشخصي

اعمل حاجة بتحبها.... عشان تقدر تبدع فيها

لانك لو بتحب.....هتبدع...... لو ابدعت... مش هيبقي عندك وقت تسال..... انا عايز ايه.....و لا العمر بيجري

سؤالي......

كل ما اروح في حتة ....... دايما السؤال..... انا شفتك فين قبل كده... احنا اتقابلنا قبل كده......انتي مش غريبة عليا؟؟؟ اعمل ايه

طب اروح اسال سوسوراني... في كندا (اصلها فاتحة باب بس انا مش عارفة الاقيه..... غشيمة منتديات بقي)

الا يكون بيعاكسني......و هيقولك مش حضرتك ملكة جمال راس البر الصيف اللي فات (مشهد عبد المنعم ابراهيم في فيلم اشاعة حب)

اسكت و لا كاني سمعت

اقوله اصلي من النوع المألوف......

و لا اغير الموضوع..... و انت ازيك بقي؟؟؟

فوتكم بعافية

مش بعيد تلاقوني في المترو.....

في العربية جنبك يا شيكو و غالبا هبقي قاعدة عند الدواسة رواقة بقي.....أو ع الشلتة مع الواد موري بس لما يغير البامبرز

[alex fox]

بالنوسبة بقي لثعلب الصحراء..... قصدي اسكندرية

اقولك علي حاجة حلوة.......

انت عندك السي في بتاعتك صح

بص فيها كده...... من اول التعليم..... الخبرات.... الاعمال......هتلاقي خط بيربط بينهم..... ولو الخط ده لمس في حاجة انت بتحبها يبقي بس تبت فيه

لو حسيت انهم مش راكبين علي بعض....

رايي الشخصي

اعمل حاجة بتحبها.... عشان تقدر تبدع فيها

لانك لو بتحب.....هتبدع...... لو ابدعت... مش هيبقي عندك وقت تسال..... انا عايز ايه.....و لا العمر بيجري

أنا بحب الأدارة سواء الأدمنستراشن فى ال IT أو ال HR

بس المشكلة ميييييييييييين فيهم...

شفتى الهنا اللى انا فيه...

بالنسبة لسؤالك...

أنا لاحظت أن فيه نوع من الناس كده فعلا ...

أول ما الواحد يشوفهم يحس أنه يعرفهم من زمااااان...

مع ان دى بتكون أول مرة أشوفهم فعلا...

وبعدين هو حد يكره انه الناس تحس ناحيته بالألفه من أول نظرة...

لكن ده ما يمنعش ان ده ممكن يكون تقليد لاقدم طريقة معاكسة فى التاريخ...

سؤالى: ياترى مسار حياتك الحالى هو نفس المسار اللى كنت مخطط ليه ..ولا قريب منه ..ولا بعيد..ولا بعييييد قوى ؟ وليه؟

[لماضة مصرية جدا]

السلام عليكم و رحمة الله و بركاته

بما اني جيت و مشيت و بعدين جيت لقيتك يا فوكس عمال تضرب اخماس ف اسداس

ممكن افكر معاك شوية

انت بتحب مجال الاآي تي.... ماشي....بس لو فضلت فيه مش هتكبر... صح

و عينيك شكلها رايحة علي الموارد البشرية....مجال هايل علي فكرة

بص من قيمة يومين كان عمو بندق أفندي في باب المطبخ قالك ايه.... حط أفوكادو.... علي حلوم مقلي.... علي سمك باين... يطلع سلطة

تيجي نعمل سلطة.....

نحط الكمبيوتر علي الموراد البشرية يطلعوا ايه

علم الإدارة الإلكترونية للموارد البشرية...[وسط][/وسط].

إيه رأيك بقي

و عشان التحلية بقي.....خد عندك السايت ده:

http://www.hr4europe.com/world.php?cpl=df09ar

و ده فيه متهيالي منح دراسية و انظمة الاتش ار في مختلف الدول......

