لعبة كلنا نشترك فيها

[رضوي]

ليه مش بننسي اول حب سؤال جميل جدا

اعتقد انك جاوبت يا عنبووووووووووووووو لانه اول حب اول احساس جميل اول مشاعر رقيقه او ل دقه فى القلب بيكون الاول فى كل حاجه لما بتيجي تحب تانى بلاقي نفسك بتفكر الحب الاول اللى ياما حلمت بيه وعشت جواه وفيه ذكريات منه كتير ولاحظ ان فى احاسيس منه بتتكرر فلازم هتفتكره بجد علشان تنسي اول حب لازم يكون فى حب اعمق واروع حب يطفي كل علامه للحب الاول حب من نوع مختلف وده بقي اللى صعب تلاقيه مع الحب التانى اتمنى اكون جاوبت صح

سؤالى بقي ليكم وعايزه جواب شحط محط يعدى على ودانى يطربها كده

تعمل ايه لو كان حبيبك مش بيكلمك عن احساسه مشاعره ولما تطلبها منه برضه مش بيقول وانت زنان ومفيش فايده

لو حبك تقليدى ايه كلمات الحب الجديده اللى ممكن تقولها غير بحبك وحشتينى مشتاقلك محتاجلك بعشقك يعنى الكلام الجميل ده ولا الحاجات دى بتبقي محفوظه

ويالا منتظراكم ولو انى حاسه انه السؤال صعب حبتين لبعض الناس وسلامى مع نسمه عبير بتهفهف على الخدود وتقول مبروك لمصر يا جدعووووووووووووووووووووون

السلام عليكم ورحمة الله وبركاته

حبيبتي بوسي

ياتري تقصدي ايه باحاسيسه ومشاعره

لو قصدك مشاعره من ناحيتك ....... وانك عايزاه يعبر عن حبه ليكي ويقولك دايماً انه بيحبك ....... فعايزة اقولك ياحبيبتي الحب مش بالكلام الحب تصرفات وافعال ....... ايه افضل لما يقولك بحبك .... ولا لما تشوفيها انتي في عينه وتحسيها من تصرفاته

فيه رجالة مش بتعرف تعبر عن حبها ....... او بتعتبره نوع من انواع الضعف ( وجهات نظر بقي )

وطبعا الستات بتحب تسمع الكلام دة دايما وعمرها ماتزهق منه ابداً .............. بس مش مشكلة طالما اني متأكدة ان زوجي بيحبني مش لازم اضغط عليه علشان يقولها .... علشان مايزهقش

بس بذكاء حسيها انتي من غير مايقولها

فكرتيني كنت مرة سمعت اغنية لأنغام بتقول ( بحبك وحشتيني انا آسف علي التأخير ...... ماليش بعدك يانور عيني ......... حاجات لازم تقولها كتير ..............)

اما بالنسبة للجزء التاني من السؤال

فكلمات الحب مش بتقدم ابداً ....... وماينفعش تمشي علي الموضة وتتغير كل شوية

واحلي كلمة تتقال لما تكون طالعة من القلب علي طول ............ ايا كانت ............ مهما كانت بسيطة بس بتبقي مؤثرة وذات فعالية

بس اللي احلي م الكلام اكيد التصرفات والأفعال

وربنا يديم المحبة

ومازال سؤال ام عموري مستمراً

[لماضة مصرية جدا]

السلام عليكم و رحمة الله و بركاته

حبايبي الحلوين..... اللي في الرومانسية سائلين..... ممكن ازق كتف معاكم و نفكر مع بعض

معلش هرجع مرشيدير لورا لسؤال عنبو. (الحب الاول.... و صلاح و سميحة..... و الوسادة الخالية)....مع ان الباشمهندس كفي ووفي

سؤالك يا عنبو بيفكرني بحاجة كنت بقراها النهاردة... بتقولك ايه.... يا تري هي الذكريات هي اللي بتزورنا و لا احنا اللي بندور عليها و نحييها؟؟؟

انا شايفة ان احنا اللي بنتحكم فيها او ع الاقل نقدر نتحكم فيها....لانها لو زراتنا ممكن نخلي منها طاقة حلوة تخلينا نعيش واقع احلي..... و لو احنا اللي بندور عليها يبقي الحل برضه في ايدينا ان احنا نبطل ندور عليها

رايي المتواضع جدا......

الحب احساس...قدري...بانك تنتمي لكيان آخر....

