لعبة كلنا نشترك فيها

[الباشمهندس ياسر]

معملتش اي حاجة

دخلت نمت و خلاص

صحيت لقيت البرد عامل عمايله معايا و بتفس بالعافيه

س : اول ما صحيت ... لقيت نفسك بتفكر ف ايه؟

[عنبو]

: اول ما صحيت ... لقيت نفسك بتفكر ف ايه؟

هو مش اول لما صحيت تقدر تقول بقالى تلات ايام بفكر فى مشروع قدمنا عليه بس لسه مخدناش الموافقه عليه

ادعوا بقى ربنا يسهل وناخد عليه الموافقه

اخر اغنيه سمعتها ومعلقه معاك ؟؟

[الباشمهندس ياسر]

اخر اغنيه سمعتها ومعلقه معاك ؟؟

http://www.youtube.com/watch?v=wwHT5akY2w0...feature=related

س : عارف تفهم الحياة ولا عايش لوحدك و خلاص

[ذهبية]

اخر اغنيه سمعتها ومعلقه معاك ؟؟

http://www.youtube.com/watch?v=wwHT5akY2w0...feature=related

س : عارف تفهم الحياة ولا عايش لوحدك و خلاص

ياااة من كلمة عايش لوحدك دى خلعت قلبى من مكانة

ايوة عايشة لوحدى وخلاص وخلاص و خلاص

ممكن جدا تكون وسط ناس كتيرررر بس عايش لوحدك

ممكن جدااا يكونوا مش فاهمينك ممكن جدا تكون انت نفسك مش فاهم نفسك و عايز حد يفهمك نفسك مش لاقى

ممكن جدا تكون محتار متردد خايف دة مش بيحصل الا لما بتكون لوحدك لان لو مش لوحدك مش هتحس بدة اصلا

ام مووضع فهم الحياة ما تتعب نفسك فية كتير لان محدش يقدر يفهم الحياة دة سرة عند خالقة

[pocy]

انا عايزه اسأل سؤال ممكن ليه الواحد بقت اعصابه بتتعب من اقل كلمه

ليه مش بقي يقدر يسامح بسرعه ويصفي بسرعه زى زمان

منتظراكم

[joo]

انا عايزه اسأل سؤال ممكن ليه الواحد بقت اعصابه بتتعب من اقل كلمه

ليه مش بقي يقدر يسامح بسرعه ويصفي بسرعه زى زمان

منتظراكم

علشان لما الكبرياء بيمسكنا بنفقد السلام الداخلى ولما بنفقد السلام الداخلى بنكون صيدة سهلة للشيطان00 ويزن فى وداننا ويقول لنا 0

ازاى فولان يقولى كدة وازاى يوجهلى كلام زى دة 00 لالالالا انا مش ممكن اسامحة ابدا دى غلطة لا تغتفر00 وهكذا وهكذا

وفى النهاية نصاب بالاكتئاب وضيق الخلق ومنبأش مستحملين حد يقول لينا حاجة000 ومنعرفش ان كل دة من ترتيب الشيطان

واحنا زى العبط ماشيين وراة

تسدئى انى اتعصبت وانا بكتب الكلام دة :)

[لماضة مصرية جدا]

السلام عليكم و رحمة الله و بركاته

إممممم

الخلق بقي ضيق....و مش قادر تدخل راسك في فانلة في حوار مع اي حد....إممممممم

هي حاجة م اتنين

1- يا الواحد بيمر بضغط نفسي جامد و مش مبين.....و بالتالي بينفجر في اللي بيجي قدامه.

2- يا الواحد متضايق م واحد بعينه......و مش قادر يقوله الحاجة اللي مضايقاه... و اتهياله انه مسامح.....فلما تيجي حاجة اقل حدة...يتعصب عليها....كانه عايز يمسك في ياقة القميص... لانه مش هيستريح غير لما يقول اللي في نفسه

سؤالي بقي.....لو انت الاتنين في بعض تعمل ايه؟؟؟؟

محدش يقولي ينفجر بقي...... ده مش وارد خااااااااالص

عايزين هرش دماغه.... يا هتلاقوني بقي مأجرة حبة صعايدة و هنيجي ندغدغ المحكمة....