و بما اني بحب جنوب افريقيا جدا نط بقي علي هناك و قولنا ايه رايك؟؟؟

عارف يا فوكس سؤالك.....شبه كتير سؤال رضوي

بلاش تزنق نفسك في اختيارين..... وسع الجمجمة و ادي نفسك فرصة تشوف الفول بيكتشر full Picture

بالنوسبة لسؤالك عن المسار انا هجاوب عليه....لأني اكبر دليل حي علي طبق السلطة زي بتاع عمو بندق افندي... بس ممكن ناجله شوية

عشان برضه ندي فرصة لباقي الجامهور....يقولنا رايه... و نشارك بعض بالسلطات

فوتكم بعافية

[رضوي]

السلام عليكم ورحمة الله وبركاته

بوووووووووووووسي حمد الله علي السلامة وحشتينا كتير

عنبو

شوف يامحمد ياابني

احيانا فعلا بنكون ادام خيارين اتنين فقط لاغير ومضطرين نختار واحد بس منهم ( يا اه يا لا مثلاً )

ماينفعش يكون فيه حل ثالث

بس فيه حد بثق فيه اوي قالي حكمة

قالي ماينفعش نظلم نفسنا علشان حد تاني مهما كان لاننا هنيجي في يوم من الايام نندم ويمكن نظلم الشخص اللي ظلمنا نفسنا علشانه في البداية ( حد فاهم حاجة )

بجد اقتنعت بكلام الشخص دة لانه قالي ان احنا بشر ممكن نضحي بس مانظلمش نفسنا

وفعلاً

بس بصراحة انت قلت حتة جامدة

بس خدى بالك ممكن حاجه لو عملتيها تكونى معتقده انك كده ظلمتى انسان معاكى مع انك تكونى كل الى اخديته حقك بس

ايه ياعم الفلسفة الجامدة دي

بجد فعلا هو دة لو نظرت للموضوع من زاوية حقي وحق غيري المشكلة تتحل فورا لاني بستخدم حقي

بوسي

لما تتأكدي من خيانة صديق ................. عارفة تعملي ايه

تبعدي ..... وتأجلي العتاب شوية ............ بلاش تعاتبيه دلوقتي .......... لو اتأكدتي من الخيانة يبقي مايستاهلش العتاب ( زمان فيه حد قالي كلمة من باب الهزار بس هي فعلا جد ........ قالي : قليل الأصل لاتعاتبه ولاتلومه دة زي البقعة لابيطلع برابسو ولا اومو )

ماعلينا

لما تهدي والامور توضح قدامك تعرفيه انتي بعدتي ليه وتديله فرصة الدفاع عن نفسه علشان لما تصدري حكم الاعدام علي تلك الصداقة ماتكونيش ظلمتي حد ............ فالظلم يااختاه ظلمات يوم القيامة

ربنا يكفينا شر الظلم

شيكو

بحس ياختي اني شبه رقم 2 مش عارفة ليه ؟

الاخ alex fox من وجهة نظري المتواضعة ان الموارد البشرية افضل لكن محتاجة مهارات عالية جداً وتطوير مستمر يعني سيادتك لازم دايما تبقي اب ديت .............. ماتبطلش تعليم ابداً

وربنا يوفقنا جميعا

[رضوي]

السلام عليكم و رحمة الله و بركاته

سؤالي......

كل ما اروح في حتة ....... دايما السؤال..... انا شفتك فين قبل كده... احنا اتقابلنا قبل كده......انتي مش غريبة عليا؟؟؟ اعمل ايه

طب اروح اسال سوسوراني... في كندا (اصلها فاتحة باب بس انا مش عارفة الاقيه..... غشيمة منتديات بقي)

الا يكون بيعاكسني......و هيقولك مش حضرتك ملكة جمال راس البر الصيف اللي فات (مشهد عبد المنعم ابراهيم في فيلم اشاعة حب)

اسكت و لا كاني سمعت

اقوله اصلي من النوع المألوف......

و لا اغير الموضوع..... و انت ازيك بقي؟؟؟

فوتكم بعافية

مش بعيد تلاقوني في المترو.....

في العربية جنبك يا شيكو و غالبا هبقي قاعدة عند الدواسة رواقة بقي.....أو ع الشلتة مع الواد موري بس لما يغير البامبرز

لماضة

ايوة ياعم بس ياباشا دة يبقي بيلفت انتباه سيادتك يعني ..........

وكدة بقي يبقي اشطة جداً ......... يالا يابنتي توكلي علي الله ........... وردي عليه وقوليله ( أعتبر دة وعد ؟ ) وحددي معاد ييجي يقابل بابا علي طول md2:

[justme]

سؤالى : تعمل أيه لما تكون أشتغلت كذا شغلانة بس مش لاقى نفسك فيهم وخايف العمر يعدى وأنت لسه مش مستقر فى كارير معين...طبعا الرأى اللى بيقول شوف ميولك واللى بتحبه وكده ...كلام كويس بس المشكلة أن الدراسة شىء والشغل شىء تانى...وكمان سوق العمل فى مصر...لا تعليق...