احساس يعطيك هدنة لاول مرة بعيدا عن طرح كل التساؤلات المؤلمة.....لانه لم يعد هناك مساحة للالم..... فقط الصمت بطمأنينة

يبقي لا هو مرتبط لا بزمن..... و لا بتواجد شخص بعينه... لكن تواجد حالة السكينة نفسها..... و لو اتواجد شخص قادر ان يمنحك حالة من السكينة حد المنتهي.... يبقي ربنا لك الحمد

سؤال بوسي بقي

عارفة يا بوسي و انتي بتسالي السؤال... ليه حسيتك ماشية في الشقة و عمالة تفتحي في غطيان الحلل..... و ترمي الخدديات ع الارض و بعدين ترجعي تعدليهم

عارفة ليه........

لاني حسيت حالة لخبطة.....حسيت مساحة غير مرتبة جواكي.....بتبقي عايزة ترتبي فيها نفسك...بانك تروحي لملاذك الامن عشان تستمدي منه بوصلتك.... عشان تقدري تحددي اتجاهاتك.... و طبعا ملاذك الامن..... هو الشخص اللي انتي تنتمين اليه

و لما بتروحيله.......بتصدمي برد الفعل.... علي حد قولك.....مع اني اختلف معاكي

في ايه بقي

يمكن توقيت احتياجك.... غير توقيت عطاؤه

يمكن قناة تفاعلك معاه غير قناة استقباله......

انتي بتدوري علي كلمة.....و عايزاها منه..... و في الرايحة و الجاية عمالة تلمحي بيها..... و هو في عالم آخر... عارفة ليه

لانه يعطيك كل يوم تفاصيل صغيرة جدا ممكن متكونيش شايفاها... لكن هو بطريقته الخاصة جدا بيقولك بحبك.....بس من غير ما يقول بحبك

عارفة بقي تعملي ايه.....

حبيه انتي......اوصلي معاه حد المنتهي.......مش يمكن تلاقي متعة في العطاء.....في المنح......تفوق حلاوتها متعة الاخذ

بتدوري علي كلمات جديدة......

خليني اهمس ليكي..... دوري جواكي......هتلاقي مفردات خاصة بيكي انتي..... ليكي انتي... تحمل بعضا منك انتي

مين قال ان منتهي الحب............ بحبك؟؟؟؟؟؟؟

مين قال ان الفالنتين..... هو 14 فبراير؟؟؟؟

مين قال...... اني لازم اقوله بتوحشني...... ؟؟؟

مين قال ان مفرادات اتنين في علاقة خاصة جدا...... لازم تبقي متشابهة جدا...... طب اومال نبقي حالة استثنائية إزاي

نصيحتي ليكي.... و..... متدوريش علي مين

تدوري علي حالة خاصة تعيشيها انتي لوحدك.....

يا صابت.....و لمست عنده زرار التشغيل.....

يا صابت برضه..... و عيشتك لحظة حلوة

ع فكرة يمكن انا غلط.....

بس آديني بفكر.....

مساااااااااااااااااكي زي خددية ناعمة تريحي عليها راسك.....ترمي عليها همومك.....و تولعي جنبك شمعة تنورلك امسيتك

[لماضة مصرية جدا]

السلام عليكم و رحمة الله و بركاته

معلشي نسيت احط سؤالي...... مع اني حاسة انكم لسه مكملين في سؤال بوسي.... و خصوصا لو نسمع راي رجالي يبقي موكن اوي

سؤالي بقي

تعمل ايه..... تعملي ايه..... ايها المواطنون.....لو حسيت

نفسك تروح النهاردة.... تضرب المفتاح في الباب....

تشم طبيخ مامتك....

تحس بامان بيتك.....

ترمي هدومك علي سريرك المتواضع و ترمي معاهم هموم الدنيا بحالها.....

تناااااااااااااااااام...... و انت عارف ان فيه عين سهرانة....زمان كانت بتزعجك اصوات التلفزيون.... دلوقتي بقي يزعجك الصمت؟؟؟

حد فاهم حاجة

يبقي السؤال

تعمل ايه

لو حسيت انك تعبت بقي م الغربة دي؟؟؟

بس خلاص فوتكم بعافية

[justme]

هي المشكلة بتاعت الغربة ملهاش حل غير سكة من اتنين ملهومش تالت

يانرجع تاني وده معناها تضحية ممكن تكون وليدة لحظة بس

ياما نشوف سكة نجيبهم بيها وده صعب لان دي انانية اننا نقطعهم عن معارفهم واصدقائهم ناهيكم عن صعوبة التنفيذ

بس بصراحة

دي مشكلة عويصة الواحد ممكن يستحمل احساس الغربة لكن هل الام او الاب يستحمل فراق ابنائه