مساااااااااااكم شومة مرفوعة في الهوا.......يا فوقت.... يا فوقت

[joo]

ايوة كدة يا لماضة الصورة دى حلوة

دا انا اتسرعت من اللى فاتت

[pocy]

السلام عليكم و رحمة الله و بركاته

إممممم

الخلق بقي ضيق....و مش قادر تدخل راسك في فانلة في حوار مع اي حد....إممممممم

هي حاجة م اتنين

1- يا الواحد بيمر بضغط نفسي جامد و مش مبين.....و بالتالي بينفجر في اللي بيجي قدامه.

2- يا الواحد متضايق م واحد بعينه......و مش قادر يقوله الحاجة اللي مضايقاه... و اتهياله انه مسامح.....فلما تيجي حاجة اقل حدة...يتعصب عليها....كانه عايز يمسك في ياقة القميص... لانه مش هيستريح غير لما يقول اللي في نفسه

سؤالي بقي.....لو انت الاتنين في بعض تعمل ايه؟؟؟؟

محدش يقولي ينفجر بقي...... ده مش وارد خااااااااالص

عايزين هرش دماغه.... يا هتلاقوني بقي مأجرة حبة صعايدة و هنيجي ندغدغ المحكمة....

مساااااااااااكم شومة مرفوعة في الهوا.......يا فوقت.... يا فوقت

لماضه لمضوض انا منتظره اجابه سؤالك لانى حاسه بكده فعلا انى الاتنين مع بعض وربنا يستر ومش اقلب المحاورات على بعضها :lol:

[joo]

اسمعى دى يا بوسى وانت تطلعى من اللى انت فية

http://www.youtube.com/watch?v=qWRhvJ2HOgc

[pocy]

اسمعى دى يا بوسى وانت تطلعى من اللى انت فية

http://www.youtube.com/watch?v=qWRhvJ2HOgc

جو .....بجد ميرسي جدا جدا جدا جميله قوى :lol: :roseop:

[joo]

تكمن سعادتى دائما فى اضحاك الاخرين

سؤالى هو اية اكتر حاجة فى الحياة بتخليك سعيد؟

[رضوي]

السلام عليكم ورحمة الله وبركاته

طيب دة أنا قلت لنفسي ان اللعبة وقفت علشان ماحدش عنده أسئلة .........

وأتاري الناس كلها بتتسائل وعايزة اجابات علي أسئلتها

اممممممممممم

جري ايه يامحاوراتية ؟؟؟؟؟؟؟؟؟ مالكم خيييييييييييييييييييييييير اللهم اجلعه خير

وأنا اللي فاكرة نفسي اللي عندي اكتئاب ...... ياااااااااااااااااااااه دة انا كدة مفرفشة اخر حاجة ومابيهمنيش حاجة خااااااااااالص

بوسي حياتي

لما بتكوني مخنوقة اوي ومتعصبة اوي ومش طايقة تسمعي كلمة من حد .......... ومش قادرة تسامحي

لازم فيه حاجة مضايقاكي ومش عارفة تتكلمي فيها

يعني

موقف حصل اتضايقتي منه اوي ومش عارفة تناقشيه مع الطرف التاني او مش قادرة او مش عايزة تناقشيه ....... والحل هنا ياعمري انك تتكملي لانك طول ماانتي ساكتة هتتعبي اكتر وهتتعبي اللي حواليكي لانهم مش فاهمين السبب .......... والمشكلة بجد ان اللي عمل الموقف مايكونش واخد باله ان فيه حاجة غلط !!!!!!!!!!!!!