المهم انا بافكر فى مجالين دلوقتى بس مش عن حب ..لأ لأنى شايف أن هما دول اللى ممكن يكون المستقبل معاهم كويس..هما ال IT و ال HR ...

بس خايف لو أبتديت فى واحد منهم أنى برضه ما لاقيش نفسى فيه وتستمر المحاولات والعمر يعدى...

معلش هو السؤال قلب لموضوع تعبير..بس أكيد أنتو مقدرين...

تعمل ايه لو أنت مكانى؟

بص يا عمنا بالصلاة على النبي

انت قلت مش على حب يعني انت بعيد عنهم

طيب انت بتحب ايه بالظبط

كمان المجالاين وبالذات ال IT مجال شغل مستمر وهيبقى وراك هم التطوير على طول اكتر بكتيير جدا من ال HR

ومحدش يقولي ال HR عايز تطوير زي ال IT

لأن من الاخر على سبيل المثال لا الحصر كل شوية فيه برنامج او اتجاه جديد او خدمة معينة والشعب بتاعته متنوعه بشكل بشع ده غير انك بيبقى همك في كل ثانية تحافظ على استمرارية العمل مع وضع في الاعتبار الموارد المتاحة وتوقع المشاكل والحلول والبدائل وووو

يعني برمجة ودي انواع والدعم الفني وده انواع والخدمات ودي انواع

يعني من الاخر الموضوع عايز في الاول وفي الاخر تفاني ومجهود جبار صدقني

وعايز عقلية منظمة جدا

HR بقى عايز زقة في الاول لو انت مش متخصص من الاول وخلي بالك مصر والمنطقة العربية غير اوروبا وامريكا

عموما انا مستني اعرف انت بتحب ايه وعارف ايه وعلى اساسها هنصحك

واهم حاجة توفيق ربنا

[justme]

السلام عليكلم ورحمة الله وبركاته

لماضة يالمضة

الموضوع ماينفعش فيه غير خيارين

مافيش خيار ثالث

والتليفزيون ابيض واسود بس ........... حتي مافيش رمادي

ومافيش بلتة الوان

كانت معكم رضوي الشهيرة بأم عبد الستار

بصي يا اخت رضوى

من الاخر انا بالنسبة ليا كنت في مشكلة زي كده بس كان الحل هي فعلا ايه المنظور اللي الواحد بيفكر منه

يعني ايه هظلم غيري هل انا هاخد شيء مش حقي ولا مجرد شعوره هيبقى مش كويس

طالما مش حاجة تغضب ربنا يبقى اظلم نفسي ليه

لأن ظلم النفس ده ممكن يؤدي لظلم الغير

[pocy]

حبيايى وكتاكيتى بنى راجعلكم بكل شوقه والله ومش عارفه اذكر اسم مين ولا مين من كتر ما بحبكم جميعا

بس هاكتفي بشكر خاص لرضوى اللى سألت على وردا علي سؤالها كان في نت والله بس مكنش في وقت للاسف وموضوع الوقت ده هفرده بعدين وانا مش بشكرك لا سمح الله علشان انك مثلا يعنى مثلا صاحبه قهوه الشرقوه ولا حاجه وانى طالبه شاي بالنعناع ولبن لعمورى ولا حاجه ببلاش انا بس بعتمد على كرم الشرقوه هههههههههههههههه)

بجد وحشنى وعايزه بقي اسالكم سؤال عايزاه يستمر شويه بعد إذنكم ودى بقي هتبقي خدمه شخصيه ومن الرجال والنساء ازاى الواحد يجدد فى حياته العاطفيه وهل الكلام احسن ولا الفعل وعايزه افكار مختلفه وجميله وانابرضه عندى افكار بس هقولها لما نقفل السؤال وياريت افكار الشباب معانا يالا منتظره ردودكم على احر من الجمر لعلنا ننفع بها بعض الاخوه والاخوات

[عنبو]

حبيايى وكتاكيتى بنى راجعلكم بكل شوقه والله ومش عارفه اذكر اسم مين ولا مين من كتر ما بحبكم جميعا