دايما بنفكر في احساسنا وننسى احساس غيرنا هما حاسين بايه

فكلنا نشعر بالقلق

بس هو عزائي الوحيد توافر تقنيات الفيديو التي اتاحت الاتصال المرئي

وبمكن ناس تقول طب ايه الجديد مهي موجودة من زمان

لكن انا باتكلم عن الناس اللي مبتعرفش الا يلدوب ترد وتتصل على التليفون

بس الحمد لله بقى فيه تليفونات فيديو عن طريق النت والعملية بسيطة

لكن دي بتوفر فقط حل مؤقت يهدئ مشاعرنا

قليلا

ولكن تبقى المشكلة ويبقى السؤال

ماعتقدش ان له حل

بس ندحرج السؤال للزبون اللي بعدنا برضه

يمكن يضيف حل

[pocy]

لماضه حبيبتى ونور عيونى عمورى

بصي بقي بالنسبه لسؤالك فالكل بيتعب من الغربه في منا اللى بيتعب من اول يوم وفي اللى بيتعب منها بعد كام شهر واللى بيتعب بعد كام سنه وفي الى خلاص بيتعود عليها ومش بيقدر يعيش ويرجع تانى لبلده بسبب الراحه النفسيه والبعد عن المشاكل

بس اجابه سؤالك مش سهله لان جواب انك تعبت من الغربه ارجع بلدك واستقر بس هل انت حققت هدفك من السفر هل حققت اللى تتمناه ولا لسه قرار الرجوع صعب جدا لان الطموح والاهداف بتجيب بعضها ومش هتخلصي منها الاول عايزه اجهز نفسي وبعدين عايزه اساعد اخواتى لا عايزه اساعد بابا وماما واريحهم لا عايزه اجيب لنفسي اللى مش اتجاب قبل كده وهكذا وهتلاقي السنين عديت عليكى وانتى لسه محلك سر علشان كده لازم يكون الواحد محدد هدف واحد ويمشي عليه اول ما يتحقق الهدف يرجع ع مصر ويدفي في حضن الاهل والاحباب و صباحكم ورده حمرا معطره بالبرفان الطبيعي سيباها على المخده بتاعه لماضه

[الباشمهندس ياسر]

س : هل رأيت الخير كل الخير يخرج من باطن الشر كل الشر ...؟؟؟

[joo]

س : هل رأيت الخير كل الخير يخرج من باطن الشر كل الشر ...؟؟؟

مشفااااااااااااااااااااااااااااهم :closedeyes:

[عنبو]

س : هل رأيت الخير كل الخير يخرج من باطن الشر كل الشر ...؟؟؟

مشفااااااااااااااااااااااااااااهم :wub: :lol:

لما تحصلك حاجه وحشه او شر يعنى وتلاقيها فى الاخر ده كان الخير كله بسبب الموضوع ده

كأن مثلاً تتفصل من شغلك اهو ده شر ولما تتفصل من شغلك تقعد تدور على شغل تانى قوم ربنا يكرمك بشغل اعلى بكتير قووى من الشغل اللى انت كنت فيه هنا بقى تقول لولا سبت الشغل بتاعك مكنتش اشتغلت هنا

حالة وفاه تحصلك او مرض تخليك تعرف مين بجد اللى بحبك ومين اللى ماشى معاك وخلاص

وهكذا ..............الخ

[لماضة مصرية جدا]

س : هل رأيت الخير كل الخير يخرج من باطن الشر كل الشر ...؟؟؟

مشفااااااااااااااااااااااااااااهم :lol: :wub:

لما تحصلك حاجه وحشه او شر يعنى وتلاقيها فى الاخر ده كان الخير كله بسبب الموضوع ده

كأن مثلاً تتفصل من شغلك اهو ده شر ولما تتفصل من شغلك تقعد تدور على شغل تانى قوم ربنا يكرمك بشغل اعلى بكتير قووى من الشغل اللى انت كنت فيه هنا بقى تقول لولا سبت الشغل بتاعك مكنتش اشتغلت هنا

حالة وفاه تحصلك او مرض تخليك تعرف مين بجد اللى بحبك ومين اللى ماشى معاك وخلاص

وهكذا ..............الخ

السلام عليكم و رحمة الله و بركاته

ثانيا.... مسيو جو...... ايه بس الايكونة اللي انت حاططها دي بس..... انا قعدت اتخيل... زي افلام الكارتون...لما الواحد ممكن بوءه يقع و يعدين يلاقيه بيجري قدامه.... :lol:

أولا بقي...سؤال باشمهندس ياسر.... الخير.... كل الخير......من باطن الشر كل الشر......؟؟

وقفت عند السؤال ده.... عشان 3 كلمات... الخير.... الشر..... و كلمة كل......؟؟؟

هو فيه كل الخير؟؟؟ طب فيه كل الشر؟؟

و لا فيه العين اللي ممكن تشوف في منطقة شديدة السواد جدا...... نقطة مضيئة جدا؟؟؟

و لا فيه ارادة و يقين...... لما الدنيا بتعرضنا لاقسي الاختبارات..... بتلاقي فيه صوت جواك.... في صلاتك في صمت... بيطمنك و يقولك......"عله خير"

و لا فيه....عقل....قادر ان يعيد قراءة مفردات الموقف.... مهما كانت صعوبته..... عشان يصنع منه شيء مميز جدا جدا....