اكيد انتي فاهماني

اتكلمي وفضفضي .......... ماتسكتيش وتاخدي كورنر لوحدك ......... عارفة ان المفروض الطرف التاني يحس بغلطته ويعتذر ....... بس لو دة ماحصلش اتكلمي وهتلاقي الموضوع بسيييييييييييييييييييط جداً

وربنا يهدينا يارب

سؤالي

تعمل ايه لو محتاج حد تفضفض معاه ............. اه طبيب نفسي ............. تمدد علي الشازلونج وتحكي كل حاجة بطلاقة ...........تعبر عن نفسك شوية .......... تلاقي حد يسمعك وينصت لكلامك ..........حد عنده مهارة الاستماع ........حتي لو كنت هتقول كلام تافه ........ بس انت محتاج حد يسمعك شوية

ياتري تعمل ايه ؟؟؟؟؟؟؟؟

ماحدش يقولي كلمي نفسك ........... قربت اتجنن :lol:

[رضوي]

تكمن سعادتى دائما فى اضحاك الاخرين

سؤالى هو اية اكتر حاجة فى الحياة بتخليك سعيد؟

أكتر حاجة في الدنيا بتخليني سعيدة (الرضا )

حد يقولي ايه اللي بيخليكي تكوني راضية

هقولكم علي السر

الحب .................... لما احس ان كل اللي حوالية بيحبوني ( اقصد اللي يهموني لان صعب جدا الناس كلها تحبك ).......... وفي نفس الوقت انا بحب كل اللي حوالية .......................... ياااااااااااااااااااااااااااااه بجد بجد هي دي السعادة .............. انت شخص محبوب وبتحب ..........يعني لا كره ولا ضغائن

ايه الفلسفة الجامدة دي يارودي .......... ياسلام فينك يااروسو .......... (جان جاك روسو ) .............لو كنت عايش كان زمانك انتحرت :lol:

سؤالي فوق

[الباشمهندس ياسر]

ماحدش يقولي كلمي نفسك ........... قربت اتجنن :lol:

من 4 سنوات تقريبا

وصلت للمرحلة دي و كنت عاوز اتكلم مع حد معرفوش

دخلت الشات بتاع msn

و دخلت غرفة مصرية

و قلت يا جماعه انا عاوز اتكلم و براحتي

محدش يقطعني ولا يناقشني

سيبوني اقول كل اللي نفسي فيه

و فعلا الشباب احترموا رغبتي و سابوني قلت لغاية ما خلصت كل الكلام

نفسي اقولك اعملي كده

بس مش هينفع ... لانك بنت

ووضع البنت يختلف تماما عن وضع الولد

بس انصحك ... تمسكي ورقة و قلم و اكتبي لغاية ما ايدك توجعك

و بعد ما تخلصي كل اللي نفسك فيه...امسكي الورقة و احرقيها

هتحسي بفرق كبيييييير

[crossfield]

اولاً تحياتى للجميع و خاصة السادة الأعضاء القدامى

ماما سلوى و الأستا\ عادل أبو زيد و الأخ الكريم سى السيد و سكوربيون و محبط و غيرهم كتيييييييييييييير

يا ترى فيه حد لسه فاكرنى؟ (وش واحدة شعرها منكوش و ريحتها بصل و بتجرى ورا الواد ابنها حنتيرة طول النهار)

بسم الله

اول مشاركة بعد خمس ست سنين انقطاع عن المنتدى

سؤال رضوى

ايه اللى يخليك تحس بالرضا

سؤال اجابته نسبية

ساعات الواحد يحس بالرضا من حاجات صغيرة قوى و ساعات حاجات كبيرة الناس تحسدك عليها لكن و لا تفرق معاك

حد فهم حاجة؟

معلش ريحة البصل لسه مأثرة على تفكيرى

لكن أنا شخصياً باحس بالرضا لما تكون حركتى كتيرة

يعنى لما أطلع و أنزل و أخرج و أقابل ناس و اتكلم و اطلع اللى جوايا

لما أحس ان ليه لازمة عند اللى حواليه

لكن لما أكن كده فى مكانى باتخنق و ابقى ساخطة على الدنيا و اللى فيها

الرضا فى انك تبقى مفيد للى حواليك و تحس بساعدتهم فتبقى انت كمان سعيد

[pocy]