بس هاكتفي بشكر خاص لرضوى اللى سألت على وردا علي سؤالها كان في نت والله بس مكنش في وقت للاسف وموضوع الوقت ده هفرده بعدين وانا مش بشكرك لا سمح الله علشان انك مثلا يعنى مثلا صاحبه قهوه الشرقوه ولا حاجه وانى طالبه شاي بالنعناع ولبن لعمورى ولا حاجه ببلاش انا بس بعتمد على كرم الشرقوه هههههههههههههههه)

بجد وحشنى وعايزه بقي اسالكم سؤال عايزاه يستمر شويه بعد إذنكم ودى بقي هتبقي خدمه شخصيه ومن الرجال والنساء ازاى الواحد يجدد فى حياته العاطفيه وهل الكلام احسن ولا الفعل وعايزه افكار مختلفه وجميله وانابرضه عندى افكار بس هقولها لما نقفل السؤال وياريت افكار الشباب معانا يالا منتظره ردودكم على احر من الجمر لعلنا ننفع بها بعض الاخوه والاخوات

افكار تموت من الضحك

تم تعديل 20 يناير 2010 بواسطة محمد العنبى

[alex fox]

عايزه بقي اسالكم سؤال عايزاه يستمر شويه بعد إذنكم ودى بقي هتبقي خدمه شخصيه ومن الرجال والنساء ازاى الواحد يجدد فى حياته العاطفيه وهل الكلام احسن ولا الفعل وعايزه افكار مختلفه وجميله وانابرضه عندى افكار بس هقولها لما نقفل السؤال وياريت افكار الشباب معانا يالا منتظره ردودكم على احر من الجمر لعلنا ننفع بها بعض الاخوه والاخوات

على الطلاق ما أعرف...

أصلى مش مرتبط...

أصبرى عليا بس قد 15 سنة كده..أخطب وأتجوز وأخد خبرة وأرجع أقولك على طول...

ألا بالحق...ماعندكيش عروسة...

[joo]

تتجديد الحياة العاطفية ليها كذا طريقة 0000000000 دة بالنسبة للمتزوجين

بالنسبة للسيدات ممكن التجديد فى الاكل يعنى ممكن تعملى صنف جديد من الاكل مع وجود شمع على الترابيزة مع فستان جديد

اوتسريحة شعر جديدة اونيولوك جديد للمكياج وطبعا كلمتين حلوين ربنا يخليك لينا انت احسن زوج فى الدنيا

ودائما متتكلميش كل ما تشوفى وشة عن المشاكل

بالنسبة للرجال التجديد ممكن فى الرجوع مرة بدرى من الشغل وتفاجئها بخروجة جميلة او العشا فى مطعم او احضار وردة ولو كل شهر مرة

واهم حاجة الستات بتحبها هى الكلمة الحلوة يعنى لما تعملك أكل تقول لها تسلم ايدك او كتر خيرك او تعبناكى معانا الكلام دة بيخليها

تنسى الدنيا وتشوف ابتسامة على وجهها وتتمنى انها تشيلك فوق رأسها

ولازم لازم كل يوم تجلس جنبها وتتكلم معاها فى كل شيء عن شغلك وكل المواقف اللى مريت بيها طول اليوم لان لما تشاركها فى

حياتك العملية بتحس انها قريبة منك وانكم واحد

ومثلا يوم عيد ميلادها مش لازم ابدا هدية لان الستات بطبيعتهم رومانسيين يعنى بوكية ورد بيأدى الغرض

ولازم لازم تعلق على كل حاجة بتعملها طبعا بالايجاب يعنى البيجامة دى جميلة عليكى اوى شكلك جميل النهاردة انت احسن ام ربنا

يخليكى لينا

وهذة وصايا زوج خبرة 10 سنوات

[alex fox]

بص يا عمنا بالصلاة على النبي

انت قلت مش على حب يعني انت بعيد عنهم

طيب انت بتحب ايه بالظبط

كمان المجالاين وبالذات ال IT مجال شغل مستمر وهيبقى وراك هم التطوير على طول اكتر بكتيير جدا من ال HR

ومحدش يقولي ال HR عايز تطوير زي ال IT

لأن من الاخر على سبيل المثال لا الحصر كل شوية فيه برنامج او اتجاه جديد او خدمة معينة والشعب بتاعته متنوعه بشكل بشع ده غير انك بيبقى همك في كل ثانية تحافظ على استمرارية العمل مع وضع في الاعتبار الموارد المتاحة وتوقع المشاكل والحلول والبدائل وووو