و يكون هذا الاختبار الانساني القاسي قادر علي ان يعيد انصهارك مع نفسك...عشان تقدر توصلك لمعدنك الذهبي الكامن جدا جدا في اعماقك

بتفرج دلوقتي علي برنامج جميل جدا اسمه "معركتي ضد الخوف"

المشهد الاول.... مجموعة سيدات قاعدين بيتكلموا بكل تفاؤل و إرادة..... انا قولت بس هيقولوا بقي طبق اليوم..... و كيف تكسبين زوجك؟؟؟

ضحكاتهم..... توحي لك انهم يعيشون حياة بمفرداتها البسيطة

المشهد التاني.... هولاء السيدات هن من يطلق عليهن " الناجيات من مرض السرطان"

معركتهم مع المرض اعادت اكتشاف كؤوس الكريستال جواهم......

فاصبح باطن كل الشر.......هو الطريق لكل الخير....!!

صباحكم بيقين عين قادرة ان تري......الخير جدا..... في حياة ليست كذلك

فوتكم بعافية

معلشي معنديش سؤال.... خدوا شموا دي :wub:

[joo]

س : هل رأيت الخير كل الخير يخرج من باطن الشر كل الشر ...؟؟؟

مشفااااااااااااااااااااااااااااهم :) :)

لما تحصلك حاجه وحشه او شر يعنى وتلاقيها فى الاخر ده كان الخير كله بسبب الموضوع ده

كأن مثلاً تتفصل من شغلك اهو ده شر ولما تتفصل من شغلك تقعد تدور على شغل تانى قوم ربنا يكرمك بشغل اعلى بكتير قووى من الشغل اللى انت كنت فيه هنا بقى تقول لولا سبت الشغل بتاعك مكنتش اشتغلت هنا

حالة وفاه تحصلك او مرض تخليك تعرف مين بجد اللى بحبك ومين اللى ماشى معاك وخلاص

وهكذا ..............الخ

اية يا عم عنبى دة

انت بتفول فى وشى كدة علطول

لالالالا مكنش العشم

طيب قول ياراجل بعد الشر

على طول كدة تقولى رفد وموت ومرض

طيب هو فاضل اية؟ :)

[الباشمهندس ياسر]

انت بتفول فى وشى كدة علطول

لالالالا مكنش العشم

طيب قول ياراجل بعد الشر

على طول كدة تقولى رفد وموت ومرض

طيب هو فاضل اية؟ :)

بعد الشر عنك

الفكرة ان هو ده الشر يا صاحبي

او اللي احنا بنفتكر انه شر

س : بتعمل ايه لما بتضايق؟

[joo]

انت بتفول فى وشى كدة علطول

لالالالا مكنش العشم

طيب قول ياراجل بعد الشر

على طول كدة تقولى رفد وموت ومرض

طيب هو فاضل اية؟ :)

بعد الشر عنك

الفكرة ان هو ده الشر يا صاحبي

او اللي احنا بنفتكر انه شر

س : بتعمل ايه لما بتضايق؟

بعمل عبيط :)

[الباشمهندس ياسر]

بعمل عبيط :sad:

:sad:

بينك و بينك يا صاحبي

تعمل عبيط احسن ما تعمل حواجبك

:) :) :)

[رضوي]

السلام عليكم ورحمة الله وبركاته

تعمل ايه لما تبقي مضايق ؟؟؟؟

عن نفسي مش بعمل حاجة واحدة ....... هقولكم بعمل ايه

1- اتوضأ واحسن الوضوء ., واصلي ركعتين ......... وبعدين استغفر الله العظيم من كل ذنب عظيم ......

2- أقعد لوحدي شوية ......... أفتح التليفزيون قدامي واسرح شوية

3- اتكلم مع حد محل ثقة واحترام ....... ( دة بيسموه فضفضة ..... والاسلوب دة موثوق فيه علمياً )

4- لو بعد دة كله لسة متضايقة ...... اخرج لمكان مفتوح مع شلة اصحاب مرحة ومجانين

5- ودة حل ايجابي لو المشكلة كبيرة قوي ......... بشغل نفسي بمشاكل الآخرين واندمج فيها قوي ....... ساعتها بس بحس قد ايه اني في نعمة وان مشكلتي بسيطة وسهل حلها .