ميرسي يا جو وميرسي ليكى كتير يا رضوى يا حبيبتى (الا قوليل الواد عموره عامل ايه فى القهوره شغال غفير كويس ولا بيلعب وسايب الشغل وبيلعب بلي انا عارفاه بيموت فى البيلي)

سؤالى للى بعدى

ازاى تملى فراغ 12 ساعه ؟؟؟؟؟ومعاكى عمر عايز يلعب 12 ساعه دول

[لماضة مصرية جدا]

السلام عليكم و رحمة الله و بركاته

يا بنتي ابعتيلي عموري الاموري......و الله هظبطهولك تومام....و هنعمل احلي شو فيكي يا منطقة

بصي يا جميلة

عموري بيلعب ممكن يلعب مع نفسه كده....فيه العاب تخليه يعيش مع نفسه....و ان كنت شايفة انه في سن المفروض يختلك بقي بالبنات.... ....قصدي بالشباب...و بلاش خالو عنبو.....احنا بنتكلم في الناشئين اللي تحت الروكبة

فكرتي توديه حضانة؟؟؟؟؟

بس هتحسي من غيره و من غير شغل بفراغ اكتر

اوشوش في ودنك بحاجة........العبي معااااااااااه علي اد ما تقدري

هاتي كاميرا فيديو.....سجلي لحظاتكم مع بعض

لونوا وشوشكم......

العبي معاه بالميه........

بس برضه محتاج بناويت....يوووووووه....محتاج اطفال زييه

ماشي

سؤالي بقي:

استاذي ذو الست و خمسين شرطة......النهاردة دخل عليا...و انا كنت هلكانة في كتاب مسخرة بس حاطاه وسط كتاب تاني عشان مش ياخد باله (حركات ثانويو اعدادي حد فاكراها)

المهم برفع عيني من الكوتاب و كلي جدية.....الاقيه الراجل صبغ شعره......آه و الله......و لابس حوتة قميص.... يا خرااااشي... ايه ده تامر حسني في فيلم رصيف نمرة 5

و بعدين فضل قاعد عندي في المكتب يكلمني عن الشعر في العصر الاموي......و ازاي الشعر في منطقة المغرب العربي احنا متجاهلينه في الجامعة...(ع فكرة ده مش تخصصي خااااااااالص)

و انا قاعدة هفطس م الضوحك....و صعبان عليا اوي الكوتاب اللي مات مني ده جوه الكوتاب

المهم بعد حوالي 45 دقيقة.......روحت قولتله استاذ سوسكا زمبلك (ده الاسم الحركي بتاعه عندي)........مش هنصلي الضهر؟؟

قالي طبعا طبعا......انتي جدولك ايه النهاردة؟؟؟؟؟

انا صليت الضهر و اختفيت في ظروف غامضة

اعزائي المستمعين

ايه المراهقة و الهطل ده.......و الواحد لما يقابل حاجة زي كده....يطنشها و لا يصدمه ولا يطنش خااااااالص

بس خلاص

مسااااااااااكم........لون حقيقي من غير صبغات

[رضوي]

ميرسي يا جو وميرسي ليكى كتير يا رضوى يا حبيبتى (الا قوليل الواد عموره عامل ايه فى القهوره شغال غفير كويس ولا بيلعب وسايب الشغل وبيلعب بلي انا عارفاه بيموت فى البيلي)

سؤالى للى بعدى

ازاى تملى فراغ 12 ساعه ؟؟؟؟؟ومعاكى عمر عايز يلعب 12 ساعه دول

السلام عليكم ورحمة الله وبركاته

بوسي حبيبتي

وحشاني كتير

عموري الاموري منور القهوة .......... بس عمّال يعاكس كل البنات الشراقوة ........ وبعديييييييين ياعموري مش قلنا بلاش شقاوة .....