يعني برمجة ودي انواع والدعم الفني وده انواع والخدمات ودي انواع

يعني من الاخر الموضوع عايز في الاول وفي الاخر تفاني ومجهود جبار صدقني

وعايز عقلية منظمة جدا

HR بقى عايز زقة في الاول لو انت مش متخصص من الاول وخلي بالك مصر والمنطقة العربية غير اوروبا وامريكا

عموما انا مستني اعرف انت بتحب ايه وعارف ايه وعلى اساسها هنصحك

واهم حاجة توفيق ربنا

</div>

شوف يا سيدى...

أنا بحب الادارة و باعشق التخطيط...

لكن أنا لم يسبق لى العمل فى أى مهنة لها علاقة بال IT أو ال HR ...

أنا أشتغلت محاسب فترة بسيطة...

وسكرتير لمدة كام شهر...

واشتغلت أكتر شغلانة أشتغلها الشباب فى مصر...أمن طبعا..لمدة كام شهر...

غير كده فى المحل بتاعنا..

بس كده...

أه..على فكرة انا خريج نظم معلومات أدارية...

يعنى أدمنستراشن فى ال IT ماشى...

HR برضه ماشى...

مؤهلى ليه علاقة بالأتنين بس من بعيد شوية...

مؤهلى مش دراستى...

وياترى ال HR ينفع SELFSTUDY زى ال IT ولا لأ...

[عنبو]

من باب التغير برده

ان الواحد يعمل فيها اللمبى يعنى مثلاً يغير قصة شعره زى اللمبى كده ويزوغ من الشغل وياخد بعضه ويروح على قرب محل حلويات يجيب اى حاجه

ويمشى ببقى مشية اللمبى كده ويفتح الباب بشويش ويدخل عليها وهى فى المطبخ سرحانه كده وبتصب الشاى ويجى وراها كده ويقولها بخخخخخخخخخخخخخخخخخخخخخخخخخخ

كل سنه وانتى طيبه ايه ايه فيه ايه

طبعاً هيغمى عليها تشيلها وتدخل اوضة النوم وتفوقها وبعدين تقولها ايه رأيك فى النيو لوووك

ومره بقى تعمل فيها مثلاً عوكل وتقول ايه اللى جاب المطبخ جنب الحمام ونفسنا ننول الرضا وكده يعنى

ومره بقى تعمل فيها كيميائى مراجيح مولد النبى تدخل لابس شيك جداً معاك بوكيه ورد وكل كلمه تقولها تتبرش فيها عينك يعنى

اهم حاجه ياجماعه التغير

على فكره انا غير مسؤل عن اى فكره من دول انا بس كلام فى الهوا لانى مجربتش ولا حاجه من دول

[joo]

من باب التغير برده

ان الواحد يعمل فيها اللمبى يعنى مثلاً يغير قصة شعره زى اللمبى كده ويزوغ من الشغل وياخد بعضه ويروح على قرب محل حلويات يجيب اى حاجه

ويمشى ببقى مشية اللمبى كده ويفتح الباب بشويش ويدخل عليها وهى فى المطبخ سرحانه كده وبتصب الشاى ويجى وراها كده ويقولها بخخخخخخخخخخخخخخخخخخخخخخخخخخ

كل سنه وانتى طيبه ايه ايه فيه ايه

طبعاً هيغمى عليها تشيلها وتدخل اوضة النوم وتفوقها وبعدين تقولها ايه رأيك فى النيو لوووك

ومره بقى تعمل فيها مثلاً عوكل وتقول ايه اللى جاب المطبخ جنب الحمام ونفسنا ننول الرضا وكده يعنى

ومره بقى تعمل فيها كيميائى مراجيح مولد النبى تدخل لابس شيك جداً معاك بوكيه ورد وكل كلمه تقولها تتبرش فيها عينك يعنى

اهم حاجه ياجماعه التغير

على فكره انا غير مسؤل عن اى فكره من دول انا بس كلام فى الهوا لانى مجربتش ولا حاجه من دول