بس خلاص

سؤالي

لما تكون في زحمة جامدة والدنيا عندك بايظة ع الآخر ....... ومشغووووووووووووووووووووووووول جداً بأكتر من حاجة في نفس الوقت .......بس تلاقي نفسك كدة عايز تقعد علي جنب وتشيل اي حاجة من دماغك ,,,,,,, تقعد بهدوء مع نفسك ومش عايز حد يكلمك ولا تكلم حد

عايز تتأمل اي حاجة جميلة ........ او تسمع أغنية حلوة وهادية ........ أو أغنية روشة وشعنونة ......... أنت اصلاً مش عارف انت عايز تعمل ايه ....... بس فيه حاجة بتشدك للجنون وخلاص ... وانك ترمي أي مسئولية تثقل عليك كاهلك

تعمل ايه ............

تفتكروا دي بداية أعراض لمرض نفسي خطير أنا عارفاه ( شيزوفيرينيا )

ربنا يستر

[ذهبية]

سؤالي

لما تكون في زحمة جامدة والدنيا عندك بايظة ع الآخر ....... ومشغووووووووووووووووووووووووول جداً بأكتر من حاجة في نفس الوقت .......بس تلاقي نفسك كدة عايز تقعد علي جنب وتشيل اي حاجة من دماغك ,,,,,,, تقعد بهدوء مع نفسك ومش عايز حد يكلمك ولا تكلم حد

عايز تتأمل اي حاجة جميلة ........ او تسمع أغنية حلوة وهادية ........ أو أغنية روشة وشعنونة ......... أنت اصلاً مش عارف انت عايز تعمل ايه ....... بس فيه حاجة بتشدك للجنون وخلاص ... وانك ترمي أي مسئولية تثقل عليك كاهلك

تعمل ايه ............

تفتكروا دي بداية أعراض لمرض نفسي خطير أنا عارفاه ( شيزوفيرينيا )

ولا اعمل اى حاجة اعمل اللى جاى على بالى فى اللحظة الىل انا حساةةة يعنى اقعدى فى هدوء و ارمى اى حاجة ورا ضهرك و اتمتعى باغنية حلوةةة او شعنونة او اللى طالب وقتها اية

والحالة دى بتيجى فى حالتين

لا مضغوطة جامد قوى ىىى قوىىى فجالك حاجة زى برود من كتر الضغوط و دة جهازك العصبى بيعملة كرد فعل طبيعى للتخفيف او تبسيط الامور علشان العقل يفكر بهدوء

لا داخل عليكى حدث جديد فى حياتك ملخبط جدولك اليومى و مشاعرك مدربكة ومش عارفة اتجاهاتها اية

سؤالى

عندما تتاخر الفتاة فى الزواج او الرجل على حد سواء هل من المفضل ان يحكى لشريكة عندما يجدة على تجاربة السابقة

سواء كان حب او خطوبة

ام الافضل ان يشعرة انة الحب الاول فى حياتة وما مضى مجرد اشياء خاصة من الماضى لا يجب ان ننبش فيها

هل تقبل ايهاالرجل

ان تحكى لك خطيبتك على تجاربها السابقة حتى يكون هناك صراحة فى بداية حياتك بها

ام كرامتك و كبريائك سوف يكون حائل بينك و بينها ولن تنسى ما سوف تقولة

وانتى ايتها الفتاة

اذا بدا معك حياتة بمنتهى الصراحة والثقة فيكى وتطهير نفسة لبداية صفحة جديدة معك هل تتغير نظرتك لة

هل سوف تثقى فية مرة اخرى

هل تشعرى بالغيرة من الماضى هل سوف تمر بيك لحظات تتمنى فيهاااا ان يكذب ليتجمل امامك

ارجو ان يكون السؤال مفتوح لاكثر من راىىى

و شكرااااااا

[رضوي]

سؤالي

لما تكون في زحمة جامدة والدنيا عندك بايظة ع الآخر ....... ومشغووووووووووووووووووووووووول جداً بأكتر من حاجة في نفس الوقت .......بس تلاقي نفسك كدة عايز تقعد علي جنب وتشيل اي حاجة من دماغك ,,,,,,, تقعد بهدوء مع نفسك ومش عايز حد يكلمك ولا تكلم حد

عايز تتأمل اي حاجة جميلة ........ او تسمع أغنية حلوة وهادية ........ أو أغنية روشة وشعنونة ......... أنت اصلاً مش عارف انت عايز تعمل ايه ....... بس فيه حاجة بتشدك للجنون وخلاص ... وانك ترمي أي مسئولية تثقل عليك كاهلك

تعمل ايه ............