وقت الفراغ لو لم يتم استغلاله بالصورة السليمة اصبح حالة لاتطااااااااااااق من الملل والضجر

اه الاتنين مع بعض

شوفي عندي كدة كام اقتراح

- هوياتك فين ......... بتحبي تعملي ايه غير اللعب مع عموري

-استغلي وقت الفراغ دة في تنمية ثقافة الامومة عندك ......... اه هاتي كتب عن الاطفال في سن عموري والاكبر من سنه وابدئي اعرفي احتياجاتهم ومشاكلهم ......... الخ

- طوري نفسك في مجال دراستك ....... يعني شوفي ايه احدث برامج موجودة وحاولي تتعرفي عليها بشكل اوسع .......ازاي تقدري تبقي دايما ملمة بكل جديد في مجالك واذ ربما في المجالات المختلة كمان

- خصصي وقت من ال 12 ساعة دول واحفظي فيه قرآن واقري في قصص الأنبياء و ذودي حصيلتك الاسلامية

- اهتمي أكثر ببيتك وجوزك وابتكري حاجات جديدة لتغيير حياتك للافضل

- الاشغال اليدوية الجميلة بتنمي الثقة في النفس وبتديكي احساس فوق الرائع بالانجاز وانك عملتي حاجة بنفسك ( اه اشغال البنات الفنية الخفيفة دي فاكراها )

- هاتي مجموعة كتب خيالية واسرحي معاها لعالم خيالي واسع ينمي فيكي حتة الابتكار والبعد عن الروتينية والتقليديدية ( ناس كتير اوي بيشوفونا تقليديين لكن ماقدروش يشوفوا طاقة الابداع الموجودة عندك لازم تظهيرها وتجدديها دايماً )

- ماتنسيش جمالك ورونقك وأنوثتك لازم ياخدوا مساحة خاصة من وقتك ........ وماتنسيش انك اجمل نساء العالم ...... بس برده محتاجة تجديد لبريق جمالك لزيدك جاذبية يوماً عما سبق

ها

بعد كدة لسه فيه وقت ............ هتلاقي نفسك بتقولي ........... ايه دة هي الايام بقت بتجري اوي كدة ليه

لموضة الجميلة

حير يابنتي

مين عمو اللي صابغ شعره دة ........... مش يمكن يابنتي وقع علي شعره شوية كلور ولا حاجة ..... اذ ربما برده ماتظلميش الراجل

وعمال ساعة الاربع نازل رغي كمان .................. ياااااااااااااصبر ايوب ......... وانتي استحملتي ياااااااااااااااه

اقولك علي حاجة

كان عندي واحدة صاحبتي بتتبع اسلوب ومبدأ جامد مع الناس دي .................. طنش تعييييييييش

كبري دماغك منه خاااااالص ........... اشتريها يعني

وتعمدي التجاهل معاه .......... عامليه علي انه فراااااااااااااااااااااااااااااااغ ......... هوا

سؤالي بقي

تعمل ايه لما تبقي عندك شغل مهم جداً وفاضل حاجة بسيطة اوي ويكمل ........... ومش عارف تكلمه ...... حاسس ان الدنيا وقفت معاك لحد هنا ....... عايز اشارة لطريقة بسيطة ...... او يمكن تشجيع ...... بصراحة .. انت اصلا مش عارف عايز ايه ......

في الحالات اللي زي دي ....... تفتكروا نعمل ايه ؟

[joo]

ساعات لما الواحد بيكون ماسك شغل فى ايدة وفاضل رطوش اخيرة علشان يكمل الواحد بيحس انة متوتر جدا

بس فى الحالة دى لازم اخد رست ( انام او اخرج او الكمبيوتر) المهم حاجة تلهينى عن الشغل شوية

وبعد كدة ارجع للشغل دة فى قمة نشاطى

واسمعى دى

http://www.youtube.com/watch?v=YBJk_J48RLg