[size="5"]بصراحة افكارك دائما نيرة يا عنبى انت كدة هتكرة البنات فى الزواج

بس يا بختها اللى هتتجوزك علشان خفة دمك لان الراجل اللى بحب الهزار بيخلى البيت دائما مرح وبيرسم البسمة على وجوة كل اللى

فى البيت وهو دة احسن من مليون تجديد[/size]

[justme]

من باب التغير برده

ان الواحد يعمل فيها اللمبى يعنى مثلاً يغير قصة شعره زى اللمبى كده ويزوغ من الشغل وياخد بعضه ويروح على قرب محل حلويات يجيب اى حاجه

ويمشى ببقى مشية اللمبى كده ويفتح الباب بشويش ويدخل عليها وهى فى المطبخ سرحانه كده وبتصب الشاى ويجى وراها كده ويقولها بخخخخخخخخخخخخخخخخخخخخخخخخخخ

كل سنه وانتى طيبه ايه ايه فيه ايه

طبعاً هيغمى عليها تشيلها وتدخل اوضة النوم وتفوقها وبعدين تقولها ايه رأيك فى النيو لوووك

ومره بقى تعمل فيها مثلاً عوكل وتقول ايه اللى جاب المطبخ جنب الحمام ونفسنا ننول الرضا وكده يعنى

ومره بقى تعمل فيها كيميائى مراجيح مولد النبى تدخل لابس شيك جداً معاك بوكيه ورد وكل كلمه تقولها تتبرش فيها عينك يعنى

اهم حاجه ياجماعه التغير

على فكره انا غير مسؤل عن اى فكره من دول انا بس كلام فى الهوا لانى مجربتش ولا حاجه من دول

وانا كنت بقول عليك عاقل

ارجع يا عنبي

حرام عليك يعني تخش عليها بخ تروح رزعاك على راسك بالبراد او تدلقه على وشك

ولما تعمل عوكل هتطلبلك العباسية وششش

اما الاخيرة دي معرفش بقى ايه اللي مونكن يحصلك

ربنا يسترها لحسان شكلك يابني كده لسعت من الاكلة اللي ضربناها سوا في القهوة

[لماضة مصرية جدا]

السلام عليكم و رحمة الله و بركاته

حبيبتشي بوووووووووووسي

تصدقي ان سؤالك ده نكشني علي الاخر.....ما تفتحي ليه توبيك بجد لوحده و خلينا نسميه... أفكار ذهبية ....لتجديد الحياة العاطشفية....بس كده أحسن حبيبتشي ذهبية يمكن يحصل فيه لخبطة....

طب ما نسميه....شبابيك.... ليا و ليك

بصي احنا نسميه...اي حاجة مش مهم... ان شاله .... ما تيجي تغير الحصيرة..... يا منيرة... (مين منيرة دي)

عارفة احنا ممكن نسمع فيه راي الناس المتجوزين....زي عمو جو.....لانها تجربة حقيقية....يعني وائعية جدا

و ممكن نسمع فيها الافتكاسات الجبارة بتاعت الشباب و الصبايا اللي لسه بيهرشوا بقي في دماغهم...و لسه في عالم الخيالات عايشين

المهم خلينا نفكر مع بعض

خلينا نقول نفسنا بدل ما نسأل ليه اعمل كده..... اسال ليه لا و ماله... طب ما اجرب

انا حاسة ان تفاصيل صغيرة جدا..... ممكن تعمل اختلافات كبيرة جدا جدا جدا

و الله هيبقي توبيك متجدد....فكري بقي

و خدي معاكي شوية الافكار دي:

هو عشان حاجة متجددة.... يبقي اول حاجة لازم نغير الروتين... يعني التسلسل الاوتامتيكي لكل التفاصيل الصغيرة اللي بتخلي الايام شبه بعض

بفكر في ايه بقي:

1- ليه منصليش مرة مع بعض..... غير الفريضة؟؟؟

2- ليه منشاركشي برضه في عمل خير مع بعض..... يعني يبقي عندنا مثلا طفل او طفلة بنكفلهم سوا؟؟؟

3- طب ليه منتمشاش مثلا بعد الفجر...... ده لو حد فيه صحة مثلا....بس برضه اهو الواحد يجرب؟؟

4- ليه منغيريشي ركن مثلا في البيت.....مش حاجة جبارة .... بس تبقي قعدة كده محندقة.... شلتتين.... علي شوية شمعدانات... علي ورد مجفف... فيه ورد بيبقي متقطف كده....ممكن تنطريه ع الارض و تعملي بيه اشكال؟؟؟ و يا سلام بقي لو بخور... (عشان نطرد الارواح الشريرة..... wst:: )