تفتكروا دي بداية أعراض لمرض نفسي خطير أنا عارفاه ( شيزوفيرينيا )

ولا اعمل اى حاجة اعمل اللى جاى على بالى فى اللحظة الىل انا حساةةة يعنى اقعدى فى هدوء و ارمى اى حاجة ورا ضهرك و اتمتعى باغنية حلوةةة او شعنونة او اللى طالب وقتها اية

والحالة دى بتيجى فى حالتين

لا مضغوطة جامد قوى ىىى قوىىى فجالك حاجة زى برود من كتر الضغوط و دة جهازك العصبى بيعملة كرد فعل طبيعى للتخفيف او تبسيط الامور علشان العقل يفكر بهدوء

لا داخل عليكى حدث جديد فى حياتك ملخبط جدولك اليومى و مشاعرك مدربكة ومش عارفة اتجاهاتها اية

سؤالى

عندما تتاخر الفتاة فى الزواج او الرجل على حد سواء هل من المفضل ان يحكى لشريكة عندما يجدة على تجاربة السابقة

سواء كان حب او خطوبة

ام الافضل ان يشعرة انة الحب الاول فى حياتة وما مضى مجرد اشياء خاصة من الماضى لا يجب ان ننبش فيها

هل تقبل ايهاالرجل

ان تحكى لك خطيبتك على تجاربها السابقة حتى يكون هناك صراحة فى بداية حياتك بها

ام كرامتك و كبريائك سوف يكون حائل بينك و بينها ولن تنسى ما سوف تقولة

وانتى ايتها الفتاة

اذا بدا معك حياتة بمنتهى الصراحة والثقة فيكى وتطهير نفسة لبداية صفحة جديدة معك هل تتغير نظرتك لة

هل سوف تثقى فية مرة اخرى

هل تشعرى بالغيرة من الماضى هل سوف تمر بيك لحظات تتمنى فيهاااا ان يكذب ليتجمل امامك

ارجو ان يكون السؤال مفتوح لاكثر من راىىى

و شكرااااااا

السلام عليكم ورحمة الله وبركاته

الله الله ......... ذهوبة رجعت ................. ايه الأسئلة الجامدة دي

شوف ياابني .... ( ابني دة لكل الناس ........ بنات وولاد ....... عادي يعني ....... ماانا مامتكم الكبيرة )

طبعاً من وجهة نظري الخاصة جداً

الصدق والصراحة

ثم الصدق والصراحة

ثم الصدق والصراحة

من أهم أعمدة نجاح أي علاقة انسانية هم الصدق والمصراحة ............... علشان يكون الارتباط علي اساس سليم ومتين لازم نكون صادقين مع بعض .....

لازم شريك حياتي يعرف كل حاجة عن حياتي قبله ........ كان شكلها ايه وكانت ماشية ازاي ....... قابلت مين ... عرفت مين ........ وامتي وليه

وكل الاسئلة اللي عايز اجابتها هجاوب عليها ........

وفيه وجهات نظر بتقول ان شريك الحياه ( اي الطرفين سواء الرجل او الانثي ) لايجوز له معرفة كل ماسبق ولكن يهمه حياه شريكه متي عرفه !!!!!!!!!

بصراحة انا ضد وجهة النظر دي .......... وبقول انه لازم يعرف كل حاجة ......

ومن الناحية التانية

انا كمان لازم اعرف كل حاجة عنه ......... ارتبط بمين ...... وحب مين ..... وامتي ........ وايه سبب فشل الارتباط ....... الخ

و المعلومات دي تفيدني ازاي ؟؟؟؟؟؟؟؟ اقولكم

- مع معرفتي لسبب فشل ارتباطه قبل كدة اقدر احدد اذا كنت هستمر معاه ولا لأ .......... وبالتالي اقدر اتلافي واتحاشى اسباب الفشل

-ابقي عارفه ان حياه شريكي كتاب مفتوح قدامي ......... وده ضروري جداً لنجاح اي علاقة ارتباط

-الثقة ....... ودي اهم عنصر في نجاح الزواج ... وطبعاً الثقة دي تأتي كنتيجة للصدق والمصارحة

عايزاكوا تتخيلوا معايا

لو انت /ي ...... متربط /ة بشخص ما

وكل يوم يظهر عن طريق الصدفة معلومة جديدة عنه /ا ........ وطبعا ماكنتش تعرف المعلومة دي الا بالصدفة

اكيد اكيد ثقتك فيه كل يوم بتقل حتي تتلاشى

لازم وحتما ولابد من المصارحة والصدق

وطبعا انا هبقي سعيدة جداً لو ارتبط بانسان انا اول انسانة في حياته

بس هبقي في منتهي السعادة لو ارتبط بانسان انا آخر انسانة في حياته

اذا بدا معك حياتة بمنتهى الصراحة والثقة فيكى وتطهير نفسة لبداية صفحة جديدة معك هل تتغير نظرتك لة

هل سوف تثقى فية مرة اخرى

هل تشعرى بالغيرة من الماضى هل سوف تمر بيك لحظات تتمنى فيهاااا ان يكذب ليتجمل امامك

طبعاً نظرتي له هتتغير .......... للاحسن طبعا ............ هيكبر في نظري جداً ....... لاني بطبيعتي بحب الصدق والصراحة والوضوح ....... وبكره جداً الكذب والغموض .......وبالتالي ثقتي فيه هتزيد مش هتقل .

ولا شيء يدعوني للغيرة من الماضي ......... يكفيني انه أصبح ماضي ,,,,, واني الآن الحاضر وبمثابة المستقبل ............

فقد فشل الماضي ....... وضاع وتلاشي ......... وحتي لو مازالت له بقايا وآثار ........ فهنا يأتي دوري انا في طي صفحة الماضي وازالة أي آثار أو شوائب عالقة

ولكن!!!!!!!!!!!!!!!!!!!!!!!!!!!!!

بعد كل ده

الكارثة

لو اكتشفت انه تعمد اخفاء اي حاجة .......... مهما كانت بسيطة ........ ولكنه تعمد في اخفائها ( ولم تسقط منه سهواً ) ...... اكررها لو تعمد في اخفاء اي حقيقة مهما كانت بسيطة ..........

لم اسامح ................ وعلي هذا الاساس فالصدق والصراحة مسئولية خطيرة وثقتي مسئولية أكبر كثيراً

طبعاً فيه حاجة اخيرة في الموضوع دة ( طولت عليكم معلش استحملوني شوية يمكن تستفيدوا من كلام اختكم الصغيرة مقاماً )

ماذا لو

في يوم من الايام .... ظهرت امامي ادلة وبراهين قاطعة كانت ام قابلة للنقاش ........ علي وجود اي حقيقة لم اعرفها ..... او ادلة تدعو لانهيار ثقتي فيمن وضعت ثقتي به ( اتحدث عن شريك حياه وليس عن رفيق سفر او صديق ...... الخ )

بالعربي ....... لو في يوم اكتشفت حاجة ماكنتش عارفاها قبل كدة ..... دليل او برهان ينور المحكمة ..... حتي ولو كان قاطع ولا يقبل الشك ........

ياتري هتعمل/ي ايه ........ هتصدر حكم المحكمة النهائي الغيبي علي المتهم بالاعدام ..... والحكم لايقبل النقض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هتبقي اكبر غلطة عملتها في حياتك

علشان تعدم المتهم ( تطلعه من حياتك وتمسح اي حاجة ليه في قلبك )

لازم تديله حق الدفاع عن نفسه ........... فهذا الحق مكفول لكل البشر .......

يعني لو اكتشفت حاجة ....... بمنتهي الصراحه هقوله ......... واسمع مرافعاته ودفاعه عن نفسه ..... علشان لما اصدر حكمي بالاعدام يبقي حكم نهائي وضميري يكون مرتاح .....

او انه يظهر لي في دفاعه عن نفسه حقيقة اجهلها ويطلع برأة

( ايه يارضوي دار القضاء العالي اللي انتي معيشانا فيه دة بس .........)

موضوع جامد جامد جامد ........ برافوا عليكي يا ذهبية ياروحي

يالا بقي

عايزين عشرتاشر كيلو اجابات في الجون ............ ماحدش يعدي ويخرج ........ لاااااااااااااااااااااااااام تشارك

السؤال مفتوح حتي شهر 4 ......... علشان مش عايزين كذبة ابريل هنا خالص :lol:

يسعد صباحكم ......... وينور ايامكم........ ويبعد عنكم الكذب والكذابين

[لماضة مصرية جدا]

سؤالي

هل تقبل ايهاالرجل

ان تحكى لك خطيبتك على تجاربها السابقة حتى يكون هناك صراحة فى بداية حياتك بها

ام كرامتك و كبريائك سوف يكون حائل بينك و بينها ولن تنسى ما سوف تقولة

وانتى ايتها الفتاة

اذا بدا معك حياتة بمنتهى الصراحة والثقة فيكى وتطهير نفسة لبداية صفحة جديدة معك هل تتغير نظرتك لة

هل سوف تثقى فية مرة اخرى

هل تشعرى بالغيرة من الماضى هل سوف تمر بيك لحظات تتمنى فيهاااا ان يكذب ليتجمل امامك

السلام عليكم و رحمة الله و بركاته

ليه حاسة السؤال اجابته فيه؟؟؟؟

بس افكر معاكي بصوت عالي

اول حاجة..... انا مش هاخد السؤال راجل و ست... لانك فوق قسمتي السؤال من زاويتين.... انا هبص عليه من وجهة نظر بني آدم... بيحس ينفع؟؟؟؟

عندي ايمان عميق ان كل ارتباط بين شخصين هو حالة متفردة جدا... مينفعشي نطبق عليها اي عموميات.... لان اللي يصلح مع ست ابوها و محمدين ميصلحشي مع شاهيناز و رستم (مين دول؟؟؟؟)...... كل شخصين بيكون ليهم الخلطة بتاعتهم اللي هي برضه في الاخر هتطلع فراخ مشوية بس نكهة غير!!!

بس فيه خطوط عريضة ممكن الناس تتفق عليها:

1- ايه جدوي السؤال في حد ذاته؟؟؟ محدش يقولي عشان اتلافي اللي حصل......معذرة غلط.....لان لا انتي هي و لا هي انتي.... و لا حتي الشخص نفسه هو نفسه من وقت لاخر...

طب انا بسال ليه.... و عشان ايه؟؟

اللي يدفعني للسؤال ليس النبش في الماضي بقدر هو احساس بعد الامان او الاستقرار مع الشخص بيخليني انبش في اشياء يخيل اليا انها ستصمت ابواق القلق اللي جوايا

2- مين قال ان هو كده العلاقة هتبقي كتاب مفتوح... و فيها صدق و وضوح؟؟؟ بالعكس هيكون فيها مزيد من التوجس و السؤال هيجر 100 سؤال وراه.... و 1000 مقارنة بطريقة واعية او في اللاوعي

3- ربنا قال " لا تسألوا عن أشياء ان تبدي لكم تسوءكم".... السياق القرآني في الاية لظرف معين... لكن الا يمكن ان احنا نقيس عليه حتي في حياتنا؟؟؟

4- انا كبني آدم غيور جدا جدا.....و لما ابقي عارف ده في نفسي..... آجي اكحلها اعميها ليه بقي

5- كان فيه مقولة عاجباني اوي....لاحلام مستغانمي

"يبدأ الكذب حقاً عندما نكون مرغمين على الجواب. ما عدا هذا, فكل ما سأقوله لك من تلقاء نفسي, هو صادق"

اذا قال من تلقاء نفسه.... يهمني حاجتين.....

الا يجرح من احبها يوما.......

الا يغرقني بالتفاصيل..... فقط يكفيني جدا ان يقول..... "كنا....... و انتهينا"......

و انا عارفة نفسي هصدقه......(عبط بقي......خيابة.....بس هصدقه...... لان كلمته هو امام مخاوفي... أمام سراب... تكسب كثيرا).....بس هتحمل بشجاعة تصديقي له في لحظة صادقة جدا بلا ندم

ع فكرة انا ممكن اكون غلط.... بس انا عاجباني كده

و ربنا قال برضه....."لا يكلف الله نفسا إلا وسعها"...... و هو ده وسعي

و ندحرج السؤال للي بعدي

طرااااااااااااااااااخش

فوتكم بعافية

[ذهبية]

مساء الخير عليكم يا جماعة

ازيك يا رضوى؟؟؟؟؟؟؟؟انتى كمان وحشتينى يا قمر و اللى كان مغيبى النت كان مخاصمنى كام يوم لحد ما اتصالحنا مع بعض

و انتى يا لموضة يا قمر المنتدى وجهة نظر لها مبرراتها المقنعة جدااا

وجهتين نظر مختلفتين تماما كل واحدة فيكم لكم حجتها المقنعة جدا جداااااا

ياترى العضو الىل هيجى بعدكم مع مين ؟؟؟؟؟؟؟؟؟؟؟

لية ياترى مش سامعة الصوت الخشن ؟؟؟؟؟؟؟؟؟

[alex fox]

احمممم احممممم...

دستووووووور...

حد خالع راسه..

شوفو يا جماعة...

بنتنا لماضة قالت كل اللى أنا كنت عايز أقوله وزيادة...

هى تناولت الموضوع بوجهة نظر محايدة...

وأجملت كل الكلام اللى ممكن يتقال فى عدة صفحات...

وأختصرته الى عدة سطور بأسلوب جميل ومنظم...

(والله براوة عليكى يابنت يالماضة...المرة الجاية هاجيبلك معايا عروسة حلاوة)

[ذهبية]

alex fox نشكر لك استجابتك السريعة و الرد

مفيش الا هو بس من الصوت الخشن اين انتم يا رجال المنتدى ؟؟؟؟؟؟؟؟؟ عايزين نسمع راى حضرتك؟؟؟؟؟