5- طب خدي دي عندك.... مرة واحدة صاحبتي قامت مفصلة ليها و للعيلين طقم..... نكتة جدا عوبارة عن جلابيات كده زي بتاعت مسرحية العيال كبرت... و الراجل لا ليه و لا عليه بيضرب المفتاح في الباب و لقي المنظر قدامه... طبعا هو كان موقف كوميدي بس... برضه ليه لا؟؟؟

6- هو انا بستغرب الناس بعد ما بتتجوز ليه بتبطل تهدي بعضها مسجاية شقية كده......اغنية ع السريع.....طب قصيدة شكر و رثاء.... اي حاجة؟؟؟

7- تغيير الشكل و السحنة برضه مطلوبين.... ممكن يكون بناء علي رغبة الجماهير..... و ممكن تكون حاجة الواحدة ممكن بتحبها

8- فيه حاجة كده عرفتها من اليعال اصحابي الاجانب بيسموها Me time يعني وقت يقضيه الواحد ممكن لوحده... او بيعمل حاجة بيحبها..ز يقدر يملي بيها بطاريته... و الوقت ده ممكن تكون رحلة يقوم بيها سي الاستاذ الافندي... لوحده.... او حتي متعة اني اعمل حاجة ليا انا....من غير ضغوطات.. وممكن تكون بس نص ساعة كده مش اكتر

معلشي طولت عليكم....بس موضوع كتير حلو....

و هتابع معاكم بقي باقي نكش الدماغ

مسااااااااااااااااااكم.......موجة بلون جديد.... ياحساس جديد....بريحة جديدة.... مع انها هي هي الموجة

فوتكم بعافية

[رضوي]

السلام عليكم ورحمة الله وبركاته

حبيبتي بوسي بجد انتي فعلا وحشتيناااااااا انتي وعموري ( بصي انا اتجوزه احسن بلاش لماضة اوعي تقوليلها .................. ولو هما متفقين علي كل حاجة ممكن اكون الزوجة التانية وامري لله ............. بحبه يابابا ,,,,,,,,,,,,,,,,,,, )

وطبعاً تنورينا في القهوة ( مش عارفة بعد لما عنبو ظبتها وطورها وخلاها غرزة هتعجب عموري ولا ايه ؟) wst::

اما بقي عن السؤااااااااال

وسع ياجدع

شوفي بقي ( ولا بلاش مااقولك ع الخاص افضل بلاش فضايح ......... احسن جست مي وعنبي يسيحولي في البلد )

ولا أقولك واجرنا علي الله

اولا ياحبي ....... علشان التغيير يبقي جدي وحقيقي لابد ان تتغاضي الزوجة كل عيوب وسيئات زوجها ( ممكن نسميه حبيبها .... علشان الزوج مسئولية اجبارية ..... بينما الحب عاطفة تسعد المرأة بتأدية مهامها ) وطبعا تقعد تعد في مميزاته وتكبرها ( دة كله بيحصل جواها هي بس علشان تتحول لطاقة غير عادية من الرومانسية والحب )

تاني نقطة .......... التغيير يبدأ من الذات ..... غيري في شكلك ........ اعملي نيولوك ........ اصبغي شعرك بلون مختلف ........ غيري اسلوب مكياجك ....... اشتري فستان مختلف .......... غيري ديكور البيت ..... اطبخي بطريقة مختلفة

لما انتي تحسي بالتغيير جواكي هتقدري تغييري كل اللي حواليكي ................ ولما هو يحس بالتغيير هيبصلك بشكل جديد ومختلف ( وكأنه اول مرة يشوفك )........ ومش محتاجة افكرك ان العين بتتعود علي الجمال ويصبح عادي بل وممل في كثير من الاحيان ....... ولما بنغير كأننا بنرمي حجر في المياه الساكنة

الدرس الثالث : اقتحمي حياته ......... مانا عارفة انك مراته .......... بس خليكي دايماً في عقله قبل قلبه .... يعني كل شوية ابعتيله ماسج ع الموبايل ........... و ع الماسنجر .......... اكتبيله جواب وابعتيه بالبريد ......... ضعي له كارت انيق في بدلته ............. تليفون لما يروح الشغل تسأليه ....... وصلت ياحبيبي ( بس الحاجت دي مش مع كل الشخصيات ......... لازم تكوني عارفة رد فعل جوزك قبل اي تصرف )

وطبعاً كل مرة تغيري الاسلوب ....... وبلاش توصليه انه يحس انك بتخنقيه .......... بشويييييييييييييش

الفصل الرابع : خليه يشتاق اليكي ......... ( دي بقي مش محتاجة شرح )

المشهد الخامس : شوفي هو بيحب ايه واعمليه مفاجأة .......... أكثري من المفاجآت

الباب السادس : لو كانت طبيعة حياتكم هادية .......... جننيها .......... فرقعيها .......... اعملي حاجة اخر روشنة تكسر الهدوء

بس اهم نصيحة في كل دة

اوعي تسمعي كلام عنبي ................. بلاش اللمبي ............. حرااااااااااااااااااام عليك ياعنبي بجد انت كدة بتحبها ولا بتقتلها ياابني .... عليه العوض ومنه العوض

اقولك ....... ماتعملها سيد ابو حفيظة احسن ؟؟؟؟؟؟؟؟؟

حد بشرحلة ياجدعان !!!!!!!!!!!!!!!!

يالا بقي ابقي قوليلي النتيجة ............ وماتنسيش تدفعي الفيزيتا عند الممرضة برة .............. ولا بلاش خليها مهر عموري wst::

[عنبو]

وطبعاً تنورينا في القهوة ( مش عارفة بعد لما عنبو ظبتها وطورها وخلاها غرزة هتعجب عموري ولا ايه ؟)

هتعجبه اساساً عمرو انا قبل كده مشربه سجاير فانا عاوزه يعدى المرحله دى

اوعي تسمعي كلام عنبي ................. بلاش اللمبي ............. حرااااااااااااااااااام عليك ياعنبي بجد انت كدة بتحبها ولا بتقتلها ياابني .... عليه العوض ومنه العوض

اهو انتن كدهن لا يعجبكن العجب ولا الصيام فى محرم

هو فيه كوميديا ولا رومانسيه احسن من كده وياسلام بقى لو دخل عليها مغير النيو لوك بتاعه كده وكان لابس طربوووش مثلاً وماسك فى ايده البتاعه اللى بنشوا بيها دى ياه

وايه كلها افكار والسلام

[لماضة مصرية جدا]

السلام عليكم و رحمة الله و بركاته

استيقظ في الصباح

وانظر إلي ذلك الكرش المتهدل.....

و المساحات العارية... من الإنبات في راسه...

و ان يظل...يقطع صمت الحياة بصوت شخيره ......الدافيء...

أن أجثو عند أذنيه.....

أهمس له......

عيني قصرت طرفها.....فلم اعد أري سواك

أن يستيقظ....

لا يتذكر شيئا....

فقط....

أراه يحمل ابتسامة رضا...

ألمحها في المرآة

اصنع له افطارا.... قد يبدو...... عاديا جدا

لكنه يحمل بعضا مني....

حبايبي الحلوين

محدش فاهم حاجة.... و لا انا

بس ده برضه كان الرد علي سؤال بوسي......(ما انا قولت محدش ينكشني يا جدعان)

ان يبدو كل صباح لي معه......احساس متجدد..... أني لا انتمي لسواه

صباحكم كوباية شاي بلبن.... في مج إزاز شفاف......و متحطوش سكر..... حلوها بدفا حبايبكم

[pocy]

بجد بجد بجد انا مش عارفه ارد على كلامكم الجميل ده ولا الافكار الحلوه دى دا حتى الافكار السوداويه برضه ممتازه طالما طالعه من عنبو وبجد بجد مش عارفه اشكركم ازاى وفعلا الموضوع محتاج موضوع لوحده بس اسمه هيبقي على لماضه تفكر فى اسم شقي كده واتمنى فعلا السؤال يظل مستمرا حتى ناتى بافكار جديده للنفع بها الصبايا والشباب قبل المتزوجين والمتزوجات ويا سلام على عيشه الخيال ما احلاها

فطستينى يا لماضه من الضحك على الطقم بس بجد فكرتينى بحاجه بفكر اعملها وربنا يستر على الباشمهندس ههههههههههههههههههه

صياحكوا كوبايه لبن دافي بالسكويت للواد عموره الاموره :closedeyes: